တိၢ်နီၣ်- Minnesota ဆူၣ်ချ့ တၢ်ကွၢ်ထွဲ အတၢ်ရဲၣ်တၢ်ကျဲၤ အပှၤကရူၢ်ဖိ ခဲလၢာ် လိၣ်လၢ ကအိးထီၣ် အ့ထၢၣ်နဲး မံၤစရီ အကီးတခါ လၢအဝဲသ့ၣ် အကရူၢ်ဖိ ပှာ်သန့လၢ အမ့ၢ်တၢ်အသီဒီး ဘၣ်တၢ်မၤဂ့ၤထီၣ် စးထီၣ်ဖဲ လါယနူၤအါရံၤ 2024 လီၤ.
တၢ်နုာ်လီၤအိးထီၣ်တၢ်မၤစၢၤ
SecureBlue (Minnesota သးပှၢ်ဆူၣ်ချ့တၢ်ဃုထၢတဖၣ်)
ဒိးန့ၢ် န Medicaid ဒီး Medicare တၢ်န့ၢ်ဘျုးတဖၣ်လၢ အညီလၢ ဘၣ်တၢ်ပာ်ဖှိၣ်အီၤဆူ SecureBlue (HMO SNP) ပဆူၣ်ချ့တၢ်တိာ်ကျဲၤတက့ၢ်.
တၢ်တိာ်ကျဲၤအဂ့ၢ်မိၢ်ပှၢ်
SecureBlue SM မ့ၢ် ဆူၣ်ချ့တၢ်တိာ်ကျဲၤလၢ Minnesota ပှၤသူၣ်က့သးပှၢ်တၢ်ဃုထၢတဖၣ်(MSHO)တမံၤ လၢအပာ်ဖှိၣ်န Medicare ဒီးဆူၣ်ချ့တၢ်မၤစၢၤလၢတၢ်တိာ်ကျဲၤလၢအကဲထီၣ်တၢ်တမံၤဃီန့ၣ်လီၤ. လၢကဒိးန့ၢ်ဘၣ် SecureBlue အတၢ်တိာ်ကျဲၤကန့ၢ်အဂီၢ် န Medicare တၢ်နီၤဖး A ဒီးတၢ်နီၤဖး B ဘၣ်အိၣ်ပာ်၀ဲဒၣ်ဒီးနသးနံၣ်ဘၣ်အိၣ်အါန့ၢ် 65 နံၣ်လီၤ.
တၢ်အုၣ်ကီၤအဘူးအလဲနလိၣ်ဟ့ၣ်ဝဲဘၣ်တလါဂီၢ် လၢတၢ်တိာ်ကျဲၤအဂီၢ်အံၤန့ၣ် တအိၣ်ဝဲဘၣ်. သနါက့ဘၣ်တဘၣ်နကဘၣ်ဟ့ၣ်တၢ်ဟ့ၣ်သဃဲၤ(စ့နီၢ်ဂံၢ်)ကအိၣ်၀ဲဒၣ်လၢဆူၣ်ချ့တၢ်ကွၢ်ထွဲအတၢ်တိစၢၤမၤစၢၤ မ့တမ့ၢ် ကသံၣ်ကသီလၢသရၣ်ဟ့ၣ်လီၤနၤတနီၤအဂီၢ်န့ၣ်လီၤ.
SecureBlue အံၤန့ၣ် ကဟ့ၣ်စၢၤန့ၢ်နတၢ်အပှ့ၤလၢ:
- ဆူၣ်ချ့တၢ်ကွၢ်ထွဲဒ်အညီနုၢ်တဖၣ်- တၢ်ထံၣ်လိာ်သးဒီးကသံၣ်သရၣ်, ကသံၣ်ကသီ, တၢ်ထီၣ်တၢ်ဆါဟံၣ် ဒီးအဂၤ
- တၢ်ကွၢ်ထွဲ မဲ- တၢ်မၤစၢၤ ဂံၢ်ထံး ဘၣ်ဃးဒီးမဲ, ဃုာ်ဒီး တၢ်ထီထီၣ်မဲအဖျီၣ်, တၢ်သူၣ်လီၤ မဲအဂံၢ်ဒီး တၢ်ထိၣ်တယၢၢ်*
- တၢ်ကွၢ်ထွဲဘၣ်ဃးဒီးနီၢ်သးဆူၣ်ချ့တၢ်ဂ့ၢ်ကီတဖၣ်ဒီးတၢ်သးစဲကသံၣ်မူၤဘှီး
- တၢ်ဒီသဒၢအတၢ်ကွၢ်ထွဲ, လီၤဂာ်ဒ် ကသံၣ်ဒီသဒၢတိးကွ့တၢ်ဆါ
- တၢ်မၤကွၢ် မဲာ်ချံတဖၣ် ဒီးမဲာ်ဒိး ဒီး တၢ်မၤသီထီၣ် မဲာ်ဒိးတဖၣ်
- တၢ်မၤကွၢ်နၢ်ဒီးတၢ်နၢ်ဟူတၢ်အပီးလီ
- ဂ့ၢ်ဂီၢ်အူတၢ်ကွၢ်ထွဲ
နကွၢ်ထံၣ်န့ၢ် တၢ်ဟ့ၣ်အဘူးအလဲဒီးတၢ်တိာ်ကျဲၤအဂ့ၢ်လၢန SecureBlue ကရူၢ်ဖိ လံာ်စိာ်စုပူၤသ့လီၤ.
နုာ်လီၤ မ့တမ့ၢ် ဆဲးလီၤမံၤလၢနပှၤကရူၢ်ဖိအမံၤစရီပူၤ
ကွၢ်တၢ်ဂ့ၢ်တၢ်ကျိၤဘၣ်ဃးဒီးနတၢ်တိာ်ကျဲၤဒီးတၢ်ဂ့ၢ်အဂၤတက့ၢ်.
ဆဲးလီၤနမံၤ
နသးမ့ၢ်အိၣ် 65 ဒီးအဖီခိၣ်ဒီး နအိၣ်ဒီး Medicare တၢ်နီၤဖး A ဒီးတၢ်နီၤဖး B န့ၣ် နဆဲးလီၤမံၤသ့လၢ SecureBlue န့ၣ်လီၤ.
