ပှၤသးပှၢ်တဂၤ ကွၢ်လီတဲစိဒီး နံၤကမှံ.

Blue Care Advisor

မၤဘၣ်ထွဲလိာ်သးဒီးတၢ်ကိးမံၤလၢနလိၣ်ဘၣ် ဒ်သိးတၢ်ကသုးကျဲၤနတၢ်အိၣ်ဆူၣ်အိၣ်ချ့အဂီၢ်န့ၣ်တက့ၢ်

တၢ်ကွၢ်ကဒါက့ၤ

တၢ်အိၣ်သးဂ့ၤဒိးန့ၢ်အလီၢ် ဃုာ်ဒီး Blue Care Advisor

Blue Care ပှၤဟ့ၣ်ကူၣ်တၢ်SMန့ၣ်ပျဲနမၤဘၣ်ထွဲလိာ်သးဂ့ၤဂ့ၤဒီး နတၢ်န့ၢ်ဘျုး, နတၢ်ဃ့ထီၣ်, တၢ်ရဲၣ်တၢ်ကျဲၤ, ခိၣ်ဖးဒီး တၢ်အဂုၤအဂၤတဖၣ်လီၤႉ

နကဒိးန့ၢ်ဘၣ်တၢ်ဂ့ၢ်တၢ်ကျိၤလၢ နတၢ်န့ၢ်ဘျုးတဖၣ်ဒီး နဂ့ၢ်နကျိၤအဖီခိၣ် တဘျီဃီဃုာ်ဒီး တၢ်ဟ့ၣ်ကူၣ်လၢနခီၣ်ကါလၢနကလဲၤတဖၣ်အဂီၢ်မ့ၢ်ဒ်သိး တၢ်ကမၤဂ့ၤထီၣ်နတၢ်အိၣ်ဆူၣ်အိၣ်ချ့အဂီၢ်န့ၣ်လီၤႉ

ကရူၢ်ဖိတဖၣ်လၢအကြၢး၀ဲဘၣ်၀ဲတဖၣ်န့ၣ် ကဘၣ်တၢ်နဲၣ်လီၤအီၤဆူ Blue Care ပှၤဟ့ၣ်ကူၣ်တၢ်အအိၣ်ဖဲ အနုာ်လီၤဆူကရူၢ်ဖိအကီး၀ံၤအလီၢ်ခံန့ၣ်လီၤ. တၢ်အံၤအပူၤ ပၣ်ဃုာ်ဒီး ကရူၢ်ဖိ အါဒံအါဂၤ ဃုာ်ဒီး တၢ်မၤကစၢ်-ဆီၣ်ထွဲတၢ် မ့တမ့ၢ် နီၢ်တဂၤ ဒီး ဟံၣ်ဖိဃီဖိ တၢ်တိာ်ကျဲၤတဖၣ် န့ၣ်လီၤ.

နုာ်လီၤလၢန ကရူၢ်ဖိအကီး မ့တမ့ၢ်ဒီလိးဟံးန့ၢ် အဲး(ပ) လၢကစးထီၣ်ဝဲဒၣ်အဂီၢ်တက့ၢ်.

​နုာ်လီၤ အိးထီၣ် အကီး

ဒီလိးဟံးန့ၢ် Blue Care Advisor အဲး(ပ)

နဒိးန့ၢ် Blue Care Advisor သ့လၢ စီၢ်နီၤခိၣ်ခီၣ်ဖၠူထၢၣ် ဒီးလီတဲစိ ခီဖျိတၢ်စူးကါ တၢ်ဆဲးလီၤမံၤနုာ်လီၤ တမံၤဃီန့ၣ်လီၤ.

ဒီလိးဟံးန့ၢ် လၢ Android အဂီၢ်
ဒီလိးဟံးန့ၢ် လၢ iOS အဂီၢ်

နီၢ်ကစၢ်တၢ်လဲၤခီဖျိ

Blue Care Advisor ကဟ့ၣ်ဝဲနီၢ်တဂၤလၢကကြၢးဒီးနတၢ်လိၣ်ဘၣ်တဖၣ်အဂီၢ်လီၤ

မၤလၢထီၣ်ပှဲၤထီၣ်ဆူၣ်ချ့တၢ်မၤကွၢ်တခါဒ်သိး ကဆီၣ်ထွဲမၤစၢၤနဆူၣ်ချ့အဖီတၢၣ်တဖၣ်အဂီၢ်န့ၣ်တက့ၢ်

လဲၤဃီၤဆူဆူၣ်ချ့အဖီတၢၣ်တဖၣ်ခီဖျိလၢ တၢ်လူၤပိာ်ကွၢ်ထွဲတၢ်အပတီၢ်တဖၣ်

အိးထီၣ်စဲးပီးလီလၢနသိးအီၤလၢနလိၤဒ်သိး တၢ်လူၤပိာ်ကွၢ်ထွဲအီၤကညီအဂီၢ်

ဟံးန့ၢ်ခိၣ်ဖးလၢအိၣ်ပ့ၢ်ပ့ၢ်ချ့ချ့အဃိ*

ကွၢ်တၢ်တိာ်ကျဲၤဒီး တၢ်န့ၢ်ဘျုးအဂ့ၢ်အကျိၤတဖၣ်လၢအရ့ဒိၣ်

ဃုထံၣ်န့ၢ်ပှၤဟ့ၣ်မၤစၢၤတၢ်ဖိလၢကံၣ်စီအပတီၢ်ထီတဖၣ်ဃုာ်ဒီး ပှၤသ့ပှၤဘၣ်စဲၣ်နီၤလၢအဘၣ်နသး

