တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး

လၢ Medicare ကရူၢ်ဖိခဲလၢာ်အဂီၢ်

တမ့ၢ်ပှၤအသီဘၣ်ဃး Medicare ဘၣ်ဧါႉ နဂီၢ်အိၣ်ဒီး တၢ်ဟ့ၣ်အဘူးအလဲလၢ တနံၣ်တဘျီတၢ်အိၣ်မုာ်ဆိးပၢၤအဂီၢ်ႉ

လိၣ်လၢနကဘၣ်ပျဲအပှဲၤထီၣ် 12 လါစးထီၣ်ဖဲ တၢ်တူၢ်လိာ်မုာ်နၤလၢ Medicare အတၢ်လဲၤထံၣ်လိာ်သးကတီၢ် တချုးနဒိးန့ၢ်ဒ်ဘၣ်နတၢ်အိၣ်မုာ်ဆိးပၢၤတၢ်ထံၣ်လိာ်သးလၢခံဒ်ဘၣ်န့ၣ်လီၤႉ လၢတၢ်ထံၣ်လိာ်သးအပူၤအံၤ နကသံၣ်သရၣ်မၤစၢၤနၤသ့ဒ်သိး နကဒိၣ်ထီၣ်ထီထီၣ် မ့တမ့ၢ် မၤဂ့ၤမၤသီထီၣ်နနီၢ်တဂၤတၢ်ဒီသဒၢတၢ်တိာ်ကျဲၤန့ၣ်လီၤႉ

တနံၣ်တဘျီတၢ်အိၣ်မုာ်ဆိးပၢၤတၢ်ထံၣ်လိာ်သးန့ၣ် ပၣ်ဃုာ်၀ဲဒီး :

• ကွၢ်နဆူၣ်ချ့ဒီးဟံၣ်ဃီအတၢ်စံၣ်စိၤတဲစိၤ
• မၤသီထီၣ်စရီၣ် ဘၣ်ဃးဒီး ပှၤဟ့ၣ်နၤတၢ်ကွၢ်ထွဲ ဒီးကသံၣ်ကသီလၢနအီအီၤတဖၣ်
• တၢ်ထိၣ်ဒွးတၢ်အကါဒိၣ်တဖၣ် ဒ်သိးနီၢ်အထီ, အဃၢဒီးသွံၣ်ဆီၣ်သနံး
• တၢ်သမံသမိးလၢတၢ်သးပ့ၤနီၣ်သးအတၢ်ဆါ မ့တမ့ၢ်သးအုးဟးဂီၤတၢ်ဆါအပနီၣ်တဖၣ်အဂီၢ်
• ကွဲးစရီလီၤ ဆူၣ်ချ့အတၢ်ဘၣ်ယိၣ်တဖၣ် ဒီးတၢ်ကူစါယါဘျါလၢနဃုထၢအီၤတဖၣ်
• တဲသကိးဘၣ်ဃးတၢ်ပာ်လီၤဆၢကတီၢ်လၢ တၢ်ဒီသဒၢတၢ်တၢ်မၤတဖၣ်အဂီၢ် ဒ်သိးဒီးတၢ်မၤကွၢ်ဃုသ့ၣ်ညါတၢ်ဆါတဖၣ်ဒီး တၢ်ဆဲးကသံၣ်ဖီၣ်အဘျီတဖၣ်န့ၣ်တက့ၢ်
• တၢ်ကတိၤသကိး ဘၣ်ဃး ပှၤသးပှၢ်တၢ်ကွၢ်ထွဲအတၢ်တိာ်ကျဲၤ

ဆဲးကျၢဆဲးကျိးဘၣ်နပှၤဟ့ၣ်မၤစၢၤတၢ် (ကသံၣ်သရၣ်) ဒ်သိးကပာ်လီၤတၢ်ဆၢကတီၢ်လၢ တနံၣ်တဘျီတၢ်အိၣ်မုာ်ဆိးပၢၤတၢ်ထံၣ်လိာ်သးအဂီၢ်တက့ၢ်ႉ

