န Blue Cross and Blue Shield of Minnesota ဒီး Blue Plus တၢ်တိာ်ကျဲၤ ဟဲသကိးဃုာ်ဒီး တၢ်န့ၢ်ဘျုးအဘျဲၣ်တဖၣ် ဒ်သိးကဆီၣ်ထွဲမၤစၢၤ နၤ ဒီး နဖိအတၢ်အိၣ်ဆူၣ်အိၣ်ချ့ တချုး, အဖၢမုၢ် ဒီးတၢ်အိၣ်ဟုးသး ဝံၤအလီၢ်ခံန့ၣ်လီၤ.
နမ့ၢ်မုၢ်လၢ်ဆိပာ်တၢ်န့ၣ်, မၤလိသ့ၣ်ညါအါထီၣ်တၢ် ခီဖျိ နကိး တၢ်တိစၢၤမၤစၢၤ ကရူၢ်ဖိ ဖဲ-
ဂီၤ 8 နၣ်ရံၣ် တုၤ ဟါ 5 နၣ်ရံၣ်, မုၢ်ဆၣ် တုၤ မုၢ်ဖီဖး, Central Time. တၢ်ကိးအံၤ မ့ၢ်ဝဲ ဘူးလဲကလီလီၤ.
Pregnant Blue AdvantageSM ဟံၣ်ဖိဃီဖိတဖၣ် ဒီး ဖိသၣ်တဖၣ် ဒီး MinnesotaCare ကရူၢ်ဖိတဖၣ် ဒိးန့ၢ် ဆူၣ်ချ့တၢ်တိာ်ကျဲၤ အဘျဲၣ် တၢ်န့ၢ်ဘျုးတဖၣ် လၢ တချုးတၢ်အိၣ်ဖျဲၣ်ဖိ ဒီး တၢ်အိၣ်ဖျဲၣ်ဖိဝံၤ တၢ်ကွၢ်ထွဲ အဂီၢ်န့ၣ်လီၤ.
တုၤနသ့ၣ်ညါလၢ နအိၣ်ဒီးဟုးသးတဘျီဃီန့ၣ်, ကိးဘၣ် ကရူၢ်ဖိ တၢ်တိစၢၤမၤစၢၤ အနီၣ်ဂံၢ်ဖဲ န တၢ်ကွၢ်နီၣ်ကွၢ်ဃါခးက့ အချၢ ဒ်သိးနကမၤလိသ့ၣ်ညါအါထီၣ်ဒီး စးထီၣ်တၢ်အဂီၢ်တက့ၢ်.
တၢ်အိၣ်ဟုးသးကတီၢ် တၢ်ကွၢ်ထွဲန့ၣ် မ့ၢ်ဝဲ ညီနုၢ်တၢ်မၤ, ဒီးမ့ၢ်ဆူၣ်ချ့တၢ်ကွၢ်ထွဲ တၢ်လဲၤဒုးနဲၣ်သးလၢ တၢ်အုၣ်ကီၤကျၢၢ်ဘၢဟ့ၣ်စၢၤအပှ့ၤ လၢပှၤအိၣ်ဒီးဟုးသးတဖၣ် အဂီၢ်န့ၣ်လီၤ.
တၢ်အိၣ်ဟုးသးကတီၢ် တၢ်လဲၤဒုးနဲၣ်သး ဆိဆိဒီး ကတီၢ်ဘၣ်ဘၣ်န့ၣ် မၤစၢၤနကသံၣ်သရၣ် မ့တမ့ၢ် ပှၤကွၢ်ထွဲကူစါတၢ် လၢကခိးကွၢ် နတၢ်အိၣ်ဆူၣ်အိၣ်ချ့ဒီး ဖိသၣ် အတၢ်ဒိၣ်ထီၣ်န့ၣ်လီၤ.
တၢ်အံၤမ့ၢ် တၢ်အကါဒိၣ်ကတၢၢ်လၢ နမၤအီၤသ့ လၢနၤဒီး နဖိဆံး အတၢ်အိၣ်ဆူၣ်အိၣ်ချ့အဂီၢ်န့ၣ်လီၤ.
