တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်စံးတၢ်န့ၣ် မ့ၢ်မနုၤလဲၣ်.

မၤလိသ့ၣ်ညါအါထီၣ်ဘၣ်ဃး တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အဂ့ၢ် ဒီး ကဘၣ်လူၤပိာ်ကွၢ်ထွဲအီၤဒ်လာ်အံၤအသိးဒ်လဲၣ်အဂ့ၢ်လီၤႉ ဒ်သိးကဃုထံၣ်က့ၤ တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်တခါမၤဃုာ်တၢ်ဒီး ဆူၣ်ချ့တၢ်ကွၢ်ထွဲတၢ်လၢာ်ဘူၣ်လၢာ်စ့အဂၤတဖၣ်ဒ်လဲၣ်န့ၣ်, ကွၢ်ဖဲ တၢ်ဟ့ၣ်လၢဆူၣ်ချ့တၢ်ကွၢ်ထွဲအဂီၢ် တက့ၢ်.

ဟ့ၣ်တၢ်လၢနဆူၣ်ချ့တၢ်ကွၢ်ထွဲအဂီၢ်

တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ်မၤတၢ်မၤဒ်လဲၣ်ႉ

တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ်မ့ၢ်ဝဲဒၣ် ကျိၣ်စ့အအါကတၢၢ်လၢနဟ့ၣ်သ့ ဒ်သိးကမၤလၢပှဲၤ ဆူၣ်ချ့တၢ်ဟ့ၣ်မၤစၢၤတၢ်မၤတဖၣ်အဂီၢ်ဒီး/မ့တမ့ၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်လီၤႉ တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်န့ၣ် တပၣ်ဝဲလၢန တၢ်အုၣ်ကီၤအဘူးအလဲတလါဘၣ်တလါအဂီၢ်ဘၣ်န့ၣ်လီၤ. အဝဲဒၣ်ညီနုာ်ပၣ်ဃုာ်ဒီးန တၢ်ဟ့ၣ်ဆိအဘူးအလဲ, တၢ်အုၣ်ကီၤဟ့ၣ်သဃဲၤဒီးတၢ်ဟ့ၣ်သဃဲၤ,ဘၣ်ဆၣ်တၢ်တဖၣ်အံၤအိၣ်လီၤဆီလိာ်အသးဒ်တၢ်တိာ်ကျဲၤအသိးလီၤႉ

ကသံၣ်ကသီတၢ်ကွၢ်ထွဲဒ် တၢ်အိၣ်ဆူၣ်အိၣ်ချ့အပတီၢ်အိၣ်ဝဲအဖၢမုာ်အသိး, ကသံၣ်ကသီလၢအပှ့ၤဒိၣ် မ့တမ့ၢ် တၢ်ကူးကွဲးယါဘျါလၢအတၢ်လၢာ်ဘူၣ်လၢာ်စ့အါ ကမၤပှဲၤဝဲနတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အဂီၢ်သ့ဝဲန့ၣ်လီၤႉ

တၢ်ဘူးတၢ်လဲလၢယဟ့ၣ်တ့ၢ်အီၤန့ၣ်ယဃုထံၣ်န့ၢ်အီၤကသ့ဒ်လဲၣ်.

အဝဲအံၤမ့ၢ်တၢ်အဒိတခါလၢကဒုးနဲၣ်ဖျါတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်မၤတၢ်မၤဒ်လဲၣ်အဂ့ၢ်:

Jennyလိၣ်ဘၣ်တၢ်ကူးကွဲးယါဘျါ ဒီး သးအိၣ်မၤလီၤတံၢ်ဝဲလၢအကဒိးန့ၢ်ဘၣ်ဝဲ တၢ်ဟ့ၣ်အဘူးအလဲအအါကတၢၢ်အဂီၢ်လီၤႉ တချုးအကွဲးကါအသးဒံးဘၣ်န့ၣ်, အဝဲဃုထံၣ်သမံသမိးတၢ်ဒ်သိးကမၤလီၤတံၢ်ဝဲ အကသံၣ်သရၣ်ဒီးတၢ်ဆါဟံၣ်န့ၣ်အိၣ်ဝဲလၢအတၢ်တိာ်ကျဲၤ တၢ်ဘျးစဲအပူၤ*ဒီးလူၤပိာ်ထွဲဝဲဒ်တၢ်နဲၣ်ကျဲအပတီၢ်အိၣ်အသိးလၢအလိၣ်ဘၣ်ဝဲလၢ တၢ်ကဟ့ၣ်စိဟ့ၣ်ကမီၤပာ်စၢၤအီၤအဂီၢ်န့ၣ်လီၤႉ.

