သွံၣ်ဆၢတၢ်ဆါလၢတဘၣ်တၢ်ကူစါအီၤဂ့ၤဂ့ၤန့ၣ် ဒုးကဲထီၣ် မဲာ်ချံကဘျၣ်တၢ်ဆါလၢအဘၣ်ထွဲဒီးသွံၣ်ဆၢတၢ်ဆါ ဒီးတၢ်ဂ့ၢ်ကီတဖၣ်လၢအဘၣ်ဃးဒီးမဲာ်ချံသ့န့ၣ်လီၤ. တၢ်ဟံးန့ၢ်မဲာ်ချံအတၢ်မၤကွၢ်တနံၣ်တဘျီန့ၣ် ဃုထံၣ်စၢၤမဲာ်ချံတၢ်ဆါတဖၣ်လၢအဘၣ်ဃးဒီးသွံၣ်ဆၢတၢ်ဆါအဃိ အဝဲန့ၣ်ပှၤကူစါအီၤသ့ဆိဆိန့ၣ်လီၤ.
တၢ်ကွဲးပာ်ဖျါဘၣ်ဃးသွံၣ်ဆၢတၢ်ဆါ
သွံၣ်ဆၢတၢ်ဆါန့ၣ် ဒုးအိၣ်ထီၣ်တၢ်ဆၢအါမးလၢပှၤကညီအသွံၣ်ကျါန့ၣ်လီၤ. အဝဲန့ၣ်ကဲထီၣ် ဖဲပှၤကညီတထုးထီၣ် အ့ၣ်ဆူၣ်လ့ၣ် လၢအဝဲအနီၢ်ခိပူၤ (အကလုာ် 1) မ့တမ့ၢ်ဖဲအနီၢ်ကစၢ်န့ၣ် တြီဆၢအ့ၣ်ဆူၣ်လ့ၣ် (အကလုာ် 2) န့ၣ်လီၤ. အ့ၣ်ဆူၣ်လ့ၣ်မ့ၢ် ဟီၣ်မိအသဟီၣ်တမံၤ လၢအမၤစှၤစၢၤတၢ်အဆၢ (ကိးဝဲစ့ၢ်ကီးလၢ ကလူကိး(စ)) လၢသွံၣ်ကျိၤအပူၤန့ၣ်လီၤ. ကလူကိး(စ)အါတလၢန့ၣ် ဒုးကဲထီၣ်ဆူၣ်ချ့တၢ်ဂ့ၢ်ကီဖးဒိၣ်တဖၣ် လၢအမၤဘၣ်ဒိဘၣ်ထံးသးဖျၢၣ်, ကလ့ၢ်တဖၣ်ဒီးမဲာ်ချံတဖၣ်န့ၣ်လီၤ.
မဲာ်ချံတၢ်ဆါတဖၣ်လၢအဘၣ်ထွဲဒီးသွံၣ်ဆၢတၢ်ဆါ
မဲာ်ချံအကဘျၣ်တၢ်ဆါလၢအဘၣ်ထွဲဒီးသွံၣ်ဆၢတၢ်ဆါန့ၣ် မ့ၢ်တၢ်ဘၣ်ယိၣ်တမံၤလၢ ပှၤလၢအအိၣ်ဒီးသွံၣ်ဆၢတၢ်ဆါတဖၣ်အဂီၢ် ဒီးမ့ၢ်ဝဲတၢ်မဲာ်ဘျီၣ်အဂ့ၢ်အကျိၤ နီၣ်ဂံၢ်တၢန့ၣ်လီၤ. ပှၤတဂၤအသွံၣ်ပူၤတၢ်ဆၢအပတီၢ်န့ၣ် မ့ၢ်ပၢၤတသ့ဒီးမ့ၢ်အိၣ်ထီဘၣ်ဆၢဘၣ်ကတီၢ်န့ၣ် သွံၣ်ကျိၤတဖၣ်လၢမဲာ်ချံအပူၤန့ၣ် ဟးဂီၤသ့ဒီးဘၣ်ဒိဘၣ်ထံးမဲာ်ချံတၢ်ထံၣ်န့ၣ်လီၤ. အဝဲန့ၣ် ဒုးကဲထီၣ်မဲာ်ခံဘျီသ့လီၤ.
တၢ်ဘၣ်ယိၣ်အဂၤတမံၤန့ၣ် မ့ၢ်မဲာ်ချံကဘျၣ်ညိးထီၣ်ခီဖျိသွံၣ်ဆၢတၢ်ဆါ လၢအကဲထီၣ်ဖဲသွံၣ်လၢအအိၣ်ဒီးတၢ်ဆၢအါမးန့ၣ် လီၤစီၤဆူမဲာ်ချံကဘျၣ်အပူၤန့ၣ်လီၤ.
ဟံးန့ၢ်မဲာ်ချံအတၢ်မၤကွၢ်တဖၣ်ကိးနံၣ်ဒဲးတက့ၢ်
ကသံၣ်သရၣ်တဖၣ်ဟ့ၣ်ကူၣ်လၢ ပှၤသးပှၢ်တဖၣ်လၢအအိၣ်ဒီးသွံၣ်ဆၢတၢ်ဆါန့ၣ် ကြၢးဟံးန့ၢ်မဲာ်ချံဒိၣ်ထီၣ်အတၢ်မၤကွၢ် ဒ်သိးကခံကွၢ်စီကွၢ်တၢ်လၢ သွံၣ်ကျိၤဆံးတၢ်ဂ့ၢ်ကီတဖၣ် လၢအမၤဘၣ်ဒိပှၤကညီလၢအအိၣ်ဒီးသွံၣ်ဆၢတၢ်ဆါတဖၣ်န့ၣ်လီၤ. မဲာ်ချံကသံၣ်သရၣ်န့ၣ် ခံကွၢ်စီကွၢ်မဲာ်ချံအကဘျၣ် (မဲာ်ချံလီၢ်ခံ) လၢမဲာ်ချံကဘျၣ်တၢ်ဆါအတၢ်ပနီၣ် ဒီးမၣ်ခၠူၣ်လၣ် (မဲာ်ချံကဘျၣ်အခၢၣ်သး) လၢမဲာ်ချံကဘျၣ်ညိးထီၣ်ခီဖျိသွံၣ်ဆၢတၢ်ဆါအဂီၢ်န့ၣ်လီၤ.