ဆဲးလီၤနမံၤခီဖျိတၢ်ကိးလီတဲစိဆူ -
ဆဲးကျိးကလီ 1-866-477-1584 မ့တမ့ၢ် (651) 662-1811, TTY 711
တၢ်ပတံထီၣ်လၢဆူၣ်ချ့တၢ်မၤစၢၤမ့တမ့ၢ် Medicare ဒ်လဲၣ်အဂ့ၢ်
နဆူၣ်ချ့တၢ်မၤစၢၤဒီး Medicare ဘၣ်အိၣ်ပာ်၀ဲဒၣ် ဒ်သိးနဆဲးလီၤမံၤလၢ SecureBlue (MSHO) တၢ်တိာ်ကျဲၤ ကန့ၢ်အဂီၢ်လီၤ. လဲၤကွၢ်လၢ မဲာ်နံးစိထၣ်တၢ်ဆီၣ်ထွဲမၤစၢၤပှၤကညီ၀ဲၤကျိၤ (Minnesota Department of Human Services) လၢကမၤလိအါထီၣ်ဘၣ်ဃးဒီး နပတံထီၣ်ဆူၣ်ချ့တၢ်မၤစၢၤ ဒ်လဲၣ်အဂ့ၢ်တက့ၢ်.
လၢကမၤလိအါထီၣ်ဘၣ်ဃးဒီး
တၢ်ပတံထီၣ် Medicare ဒ်လဲၣ်အဂ့ၢ် ဆဲးကျိး:
1-800-MEDICARE (1-800-633-4227)
TTY 1-877-486-2048
တနံၤ 24 နၣ်ရံၣ်, တနွံနွံသီ
ကသံၣ်သရၣ်ပှာ်ဘျးစဲကရူၢ်
ဖဲန SecureBlue အိၣ်၀ဲအခါ, နဃုထၢကသံၣ်သရၣ်မ့တမ့ၢ်ကသံၣ်ဒၢး လၢပတၢ်တိာ်ကျဲၤဘျးစဲပူၤ လၢကကဲထီၣ် နနီၢ်ကစၢ်ဆူၣ်ချ့တၢ်ကွၢ်ထွဲအကသံၣ်ဒၢးအဂီၢ်န့ၣ်လီၤ. အဝဲသ့ၣ်န့ၣ် ကသ့ၣ်ညါနၤဒံးယံးဒံးအါထီၣ်ဒီး ဟံးဃာ်နဆူၣ်ချ့တၢ်မၤနီၣ်မၤဃါလၢတၢ်လီၢ်တတီၤဃီန့ၣ်လီၤ.
ဃုကွၢ်လၢအ့ထၢၣ်နဲးဖီခိၣ် လၢကထံၣ်န့ၢ်ကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤအဂီၢ်
ကွၢ်ဘၣ် 2024 ကသံၣ်သရၣ်ဒီး ကသံၣ်ကျးအလံာ်မံၤရဲၣ်
နအိၣ်စ့ၢ်ကီးဒီး တၢ်ဃုထၢ လၢကဘျးစဲဒီး ကသံၣ်သရၣ်တဖၣ်လၢ ကမံးတံာ်ဖးဒိၣ် ဟ့ၣ်တၢ်အုၣ်ကီၤ ဒီး ပှၤကူစါယါဘျါတၢ်တဖၣ်လၢ အအိၣ်ဒီး လဲးစ့ၣ် လၢ ဘံၢ်ဒံၣ်အိၣ် တၢ်ဆဲးကျၢအပူၤ ခီဖျိ နစူးကါနဲ Doctor on Demand 24 နၣ်ရံၣ် လၢတနံၤ, 7 သီ လၢတနွံ န့ၣ်လီၤ.
ထံၣ်လိာ်သးဒီးကသံၣ်သရၣ်မ့တမ့ၢ် သးဂ့ၢ်၀ီကသံၣ်သရၣ် လၢအ့ထၢၣ်နဲးဖီခိၣ်
ကသံၣ်ကျးအတၢ်ဘျးစဲ
ကသံၣ်ကျးအပှာ်ဘျးစဲတခါန့ၣ်မ့ၢ် ကသံၣ်ကျးတဖၣ် (ကျးလၢအဆါကသံၣ်ဖီၣ်တဖၣ်) အလံာ်ကွဲးရဲၣ်လၢ နမၤန့ၢ်ကသံၣ်ကသီအပှ့ၤဘၣ်ဘၣ်သ့န့ၣ်လီၤႉ ကသံၣ်ကျးဘျးစဲ၀ဲဒီးပတၢ်တိာ်ကျဲၤလၢနဃုထၢပာ်အီၤန့ၣ် အိၣ်၀ဲအကထိတဖၣ်လီၤ. နမ့ၢ်ဟံးန့ၢ်ကသံၣ်ကသီလၢကသံၣ်သရၣ်ဟ့ၣ်လီၤဖဲကသံၣ်ကျးတပၣ်ဃုာ်လၢပတၢ်တိာ်ကျဲၤဘျးစဲအပူၤဘၣ်န့ၣ် ဘၣ်သ့ၣ်သ့ၣ် နကဘၣ်ဟ့ၣ်တၢ်ဘူးတၢ်လဲကအါထီၣ်ဝဲန့ၣ်လီၤ.
ကွၢ်ဃုကသံၣ်ကျးတဖၣ် လၢပှာ်ဘျးစဲအပူၤ
မ့တမ့ၢ် ဆဲးကျိးကလီဆူ 1-888-877-6424, TTY 711
တနံၤ 24 နၣ်ရံၣ်, တနွံနွံသီလီၤ.
ကသံၣ်ကသီလၢကသံၣ်သရၣ်ဟ့ၣ်လီၤတဖၣ်
ကသံၣ်လၢ SecureBlue ဆူၣ်ချ့တၢ်တိာ်ကျဲၤ ဟ့ၣ်န့ၢ်နၤန့ၣ်အိၣ်ဖျါ၀ဲဒၣ်လၢအမံၤကွဲးရဲၣ်ပူၤလီၤ. အဝဲအံၤဘၣ်တၢ်ကိးအီၤလၢ ကသံၣ်မံၤကွဲးရဲၣ်လၢအဖိးသဲစးလီၤ. ကသံၣ်အမံၤမ့ၢ်တပၣ်လၢကသံၣ်မံၤကွဲးရဲၣ်လၢအဖိးသဲစးအပူၤဘၣ်ဒီး ဘၣ်တဘၣ်နကဘၣ်ဟ့ၣ်တၢ်ဘူးတၢ်လဲကအါထီၣ်၀ဲလီၤ.
ဃုကွၢ် ကသံၣ်မံၤကွဲးရဲၣ်လၢအဖိးသဲစး (ကသံၣ်ကသီအမံၤကွဲးရဲၣ်)
2024 ကသံၣ်ကသီတဖၣ်လၢ တၢ်အုၣ်ကီၤဟ့ၣ်မၤစၢၤအစရီ (ကသံၣ်မံၤကွဲးရဲၣ်လၢအဖိးသဲစး)
နမ့ၢ်အီကသံၣ်လၢတပၣ်ဃုာ်လၢနတၢ်တိာ်ကျဲၤဘျးစဲအကျါဘၣ်တဖျၢၣ်န့ၣ်,နမၤသကိးတၢ်ဒီးပှၤသ့လၢကဆီတလဲက့ၤကသံၣ်လၢနတၢ်တိာ်ကျဲၤဘျးစဲပၣ်ဃုာ်ဝဲတဖျၢၣ်န့ၣ်လီၤ.
