တၢ်ဒီသဒၢအတၢ်ကွၢ်ထွဲလၢပိာ်ခွါတဖၣ်အဂီၢ်
မၤလိတၢ်ဘၣ်ဃးကျဲလၢကဒီသဒၢဆှိးထံအချံခဲစၢၣ်တၢ်ဆါဒီး တၢ်သမံသမိးတၢ်ဒီသဒၢကျဲတဖၣ်လၢ ပိာ်ခွါတဖၣ်အဂီၢ်, လီၤဆီဒၣ်တၢ်ပှၤလၢအသးအနံၣ်အါန့ၢ်ဒံး 50န့ၣ်တက့ၢ်.
တၢ်ကွၢ်ကဒါက့ၤ
Blue Cross ကတိၤတၢ်ဘၣ်ဃးဒီးပိာ်ခွါတဖၣ်အတၢ်အိၣ်ဆူၣ်အိၣ်ချ့ ပာ်ဃုာ်ဒီးတၢ်သမံသမိးတၢ်ဒီသဒၢကျဲတဖၣ် ဒ်သိးကမၤစှၤလီၤဆှိးထံအချံခဲစၢၣ်တၢ်ဆါတၢ်ဘၣ်ယိာ် ဒီးတၢ်ဆါအဂၤတဖၣ်လီၤ. နမ့မ့ၢ်ပိာ်ခွါတဂၤလၢအအိၣ်ဒီးတၢ်ဘၣ်ယိာ်တဖၣ် မ့တမ့ၢ်အသးအိၣ် 50 နံၣ် မ့တမ့ၢ် ဆူဖီခိၣ်ဒီး , ရဲၣ်ကျဲၤတၢ်သ့ၣ်နံၤဖးသီလၢကထံၣ်လိာ်သးဒီးကသံၣ်သရၣ်တနံၤညါအံၤတက့ၢ်.
ပိာ်ခွါတဖၣ်ကြၢးလဲၤဆူကသံၣ်သရၣ်အအိၣ် လၢကမၤတၢ်ဒီသဒၢအတၢ်သမံသမိးအဂီၢ် တလါပှဲၤဘျီလဲၣ်.
တၢ်ဆၢတဲာ်လၢကလဲၤထံၣ်လိာ်သးဒီးကသံၣ်သရၣ်န့ၣ် ဘၣ်ဃးလၢသးအနံၣ်အလါဒီးဆူၣ်ချ့တၢ်ဘၣ်ယိၣ်အဖီခိၣ်:
- ပိာ်ခွါတဖၣ်လၢအအိၣ်ဆူၣ်အိၣ်ချ့တဖၣ်န့ၣ် - လဲၤထံၣ်လိာ်သးဒီးကသံၣ်သရၣ်သၢနံၣ်တဘျီ မ့တမ့ၢ်ယဲၢ်နံၣ်တဘျီ
- ပိာ်ခွါသးစၢ်တဖၣ်လၢအအိၣ်ဒီးဟံၣ်ဃီတၢ်ဆါတၢ်စံၣ်စိၤတဲစိၤ, တၢ်ဆါတၢ်အိၣ်သး မ့တမ့ၢ်တၢ်အိၣ်မူလၢအလီၤဘၣ်ယိၣ် - လဲၤထံၣ်လိာ်သးဒီးကသံၣ်သရၣ်ကိးနံၣ်ဒဲး
- ပိာ်ခွါလၢအသးဘျဲၣ် 50 နံၣ်ဆူဖီခိၣ်တဖၣ်န့ၣ် - လဲၤထံၣ်လိာ်သးဒီးကသံၣ်သရၣ် တနံၣ်တဘျီ ခံနံၣ်တဘျီ မ့တမ့ၢ်နတၢ်ဆါယံာ်ယံာ်ထၢထၢမ့ၢ်အိၣ်၀ဲန့ၣ် လဲၤထံၣ်အီၤအဘျီအါအါတက့ၢ်.
လၢပိာ်ခွါတဖၣ်အတၢ်ဒီသဒၢတၢ်သမံသမိးမၤကွၢ်တၢ်န့ၣ် တၢ်မနုၤတဖၣ်ကဲထီၣ်လဲၣ်?
နကဘၣ်တၢ်သမံသမိးနၤလၢအနီၢ်အထီ, အဃၢဒီးသွံၣ်တၢ်ဆီၣ်သနံး ဒီးကဘၣ်ကွၢ်နၤတၢ်သံကွၢ်ဒ်အံၤတဖၣ်:
- နအီမီၣ်ဧါ?
