နမ့ၢ်ဘၣ်အီကသံၣ်ကသီအါမံၤန့ၣ်, အစှၤကတၢၢ် တနံၣ်တဘျီ နမ့ၢ်မၤက့ၤ ညီနုၢ် တၢ်သမံသမိးကွၢ်က့ၤ နကသံၣ်ကသီအ|ဃိ ကမ့ၢ်ဝဲတၢ်ဂ့ၤလၢနဂီၢ်လီၤ.
နမ့ၢ်အိၣ်ဒီး Part D ကသံၣ်ကသီတၢ်တိာ်ကျဲၤလၢ Blue Cross and Blue Shield of Minnesota ဒီး Blue Plus န့ၣ် တၢ်ကွၢ်ကဒါက့ၤ ကသံၣ်ကသီန့ၣ် ပၣ်ဃုာ်ဝဲဒၣ်လၢ တၢ်တိစၢၤမၤစၢၤအကျါဒီး တၢ်ဟ့ၣ်လီၤအီၤလၢ တလၢာ်ဘၣ်ဘူးလဲဘၣ်န့ၣ်လီၤ.
လၢတၢ်သံကွၢ်တဖၣ်အဂီၢ် မ့တမ့ၢ် လၢကရဲၣ်လီၤကျဲၤလီၤ CMR တၢ်ထံၣ်လိာ်အိၣ်သကိး တမံၤအဂီၢ်-
ကိး 1-866-873-5941 မ့တမ့ၢ် (651) 662-5015 မုၢ်ဆၣ်-မုၢ်ဖီဖး, ဂီၤ8:30 နၣ်ရံၣ်.-ဟါ 4:30 နၣ်ရံၣ်.
အံမ့(လ) mtm.pharmacy@bluecrossmn.com
နဒိးန့ၢ် လံာ်ပရၢ မ့တမ့ၢ် တၢ်ကိးလီတဲစိ ဘၣ်ဃးဒီး ကသံၣ်ကသီ တၢ်ကူစါယါဘျါ တၢ်ပၢဆှၢရဲၣ်ကျဲၤ (MTM) အတၢ်ရဲၣ်တၢ်ကျဲၤအဂ့ၢ် ဝံၤလံဧါ.
နကဘၣ်တၢ်ဆဲးလီၤနမံၤတဘျီဃီ ဒီးဒိးန့ၢ်တၢ်ကစီၣ်လၢ Blue Cross အအိၣ် ဖဲ -
- နအိၣ်ဒီးတၢ်အိၣ်သးဒ်အံၤတဖၣ်အကျါအစှၤကတၢၢ်သၢခါန့ၣ်လီၤ: ပသိၣ်ကလံၤကျိၤတံာ်တဲၤယံာ်ထၢတၢ်ဆါ (COPD), သွံၣ်ဆၢဆံၣ်ဆၢတၢ်ဆါ, သးဖျၢၣ်တၢ်မၤတဘၣ်လိာ်ဘၣ်စးတၢ်ဆါ, သွံၣ်ဂံၢ်ဆီၣ်အါတၢ်ဆါ ဒီး သိအိၣ်လၢသွံၣ်ကျိၤပူၤအစှၤအအါတၢ်ဆါ
- နဘၣ်သူကသံၣ်ဖီၣ်အစှၤကတၢၢ်ဃိးခါလၢ တၢ်နီၤဖး D ဟ့ၣ်န့ၢ်အဘူးအလဲတဖၣ် ဒ်သိးနကပၢဆှၢသုးကျဲၤတၢ်အိၣ်သးတဖၣ်အံၤအဂီၢ်လီၤ
- နအိၣ်ဒီးတၢ်ဆၢမုၢ်လၢ်လၢနကသုတၢ်အစှၤကတၢၢ် $5,330ဖဲ2024 လၢနတၢ်နီၤဖး D ကသံၣ်ကသီတဖၣ်အဂီၢ်လီၤႉ
- ပပာ်လီၤပသး − မ့တမ့ၢ် နတၢ်တိာ်ပာ်အိၣ်လၢညါပာ်လီၤအသး − ဘၣ်ဃးနအိၣ်ဒီးတၢ်ဘၣ်ယိာ်အလီၢ်လၢတၢ်သုကမၣ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ် ခဲအံၤခဲအံၤန့ၣ်လီၤႉ
