မၤလိဘၣ်ဃး ဖိသၣ်ဒီးပှၤလိၣ်ဘိတၢ်သမံသမိးမၤကွၢ်လၢ Minnesota Health Care Programs ကရၢဖိတဖၣ်အဂီၢ်တက့ၢ်.
တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ် မ့ၢ်ဝဲဒၣ် ကတီၢ်ဆိ တၢ်သမံသမိးတၢ်ဆါ , တၢ်ဃုသ့ၣ်ညါတၢ်ဆါ, ဒီး တၢ်ကူစါယါဘျါ လၢအဆၢကတီၢ်ဒၣ်ဝဲ(EPSDT) တၢ်ရဲၣ်တၢ်ကျဲၤ အကူာ်အက့လၢ Minnesota အပူၤန့ၣ်လီၤ. တၢ်အံၤမ့ၢ်ဝဲ ထံကီၢ်တၢ်ရဲၣ်တၢ်ကျဲၤလၢ ဖိသၣ်ဒီးပှၤလိၣ်ဘိတဖၣ်အဂီၢ် စးထီၣ်လၢ အအိၣ်ဖျဲၣ်လံၤလံၤ တုၤလၢသးနံၣ် 20, ဒီး ပှၤလၢအအိၣ်ဒီး တၢ်ကြၢးဒိးန့ၢ် Medical Assistanceခွဲးယာ် (လၢ Minnesota အ Medicaid တၢ်ရဲၣ်တၢ်ကျဲၤ) တဖၣ်အဂီၢ်န့ၣ်လီၤ. အဝဲမၤစၢၤမၤလီၤတံၢ်လၢ ဖိသၣ်တဖၣ်အံၤ ထီၣ်ဘး တၢ်ဒိၣ်ထီၣ်ဒီး တၢ်လဲၤထီၣ်လဲၤထီၣ် မံးလာ်အကါဒိၣ်တဖၣ် ဃုာ်ဒီး တၢ်မၤကွၢ်တၢ်ဆါ ညီနုၢ် ဒီး ကသံၣ်ဒီသဒၢ (တၢ်ဆဲးတဖၣ်) န့ၣ်လီၤ.
တၢ်လဲၤဒုးနဲၣ်သးတဖၣ်အံၤ မ့ၢ်တၢ်ခွဲးတၢ်ယာ်တမံၤလၢ နဂီၢ် လၢနကသံကွၢ်သံဒိးဘၣ်တၢ်ဒီး ဒိးန့ၢ် တၢ်စံးဆၢတဖၣ် ဘၣ်ဃးဒီး နဖိ မ့တမ့ၢ် နနီၢ်ကစၢ်ဒၣ်နဲ တၢ်အိၣ်ဆူၣ်အိၣ်ချ့ (သးစၢ်ဒိၣ်ထီၣ်သီတဖၣ်) အဂ့ၢ်န့ၣ်လီၤ. ဖဲ ဖိသၣ်ဒီးသးစၢ်ဒိၣ်ထီၣ်သီတၢ်သမံသမိးမၤကွၢ် (C&TC) တၢ်လဲၤထံၣ်လိာ်သးကတီၢ်အပူၤ, ကသံၣ်သရၣ်ကမၤတၢ်ဒ်သိးအံၤတဖၣ်-
Minnesota ဆူၣ်ချ့ဝဲၤကျိၤ အိၣ်ဒီးတၢ်ဂ့ၢ်တၢ်ကျိၤအါမးလၢ အဘၣ်ဃးဒီး တၢ်သမံသမိးမၤကွၢ် ဖိသၣ်ဒီးသးစၢ်ဒိၣ်ထီၣ်သီအဂီၢ် ဒီး ဘၣ်မနုၤဃိတၢ်တဖၣ်အံၤ အကါဒိၣ်လဲၣ်န့ၣ်လီၤ.
