Blue Cross ဒီး Blue Shield လၢ Minnesota ဟ့ၣ်ထီၣ်ဝဲဒၣ်တၢ်ရဲၣ်တၢ်ကျၢၤတဖၣ်လၢ အအိၣ်ဖဲတၢ်ပာ်ပနီၣ်ခံမံၤအဘၢၣ်စၢၤ ဘၣ်ထွဲဒီးကသံၣ်လၢကသံၣ်သရၣ်ဟ့ၣ်လီၤတဖၣ်လီၤႉ တၢ်ကြၢး၀ဲဘၣ်၀ဲဒီးတၢ်ဃုထၢန့ၣ် ဒိးသန့ၤထီၣ်အသးလၢ နဆူၣ်ချ့တၢ်တိာ်ကျဲၤအဖီခိၣ်လီၤ.
တၢ်ကူစါယါဘျါတၢ် တၢ်မၤအဆီ စံးတၢ်န့ၣ် မ့ၢ်တၢ်မၤအကျိၤအကျဲတမံၤလၢ ပူၤဖျဲးဒီး တၢ်ဘၣ်ယိၣ်ဘၣ်ဘီ, တုၤလီၤတီၤလီၤ ဝဲလၢတၢ်ကူစါအဂီၢ်ဒီး, လၢတၢ်ဂ့ၢ်တနီၤနီၤန့ၣ်, တၢ်အံၤအပှ့ၤစှၤဝဲ, တချုးဖဲ တၢ်ဟ့ၣ်တၢ်ပျဲလၢ ကသံၣ်ဖီၣ်အပှ့ၤဒိၣ်တဖၣ် အဂီၢ်ဒံးဘၣ်န့ၣ်လီၤ.
နီၢ်ဂံၢ်နီၢ်ဒွးအပတီၢ်တဖၣ်န့ၣ် မၤစၢၤတၢ်ဒ်သိးကပၢၤဃာ်တၢ်လၢာ်ဘူၣ်လၢာ်စ့ဒီး မၤလီၤတံၢ်န့ၢ်နကသံၣ်တဖၣ်ဒ်သိး အကဘၣ်တၢ်ဟ့ၣ်လီၤနၤဒ် အနီၢ်ဂံၢ်နီၢ်ဒွးလၢအဘၣ်အသိးန့ၣ်လီၤႉ
တချုးတၢ်ဟ့ၣ်စိဟ့ၣ်ကမီၤ မ့ၢ်တၢ်မၤအကျိၤအကျဲတမံၤလၢ တၢ်မၤလီၤတံၢ် တၢ်ဟ့ၣ်ကသံၣ်လၢ အကြၢးအဘၣ်ဒီး တၢ်စူးကါအီၤဖဲ ကသံၣ်လၢ ဘၣ်တၢ်ဟ့ၣ် စၢၤအဘူးအလဲ ဒံးဘၣ်န့ၣ်လီၤ. တၢ်လိၣ်ဘၣ်အပတီၢ်လီၤတံၢ်တမံၤ မ့ၢ်ထီၣ်ဘးအဃိ တၢ်ဟ့ၣ်အဘူးအလဲန့ၣ် တၢ်ကဟ့ၣ်တၢ်ပျဲလီၤ.
တၢ်အိၣ်သးတနီၤန့ၣ်ဘၣ်တၢ်ကူစါအီၤဒီး ကသံၣ်လီၤဆီတဖၣ်န့ၣ်လီၤႉ တၢ်အိၣ်သးတဖၣ်အံၤမ့ၢ်ဝဲ ဖံးညၣ်ထံးၡူကျၤထီၣ်တၢ်ဆါ, သွံၣ်ထွးထီၣ်တတူာ်ဘၣ်တၢ်ဆါ, သူၣ်ညိးတၢ်ဆါဒီး ဃံအဆၢညိးတၢ်ဆါတဖၣ်လီၤႉ ပဃုထၢနဂီၢ်ကသံၣ်ကျးတဖၣ်လၢ အဆါကသံၣ်လီၤဆီဒီးတၢ်နာ်န့ၢ်အီၤသ့တဖၣ် ဒ်သိးကမၤစၢၤနၤလၢကသံၣ်အဂီၢ်, တၢ်ကဆှၢန့ၢ်ကသံၣ်ဆူဟံၣ်ဘၣ်ဘျိးဘၣ်ဒါအဂီၢ်ဒီး တၢ်မၤစှၤတၢ်လၢာ်ဘူၣ်လၢာ်စ့အဂီၢ်န့ၣ်လီၤႉ
နမ့ၢ်အိၣ်ဒီးတၢ်ဟ့ၣ်ကသံၣ်အလံာ်က့လၢအစူးကါသ့ဆူညါန့ၣ်,နပာ်ဖှိၣ်ပာ်တံၤခီဖျိဒိးန့ၢ် ကသံၣ်လၢ90-သီ အဂီၢ်တဘျီဃီသ့န့ၣ်လီၤ. နဒိးန့ၢ်နကသံၣ်တဖၣ်သ့ဝဲ ခီဖျိလၢဘၣ်တၢ်ဆှၢအီၤတုၤဆူနဟံၣ် မ့တမ့ၢ် ခီဖျိနလဲၤဆူကသံၣ်ကျးအိၣ်ဝဲလၢ ကသံၣ်လၢ90-သီ အဂီၢ်လၢတၢ်ဟ့ၣ်တၢ်ဘျးစဲးအပူၤန့ၣ်လီၤႉ