နမ့ၢ်ဆဲးလီၤနမံၤလၢ MTM တၢ်ရဲၣ်တၢ်ကျဲၤအပူၤဃိဒီး, နကဒိးန့ၢ်ဘၣ်လံာ်ပရၢလၢပအိၣ်သၢလါတဘျီဘၣ်ဃး ဆူၣ်ချ့တၢ်အိၣ်သးတနီဒီး ကသံၣ်ကသီ(တဖၣ်)လၢအဘၣ်ထွဲလိာ်သးအဂ့ၢ်န့ၣ်လီၤႉ တၢ်အံၤဘၣ်တၢ်ကိးအီၤလၢ တၢ်ပညိၣ် ကွၢ်ကဒါက့ၤ ကသံၣ်ကသီ (TMR) န့ၣ်လီၤ. လံာ်ပရၢကဟ့ၣ်သဆၣ်ထီၣ်နၤဒ်သိး နကကတိၤတၢ်ဒီးနကသံၣ်သရၣ် မ့တမ့ၢ် ပ MTM ပှၤဖီၣ်ကသံၣ်ဖီၣ်အကျါတဂၤ ဖဲနအိၣ်ဒီးတၢ်သံကွၢ်တဖၣ်လီၤႉ တၢ်ဆၢကတီၢ်လၢဘၣ်တၢ်အၢၣ်လီၤနဂီၢ်န့ၣ်မ့ၢ်ဒၣ်တၢ်အစှၤလီၤႉ
နမ့ၢ်တသးစဲလၢ တၢ်ကွၢ်ကဒါက့ၤ ကသံၣ်ကသီ တမံၤ မ့တမ့ၢ် တၢ်ဒိးန့ၢ် တၢ်ပညိၣ် ကွၢ်ကဒါက့ၤ ကသံၣ်ကသီ အလံာ်ပရၢ တမံၤဘၣ်န့ၣ် နဟးထီၣ်လၢ တၢ်ရဲၣ်တၢ်ကျဲၤအပူၤသ့လီၤ.
ကျဲၤအဂၤတဖၣ်လၢတၢ်သုးကျဲၤကတဲာ်ကတီၤ နကသံၣ်ကသီတဖၣ်အဂီၢ်
တၢ်လၢကဘၣ်မုၢ်လၢ်လၢ တၢ်ကွၢ်ကဒါက့ၤ ကသံၣ်ကသီ တမံၤအအိၣ်
- နတၢ်သ့ၣ်ဆၢဖးကတီၢ်လၢ တၢ်ထံၣ်လိာ်အိၣ်သကိးန့ၣ် ကဘၣ်တၢ်မၤအီၤလၢ လီတဲစိပူၤ ဒီး ကယံာ်ဝဲ တနၣ်ရံၣ်လီၤ.
- ကတဲာ်ကတီၤပာ်စၢၤနသးဒ်သိး နကတဲဘၣ်ပှၤဆါကသံၣ်ကသီဘၣ်ဃး ကသံၣ်ဖီၣ်လၢနသူအီၤတဖၣ်အဂ့ၢ်ဒီး နသုအီၤဒ်လဲၣ်အဂ့ၢ်, ပာ်ဃုာ်ဒီး ကသံၣ်မၤပှဲၤကံၢ်စီတဖၣ် ဒီး ကသံၣ်လၢတၢ်ပှ့ၤအီၤန့ၢ်လၢ ကသံၣ်ကျးပူၤတဖၣ်အဂ့ၢ် န့ၣ်တက့ၢ်. သံကွၢ်တၢ်သံကွၢ်တဖၣ်ဒီး တၢ်ဘၣ်ယိာ်တၢ်တဖၣ်စ့ၢ်ကီးတက့ၢ်ႉ
- နကဒိးန့ၢ်ဘၣ် နတၢ်ကတိၤခီလဲသကိးတၢ် အဂ့ၢ်ကျၢၢ်တံၢ်ဖုၣ်ကိၣ်, ပၣ်ဃုာ်ဒီး တၢ်ဆီတလဲလၢ တၢ်ဟ့ၣ်ကူၣ်အီၤ တမံၤလၢ်လၢ် လၢနၤဒီး ပှၤဆါကသံၣ်ဖီၣ်တဂၤ အၢၣ်လီၤဝဲဒၣ်န့ၣ်လီၤ. နကဒိးန့ၢ်ဘၣ်စ့ၢ်ကီး နကသံၣ်ကသီ အမံၤစရီ ခဲလၢာ်န့ၣ်လီၤ.
