ပစံးဘျုးဘၣ်နၤလၢ နကဲထီၣ်နဲဒၣ် Blue Cross and Blue Shield of Minnesota ဒီး Blue Plus အကရူၢ်ဖိတဂၤ အဃိလီၤ.
စးထီၣ်လၢန Blue AdvantageSM ဟံၣ်ဖိဃီဖိဒီး ဖိဒံဖိသၣ်, MinnesotaCare မ့တမ့ၢ် Minnesota ပှၤသူၣ်က့သးပှၢ်တၢ်ကွၢ်ထွဲပာ်ဖှိၣ် (MSC+) တၢ်တိာ်ကျဲၤတက့ၢ်.
နကရူၢ်ဖိအကီးလၢ အအိၣ်ဒီးတၢ်ဘံၣ်တၢ်ဘၢဒီး ဘၣ်တၢ်မၤအီၤလီၤလီၤဆီဆီလၢနဂီၢ်အံၤ ကဟ့ၣ်လီၤနၤတၢ်ဒိးန့ၢ်ခွဲးချ့သဒံးလၢ
ဆူၣ်ချ့အဂ့ၢ်အကျိၤလၢအကါဒိၣ်ဒီး တၢ်အိၣ်ယၢၤလီၤလီၤဆီဆီတဖၣ်လၢ နတၢ်တိာ်ကျဲၤအတၢ်န့ၢ်ဘျုးအဂီၢ်န့ၣ်လီၤ.
နအိးထီၣ်ပာ်စၢၤအကီးတခါ၀ံၤလံဧါ.
တၢ်ဟ့ၣ်မၤစၢၤတဖၣ်လၢအဘၣ်ထွဲဒီးသးအတၢ်အိၣ်ဆူၣ်အိၣ်ချ့ဒီး အတၢ်ရဲၣ်တၢ်ကျဲၤတဖၣ်ခဲလၢာ်န့ၣ် ဘၣ်တၢ်ဟ့ၣ်အီၤခီလီဆူ Medical Assistance (Medicaid) ကရူၢ်ဖိတဖၣ်န့ၣ်လီၤ. တလိၣ်စ့ကဒွဲခးက့အဂ့ၢ်အကျိၤနီတမံၤလၢ တၢ်ကဆဲးလီၤမံၤအဂီၢ်ဘၣ်ႉ
မၤလိလၢအဘၣ်ဃးဒီး တၢ်တိာ်ကျဲၤအတၢ်တိစၢၤမၤစၢၤ ဒီးတၢ်ရဲၣ်တၢ်ကျဲၤတဖၣ်
BlueRide℠ ဟ့ၣ်နၤတၢ်လဲၤတၢ်က့ၤ လၢတၢ်နာ်န့ၢ်သ့ ဒီးလၢအဘံၣ်အဘၢ လၢကအုၣ်ကီၤအဘူးအလဲလၢ တၢ်လဲၤဒုးနဲၣ် ကသံၣ်ကသီ, မဲ, ကသံၣ်ကျး တဖၣ် ဃုာ်ဒီးကသံၣ်သရၣ်လၢနတၢ်တိာ်ကျဲၤဘျးစဲပူၤ ဒီးအဂၤတဖၣ်အဂီၢ်န့ၣ်လီၤ.
ဒိးန့ၢ်ဘၣ် တၢ်ကွၢ်ထွဲ ဖဲလၢနဟံၣ်ဒၣ်နဲအပူၤ. တၢ်တိစၢၤမၤစၢၤတနီၤ လၢတၢ်ဟ့ၣ်အီၤလၢ ကသံၣ်ဒၢးလၢအသုးလီၢ်သုးကျဲညီကဒၣ်သ့အကျါ ပၣ်ဃုာ်ဒီး တၢ်ဒီသဒၢဖိသၣ်တၢ်ဆါ တၢ်မၤကွၢ်, တၢ်ဆဲးကသံၣ်ဒီသဒၢတၢ်ဆါ, တၢ်ကွၢ်ထွဲလၢ တချုး အိၣ်ဖျဲၣ်ဖိ ဒီး အိၣ်ဖျဲၣ်ဖိဝံၤကတီၢ်, တၢ်ဒိနုၢ်တၢ်ဂီၤယဲၤဖျါ, တၢ်ပၢဆှၢရဲၣ်ကျဲၤ ဆံၣ်ဆၢတၢ်ဆါ, သကဲာ်ပဝးဆူၣ်ချ့, တၢ်မၤကွၢ်တဖၣ် ဒီး အဂၤတဖၣ်န့ၣ်လီၤ.
