ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ

မၤန့ၢ်ဆူၣ်ချ့တၢ်တိာ်ကျဲၤ အတၢ်ဂ့ၢ်တၢ်ကျိၤ

ပှၤလၢနအဲၣ်ဘၣ်အီၤတဂၤမ့ၢ်နဟံၣ်ဖိဃီဖိဒၣ်လဲာ် ဒ်သိးနမၤန့ၢ်အဆူၣ်ချ့တၢ်တိာ်ကျဲၤ အဂ့ၢ်အကျိၤကန့ၢ်အဂီၢ် အဝဲသ့ၣ်ကဘၣ်ကွဲးဝဲလံာ်လၢအပာ်ဖျါတၢ်ဟ့ၣ်အခွဲးလၢအဂီၢ်န့ၣ်လီၤ.

လၢကမၤန့ၢ်ဆူၣ်ချ့တၢ်တိာ်ကျဲၤ အဂ့ၢ်အကျိၤလၢလံာ်လဲၢ်လၢအိၣ်ဒီးတၢ်ဂ့ၢ်တၢ်ကျိၤလၢပထၢဖှိၣ်ဃာ်အဂီၢ် ဃုာ်ဒီး အဝဲဟ့ၣ်အတၢ်အကြၢးအဘၣ်, တၢ်ဟ့ၣ်တၢ်ဘူးတၢ်လဲဒီးတၢ်ဃ့က့ၤအဘူးအလဲအဂ့ၢ်, ပှၤလၢနအဲၣ်ဘၣ်အီၤတဂၤ ကဘၣ်ဆဲးလီၤမံၤဒီးက့ၤဆှၢကဒါက့ၤ တၢ်ဟ့ၣ်စိဟ့ၣ်ကမီၤလၢတၢ်ကပာ်ဖျါထီၣ်တၢ်အိၣ်ဆူၣ်အိၣ်ချ့အဂ့ၢ်အကျိၤအဂီၢ်တဘ့ၣ်န့ၣ်လီၤ. နဃုထၢတၢ်လၢတၢ်ဃုထၢသ့ၣ်တဖၣ်အံၤအကျါသ့:

တၢ်ဟ့ၣ်စိဟ့ၣ်ကမီၤလၢတၢ်ကပာ်ဖျါထီၣ်တၢ်အိၣ်ဆူၣ်အိၣ်ချ့အဂ့ၢ်အကျိၤအလံာ်ကွဲးဒိ လၢအ့ထၢၣ်နဲးဖီခိၣ် (နတဲဘၣ်အီၤလၢကလဲၤကွၢ်ဝဲဖဲ bluecrossmn.com/adhi သ့၀ဲ)

တၢ်ဟ့ၣ်စိဟ့ၣ်ကမီၤလၢ တၢ်ကပာ်ဖျါထီၣ် တၢ်အိၣ်ဆူၣ်အိၣ်ချ့အဂ့ၢ်အကျိၤအလံာ်တကွီၣ်ဒိ

တၢ်ဟ့ၣ်စိဟ့ၣ်ကမီၤလၢ တၢ်ကပာ်ဖျါထီၣ် တၢ်အိၣ်ဆူၣ်အိၣ်ချ့အဂ့ၢ်အကျိၤအလံာ်တကွီၢ်ဒိ (မိၣ်တရူးကျိာ်)

တၢ်ဟ့ၣ်စိဟ့ၣ်ကမီၤလၢ တၢ်ကပာ်ဖျါထီၣ် တၢ်အိၣ်ဆူၣ်အိၣ်ချ့အဂ့ၢ်အကျိၤအလံာ်တကွီၣ်ဒိ (Spanish)