ထိၣ်သတြီၤကွၢ်တၢ်လၢာ်ဘူၣ်လၢာ်စ့တဖၣ်ဒ်သိး နကမၤနီၣ်ဆူၣ်ချ့တၢ်ကွၢ်ထွဲအတၢ်လၢာ်အဂီၢ်

ကွၢ်ဘၣ်စ့စရီလၢတၢ်သုအီၤလၢတၢ်အိၣ်ဆူၣ်အိၣ်ချ့အပှ့ၤအဂီၢ် အတၢ်ဟဲနုာ်ဟးထီၣ်

တၢ်ဂီၤမူတၢ်ရဲၣ်လီၤအသးတမံၤဘၣ်တမံၤ

မၤသ့ၣ်ညါနသးလၢ Blue Care အပှၤဟ့ၣ်ကူၣ်တၢ်- ဘျးစဲတၢ်ကိးမံၤဒဲးလၢအလိၣ်ဘၣ်၀ဲဒ်သိး ကပၢဆှၢရဲၣ်ကျဲၤ နဆူၣ်ချ့တၢ်ကွၢ်ထွဲ, ဘၣ်သဂၢၢ်လိာ်သးဒီး နတၢ်ပညိၣ်ဖီတၢၣ်တဖၣ်ဒီး အိၣ်မူဆူၣ်ချ့ဂ့ၤအါထီၣ်ဃုာ်ဒီး Blue Care အပှၤဟ့ၣ်ကူၣ်တၢ်တက့ၢ်. ဃုထံၣ်န့ၢ် ကသံၣ်သရၣ်ကံၢ်စီဂ့ၤတဖၣ်လၢ တၢ်တိာ်ကျဲၤဘျးစဲပူၤလၢအအိၣ်ဘူးဒီးနၤဃုာ်ဒီး တၢ်လၢာ်ဘူၣ်လၢာ်စ့လၢအဘၣ်တၢ်ဒွးတယာ်အီၤဒီး အါန့ၢ်အန့ၣ်တဖၣ်တက့ၢ်.

တၢ်သံကွၢ်လၢပှၤသံကွၢ်အီၤအါတဖၣ်

ယကဘၣ်စးထီၣ်ယဲဒီး Blue Care Advisor ဒ်လဲၣ်ႉ

နကရူၢ်ဖိအကီးမ့ၢ်တအိၣ်ဒံးဘၣ်န့ၣ် အိးထီၣ်အီၤတက့ၢ်. ဖဲအခါတဘျီဃီ, ထၢနုာ်မၤပှဲၤနဂ့ၢ်နကျိၤလၢတၢ်ဆဲးလီၤမံၤ တၢ်မၤအကျဲအပူၤန့ၣ်တက့ၢ်ႉ

တကးဒံးဘၣ် နအိၣ်ထီၣ်ကွၢ် Blue Care Advisor လၢန iPhone မ့တမ့ၢ် Android အလီတဲစိ ခီဖျိလၢနထုးဟံးန့ၢ် Blue Care Advisor အဲး(ပ)အဃိတက့ၢ်.

ယမါယဝၤ မ့တမ့ၢ်ပှၤဒိၣ်တုာ်ခိၣ်ပှဲၤလၢ အဒိးသန့ၤအသးလၢယၤတဂၤန့ၣ် အဝဲဆဲးနုာ်လီၤအမံၤ လၢ Blue Care Advisor အဂီၢ်ကသ့ဒ်လဲၣ်.

ဖဲန အိးထီၣ်အကီးအခါန့ၣ်​​​​​​​ နဟ့ၣ်ထီၣ်နအံမ့(လ)လီပရၢအဂ့ၢ် လၢနမါနဝၤ မ့တမ့ၢ် ပှၤဒိၣ်တုာ်ခိၣ်ပှဲၤတဖၣ် လၢအဒိးသန့ၤအသး လၢနၤတဂၤအဂီၢ်သ့န့ၣ်လီၤ. အဝဲသ့ၣ်မ့ၢ်ကြၢးဝဲဘၣ်ဝဲန့ၣ်, အဝဲသ့ၣ်ကဒိးန့ၢ်အံမ့(လ) လၢအပာ်ဖျါထီၣ်န့ၢ်အီၤ တၢ်အိးထီၣ်အကီးတၢ်မၤအကျိၤအကျဲတဖၣ်လီၤ. တကးဒံးဘၣ် အဝဲသ့ၣ် အိးထီၣ်အကီး လၢအနီၢ်ကစၢ်သ့လီၤ.

မ့ၢ်ယလိၣ်ဘၣ် လီပရၢအဂၤတခါလၢယမါ/ယဝၤအဂီၢ်ဧါႉ

မ့ၢ်, Blue Care Advisor အကီးခဲလၢာ်ခဲဆ့န့ၣ်လိၣ်ဘၣ် လီပရၢအမံၤအသၣ်လၢအအိၣ်လီၤဆီဒီးပှၤဂၤမ့ၢ်ဒ်သိး ကမၤလီၤတံၢ်နဒိးန့ၢ်တၢ်ကစီၣ်ဘၣ်ထွဲဒီးနၤကစၢ်အဂီၢ်န့ၣ်လီၤႉ

