ဒီသဒၢစၢၤ ဆူၣ်ချ့တၢ်ကွၢ်ထွဲတၢ်လီန့ၢ်ပျံာ်၀့ၤ

ဖဲပှၤတဂၤဂၤလဲၤဆူ ကသံၣ်သရၣ်အါဂၤ မ့တမ့ၢ် ဂ့ၢ်ဂီၢ်အူတၢ်ဆါဒၢးအါဖျၢၣ်အအိၣ် ဒ်သိးကမၤန့ၢ်လံာ်ကသံၣ်ဘၣ်ထွဲဒီး ကသံၣ်ဖီၣ်တဖၣ်လၢဘၣ်တၢ်ပၢၤဃာ်အီၤခီဖျိသဲစးအဂီၢ်

တၢ်ပျဲပှၤလၢအတပှ့ၤဃာ်တၢ်အုၣ်ကီၤ စူးကါပှၤဂၤအတၢ်အုၣ်ကီၤခးက့တဖၣ်

တၢ်စူးကါပှၤဂၤအဂ့ၢ်အကျိၤတဖိးသဲစး ဒ်သိးကမၤန့ၢ် ကသံၣ်ကသီတၢ်တိစၢၤမၤစၢၤတဖၣ် မ့တမ့ၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်

တၢ်ပၢၤဃာ် မါ/၀ၤလီၢ်လံၤ, ပှၤလၢအဘၣ်ဒိးသန့ၤသးဒီးပှၤဂၤ လၢဘၣ်တၢ်သ့ၣ်ညါဆိပာ်အီၤ, မ့တမ့ၢ် ပှၤလၢအတမ့ၢ်ဟံၣ်ဖိဃီဖိတဖၣ်ဒၣ်လၢာ် လၢဆူၣ်ချ့တၢ်အုၣ်ကီၤကျဲသနူတခါအဖီခိၣ်

တၢ်ဃ့န့ၢ်တၢ်အပှ့ၤလၢ တၢ်တိစၢၤမၤစၢၤ မ့တမ့ၢ် ကသံၣ်အထံလဲတဖၣ်လၢ တၢ်တဟ့ၣ်လီၤ မ့တမ့ၢ် တၢ်တနီၤဟ့ၣ်တ့ၢ်၀ဲ နီတဘျီအဂီၢ်

ဃ့န့ၢ်လီၤဆီတၢ်အပှ့ၤ လၢတၢ်မၤအကျိၤအကွာ်ဒီး တၢ်ဆီၣ်ထွဲမၤစၢၤတဖၣ်လၢ အကြၢးအိၣ်လၢကရူၢ်အခါဃီအပူၤ ဒ်တၢ်မၤအကျိၤအကွာ်တခါဧိၤအသိး မ့တမ့ၢ် တၢ်အဘူးအလဲပာ်ဖှိၣ်တမံၤဃီအသိး

ဖဲပှၤဟ့ၣ်မၤစၢၤတၢ်တဂၤပတံထီၣ် တၢ်ဃ့က့ၤအဘူးအလဲလၢ တၢ်တိစၢၤမၤစၢၤ, တၢ်ဆီၣ်ထွဲမၤစၢၤ မ့တမ့ၢ် ပီးလီကူးလံာ်ကူးလာ် လၢအပှ့ၤဒိၣ်အါန့ၢ်ဒံးတၢ်ဟ့ၣ်လီၤအီၤနီၢ်နီၢ်အခါ

ပၣ်ဃုာ်ဒီးပှၤဟ့ၣ်မၤစၢၤတၢ်တဖၣ်လၢ အတမၤဘၣ်ထွဲအသးလိၤလိၤဒီး တၢ်ကွၢ်ထွဲပှၤဆါအဂီၢ် လၢအစူးကါပှၤမၤတၢ်ဆါတၢ်ပှ့ၤလၢလီတဲစိတဖၣ် ဒ်သိးကဒုးသ့ၣ်ညါရၤလီၤ ကသံၣ်ကသီပနံာ် မ့တမ့ၢ် တၢ်တိစၢၤမၤစၢၤလၢ အပှ့ၤဒိၣ်ကလံၤဒိၣ်တဖၣ်အဂ့ၢ်

တၢ်ဃ့န့ၢ်ဘူးလဲအကျိၤအကွာ်လၢ မံၤအကလုာ်ကလုာ်အဖီလာ် မ့တမ့ၢ် တၢ်စူးကါကျဲအဂၤတဘိလၢအမ့ၢ်၀ဲဒၣ် Current Procedural Terminology (CPT) နီၣ်ဂံၢ်ခူသူၣ်တဖၣ် ဒ်သိးကဒိးန့ၢ်ဘၣ် တၢ်ဟ့ၣ်အဘူးအလဲလၢ တၢ်တိစၢၤမၤစၢၤတဖၣ်လၢ ညီနုၢ်တၢ်တဟ့ၣ်န့ၢ်အီၤအပှ့ၤ ဒ်သိးဒီးတၢ်ဆဲၣ်ဃံဆဲၣ်လၤပီးလီ မ့တမ့ၢ် တၢ်ကူစါယါဘျါအသီလၢ အအိၣ်ဒံးဒၣ်ဖဲတၢ်မၤကွၢ်ပတီၢ်တဖၣ်အဂီၢ်

ဖဲ ပှၤတိစၢၤမၤစၢၤတၢ်တဖၣ် ဆီတလဲကျိၣ်စ့ မ့တမ့ၢ် တၢ်ဖိတၢ်လံၤတဖၣ်လၢအကဲပှ့ၤကဲကလံၤ လၢတၢ်ဆှၢခီပှၤဆါတဖၣ် ဒ်သိးကဟ့ၣ်လီၤတၢ်တိစၢၤမၤစၢၤတဖၣ်လၢ အတလိၣ်ဘၣ်၀ဲလၢ တၢ်ကူစါဘျါနီၢ်နီၢ်အဂီၢ် မ့တမ့ၢ် အတမ့ၢ်တတီအဂီၢ် မ့တမ့ၢ် အတဘၣ်ထွဲဒီးတၢ်ဆါအဂီၢ်, ပၣ်ဃုာ်စ့ၢ်ကီးဒီး တၢ်ညိကွံာ်တၢ်ဟ့ၣ်သဃဲၤ ဒီး/မ့တမ့ၢ် တၢ်ဟ့ၣ်ဆိအဘူးအလဲတဖၣ်

ဖဲ DME ခီပနံာ်တဖၣ် စူးကါပှၤဟ့ၣ်မၤစၢၤတၢ်အလီတဲစိနီၣ်ဂံၢ် မ့တမ့ၢ် မုၢ်၀ဲၤတၢ်မၤအမံၤအသၣ် အါအါဂီၢ်ဂီၢ် ဒ်သိးကဃ့တၢ်အဘူးအလဲလၢ တၢ်ဒိးလဲဒီးတၢ်ပှ့ၤန့ၢ်၀ဲခံခါလၢာ်လၢ တၢ်ပီးတၢ်လီတမံၤဃီအဂီၢ်အခါ ဘၣ်သ့ၣ်သ့ၣ် အ၀ဲသ့ၣ်ကဃ့န့ၢ်တၢ်အပှ့ၤစ့ၢ်ကီးလၢ တၢ်ပီးတၢ်လီ မ့တမ့ၢ် တၢ်ဟ့ၣ်မၤစၢၤတဖၣ်လၢ ပှၤဆါတဒိးန့ၢ်ဘၣ်၀ဲနီတဘျီအဂီၢ်လီၤ.