ပၢဆှၢရဲၣ်ကျဲၤစၢၤ ပှၤလၢနအဲၣ်ဘၣ်အီၤတဂၤအတၢ်ကွၢ်ထွဲအဂီၢ်

တၢ်ဟ့ၣ်စိဟ့ၣ်ကမီၤပီၢ်ရီအလံာ်ကွဲးဒိန့ၣ် မ့ၢ်ဒၣ်ပီၢ်ရီအလံာ်ကွဲးဒိလၢအ ဟ့ၣ်စိဟ့ၣ်ကမီၤနၤ ဒ်သိးကမၤခၢၣ်စးတၢ်လၢ ပှၤလၢနအဲၣ်ဘၣ်အီၤတဂၤအလီၢ်န့ၣ်လီၤ. ပှၤလၢနအဲၣ်ဘၣ်အီၤတဂၤ အခိၣ်နူာ်မ့ၢ်တမၤတၢ်တုၤထီၣ်ဘးလၢအဆၢတဲာ်တၢ်ဘၣ်န့ၣ် ဒ်သိးနမၤတၢ်ဆၢတဲာ်တဖၣ်ဘၣ်ဃးဒီး ပှၤလၢနအဲၣ်ဘၣ်အီၤတဂၤ အဆူၣ်ချ့တၢ်ကွၢ်ထွဲမ့တမ့ၢ် ကျိၣ်စ့တကပၤကန့ၢ်အဂီၢ် နဘၣ်တၢ်ထၢနုာ်ပှဲၤထီၣ်တၢ်ဟ့ၣ်စိဟ့ၣ်ကမီၤပီၢ်ရီအလံာ်ကွဲးဒိ ဒီးဆှိးထီၣ်အီၤဆူကီၢ်စဲၣ်အပဒိၣ်န့ၣ်လီၤ.

ပှၤလၢနအဲၣ်ဘၣ်အီၤတဂၤန့ၣ် ဘၣ်မၤပှဲၤထီၣ်ဒီးဆဲးလီၤမံၤလၢ တၢ်ဟ့ၣ်စိဟ့ၣ်ကမီၤပီၢ်ရီအလံာ်ကွဲးဒိ ဒ်သိးနမၤတၢ်သ့ၣ်တဖၣ်လၢလာ်ကန့ၢ်၀ဲအဂီၢ်:

• မၤတၢ်ဆၢတဲာ်ဘၣ်ဃးဒီး ပှၤလၢနအဲၣ်ဘၣ်အီၤတဂၤ အဆူၣ်ချ့တၢ်ကွၢ်ထွဲဒီးကျိၣ်စ့တကပၤ
• ဆဲးလီၤစၢၤန့ၢ်အမံၤလၢလံာ်လၢအဝဲအခၢၣ်စး
• ဆီတလဲ ပှၤလၢနအဲၣ်ဘၣ်အီၤတဂၤ အဂ့ၢ်အကျိၤ ဒ်သိးဒီး အိၣ်တၢ်လီၢ် မ့တမ့ၢ်လီတဲစိနီၣ်ဂံၢ်

တၢ်တိစၢၤမၤစၢၤလၢကကဲဘျုးအါထီၣ်အဂီၢ်

ကီၢ်စဲၣ်ဒီးလီၢ်က၀ီၤတၢ်ကရၢကရိအမံၤကွဲးရဲၣ်လၢအဟ့ၣ်န့ၢ်ပှၤသးပှၢ်တဖၣ် ဒီးပှၤက့ၢ်ဂီၤတလၢပှဲၤတဖၣ်လၢတၢ်တိစၢၤမၤစၢၤလၢအဘူးအလဲတအိၣ် မ့တမ့ၢ် အဘူးအလဲစှၤန့ၣ် အိၣ်ဖဲအံၤန့ၣ်လီၤ.

