ဆူၣ်ချ့တၢ်အုၣ်ကီၤအဘူးအလဲ ဖရံမံယၢၣ်စံးတၢ်န့ၣ် မ့ၢ်မနုၤလဲၣ်.

ဃုသ့ၣ်ညါအါထီၣ်ဆူၣ်ချ့တၢ်အုၣ်ကီၤအဘူးအလဲဖရံမံယၢၣ်မ့ၢ်မနုလဲၣ်ဒီးနဟ့ၣ်အီၤကသ့ဒ်လဲၣ်အဂ့ၢ်န့ၣ်တက့ၢ်. လၢကသ့ၣ်ညါနၢ်ပၢၢ်ထီၣ်လၢတၢ်အုၣ်ကီၤအဘူးအလဲဘၣ်ထွဲဒီးဆူၣ်ချ့တၢ်ကွၢ်ထွဲအတၢ်ဘူးတၢ်လဲဒ်လဲၣ်အဂ့ၢ် ကွၢ်တၢ်ဂ့ၢ်ဘၣ်ဃးဒီးတၢ်ပှ့ၤဘၣ်ဆူၣ်ချ့တၢ်ကွၢ်ထွဲဘူးလဲန့ၣ်တက့ၢ်.

တၢ်ဟ့ၣ်အပှ့ၤဘၣ်ဃးဆူၣ်ချ့တၢ်ကွၢ်ထွဲ

ယတၢ်အုၣ်ကီၤအဘူးအလဲဘၣ်ထွဲဒီးယဆူၣ်ချ့တၢ်ကွၢ်ထွဲ အတၢ်တိာ်ကျဲၤဒ်လဲၣ်.

တၢ်အုၣ်ကီၤအဘူးအလဲဘၣ်ထွဲဝဲဒီးတၢ်န့ၢ်ဘျုးတဖၣ်လၢနဆူၣ်ချ့တၢ်တိာ်ကျဲၤ အပူၤန့ၣ်လီၤ. ညီနုၢ်န့ၣ် နတၢ်ဟ့ၣ်ဆိအဘူးအလဲမ့ၢ်အါဒိၣ်န့ၣ်နတၢ်အုၣ်ကီၤအဘူးအလဲကလီၤစှၤ ဒီးတၢ်အုၣ်ကီၤဘူးလဲမ့ၢ်ထီၣ်ဝဲန့ၣ်ဘူးလဲလၢနဟ့ၣ်ဆိအီၤကစှၤလီၤဝဲန့ၣ်လီၤ. ဖဲနဃုထၢထီၣ်နတၢ်အုၣ်ကီၤတၢ်တိာ်ကျဲၤအခါ မ့ၢ်ဒၣ်တၢ်အရ့ဒိၣ်လၢ နကဆိကမိၣ်ထံလၢ တၢ်အုၣ်ကီၤအဘူးအလဲဒီး တၢ်ဘူးတၢ်လဲလၢနဟ့ၣ်ဆိအီၤ ကလၢာ်ဝဲထဲလဲၣ်အဂ့ၢ်န့ၣ်လီၤ. အဒိ:

Janet န့ၣ်အိၣ်ဆူၣ်အိၣ်ချ့ဒီးလဲၤလၢကသံၣ်သရၣ်ဖးယံာ်တဘျီန့ၣ်လီၤ. အ၀ဲဆၢတဲာ်၀ဲဒၣ်လၢ တၢ်တိာ်ကျဲၤအိၣ်ဒီးတၢ်ဟ့ၣ်ဆိအဘူးအလဲထီၣ်ထီန့ၣ် မ့ၢ်ဒၣ်တၢ်တိာ်ကျဲအဂ့ၤကတၢၢ်လၢအဂီၢ်န့ၣ်လီၤ. တၢ်အုၣ်ကီၤအဘူးအလဲတလါဘၣ်တလါကလီၤစှၢ်၀ဲသနာ်က့ အ၀ဲမ့ၢ်ဒိးန့ၢ်ဘၣ်ဆူၣ်ချ့တၢ်ကွၢ်ထွဲလၢတၢ်အိၣ်သး ဒိၣ်ဒိၣ်မုၢ်မုၢ်အဂီၢ် တၢ်ဒီသဒၢအိၣ်၀ဲတနီၤဒံးန့ၣ်လီၤ.