- ပှၤဆါကသံၣ်ကသီန့ၣ်ကကတိၤလိာ်သး ဒီးနကသံၣ်သရၣ်ဘၣ်ထွဲဒီး တၢ်ဆီတလဲတမံၤလၢ်လၢ်လၢ နတၢၣ်ပီၣ်သကိးတ့ၢ် ဖဲလၢနမ့ၢ်ဟ့ၣ်အီၤအခွဲးအခါန့ၣ်လီၤႉ နကသံၣ်သရၣ် ကမၤသီထီၣ် ကသံၣ်ဖီၣ်လၢကသံၣ်သရၣ်နဲၣ်လီၤနၤ ဒ်အလိၣ်အသိးန့ၣ်လီၤ.
ကသံၣ်သရၣ်ဒီးပှၤဆါကသံၣ်ကသီ: ပှၤမၤသကိးတၢ်ဖိတဖၣ်လၢနတၢ်အိၣ်ဆူၣ်အိၣ်ချ့အဂီၢ်
ပှၤဆါကသံၣ်ကသီ တဂၤ နုာ်လီၤမၤပှဲၤ ကသံၣ်သရၣ်အတၢ်မၤတသ့ဘၣ်, သနာ်က့ မ့ၢ်အိၣ်ဒီး တၢ်မၤလိလီၤလီၤဆီဆီဃိးနံၣ်ဆူအဖီခိၣ်န့ၣ်, ပှၤဆါကသံၣ်ကသီအိၣ်ဒီးတၢ်သ့ၣ်ညါစဲၣ်နီၤလၢကဖီၣ်န့ၢ်ဝဲ ကသံၣ်ကသီတၢ်ဘၣ်ယိာ်လၢအအိၣ်ထီၣ်သ့တဖၣ် တချုးဖဲအဝဲသ့ၣ်မၤဘၣ်ဒိဘၣ်ထံးနတၢ်အိၣ်ဆူၣ်အိၣ်ချ့ဒ်ဘၣ်န့ၣ်လီၤႉ
ဖဲကသံၣ်သရၣ် သ့ၣ်ညါ နတၢ်အိၣ်ဆူၣ်အိၣ်ချ့ အဂ့ၢ်သနၢၣ်အါမံၤအခါ, ပှၤဆါကသံၣ်ကသီတဖၣ်န့ၣ် အိၣ်ဒီး တၢ်မၤတမံၤလီၤ-မၤလီၤတံၢ် နကသံၣ်ကသီတဖၣ်န့ၣ် ကြၢးဘၣ်ဒီးနၤ, ပူၤဖျဲးဒီးတၢ်ဘၣ်ယိၣ်လၢနဂီၢ်, ဒီး တုၤလီၤဝဲကတၢၢ်န့ၣ်လီၤ.
တၢ်ဂ့ၢ်လၢကဘၣ်သ့ၣ်ညါ လွံၢ်မံၤ
- နတဘၣ်တၢ်မၢဆူၣ်နၤဒ်သိး ကဆီတလဲကွံာ်နကသံၣ်ကသီတဖၣ်ဘၣ်ႉ ကသံၣ်ကသီ တၢ်ကွၢ်ကဒါက့ၤ အတၢ်ပညိၣ်ကွၢ်စိန့ၣ် မ့ၢ်ဒ်သိး ကမၤလီၤတံၢ် မ့ၢ်နအိၣ်ဒီး တၢ်ဂ့ၢ်တၢ်ကျိၤအဂ့ၤကတၢၢ်လၢ ဘၣ်ဃးဒီး နကသံၣ်ကသီ တၢ်ဃုထၢတဖၣ်အဂီၢ်န့ၣ်လီၤ. ဘၣ်ဆၣ်တၢ်ပာ်လီၤသးန့ၣ်အိၣ်ဒ်ဝဲဒၣ်လၢ နၤဒီးနကသံၣ်သရၣ်အဘၢၣ်စၢၤလၢကမၤတၢ်ဆီတလဲတမံၤမံၤအဂီၢ်လီၤႉ
- တၢ်အံၤတလဲၤဘၣ်ဒိတၢ်ဟ့ၣ်အဘူးအလဲလၢ နကသံၣ်လၢကသံၣ်သရၣ်ဟ့ၣ်လီၤအဂီၢ်ဘၣ်ႉ တၢ်ကဟ့ၣ်ဒံးအဘူးအလဲလၢကသံၣ်လၢနကသံၣ်သရၣ်ဟ့ၣ်လီၤတဖၣ်အဂီၢ်, ဖဲနမ့ၢ်တဃုထၢထီၣ်ပှၤဆါကသံၣ်ကသီအတၢ်ဟ့ၣ်ကူၣ်လၢ ကမၤတၢ်ဆီတလဲအဂီၢ်ဒၣ်လဲၣ်န့ၣ်လီၤ.
