SilverSneakers ဆူၣ်ချ့တၢ်ရဲၣ်တၢ်ကျဲၤလၢပှၤသးပှၢ်အဂီၢ်

SilverSneakers^®န့ၣ်မ့ၢ်တၢ်မနုၤလဲၣ်.

SilverSneakers မ့ၢ် တၢ်အိၣ်ဆူၣ်အိၣ်ချ့ဒီး နီၢ်ခိတၢ်ဟူးတၢ်ဂဲၤ အတၢ်ရဲၣ်တၢ်ကျဲၤတမံၤလၢ အဘၣ်တၢ်တ့တိာ်ကျဲၤအီၤလၢ ပှၤသူၣ်က့သးပှၢ်အဂီၢ်65+ လၢ အပၣ်ဃုာ်ဒီးပှၤကြၢးဒိးန့ၢ်ဘၣ် Medicare ဆူၣ်ချ့တၢ်တိာ်ကျဲၤတဖၣ်လၢအမ့ၢ် (Blue Cross Medicare Advantage, Platinum Blue^SM, Senior Gold^SM ဒီး Medicare တၢ်မၤလၢပှဲၤထီၣ် ဒီး SecureBlue^SM တၢ်တိာ်ကျဲၤတဖၣ်)န့ၣ်လီၤ.

အဝဲဟ့ၣ်တၢ်တိစၢၤမၤစၢၤဘၣ်ဃးနီၢ်ခိတၢ်ဂဲၤလိာ်ကွဲဟူးဂဲၤထီၣ်သးလၢအလီၢ်အိၣ်ဝဲဒၣ်လၢအကထိတဖၣ်¹ လၢထံကီၢ်ဒီတဘ့ၣ်အပူၤန့ၣ်လီၤ. တၢ်စိာ်တၢ်ဃၢတၢ်လိာ်ကွဲဒီးစဲးဖီကဟၣ်လၢကရူၢ်အတီၤတဖၣ် ² လၢဘၣ်တၢ်တီခိၣ်ရိၣ်မဲအီၤလၢပှၤနဲၣ်တၢ်လၢဘၣ်တၢ်ဟ့ၣ်အီၤတၢ်မၤလိဝံၤတဖၣ်, တၢ်ဃုထၢအိၣ်ဝဲဒၣ်လၢ ဆူၣ်ချ့တၢ်ဟူးတၢ်ဂဲၤအပတီၢ်ခဲလၢာ်အဂီၢ်န့ၣ်လီၤ. SilverSneakers ဟ့ၣ်ဝဲစ့ၢ်ကီးနီၢ်သးတၢ်လၢပှဲၤခွဲးယာ်တဖၣ် ဖဲပှၤကရူၢ်ဖိတဖၣ်မၤလိကူၣ်သ့အသီတဖၣ်သ့ ဒီးမၤလိတၢ်ဆူမဲာ်ညါတစိၤသးန့ၣ်လီၤ.

တၢ်ရဲၣ်တၢ်ကျဲၤအံၤကဲဘျုးဝဲဒၣ်လၢ ပဝဲကရူၢ်ဖိတဖၣ်ဒ်သိးအတၢ်အိၣ်ဆူၣ်အိၣ်ချ့ကဂ့ၤထီၣ်, ကအိၣ်ဆၢထၢၣ်သဘျ့ဒီးမၤတၢ်လၢအဝဲသ့ၣ်အဲၣ်ဒိးမၤဆူညါတဖၣ်အဂီၢ်န့ၣ်လီၤ. 

တၢ်အဘူးအလဲအိၣ်ဆံးအါလဲၣ်.

နမ့ၢ်အိၣ်ဒီး SilverSneakers လၢအပၣ်ဃုာ်လၢန Medicare ဆူၣ်ချ့တၢ်တိာ်ကျဲၤအပူၤန့ၣ် နဒိးန့ၢ်အခွဲးလၢကနုာ်လီၤလၢအတၢ်လီၢ်, SilverSneakers တၢ်သိၣ်လိတဖၣ်, တၢ်ဂီၤမူတဖၣ်လၢအဒိးန့ၢ်သ့ချ့ချ့, ဒီးတၢ်သးဖှံကရူၢ်ဖိတၢ်မ့ၢ်တၢ် လၢတလိၣ်ဟ့ၣ်အပှ့ၤအါထီၣ်ဘၣ်န့ၣ်လီၤ.  

တၢ်ဂဲၤလိနီၢ်ခိတၢ်ဟူးဂဲၤအလီၢ်မနုၤတဖၣ် ပၣ်ဃုာ်ဝဲဖဲ SilverSneakers န့ၣ်လဲၣ်.