လၢတၢ်အုၣ်ကီၤကျၢၢ်ဘၢအါထီၣ် နတၢ်လဲၤဒုးနဲၣ်သးလၢ ကသံၣ်သရၣ်အဂီၢ်, န Blue Plus ဆူၣ်ချ့ တၢ်တိာ်ကျဲၤ ဟဲစိာ်ဃုာ်ဒီး တၢ်ရဲၣ်တၢ်ကျဲၤတဖၣ်ဒီး တၢ်န့ၢ်ဘျုး အဘျဲၣ်တဖၣ် ဒ်သိးကမၤစၢၤနၤလၢ တၢ်ကတဲာ်ကတီၤသးလၢ ဖိသၣ်အိၣ်ဖျဲၣ်ထီၣ်ဒီး ဆူညါအဂီၢ်န့ၣ်လီၤ.
ဆဲးကျိးဆူ ကရူၢ်ဖိတၢ်တိစၢၤမၤစၢၤအလီကျိၤဖဲ 1-800-711-9862, TTY 711 လၢကဃုသ့ၣ်ညါအါထီၣ် တၢ်ရဲၣ်တၢ်ကျဲၤဒီး တၢ်န့ၢ်ဘျုးတဖၣ်အံၤ အတၢ်ဂ့ၢ်တၢ်ကျိၤအဂီၢ်တက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
Maven မ့ၢ်ဒံၣ်ကၠံၣ်တၢၣ် တၢ်ရဲၣ်တၢ်ကျဲၤတခါလၢ ကရူၢ်ဖိတဖၣ်လၢ အကြၢ၀ဲဘၣ်၀ဲတဖၣ် တလိၣ်ဟ့ၣ်တၢ်အဘူးအလဲ ဒီးသူ၀ဲသ့န့ၣ်လီၤ. 3 Maven ဒုးအိၣ်ထီၣ် အ့ထၢၣ်နဲးတၢ်ဂံၢ်ထံးတဖၣ်ဒီး တၢ်ဆီၣ်ထွဲတသီန့ၣ်24 နၣ်ရံၣ်, တနွံန့ၣ် 7 သီ ဒ်သိးကရူၢ်ဖိတဖၣ် ဖဲလၢဒၢအဆၢကတီၢ်ဒီး ဒၢ၀ံၤအဆၢကတီၢ် ဒ်အမ့ၢ် တၢ်ဟူးဟးဂီၤ၀ံၤအလီၢ်ခံန့ၣ်လီၤ.
ပှၤပၢဆှၢတၢ်ဂ့ၢ် မူဒါခိၣ်တဂၤန့ၣ် မၤစၢၤနၤသ့လၢ နကဃုထံၣ်န့ၢ် ကသံၣ်သရၣ်တဖၣ်လၢ ပှာ်ဘျးစဲအပူၤ, ဆီလီၤန့ၢ်နၤ တၢ်လဲၤဒုးနဲၣ်သးဒီး ကသံၣ်သရၣ် ဒီး တၢ်လူၤပိာ်ကွၢ်ထွဲက့ၤ ဆူၣ်ချ့ တၢ်လဲၤထံၣ်လိာ်သးတဖၣ် ဒီး စံးဆၢတၢ်သံကွၢ်တဖၣ်ဖဲ တၢ်လဲၤဒုးနဲၣ်သးဒီး ကသံၣ်သရၣ် အဘၢၣ်စၢၤန့ၣ်လီၤ. အဝဲသ့ၣ်မၤစၢၤဟ့ၣ်လီၤ တၢ်အိၣ်ယၢၤတဖၣ် လၢအဘၣ်ဃးဒီး ဟံၣ်ဃီတၢ်အိၣ်ဆိးလီၢ်, တၢ်ဘံၣ်တၢ်ဘၢ, ကျိၣ်စ့ဂ့ၢ်ဝီ, တၢ်ကူစါယါဘျါ တၢ်တိာ်ကျဲၤတဖၣ်ဒီး ကသံၣ်ကသီတဖၣ်အဂ့ၢ် သ့စ့ၢ်ကီးလီၤ.