ဘၣ်မနုၤဃိယတၢ်ဂ့ၢ်တၢ်ကျိၤတဖၣ်န့ၣ် တလီၤဂာ်ဒီးနတၢ်ကွဲးနီၣ်ကွဲးဃါတဖၣ်လဲၣ်ႉ

တၢ်အံၤကဲထီၣ်သ့လၢ ပှၤလၢအဒိးန့ၢ်ဘၣ်တၢ်ဟ့ၣ်အဘူးအလဲ ခီဖျိအတၢ်မၤကစၢ်န့ၣ်လီၤ. ညီနုၢ်အအံၤ အဲၣ်ဒိးတဲဝဲလၢ ပှၤလၢအဒိးလဲပှၤမၤတၢ်ဖိ လၢနတၢ်မၤလီၢ် တအိၣ်ဒီးတၢ်ဂ့ၢ်ချုးစိၤ ဘၣ်ဃးဒီးနၤဘၣ်. ဆဲးကျိးန HR ဝဲၤကျိၤဒ်သိးကမၤသီထီၣ်တၢ်ဂ့ၢ်တၢ်ကျိၤလၢ နဆူၣ်ချ့တၢ်တိာ်ကျဲၤဒီး တၢ်န့ၢ်ဘျုးတဖၣ်အပူၤအဂီၢ်တက့ၢ်.

နတၢ်မၤကစၢ် မ့ၢ်တဟ့ၣ်တၢ်ဘူးတၢ်လဲလၢ နတၢ်အုၣ်ကီၤအဂီၢ်န့ၣ် ဆဲးကျိး Blue Cross လိၤလိၤ လၢကဟ့ၣ်ဘၣ်အီၤ နဂ့ၢ်နကျိၤအသီကတၢၢ်အဂီၢ်န့ၣ်တက့ၢ်.

ယဆဲးနုာ်လီၤယမံၤလၢ တၢ်န့ၢ်ဘျုးတဖၣ်အဂီၢ်ဝံၤလံ သနာ်က့ ဘၣ်မနုၤအဃိ ယအိးထီၣ် Blue Care Advisor အကီးတန့ၢ်ဒံးဘၣ်လဲၣ်.

အဆိကတၢၢ်, သံကွၢ်န HR ဝဲၤကျိၤ မ့တမ့ၢ် Blue Cross ဒ်သိးကမၤလီၤတံၢ်လၢ နအိၣ်ဖဲတၢ်တိာ်ကျဲၤအကြၢးအဘၣ်တမံၤအဖီခိၣ် အဂ့ၢ်န့ၣ်တက့ၢ်. နတၢ်တိာ်ကျဲၤမ့ၢ်ကြၢးမ့ၢ်ဘၣ်၀ဲဒၣ်အဃိ, ဘၣ်သ့ၣ်သ့ၣ် နတၢ်တိာ်ကျဲၤဒီးတၢ်န့ၢ်ဘျုးတဖၣ်န့ၣ် တမူထီၣ်ဂဲၤထီၣ်၀ဲဒ်ဘၣ်လီၤႉ နတၢ်တိာ်ကျဲၤဒီးတၢ်န့ၢ်ဘျုးတဖၣ်မူထီၣ်တဘျီဃီန့ၣ်, နမၤကဲထီၣ်အကီးတခါကသ့ဝဲဒၣ်န့ၣ်လီၤႉ တိၢ်နီၣ်လၢ Blue Care Advisor အံၤ ပှၤလၢအဘၣ်သန့ၤသးလၢပှၤဂၤဖီခိၣ်လၢ အသးနံၣ်စှၤန့ၣ် 18 တဖၣ်ဒုဒိးန့ၢ်အီၤတသ့ဘၣ်အဂ့ၢ်န့ၣ်တက့ၢ်ႉ

ယဒိးန့ၢ်ဘၣ်တၢ်ဂ့ၢ်တၢ်ကျိၤလၢအတဲဝဲလၢ ယကြၢးစးထီၣ်လံ ဘၣ်ဆၣ် ဘၣ်မနုၤအဃိ တၢ်တဲယၤလၢ ယအကီးန့ၣ် တၢ်တကတဲာ်ကတီၤအသးဒံးဘၣ်လဲၣ်.

ဖဲနကြၢးဘၣ်ဝဲဒၣ်ဝံၤအလီၢ်ခံ ပဟ့ၣ်ဂံၢ်ဟ့ၣ်ဘါနၤလၢ နက အိးထီၣ်အကီး လၢအဆိအချ့န့ၣ်လီၤ. တၢ်ဆၢကတီၢ်ကယံာ်တုၤခံနွံဖဲ နတၢ်န့ၢ်ဘျုးတဖၣ်စးထီၣ်ဝဲဒၣ်လၢန Blue Care Advisor အကီးကအိးထီၣ်သးအဂီၢ်န့ၣ်လီၤႉ နကဒိးန့ၢ်ဘၣ်လီပရၢတဘ့ၣ်လၢပအိၣ်ဖဲ နအကီးအိၣ်ကတဲာ်ကတီၤပာ်အသးလံအခါန့ၣ်လီၤႉ

ယကနၢ်ဟူဘၣ်တၢ်ကစီၣ်လၢ Blue Cross ပှဲၤဘျီဃၣ်ဃၣ်လဲၣ်ႉ

ဒိးသန့ၤထီၣ်သးလၢတၢ်အက့ၢ်အဂီၤတဖၣ်လၢ နဒိးန့ၢ်ဘၣ်အဖီခိၣ်, ပကဟ့ၣ်ပလီၢ်နၤခီဖျိလၢလီပရၢ တဘျီလၢ်လၢ်ဖဲပမၤသီထီၣ်က့ၤနတၢ်ဃ့ထီၣ်တၢ်အဂ့ၢ်အကျိၤ, ဒီး တဘျီတခီၣ်ပကဆှၢန့ၢ်နၤဆူၣ်ချ့တၢ်ဟ့ၣ်ကူၣ်တဖၣ်ဒီး ပနံာ်အသီတဖၣ်အဂ့ၢ်လၢနဂီၢ်လီၤႉ

ပသူဝဲစ့ၢ်ကီးလီပရၢလၢ တၢ်ကဆဲးကျၢဒီးနၤအဂီၢ်ဖဲ နမၤတၢ်ဆီတလဲတဖၣ်လၢနအကီးပူၤ (ဒ်သိးတၢ်ကမၤလီၢ်တံၢ် လီပရၢအမံၤအသၣ်တၢ်ဆီတလဲ, အဒိ) အခါန့ၣ်လီၤ.