လဲၤဆူ တၢ်ကူစါယဲဘျါခိၣ်သ့ၣ်(Prime Therapeutics)လၢကမၤလိအါထီၣ်အဂီၢ်
တၢ်ကွၢ်ထွဲအတၢ်ဃုထၢတဖၣ်
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်
ဟံးန့ၢ်ကသံၣ်သရၣ် တၢ်ကွၢ်ထွဲလၢအ့ထၢၣ်နဲးဖီခိၣ် လၢကစံးဆၢနတၢ်သံကွၢ်တဖၣ်အဂီၢ်, ဃုသ့ၣ်ညါတၢ်ဆူးတၢ်ဆါယိယိဖိ ဖဲနကိၢ်နဆူၣ်နချ့အခါ ဒီးနဲၣ်လီၤန့ၢ်နၤကသံၣ်ကသီ(ဖဲအကြၢးအခါ)န့ၣ်လီၤ.
နၢး(စ) လီတဲစိကျိၤ
ဖဲနလိၣ်တၢ်ဟ့ၣ်ကူၣ်မ့တမ့ၢ်တၢ်ဟံးစုနဲၣ်ကျဲၤ ဘၣ်ဃးဒီး နဒိးန့ၢ်ဘၣ်တၢ်ကွၢ်ထွဲဖဲလဲၣ်တတီၤလဲၣ်အခါ နဆဲးကျိးတၢ်ဒီးသရၣ်မုၣ်ကွၢ်ပှၤဆါအိၣ်ဒီးလံာ်ပျဲဒီးတၢ်လဲၤခီဖျိအါတဂၤအအိၣ် တဘျီလၢ်လၢ်သ့ဝဲန့ၣ်လီၤ.
ဆဲးကျိးကလီဆူ 1-888-275-3974, TTY 711 တက့ၢ်.
မဲအတၢ်တိစၢၤမၤစၢၤတဖၣ်
SecureBlue ကျၢၢ်ဘၢဟ့ၣ်မၤစၢၤ တၢ်မၤစၢၤ ဂံၢ်ထံး ဘၣ်ဃးဒီးမဲ, ဃုာ်ဒီး တၢ်ထီထီၣ်မဲအဖျီၣ်, တၢ်သူၣ်လီၤ မဲအဂံၢ်ဒီး တၢ်ထိၣ်တယၢၢ် ဒီး အံၣ်လဲးထြ့း တၢ်ထုးမဲတဖၣ်န့ၣ်လီၤ.
လၢမဲတၢ်ကွၢ်ထွဲအဂီၢ်, သူ Delta Dental မဲကသံၣ်ဝဲၤဒၢးအမံၤကွဲးရဲၣ်လၢအ့ထၢၣ်နဲးဖီခိၣ်တက့ၢ်. လၢကထံၣ်န့ၢ်မဲကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤကသ့အဂီၢ် ဆီၣ်လီၤ “Minnesota Select Dental Network” တက့ၢ်.
ဃုကွၢ်မဲကသရၣ်အမံၤကွဲးရဲၣ်(PDF)
မ့တမ့ၢ် ကိးတၢ်ဆဲးကျိးကလီ ဖဲ 1-800-774-9049, TTY 711
မုၢ်ဆၣ် − မုၢ်ဖီဖး ဂီၤခီ 8 နၣ်ရံၣ် တုၤဟါခီ 5 နၣ်ရံၣ် လီၢ်ခၢၣ်သး တၢ်ဆၢကတီၢ်.
တၢ်တိစၢၤမၤစၢၤလီၤလီၤဆီဆီ
ပှၤကွၢ်ထွဲပၢဆှၢတၢ်မူဒါခိၣ်
ပှၤကွၢ်ထွဲပၢဆှၢတၢ်မူဒါခိၣ် တဂၤန့ၣ် မ့ၢ်နး(စ)ကွၢ်ပှၤဆါတဂၤလၢ အအိၣ်ဒီး လဲးစ့, ပှၤမၤစၢၤပှၤတဝၢ အပှၤမၤတၢ်ဖိ မ့တမ့ၢ် ဆူၣ်ချ့တၢ်ကွၢ်ထွဲ ပှၤဆီၣ်ထွဲမၤစၢၤတၢ် လၢအထီၣ်ဘးအိၣ်ဒီးကံၢ်စီ လၢအမၤစၢၤနၤသ့-
- ဒိးန့ၢ် ဆူၣ်ချ့တၢ်ကွၢ်ထွဲ လၢဟံၣ်ဃီပူၤ, တၢ်တိစၢၤမၤစၢၤလၢ အိၣ်သူၣ်လီၢ်သးလၢ ပှၤတဝၢဒီး လီၢ်ကဝီၤ တၢ်အိၣ်ယၢၤတဖၣ် တက့ၢ်
- သ့ၣ်ညါနၢ်ပၢၢ် တၢ်န့ၢ်ဘျုးတဖၣ် ဒီး တၢ်မၤစၢၤ လၢကမၤစၢၤနၤလၢ နကဆဲးလီၤမံၤလၢ တၢ်ရဲၣ်တၢ်ကျဲၤ လီၤဆီတဖၣ်အပူၤ အဂီၢ်တက့ၢ်
- ဃုကွၢ် တၢ်ဝံစိာ်တီဆှၢ လၢကလဲၤထံၣ်လိာ်သးဒီး ကသံၣ်သရၣ်အဂီၢ်
- မၤဘၣ်လိာ်ဖိးဒ့ တၢ်ကွၢ်ထွဲ လၢတၢ်ကွၢ်ထွဲဆူၣ်ချ့ ကသံၣ်ဒၢး မိၢ်ပှၢ်ဒီး ကသံၣ်သရၣ်လီၤဆီတဖၣ် အဘၢၣ်စၢၤ
- အံးကွၢ်ပၢဆှၢ နတၢ်ကွၢ်ထွဲ တချုးဒီး ဖဲ တၢ်ထီၣ်တၢ်ဆါဟံၣ် ဝံၤအလီၢ်ခံ
ဖဲနနုာ်လီၤပၣ်ဃုာ်တၢ် လၢတၢ်တိာ်ကျဲၤပူၤ အဆိကတၢၢ်တလါအတီၢ်ပူၤန့ၣ် ပှၤပၢဆှၢရဲၣ်ကျဲၤတၢ်မူဒါခိၣ်တဂၤ ကဆဲးကျိးနၤလီၤ. ပှၤကွၢ်ထွဲပၢဆှၢတၢ်မူဒါခိၣ်တဂၤ မ့ၢ်တဆဲးကျိးနၤဘၣ်အဃိ, ဆဲးကျိးဆူ ကရူၢ်ဖိတၢ်တိစၢၤမၤစၢၤတဖၣ်အအိၣ် ဖဲ 1-888-740-6013, TTY 711 ဃုာ်ဒီးတၢ်သံကွၢ်တမံၤဂ့ၤတမံၤဂ့ၤတက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
