ပဝဲခဲလၢာ်ပမၤပသးဒ်န့ၣ်အသိးလီၤႉ မုၢ်နံၤမုၢ်သီလၢအပှဲၤဒီးသးတၢ်ဃၢတၢ်စံာ်, နလီၤဘှံးလီၤတီၤ, ဒီးအၣ်လူဆဲးသိတဘိၣ် မ့တမ့ၢ် ကိၣ်ထံခုၣ်ဖီပှဲၤထံခွးတဖျၢၣ်န့ၣ် ကိးထီၣ်နၤလံန့ၣ်လီၤ. နတြီဆၢမ့ၢ်ကဲဒီး, တၢ်ဃုထၢလၢအဆူၣ်ချ့န့ၢ်ဒံးအီၤ အိၣ်၀ဲန့ၣ်လီၤ. တၢ်တြီဆၢဒီသဒၢတၢ်ဆူးတၢ်ဆါအလီၢ်ခၢၣ်သး ဟ့ၣ်ပလီၢ်လၢ တၢ်အီၣ်တၢ်အီလၢပအီၣ်ညီနုၢ်လၢအတဂ့ၤတဘၣ် ဒီးတၢ်တဟူးတဂဲၤန့ၣ် မ့ၢ်ဒၣ်မ့ၢ်တၢ်ဂ့ၢ်အဒိၣ်ကတၢၢ်တမံၤလၢ ပှၤအမဲရကၤဖိမၤ၀ဲလၢ ကဒီသဒၢလီၤအသးလၢတၢ်သံတၢ်ပှၢ်သ့န့ၣ်လီၤ.
တၢ်အီၣ်တၢ်အီလုၢ်လၢ်လၢအကြၢးဒီးဆူၣ်ချ့န့ၣ် နသ့ၣ်ညါ၀ဲထဲလဲၣ်. မၤကွၢ်နတၢ်သ့ၣ်ညါန့ၣ်တက့ၢ်. သ့ၣ်ညါအါထီၣ်နသးလၢတၢ်ဟ့ၣ်ကူၣ်တဖၣ် ဒ်သိးကအီၣ်တၢ်အီၣ်တၢ်အီတဖၣ်ကြၢးဒီးဆူၣ်ချ့, မၤပှဲၤနနီၢ်ကစၢ်ဒီးထံ, ဒီးမၤတၢ်သူၣ်ဖှံသးညီ, ခီၣ်ခါညီ၀ဲတဖၣ်အံၤကဆှၢနၤဆူ ဆူၣ်ချ့ဂ့ၤန့ၢ်ဒံး ဒီးဆူၣ်ချ့လၢပှဲၤဂံၢ်ဘါအဂီၢ်န့ၣ်တက့ၢ်.
စးထီၣ်လၢတၢ်အခီၣ်ထံးခီၣ်ဘိတဖၣ်
နကမၤလၢာ်ဂီၤအနၣ်ရံၣ်အါမး ဖဲနဃုကွၢ်တၢ်ဂ့ၢ်ဘၣ်ဃးတၢ်အီၣ်တၢ်အီလုၢ်လၢ်ကြၢးဒီးဆူၣ်ချ့အတၢ်ဟ့ၣ်ကူၣ်ဟ့ၣ်ဖးတဖၣ် လၢပှာ်ယဲၤသန့အဖီခိၣ်န့ၣ်လီၤ. ဘၣ်ဆၣ် တၢ်သးသူဂဲၤမၤတၢ်တစိၢ်တလီၢ်ဒီးဟါမၢ်ကွံာ်၀ဲ မ့တမ့ၢ်တၢ်ဂ့ၢ်ထီဒါလိာ်သးဘၣ်ဃးဒီးတၢ်အီၣ်န့ၢ်ဂံၢ်န့ၢ်ဘါ လၢအလီၤဒံ၀့ၤဒံ၀ီၤအလီၢ်န့ၣ်, နီၣ်ဘၣ်တၢ်ဟ့ၣ်ကူၣ်ညီညီဖိတဖၣ်အံၤ:
- မ့ၢ်အမဲထီၣ်လၢဟီၣ်ခိၣ်ညၣ်ထ့ၣ်ပူၤဒီး, တၢ်န့ၣ်ဂ့ၤအါလၢနဂီၢ်န့ၣ်လီၤ.