လၢတနံၣ်တဘျီမဲာ်ချံအတၢ်မၤကွၢ်န့ၣ် မဲာ်ချံကသံၣ်သရၣ်န့ၣ်:
- ကမၤလဲၢ်ထီၣ်နမဲာ်ချံ ဒ်သိးကကွၢ်မဲာ်ချံကဘျၣ်အဂီၢ်
- နလိၣ်ဘၣ်လါနါအတၢ်ဘှီဧါန့ၣ် ကဆိမိၣ်
- ခံကွၢ်စီကွၢ်နမဲာ်ချံအတၢ်ဆီၣ်သနံးလၢ ကလၢ်ခိမၣ်မဲာ်ချံတၢ်ဆါအဂီၢ်
- ဃုထံၣ်တၢ်ဘၣ်ယိၣ်အဂၤတဖၣ် လၢတဘၣ်ဃးဒီးသွံၣ်ဆၢတၢ်ဆါ ဒ်သိးမဲာ်ပှၤဖိထီၣ်ဝါဒီးမဲာ်ချံဃ့ထီ
သုးကျဲၤပၢၤနသွံၣ်ဆၢတၢ်ဆါတက့ၢ်
ဒ်သိးကအိၣ်ဆူၣ်အဂီၢ် အကါဒိၣ်လၢ:
- ကသမံသမိးနသွံၣ်တၢ်ဆၢဘၣ်ဆၢဘၣ်ကတီၢ်
- အီကသံၣ်တဖၣ်လၢနကသံၣ်သရၣ်ဟ့ၣ်နၤ ဒ်သိးကသုးကျဲၤပၢၤနသွံၣ်တၢ်ဆၢ
- အီၣ်တၢ်အီၣ်လၢအဂ့ၤလၢနတၢ်အိၣ်ဆူၣ်အိၣ်ချ့အဂီၢ်, ဟူးဂဲၤလိာ်ကွဲဘၣ်ဆၢဘၣ်ကတီၢ်ဒီးပၢၤနီၢ်အဃၢလၢအဆူၣ်ချ့
- လဲၤထံၣ်နကသံၣ်သရၣ်ဘၣ်ဆၢဘၣ်ကတီၢ်
- ဟံးန့ၢ်မဲာ်ချံအတၢ်မၤကွၢ်တဖၣ်ကိးနံၣ်ဒဲး
- ဟးဆှဲးညါသူးတက့ၢ်
Blue Cross တၢ်ရဲၣ်တၢ်ကျဲၤတဖၣ်လၢ ပှၤလၢအအိၣ်ဒီးသွံၣ်ဆၢတၢ်ဆါတဖၣ်အဂီၢ်
Blue Cross ဟ့ၣ်ဝဲ တၢ်သုးကျဲၤတၢ်ဂ့ၢ် ဒီးတၢ်ဆှၢတၢ်ကူၣ်ဘၣ်ကူၣ်သ့အလံာ်ပရၢ ဒ်သိးကသုးကျဲၤပၢၤစၢၤသွံၣ်ဆၢတၢ်ဆါအဂီၢ်န့ၣ်လီၤ. တၢ်ကဟုကယာ်ကွၢ်ထွဲတၢ်ပၢဆှၢတၢ်အ တၢ်ရဲၣ်တၢ်ကျဲၤအံၤလၢ ကရူၢ်ဖိတဖၣ်လၢအကြၢးထီၣ်၀ဲတဖၣ်အဂီၢ် တၢ်လၢာ်ဘူးလၢာ်စ့တအိၣ်ဘၣ်ဒီး, မ့ၢ်၀ဲမုာ်သးမၤကလီဒီးတၢ်ဂ့ၢ်ခူၣ်သူၣ်န့ၣ်လီၤ. လၢကမၤလိတၢ်အါထီၣ်အဂီၢ်, ကိးဘၣ်တၢ်မၤစၢၤလၢပှၤပှ့ၤတၢ်အဂီၢ်လီတဲစိနီၣ်ဂံၢ် လၢနကရူၢ်ဖိ ID ခးက့တက့ၢ်.
ဆူၣ်ချ့တၢ်ဟ့ၣ်ကူၣ်ဟ့ၣ်ဖးအဂၤတဖၣ်
မၤလိတၢ်အါထီၣ်ဘၣ်ဃးသွံၣ်ဆၢတၢ်ဆါ
တၢ်သမံသမိးသွံၣ်ဆၢတၢ်ဆါအတၢ်ဘၣ်ယိၣ်
တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
တၢ်သမံသမိး
နီၢ်ခိဒီးတၢ်ဒီသဒၢတၢ်လဲၤထံၣ်လိာ်
ကျဲ5ဘိလၢကဒီသဒၢနမဲာ်ချံအဂီၢ်
5 မဲာ်ချံတၢ်ဆါကဲထီၣ်အါကတၢၢ်တဖၣ်