တၢ်စုကမဲာ်ဆါခီၣ်ကမဲာ်ဆါတၢ်ဆါပကဘၣ်ဒီသဒၢအီၤဒ်လဲၣ်

စုကမဲာ်ဆါခီၣ်ကမဲာ်ဆါန့ၣ်မ့ၢ်တၢ်ဂ့ၢ်အဒိၣ်ကတၢၢ်လၢက့ကွဲၣ်လၢ ကီၢ်အမဲရကၤန့ၣ်လီၤ. ¹ ဖဲနဒီသဒၢမ့တမ့ၢ်ကူစါတသ့စုကမဲာ်ဆါခီၣ်ကမဲာ်ဆါအဆၢကတီၢ်န့ၣ် နသုးကျဲၤတၢ်ဒ်သိးကဒီသဒၢနအဆၢတဖၣ်လၢ ဆူၣ်ချ့လုၢ်လၢ်တနီၤန့ၣ်လီၤ.

မၤလိတၢ်အါထီၣ်ဘၣ်ဃးဒီးတၢ်ဒီသဒၢအတၢ်ကွၢ်ထွဲ

စုကမဲာ်ဆါခီၣ်ကမဲာ်ဆါန့ၣ်မ့ၢ်တၢ်မနုၤလဲၣ်.

စုကမဲာ်ဆါခီၣ်ကမဲာ်ဆါန့ၣ်မ့ၢ်တၢ်အိၣ်အသးတမံၤ လၢအမၤညိးနအဆၢတဖၣ်ညိးထီၣ်, ဆါ, ဃံးဒီးဟူးဂဲၤတသ့ကဲာ်ဆိးန့ၣ်လီၤ. စုကမဲာ်ဆါခီၣ်ကမဲာ်ဆါအပနီၣ်တဖၣ်န့ၣ် အိၣ်ဝဲလၢအစၢ်တုၤအဆူၣ်ဒီးမ့ၢ်ယံာ်ထီၣ်န့ၣ်နးထီၣ်သ့လီၤ.

ကဘၣ်ဒီသဒၢနစုခီၣ်ကမဲာ်တၢ်ဆါတၢ်ဘၣ်ယိၣ်ဒ်လဲၣ်

စုခီၣ်ကမဲာ်တၢ်ဆါအဂ့ၢ်အကျိၤတနီၤန့ၣ်ပတြီတန့ၣ်ဘၣ်. ဒ်ပှၤသးပှၢ်ထီၣ်, ကဲပိာ်မုၣ်ဒီးတၢ်အိၣ်ဒီးဟံၣ်ဃီလၢအတၢ်စံၣ်စိၤတဲစိၤအိၣ်ဒီးစုခီၣ်ကမဲာ်တၢ်ဆါန့ၣ်လီၤ. ဘၣ်ဆၣ်နမၤတၢ်မၤအကျဲတဖၣ် ဒ်သိးကမၤစှၤလီၤနစုခီၣ်အမဲာ်တၢ်ဆါ တၢ်ဘၣ်ယိၣ်မ့တမ့ၢ်မၤစဲၤခံအီၤလၢအတၢ်စးထီၣ်န့ၣ်လီၤ.

ဖဲအံၤန့ၣ် ကျဲလၢနကဘၣ်ပာ်နအဆၢတဖၣ်ပှဲၤဒီးဆူၣ်ချ့ ဒ်နသးအနံၣ်အလါအသိး:

• အိၣ်လၢနီၢ်အဃၢအကြၢးအဘၣ်တက့ၢ်. တၢ်အဃၢဘျဲၣ်တဖၣ်ထၢနုာ်တၢ်ဆီၣ်သနံးအါထီၣ်လၢ အဆၢတဖၣ်လၢအဘၣ်ယိးဃာ်အဃၢတဖၣ် ဒ်သိးယီၢ်ဒ့ဒီးခီၣ်လ့ၣ်ခိၣ်တဖၣ်န့ၣ်လီၤ. တၢ်အဃၢတပီၢ်ဘၣ်တပီၢ်လၢနဒိးန့ၢ်န့ၣ် ထၢနုာ်လီၤထဲသိးသိးသးဘၣ်ယိာ်လီၤဘှံးလွံၢ်ပီၢ်လၢနခီၣ်လ့ၣ်ခိၣ်တဖၣ် ဒီးထၢနုာ်တၢ်ဆီၣ်သနံးလၢနယီၢ်ဒ့ဃံဃုစးန့ၣ်လီၤ.
• ပၢၤတၢ်အဆၢဂာ်လၢနသွံၣ်အပူၤတက့ၢ်. တၢ်ဆၢဂံာ်အါလၢသွံၣ်ပူၤန့ၣ်မၤဃံးထ့းရှူတဖၣ်လၢအယိးဃာ်နအဆၢတဖၣ်ဒီးမၤညီအဝဲသ့ၣ်ဒ်သိးကလီၤဘှံးအဂီၢ်န့ၣ်လီၤ.
• တၢ်ဟူးတၢ်ဂဲၤ. ထဲ နီၢ်ခိတၢ်ဟူးဂဲၤလိာ်ကွဲ 30 မံးနံး ယဲၢ်ဘျီတနွံန့ၣ်မၤစၢ်ဒီးမၤဆူၣ်နညၣ်ထူၣ်တဖၣ်လၢအယိးနခီၣ်လ့ၣ်ခိၣ်တဖၣ်ဒီးယီၢ်ဒ့အဃံတဖၣ်န့ၣ်လီၤ. သးစၢၢ်ဆၢနသးလၢနီၢ်ခိတၢ်ဟူးဂဲၤလိာ်ကွဲအဖှံတဖၣ် ဒ်သိးတၢ်ဟး, တၢ်ဒိးလ့ၣ်ယီၣ်ခီၣ်မ့တမ့ၢ်တၢ်ပီၢ်ထံတက့ၢ်.
• ထဲးယူာ်ထီၣ်နထူၣ်နပျၢ်တဖၣ်တက့ၢ်. တၢ်ထဲးယူာ်ထူၣ်ပျၢ်တဖၣ်ဖှံဖှံဖိန့ၣ်မၤအါထီၣ်နတၢ်ဟူးဂဲၤတဖၣ်ဒီးမၤစၢ်လီၤနအဆၢတဖၣ်သ့န့ၣ်လီၤ. ဂုာ်ကျဲးစၢး မၤတၢ်ထဲးယူာ်ညီညီတဖၣ်ကိးနံၤဒဲးတက့ၢ်.
• ဟးဆှဲးတၢ်ဘၣ်ဒိဘၣ်ထံးတက့ၢ်. တၢ်အဆၢလၢအဘၣ်ဒိဘၣ်ထံးဃာ်န့ၣ် ကဲထီၣ်စုခီၣ်ကမဲာ်ဆါ အါန့ၢ်တၢ်အဆၢလၢတဘၣ်ဒိဘၣ်ထံးနီတဘျီဘၣ်န့ၣ်လီၤ. ကူသိးတၢ်ဒီသဒၢတဖၣ်ဖဲတၢ်လိာ်ခိၣ်လိာ်ကွဲအခါ ဒီးထီဘိယူၣ်ထီၣ်တၢ်လၢနခီၣ်လ့ၣ်ခိၣ်ဒီးယီၢ်ဒ့ဃံတက့ၢ်. တဘၣ်မၤလၢနပျိၢ်တဂ့ၤ. 
• ပာ်ကတီၢ်ကွံာ်တၢ်အိမီၣ်တက့ၢ်. တၢ်အိမီၣ်န့ၣ်ဒုးအိၣ်ထီၣ်တၢ်အဃၢလၢထ့းရှူတဖၣ် လၢအဒီသဒၢနအဆၢတဖၣ်ဒီးဒုးအိၣ်ထီၣ်စုခီၣ်ကမဲာ်ဆါန့ၣ်လီၤ. မၤလိ Blue Cross မၤစၢၤနပာ်ကတီၢ်ကွံာ်အီၤသ့ဒ်လဲၣ် တက့ၢ်.
• အိၣ်ညၣ်တနွံခံဘျီတက့ၢ်. အီၣ်ညၣ်လၢအအိၣ်ဒီး Omega-3 အါအါ ဒ်သိးညၣ်စဲလမီ,ညၣ်ထရီးဒီးညၣ်မဲးကရဲတက့ၢ်. Omega-3 န့ၣ်အိၣ်ဒီးဆူၣ်ချ့အဘျုးအါမးဒီးမၤစှၤလီၤတၢ်ညိးသ့န့ၣ်လီၤ.
• ဟံးန့ၢ်ဘၣ်ဆၢဘၣ်တီၢ် တၢ်ဒီသဒၢအတၢ်ကွၢ်ထွဲလီၤ. နကသံၣ်သရၣ်န့ၣ် ကဟ့ၣ်ကူၣ်သ့တၢ်အိၣ်မူကျဲဆီတလဲတဖၣ် လၢကမၤစှၤလီၤနတၢ်ဘၣ်ယိၣ် မ့တမ့ၢ်မၤဃၢလီၤစုခီၣ်ကမဲာ်ဆါအတၢ်ဒိၣ်ထီၣ်န့ၣ်လီၤ.