- မ့ၢ်တၢ်ဘှိၣ်ထီၣ်လၢဖျးစတံးအပူၤဒီး, ဖျါလၢအန့ၣ် ဘၣ်တၢ်ကတဲာ်ကတီၤအီၤလၢစဲးဖီၣ်တၢ်အီၣ်ပူၤ ဒီးတကြၢးဒီးဆူၣ်ချ့အဂီၢ်ဘၣ်န့ၣ်လီၤ.
- ပှ့ၤတၢ်လၢပနံာ်ရိကျးအချၢန့ၣ် မ့ၢ်ကျဲဂ့ၤကတၢၢ်လၢနဆူၣ်ချ့အဂီၢ်န့ၣ်လီၤ.
- တၤသူတၤသၣ်-အရီၢ် တၢ်အီၣ်တၢ်အီတဖၣ်န့ၣ် တပၣ်ဃုာ်ဒီးတၤသူတၤသၣ်နီၢ်ကီၢ်ဘၣ်န့ၣ်လီၤ.
- ထံန့ၣ် မ့ၢ်၀ဲဆူၣ်ချ့ကတၢၢ်တၢ်အီအကလုာ်လၢနဂီၢ်န့ၣ်လီၤ. ဒီးနနီၢ်ကစၢ်လိၣ်ဘၣ်အီၤအါမးန့ၣ်လီၤ.
- နနီၢ်ကစၢ်လိၣ်ဘၣ်၀ဲတၢ်အသဟီၣ် ဒ်သိးကမၤစှၤလီၤနီၢ်ကစၢ်အဃၢ; တအီၣ်တၢ်အီတၢ်လၢလၢလီၢ်လီၢ်န့ၣ်တကြၢးဒီးဆူၣ်ချ့ဘၣ်န့ၣ်လီၤ.
- နီၢ်ခိတၢ်ဟူးဂဲၤလိာ်ကွဲအါမးန့ၣ် တဘၣ်တၢ်မၤန့ၣ်အီၤလၢ တၢ်အီၣ်စ့ၣ်အီၣ်စှၤလၢအတဂ့ၤအဂီၢ်ဘၣ်န့ၣ်လီၤ.
လီၤဆီဒၣ်တၢ်ဃုာ်ဒီးတၢ်သ့ၣ်ညါဒီးတၢ်ဆိကမိၣ်တၢ်ထံၣ်တဖၣ်, နစးထီၣ်ဆီတလဲနအီၣ်တၢ်အီတၢ်အလုၢ်အလၢ်တဖၣ်တဘျီဃီသ့၀ဲ ဒီးစးထီၣ်အိၣ်မူဆူၣ်ချ့အါထီၣ်န့ၣ်တက့ၢ်.
ပမၤစၢၤသ့
မ့ၢ်နလိၣ်ဘၣ်တၢ်ဘှီဘၣ်မၤဂ့ၤထီၣ်က့ၤလၢပှဲၤလၢတၢ်အီၣ်တၢ်အီလၢနညီနုၢ်အီၣ်မ့ၢ်ဂ့ၤ နအဲၣ်ဒိးဃုကွၢ်တၢ်ဖီအီၣ်ဖီအီတဖၣ်လၢကြၢးဒီးဆူၣ်ချ့ ဒီးမၤဘၣ်ဘျိးဘၣ်ဒါက့ၤနတၢ်အီၣ်တၢ်အီအလုၢ်အလၢ်တဖၣ်မ့ၢ်ဂ့ၤ, ပအဲၣ်ဒိးမၤစၢၤန့ၣ်လီၤ. Blue Cross န့ၣ် ကမၤစၢၤနၤ ဒ်သိးနကအိၣ်မူတၢ်အိၣ်မူလၢပှဲၤဆူၣ်ချ့အါထီၣ်အဂီၢ်န့ၣ်လီၤ.
ကွၢ် Blue Cross ဆူၣ်ချ့တၢ်ရဲၣ်တၢ်ကျဲၤတဖၣ်