နမ့ၢ်ပလၢၢ်ဘၣ်လၢ နဒိးန့ၢ်တၢ်ကစီၣ်အဘျီအါလၢပအိၣ်အဃိဒီး, နဆီတလဲကွံာ်လီပရၢလၢနသးဘၣ်အီၤညီကဒၣ်လၢ နအကီးလံာ်ကဘျံးဖီခိၣ်သ့ဝဲန့ၣ်လီၤႉ

ယအိၣ်စဲဘူးဒီး Blue Cross လၢအ့ထၢၣ်နဲးအဖီခိၣ်ကသ့ဒ်လဲၣ်.

နုာ်လီၤကွၢ် မ့တမ့ၢ် ဒုးအိၣ်ထီၣ်အကီး ဒီးသူတၢ်ကွဲးဆှၢလံာ် အတၢ်ပီးတၢ်လီန့ၣ်တက့ၢ်.

ယကဘၣ်ဆီတလဲယလံာ်ဖျၢၣ်ခူသူၣ်ဒ်လဲၣ်ႉ

နုာ်လီၤကွၢ် မ့တမ့ၢ် ဒုးအိၣ်ထီအကီး ဒီးမၤသီထီၣ် နပှၤစူးကါတၢ် အတၢ်ဆီလီၤပာ်လီၤတဖၣ်တက့ၢ်.

နစူးကါ Blue Care Advisor လၢလီတဲစိအပီးအလီမနုၤတဖၣ်အပူၤကသ့လဲၣ်.

နသူ Blue Care Advisor အဲး(ပ) လၢတၢ်ပီးတၢ်လီဘူးကကိးခါဒဲးသ့ ဒီးပှၤဒီလိးမၤန့ၢ်အီၤလၢ iOS ဒီး Android သ့န့ၣ်လီၤ. ဒီလိးဟံးန့ၢ်အဲး(ပ) လၢ တၢ်ဆါတၢ်ပှ့ၤအလီၢ် မ့တမ့ၢ် Google Play တက့ၢ်. တကးဒံးဘၣ် နမၤန့ၢ် Blue Care Advisor သ့ ခီဖျိတၢ်နုာ်လီၤလၢနကရူၢ်ဖိအကီး လၢနလီတဲစီအပှာ်ယဲၤသန့အပူၤန့ၣ်လီၤ.

စီၢ်နီၤခိၣ်ခီဖၠူထၢၣ်ဘြီစၢၣ်မနုၤတဖၣ်န့ၣ် ဆီၣ်ထွဲဝဲဒၣ် Blue Care Advisor လဲၣ်.

အါဒၣ်တၢ်တက့ၢ် နသူပှာ်ယဲၤသန့အတၢ်ရဲၣ်တၢ်ကျဲၤတဖၣ် လီၤဂာ်ဒ်သိးဒီး Chrome, Firefox, Safari, Internet Explorer 11 ဒီး Microsoft Edge လၢကအိၣ်ထီၣ် Blue Care Advisor သ့န့ၣ်လီၤ. တၢ်ဟ့ၣ်ဂံၢ်ဟ့ၣ်ဘါနၤ လၢနကသူ ပှာ်ယဲၤသန့ လၢအသီကတၢၢ်တဖၣ် ထီဘိန့ၣ်လီၤ. ဘၣ်သ့ၣ်သ့ၣ် နမ့ၢ်သူ Internet Explorer အတၢ်ရဲၣ်တၢ်ကျဲၤ 10 ဆူအဖီလာ်န့ၣ် တၢ်ကအိၣ်ထီၣ်အသးကီဝဲသ့န့ၣ်လီၤ.

မ့ၢ်လၢ ဖဲနနုာ်လီၤလၢနအကီး မ့တမ့ၢ် ဒုးအိၣ်ထီၣ်အကီးအသီ အခါန့ၣ် တၢ်ကီတၢ်ခဲအိၣ်ထီၣ်အသးသ့ဝဲအဃိ တၢ်တဟ့ၣ်ဂံၢ်ဟ့ၣ်ဘါနၤ လၢကအိးထီၣ်ပှာ်ယဲၤကဘျံးလၢတၢ်ပာ်သဒၢအီၤ မ့တမ့ၢ် တပာ်ဖျါထီၣ်လၢနမ့ၢ်မတၤမတၤန့ၣ်ဘၣ်.

ယဘၣ်ကွၢ်ဃုတၢ်ကွၢ်ထွဲဒ်လဲၣ်.