တၢ်လီၢ်လၢအပၣ်ဃုာ်မၤသကိးတၢ်အိၣ်ဝဲလၢအကထိတဖၣ်လၢအမဲရကၤကီၢ်စၢဖှိၣ်အပူၤ, ¹ ဃုာ်ဒီးတီၤလၢအဟ့ၣ်အါထီၣ်စ့ၢ်ကီးတၢ်လီၢ်လၢဘၣ်ထွဲဒီးပှၤကမျၢၢ်အါဂၤ,ဒ်အမ့ၢ်ဖီကရၢၢ်ဒီးပှၤတဝၢလီၢ်ခၢၣ်သးတဖၣ်န့ၣ်လီၤ. ကရူၢ်ဖိတဖၣ်လဲၤနုာ်လီၤဝဲသ့လၢတၢ်လီၢ်သ့ၣ်တဖၣ်အံၤခဲလၢာ်ဒီးတၢ်တပာ်ပနီၣ်ဝဲလၢကဘၣ်လဲၤစူးကါထဲတၢ်လီၢ် တတီၤဧိၤဘၣ်. 

တၢ်လီၢ်တၢ်ကျဲတၢ်ရဲၣ်ကျဲၤကတီၤပာ်ဒီးအတီၤသ့ၣ်တဖၣ်န့ၣ်လီၤဆီလိာ်သးလၢတၢ်လီၢ်တၢ်ကျဲအဖီခိၣ် ¹န့ၣ်လီၤ. နလီၢ်ကဝီၤတၢ်ဂဲၤလိနီၢ်ခိတၢ်ဟူးဂဲၤအလီၢ်,သးပှၢ်လီၢ်ခၢၣ်သး, မ့တမ့ၢ်တၢ်လီၢ်အဂုၤအဂၤသ့ၣ်တဖၣ်ဘၣ်သ့ၣ်သ့ၣ်ကအိၣ်ဒီးထံကမါ, တၢ်ဟးထီၣ်ဟးလီၤကျဲလၢတၢ်သူၣ်ထီၣ်ပူၤ, သဘျ့တၢ်စိာ်တၢ်ဃၢတဖၣ်, သးဖျၢၣ်တၢ်ဟူးတၢ်ဂဲၤအပီးအလီဒီးတၢ်အဂုၤအဂၤတဖၣ်န့ၣ်လီၤ. 

ဃုကွၢ်ဆူၣ်ချ့တၢ်ဟူးဂဲၤလိာ်ကွဲအလီၢ်လၢပၣ်ဃုာ်မၤသကိးတၢ်ဒီးSilverSneakers

ဃုကွၢ်ဆူၣ်ချ့တၢ်ဟူးဂဲၤလိာ်ကွဲလီၢ်အိၣ်သူၣ်လီၤသးလၢ—ပှၤတဝၢအပူၤ  

ပၣ်ဃုာ်လၢ တဃ့အဘူးအလဲနီတဘ့ၣ်လၢနအိၣ်

SilverSneakers ဟ့ၣ်မၤစၢၤစ့ၢ်ကီးတၢ်ကူၣ်ဘၣ်ကူၣ်သ့ အတၢ်အိၣ်ယၢၤတဖၣ် လၢကဆီၣ်ထွဲတၢ်အိၣ်ဆူၣ်တၢ်ချ့တၢ်အိၣ်မူအိၣ်ဂဲၤအကျိၤအကျဲန့ၣ်လီၤ. ဃုကွၢ် ဆူၣ်ချ့တၢ်ကစီၣ် ထီရီၤလၢ ဘၣ်ဃးနီၢ်ခိတၢ်ဟူးဂဲၤလိာ်ကွဲ, ဆူၣ်ချ့,တၢ်အီၣ်ဂံၢ်ဘါ,တၢ်အိၣ်မုာ်ဆိးပၢၤဒီးအဂုၤအဂၤတဖၣ်ဖဲ SilverSneakers.com တက့ၢ်.