မုၣ်ကွၢ်ပဟုးတဂၤန့ၣ် မၤစၢၤနၤလၢ တၢ်ကတဲာ်ကတီၤသးလၢ တၢ်အိၣ်ဖျဲၣ်ဖိကတီၢ်အဂီၢ် ခီဖျိ ဟ့ၣ်လီၤနၤ တၢ်ဆီၣ်ထွဲမၤစၢၤလၢ နီၢ်ခိဒီးလၢ နီၢ်သးဂ့ၢ်ဝီ ဖဲတချုးတၢ်အိၣ်ဖျဲၣ်ဖိ, တၢ်အိၣ်ဖျဲၣ်ဖိအဖၢမုၢ်ဒီး ဝံၤအလီၢ်ခံန့ၣ်လီၤ. အဝဲသ့ၣ် တဲဘၣ်နကသံၣ်သရၣ် ဘၣ်ဃးဒီး နတၢ်အိၣ်ဖျဲၣ် တၢ်တိာ်ကျဲၤအဂ့ၢ်သ့, ဖဲနအိၣ်ဖျဲၣ်ဖိကတီၢ် မၤမုာ်မၤခုၣ်နသးသ့, ဒီးမၤစၢၤနၤလၢ နကဒုးအီနဖီနုၢ်, ဒီးအဂၤတဖၣ်န့ၣ်လီၤ.
ဖိသၣ်အိၣ်ဖျဲၣ်သီတဖၣ်ဒီး ဖိသၣ်တဖၣ်လၢ သးအနံၣ်အလါ9 ဒိးန့ၢ်သိလ့ၣ်လီၢ်ဆ့ၣ်နီၤ မ့တမ့ၢ် လီၢ်ဆ့ၣ်နီၤအါထီၣ် ဖဲအပှ့ၤတအါထီၣ်ဘၣ်သ့န့ၣ်လီၤ. 4 ဖိသၣ်တဖၣ်အသးအနံၣ်အလါ 9 မ့တမ့ၢ် ပှၢ်န့ၢ်ပှၤလၢဖျိထီၣ် Minnesota's Child Passenger တၢ်ဘံၣ်တၢ်ဘၢတသ့ (5-မ့ၢ်လၢအ၀ဲသ့ၣ်အိၣ်တ့ၢ်လၢ အကြၢးဒီးသိလ့ၣ်လီၢ်ဆ့ၣ်နီၤ တၢ်ရဲၣ်တၢ်ကျဲၤအဃိန့ၣ်လီၤ.
ဖဲနနုာ်လီၤပၣ်ဃုာ်တၢ်လၢ Healthy Rewards အပူၤအခါ, နၤဒီး နဟံၣ်ဖိဃီဖိ ကဒိးန့ၢ် တၢ်ဟ့ၣ်ကနၢၤတဖၣ် ဖဲလၢနမၤဝံၤနဲ တၢ်မၤကွၢ်တၢ်ဆူးတၢ်ဆါဒီး တၢ်အိၣ်ဆူၣ်အိၣ်ချ့ အတၢ်ဟူးတၢ်ဂဲၤ လီၤတံၢ်တဖၣ်ဝံၤအခါန့ၣ်လီၤ. တၢ်အံၤအပူၤ ပၣ်ဃုာ်ဒီး တၢ်လဲၤဒုးနဲၣ်သး ဖဲတချုးတၢ်အိၣ်ဖျဲၣ်ဖိ, တၢ်အိၣ်ဖျဲၣ်ဖိဝံၤ ဒီး တၢ်လဲၤဒုးနဲၣ် ဖိသၣ်တၢ်အိၣ်ဆူၣ်အိၣ်ချ့တဖၣ်န့ၣ်လီၤ.
နတၢ်လဲၤဒုးနဲၣ်သးလၢ ကသံၣ်သရၣ် တကးဒံးဘၣ်, အိၣ်ဒံးဒီး တၢ်အိၣ်ယၢၤအဂၤတဖၣ်လၢ နဒိးန့ၢ်အီၤသ့ လၢနၤဒီး နဖိဆံး ကပှဲၤဒီးတၢ်အိၣ်ဆူၣ်အိၣ်ချ့ လၢနီၢ်ခိ ဒီးလၢ နီၢ်သးဂ့ၢ်ဝီ န့ၣ်လီၤ. ဒိးန့ၢ်အါထီၣ် တၢ်ဆီၣ်ထွဲမၤစၢၤဒီး တၢ်ကူၣ်ဘၣ်ကူၣ်သ့ လၢ-
နဖိဆံး မ့ၢ်အိၣ်ဖျဲၣ်ဆိ မ့တမ့ၢ် မ့ၢ်က့ကွဲၣ်န့ၣ်, NICU ဟံၣ်ဖိဃီဖိ တၢ်ဆီၣ်ထွဲမၤစၢၤ ® တၢ်ရဲၣ်တၢ်ကျဲၤ မၤစၢၤ မိၢ်ပၢ်တဖၣ်လၢ Neonatal Intensive Care Unit (NICU) အပူၤလီၤ.
