တၢ်တြီဃာ်ကသံၣ်ကသီနီၢ်ဂံၢ်တၢ်ရဲၣ်တၢ်ကျဲၤ
ကသံၣ်တနီၤန့ၣ် အိၣ်ဒီးနီၣ်ဂံၢ်ပနီၣ်တဖၣ် ဒ်သိးကဟ့ၣ်ကူၣ်စၢၤတၢ်စူးကါအကြၢးအဘၣ်, မၤလီၤတံၢ်တၢ်တုၤလီၢ်ထီၣ်ဘး ဒီးအဘူးအလဲစှၤန့ၣ်လီၤ.
နီၣ်ဂံၢ်ပနီၣ်တမံၤမ့ၢ်ဝဲ ကသံၣ်လၢကသံၣ်သရၣ်ဟ့ၣ်လီၤအအါကတၢၢ်တမံၤ လၢတၢ်ဟ့ၣ်လီၤနၤသ့ ခီဖျိနကသံၣ်ကျးလၢအဆၢကတီၢ်တနီၤအပူၤ (အဒိ တလါ30)န့ၣ်လီၤ. ကသံၣ်တနီၤန့ၣ် အိၣ်ဒီးနီၣ်ဂံၢ်ပနီၣ်တဖၣ် ဒ်သိးကဟ့ၣ်ကူၣ်စၢၤတၢ်စူးကါအကြၢးအဘၣ်, မၤလီၤတံၢ်တၢ်တုၤလီၢ်ထီၣ်ဘး ဒီးအဘူးအလဲဘၣ်တၢ်မၤစှၤလီၤန့ၣ်လီၤ. ကသံၣ်လၢပှၤသးလီဂ့ၤ တသးလီဂ့ၤ ဘၣ်သ့ၣ်သ့ၣ်ကအိၣ်ဒီးနီၣ်ဂံၢ်ပနီၣ်တဖၣ်န့ၣ်လီၤ.
အဝဲန့ၣ်အခီပညီအိၣ်လၢနဂီၢ်ဒ်လဲၣ်
နမ့ၢ်အီ အါန့ၢ်ကသံၣ်နီၣ်ဂံၢ်ပနီၣ်န့ၣ် ဝံသးစူၤကတိၤတၢ်ဒီးနကသံၣ်သရၣ်တက့ၢ်. နကတိၤသကိးတၢ်ဒီးအီၤ ဘၣ်ဃးဒီးတၢ်ဃုထၢတဖၣ်လၢအဂ့ၤကတၢၢ်လၢနဂီၢ်န့ၣ်လီၤ. နကသံၣ်သရၣ်န့ၣ်ကဆၢတဲာ်ဝဲမ့ၢ်အကဘၣ်ကွဲးတၢ်ဟ့ၣ်ကသံၣ်အလံာ်က့အသီဧါ မ့တမ့ၢ် တီၣ်ထီၣ်တၢ်ဃ့ကညးလၢနၤ ဒ်သိးကအီနကသံၣ်နီၣ်ဂံၢ်ခဲအံၤအဂီၢ်ဧါန့ၣ်လီၤ.
ယကသံၣ်န့ၣ်အိၣ်ဒီးနီၣ်ဂံၢ်ပနီၣ်စ့ၣ်ဧါ.
သမံသမိးနကသံၣ်ကသီလၢတၢ်ဟ့ၣ်အဘူးအလဲ အမံၤကွဲးရဲၣ် ဒ်သိးကထံၣ်နကသံၣ်နီၣ်ဂံၢ်ပနီၣ်အဂီၢ်န့ၣ်လီၤ. (နကဘၣ်သ့ၣ်ညါ နကသံၣ်ကသီ အမံၤကွဲးရဲၣ် ဒီးဃုထၢအီၤလၢ တၢ်မံၤအကွဲးရဲၣ်လိာ်သး လၢတၢ်ဃုထံၣ်အံၤအဂီၢ်န့ၣ်လီၤ.) နကွၢ်ဃုနကသံၣ်ကသီ အမံၤကွဲးရဲၣ်သ့ လၢနဆူၣ်ချ့တၢ်တိာ်ကျဲၤပီးလီတဖၣ် မ့တမ့ၢ်ခီဖျိတၢ်ကိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်န့ၣ်လီၤ. န နုာ်လီၤလၢ နကရူၢ်ဖိပှာ်ယဲၤသန့ ဒ်သိးကဃုထံၣ်နကသံၣ်စရီအဂီၢ်သ့စ့ၢ်ကီးန့ၣ်လီၤ.