စုခီၣ်ကမဲာ်ဆါအကလုာ်တဖၣ်

စုခီၣ်ကမဲာ်ဆါအကလုာ်အါန့ၢ် 100 မၠိန့ၣ်လီၤ. စုခီၣ်ကမဲာ်တၢ်ဆါလၢအကဲထီၣ်အါကတၢၢ်ခံကလုာ်မ့ၢ်ဝဲ ဃံကၢ်လီၤစုခီၣ်ကမဲာ်တၢ်ဆါ ဒီးစဲ(လ)တဖၣ်ညိးထီၣ်စုခီၣ်ကမဲာ်တၢ်ဆါန့ၣ်လီၤ.

ဃံကၢ်လီၤစုခီၣ်ကမဲာ်တၢ်ဆါ

"တၢ်ဟးဂီၤကွံာ်ဒီးဖီညာ်" စုခီၣ်ကမဲာ်တၢ်ဆါအံၤန့ၣ် ကဲထီၣ်အသးအါကတၢၢ်န့ၣ်လီၤ. အဝဲကဲထီၣ်လၢသးအနံၣ်အလါ ဘၣ်ဆၣ်ကဲထီၣ်သ့လၢတၢ်ဘၣ်ဒိဘၣ်ထံးဒီးတၢ်ဘီၣ်တလၢအဃိစ့ၢ်ကီးလီၤ. အဝဲကဲထီၣ် ဖဲထ့ရှူလၢအကၢၤဃာ်နအဆၢတဖၣ်ဟးဂီၤကွံာ် ဒီးဒုးအိၣ်ထီၣ်တၢ်ဆါဒီးတၢ်ဃံးန့ၣ်လီၤ. ဃံကၢ်လီၤစုခီၣ်ကမဲာ်တၢ်ဆါန့ၣ် ဘၣ်ဒိကယဲၢ်အဆၢခဲလၢာ်လၢနနီၢ်ကစၢ်ပူၤ ဘၣ်ဆၣ်ကဲထီၣ်အါတက့ၢ်လၢစု, ခီၣ်လ့ၣ်ခိၣ်, ယီၢ်ဒ့ဃံဒီးပျိၢ်ဃံန့ၣ်လီၤ.

ဃံကၢ်လီၤစုခီၣ်ကမဲာ်တၢ်ဆါအပနီၣ်တဖၣ်

အဆၢတဖၣ်လၢအဘၣ်ဒိအပနီၣ်တဖၣ်န့ၣ် လီၤဆီလိာ်သးလီၤ. ညီနုၢ် အ၀ဲဒံးယံာ်ဒံးနးထီၣ်လီၤ. နမ့ၢ်ပာ်သူၣ်ပာ်သး ဃံကၢ်လီၤစုခီၣ်ကမဲာ်တၢ်ဆါန့ၣ် ကတိၤတၢ်ဒီးနကသံၣ်သရၣ်:

• တၢ်ဆါအယိာ်လၢအဆၢပူၤ
• တၢ်ကီတၢ်ခဲအိၣ်လၢတၢ်စှီၤဃာ်တၢ်တဖၣ်, တၢ်ဆ့ၣ်နီၤတစီၤမ့တမ့ၢ်တၢ်ထီၣ်ဃီတဖၣ်
• ဟူးဂဲၤဆူတၢ်လီၢ်ယံၤတသ့ကဲာ်ဆိး
• တၢ်ဃံးလၢဂီၢ်ခီ ကိညၢ်ထီၣ် ဒ်ဟူးဂဲၤအါထီၣ်အသိး
• အိၣ်ဘှံးဝံၤတၢ်ဃံး
• တၢ်အဆၢတဖၣ်ညိးထီၣ်၀ဲဒၣ်