နမၤနီၢ်ခိတၢ်ဟူးတၢ်ဂဲၤ ဖဲဟံၣ်ပူၤ မ့တမ့ၢ် တၢ်လီၢ်အဂၤလၢတၢ်ဖံးတၢ်မၤအပူၤသ့လီၤ-

• SilverSneakers LIVE ဆဲးကျိးန့ၢ်တီၤတၢ်မၤလိအတီၤတဖၣ်ဒီး တၢ်အိၣ်ဖှိၣ်တဲသကိးတဖၣ်န့ၣ် ဘၣ်တၢ်မၤအီၤခီဖျိ ပှၤနဲၣ်လိတၢ်တဖၣ်လၢ မၤလိမၤဒိးဘၣ်တၢ်လီၤလီၤဆီဆီ, လၢအိၣ်ဒီး တၢ်မၤလိလၢအကယၤတဖၣ် လၢတနွံဘၣ်တနွံအပူၤ လၢ ပှၤအတီၤပတီၢ် ဒီး တၢ်သ့တၢ်ဘၣ် ခဲလၢာ်အဂီၢ်န့ၣ်လီၤ.
• ဆဲးကျိးန့ၢ်တီၤရိဖှိၣ်ဒၢးလၢတၢ်လီၢ်တတီၤဃီ တၢ်မၤနီၢ်ခိတၢ်ဟူးဂဲၤတၢ်မၤလိအတီၤ, တၢ်အိၣ်ဆူၣ်အိၣ်ချ့ ဘံၢ်ဒံၢ်အိၣ်တဖၣ်ဒီး နီၢ်ခိတၢ်ဟူးတၢ်ဂဲၤ အတၢ်ရဲၣ်တၢ်ကျဲၤအကယၤတဖၣ် ပာ်ဖှိၣ်သးအါမး လၢ ပှၤတၢ်သးစဲ ဒီး တၢ်သ့တၢ်ဘၣ် ခဲလၢာ်အဂီၢ်လီၤ. ကွၢ် ဖဲနလိၣ်ဘၣ်အီၤအဆၢကတီၢ်, ဒ်နသးအိၣ်အသိး ခဲအံၤခဲအံၤတက့ၢ်.
• SilverSneakers GO mobile app လၢအိၣ်ဒီး တၢ်အိၣ်ယၢၤတဖၣ်လၢ တၢ်ရဲၣ်တၢ်ကျဲၤလၢ ဘၣ်တၢ်မၤလီၤဆီအီၤလၢပှၤတဂၤအတၢ်လိၣ်အဂီၢ်, နီၢ်ခိတၢ်ဟူးတၢ်ဂဲၤလၢ တၢ်မၤဘၣ်လိာ်သ့ဒီး အဂုၤအဂၤ
• Burnalong^®3 တၢ်ဒိးန့ၢ်အီၤ ဃုာ်ဒီး ပှၤတဝၢလၢဆဲးကျိးန့ၢ်တီၤဖီခိၣ် လၢအပှဲၤဒီးတၢ်ဆီၣ်ထွဲမၤစၢၤတၢ်ဒီး တၢ်မၤလိလၢအကထိတဖၣ် လၢပှၤတၢ်သးစဲတဖၣ်ဒီး တၢ်သ့တၢ်ဘၣ်ခဲလၢာ်အဂီၢ်
• GetSetUp⁴ တၢ်နုာ်ကွၢ်ဘၣ် တၢ်မၤလိအတီၤတဖၣ်လၢ တၢ်လူၤမၤပိာ်ထွဲညီ, ပှၤသးနံၣ်ဒ်သိးသိး-အတၢ်နဲၣ်လီၤ လၢကဃုထၢအဂီၢ် ပၣ်ဃုာ်ဒီး တၢ်ဖီအီၣ်တ့ၤအီၣ်, တၢ်လဲၤတၢ်က့ၤ, စဲးဖီကဟၣ်ပီညါဒီး အဂုၤအဂၤတဖၣ်

ယကဘၣ်စးထီၣ်မၤဒ်လဲၣ်.

1. နုာ်လီၤကွၢ် Silversneakers.com/StartHere မ့တမ့ၢ်ကိး  1-833-226-1271 လၢကဒိးန့ၢ်န SilverSneakers ID နီၣ်ဂံၢ်ဒီးဆဲးလီၤမံၤ တနံၤအံၤအဂီၢ်တက့ၢ်. နကဒိးန့ၢ်ဘၣ်အခီၣ်ထံးပတီၢ်ဆူၣ်ချ့တၢ်ဟူးဂဲၤလိာ်ကွဲအကရူၢ်ဖိဖဲ တၢ်လိာ်ကွဲလီၢ်လၢပၣ်ဃုာ်မၤသကိးတၢ်တဖၣ် လၢ SilverSneakers ပှာ်ယဲၤဘျးစဲအပူၤတဖၣ်ဒီးတၢ်လၢာ်ဘူၣ်လၢာ်စ့တအိၣ်နီတမံၤဘၣ်.
2. ဆဲးလီၤမံၤစရီလၢတီၤမၤလိတၢ်လၢအ့ထၢၣ်နဲး အိၣ်လၢဟံၣ်မ့တမ့ၢ်ဃုကွၢ်တၢ်လီၢ်အညီတဖၣ် ဖဲဆူၣ်ချ့တၢ်လိာ်ကွဲလီၢ်လၢပၣ်ဃုာ်မၤသကိးတၢ်တဖၣ် လၢအဘူးဒီးနၤန့ၣ်တက့ၢ်.

အခဲအံၤနမ့မ့ၢ် Blue Cross ကရူၢ်ဖိဒီးတၢ်သးဒ့ဒီမ့ၢ်အိၣ်ဘၣ်ဃး နဒိးန့ၢ်ဘၣ်SilverSneakers သ့တသ့အဂ့ၢ်န့ၣ်, ဝံသးစူၤကွၢ်သမံသမိးနတၢ်တိာ်ကျဲၤလီၤတံၢ်လီၤဆဲး မ့တမ့ၢ်ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ်လီတဲစိနီၣ်ဂံၢ်အိၣ်ဖဲ တၢ်ကွၢ်နီၣ်ကွၢ်ဃါခးက့ (ID) အချၢန့ၣ်တက့ၢ်.

ဆူၣ်ချ့တၢ်ဟ့ၣ်ကူၣ်ဟ့ၣ်ဖးအဂၤတဖၣ်

တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
Blue Cross ဆူၣ်ချ့တၢ်ရဲၣ်တၢ်ကျဲၤတဖၣ်
ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