ကွၢ်ဘၣ် NICU တၢ်ဆီၣ်ထွဲမၤစၢၤ ဟံၣ်ဖိဃီဖိ ®
March of Dimes ဟ့ၣ်ထီၣ် တၢ်ဂ့ၢ်တၢ်ကျိၤဒီး တၢ်မၤစၢၤလၢ ဖိသၣ်ဆံးတဖၣ်လၢ အိၣ်ဖျဲၣ်ထီၣ်ဆိလၢ တချုးအမုၢ်အလါဘၣ်တဖၣ် အဂီၢ်န့ၣ်လီၤ.
တၢ်သံကွၢ်ဘၣ်ဃးဒီး တၢ်ဒုးအီမိၢ်နုၢ်ထံ အဂီၢ်
နုာ်ကွၢ် La Leche League မ့တမ့ၢ် ကိးဘၣ် La Leche League တၢ်ဒုးအီမိၢ်နုၢ်ထံ တၢ်မၤစၢၤလီကျိၤ ဖဲ 1-877-452-5324တက့ၢ်.
နုာ်ကွၢ် Infant Risk Center လၢတၢ်သံကွၢ်တဖၣ်လၢ အဘၣ်ဃးဒီး တၢ်ဒုးအီမိၢ်နုၢ်ထံ ဒီး ကသံၣ်ကသီတဖၣ် အဂီၢ်န့ၣ်တက့ၢ်.
တၢ်အံးကွၢ်ပၢဆှၢက့ၤ တၢ်သးအုးသးဟးဂီၤ ဖဲအိၣ်ဖျဲၣ်ဖိဝံၤအကတီၢ်အဂီၢ် တၢ်အိၣ်ယၢၤအဂ့ၤကတၢၢ်န့ၣ် မ့ၢ်ဝဲ န နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ် န့ၣ်လီၤ.
နဆဲးကျိးဆူ ဟီၣ်ခိၣ်ဒီဘ့ၣ် တၢ်မၤစၢၤဆီၣ်ထွဲ တၢ်အိၣ်ဖျဲၣ်ဖိဝံၤအကတီၢ်ကရၢ သ့ဝဲစ့ၢ်ကီးလီၤ.
လဲၤဟးဆူ Postpartum Support International
ဃုကွၢ် တၢ်ဆီၣ်ထွဲမၤစၢၤ လၢတၢ်အိၣ်ဟုးအိၣ်သးဒီး ဖိသၣ်အိၣ်ဖျဲၣ်ထီၣ်သီ တၢ်လီၢ်မၢ်အဂီၢ် ဃုာ်ဒီး Share တက့ၢ်.
တၢ်လဲၤဒုးနဲၣ်သးတဖၣ်အံၤ မ့ၢ်တၢ်အကါဒိၣ်လၢ တၢ်သမံသမိးကွၢ်တၢ်ဆူးတၢ်ဆါဒီးတၢ်ဆဲးကသံၣ်ဒီသဒၢ အဂီၢ်လၢ ဖိသၣ်တဖၣ်ဒီး ပှၤလိၣ်ဘိဆံဆဲၣ်နံၣ်တဖၣ်အဂီၢ် စးထီၣ်လၢ အိၣ်ဖျဲၣ်ထီၣ် ပၢၢ်တုၤလၢ 20 နံၣ်လီၤ. နမၤလိသ့ၣ်ညါသ့စ့ၢ်ကီး တၢ်ဆၢကတီၢ်လၢ ပှၤကဘၣ်ဆဲး ကသံၣ်ဒီသဒၢတၢ်ဆါအဂ့ၢ် ဒိးသန့ၤထီၣ်သးလၢ နဖိအသးအနံၣ်အလါ အဖီခိၣ် ဒ်သိးနကကတဲာ်ကတီၤဆိပာ်နသးအဂီၢ်န့ၣ်လီၤ.
ပအိၣ်ဒီး တၢ်အိၣ်ယၢၤအါမး လၢကမၤစၢၤနၤဒီး နဖိဆံး ဒ်သိး ကအိၣ်ဘံၣ်အိၣ်ဘၢ, သူၣ်ဖှံသးညီ ဒီး အိၣ်ဆူၣ်အိၣ်ချ့အဂီၢ်န့ၣ်လီၤ.