ဃံအဆၢညိးတၢ်ဆါ

နီၢ်ခိဂံၢ်တြီဆၢတဘၣ်လိာ်ဘၣ်စးတၢ်ဆါအံၤန့ၣ် မၤညိးထီၣ်တၢ်အဆၢတဖၣ်န့ၣ်လီၤ. နမ့ၢ်တကူစါအီၤန့ၣ် တၢ်ညိးထီၣ်န့ၣ်ဒုးကဲထီၣ်တၢ်အဆၢဘၣ်ဒိဆူၣ်ဆူၣ်နးနးလီၤ.

ဃံအဆၢညိးတၢ်ဆါန့ၣ် ဘၣ်ဒိညီနုၢ် အါန့ၢ်အဆၢတမံၤ ဒီးရၤလီၤအသးဆူနီၢ်ခိက့ၢ်ဂီၤအဂၤတဖၣ် ပၣ်ဃုာ်ဒီးသးဖျၢၣ်, ပသိၣ်တဖၣ်ဒီးမဲာ်ချံန့ၣ်လီၤ. ပှၤတနီၤလၢအအိၣ်ဒီးဃံအဆၢညိးတၢ်ဆါန့ၣ် ကိၢ်လိၣ်တဖၣ်အိၣ်ထီၣ်လၢတၢ်အဆၢကပိာ်ကပၤ အါတက့ၢ်လၢစုကမိာ်, ဖံနါခိၣ်ဒီးခီၣ်နၢၣ်ခံန့ၣ်လီၤ.

ကသံၣ်သရၣ်တဖၣ်တသ့ၣ်ညါလီၤတံၢ် တၢ်အဂ့ၢ်အကျိၤလၢအဒုးကဲထီၣ် ဃံအဆၢညိးတၢ်ဆါဘၣ်. ပှၤတနီၤဆိမိၣ်လၢအဝဲန့ၣ်ကဲထီၣ် ဖဲဘဲးတံရံယၤအဃၢ်မ့တမ့ၢ်တၢ်ဆါဃၢ် မၤတံာ်တာ်နီၢ်ခိဂံၢ်တြီဆၢသဟီၣ်ဒီးမၤအီၤ ဒ်သိးကမၤဟးဂီၤအဆၢတဖၣ်န့ၣ်လီၤ.

ဃံအဆၢညိးတၢ်ဆါအပနီၣ်တဖၣ်

တၢ်ဆါအပနီၣ်တဖၣ်အိၣ်ထီၣ်သတူၢ်ကလာ်မ့တမ့ၢ်တဆီၣ်တဆီၣ်န့ၣ်လီၤ. အဝဲသ့ၣ်န့ၣ်အါစုအါဘျီ အၢန့ၢ်ဒံးဃံကၢ်လီၤစုခီၣ်ကမဲာ်တၢ်ဆါန့ၣ်လီၤ. နမ့ၢ်ပာ်သူၣ်ပာ်သးတၢ်လၢလာ်တဖၣ်အံၤ အကါဒိၣ်လၢနကလဲၤထံၣ်နကသံၣ်သရၣ်:

• တၢ်ဆါ, တၢ်ဃံးမ့တမ့ၢ်တၢ်ညိးထီၣ်လၢတၢ်အဆၢအါမး
• တၢ်ဃူလိာ်သးကိးကပၤဒဲး - နစုစ့ၣ်စုဒ့ကိာ်န့ၣ် မ့ၢ်ညိးထီၣ်န့ၣ် နစုထွဲစုဒ့ကိာ်စ့ၢ်ကီးကညိးထီၣ်
• နဆၢအဂၤတဖၣ်ကဆါထီၣ်ဒီးညိးထီၣ်ကယီကယီ
• တၢ်ညိးထီၣ်န့ၣ် တဘျါဘၣ်ဒီးကမၤတံာ်တာ်နတၢ်မၤ, တၢ်ဟးကျဲ မ့တမ့ၢ်တနံၤဘၣ်တနံၤတၢ်မၤတဖၣ် ဒ်သိးတၢ်ကူသိးတၢ်မ့တမ့ၢ်တၢ်နီၣ်သိလ့ၣ်န့ၣ်လီၤ.
• တၢ်လီၤဘှံးလီၤတီၤဒီးနီၢ်အဃၢစှၤလီၤ