ပှၤပၢဆှၢသဲစးတၢ်ဂ့ၢ်
နမ့ၢ်အိၣ်ဒီး တၢ်ဆူးတၢ်ဆါ, တၢ်ဘၣ်ဒိဘၣ်ထံး ဒိၣ်ဒိၣ်မုာ်မုာ် မ့တမ့ၢ် ဆူၣ်ချ တၢ်အိၣ်သးလၢ အယံာ်ထၢနးအဃိ, တၢ်ကပာ်လီၤန့ၢ်နၤ ပှၤကွၢ်ထွဲတၢ်ဂ့ၢ် မူဒါခိၣ် တဂၤလီၤ. အဝဲသ့ၣ် ကမၤစၢၤနၤ-
- လၢနကနၢ်ပၢၢ်အါထီၣ်ဒီး လူၤပိာ်မၤထွဲ တၢ်ကူစါယါဘျါ တၢ်တိာ်ကျဲၤ, တၢ်အိၣ်သး မ့တမ့ၢ် တၢ်ဆူးတၢ်ဆါ အဂ့ၢ်
- လၢနကဃုကွၢ် ပှာ်ဘျးစဲပူၤ ပှၤဆီၣ်ထွဲမၤစၢၤတၢ်တဖၣ်ဒီး သကဲာ်ပဝးဆူၣ်ချ့ တၢ်ဆီၣ်ထွဲအဂီၢ်
- လၢနက ဆီလီၤပာ်လီၤ တၢ်လဲၤဒုးနဲၣ်သးလၢ ကသံၣ်သရၣ်ဒီး မၤနဲ တၢ်လုၤပိာ်ကွၢ်ထွဲက့ၤ တၢ်ထံၣ်လိာ်အိၣ်သကိးအဂီၢ်
- စံးဆၢတၢ်သံကွၢ်တဖၣ်လၢ တၢ်လဲၤထံၣ်လိာ်သကိးတဖၣ်ဒီးကသံၣ်သရၣ်အဘၢၣ်စၢၤ
ပှၤပၢဆှၢတၢ်ဂ့ၢ် မူဒါခိၣ် တဂၤ ကဘၣ်တၢ်ဟ့ၣ်လီၤမူဒါ ဒ်နတၢ်လိၣ်ဘၣ်အသိးန့ၣ်လီၤ. ကိးဘၣ် ကရူၢ်ဖိတၢ်တိၤစၢၤမၤစၢၤတဖၣ်အအိၣ် ဖဲ 1-888-740-6013, TTY 711 ဃုာ်ဒီးတၢ်သံကွၢ်တမံၤဂ့ၤတမံၤဂ့ၤန့ၣ်တက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
တၢ်ပၢဆှၢရဲၣ်ကျဲၤ တၢ်ကူစါယါဘျါတၢ်လၢ ကသံၣ်ကသီ
နမ့ၢ်ဘၣ်စူးကါ ကသံၣ်ကသီအါမံၤန့ၣ်, ကမ့ၢ်တၢ်ဂ့ၤလၢ နမ့ၢ်မၤနဲ တၢ်သမံသမိးမၤကွၢ်က့ၤ ညီနုၢ် အဝဲသ့ၣ်န့ၣ်လီၤ. နဒိးန့ၢ်ဘၣ် တၢ်ကွၢ်ကဒါက့ၤ ကသံၣ်ကသီလၢ ဘူးလဲကလီသ့ဝဲ ခီဖျိ တၢ်ပၢဆှၢရဲၣ်ကျဲၤ တၢ်ကူစါယါဘျါတၢ်လၢ ကသံၣ်ကသီ အတၢ်ရဲၣ်တၢ်ကျဲၤ ဒ်အမ့ၢ် နတၢ်တိာ်ကျဲၤ အကူာ်အသိးန့ၣ်လီၤ. ပှၤဖီၣ်ကသံၣ်လၢ အသ့ဘၣ်စဲၣ်နီၤလီၤဆီန့ၣ် က-
- ကတိၤသကိးဘၣ်ဃး နကသံၣ်ကသီတဖၣ် အစရီဒီး နအိၣ်မုာ်ကစီဒီဧါအဂ့ၢ်
- တဲတၢၣ်ပီၣ်သကိး ကျိၤကျဲတဖၣ်လၢ နကအံးကွၢ်ပၢဆှၢက့ၤ ကသံၣ်အတၢ်ဒိဘၣ်တဖၣ်လၢ အမၤတံာ်တာ်နၤ
- ဃုကွၢ် ကျိၤကျဲတဖၣ်လၢ ကမၤစှၤလီၤ နတၢ်လၢာ်ဘူၣ်လၢာ်စ့ၤတဖၣ်အဂီၢ်
တၢ်န့ၣ်ဝံၤအလီၢ်ခံ, နကဒိးန့ၢ်ဘၣ် တၢ်ကွဲးကျၢၢ်တံၢ် ဘၣ်ဃးဒီး တၢ်လၢနတဲသကိးတၢ်အဂ့ၢ်, ဒီး တၢ်လၢနကဘၣ်မၤအီၤတဖၣ် လၢတၢ်ဟ့ၣ်ကူၣ်နၤ ဃုာ်ဒီး တၢ်ဟ့ၣ်ကူၣ်ဟ့ၣ်ဖး လီၤတံၢ်လီၤဆဲးတဖၣ်န့ၣ်လီၤ.
မၤလိအါထီၣ်ဘၣ်ဃး တၢ်ပၢဆှၢရဲၣ်ကျဲၤ တၢ်ကူစါယါဘျါတၢ်လၢ ကသံၣ်ကသီအဂ့ၢ်
တၢ်ပတုာ် တၢ်အီညါသူး အတၢ်ရဲၣ်တၢ်ကျဲၤ
ကူၣ်ထီၣ်ဖးလီၤဒီးဆဲးပၢၤဃာ်တၢ်မၤပတုာ် အတၢ်ရဲၣ်တၢ်ကျဲၤ ဃုာ်ဒီးတၢ်အိၣ်မုာ်ဆိးပၢၤအပှၤနဲၣ်လိတၢ်ဖိအတၢ်ဆီၣ်ထွဲမၤစၢၤအဃိလီၤ.
1-855-552-2583, TTY 711
တၢ်အဆၢကတီၢ်း မုၢ်ဆၣ်တုၤ-မုၢ်လ့ၤဧိၤ8:ဂီၤခီ30-5:ဟါခီ30နၣ်ရံၣ်ကီၢ်မုၢ်နုာ်တၢ်ဆၢကတီၢ်
မုၢ်ဖီဖးဂီၤခီ8-ဟါခီ6နၣ်ရံၣ် လီၤခၢၣ်သးနီၣ်ထိၣ်(Central Time)
နကိးတၢ်န့ၣ်တလၢာ်၀ဲတၢ်ဘူးတၢ်လဲဘၣ်.