တၢ်သ့ၣ်ညါနၢ်ပၢၢ် တၢ်ကတိၤ ညီနုၢ်တဖၣ်လၢ ဘၣ်ထွဲဒီး တၢ်အိၣ်ဟုးအိၣ်သးန့ၣ် ကမ့ၢ်ဝဲတၢ်လၢအဂ့ၤ ဒ်သိးနကတူၢ်ဘၣ် တၢ်သူၣ်မံသးမုာ်ဖဲ တၢ်ထံၣ်လိာ်အိၣ်သကိးဒီး ကသံၣ်သရၣ်အခါ အဂီၢ်န့ၣ်လီၤ.
American College of Obstetrics and Gynecology (ACOG)- ပှၤကရူၢ်အံၤ မ့ၢ်ပှၤတဖၣ်/ကသံၣ်သရၣ်တဖၣ် လၢအအိၣ်ဒီး တၢ်ကူၣ်ဘၣ်ကူၣ်သ့ အဂ့ၤကတၢၢ် လၢတၢ်ဟ့ၣ်တၢ်အုၣ်ကီၤ လၢ တၢ်ကွၢ်ထွဲအကလုာ်/အဘျီဆံးဆါ, တၢ်မၤကွၢ်တၢ်, ဒီး ကျိၤကျဲတဖၣ်လၢ ကကူစါယါဘျါ ပှၤဆူးပှၤဆါ အိၣ်ဟုးအိၣ်သးတဖၣ် န့ၣ်လီၤ. မၤလိအါထီၣ်ဘၣ်ဃးဒီး ACOG
Anatomy scan- မ့ၢ်တၢ်ဒိကွၢ် ပှၤအိၣ်ဒီးဟုးသးတဂၤ အဒၢလီၢ် ဒ်သိးကထံၣ်ဘၣ် ဖိသၣ်/ဖိသၣ်တဖၣ် အကတီၢ်ခဲအံၤ အက့ၢ်ဂီၤ, ဒီး ဒ်သိး ကသမံသမိး နီၢ်ခိတၢ်ဒိၣ်ထီၣ်, ဒီး ဆၢတဲာ် မ့ၢ်တၢ်တဘၣ်လိာ်ဘၣ်စး အိၣ်တမံၤမံၤဧါ န့ၣ်လီၤ
Anemia-တၢ်အိၣ်သးတမံၤလၢ သွံၣ်ဂီၤဖျၢၣ်တဖၣ် စှၤဝဲ
တၢ်သမံသမိးကွၢ် တၢ်ဒီသူၣ်ပာ်သး ဆူၣ်ချ့-တၢ်လီၤဃုသ့ၣ်ညါ ပှၤဆူးပှၤဆါတဖၣ်လၢ ကမၤပှဲၤ တချုးတၢ်အိၣ်ဖျဲၣ်ဖိ တၢ်လဲၤဒုးနဲၣ်သး အဂ့ၢ် တဆံးတက့ၢ်. တၢ်လီၤဃုသ့ၣ်ညါအံၤ မၤစၢၤတၢ်လၢ ပှၤကထိၣ်ဒွး တၢ်ဆီတလဲတမံၤမံၤလၢ သးဂ့ၢ်ဝီ တၢ်အိၣ်ဆူၣ်အိၣ်ချ့အပူၤ ဖဲတၢ်အိၣ်ဟုးအိၣ်သး ဒီတကတီၢ်ညါအပူၤ ဒီး ဖဲအိၣ်ဖျဲၣ်ဖိဝံၤ အလီၢ်ခံန့ၣ်လီၤ. တၢ်အံၤမ့ၢ် တၢ်ဂ့ၢ်ပတီၢ်မုၢ်လၢ ပှၤတဖၣ်တူၢ်ဘၣ် တၢ်သးလီၤဘှံးလီၤဘှါ, တၢ်လီၤဘှံးလီၤတီၤ, ဒီး တၢ်သူၣ်ကိၢ်သးဂီၤ ဖဲတၢ်ဆီတလဲတဖၣ်ဖဲ ပှၤတဂၤလၢ အိၣ်ဖျဲၣ်ဖိတဂၤ ဘၣ်လဲၤခီဖျိဝဲဒၣ်လၢ တၢ်လဲၤကျဲအံၤအပူၤန့ၣ်လီၤ. တၢ်လီၤဃုသ့ၣ်ညါအံၤ မၤစၢၤ ပှၤကွၢ်ထွဲတၢ်ကရူၢ်ဖိ လၢကဆၢတဲာ် ကဘၣ်မၤစၢၤ ပှၤအိၣ်ဖျဲၣ်ဖိတဂၤ ဒ်လဲၣ်န့ၣ်လီၤ.