တၢ်ကူစါတဖၣ်လၢစုခီၣ်ကမဲာ်တၢ်ဆါအဂီၢ်

နမ့ၢ်စးအိၣ်ထီၣ်စုခီၣ်ကမဲာ်တၢ်ဆါန့ၣ် လဲၤထံၣ်နကသံၣ်သရၣ်အဆိအချ့ ဒ်တၢ်ဆါပနီၣ်တဖၣ်ဖျါထီၣ်အသိးန့ၣ်လီၤ. နမ့ၢ်ခိးယံာ်ယံာ်လၢကဒိးန့ၢ်တၢ်ကူစါန့ၣ် စုခီၣ်ကမဲာ်တၢ်ဆါကမၤဟးဂီၤတၢ်အဆၢအါအါန့ၣ်လီၤ. နကသံၣ်သရၣ်န့ၣ် ကဟ့ၣ်ကူၣ်သ့တၢ်ကူစါ လၢကမၤဃၢလီၤစုခီၣ်ကမဲာ်တၢ်ဆါအတၢ်ဒိၣ်ထီၣ်ဒီးမၤဖှံနတၢ်ဟူးတၢ်ဂဲၤလီၤ.

တၢ်ကူစါစုခီၣ်ကမဲာ်တၢ်ဆါအဂီၢ်တဖၣ်န့ၣ်ပာ်ဃုာ်ဒီး:

• ကသံၣ်တဖၣ်လၢအမၤစှၤလီၤတၢ်ဆါဒီးတၢ်ညိးထီၣ်န့ၣ်လီၤ. အဝဲသ့ၣ်တဖၣ်န့ၣ် ပၣ်ဃုာ်ဒီးကသံၣ်လၢနမၤန့ၢ်လၢတၢ်ဆါကသံၣ်လီၢ်တဖၣ် ဒ်သိးအဲးစပရ့ၣ်, အစံၣ်တာ်မံၣ်နိၣ်ဖဲၣ် ဒီးအံၣ်ဘူၣ်ဖြိၣ်ဖဲၣ် မ့တမ့ၢ်ကသံၣ်တဖၣ်လၢနကသံၣ်သရၣ်ဟ့ၣ်နၤန့ၣ်လီၤ.
• ကသံၣ်တဖၣ်လၢအမၤစၢ်လီၤနီၢ်ခိဂံၢ်တြီဆၢသဟီၣ်လီၤ. နအီကသံၣ်ဝဲန့ၣ်တဖၣ်လၢကိာ်ပူၤ မ့တမ့ၢ်ဆဲးအီၤလၢအဆၢလၢအဆါန့ၣ်လီၤ.
• ကသံၣ်ဖှူတဖၣ်ဒီးသိပံာ်တဖၣ်လၢအဘၣ်ဃးဒီးအီၤလီၤ. ဒ်အမ့ၢ်ပှၤမၤန့ၢ်အီၤသ့လၢတၢ်ဆါကသံၣ်လီၢ်အသိး အဝဲသ့ၣ်တဖၣ်န့ၣ် နမ့ၢ်ဖှူလီၤအီၤလၢဖံးဘၣ် ဒ်သိးကမၤစှၤလီၤတၢ်အဆၢညိးဒီးအဆါတဖၣ်န့ၣ်လီၤ.
• တၢ်ကူစါယါဘျါနီၢ်ခိတၢ်ဆါ. တၢ်ဂ့ၢ်တနီၤန့ၣ်, တၢ်ကူစါယါဘျါနီၢ်ခိတၢ်ဆါန့ၣ် မၤဆူၣ်ထီၣ်စၢၤညၣ်ထူၣ်တဖၣ်ဒီးမၤအါထီၣ်တၢ်ဟူးဂဲၤအယံၤသ့န့ၣ်လီၤ.
• တၢ်ကွဲးတၢ်ကူစါ. တၢ်အဆၢတဖၣ်လၢ စုခီၣ်ကမဲာ်တၢ်ဆါမၤဟးဂီၤအီၤဆူၣ်ဆူၣ်န့ၣ် လိၣ်လၢကဘၣ်တၢ်မၤဂ့ၤထီၣ်မ့တမ့ၢ်တၢ်လဲလိာ်အဝဲသ့ၣ်န့ၣ်လီၤ. တၢ်အဆၢတဖၣ်လၢပှၤလဲလိာ်အီၤအါတက့ၢ်မ့ၢ်ဝဲ ယီၢ်ဒ့အဃံဒီးခီၣ်လံၣ်ခိၣ်တဖၣ်န့ၣ်လီၤ.