• တၢ်လၢာ်ဘူၣ်လၢာ်စ့ခဲလၢာ်ပာ်ဖှိၣ်လၢ Jennyကကွဲးကါအသးအဂီၢ်န့ၣ်မ့ၢ်ဝဲဒၣ် $10,000 ဖဲတၢ်တိာ်ကျဲၤမၤဝံၤဝဲတၢ်ဃ့က့ၤအဘူးအလဲအဂီၢ်လီၤႉ
• အဝဲကဘၣ်ဟ့ၣ်ဝဲ $1,500 လၢတၢ်ဟ့ၣ်ဆိအဘူးအလဲဃုာ်ဒီး တၢ်အုၣ်ကီၤဟ့ၣ်သဃဲၤ20% ဒီး တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်တခါ ဒ်အမ့ၢ် $3,500န့ၣ်လီၤႉ
  

Jennyဟ့ၣ်အကသံၣ်သရၣ်ဒီးတၢ်ဆါဟံၣ် $3,200 ($1,500 တၢ်ဟ့ၣ်ဆိအဘူးအလဲဃုာ်ဒီး $1,700 တၢ်အုၣ်ကီၤဟ့ၣ်သဃဲၤ). အဝဲအိၣ်ဒီး $300 လၢအကဘၣ်ဟ့ၣ်အါထီၣ်ဝဲ တချုးဖဲအတုၤဃီၤဆူတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အပတီၢ်န့ၣ်လီၤႉ

မ့မ့ၢ်လၢကၠဲနံၣ်အကျိာ်အစ့တဖၣ်လၢတၢ်တိာ်ကျဲၤတၢ်ဘျးစဲအပူၤ လၢာ်ကွံာ်ဝဲလၢတၢ်ကွဲးကါတၢ်အဂီၢ်အဃိဒီး, လၢအဝဲအဂီၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အပတီၢ်န့ၣ်ကအါထီၣ်ဝဲဒၣ်လီၤႉ အတၢ်တၢ်ဟ့ၣ်ဆိအဘူးအလဲစ့ၢ်ကီး ကအါထီၣ်ဝဲဒၣ်လၢတၢ်အံးထွဲကွၢ်ထွဲ လၢတၢ်တိာ်ကျဲၤဘျးစဲပူၤန့ၣ်လီၤႉ လၢတၢ်န့ၣ်အဃိအရ့ဒိၣ်လၢနကဃုထံၣ်န့ၢ် တၢ်ကွၢ်ထွဲလၢနတၢ်တိာ်ကျဲၤတၢ်ဘျးစဲအပူၤ, အဂ့ၢ်မ့ၢ်လၢနကအိၣ်ဒီးတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် လၢအစှၤအဂီၢ်လီၤႉ ကၠဲနံၣ်ကဘၣ်ဟ့ၣ်လီၤတၢ်အဘူးအလဲခဲလၢာ်လၢ Blue Cross တမၤစၢၤဝဲဒၣ်တဖၣ်အဂီၢ် မ့မ့ၢ်လၢအတူၢ်လိာ်ဝဲ တၢ်ကွၢ်ထွဲလၢအတၢ်တိာ်ကျဲၤတၢ်ဘျးစဲအချၢအဃိလီၤႉ တၢ်အဘူးအလဲတဖၣ်အံၤ တဘၣ်တၢ်ဂံၢ်ထၢနုာ်အီၤလၢ အတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်တၢ်ဘျးစဲအပူၤဘၣ်ႉ

ယမ့ၢ်တုၤဃီၤဆူ တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် ပတီၢ်န့ၣ်တၢ်ကမၤအသးဒ်လဲၣ်ႉ

နမ့ၢ်တုၤဃီၤဆူ တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ် ပတီၢ်လၢတၢ်ဘျးစဲအပူၤန့ၣ်ဒီး, နဆူၣ်ချ့တၢ်တိာ်ကျဲၤကမၤပှဲၤထီၣ်ဝဲ ဆူၣ်ချ့တၢ်ကွၢ်ထွဲအဘူးအလဲဒီး ကသံၣ်ကသီတဖၣ်လၢကသံၣ်သရၣ်ဟ့ၣ်တဖၣ်အဂီၢ် တုၤဃီၤဆူနံၣ်အကတၢၢ်တစုန့ၣ်လီၤႉ နတၢ်တိာ်ကျဲၤကဟ့ၣ်ဝဲတၢ်အဘူးအလဲဒ်သိးအံၤတဖၣ်အဂီၢ် ထဲလၢတၢ်ဟ့ၣ်မၤစၢၤတၢ်မၤဒီး ကသံၣ်ကသီတဖၣ်လၢကသံၣ်သရၣ်ဟ့ၣ်တဖၣ်န့ၣ် အလီၢ်အိၣ်သပှၢ်တၢၢ်လၢတၢ်ကူစါယါဘျါတၢ်အဂီၢ်အဃိန့ၣ်လီၤႉ

တၢ်ဂ့ၢ်အါထီၣ်ဘၣ်ဃးဒီးဆူၣ်ချ့တၢ်ကွၢ်ထွဲအဘူးအလဲ

ယလူၤပိာ်ဒီးကွၢ်ယတၢ်ဃ့က့ၤအဘူးအလဲကသ့ဒ်လဲၣ်.
ဘၣ်မနုၤအဃိယဒိးန့ၢ်တၢ်ဃ့စရီအလံာ်ဖီလၢတၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်အဂီၢ်န့ၣ်လဲၣ်.
တၢ်တိာ်ကျဲၤဘျးစဲစံးတၢ်န့ၣ် မ့ၢ်မနုၤလဲၣ် ဒီးဘၣ်မနုၤအဃိအရ့ဒိၣ်လဲၣ်.
ယကဘၣ်ဖးတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) ဒ်လဲၣ်
ကျဲလၢကမၤစှၤလီၤဆူၣ်ချ့တၢ်ကွၢ်ထွဲအဘူးအလဲ အိၣ်ဝဲ7 ဘိညါလီၤ