ဖဲနဃုထၢလၢ နကနုာ်လီၤဆူ Healthy Rewards အပူၤအခါ, နၤဒီး နဟံၣ်ဖိဃီဖိ ကဒိးန့ၢ်ဘၣ် တၢ်ဟ့ၣ်ကနၢၤတဖၣ် ဖဲလၢနမၤဝံၤနဲ တၢ်သမံသမိးကွၢ်တၢ်ဆါဒီးတၢ်ဆဲးကသံၣ်ဒီသဒၢ ဒီး ဆူၣ်ချ့ တၢ်ဟူးတၢ်ဂဲၤတဖၣ် န့ၣ်လီၤ.
ဟံၣ်ဖိဃီဖိတဖၣ်ဒီး ဖိသၣ်တဖၣ်, MinnesotaCare ကရူၢ်ဖိတဖၣ် ဒိးန့ၢ်အီၤသ့, သးနံၣ် 64နံၣ် ဒီးဆူအဖီလာ်
န Blue Plus တၢ်တိာ်ကျဲၤအိၣ်ဟဲဒီး တၢ်အိၣ်ယၢၤအဘျဲၣအါအါဂီၢ်ဂီၢ် လၢအကဆီၣ်ထွဲမၤစၢၤနၤဒီး နဖိဆံးအတၢ်အိၣ်ဆူၣ်အိၣ်ချ့ တချုးဖဲအဒၢထီၣ်, ဖဲအဒၢကတီၢ်ဒီး အိၣ်ဖျဲၣ်ဖိ၀ံၤအလီၢ်ခံအဂီၢ်လီၤ.
ပှၤဆဲးလီၤမံၤတၢ်မၤကွၢ်ဆိန့ၣ် မ့ၢ်ဆူၣ်ချ့တၢ်မၤကွၢ်တမံၤလၢ Blue Advantage Families and Children ဒီး MinnesotaCare ပှၤဆဲးလီၤမံၤသီသံၣ်ဘှဲတဖၣ်အဂီၢ်လီၤ. တၢ်အံၤကမၤစၢၤပှၤဒ်သိး ပကသ့ၣ်ညါအါထီၣ်နၤဒီး နတၢ်လိၣ်ဘၣ်တဖၣ်အဂ့ၢ်အကျိၤ အဂီၢ်လီၤ.
နဆဲးလီၤမံၤ ကသ့စ့ၢ်ကီးလၢ တၢ်အံးကွၢ်ပၢဆှၢ တၢ်ကွၢ်ထွဲ အတၢ်ရဲၣ်တၢ်ကျဲၤ တမံၤအဂီၢ်, လၢကဒိးန့ၢ် တၢ်ပီးတၢ်လီလၢ ဘူးလဲကလီအဂီၢ်, တၢ်အိၣ်ယၢၤတဖၣ်အဂီၢ် ဒီး အဂၤတဖၣ်န့ၣ်လီၤ.
နမ့ၢ်တစူးကါကသံၣ်သရၣ်လၢအအိၣ်ဖဲ နတၢ်တိာ်ကျဲၤဘျးစဲပူၤန့ၣ် ဘၣ်သ့ၣ်သ့ၣ် နကဘၣ်ဟ့ၣ်အါထီၣ်တၢ်လၢာ်ဘူၣ်လၢာ်စ့လၢ နတၢ်ကွၢ်ထွဲ မ့တမ့ၢ် ကသံၣ်ကသီအဂီၢ်လီၤ.