Conception- ဖဲပှၤတဂၤ အိၣ်ထီၣ်ဒီး ဟုးသး
မုၣ်ကွၢ်ပဟုး-ပှၤတဂၤ လၢအဟ့ၣ်တၢ်နဲၣ်ကျဲဒီး တၢ်ဆီၣ်ထွဲမၤစၢၤ ဆူပှၤကအိၣ်ဖျဲၣ်ဖိတဂၤအအိၣ် ဖဲအိၣ်ဟုးအိၣ်သးကတီၢ်, ဖဲအိၣ်ဖျဲၣ်ဖိအဖၢမုၢ်, ဒီး ဖဲဖိသၣ်အိၣ်ဖျဲၣ်ထီၣ်ဝံၤ အလီၢ်ခံန့ၣ်လီၤ.
တၢ်သမံသမိး တၢ်လီၤစၢၤလီၤသွဲၣ်-တၢ်ကထုးထီၣ်သွံၣ်လၢ ပှၤလၢကအိၣ်ဖျဲၣ်ဖိအအိၣ်ဒီး စၢၤသွဲၣ်ဂံၢ်ထံးလၢ သွံၣ်စဲ(လ)အပူၤတဖၣ်န့ၣ် ဘၣ်တၢ်မၤကွၢ်အီၤလၢ ပှၤသ့ဘၣ်လီၤဆီတဂၤ ဒ်သိးကထံၣ်သ့ၣ်ညါဘၣ် မ့ၢ်တၢ်တဘၣ်လိာ်ဘၣ်စး အိၣ်တမံၤမံၤဧါန့ၣ်လီၤ
ဆံၣ်ဆၢတၢ်ဆါဖဲ ဟုးသးကတီၢ်-ဆံၣ်ဆၢတၢ်ဆါလၢ တၢ်ထံၣ်သ့ၣ်ညါအီၤဖဲ တၢ်အိၣ်ဟုးအိၣ်သးအကတီၢ်ဧိၤန့ၣ်လီၤ
တၢ်အိၣ်ဖျဲၣ်ဖိ အတၢ်တိာ်ကျဲၤ-တၢ်တိာ်ကျဲၤတမံၤလၢ ပာ်ဖျါထီၣ် ပှၤကအိၣ်ဖျဲၣ်ဖိတဂၤ အတၢ်ဆၢန့ၢ်ဘၣ်လၢ အဝဲသ့ၣ် သးအိၣ်ဆံးစၢ်ဖိဒ်လဲၣ်န့ၣ်လီၤ
မိၢ်နုၢ်ထံ-ပှၤအိၣ်ဖျဲၣ်ဖိတဂၤ အနုၢ်ထံထီၣ်
တၢ်ဟ့ၣ်ကူၣ် ဘၣ်ဃးမိၢ်နုၢ်ထံ-တၢ်ထံၣ်လိာ်အိၣ်သကိး ဒီးပှၤသ့ဘၣ်စဲၣ်နီၤ လၢကမၤစၢၤ ပှၤအိၣ်ဖျဲၣ်ဖိတဂၤလၢ ကဒုးအီမိၢ်နုၢ်ထံ/လၢနုၢ်ထံကထွးထီၣ် ဂ့ၤဂ့ၤအဂီၢ်
Native American Community Clinic (NACC)- အမဲရကၤ ပှၤတဝၢ ကသံၣ်ဒၢးန့ၣ် မ့ၢ်ဝဲဒၣ် ကသံၣ်ဒၢးတဖျၢၣ်လၢ အမၤစၢၤ အမဲရကၤ ပှၤထူလံၤဖိတဖၣ်လၢ Twin Cities အပူၤန့ၣ်လီၤ. အဝဲသ့ၣ် မၤဂ့ၤထီၣ် တၢ်အိၣ်ဆူၣ်အိၣ်ချ့ ဒီး တၢ်အိၣ်မုာ်ဆိးပၢၤလၢ တၢ်ဆိကမိၣ်, နီၢ်ခိ ဒီး နီၢ်သး လၢ အမဲရကၤ ပှၤထူလံၤဖိ ဟံၣ်ဖိဃီဖိတဖၣ် အပူၤန့ၣ်လီၤ. မၤလိအါထီၣ် NACC အဂ့ၢ်
NIPS တၢ်မၤကွၢ်- တၢ်ကထုးထီၣ်သွံၣ်လၢ ပှၤလၢကအိၣ်ဖျဲၣ်ဖိအအိၣ်ဒီး စၢၤသွဲၣ်ဂံၢ်ထံးလၢ သွံၣ်စဲ(လ)အပူၤတဖၣ်န့ၣ် ဘၣ်တၢ်မၤကွၢ်အီၤလၢ ပှၤသ့ဘၣ်လီၤဆီတဂၤ ဒ်သိးကထံၣ်သ့ၣ်ညါဘၣ် မ့ၢ်တၢ်တဘၣ်လိာ်ဘၣ်စး အိၣ်တမံၤမံၤဧါန့ၣ်လီၤ
