BlueRide တၢ်လဲၤတၢ်က့ၤ

BlueRide တၢ်လဲၤတၢ်က့ၤ

မ့ၢ်နလိၣ်ပှၤဆှၢထီၣ်ဆှၢလီၤနၤဧါ. ပဆှၢနၤသ့လီၤ.

သ့ၣ်နံၤဖးသီတၢ်လဲၤတၢ်က့ၤ

မ့တမ့ၢ်
ဆဲးကျိးအပှ့ၤကလီ 1-866-340-8648 (TTY 711) မ့တမ့ၢ် (651) 662-8648

မုၢ်ဆၣ်တုၤမုၢ်ဖီဖး, ဂီၤခီ8နၣ်ရံၣ်တုၤဟါခီ5နၣ်ရံၣ်

 

ဒိးန့ၢ်ဘၣ်တၢ်ဆှၢထီၣ်ဆှၢလီၤဖဲနလိၣ်အီၤအခါ

BlueRideSM လၢ Blue Plus န့ၣ် ဟ့ၣ်နၤတၢ်လဲၤတၢ်က့ၤ လၢဆူၣ်ချ့, မဲ, ကသံၣ်ကျးအတၢ်ထံၣ်လိာ်သးတဖၣ် ဃုာ်ဒီးကသံၣ်သရၣ်လၢနတၢ်တိာ်ကျဲၤဘျးစဲပူၤအဂီၢ်န့ၣ်လီၤ.

BlueRide ဟ့ၣ်တၢ်ဆှၢထီၣ်ဆှၢလီၤလၢ တၢ်ဂ့ၢ်သ့ၣ်တဖၣ်အံၤ:

  • ဆူၣ်ချ့အတၢ်သ့ၣ်နံၤဖးသီတဖၣ်
  • မဲအတၢ်သ့ၣ်နံၤဖးသီတဖၣ်
  • နီၢ်သးဆူၣ်ချ့အတၢ်သ့ၣ်နံၤဖးသီတဖၣ်
  • လဲၤဟံးန့ၢ်ကသံၣ်လၢကသံၣ်သရၣ်ဟ့ၣ်လီၤနၤ
  • ဟံးန့ၢ်မ့တမ့ၢ်ဘှီဘၣ်ထီၣ်က့ၤဆူၣ်ချ့ပီးလီလၢအကျၢၤ (DME)အဂီၢ်
  • တၢ်လဲၤဟးဆူ နီၢ်ခိတၢ်ဟူးဂဲၤအလီၢ် (ထဲလၢ SecureBlue ကရူၢ်ဖိဧိၤ)

တၢ်ခွဲးတၢ်ယာ်လၢတၢ်ဒိးန့ၢ်အီၤသ့

နဒိးန့ၢ်ဘၣ်တၢ်ဆှၢထီၣ်ဆှၢလီၤနသးဆူဆူၣ်ချ့တၢ်သ့ၣ်နံၤဖးသီတဖၣ်ဖဲနကစၢ်ရဲၣ်ကျဲၤတၢ်ဆှၢထီၣ်ဆှၢလီၤ ဒီးနမ့ၢ် Blue Plus တၢ်တိာ်ကျဲၤလၢလာ်အံၤအကရူၢ်ဖိန့ၣ်လီၤ:

  • Blue Advantage လၢဟံၣ်ဖိဃီဖိဒီးဖိဒံဖိသၣ်တဖၣ်အဂီၢ်
  • MinnesotaCare(ပိာ်မုၣ်အိၣ်ဒီးဟုးဒီးကရူၢ်ဖိလၢအသးအိၣ်အနံၣ် 19 နံၣ်ဆူအဖီလာ်)
  • Minnesotaပှၤသးပှၢ်တၢ်ကွၢ်ထွဲတၢ်ပာ်ဖှိၣ်+
  • SecureBlue (HMO SNP)

BlueRide မၤတၢ်ဒ်လဲၣ်

BlueRideအပှၤဘၣ်မူဘၣ်ဒါကမၤလီၤတံၢ်လၢနန့ၢ်အခွဲးဧါအဂီၢ်န့ၣ်လီၤ. နမ့မ့ၢ်န့ၣ်နကဒိးန့ၢ်ဘၣ်တၢ်တိစၢၤမၤစၢၤလၢလာ်အကျါတမံၤ:

  • နအိၣ်တၢ်လီၤမ့ၢ်အိၣ်ဒီးကမျၢၢ်တၢ်လဲၤတၢ်က့ၤ အတၢ်ရဲၣ်တၢ်ကျဲၤန့ၣ် နကဒိးန့ၢ်ဘၣ် ကမျၢၢ်သိလ့ၣ်ဘၢးစ်အလံာ်ပျဲ
  • ကမျၢၢ်တၢ်လဲၤတၢ်က့ၤအတၢ်ရဲၣ်တၢ်ကျဲၤမ့ၢ်အိၣ်လၢနသဝီၤအချၢန့ၣ် တၢ်ကသ့ၣ်နံၤဖးသီပှၤစိာ်ဆှၢဆူၣ်ချ့သိလ့ၣ် မ့တမ့ၢ် တၢ်လဲၤတၢ်က့ၤအတၢ်ရဲၣ်တၢ်ကျဲၤအဂၤ လၢကဆှၢထီၣ်ဆှၢလီၤနၢ်အဂီၢ်

နက့ကွဲၣ်မ့ၢ်အိၣ် မ့တမ့ၢ် တၢ်လိၣ်ဘၣ်လီၤဆီအဂၤတဖၣ်မ့ၢ်အိၣ်န့ၣ် BlueRide ကဃုစၢၤန့ၢ်နၤလၢတၢ်လဲၤတၢ်က့ၤကြၢးဘၣ်ဒီးနၤအဂီၢ်န့ၣ်လီၤ.

သ့ၣ်နံၤဖးသီဆိတၢ်ဆၢကတီၢ်လၢကလဲၤဆှၢနၤဆူနတၢ်ထံၣ်လိာ်သးအဂီၢ် လအစှၤကတၢၢ်ပူၤကွံာ်ခံနံၤ တချုးနဘၣ်သးန့ၢ်အီၤတနံၤတက့ၢ်.

နမ့ၢ်လိၣ်ဘၣ်ဆီတလဲမ့တမ့ၢ်ဆိကတီၢ်ကွံာ်တၢ်လဲၤတၢ်က့ၤန့ၣ် ကိးဘၣ် BlueRide လၢအဆိအချ့စှၤကတၢၢ်လွံၢ်နၣ်ရံၣ်တချုးလၢတၢ်ဟဲဖှိၣ်စိာ်နၤအကတီၢ်ဒံးဘၣ်တက့ၢ်.

နမ့ၢ်တဆိကတီၢ်ကွံာ်တၢ်လဲၤတၢ်က့ၤလၢနတလိၣ်အီၤတဖၣ်ဘၣ်န့ၣ် BlueRide ကမၤလီၤမၢ်ကွံာ်တၢ်တိစၢၤမၤစၢၤလၢနန့ၢ်ဘၣ်အီၤတဖၣ်တစိၢ်တလီၢ်သ့ဝဲန့ၣ်လီၤ.

ပကဟဲဖှိၣ်စိာ်နၤလၢနတၢ်ထံၣ်လိာ်သးတချုးတၢ်အဆၢကတီၢ်တုၤအမံးနံးဃုဆံန့ၣ်လီၤ.

ပှၤနီတဂၤကအိၣ်ခိးယဲၢ်မံးနံးလၢတၢ်ဟဲဖှိၣ်စိာ်အလီၢ်န့ၣ်လီၤ.

ဖဲတၢ်လဲၤတၢ်က့ၤတၢ်အခါကဘၣ်ပာ်ဖျါထီၣ်တၢ်ပာ်ကဲထီဘိတက့ၢ်.

ထဲဖိသၣ်တဖၣ်ဧိၤလဲၤတၢ်က့ၤတၢ်

ဖိသၣ်ဆံးတဂၤလၢအသးစၢ်န့ၢ် 18 နံၣ်လၢ အလဲၤတၢ်က့ၤတၢ်ထဲတဂၤဧိၤန့ၣ် ကလိၣ်ဘၣ်၀ဲမိၢ်ပၢ်တဂၤဂၤ မ့တမ့ၢ် ပှၤကွၢ်ထွဲအီၤတဂၤဂၤ အတၢ်အၢၣ်လီၤဟ့ၣ်အခွဲးလၢဘၣ်တၢ်ဆဲးဃာ်စုပနီၣ် တချုးတၢ်ရဲၣ်လီၢ်ကျဲၤလီၤတၢ်ဒိးသိလ့ၣ်လၢအ၀ဲသ့ၣ်တဖၣ်အဂီၢ်ဒ်ဘၣ်န့ၣ်လီၤႉ