Davidအိၣ်ဒီးတၢ်ဆါယံာ်ယံာ်ထၢထၢအဃိဘၣ်လဲၤဝဲဆူကသံၣ်ကရၣ်တလီၢ်လီၢ်န့ၣ်လီၤ. အဝဲဃုထၢတၢ်တိာ်ကျဲၤအိၣ်ဒီးတၢ်ဟ့ၣ်ဆိအဘူးအလဲလၢအပတီၢ်စှၤလီၤ. အဝဲသ့ၣ်ညါဝဲလၢတၢ်အုၣ်ကီၤအဘူးအလဲတလါဘၣ်တလါကအါဝဲသနာ်က့ အဝဲတၢ်ဟ့ၣ်ဆိအဘူးအလဲ လၢအပတီၢ်ထီအလီၢ်န့ၣ် အဆူၣ်ချ့တၢ်တိာ်ကျဲၤ ကစးထီၣ်ပှ့ၤစၢၤန့ၢ်အဆူၣ်ချ့တၢ်ကွၢ်ထွဲအဘူးအလဲချ့န့ၢ်ဒံးန့ၣ်လီၤ.

ယဟ့ၣ်ဆူၣ်ချ့တၢ်အုၣ်ကီၤအဘူးအလဲ ဖရံမံယၢၣ်ကသ့ဒ်လဲၣ်.

တၢ်အုၣ်ကီၤအဘူးအလဲန့ၣ် ဒိးသန့ၤထီၣ်သးလၢနဒိးန့ၢ်နတၢ်တိာ်ကျဲၤဒ်လဲၣ်အဖီခိၣ်လီၤ. နမ့ၢ်ဒိးန့ၢ်ဆူၣ်ချ့တၢ်အုၣ်ကီၤလၢတၢ်မၤကစၢ်မ့ၢ်ဟ့ၣ်နၤန့ၣ်နတၢ်မၤကစၢ်ကထုးကွံာ် တၢ်အုၣ်ကီၤအဘူးအလဲ လၢနခၠဲး တဘျီဃီန့ၣ်လီၤ. နမ့ၢ်ပှ့ၤန့ၢ်ဆူၣ်ချ့တၢ်တိာ်ကျဲၤ လၢနနီၢ်ကစၢ်န့ၣ် နကဆှၢတၢ်ဘူးတၢ်လဲလိၤလိၤဆူ နတၢ်အုၣ်ကီၤခီပနံၣ်န့ၣ်လီၤ.

နတၢ်တိာ်ကျဲၤအမူအဂဲၤထဲဒၣ်ဖဲနဟ့ၣ်တၢ်အုၣ်ကီၤအဘူးအလဲအခါအဃိ မ့ၢ်ဒၣ်တၢ်အရ့ဒိၣ်လၢနဟ့ၣ်ဘူးလဲလၢအဘၣ်ဆၢဘၣ်ကတီၢ်လီၤ. နမ့ၢ်ဟ့ၣ်တၢ်ဘူးတၢ်လဲလၢနနီၢ်ကစၢ်န့ၣ် Blue Cross ဒီး Blue Shield လၢ Minnesota ဒီး Blue Plus အိၣ်ဒီးတၢ်ဟ့ၣ်ဘူးလဲအတၢ်ဃုထၢတဖၣ်လၢ နဟ့ၣ်ဝဲလၢအ့ထၢၣ်နဲးဖီခိၣ်မ့တမ့ၢ်ထုးထီၣ်အီၤလၢနစ့ဒၢးပူၤန့ၣ်လီၤ.

တၢ်ဂ့ၢ်အါထီၣ်ဘၣ်ဃးဒီးဆူၣ်ချ့တၢ်ကွၢ်ထွဲအဘူးအလဲ

ယလူၤပိာ်ဒီးကွၢ်ယတၢ်ဃ့က့ၤအဘူးအလဲကသ့ဒ်လဲၣ်.
တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်စံးတၢ်န့ၣ် မ့ၢ်မနုၤလဲၣ်.
တၢ်ဟ့ၣ်သဃဲၤစံးတၢ်န့ၣ် မ့ၢ်မနုၤလဲၣ်?
တၢ်အုၣ်ကီၤဟ့ၣ်သဃဲၤစံးတၢ်န့ၣ် မ့ၢ်မနုၤလဲၣ်?
တၢ်တိာ်ကျဲၤဘျးစဲစံးတၢ်န့ၣ် မ့ၢ်မနုၤလဲၣ် ဒီးဘၣ်မနုၤအဃိအရ့ဒိၣ်လဲၣ်.
ကျဲလၢကမၤစှၤလီၤဆူၣ်ချ့တၢ်ကွၢ်ထွဲအဘူးအလဲ အိၣ်ဝဲ7 ဘိညါလီၤ
ဘၣ်မနုၤအဃိနလိၣ်ဘၣ်တချုးတၢ်ဟ့ၣ်စိဟ့ၣ်ကမီၤသ့ဝဲအဂ့ၢ်