Preeclampsia-သွံၣ်ဂံၢ်ဆီၣ်သနံးလၢ တၢ်ထံၣ်န့ၢ်ဘၣ်အီၤဖဲ တၢ်အိၣ်ဟုးသးကတီၢ်အပူၤ
တၢ်လဲၤဒုးနဲၣ်သး တချုးအိၣ်ဖျဲၣ်ဖိ (antenatal) -ဖဲအိၣ်ဟုးအိၣ်သးကတီၢ် လဲၤထံၣ်လိာ်အိၣ်သကိးဒီး နကသံၣ်သရၣ်
အိၣ်ဖျဲၣ်ဖိဝံၤ-တၢ်ဆၢကတီၢ်ဖဲ ဖိသၣ်အိၣ်ဖျဲၣ်ထီၣ်ဝံၤအလီၢ်ခံ
RH တၢ်မၤကွၢ် နီၢ်ခိဂံၢ်တြီဆၢ- တၢ်ထုးထီၣ်သွံၣ် ဒ်သိးကသမံထံ သွံၣ်အကလုာ်
Rhogam-ကသံၣ်ဆဲးလၢ ဘၣ်တၢ်ဆဲးအီၤဖဲ တၢ်အိၣ်ဟုးသးအကတီၢ် ဖဲလၢပှၤကအိၣ်ဖျဲၣ်ဖိအံၤ အသွံၣ်ကလုာ်န့ၣ် လီၤဆီဒီး အဖိအသွံၣ် အခါန့ၣ်လီၤ
STI တၢ်သမံသမိးကွၢ်တၢ်- STI အခီပညီမ့ၢ်ဝဲ "တၢ်ဆါလၢကူဂာ် ခီဖျိ သွံၣ်ထံတၢ်မံဃုာ်အိၣ်ဃုာ်" တၢ်အံၤမ့ၢ်ဝဲ တၢ်မၤကွၢ်ဆံၣ် လၢကဆၢတဲာ် မ့ၢ် STI အိၣ်လၢ နီၢ်ခိပူၤဧါန့ၣ်လီၤ.
TDAP-ကသံၣ်ဆဲးဒီသဒၢတၢ်ဆါန့ၣ် မ့ၢ်ဒ်သိးကဒီသဒၢ ခၣ်အ့ၣ်တံၢ်တၢ်ဆါ, ကိာ်ယူၢ်ဘိညိးတၢ်ဆါ ဒီး တၢ်ကူးဖးဒိၣ်တၢ်ဆါတဖၣ်အဂီၢ်န့ၣ်လီၤ
Ultrasound (အၢထြၣ်စီ)-တၢ်ဒိကွၢ် ပှၤအိၣ်ဒီးဟုးသး အဒၢလီၢ် ဒ်သိးကထံၣ်ဘၣ် ဖိသၣ်/ဖိသၣ်တဖၣ်အက့ၢ်ဂီၤ, ဒီး မၤကွၢ် ဖိသၣ်/ဖိသၣ်တဖၣ် ဖဲအိၣ်လၢဟုးသးအပူၤ အဖၢမုၢ်န့ၣ်လီၤ
DHS_100424_K01 DHS အၢၣ်လီၤတူၢ်လိာ်11/19/2024
1ဂံၢ်ထံးတဖၣ်- https://www.mayoclinic.org/healthy-lifestyle/pregnancy-week-by-week/basics/healthy-pregnancy/hlv-20049471; https://www.mayoclinic.org/healthy-lifestyle/pregnancy-week-by-week/in-depth/prenatal-testing/art-20045177; https://www.acog.org/womens-health/infographics/prenatal-genetic-testing-chart; https://www.acog.org/womens-health/faqs/routine-tests-during-pregnancy.