နဒိးန့ၢ်ဝဲကသံၣ်လၢကသံၣ်သရၣ်ဟ့ၣ်လီၤလၢအဘၣ်တၢ်ဆှၢဝဲတုၤဆူနဟံၣ် ခီဖျိလၢတၢ်စိာ်ဆှၢဆူဟံၣ်တၢ်တိစၢၤမၤစၢၤန့ၣ်တက့ၢ်. အဝဲန့ၣ်မ့ၢ်တၢ်ညီညီဖိလၢအအိၣ်ဒီး တၢ်ဘၣ်ဘျီးဘၣ်ဒါန့ၣ်လီၤႉ
ခီဖျိလၢတၢ်ဆါကစဲးကစီး ကသံၣ်ကျးကသံၣ်ဒီသဒၢတၢ်ရဲၣ်တၢ်ကျၢၤအဃိ, နကဘၣ်တၢ်ဟ့ၣ်န့ၢ်နၤကသံၣ်အပှၤ့ ဖဲနလဲၤဆူကသံၣ်ကျးတခါအအိၣ် လၢကသံၣ်ဒီသဒၢလၢပှၤသုအီၤအါတဖၣ်အဂီၢ်လီၤႉ အဝဲဒၣ်အိၣ်စ့ၢ်ကီးဒီးခီပနံာ်အတၢ်တိာ်ကျဲၤတနီန့ၣ်လီၤႉ
မၤန့ၢ်တၢ်ဟ့ၣ်အဘူးအလဲလၢ ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ် လၢတလိၣ်ကဘၣ်ဟ့ၣ်ပှဲၤဆိနဆူၣ်ချ့တၢ်တိာ်ကျဲၤအတၢ်ဟ့ၣ်ဆိအဘူးအလဲန့ၣ်တက့ၢ်. တၢ်ရဲၣ်တၢ်ကျဲၤဘၣ်ဃးဒီး ကသံၣ်ဖီၣ်တဖၣ်လၢအဘၣ်တၢ်သုအီၤလၢတၢ်ဒီသဒၢတၢ်ဆါအဂီၢ်န့ၣ် ပာ်ဃုာ်ဒီးတၢ်တိာ်ကျဲၤလၢတၢ်မၤလီၢ်ဟ့ၣ်ဝဲတနီၤန့ၣ်လီၤႉ
နဆူၣ်ချ့တၢ်အုၣ်ကီၤန့ၣ် ညီနုၢ်ဟ့ၣ်လီၤတၢ်အဘူးအလဲလၢ တၢ်ဒီသဒၢအတၢ်ကွၢ်ထွဲ တၢ်တိစၢၤတၢ်စၢၤတဖၣ်အဂီၢ်လီၤ. မၤလိသ့ၣ်ညါဘၣ်ဃး လၢတၢ်မၤကွၢ်တၢ်ဆူးတၢ်ဆါတဖၣ် ဒ်သိးကဒီသဒၢစၢၤ မ့တမ့ၢ် ကဃုသ့ၣ်ညါစၢၤဆူၣ်ချ့တၢ်ဘၣ်ယိၣ်တဖၣ်အဂီၢ် ကဘၣ်ရဲၣ်ကျဲၤတၢ်ဆၢကတီၢ်ဒ်လဲၣ်တက့ၢ်.
နုာ်လီၤ ဒ်သိးကဃုကသံၣ်တဖၣ် လၢနကသံၣ်ကသီလၢတၢ်ဟ့ၣ်အဘူးအလဲ အမံၤကွဲးရဲၣ် ဒီး ကသံၣ်ကျးတဖၣ်လၢနတၢ်ဘျးစဲအပူၤအဂီၢ်တက့ၢ်.
တိၢ်နီၣ်- တၢ်ဂ့ၢ်တၢ်ကျိၤအံၤ တဘၣ်ထွဲဒီး Medicare မ့တမ့ၢ် ဆူၣ်ချ့တၢ်မၤစၢၤ (Medicaid) တၢ်တိာ်ကျဲၤတဖၣ်ဘၣ်.
နဆူၣ်ချ့တၢ်တိာ်ကျဲၤတဖၣ်ကပၣ်ဃုာ်ဒီးကသံၣ်လၢကသံၣ်သရၣ်ဟ့ၣ်လီၤအီၤအတၢ်ရဲၣ်တၢ်ကျဲၤမနုၤလဲၣ်န့ၣ် ကဒိးသန့ၤလၢတၢ်တိာ်ကျဲၤဖဲလဲၣ်တကလုာ်အဖီခိၣ်လီၤ. လၢကသ့ၣ်ညါဘၣ်လၢနမၤန့ၢ်တၢ်တိာ်ကျဲၤမနုၤသ့တဖၣ်အဂ့ၢ် ကွၢ်နတၢ်တိာ်ကျဲၤအဂ့ၢ်အကျိၤ မ့တမ့ၢ် ဆဲးကျိးလီတဲစိနီၣ်ဂံၢ်အိၣ်ဖျါဖဲ ကရူၢ်ဖိ (ID) ခးအချၢ န့ၣ်တက့ၢ်.