Blue Cross အံၤအိၣ်ဝဲလၢနတၢ်အိၣ်ဆူၣ်အိၣ်ချ့အဂီၢ်လီၤ

Blue Cross ဒီး Blue Plus မၤညီန့ၢ်နတၢ်ဒိးန့ၢ်တၢ်စံးဆၢတဖၣ်ဘၣ်ဃး နတၢ်အိၣ်ဆူၣ်အိၣ်ချ့န့ၣ်လီၤ. နတၢ်တိာ်ကျဲကဟ့ၣ်နၤ တၢ်ပျဲလၢအ့ၣ်ထၢၣ်နဲးအလိၤဒ်သိး ကန့ၢ်ဘၣ်ကသံၣ်သရၣ်တဖၣ် မ့တမ့ၢ် 24-နၣ်ရံၣ် နၢး(စ)လီတဲစိကျိၤန့ၣ်လီၤ. နကအိၣ်စ့ၢ်ကီးဒီး ဆူၣ်ချ့တၢ်ကူၣ်တၢ်ဖးအကလုာ်အါမးလၢနစုဘိတဖၣ်အလိၤန့ၣ်လီၤ. နကဒိးန့ၢ်ဘၣ်တၢ်အဂ့ၤလၢ တၢ်ဟူးဂဲၤနီၢ်ခိဘၣ်ဆၢဘၣ်ကတီၢ်, စ့ၢ်ကီးလီၤ.²

နမ့ၢ်တအိၣ်ဒီးဆူၣ်ချ့တၢ်အုၣ်ကီၤန့ၣ်, Blue Cross ဒီး Blue Plus ဟ့ၣ်နၤဆူၣ်ချ့တၢ်အုၣ်ကီၤအကလုာ်ကလုာ် လၢကကြၢးဒီးနတၢ်လိၣ်တဖၣ်ဒီးနစ့တိာ်ပာ်န့ၣ်လီၤ. ဆူၣ်ချ့တၢ်အုၣ်ကီၤခဲလၢာ်န့ၣ်ပၣ်ဃုာ်ဒီးတၢ်ဒီသဒၢအတၢ်ကွၢ်ထွဲတၢ်ဟ့ၣ်အဘူးအလဲ ဒီး ပီးလီတဖၣ်ဒီးတၢ်အိၣ်ယၢၤတဖၣ် ဒ်သိးကမၤဆူၣ်ချ့နၤဒီးဒီသဒၢနဟံၣ်ဖိဃီဖိတဖၣ်အတၢ်အိၣ်ဆူၣ်အိၣ်ချ့န့ၣ်လီၤ.

ကတိၤတၢ်ဒီး ပှၤခၢၣ်စး တဂၤ မ့တမ့ၢ်  Blue Cross ပှၤဟ့ၣ်ကူၣ်တၢ် တဂၤ ဒ်သိးကမၤလိအါထီၣ်တၢ်အဂီၢ်တက့ၢ်ႉ

ဆူၣ်ချ့တၢ်ဟ့ၣ်ကူၣ်ဟ့ၣ်ဖးအဂၤတဖၣ်

တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
မဲမိၣ်ကရဲၣ်တဖၣ်န့ၣ် ဃုထံၣ်စၢၤနုၢ်ခဲစၢၣ်တၢ်ဆါ
တၢ်ခံခီအတယၢၢ်ထဲသိးသိးနီၢ်ခိတၢ်ဟူးဂဲၤတဖၣ်န့ၣ် မၤစၢၤပှၤသးပှၢ်တဖၣ်ဒ်သိးကဒီသဒၢတၢ်လီၤတဲာ်
Osteoporosis ဒုးကဲထီၣ်ဒီးတၢ်ဒီသဒၢ
ဃုသ့ၣ်ညါဘၣ်ဃး Medicare အဂ့ၢ်