- တၢ်အံၤတမ့ၢ် နကသံၣ်သရၣ် အတၢ်ဒွးတယာ် ခံမံၤတမံၤဘၣ်. တၢ်ဘၣ်ထွဲဒီးကသံၣ်ကသီတဖၣ်န့ၣ်ဆီတလဲအသးကိးဆၢကိးကတီၢ်ဒဲး, ဒီးနကသံၣ်သရၣ်န့ၣ်တၢ်မၤအါကဲၣ်ဆိးလၢဘၣ်ကွၢ်နတၢ်အိၣ်ဆူၣ်အိၣ်ချ့ဒီတခါအဂီၢ်လီၤႉ တၢ်ပျဲပှၤဆါကသံၣ်ကသီလၢအပတီၢ်ထီၣ်ဘးတဂၤ လၢတၢ်သမံသမိးမၤကွၢ်နကသံၣ်ကသီတဖၣ်အဂီၢ်န့ၣ် ကမၤစၢၤနကသံၣ်သရၣ်လၢတၢ်မၤစၢၤနၤအဂီၢ်လီၤႉ
- နမ့ၢ်ဟးထီၣ်အခဲအံၤန့ၣ်, နဆီတလဲ နတၢ်ဆိကမိၣ် သ့ထီဘိန့ၣ်လီၤ. လၢကဆီလီၤပာ်လီၤ တၢ်ထံၣ်လိာ်အိၣ်သကိးသးအဂီၢ်န့ၣ် ညီဒ်သိးဒၣ် တၢ်ကိးလီတဲစိဒီး တၢ်ဆှၢအံမ့(လ)န့ၣ်လီၤ.
ဆၢကတီၢ်ယံာ်ထီၣ်ဒီး, တၢ်မၤအသးတဖၣ်ဆီတလဲကွံာ်ဝဲဒၣ်သ့လီၤ
- နသးပှၢ်ထီၣ်ဒီး, နကကဲထီၣ်ပှၤလၢအတသ့တူၢ်တၢ်အါအါ မ့တမ့ၢ် စှၤစှၤလၢကသံၣ်ဖီၣ်အဃိလီၤႉ
- ကသံၣ်ကသီတဘျုးခါလၢဘၣ်တၢ်ဟ့ၣ်လီၤညီနုၢ် ပှၤသးစၢ်ဒိၣ်တုာ်ခိၣ်ပှဲၤတဖၣ်န့ၣ် အိၣ်ဒီးတၢ်ဘၣ်ယိၣ်အလီၢ် လၢပှၤသးပှၢ်ဒိၣ်တုာ်ခိၣ်ပှဲၤတဖၣ်အဂီၢ်, အဒိဒ်သိး ဘၣ်ထွဲဒီးတၢ်ကီခဲလၢတၢ်ကၢၤဃာ်နီၢ်ကစၢ်အတၢ်ဟူးတၢ်ဂဲၤတဖၣ်အဂီၢ် မ့တမ့ၢ် သးဂ့ၢ်ဝီ တၢ်ဂ့ၢ်လိာ်တဖၣ်န့ၣ်လီၤ.
- ကသံၣ်ကသီတနီၤန့ၣ် ဘၣ်တၢ်ဟ့ၣ်လီၤအီၤလၢဆၢကတီၢ်ဖုၣ်ကိာ်အဂီၢ်, ဘၣ်ဆၣ်ပှၤနၢ်ပၢၢ်ကမၣ်ဒီး အီအီၤဆူမဲာ်ညါန့ၣ်လီၤ.
- တၢ်မၤအါထီၣ်ကသံၣ်ဖီၣ်အသီ (မ့တမ့ၢ် တၢ်ဆိကတီၢ်ကွံာ်ကသံၣ်ဖီၣ်လီၢ်လံၤတခါ) န့ၣ်ဒုးပၢၢ်ထီၣ်ဝဲကသံၣ်အတၢ်ဒိဘၣ်အသီတမံၤလီၤ.