- နနီၢ်ခိတၢ်ဟူးတၢ်ဂဲၤတဖၣ် ဒီးတၢ်အီၣ်လုၢ်လၢ်တဖၣ်န့ၣ်ဒ်လဲၣ်?
- နသးအတၢ်ဃၢတၢ်စံာ်အပတီၢ်န့ၣ်ထဲလဲၣ်.
- နမံဃုာ်ဒီးပှၤလၢကျဲလၢအပူၤဒီးတၢ်ဘၣ်ယိၣ်ဧါ?
- နအီသံးအါထလၢဧါ?
- နဟံၣ်ဖိဃီဖိဘူးတံၢ်ကျါအိၣ်ဒီးပှၤလၢအိၣ်ဒီးသးဖျၢၣ်တၢ်ဆါ,ပှံာ်ပှၢ်ခဲစၢၣ်တၢ်ဆါ,ဆှိးထံအချံခဲစၢၣ်တၢ်ဆါ မ့တမ့ၢ်တၢ်ဆါအဂၤစ့ၢ်ဧါ?
တၢ်ဒီသဒၢတၢ်သမံသမိးလၢပိာ်ခွါတဖၣ်အဂီၢ်
ဖဲပိာ်ခွါတဖၣ်အသးပှၢ်ထီၣ်န့ၣ် အကါဒိၣ်အါထီၣ်လၢကထံၣ်လိာ်သးဒီးကသံၣ်သရၣ်ဘၣ်ဆၢဘၣ်ကတီၢ် လၢတၢ်ခံကွၢ်စီကွၢ်လၢအပိာ်ထွဲတဖၣ်လၢအမ့ၢ်ဝဲ:
- သွံၣ်တၢ်ဆီၣ်သနံး
- ခိၣ်လဲးစထြီရိအပတီၢ်
- တၢ်သမံသမိးပှံာ်ပှၢ်
တၢ်ဒီသဒၢအတၢ်ကွၢ်ထွဲ တၢ်အိၣ်ယၢၤတဖၣ်
အကါဒိၣ်လၢကနၢ်ပၢၢ် ကသံၣ်အတၢ်ဟ့ၣ်ကူၣ်အိၣ်မနုၤလဲၣ် ဒီးနတၢ်တိာ်ကျဲၤတခါန့ၣ် ဟ့ၣ်အပှ့ၤလၢတၢ်မနုၤအဂီၢ်လဲၣ်န့ၣ်လီၤ. စူးကါတၢ်တိစၢၤမၤစၢၤသ့ၣ်တဖၣ်အံၤ ဒ်သိးကဃုထံၣ်သ့ၣ်ညါတၢ်အဂီၢ်တက့ၢ်. ကွၢ်ဃုတၢ်ဂ့ၢ်ဆံးကိာ်အဂၤတဖၣ် လၢနတၢ်န့ၢ်ဘျုးန့ၢ်ဖှိၣ်အလံာ်ဆံးဖိတက့ၢ်.
တၢ်ဂ့ၢ်အဂၤဘၣ်ဃးဒီးတၢ်ဒီသဒၢအတၢ်ကွၢ်ထွဲ
ဆှိးထံအချံခဲစၢၣ်တၢ်ဆါ
ဆှိးထံအချံန့ၣ်မ့ၢ်တၢ်မနုၤလဲၣ် ဒီးပှၤဒ်လဲၣ်တဖၣ်န့ၣ်အိၣ်ဒီးတၢ်ဘၣ်ယိာ်လၢဆှိးထံအချံခဲစၢၣ်တၢ်ဆါလဲၣ်.
ဆှိးထံအချံမ့ၢ်ဝဲ သွံၣ်ထံထၢၣ်ဖိတမံၤလၢအစၢဘိၣ်လၢပိာ်ခွါဆံၣ်ကျိၤ,လဲၤလီၤလၢဆံၣ်ဒၢန့ၣ်လီၤ. ဆှိးထံအချံခဲစၢၣ်တၢ်ဆါန့ၣ် တၢ်ဆါကဲထီၣ်ညီနုာ်ကတၢၢ်လၢပိာ်ခွါတဖၣ်အကျါတမံၤ ဒီးအါတက့ၢ်ဘၣ်တၢ်ကူစါယါဘျါအီၤထီၣ်ဘးန့ၣ်လီၤ. နကသံၣ်သရၣ်န့ၣ်ဆိကတၢၢ်ကသမံသမိးနဆှိးထံအချံခဲစၢၣ်အတၢ်ဘၣ်ယိၣ် တချုးလၢအဆၢတဲာ်တၢ်ဒ်သိးကဘၣ်မၤတၢ်ခံကွၢ်စီကွၢ်သွံၣ်ဧါန့ၣ်လီၤ.