လၢ Medicare ကရူၢ်ဖိခဲလၢာ်အဂီၢ်

တနံၣ်တဘျီနီၢ်ခိတၢ်ဒိးစဲးန့ၣ် မ့ၢ်ကျဲအဂ့ၤတဘိလၢကသမံသမိးနတၢ်အိၣ်ဆူၣ်အိၣ်ချ့အဂ့ၢ် ဃုာ်ဒီးနကသံၣ်သရၣ်, န့ၣ်လီၤႉ တၢ်မၤစၢၤအံၤဘၣ်တၢ်ကျၢၢ်ဘၢအီၤလၢ တၢ်တိာ်ကျဲၤအနံၣ်တနံၣ်ဘၣ်တနံၣ်န့ၣ်လီၤႉ

တနံၣ်တဘျီတၢ်အိၣ်မုာ်ဆိးပၢၤတၢ်ထံၣ်လိာ်သးန့ၣ် မ့ၢ်တၢ်လၢအအါန့ၢ်ဒ်တၢ်စံးတၢ်ကတိၤဘၣ်ဃး နတၢ်အိၣ်ဆူၣ်အိၣ်ချ့အဂ့ၢ်အကျိၤလၢအပူၤကွံာ်ဒီး တၢ်ဘၣ်ယိၣ်တဖၣ်အဂ့ၢ်ဘၣ်ဆၣ်သနာ်က့, တနံၣ်တဘျီနီၢ်ခိတၢ်ဒိးစဲးန့ၣ်မ့ၢ်တၢ်လၢအရ့ဒိၣ်နီၢ်နီၢ်န့ၣ်လီၤႉ ကသံၣ်သရၣ်န့ၣ် ကကွၢ်, ပျၢၢ်ဒီးဒိကနၣ်နနီၢ်ခိ ဒ်သိးကဆၢတဲာ် တၢ်ခံကွၢ်စီကွၢ်အဂုၤအဂၤတဖၣ်လိၣ်ဧါတလိၣ်ဧါန့ၣ်လီၤ.

တနံၣ်တဘျီနီၢ်ခိတၢ်ဒိးစဲးန့ၣ် ပၣ်ဃုာ်ဒီး :

• တၢ်ကွၢ်ကဒါက့ၤနကသံၣ်ကသီဒီဟံၣ်ဃီအတၢ်စံၣ်စိၤတဲစိၤ
• တၢ်ထိၣ်ဒွးတၢ်အကါဒိၣ်တဖၣ် ဒ်သိးနီၢ်အထီ, အဃၢဒီးသွံၣ်ဆီၣ်သနံး
• တၢ်သမံသမိးနသးဖျၢၣ်အတၢ်စံၣ်, တၢ်သါထီၣ်သါလီၤဒီးနီၢ်ခိအတၢ်ကိၢ်ထိၣ်
• တၢ်ဒိကနၣ်နသးဖျၢၣ်ဒီးနပသိၣ်တဖၣ်
• တၢ်သမံသမိးနမဲာ်ချံ, နၢ်, ကိာ်ယူၢ်, ညၣ်ဖံးဒီးကဖု
• ကွဲးစရီလီၤ ဆူၣ်ချ့အတၢ်ဘၣ်ယိၣ်တဖၣ် ဒီးတၢ်ကူစါယါဘျါလၢနဃုထၢအီၤတဖၣ်
• တဲသကိးဘၣ်ဃးတၢ်ပာ်လီၤဆၢကတီၢ်လၢ တၢ်ဒီသဒၢတၢ်တၢ်မၤတဖၣ်အဂီၢ် ဒ်သိးဒီးတၢ်မၤကွၢ်ဃုသ့ၣ်ညါတၢ်ဆါတဖၣ်ဒီး တၢ်ဆဲးကသံၣ်ဖီၣ်အဘျီတဖၣ်န့ၣ်တက့ၢ်

ဆဲးကျၢဆဲးကျိးဘၣ်နပှၤဟ့ၣ်မၤစၢၤတၢ် (ကသံၣ်သရၣ်) ဒ်သိးကပာ်လီၤတၢ်ဆၢကတီၢ်လၢ တနံၣ်တဘျီနီၢ်ခိတၢ်ဒိးစဲးအဂီၢ်တက့ၢ်ႉ