နတၢ်မၤကစၢ် မ့ၢ်ဒၢနုာ်ဃာ် တၢ်ကွၢ်ဃုပှၤဆီၣ်ထွဲမၤစၢၤတၢ်လၢန Blue Care Advisor တၢ်န့ၢ်ဘျုးတဖၣ်အပူၤန့ၣ် နကွၢ်ဃုသ့တၢ်ကွၢ်ထွဲ လၢလီတဲစိအဲး(ပ) ဒီးစီၢ်နီၤခိၣ်ခီၣ်ဖၠူထၢၣ်ဘြီစၢၣ် သ့န့ၣ်လီၤ.

  • လီတဲစိ- ဆီၣ်လီၤ "ကွၢ်ဃုတၢ်ကွၢ်ထွဲ" လၢတၢ်ကွၢ်ဃုစရီလၢ အဖီလာ်တခီတက့ၢ်
  • စီၢ်နီၤခိၣ်ခီၣ်ဖၠူထၢၣ်- စူးကါတၢ်ကွၢ်ဃုအဘိလၢထး ဖဲနပှာ်ယဲၤသန့ကဘျံးမိၢ်ပှၢ် ဒ်သိးကထၢနုာ်လီၤနတၢ်ကွၢ်ဃု မ့တမ့ၢ်ဃုထၢ "ကွၢ်ဃုတၢ်ကွၢ်ထွဲ" လၢ စရီလၢထး ဒ်သိးကကွၢ်ဃုတၢ်ကွၢ်ထွဲ လၢကရူၢ်တက့ၢ်.

ကျဲခံဘိဒဲးန့ၣ် ကပာ်ဖျါဝဲ ပှာ်ဘျးစဲပူၤကသံၣ်သရၣ်တဖၣ်စရီ လၢနစ့း(ပ)နီၣ်ဂံၢ်ခူသူၣ်အကပၤန့ၣ်လီၤ. နမ့ၢ်သးအိၣ်ကွၢ်ဃုတၢ်လၢ တၢ်လီၢ်အဂၤန့ၣ် ဃုထၢအိၣ်ဆိးလီၢ် လၢတၢ်ပာ်ဖျါအီၤဒီး ဒိးနုာ်ဝ့ၢ် မ့တမ့ၢ်စ့(ပ)နီၣ်ဂံၢ်ခူသူၣ် လၢနသးလီတက့ၢ်.

ယတၢ်အုၣ်ကီၤတၢ်တိာ်ကျဲၤတၢ်ဂ့ၢ်န့ၣ် တၢ်မၤသီထီၣ်အီၤပှဲၤသီတဘျီလဲၣ်.

ဒိးသန့ၤသးလၢ အက့ၢ်အဂီၤတဖၣ်လၢနကွၢ်အလိၤ ဘၣ်သ့ၣ်သ့ၣ်ပကပာ်ဖျါတၢ်ဂ့ၢ် ဘၣ်ဃးနတၢ်အုၣ်ကီၤတၢ်တိာ်ကျဲၤ ဒ်အမ့ၢ်နဟ့ၣ်တ့ၢ်အဘူးအလဲလၢ တၢ်ဟ့ၣ်အဘူးအလဲလၢနီၢ်ကစၢ်စ့ လၢနတၢ်ဟ့ၣ်ဆိအဘူးအလဲပာ်ဖှိၣ်ထဲလဲၣ်န့ၣ်လီၤ. အါတက့ၢ်န့ၣ် ဖဲနနုာ်လီၤလၢနအကီးအခါန့ၣ် နကထံၣ်ဘၣ် တၢ်ဟ့ၣ်ဆိအဘူးအလဲ ဒီးတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် အတၢ်အိၣ်သး အသီကတၢၢ်အဂ့ၢ်န့ၣ်လီၤ.

တၢ်ဂ့ၢ်တၢ်ကျိၤ ဘၣ်ဃးဒီး တၢ်ဃ့က့ၤအဘူးအလဲ, ကသံၣ်သရၣ် ဒီးတၢ်ဘူးတၢ်လဲ ဘၣ်တၢ်မၤသီထီၣ်က့ၤအီၤ တနံၤတလါဆံးအါလဲၣ်.

ဒိးသန့ၤအသးလၢ အက့ၢ်အဂီၤတဖၣ်လၢ နတၢ်မၤကစၢ်ဟ့ၣ်တ့ၢ်နၤ တၢ်ကွၢ်အခွဲးအဖီခိၣ်အသိး နကွၢ်ကသ့ တၢ်ဃ့က့ၤအဘူးအလဲတဖၣ်, ကသံၣ်သရၣ်စရီတဖၣ် ဒီးအဘူးအလဲတၢ်ဂ့ၢ်တဖၣ်န့ၣ်လီၤ. တၢ်မၤသီထီၣ်က့ၤအဘျီတဖၣ်န့ၣ် လီၤဆီဝဲလၢ တၢ်ဂ့ၢ်ဒီးတၢ်ဂံၢ်ထံးအကလုာ်အဖီခိၣ်န့ၣ်လီၤ. တၢ်ဂ့ၢ်တၢ်ကျိၤအံၤ ဘၣ်တၢ်မၤသီထီၣ်က့ၤအီၤ တနံၤတဘျီ မ့တမ့ၢ် တလါတဘျီလီၤ. ညီနုၢ် နတၢ်ဟ့ၣ်ဆိအဘူးအလဲ တၢ်အိၣ်သးအပတီၢ် ကဘၣ်တၢ်မၤသီထီၣ်က့ၤအီၤ အါန့ၢ်ဒံး တၢ်ဃ့က့ၤအဘူးအလဲလီၤ.

ယမ့ၢ်တထံၣ် တၢ်ဃ့က့ၤအဘူးအလဲန့ၣ် ကဘၣ်မၤဒ်လဲၣ်.