မၤလိအါထီၣ်ဘၣ်ဃာ်တၢ်ပတုာ်ကွံာ်၀ဲတၢ်စူးကါညါသူးတၢ်ဆီၣ်ထွဲမၤစၢၤတၢ်
မၤလိလၢကအိၣ်မူ
အိၣ်ဒီးသးအတၢ်ဃၢတၢ်စံာ်, တၢ်မံတန့ၢ်တၢ်ဆါ,တၢ်သးဟးဂီၤတၢ်ဆါ, တၢ်သူကသံၣ်မူၤဘှိး, ဒီးဂ့ၢ်၀ီတၢ်သူၣ်ကိၢ်သးဂီၤဧါ. မၤလိလၢကအိၣ်မူ(Learn to Live) န့ၣ်မ့ၢ်၀ဲ တၢ်ရဲၣ်တၢ်ကျဲၤလၢအ့ထၢၣ်နဲၣ်အဖီခိၣ် လၢအအိၣ်ဝဲဒၣ်ကိးဆၢကတီၢ်ဒဲးလၢကမၤစၢၤနၤ လၢနကကွၢ်ဆၢၣ်မဲာ်တၢ်န့ၣ်လီၤ.
နုာ်လီၤကွၢ် မၤလိလၢကအိၣ်မူ(Learn to Live)
ထၢနုာ်လီၤတၢ်ခူသူၣ်နီၢ်ဂံၢ် BLUEPLUS (မၤနီၣ်လံာ်ဖျၢၣ်အဒိၣ်အဆံး) ဖဲအဃ့ဝဲအခါတက့ၢ်.
BlueRide℠ တၢ်ဆှၢထီၣ်ဆှၢလီၤတၢ်ဖံးတၢ်မၤတဖၣ်
BlueRide ဟ့ၣ်နၤတၢ်လဲၤတၢ်က့ၤ လၢတၢ်နာ်န့ၢ်သ့ လၢကအုၣ်ကီၤကျၢၢ်ဘၢ ကသံၣ်ကသီ, မဲ, ကသံၣ်ကျး အတၢ်ထံၣ်လိာ်သးတဖၣ် ဃုာ်ဒီးကသံၣ်သရၣ်လၢနတၢ်တိာ်ကျဲၤဘျးစဲပူၤအဂီၢ်န့ၣ်လီၤ.
နစူးကါနဲ BlueRide သ့ဝဲ လၢနကလဲၤပၣ်ဃုာ်တၢ်လၢ တၢ်မၤနီၢ်ခိတၢ်ဟူးတၢ်ဂဲၤ အတၢ်လီၢ်တဖၣ်, ဆူၣ်ချ့ဒီး တၢ်အိၣ်မုာ်ဆိးပၢၤ တၢ်မၤလိတီၤတဖၣ်, ဒီး တၢ် ပှၤစူးကါ နၣ်ကီးတ့း ဒီး ပှၤအီသံးအီဂာ် တၢ်ထံၣ်လိာ်အိၣ်ဖှိၣ်သကိး လၢတၢ်ပာ်အီၤဒ်တၢ်ဂ့ၢ်ခူသူၣ် (Narcotics Anonymous and Alcoholics Anonymous)တဖၣ်အပူၤအဂီၢ်န့ၣ်လီၤ.**
တၢ်အိၣ်ဆူၣ်အိၣ်ချ့ဒီးတၢ်အိၣ်မုာ်ဆိးပၢၤ
CVS ပှၤပှ့ၤန့ၢ်ကသံၣ်လၢအနီၢ်ကစၢ်န့ၢ်ဝဲစ့တၢ်ပာ်ပနီၣ်
ကရူၢ်ဖိဒိးန့ၢ်ဘၣ်စ့တၢ်ပာ်ပနီၣ်$150သၢလါတဘျီ လၢအသူဝဲသ့ ဒ်သိးကပှ့ၤန့ၢ်ကသံၣ်ယိယိဖိ, ကသံၣ်လၢပှၤန့ၢ်အီၤန့ၢ်ဝဲလၢအနီၢ်ကစၢ် (OTC) ဆူၣ်ချ့ဒီးတၢ်အိၣ်ပၢၤအတၢ်လံၤလၢ CVS လံာ်နဲၣ်ရိအပူၤန့ၣ်လီၤ.
တၢ်ကူစါယါဘျါတၢ်ခီဖျိတၢ်သးဝံၣ်တၢ်ဒ့အသီၣ်
မၤထီထီၣ် နတၢ်အိၣ်မူ အကံၢ်အစီ, မၤဂ့ၤထီၣ် နီၢ်ခိမိၢ်ပှၢ်ဒီး သးသ့ၣ်ညါတၢ် အတၢ်အိၣ်ဆူၣ်အိၣ်ချ့, ဒီး မၤစှၤလီၤ သးအတၢ်ဃၢတၢ်စံၢ် ဃုာ်ဒီၤ တၢ်သူၣ်ဝံၣ်သးဆၢ တၢ်ကူစါယါဘျါတက့ၢ်. ကရူၢ်ဖိတဖၣ် လၢအအိၣ်အဆိးလၢ တၢ်အိၣ်မူလၢတၢ်မၤစၢၤဆီၣ်ထွဲအပူၤ မ့တမ့ၢ် နး(စ)ကွၢ်ထွဲတၢ်လၢ အပှဲၤဒီး ကံၢ်စီ တၢ်သူၣ်ထီၣ်အပူၤ မ့တမ့ၢ် တၢ်အံးက့ၤကွၢ်က့ၤ ဟံၣ်ဃီအပူၤ ဒီး လဲၤခီဖျိဘၣ် သးသ့ၣ်ညါတၢ် ဆူၣ်ချ့ အတၢ်လိၣ်ဘၣ် လီၢ်တံၢ်န့ၣ် အိၣ်ဒီးတၢ်ဒိးန့ၢ်ခွဲးယာ်လၢ ကဒိးန့ၢ် 26 တၢ်ဆၢကတီၢ် တနံၣ်ဘၣ်တနံၣ် ဃုာ်ဒီး ပှၤကူစါယါဘျါတၢ်လၢ တၢ်သူၣ်ဝံၣ်သးဆၢ လၢကမံးတံာ်ဖးဒိၣ် ဟ့ၣ်တၢ်အုၣ်ကီၤတဖၣ်န့ၣ်လီၤ.**
မၤလိအါထီဘၣ်ဃးဒီး တၢ်ကူစါယါဘျါတၢ်ဒီးတၢ််သးဝံၣ်လၢပှၤသးပှၢ်ဒိးန့ၢ်အီၤသ့တဖၣ်အဂ့ၢ်
Blue Plus ဆူၣ်ချ့တၢ်သမံသမိးကွၢ်နီၢ်ကစၢ်
မၤဝံၤအ့ထၢၣ်နဲးဆူၣ်ချ့တၢ်နုၣ်လီၤအခွဲး ဒ်သိးပကမၤဘၣ်ထွဲဆဲးကျိးနၤကသ့ဆူတၢ်ရဲၣ်တၢ်ကျဲၤလၢ အကမၤစၢၤပၢဆှၢနတၢ်အံးထွဲကွၢ်ထွဲအဂီၢ်န့ၣ်တက့ၢ်. နကဒိးန့ၢ်နီၢ်တဂၤတၢ်ဒုးသ့ၣ်ညါလၢ အပာ်ဖျါဝဲတၢ်ဘၣ်ယိၣ်တၢ်ဂ့ၢ်တခါဘၣ်တခါအတၢ်လုၢ်ဘၢ လၢနတၢ်အိၣ်ဆူၣ်အိၣ်ချ့အလိၤန့ၣ်လီၤ.