- နကသံၣ်ကသီတဖၣ်န့ၣ် ကလၢပှဲၤဝဲဒၣ်လၢ လံာ်ကဘျံးဖီခိၣ်, ဘၣ်ဆၣ်နမ့ၢ်ဂုာ်ကျဲးစၢးသုအဝဲသ့ၣ်ဒ်တၢ်နဲၣ်အီၤအသိးလၢတၢ်ဂ့ၢ်တမံၤဂ့ၤဂ့ၤအဃိဒီး, ကဲထီၣ်တၢ်လီၤဘၣ်ယိၣ်သ့ဝဲဒၣ်လီၤ
Blue Cross ပှၤဆါကသံၣ်ကသီတဖၣ်န့ၣ်မၤစၢၤကရူၢ်ဖိတဖၣ်ဒ်လဲၣ်ႉ
တၢ်ပၢဆှၢရဲၣ်ကျဲၤသွံၣ်ဆၢဆံၣ်ဆၢတၢ်ဆါလၢအညီဒိၣ်
ယကတိၤတ့ၢ်တၢ်ဒီးပိၣ်မုၣ်တဂၤလၢအအိၣ်ဒီးသွံၣ်ဆၢဆံၣ်ဆၢတၢ်ဆါလၢ အအိၣ်ဆိးဒၣ်ထဲတဂၤဒီးမ့ၢ်ပှၤလၢအဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲဒ်သိး ကဆဲးကသံၣ်အံၤစူၣ်လံ(insulin)တနံၤသၢဘျီအဂီၢ်န့ၣ်လီၤႉ အဝဲအသွံၣ်ကလူခိး(glucose)အပတီၢ်န့ၣ်တဂၢၢ်နီတစဲးဘၣ် အဂ့ၢ်မ့ၢ်လၢအဝဲတဆဲးဘၣ်ကသံၣ်ဖီၣ်ဒ်အဆၢဘၣ်အကတီၢ်ဘၣ်အသိးအဃိလီၤႉ
ယဟ့ၣ်ကူၣ်အကသံၣ်သရၣ်ဒီး အဝဲဒၣ်ဆီတလဲကသံၣ်ဖီၣ်ဆူကသံၣ်လၢဘၣ်တၢ်သုအီၤတနွံတဘျီလၢ အ့စူၣ်လံ (insulin) အလီၢ်လၢတၢ်ကွၢ်ကဒါက့ၤအကသံၣ်ကသီတဖၣ်အဖီခိၣ်န့ၣ်လီၤႉ အဝဲဒၣ်စ့ၢ်ကီးမ့ၢ်ကသံၣ်ဖီၣ်လၢပှၤဆဲးအီၤ, ဘၣ်ဆၣ်သရၣ်မုၣ်ကွၢ်ပှၤဆါလၢအဟဲတနွံတဘျီလၢ အကမၤပှဲၤက့ၤအကသံၣ်ဖီၣ်တဖၣ်န့ၣ်မၤစၢၤအီၤသ့ဝဲလီၤႉ အနီၣ်ဂံၢ်တဖၣ်ဂ့ၤထီၣ်ဝဲစးထီၣ်ဖဲအဝဲတလိၣ်လၢ အကဆဲးကွၢ်သွံၣ်အဆၢအပတီၢ်တနံၤသၢဘျီဒီး ဆဲးအ့စူၣ်လံ(insulin)21ဘျီလၢတနွံအတီၢ်ပူၤန့ၣ်လီၤႉ တၢ်အံၤကဲထီၣ်တၢ်ဆီတလဲဖးဒိၣ်လၢအဂီၢ်လီၤႉ
Marypat Habermas
Blue Cross ပှၤဆါကသံၣ်ကသီ
တၢ်ဟ့ၣ်သဃဲၤစှၤလီၤ, တၢ်ဘၣ်တိၢ်နီၢ်စှၤလီၤ
အါစုအါဘျီန့ၣ်ပှၤကညီတဖၣ်အိၣ်ဒီးကသံၣ်ဖီၣ်တခါလၢဘၣ်အဝဲသူအီၤအါနံၣ်အါလါဒီး အဝဲသ့ၣ်တသံကွၢ်တၢ်လၢအဂီၢ်ဘၣ်. ဘၣ်ဆၣ်ဆၢကတီၢ်တဖၣ်လဲလိာ်သးဒီး တၢ်အသီအိၣ်ထီၣ်လၢအကမၤဂ့ၤထီၣ်အဝဲသ့ၣ်အဂီၢ်ကအိၣ်ထီၣ်ဝဲသ့လီၤႉ