ဒ်လၢကရူၢ်ဖိတဂၤအသိး, နဃုထၢကသံၣ်သရၣ်တဂၤ မ့တမ့ၢ် ကသံၣ်ဒၢးတဖျၢၣ်လၢ ပတၢ်တိာ်ကျဲၤဘျးစဲပူၤ လၢအကကဲထီၣ်နဂံၢ်ခီၣ်ထံးတၢ်ကွၢ်ထွဲကသံၣ်ဒၢးသ့၀ဲလီၤ. အဝဲသ့ၣ် ကသ့ၣ်ညါအါထီၣ်နဂ့ၢ်ဒီး ဟံးဃာ် နကသံၣ်ကသီ တၢ်ကွဲးနီၣ်ကွဲးဃါ ခဲလၢာ် လၢတၢ်လီၢ်တပူၤဃီန့ၣ်တက့ၢ်.
တကးဒံးဘၣ် နအိၣ်ဒီးတၢ်ခွဲးတၢ်ယာ် လၢနကစဲးဘူးနသးဒီး ကသံၣ်သရၣ်လၢ ကမံးတံာ်မိၢ်ပှၢ်ဟ့ၣ်တၢ်အုၣ်ကီၤ ဒီး ပှၤကူစါယါဘျါတၢ်လၢ အိၣ်ဒီးတၢ်ဟ့ၣ်ပျဲသ့ၣ်တဖၣ် ခီဖျိဘံၢ်ဒံၢ်အိၣ်တၢ်အိၣ်ဖှိၣ်လၢအ့ထၢၣ်နဲးအဖီခိၣ် ဃုာ်ဒီး Doctor On Demand တနံၤ 24 နၣ်ရံၣ်, တနွံ 7 သီ လၢကထံၣ်လိာ်သးဒီးကသံၣ်သရၣ်မ့တမ့ၢ် သးဂ့ၢ်၀ီကသံၣ်သရၣ် လၢအ့ထၢၣ်နဲးဖီခိၣ်အဂီၢ်န့ၣ်လီၤ.
ပတၢ်တိာ်ကျဲၤတဖၣ် အုၣ်ကီၤကျၢၢ်ဘၢ တၢ်ကူစါမဲအတၢ်မၤ, ပၣ်ဃုာ်ဒီး တၢ်သမံသမိးကွၢ်, တၢ်မၤကဆှီ ဒီး တၢ်မၤပှဲၤတဖၣ်န့ၣ်လီၤ.
ဘၣ်ထွဲဒီးမဲဆူၣ်ချ့တၢ်န့ၢ်ဘျုး တၢ်သံကွၢ်တဖၣ်အဂီၢ် မ့တမ့ၢ် တၢ်မၤစၢၤအဂီၢ်န့ၣ် ဃုထံၣ်န့ၢ်ကသံၣ်သရၣ်လၢ တၢ်တိာ်ကျဲၤဘျးစဲပူၤတက့ၢ်-
မ့တမ့ၢ်ကိးအပှ့ၤကလီဆူ 1-800-774-9049, TTY 711
မုၢ်ဆၣ် − မုၢ်ဖီဖး ဂီၤခီ 8 နၣ်ရံၣ် တုၤဟါခီ 5 နၣ်ရံၣ် Central Time နီၣ်ထိၣ်
နကဘၣ်ထၢနုာ်လီၤ နစံး(ပ)နီၣ်ဂံၢ်ခူသူၣ်ဒီး ဃုထၢ "Minnesota Select Dental Network" ဒ်သိးကဃုထံၣ်န့ၢ် မဲကသံၣ်သရၣ်တဖၣ်လၢအအိၣ်ဖဲ တၢ်တိာ်ကျဲၤဘျးစဲပူၤအဂီၢ်လီၤ.
ဃုကွၢ်လၢမဲကသံၣ်သရၣ်အမံၤကွဲးရဲၣ်
ကသံၣ်ကျး ပှာ်ဘျးစဲတမံၤန့ၣ်မ့ၢ်ဝဲ ကသံၣ်ကျးတဖၣ် အမံၤစရီ (ကသံၣ်ဖီၣ်အကျးတဖၣ်) လၢမၤပှဲၤက့ၤ ကသံၣ်ကသီလၢကသံၣ်သရၣ်ဟ့ၣ်လီၤတဖၣ် လၢပတၢ်တိာ်ကျဲၤ ပှၤကရူၢ်ဖိတဖၣ်အဂီၢ်န့ၣ်လီၤ.