ပှၤမၤစၢၤတၢ်လၢ အဲၣ်တၢ်ဒ်တံၤသကိး
ဒိးန့ၢ် တနံၣ်န့ၣ် တုၤ 60 နၣ်ရံၣ် လၢ နီၢ်ကစၢ်ဒီး အ့ထၢၣ်နဲး တၢ်ဆီၣ်ထွဲ တၢ်တိစၢၤမၤစၢၤတဖၣ် ဒ်သိး ကမၤအါထီၣ် ပှၤတဝၢ တၢ်ဘျးစဲတဖၣ်ဒီး မၤစၢၤတၢ်လၢ ကိးနံၤဒဲး တၢ်မၤတဖၣ်အပူၤ အဒိဒ်သိး ဟံၣ်တၢ်မၤ ဖှံဖှံညီညီတဖၣ်, တၢ်လဲၤပှ့ၤ တၢ်အီၣ်တၢ်အီတဖၣ်ဒီး အဂၤတဖၣ်တက့ၢ်.
လၢကစးထီၣ်အဂီၢ်, ဆဲးကျၢ နတၢ်ကွၢ်ထွဲမူဒါခိၣ် မ့တမ့ၢ် ကိးဘၣ် 1-888-740-6013, TTY 711 တက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
တၢ်ဖိတၢ်လံၤ အဂီၤဖိတဖၣ်
ပှၤတဖၣ်လၢ အိၣ်ဒီး တၢ်သးပ့ၤနီၣ်တၢ်ဆါ မ့တမ့ၢ် ခိၣ်နူာ်သးပ့ၤနီၤတၢ် တၢ်ဆါန့ၣ်, တၢ်ဖိတၢ်လံၤ အဂီၤဖိတဖၣ် မၤစၢၤအီၤသ့လၢ ကဟ့ၣ်ထီၣ် တၢ်မၤမုာ်သးဒီး တၢ်အိၣ်တံၤအိၣ်သကိး ဒီး မၤဂ့ၤထီၣ် အသးကလၢၢ်ဘၣ်တၢ်န့ၣ်လီၤ. ဃုထၢ သၣ်မံယီၤ, ထွံၣ် မ့တမ့ၢ် ထိၣ် တက့ၢ်.**
လၢကစးထီၣ်အဂီၢ်, ဆဲးကျၢ နတၢ်ကွၢ်ထွဲမူဒါခိၣ် မ့တမ့ၢ် ကိးဘၣ် 1-888-740-6013, TTY 711 တက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
ဟံၣ်ဃီပူၤ တၢ်ဆီၣ်ထွဲ
ဒိးန့ၢ် တၢ်မၤစၢၤလၢ နကဟ့ၣ်နဲဒၣ် ထံ, မ့ၣ်အူ. ဂာ်သဝံ အပှ့ၤဒီး တၢ်ဒိးလဲအပှ့ၤ ဃုာ်ဒီး ကိးလါဒဲး စ့တိာ်ပာ်လၢ $120 တက့ၢ်. တၢ်အံၤ ပှၤကရူၢ်ဖိတဖၣ်လၢ အဘၣ်လဲၤခီဖျိ တၢ်ဆူးတၢ်ဆါနး ယံာ်ထၢ တၢ်အိၣ်သး ဒိးန့ၢ်အီၤသ့လီၤ. ထံ, မ့ၣ်အူ, ဂာ်သဝံ အခီပနံာ်ဒီး ဟံၣ်ကစၢ်န့ၣ် ကဘၣ်ထီၣ်ဘး ကံၢ်စီလီၤတံၢ်တဖၣ်လၢ ကကြၢးဒီး တၢ်ဒိးန့ၢ်အဂီၢ်န့ၣ်လီၤ.**
လၢကစးထီၣ်အဂီၢ်, ဆဲးကျၢ နတၢ်ကွၢ်ထွဲမူဒါခိၣ် မ့တမ့ၢ် ကိးဘၣ် 1-888-740-6013, TTY 711 တက့ၢ်. တၢ်ကိးအံၤ ကမ့ၢ်ဘူးလဲကလီလီၤ.
တၢ်တိစၢၤမၤစၢၤလၢနလီၢ်ကဝီၤပူၤ
တၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ
နဘၣ်လဲၤဖဲလဲၣ်ဖဲလဲၣ်ကီ၀ဲလၢနကသ့ၣ်ညါ၀ဲဒၣ် ဖဲနလိၣ်ဘၣ်တၢ်မၤစၢၤအါန့ၢ်ဒံးအခါလီၤ. သူပတၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ လၢကဃုထံၣ်န့ၢ်တၢ်တိစၢၤမၤစၢၤဘူးဒီးနၤလၢအပှ့ၤစှၤ၀ဲအဂီၢ်န့ၣ်လီၤ.
ပှၤသးပှၢ် LinkAge အလီကျိၤ
ပှၤသးပှၢ် LinkAge အလီကျိၤန့ၣ် မ့ၢ်ဒၣ်တၢ်တိစၢၤမၤစၢၤလၢ Minnesota ပှၤပၢဘၣ်သးပှၢ်အတဖု, ဒီးအဝဲသ့ၣ်ဟ့ၣ်ကလီကီၢ်ရ့ၣ်အတၢ်ဂ့ၢ်တၢ်ကျိၤ ဒီးတၢ်တိစၢၤမၤစၢၤတဖၣ်န့ၣ်လီၤ.
မၤလိအါထီၣ်ဘၣ်ဃးဒီး ပှၤသးပှၢ် LinkAge အလီကျိၤ
မ့တမ့ၢ် ဆဲးကျိးကလီဆူ 1-800-333-2433, TTY 711 တက့ၢ်.