2American College of Obstetrics and Gynecology (ACOG).
3 ဒံၣ်ကၠံၣ်တၢၣ်တၢ်ရဲၣ်တၢ်ကျဲၤ လိၣ်ဘၣ်လီပရၢတၢ်လီၢ်တၢ်ကျဲ လၢအမ့ၢ်အတီဒီး တၢ်ဒိးန့ၢ်အ့ထၢၣ်နဲးဒ်သိးကသူ၀ဲတၢ်ရဲၣ်တၢ်ကျဲၤန့ၣ်လီၤ. နမ့ၢ်တအိၣ်ဒီး လီပရၢတၢ်လီၤတၢ်ကျဲလၢ အမ့ၢ်အတီမ့တမ့ၢ် ဒိးန့ၢ်အ့ထၢၣ်နဲးန့ၣ် Blue Plus လၢခံမံၤအကျါတၢ်လၢကဃုထၢတမံၤ ဆဲးကျိးနၤသ့ ဃုာ်ဒီးပှၤပၢဆှၢသဲစးတၢ်ဂ့ၢ် လၢဒုးအိၣ်ထီၣ်တၢ်ကူၣ်ဘၣ်ကူၣ်သ့ တၢ်ဂ့ၢ်တၢ်ကျိၤဒီး ဆီၣ်ထွဲ တၢ်ပၢဆှၢ မိၢ်တဖၣ်လၢကအိၣ်ဖျဲၣ်ဖိတဖၣ်အဂီၢ်န့ၣ်လီၤ.
4တၢ်တြီပနီၣ်တဖၣ်အိၣ်လီၤ. Pregnant Blue Plus ကရူၢ်ဖိတဖၣ်ကြၢးမ့ၢ်အစှၤကတၢၢ် 7 မ့တမ့ၢ် အါန့ၢ်အန့ၢ် ဆူအ၀ဲသ့ၣ်အဒၢတချုးလၢ ဒိးန့ၢ်လီၢ်ဆ့ၣ်နီၤလၢ သိလ့ၣ်န့ၣ်လီၤ. ကရူၢ်ဖိတဖၣ်ကြၢးဒီးတၢ်ဃုထၢ သိလ့ၣ်လီၢ်ဆ့ၣ်နီၣ်တခါဒီး လီၢ်ဆ့ၣ်နီၣ်အါထီၣ် ခီဖျိ Blue Plus တၢ်ရဲၣ်တၢ်ကျဲၤအံၤန့ၣ်လီၤ. ကရူၢ်ဖိတဖၣ် အိၣ်ဆိးလၢ Anoka, Blue Earth, Dakota, Hennepin ဒီး St. Louis သ၀ီတဖၣ်လၢ ကြၢးဒီးတၢ်ဃုထၢတဖၣ် နုာ်ဟးဆူ everyday-miracles.org/requestsဒ်သိးကဆဲးကျိး Everyday Miraclesလိၤလိၤဒ်သိးကဒိးန့ၢ်သိလ့ၣ်လီၢ်ဆ့ၣ်နီၤမ့တမ့ၢ် လီၢ်ဆ့ၣ်နီၤအါထီၣ်န့ၣ်လီၤ.
5 မဲတၢ်တိစၢၤမၤစၢၤတဖၣ်န့ၣ် ဘၣ်တၢ်ဟ့ၣ်အီၤ ခီဖျိ Delta Dental လၢ Minnesota အကရၢလၢအဟ့ၣ်နၤဒီးမဲအတၢ်ကွၢ်ထွဲတဖၣ်န့ၣ် မ့ၢ်ခီပနံၣ်သဘျ့တဖျၢၣ် ဒီးအိၣ်လီၤဆီဒီး Blue Cross ဒီး Blue Shield လၢ Minnesota န့ၣ်လီၤ. Delta Dental ပၢဆှၢရဲၣ်ကျဲၤနတၢ်န့ၢ်ဘျုးတဖၣ် ဒီးဒုးပၣ်ဃုာ်နၤဒီးမဲကသံၣ်သရၣ်ဘျးစဲဝဲဒၣ်ဒီး Minnesota တၢ်တိာ်ကျဲၤလၢနဃုထၢအီၤသ့ (Minnesota Select Dental Network) န့ၣ်လီၤ.