တၢ်ဂ့ၢ်တဖၣ်လၢအဒုးဒိၣ်ထီၣ်တၢ်ဘၣ်ယိၣ်လၢနဆှိးထံအချံခဲစၢၣ်န့ၣ်မ့ၢ်ဝဲ:
- သးနံၣ်/ပိာ်မုၣ်ပိာ်ခွါ - နမ့ၢ်ပိာ်ခွါတဂၤလၢအသးအိၣ်50 နံၣ် မ့တမ့ၢ် ဒိၣ်န့ၢ်အီၤ
- ဟံၣ်ဃီတၢ်စံၣ်စိၤတဲစိၤ - နပၢ်မ့တမ့ၢ်နဝဲၢ်ခွါန့ၣ်အိၣ်ဒီး ဆှိးထံအချံခဲစၢၣ်တၢ်ဆါ
- ကလုာ်/အဒူၣ် - နမ့ၢ်ပှၤအဲးဖရံးကၤအမဲရကၤဖိ
နမ့ၢ်အိၣ်ဒီးတၢ်ဆါတၢ်ဘၣ်ယိာ်န့ၣ် နကသံၣ်သရၣ်ကဃ့လီၤတၢ်သမံသမိးသွံၣ် ဒ်သိးကခံကွၢ်စီကွၢ် အဲၣ်တံာ်ကၠ့ၣ်ဘၣ်ထွဲဒီးဆှိးထံအချံ(PSA)အပတီၢ်လၢ နသွံၣ်ကျိၤအပူၤလီၤ. နPSAအပတီၢ်န့ၣ် ဒိးသန့သးလၢနသးနံၣ်န့ၣ်လီၤ. PSA အပတီၢ်ညီနုၢ်လၢပိာ်ခွါအသးအိၣ် 70နံၣ်တဂၤန့ၣ် ကအါန့ၢ်ပိာ်ခွါသးစၢ်တဂၤအPSAအပတီၢ်န့ၣ်လီၤ.
ပှၤကူစါဆှိးထံအချံခဲစၢၣ်တၢ်ဆါဒ်လဲၣ်?
နကသံၣ်သရၣ်န့ၣ်ကဟ့ၣ်ကူၣ်တၢ်ပိာ်ထွဲကွၢ်ထွဲဒိးသန့ၤထီၣ်သးလၢန PSAအစၢ အဖီခိၣ်န့ၣ်လီၤ. ဆှိးထံအချံခဲစၢၣ်တၢ်ဆါအကလုာ်တနီၤန့ၣ် ဒိၣ်ထီၣ်ကယီကယီအဃိ နကသံၣ်သရၣ်န့ၣ်ဘၣ်သ့ၣ်သ့ၣ်ကအဲၣ်ဒိးခိးကွၢ်နၤတတီၤန့ၣ်လီၤ. ဆှိးထံအချံခဲစၢၣ်တၢ်ဆါအကလုာ်အဂၤတဖၣ်န့ၣ် ဆူၣ်ဒိၣ်သ့ဝဲလီၤ. နကသံၣ်သရၣ်န့ၣ်ဘၣ်သ့ၣ်သ့ၣ်ကကတိၤတၢ်ဒီးနၤဘၣ်ဃးတၢ်ကူစါလၢအမ့ၢ်ဝဲ တၢ်ကွဲးကူစါ,တၢ်ကပီၤဂံၢ်သဟီၣ်,ကသံၣ်အီတဖၣ် မ့တမ့ၢ်ကျဲအဂၤတဖၣ်န့ၣ်လီၤ.
ကျဲအဂၤတဖၣ်လၢကဒီသဒၢဆှိးထံအချံ ဒီးတၢ်ဆါအဂၤတဖၣ်န့ၣ်မ့ၢ်မနုၤလဲၣ်?
ပိာ်ခွါတဖၣ်န့ၣ် ကြၢးဟးဆှဲးတၢ်အိမီၣ်, ပၢၤဃာ်နီၢ်အတယၢၢ်လၢအကြၢး ဒီး အိၣ်ဒီးနီၢ်ခိတၢ်ဟုးတၢ်ဂဲၤကတီၢ်တီၢ်ဒ်သိးကအိၣ်ဆူၣ်အိၣ်ချ့အဂီၢ်လီၤ. အကါဒိၣ်စ့ၢ်ကီးလၢ ကမံဃုာ်ဒီးမါလၢကျဲအကြၢးအဘၣ်ဒီးရဲၣ်ကျဲၤတၢ်ဒီသဒၢတၢ်သမံသမိး ဒ်နသးအနံၣ်အလါအသိးန့ၣ်လီၤ.