က့ကွဲၣ်(ပှၤက့ၢ်ဂီၤတလၢတပှဲၤ,ဟးဂီၤအဂီၢ်)ကျဲသနူ
က့ကွဲၣ်(ပှၤက့ၢ်ဂီၤတလၢတပှဲၤ,ဟးဂီၤအဂီၢ်)ကျဲသနူ (Disability Hub MN) န့ၣ် မ့ၢ်ဒၣ်တၢ်တိာ်ကျဲၤဘျးစဲပှဲၤဒီးတၢ်တိစၢၤမၤစၢၤလၢပှၤအိၣ်လၢကီၢ်စဲၣ်ပူၤမၤန့ၢ်ကလီ၀ဲဒၣ် ဒ်သိးကဘှီဘၣ်ထီၣ်က့ၤတၢ်ဂ့ၢ်ကီလၢက့ကွဲၣ်တကပၤ, နဲၣ်ကျဲၤလီၤအသးလၢတၢ်ရဲၣ်တၢ်ကျဲၤအပူၤဒီး ရဲၣ်ကျဲၤလီၤတၢ်လၢခါဆူညါ အဂီၢ်န့ၣ်လီၤ.
ဆဲးကျိးကလီဆူ 1-866-333-2466, TTY 711 တက့ၢ်.
တၢ်န့ၢ်ဘျုးဒီးတၢ်ဟ့ၣ်အဘူးအလဲ
2024တၢ်န့ၢ်ဘျုး အတၢ်ကွဲးကျၢၢ်တံၢ်
2024 တၢ်ပာ်ဖှိၣ်အါထီၣ် တၢ်န့ၢ်ဘျုးတဖၣ်
2024 LIS ပရံမံၣ်ယၢၣ် အဂ့ၢ်ကျၢၢ်တံၢ်ဖုၣ်ကိၣ်
2024 တနံၣ်တဘျီလံာ်ဘိးဘၣ်သ့ၣ်ညါ တၢ်ဆီတလဲ အဂ့ၢ်
တၢ်ဆဲးလီၤမံၤလံာ်ကွီၣ်ဒိ
ကသံၣ်သရၣ်, ကသံၣ်ဒၢး, ဒီး ကသံၣ်ကျးတဖၣ်
ဃုဒိးန့ၢ်ကသံၣ်သရၣ်တဂၤအတၢ်ပီးတၢ်လီ
2024 ပှၤကွၢ်ထွဲကူစါတၢ် ဒီး ကသံၣ်ကျး အလံာ်နဲၣ်ကျဲ
2024 ကသံၣ်ကသီတဖၣ်လၢ တၢ်အုၣ်ကီၤဟ့ၣ်မၤစၢၤအစရီ (ကသံၣ်မံၤကွဲးရဲၣ်လၢအဖိးသဲစး)
ကွၢ် myprime.com လၢကဟံးန့ၢ်ကသံၣ်ကျးဒီးကသံၣ်လၢကသံၣ်သရၣ်ဟ့ၣ်လီၤအတၢ်ပၢဆှၢအလံာ်လဲၢ်တဖၣ်
မ့ၢ်နအိၣ်ဒီးတၢ်သံကွၢ်တမံၤမံၤဘၣ်ဃးဒီးဆူၣ်ချ့တၢ်တိာ်ကျဲၤအဂ့ၢ်ဧါ.
ဆဲးကျိးကလီတၢ်ဆူကရူၢ်ဖိတၢ်တိစၢၤမၤစၢၤအလီကျိၤဖဲး
1-888-740-6013, TTY 711
နဃ့န့ၢ်တၢ်မၤစၢၤသ့ဖဲ
ဂီၤခီ8 တုၤဟါခီ8ကိးနွံဒဲးနွံသီ (တၢ်စံးဘျုးမုၢ်နံၤဒီးခရံာ်အိၣ်ဖျဲၣ်မုၢ်နံၤတပာ်ဘၣ်) လါအီးကထိဘၢၣ်1တုၤလါမးရှး31 ဒီးမုၢ်ဆၣ်တုၤမုၢ်ဖီဖး (နံၤသဘျ့တပၣ်ဘၣ်)လါအ့ဖြ့ၣ်1တုၤလါစဲးပတ့ဘၢၣ်30လီၤ.
တၢ်ကိးအံၤ ကမ့ၢ်ဘူးလဲကလီလီၤ.
တၢ်ကွဲးကျိးထံဒီးပှၤတဲကျိးထံအတၢ်မၤစၢၤ
နတဲအဲကလံးကျိာ်မ့ၢ်တဘၣ်ဘၣ်န့ၣ် ကိးန့ၢ်ပှၤတဲကျိာ်တၢ်တဂၤ လၢကလဲၤဒီးနၤ ဖဲနထံၣ်လိာ်သးဒီးကသံၣ်သရၣ်အခါန့ၣ်တက့ၢ်.
ဆဲးကျိးကလီဆူ 1-888-740-6013, TTY 711 တက့ၢ်.
မၤလိအါထီၣ်ဘၣ်ဃးဒီးပှၤတဲကျိးထံတၢ်အတၢ်မၤစၢၤ
ကသံၣ်ဒၢးတတီၤစုာ်စုာ် ဟ့ၣ်ထီၣ်ကျိာ်တၢ်မၤစၢၤမနုၤတဖၣ်လဲၣ်န့ၣ် ဃုကွၢ်၀ဲလၢကသံၣ်သရၣ်ဒီးကသံၣ်ကျးအလံာ်မံၤရဲၣ်အပူၤန့ၣ်တက့ၢ်.
ဃုထၢခၢၣ်စးပှၤဘၣ်မူဘၣ်ဒါတဂၤ
နမၢနဟံၣ်ဖိဃီဖိ, တံၤသကိး, ကသံၣ်သရၣ်မ့တမ့ၢ် ပှၤအဂၤတဂၤလၢကမၤခၢၣ်စးတၢ်လၢနဂီၢ်သ့ဝဲလီၤ. မ့မ့ၢ်နအဲၣ်ဒိးဃုထၢပာ်ပှၤတဂၤလၢကမၤခၢၣ်စးန့ၢ်နၤ ဒီးအဝဲတန့ၢ်စိန့ၢ်ကမီၤတၢ်လၢ ကီၢ်စဲၣ်တၢ်သိၣ်တၢ်သီအဃိဘၣ်န့ၣ် နၤဒီးပှၤတဂၤန့ၣ် ဘၣ်မၤပှဲၤထီၣ်Medicare အလံာ်တီလံာ်မီလၢကဃုထၢပာ်ပှၤခၢၣ်စးတဂၤအဂီၢ်န့ၣ်လီၤ.