ဖိသၣ်ဒီး သးစၢ်ဒိၣ်ထီၣ်သီ ကိးဂၤဒဲး လၢအမ့ၢ် Minnesota Health Care Programs ကရူၢ်ဖိတဂၤန့ၣ် ဘၣ်တၢ်ဟ့ၣ်ကူၣ်လၢ ကမၤ တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီး သးစၢ်ဒိၣ်ထီၣ်သီတဖၣ်အဂီၢ် တၢ်လဲၤဒုးနဲၣ်သး ဖဲသးနံၣ်တဖၣ်အံၤ-
သးနံၣ်ကရူၢ်- 0-11 လါ
လၢတၢ်သမံသမိးမၤကွၢ် ခီဖျိသးနံၣ်- 0, 1, 2, 4, 6, 9 လါ
သးနံၣ်ကရူၢ်- 12 လါ ဆူ 4 နံၣ်
တၢ်သမံသမိးမၤကွၢ်ခီဖျိသးနံၣ် 12, 15, 18, 24, 30 လါ, 3-4 နံၣ် (တနံၣ်တဘျီ)
သးနံၣ်ကရူၢ်- 5-10 နံၣ်
တၢ်သမံသမိးမၤကွၢ်ခီဖျိသးနံၣ်- 5-10 နံၣ် (တနံၣ်တဘျီ)
သးနံၣ်ကရူၢ်- 11-20 နံၣ်
တၢ်သမံသမိးမၤကွၢ်ခီဖျိသးနံၣ်- 11-20 နံၣ် (တနံၣ်တဘျီ)
ဆဲးကျိး ကလီတၢ်ဆူ ကရူၢ်ဖိတၢ်တိစၢၤမၤစၢၤ အလီကျိၤဖဲ-
1-800-711-9862, TTY 711
ဂီၤ8 နၣ်ရံၣ်. တုၤ ဟါ5 နၣ်ရံၣ် လီၢ်ခၢၣ်သးတၢ်ဆၢကတီၢ် (Central Time)
မုၢ်ဆၣ်တုၤမုၢ်ဖီဖး
တၢ်ကိးအံၤ ကမ့ၢ်ဘူးလဲကလီလီၤ.
လီတဲစိနီၣ်ဂံၢ်အံၤ အိၣ်ဝဲဒၣ်လၢနကရူၢ်ဖိ (ID) ခး အလီၢ်ခံန့ၣ်လီၤ.
တၢ်အကါဒိၣ်လၢ ကဘၣ်ဆဲးကသံၣ်ဒီသဒၢလၢနဖိအဂီၢ် တချုးဖဲအ၀ဲသ့ၣ်ဒိးန့ၢ်တၢ်ဆါတဖၣ်လၢ အဒုးကဲထီၣ်သးသမူတၢ်ဘၣ်ယိၣ်သ့န့ၣ်လီၤ. န(သးစၢ်ဒိၣ်ထီၣ်သီတဖၣ်)ကသံၣ်သရၣ် ကတဲဘၣ်နၤ ဘၣ်ဃးဒီး ကသံၣ်ဒီသဒၢတဖၣ်လၢ အပၣ်ဃုာ်လၢတနံၣ်တဘျီတၢ်ကွၢ်သမံသမိး နတၢ်အိၣ်မုာ်ဆိးပၢၤတၢ်မၤကျဲအပူၤလီၤ.
ကွၢ်ကဒါက့ၤ တၢ်ပၢဆှၢရဲၣ်ကျဲၤဒီး တၢ်ဒီသဒၢ တၢ်ဆူးတၢ်ဆါ၀ဲၤလီၢ်ခိၣ်သ့ၣ် (CDC) အတၢ်ရဲၣ်တၢ်ကျဲၤတဖၣ်လၢလာ်အံၤ ဒ်သိးကသ့ၣ်ညါဘၣ်ဃး နဖိကဘၣ်ဆဲးကသံၣ်ဒီသဒၢ အခါဖဲလဲၣ်အဂီၢ်တက့ၢ်.
ဃုထၢကသံၣ်သရၣ် မ့တမ့ၢ် တၢ်ဟ့ၣ်ကသံၣ်ဒၢးတခါလၢ ပပှာ်ဘျးစဲအပူၤသ့ဒ်သိးကကဲထီၣ် ဂံၢ်ခီၣ်ထံးဆူၣ်ချ့တၢ်ကွၢ်ထွဲတၢ်ဟ့ၣ်ကသံၣ်ဒၢးလၢနဂီၢ်န့ၣ်တက့ၢ်. အဝဲသ့ၣ် ကသ့ၣ်ညါအါထီၣ်နဂ့ၢ်ဒီး ဟံးဃာ် နကသံၣ်ကသီ တၢ်ကွဲးနီၣ်ကွဲးဃါ ခဲလၢာ် လၢတၢ်လီၢ်တပူၤဃီန့ၣ်တက့ၢ်.
ဖဲနဃုထၢလၢ နကနုာ်လီၤပာ်ဃုာ်၀ဲလၢ Healthy Rewards အပူၤန့ၣ်, နဒိးန့ၢ် ခိၣ်ဖးတဖၣ်သ့ဝဲဖဲ နမၤဝံၤတၢ်မၤကွၢ်တၢ်ဆါတဖၣ်ဒီး ဆူၣ်ချ့တၢ်ဟူးတၢ်ဂဲၤတဖၣ် အခါန့ၣ်လီၤ.
DHS_100424_K01 DHS အၢၣ်လီၤတူၢ်လိာ်11/19/2024