အလီၢ်ကအိၣ်လၢ နကဘၣ်ဟ့ၣ်နဲ ဘူးလဲအါထီၣ်လၢ နကသံၣ်ကသီအဂီၢ် ဖဲလၢ နတစူးကါ ကသံၣ်ကျး လၢခီပနံာ်ပှာ်ဘျးစဲအပူၤ မ့တမ့ၢ် ဖဲနကသံၣ်ကသီအံၤ တအိၣ်ဘၣ်လၢ ကသံၣ်မံၤကွဲးရဲၣ်လၢ အဖိးသဲစး (ကသံၣ်ကသီ အစရီ) ဘၣ်အဃိလီၤ.
ဃုကွၢ် ကသံၣ်မံၤကွဲးရဲၣ်လၢအဖိးသဲစး(ကသံၣ်ကသီ အမံၤကွဲးရဲၣ်)
မ့တမ့ၢ် ကိးတၢ်ဆဲးကျိးကလီ ဖဲ 1-844-765-5939, TTY 711
တနံၤ 24 နၣ်ရံၣ်, တနွံနွံသီလီၤ.
ဆဲးကျိး ကလီတၢ်ဆူ ကရူၢ်ဖိတၢ်တိစၢၤမၤစၢၤ အလီကျိၤဖဲ-
1-800-711-9862, TTY 711
ဂီၤ8 နၣ်ရံၣ်. တုၤ ဟါ5 နၣ်ရံၣ် လီၢ်ခၢၣ်သးတၢ်ဆၢကတီၢ် (Central Time)
မုၢ်ဆၣ်တုၤမုၢ်ဖီဖး
တၢ်ကိးအံၤ ကမ့ၢ်ဘူးလဲကလီလီၤ.
လီတဲစိနီၣ်ဂံၢ်အံၤ အိၣ်ဝဲဒၣ်လၢနကရူၢ်ဖိ (ID) ခး အလီၢ်ခံန့ၣ်လီၤ.
နတဲအဲကလံးကျိာ်မ့ၢ်တဘၣ်ဘၣ်န့ၣ် ကိးန့ၢ်ပှၤတဲကျိာ်တၢ်တဂၤ လၢကလဲၤဒီးနၤ ဖဲနထံၣ်လိာ်သးဒီးကသံၣ်သရၣ်အခါန့ၣ်တက့ၢ်.
ဆဲးကျိး 1-800-711-9862, TTY 711.
နကိးတၢ်န့ၣ်တလၢာ်၀ဲတၢ်ဘူးတၢ်လဲဘၣ်.
တယံာ်ဘၣ် နကရူၢ်ဖိ (ID) ခးန့ၣ် တၢ်ကဆှၢလီၤန့ၢ်နၤလီၤ. အလီၢ်အိၣ်လၢ နကဒုးနဲၣ် န ကရူၢ်ဖိ (ID) ခး ဖဲနလဲၤဒုးနဲၣ်နသးဒီး ကသံၣ်သရၣ် တဘျီလၢ်လၢ်, နလဲၤဆူ ကသံၣ်ဒၢး, တၢ်ဆါဟံၣ်, မဲကသံၣ်သရၣ် မ့တမ့ၢ် ကသံၣ်ကျးတဖၣ် အအိၣ်တဘျီလၢ်လၢ်န့ၣ်လီၤ. အဝဲအိၣ်ဒီး တၢ်ဂ့ၢ်တၢ်ကျိၤ ခဲလၢာ် လၢပှၤဆီၣ်ထွဲမၤစၢၤနၤတဖၣ် ကလိၣ်ဘၣ်အီၤ လၢကဆှၢထီၣ် နတၢ်ဃ့ထီၣ်တဖၣ် အဂီၢ်န့ၣ်လီၤ.