နတၢ်မၤကစၢ် မ့ၢ်ဟ့ၣ်နၤအခွဲး လၢနကနုာ်လီၤကွၢ်တၢ်ဃ့က့ၤဘူးလဲအဂ့ၢ်န့ၣ် ညီနုၢ် နကထံၣ်န့ၢ်အီၤ ဖဲနတၢ်အုၣ်ကီၤခီပနံာ်ပာ်ထီၣ်အီၤအခါန့ၣ်လီၤ. ဆူၣ်ချ့တၢ်ဃ့က့ၤအဘူးအလဲတဖၣ် လၢတၢ်ဖံးမၤအီၤန့ၣ် ကဖျါထီၣ်ဝဲတပူၤလၢ်လၢ် လၢဃုတုၤဃိးနွံ ဖဲတၢ်ကွၢ်ထွဲဒီးကသံၣ်ကျးလၢတၢ်မၤအီၤ တၢ်ဃ့က့ၤအဘူးအလဲတဖၣ် အိၣ်ဖျါထီၣ် လၢခံတုၤလွံၢ်နွံအပူၤန့ၣ်လီၤ.

ဘၣ်မနုၤအဃိ တဘျီဘျီယထံၣ်ဘၣ် တၢ်အဘူးအလဲလီၤဆီတဖၣ်လဲၣ်.

နကထံၣ်ဘၣ်ထဲအပှ့ၤတဖၣ် ဖဲနတၢ်မၤကစၢ်ဟ့ၣ်တ့ၢ်နၤ ခွဲးလၢကနုာ်လီၤကွၢ်ဃု ကသံၣ်သရၣ်တဖၣ် ဒီးတၢ်မၤကျိၤကျဲတဖၣ်န့ၣ်လီၤ. ပသူတၢ်ဂ့ၢ်လီၤဆီအါန့ၢ်ဒံးအမံၤ 60 လၢကဒွးတယာ်တၢ်ဘူးတၢ်လဲတဖၣ်အဂီၢ်, ပၣ်ဃုာ်စ့ၢ်ကီးဒီး တၢ်ဃ့က့ၤတၢ်အဘူးအလဲ လၢပှၤစူးတၢ်ဖိအအိၣ်န့ၣ်လီၤ. တဘျီတဘျီန့ၣ် ဘၣ်သ့ၣ်သ့ၣ်ပတမ့ၢ်ကအိၣ်ဒီး တၢ်ကစီၣ်လၢလၢလီၢ်လီၢ် လၢကဟ့ၣ်တၢ်ဒွးတယာ်တမံၤဘၣ်န့ၣ်လီၤ. ဘၣ်သ့ၣ်သ့ၣ် ဖဲန့ၣ်အခါန့ၣ် တၢ်ကပာ်က့ၤ တၢ်ဘူးတၢ်လဲအတကွီၢ် ခံမံၤလၢအလီၢ်လီၤ. တၢ်ဟ့ၣ်ဂံၢ်ဟ့ၣ်ဘါနၤ လၢနကဆဲးကျိးနကသံၣ်သရၣ် လၢတၢ်ဂ့ၢ်တၢ်ကျိၤအသီကတၢၢ်အဂီၢ်လီၤ.

ဘၣ်မနုၤအဃိ တၢ်အဘူးအလဲတနီၤန့ၣ် တအိၣ်ဖျါဝဲလဲၣ်.

တၢ်အဘူးအလဲန့ၣ် ဘၣ်သ့ၣ်သ့ၣ်တမ့ၢ်ကအိၣ်ဖျါလၢ တၢ်လီၢ်တနီၤဘၣ်. တၢ်အဘူးအလဲလၢ တၢ်ကူစါယါဘျါလီၤဆီတမံၤမံၤ မ့ၢ်တဖျါဘၣ်န့ၣ် ဘၣ်သ့ၣ်သ့ၣ် တၢ်ဘူးတၢ်လဲလၢနဟီၣ်ကဝီၤ ကဟဲဖျါထီၣ်တဘျုးမံၤလီၤ. တၢ်ဘူးတၢ်လဲလၢနကဘၣ်ဟ့ၣ်ဝဲန့ၣ် အါတက့ၢ်ဒိးသန့ၤထီၣ်အသးလၢ ဆူၣ်ချ့တၢ်လၢာ်ဘူၣ်လၢာ်စ့ၤ လၢနတၢ်မၤကစၢ် ပှ့ၤန့ၢ်နၤ ဒီးနပှၤမၤသကိးတၢ်တဖၣ် အလိၤန့ၣ်လီၤ. ဒ်တၢ်ဟ့ၣ်လီၤတၢ်ဃ့က့ၤအဘူးအလဲတဖၣ်အါထီၣ်အသိး တၢ်အဘူးအလဲတဖၣ်န့ၣ် ကအိၣ်ဖျါအါထီၣ်လၢ ပှၤကိးဂၤဒဲးအဂီၢ်န့ၣ်လီၤ. တၢ်မၤလဲၤအသးကွ့ၢ်ကွ့ၢ် ဒ်သိးကမၤဂ့ၤထီၣ် ဆူၣ်ချ့တၢ်ကွၢ်ထွဲအဘူးအလဲ လၢပှၤဒိးန့ၢ်အီၤသ့ ဒီးကဖျါဆှဲဆှဲအဂီၢ်န့ၣ်လီၤ.

ယဘျးစဲ Apple နၢ်ရံၣ်ပာ်စု မ့တမ့ၢ် Apple HealthKit ဆူ Blue Care Advisor ကသ့ဧါ.