တၢ်ဃုထၢပှၤအခၢၣ်စးလၢကဟံးမူဒါအလံာ်ဒိ
နၢး(စ) လီတဲစိကျိၤ
ဖဲနလိၣ်တၢ်ဟ့ၣ်ကူၣ်မ့တမ့ၢ်တၢ်ဟံးစုနဲၣ်ကျဲၤ ဘၣ်ဃးဒီး နဒိးန့ၢ်ဘၣ်တၢ်ကွၢ်ထွဲဖဲလဲၣ်တတီၤလဲၣ်အခါ နဆဲးကျိးတၢ်ဒီးသရၣ်မုၣ်ကွၢ်ပှၤဆါအိၣ်ဒီးလံာ်ပျဲဒီးတၢ်လဲၤခီဖျိအါတဂၤအအိၣ် တဘျီလၢ်လၢ်သ့ဝဲန့ၣ်လီၤ.
ဆဲးကျိးကလီဆူ 1-888-275-3974, TTY 711 တက့ၢ်.
သကဲာ်ပဝးဆူၣ်ချ့ ဂ့ၢ်ဂီၢ်အူအလီကျိၤ
ဒိးန့ၢ်ဘၣ်တၢ်ကစီၣ်ဘၣ်ဃးဒီး သးတၢ်တူၢ်ဘၣ်တဖၣ်အတၢ်အိၣ်ဆူၣ်အိၣ်ချ့ဒီးပှၤစဲကသံၣ်မူၤဘှိးအတၢ်ဟ့ၣ်ကူၣ်ဟ့ၣ်ဖးလီၤ.
ဆဲးကျိးကလီဆူ 1-888-275-3974, TTY 711တက့ၢ်.
တနံၤ 24 နၣ်ရံၣ်, တနွံနွံသီလီၤ.
ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ
နမ့ၢ်တ့ၢ်ပှၤဟ့ၣ်တၢ်ကွၢ်ထွဲတဂၤလံဧါ. ဒ်သိးနကပၢဆှၢဘၣ်ပှၤလၢနအဲၣ်ဘၣ်အီၤတဂၤအ ဆူၣ်ချ့တၢ်တိာ်ကျဲၤ ဒီး တၢ်ကွၢ်ထွဲဂ့ၤဂ့ၤဘၣ်ဘၣ်အဂီၢ်ကွၢ်တၢ်တိစၢၤမၤစၢၤလၢကကဲဘျုးဘၣ်နၤအဂ့ၢ်န့ၣ်တက့ၢ်.
thrive. magazine
တၢ်ဟ့ၣ်ကူၣ်ဟ့ၣ်ဖးဘၣ်ဃးတၢ်အိၣ်မူအိၣ်ပှဲၤဒီးတၢ်အိၣ်ဆူၣ်အိၣ်ချ့လၢပှၤသးပှၢ်ဒီးပှၤကွၢ်ထွဲတၢ်တဖၣ်အဂီၢ်.
တၢ်ခွဲးတၢ်ယာ်တဖၣ်ဒီး မူဒါတဖၣ် လၢတၢ်တဆဲးလီၤမံၤအဖီခိၣ်
ဖဲ နဟးထီၣ် မ့တမ့ၢ် နပာ်ကတီၢ် နတၢ်မ့ၢ်ကရူၢ်ဖိ လၢ SecureBlue (HMO SNP) န့ၣ် တၢ်အံၤဘၣ်တၢ်ကိးအီၤလၢ တၢ်ဟးထီၣ်ကွံာ်လၢတၢ်ဆဲးလီၤမံၤအပူၤန့ၣ်လီၤ. တၢ်တဆဲးလီၤမံၤ ဒ်တၢ်ဘၣ်သးအသိးန့ၣ် မ့ၢ်ဖဲ နဆၢတဲာ်လၢ နကဟးထီၣ်လၢ တၢ်တိာ်ကျဲၤအပူၤအခါလီၤ. နဟးထီၣ်လၢ တၢ်တိာ်ကျဲၤအပူၤ သ့ဝဲကိးဆၢကတီၢ်ဒဲးလီၤ. နဟးထီၣ်လၢ တၢ်တိာ်ကျဲၤအပူၤန့ၣ် တမၤဘၣ်ဒိ နတၢ်ဒိးန့ၢ်ခွဲးယာ်ဘၣ်ဃးဒီး Medicare ဒီး Medicaid (ဆူၣ်ချ့တၢ်မၤစၢၤ) ဘၣ်လီၤ. တၢ်တဆဲးလီၤမံၤလၢ တၢ်ဘၣ်သးဒၣ်ဝဲန့ၣ် ဖဲလၢ တၢ်တိာ်ကျဲၤ ကြၢးမၤကတၢၢ်ကွံာ် နတၢ်ကဲကရူၢ်ဖိအခါန့ၣ်လီၤ. တၢ်အိၣ်သးလၢ တၢ်ပာ်ပနီၣ်အီၤ အိၣ်ဝဲ ဖဲလၢနဃုထၢလၢ နတဟးထီၣ်အခါလီၤ, သနာ်က့ ပလိၣ်ဘၣ်လၢ နကမၤကတၢၢ်ကွံာ် နတၢ်ကဲကရူၢ်ဖိလီၤ. တၢ်အဒိအတဲာ်တမံၤလၢ တၢ်ဂ့ၢ်အံၤအဂီၢ်န့ၣ်မ့ၢ်ဝဲ ဖဲနဟ့ၣ်ထီၣ်ပှၤ တၢ်ဂ့ၢ်ကစီၣ်လၢ အတမ့ၢ်တတီ ဖဲနတၢ်ဆဲးလီၤမံၤ အတကွီၢ်ဒိအပူၤ မ့တမ့ၢ် နတၢ်ဆဲးလီၤမံၤ ခးက့ ဘၣ်တၢ်စူၤကါ ကမူၤကမၢ်အီၤ အခါန့ၣ်လီၤ.
နမ့ၢ်တဆဲးလီၤမံၤလၢၤဘၣ်လၢ တၢ်ဂ့ၢ်တမံၤလၢ်လၢ်အဃိ, တၢ်တိာ်ကျဲၤကဘိးဘၣ်သ့ၣ်ညါနၤ နံၤသီလၢ နတၢ်ကဲကရူၢ်ဖိ ကဘၣ်တၢ်မၤကတၢၢ်အီၤဒီး တၢ်ဂ့ၢ်လၢ တၢ်မၤကတၢၢ်အီၤ အဂ့ၢ်န့ၣ်လီၤ. နမ့ၢ်အိၣ်ဒီးတၢ်သံကွၢ်ဘၣ်ဃးဒီး တၢ်ထုးသံကွံာ်လၢတၢ်ဆဲးလီၤမံၤအဂ့ၢ်န့ၣ်, ဝံသးစူၤ ဆဲးကျိးဘၣ် ကရူၢ်ဖိတၢ်တိစၢၤမၤစၢၤတဖၣ် အလီကျိၤဖဲ 1-888-740-6013, TTY 711 တက့ၢ်.