နီၣ်ဂံၢ်ပနီၣ်တမံၤန့ၣ်မၤတၢ်ဒ်လဲၣ်
ဖဲနဟ့ၣ်တၢ်ဟ့ၣ်ကသံၣ်အလံာ်က့ ဆူနပှၤဆါကသံၣ်ကသီအအိၣ်န့ၣ် ကသံၣ်ကျးအတၢ်မၤကျဲန့ၣ် ကကွၢ်ကဒါက့ၤနီၣ်ဂံၢ်လၢအဘၣ်တၢ်ဃ့ထီၣ်အီၤန့ၣ်လီၤ. နီၣ်ဂံၢ်လၢအဘၣ်တၢ်မၤလိာ်အီၤန့ၣ် မ့ၢ်စှၤန့ၢ် မ့တမ့ၢ်ဒ်သိးလိာ်သးဒီး နီၣ်ဂံၢ်ပနီၣ်န့ၣ် နကသံၣ်မၤလိာ်န့ၣ် ဘၣ်တၢ်မၤပှဲၤအီၤလံ ဒီးတၢ်ဃ့က့ၤအဘူးအလဲန့ၣ် ဘၣ်တၢ်ဖံးမၤအီၤအတၢ်ဒၣ်ဝဲန့ၣ်လီၤ.
နီၣ်ဂံၢ်န့ၣ်မ့ၢ်အါန့ၢ်အပနီၣ်န့ၣ် ကဘၣ်မၤမနုၤလဲၣ်:
ကသံၣ်ကျးန့ၣ် မၤပှဲၤကသံၣ်မၤလိာ်တုၤအပနီၣ်သ့န့ၣ်လီၤ
မ့တမ့ၢ်
နဆဲးကျိးနကသံၣ်သရၣ် ဒ်သိးကကတိၤသကိးတၢ်ဘၣ်ဃး နတၢ်ဃုထၢတဖၣ်န့ၣ်လီၤ
နကသံၣ်သရၣ်န့ၣ် မ့ၢ်ဆိမိၣ်လၢနကြၢးဒိးန့ၢ်ကသံၣ်နီၣ်ဂံၢ်လၢတၢ်ဟ့ၣ်နၤလၢအဆိန့ၣ် နၤ မ့တမ့ၢ်နကသံၣ်သရၣ်န့ၣ် ကလိၣ်လၢကဆှၢထီၣ်တၢ်ဃ့ကညးလၢအ့ၣ်ထၢၣ်နဲးအဖီခိၣ် လၢလာ်အံၤဒ်သိးကတုၤဆူတၢ်ခွဲးယာ်လီၤဆီဆူနီၣ်ဂံၢ်ပနီၣ်န့ၣ်လီၤ.
မ့ၢ်ဝံၤန့ၣ် တၢ်ဃ့ကညးန့ၣ်ဘၣ်တၢ်ဟ့ၣ်အခွဲးဧါ ဘၣ်တၢ်သမၢအီၤဧါန့ၣ် နၤဒီးနကသံၣ်သရၣ်န့ၣ် ကဒီးန့ၢ်တၢ်ဟ့ၣ်ပလီၢ်န့ၣ်လီၤ. တၢ်ကွၢ်ကဒါက့ၤန့ၣ် ယံာ်ဝဲတၢ်မၤမုၢ်နံၤ ယဲၢ်သီတုၤအသီတဆံန့ၣ်လီၤ.
Blue Cross ကရူၢ်ဖိတဖၣ်
နုာ်လီၤ ဒ်သိးကဃုကသံၣ်တဖၣ် လၢနကသံၣ်ကသီလၢတၢ်ဟ့ၣ်အဘူးအလဲ အမံၤကွဲးရဲၣ် ဒီး ကသံၣ်ကျးတဖၣ်လၢနတၢ်ဘျးစဲအပူၤအဂီၢ်တက့ၢ်.
တိၢ်နီၣ်: တၢ်ကစီၣ်အံၤတဘၣ်ဃးဒီး Medicare တၢ်တိာ်ကျဲၤတဖၣ် မ့တမ့ၢ် Minnesota Health Care Programs တဖၣ်ဘၣ်ႉ