  1. အိးထီၣ် Blue Care Advisor အဲး(ပ)လၢန iOS အပီးအလီအပူၤတက့ၢ်. လၢနပှာ်ယဲၤသန့ကဘျံးမိၢ်ပှၢ်အပူၤ ဃုထၢတၢ်ရဲၣ်တၢ်ကျဲၤလၢအကြၢးအဘၣ်-Get Active, Sleep Well, မ့တမ့ၢ် Eat Smartတက့ၢ်. နဃုတၢ်ရဲၣ်တၢ်ကျဲၤဝဲန့ၣ်တဖၣ် သ့စ့ၢ်ကီးလၢ နတၢ်န့ၢ်ဘျုးကဘျံးအပူၤန့ၣ်လီၤ.
  2. ဃုထၢ စူးကါ Apple Healthတက့ၢ်. ဝံၤဒီး သုးလီၤ Apple HealthKit ဆူ "အိးထီၣ်" (အလါ)တက့ၢ်.

တိၢ်နီၣ်- Apple HealthKit န့ၣ် ကအိၣ်ဖျါဒ် တၢ်ပိာ်ထွဲကွၢ်ကီအပီးအလီတမံၤ ထဲဒၣ် ဖဲနစူးကါ iOS အပီးအလီ ဒ်သိးကနုာ်လီၤကွၢ် Blue Care Advisor အဂီၢ်န့ၣ်လီၤ.

  1. လၢန iOS အပီးအလီအပူၤ လဲၤဆူ Settingsတက့ၢ်. ဒီးလဲၤဆူ Privacy ဒီးစံၣ်လီၤဒ်သိးကဃုထၢMotion & Fitnessတက့ၢ်. မၤလီၤတံၢ်လၢ Fitness Tracking ဒီး Health ခံမံၤလိာ်န့ၣ် ဘၣ်တၢ်အိးထီၣ်ဃာ်အီၤ (အလါ)န့ၣ်တက့ၢ်.
  2. အိးထီၣ် Health app လၢန iOS အပီးအလီအပူၤတက့ၢ်. လၢဖီလာ်တၢ်ဃုထၢစရီအပူၤ ဃုထၢ တၢ်ဂ့ၢ်အခီၣ်ထံးတက့ၢ်. ဃုထၢ Blue Care Advisor တၢ်ဂီၤ ဒီးမၤလီၤတံၢ်လၢ Dietary Energy, Sleep Analysis, Steps, ဒီး Workouts တဖၣ်န့ၣ် ဘၣ်တၢ်အိးထီၣ်အီၤ(အလါ)ခဲလၢာ်န့ၣ်တက့ၢ်.

နမၤကွၢ်အီၤသ့ ဒ်သိးကမၤလီၤတံၢ်လၢ အပီးအလီန့ၣ် တၢ်ဘျးစဲဃာ်အီၤဂ့ၤဂ့ၤဘၣ်ဘၣ် ခီဖျိတၢ်ဟးကျဲဒ်သိးကမၤလီၤတံၢ်လၢ Apple Health န့ၣ်ပိာ်ထွဲကွၢ်ကီနတၢ်လဲၤအဆီတဖၣ်န့ၣ်လီၤ. နမ့ၢ်ထံၣ်ဘၣ် ခီၣ်ခါလၢနယီၢ်လီၤဝဲတဖၣ် လၢ Apple Health အပူၤ ဘၣ်ဆၣ်တအိၣ်ဖျါ လၢ Blue Care Advisor အပူၤဘၣ်န့ၣ် ကိး 1-800-382-2000 လၢတၢ်မၤစၢၤအဂီၢ်တက့ၢ်.

တိၢ်နီၣ်လၢ ဒ်သိးကမၤဃူဖိးနခီၣ်ခါတဖၣ်လၢ Apple Health အဂီၢ် နကဘၣ်အိးထီၣ် Blue Care Advisor အဲး(ပ)န့ၣ် အစှၤကတၢၢ်အသီ 30 တဘျီန့ၣ်လီၤ. နအိးထီၣ်ကးတံၢ်အ တၢ်ကွၢ်ထွဲပိာ်ထွဲတၢ်တိစၢၤမၤစၢၤ မ့တမ့ၢ်ဒၢနုာ်အသီတခါ ခီဖျိတၢ်စံၢ်လီၤ + လၢထးခီစ့ထွဲတကပၤသ့ဝဲန့ၣ်လီၤ.

တၢ်ဂ့ၢ်လၢဖီလာ်န့ၣ် ကနဲၣ်နၤကျဲလၢ တၢ်ဆီလီၤပာ်လီၤ Google Fit မ့တမ့ၢ်တၢ်ဘှါဆှဲတၢ်ဂ့ၢ်ကီတမံၤလၢ်လၢ် လၢအိၣ်ဒီးနၤန့ၣ်လီၤ.