ဆှၢလံာ်အဒိခီဖျိလီပရၢဖဲ : BlueRideSTS@bluecrossmn.com
မ့တမ့ၢ် ဆှၢလီၤစဲးကွဲးဒိဆှၢလံာ်အဒိဆူ : (651) 662-2844

BlueRide တၢ်အၢၣ်လီၤဟ့ၣ်အခွဲးလံာ်အဒိ

တၢ်လဲၤပှ့ၤတၢ်အီၣ်တၢ်အီ

နမ့ၢ်အိၣ်လၢ Minnesota ကီၢ်ရ့ၣ်တဖၣ်အံၤအကျါတတီၤန့ၣ်နကန့ၢ်အခွဲးလၢပကစိာ်ဆှၢနၤဆူ တၢ်ဆါတၢ်အီၣ်အလီၢ် မ့တမ့ၢ် တၢ်ဟ့ၣ်ကလီတၢ်အီၣ်အလီၢ်န့ၣ်လီၤ.

  • ကီၢ်ရ့ၣ် Benton
  • ကီၢ်ရ့ၣ် Blue Earth
  • Carlton ကီၢ်ရ့ၣ်
  • ကီၢ်ရ့ၣ် Clay
  • Kandiyohi ကီၢ်ရ့ၣ်
  • Mower ကီၢ်ရ့ၣ်
  • Pine ကီၢ်ရ့ၣ်
  • Rice ကီၢ်ရ့ၣ်
  • Sherburne ကီၢ်ရ့ၣ်
  • ကီၢ်ရ့ၣ် Stearns
  • Winona ကီၢ်ရ့ၣ်

နမ့ၢ်လိၣ်ဘၣ်တၢ်မၤစၢၤလၢနကဃုထံၣ်န့ၢ်တၢ်ဆါတၢ်အီၣ်အလီၢ် မ့တမ့ၢ် တၢ်ဟ့ၣ်ကလီတၢ်အီၣ်အလီၢ်န့ၣ် သူကမျၢၢ်တၢ်အိၣ်ယၢၤအပှာ်ယဲၤဘျးစဲန့ၣ်တက့ၢ်.
ဃုထံၣ်န့ၢ်တၢ်ဆါတၢ်အီၣ်အလီၢ် မ့တမ့ၢ်တၢ်ဟ့ၣ်ကလီတၢ်အီၣ်အလီၢ်

တၢ်စိာ်ဆှၢနၤန့ၣ်ဘၣ်နသးတမုာ်ဘၣ်ဧါ. တဲဘၣ်ပှၤတက့ၢ်

နတီၣ်ထီၣ်တၢ်သးတမံအလံာ်ကွဲးဒိတဘျီလၢ်လၢ်သ့လီၤ. ကိးဘၣ် BlueRide တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲ866-340-8648 ဒီးတဲဘၣ်ပှၤလၢနတၢ်ကီတၢ်ခဲအဂ့ၢ်န့ၣ်တက့ၢ်.

SecureBlueSM (HMO SNP) န့ၣ် မ့ၢ်၀ဲဆူၣ်ချ့တၢ်တိာ်ကျဲၤ လၢအငါန့ၢ် Medicare ဒီး Minnesota ဆူၣ်ချ့တၢ်မၤစၢၤ (Medicaid) ခံတီၤလၢာ် အတၢ်ရဲၣ်တၢ်ကျဲၤတဖၣ် ဒီးသူတၢ်ရဲၣ်တၢ်ကျဲၤသ့ၣ်တဖၣ်န့ၣ် အတၢ်န့ၢ်ဘျုးတဖၣ်လၢကကဲဘျုးပှၤပၣ်ဃုာ်တဖၣ် အဂီၢ်န့ၣ်လီၤ. တၢ်ဆဲးလီၤမံၤလၢ SecureBlue SM (HMO SNP) န့ၣ် ဒိးသန့ၤထီၣ်သးလၢတၢ်မၤသီထီၣ်လံာ်ဃံးဃာ်န့ၣ်လီၤ.

DHS_070723_O04 DHS တူၢ်လိာ်အီၤ 07/14/2023
H2425_070723_O04 CMS တူၢ်လိာ်တ့ၢ် 07/19/2023