အဒိ, ပှၤဆါတဂၤလၢယထံၣ်တ့ၢ်လၢအအိၣ်ဒီး COPD တၢ်ဆါန့ၣ် အိၣ်ဒီးကသံၣ်နၢတဖၣ်လၢအဘၣ်နၢဝဲတနံၤခံဘျီလီၤႉ လၢတၢ်ဆါတၢ်ပှ့ၤအလီၢ်ကအိၣ်ဒီးကသံၣ်ဖီၣ်အသီတခါလၢ အပာ်ဖှိၣ်က့ၤကသံၣ်ဖီၣ်အဝဲန့ၣ်တဖၣ်ဆူကသံၣ်နၢတခါဃီလီၤႉ အခဲအံၤတၢ်ဘၣ်နၢတနံၤဃုဘျီအလီၢ်န့ၣ်, အဝဲအံၤနကဘၣ်နၢထဲတနံၤတဘျီဧိၤလၢ ကသံၣ်ကသီလၢအဒ်သိးလိာ်သးတဖၣ်အဂီၢ်န့ၣ်လီၤႉ အခီပညီမ့ၢ်ဝဲကဘၣ်တိၢ်နီၣ်ကသံၣ်အဘျီဖှီၣ်လီၤစှၤ ဒီး တၢ်ဟ့ၣ်သဃဲၤကအိၣ်ထဲတဘျီလၢ ခံဘျီသၢဘျီ မ့တမ့ၢ် သၢဘျီအလီၢ်န့ၣ်လီၤႉ
Landon Weaver
Blue Cross ပှၤဆါကသံၣ်ကသီ
တၢ်မၤကိညၢ်လီၤကသံၣ်အတၢ်ဒိဘၣ်တဖၣ်
လၢတၢ်ကွၢ်ကဒါက့ၤကသံၣ်ကသီအဂ့ၢ်တခါအပူၤန့ၣ် ယသ့ၣ်ညါဘၣ်လၢပှၤဆါတဂၤလၢအအိၣ်ဒီး ကဘၢထီၣ်(အညိးထီၣ်)အါမးလၢအခီၣ်ခံခီအလိၤန့ၣ်လီၤႉ ယဟ့ၣ်ကူၣ်ဟ့ၣ်ဖးအီၤဒ်သိးကဆီတလဲကွံာ် ကသံၣ်ကူစါသးဖျၢၣ်တၢ်မၤတဘၣ်လိာ်ဘၣ်စးတၢ်ဆါအဂၤတခါလီၤႉ အဝဲမၤတ့ၢ်ဝဲ, ဒီးအကဘၢထီၣ်ကိညၢ်က့ၤဝဲန့ၣ်လီၤႉ ဘၣ်ဆၣ်တၢ်အံၤတမ့ၢ်ဝဲတၢ်အကတၢၢ်ဒံး ဘၣ်ႉ
ဖဲအဝဲဆီတလဲအကသံၣ်ဖီၣ်လၢအကသံၣ်သရၣ်ဝံၤအလီၢ်ခံန့ၣ် အဝဲပာ်ကတီၢ်ကွံာ်န့ၢ်ဝဲကသံၣ်ဖီၣ်တခါလၢအဘၣ်အီဝဲလၢအကဘၢထီၣ်အဂီၢ်, ဒီးမၤစှၤလီၤန့ၢ်ဝဲအကသံၣ်ပိၣ်တဲးဆံၣ်ယဲၣ်(မ)န့ၣ်လီၤႉ ပိၣ်တဲးဆံၣ်ယဲၣ်(မ)မၤကီမၤခဲအကဖု, အဃိအဝဲဘၣ်အီန့ၢ်ကသံၣ်ဖီၣ်လၢတၢ်အံၤအဃိစ့ၢ်ကီးလီၤ, ဘၣ်ဆၣ်ဖဲအဝဲမၤစှၤလီၤကွံာ်တၢ်အီကသံၣ်အဘျီဒီး အဝဲပာ်ကတီၢ်ကွံာ်အီၤသ့ဝဲဒၣ်လီၤႉ ကသံၣ်ဖီၣ်တခါအတၢ်ဆီတလဲန့ၣ် ဒုးကဲထီၣ်တၢ်ဆီတလဲလၢကသံၣ်အဂၤသၢခါအဂီၢ်ဒီး ဒုးစှၤလီၤဝဲကသံၣ်အတၢ်ဒိဘၣ်လၢတၢ်ခဲလၢာ်ခဲဆ့အဖီခိၣ်န့ၣ်လီၤႉ
Stephanie Svoboda
Blue Cross ပှၤဆါကသံၣ်ကသီ