• Minnesota ကီၢ်စဲၣ် - ဟ့ၣ်ထီၣ်တၢ်တိစၢၤမၤစၢၤဆူ Minnesota အပှၤသးပှၢ်တဖၣ်, အဟံၣ်ဖိဃီဖိ ဒီး ပှၤကွၢ်ထွဲအီၤတဖၣ်
• Minnesota ကမံးတံာ်မိၢ်ပှၢ်လၢပှၤသးပှၢ်အကရၢ- ဟ့ၣ်ဝဲတၢ်မၤစၢၤကလီလၢကဒုးဘၣ်ထွဲဝဲ ပှၤသူၣ်က့သးပှၢ်ဒီးတၢ်တိစၢၤမၤစၢၤတဖၣ်လၢ အပှၤတဝၢပူၤ, ပၣ်ဃုာ်ဒီး တၢ်ဆှၢထီၣ်ဆှၢလီၤ, တၢ်မၤစၢၤဟံၣ်တၢ်မၤ,တၢ်အီၣ်တၢ်အီ, တၢ်အိၣ်ဆိးလီၢ်အတၢ်ဃုထၢတဖၣ်, သဲစးအတၢ်မၤစၢၤဒီး အဂၤန့ၣ်လီၤ
• Medicare.gov - ဟ့ၣ်တၢ်တိစၢၤမၤစၢၤအတစုလၢ ကမၤစၢၤနၤမၤသကိးတၢ်ဒီး Medicare တုၤလီၤတီလီၤ ဒီးမၤလီၤတံၢ်လၢနဟံၣ်ဖိဃီဖိ ဒီးတံၤသကိးတဖၣ် ဒိးန့ၢ်ဘၣ်တၢ်ကွၢ်ထွဲအဂ့ၤကတၢၢ်အဂီၢ်
• Senior LinkAge Line^® လၢ Trellis - ဟ့ၣ်မၤစၢၤတၢ်လၢပှၤသူၣ်က့သးပှၢ်တဖၣ်, ပှၤလၢနီၢ်ခိက့ၢ်ဂီၤတလၢပှဲၤတဖၣ်ဒီး ပှၤခဲလၢာ်ခဲဆ့လၢအကွၢ်ထွဲပှၤဒ်သိးအံၤတဖၣ်အဂီၢ်ခီဖျိလၢ တၢ်ရဲၣ်တၢ်ကျဲၤတၢ်မၤအကျဲလၢအဘၣ်တၢ်ပာ်ဖှိၣ်ထီၣ်အီၤတပူၤဃီ ဘၣ်ထွဲဒီးတၢ်ကစီၣ်, တၢ်တိစၢၤမၤစၢၤ, တၢ်ကူၣ်ဘၣ်ကူၣ်သ့, တၢ်ဟ့ၣ်မၤစၢၤတဖၣ်ဒီး တၢ်ဖံးတၢ်မၤဆီၢ်ထွဲလၢဟံၣ်ဃီအဂီၢ်တဖၣ်န့ၣ်လီၤ
• က့ကွဲၣ်ကျဲသနူ MN(Disability Hub MN) - မ့ၢ်ဒၣ်တၢ်တိာ်ကျဲၤဘျးစဲပှဲၤဒီးတၢ်တိစၢၤမၤစၢၤလၢနမၤန့ၢ်ကလီဝဲဒၣ် ဒ်သိးကဘှီဘၣ်ထီၣ်က့ၤတၢ်ဂ့ၢ်ကီလၢက့ကွဲၣ်တကပၤ, နဲၣ်ကျဲၤလီၤနသးလၢတၢ်ရဲၣ်တၢ်ကျဲၤအပူၤဒီး ရဲၣ်ကျဲၤလီၤတၢ်လၢခါဆူညါ အဂီၢ်န့ၣ်လီၤ.

တၢ်သံကွၢ်အိၣ်ဧါ.

ကိးဘၣ် (651) 662-6013 မ့တမ့ၢ် ဆဲးကျိးကလီ 1-888-740-6013, ဂီၤ 8 နၣ်ရံၣ်တုၤ ဟါ 8 နၣ်ရံၣ်, ကိးနံၤဒဲးတက့ၢ်. TTY 711.