ဖဲနလိၣ်တၢ်ဟ့ၣ်ကူၣ်မ့တမ့ၢ်တၢ်ဟံးစုနဲၣ်ကျဲၤ ဘၣ်ဃးဒီး နဒိးန့ၢ်ဘၣ်တၢ်ကွၢ်ထွဲဖဲလဲၣ်တတီၤလဲၣ်အခါ နဆဲးကျိးတၢ်ဒီးသရၣ်မုၣ်ကွၢ်ပှၤဆါအိၣ်ဒီးလံာ်ပျဲဒီးတၢ်လဲၤခီဖျိအါတဂၤအအိၣ် တဘျီလၢ်လၢ်သ့ဝဲန့ၣ်လီၤ.
ပသရၣ်မုၣ်ကွၢ်ပှၤဆါတဖၣ်စ့ၢ်ကီး မၤစၢၤနၤသ့ဖဲနအိၣ်ဒီးနဟုးသးကတီၢ် မ့တမ့ၢ် နအိၣ်ဖျဲၣ်ဖိဝံၤကတီၢ်န့ၣ်လီၤႉ
ကိးအပှ့ၤကလီဆူ 1-888-275-3974, TTY 711.
နသးဂ့ၢ်၀ီဆူၣ်ချ့ဒီး နသးအတၢ်တူၢ်ဘၣ်ဆူၣ်ချ့ န့ၣ်အကါဒိၣ်၀ဲလီၤ. နတၢ်တိာ်ကျဲၤဟ့ၣ်န့ၢ်တၢ်အဘူးအလဲလၢ သးဂ့ၢ်၀ီဆူၣ်ချ့ဒီး သကဲာ်ပ၀းဆူၣ်ချ့တၢ်ကွၢ်ထွဲအဂီၢ် - ဒ်အမ့ၢ် သးအတၢ်ဃၢတၢ်စံာ်, တၢ်သူၣ်ကိၢ်သးဂီၤ, ဒီး တၢ်သူကသံၣ်မူၤဘှီးတဖၣ်လီၤ. နဒိးန့ၢ်တၢ်မၤစၢၤသ့လၢ နီၢ်ကစၢ်, ဆဲးကျိးန့ၢ်တီၤ, မ့တမ့ၢ် ခီဖျိလၢလီတဲစိ 24/7 လီၤ.
မ့တမ့ၢ်ကိးအပှ့ၤကလီဆူ 1-888-275-3974, TTY 711 တက့ၢ်.
နၤ မ့တမ့ၢ် ပှၤတဂၤဂၤလၢနသ့ၣ်ညါအီၤ မ့ၢ်ဘၣ်ကွၢ်ဆၢၣ်မဲာ်ဒီးတၢ်နးတၢ်ဖီၣ်အကတီၢ်ဃိ, ဒိးန့ၢ်ဝဲတၢ်မၤစၢၤသ့န့ၣ်လီၤ 24/7.
ဆဲးကျိး မ့တမ့ၢ် ဒိဆှၢလံာ် 988 လၢခၠဲး (chat) အပူၤ
DHS_090525_K01 DHS အၢၣ်လီၤတူၢ်လိာ်09/22/2025
Delta Dental of Minnesota မ့ၢ်တၢ်ဆၢထၢၣ်ခၢၣ်စးဒၣ်တၢ်လၢ Blue Cross and Blue Shield of Minnesota န့ၣ်လီၤ. Delta Dental® ဟ့ၣ်ထီၣ် တၢ်အံးကွၢ်ပၢဆှၢ အတၢ်မၤတဖၣ် လၢ မဲတၢ်န့ၢ်ဘျုးတဖၣ် အဂီၢ်န့ၣ်လီၤ.
Doctor On Demand® မ့ၢ်ဒၣ် ခီပနံာ်သဘျ့တဖျၢၣ်လၢအဟ့ၣ်မၤစၢၤဆူၣ်ချ့တၢ်တိစၢၤမၤစၢၤလၢလီတဲစိန့ၣ်လီၤ.
Prime Therapeutics LLC န့ၣ် မ့ၢ်ဒၣ် ခီပနံာ်သဘျ့တဖျၢၣ်လၢအဃုစၢၤန့ၢ်နၤလၢ ကသံၣ်ကျးတၢ်န့ၢ်ဘျုးအတၢ်ပၢဆှၢတၢ်န့ၣ်လီၤ.