ဖဲနစူးကါခီၣ်ဖၠူထၢၣ် မ့တမ့ၢ် လဲး(ပ)ထီး(ပ) တဖျၢၣ်အခါ ပိာ်ထွဲတၢ်မၤအဆီသ့ၣ်တဖၣ်အံၤ အိၣ်ဝဲအသိးတက့ၢ်-

  1. ဒီလိးဟံးန့ၢ် Google Fit အဲး(ပ)လၢနလီတဲစိအပီးအလီအပူၤတက့ၢ်.
  2. အိးထီၣ်အဲး(ပ)တခါန့ၣ် မ့တမ့ၢ် စူးကါနခီၣ်ဖၠူထၢၣ် လၢကနုာ်လီၤကွၢ် fit.google.com ဒီးမၤလီၤတံၢ်လၢ နဆဲးလီၤမံၤ လၢကအိးထီၣ်အကီး အဂီၢ်တက့ၢ်.
  3. လၢ Blue Care Advisor အဲး(ပ) မ့တမ့ၢ်လၢ အ့ထၢၣ်နဲးဘြီစၢၣ်ဝ့ဒိအသီအပူၤ နုာ်လီၤလၢနအကီး
  4. ဖဲနနုာ်လီၤအခါ ဃုထၢ Get Active ပှာ်ယဲၤဘျးစဲ လၢတနံၤဘၣ်တနံၤတၢ်ဟူးတၢ်ဂဲၤတဖၣ်အဖီလာ်
  5. ဃုထၢ Link Tracker လၢကဘျံးပၤစုထွဲတခီ
  6. ကးတံၢ်တၢ်ပိာ်ထွဲကွၢ်ကီပီးလီတမံၤလၢ်လၢ် လၢအဘျးစဲဃာ်ဆူနအကီးခဲအံၤ ခီဖျိတၢ်သူးအီၤလၢ အလါတုၤအဝါဃး လၢကဘျံးအပူၤတက့ၢ်
  7. စံၢ် + တၢ်ပနီၣ်လၢ ထးခီစုထွဲအကတၢၢ်
  8. ဃုထၢ Google Fit ဒီးနုာ်လီၤလၢနအကီးအပူၤ
  9. တူၢ်လိာ်တၢ်ဟ့ၣ်နီၤ တၢ်ဂ့ၢ်ထၢဖှိၣ်တၢ်ဃ့ထီၣ် ဒ်သိးကပျဲ Blue Care Advisor ကနုာ်လီၤလၢ နတၢ်ပိာ်ထွဲကွၢ်ကီတၢ်ဂ့ၢ်ထၢဖှိၣ်အဂီၢ်
  10. ဖဲနဟဲက့ၤဆူ Blue Care Advisor န့ၣ် မၤလီၤတံၢ်လၢ နအိးထီၣ်ဃာ် Google Fit တက့ၢ်
  11. စံၢ်ကွၢ် တၢ်မၤဃူမၤဖိး (Sync) နီၣ်ဆီၣ်ခံ ဒီးသမံသမိးလၢ တၢ်ဂ့ၢ်ထၢဖှိၣ်ခဲလၢာ်န့ၣ် ဘၣ်တၢ်မၤဃူအီၤဝံၤလံဧါတက့ၢ်
  12. Google Fit အဲး(ပ)တၢ်ဆီလီပာ်လီၤအပူၤ မၤလီၢ်တံၢ်လၢ တၢ်အိးထီၣ်ဃာ် Activity Detection ဒီးတၢ်ကွဲးရဲၣ်ဃာ် Blue Care Advisor လၢ Connected Apps အဖီလာ်

တၢ်မၤအဆီလၢလာ်တဖၣ်န့ၣ် ကြၢးပျဲနၤဒ်သိး ကဘျးစဲ Garmin တၢ်ပိာ်ထွဲကွၢ်ကီအပီးအလီတခါ လၢ အခီၣ်ထံးတဘျီ မ့တမ့ၢ်မၤသီထီၣ်က့ၤ တၢ်ဘျးစဲဖဲ နတၢ်ဂ့ၢ်ကီအိၣ်တမံၤမံၤအခါန့ၣ်လီၤ -

  1. လၢနီၢ်တဂၤခီၣ်ဖၠူထၢၣ် မ့တမ့ၢ်လဲး(ပ)ထီး(ပ)အပူၤ အိးထီၣ်အ့ၣ်ထၢၣ်နဲးဘြီစၢၣ်တက့ၢ်
  2. တြူာ်သံကွၢ် တၢ်ကွၢ်ဃုတၢ်ဂ့ၢ်ထၢဖှိၣ် ပၣ်ဃုာ်ဒီးနအ့ၣ်ထၢၣ်နဲးတၢ်စံၣ်စိၤတဲစိၤ, က့း(ခၠ) ဒီးခိးကံတဖၣ်တက့ၢ်
  3. လဲၤဆူ connect.garmin.com​​​​​​​
  4. ဟးထီၣ်လၢ Garmin အကီးလၢအအိၣ်ပာ်စၢၤတက့ၢ်
  5. အိးထီၣ်ပှာ်ယဲၤကဘျံးအသီတကဘျံး ဒီးနုာ်လီၤကွၢ်လၢ Jiff အအဲး(ပ)
  6. စံၢ်လီၤ More တၢ်ဃုထၢလၢ အအိၣ်ဖဲတၢ်ဖီလာ်စုထွဲအကတၢၢ်တခီ
  7. ဃုထၢProfile & Settings
  8. ဃုထၢ Steps လၢ My Linked Services အဖီလာ်
  9. ဃုထၢ တၢ်ပာ်ဖှိၣ်ပနီၣ် [+] လၢတၢ်အခိၣ်ထိး, စုထွဲအကတၢၢ်တခီဒီး ဃုထၢထီၣ် Garmin
  10. နုာ်လီၤခီဖျိလီပရၢဒီး လံာ်မဲာ်ဖျၢၣ်ခူသူၣ်လၢနမၤပာ်စၢၤလၢ န Garmin အကီးအဂီၢ်န့ၣ်တက့ၢ်

တၢ်ဂ့ၢ်တၢ်ကျိၤလၢအဖီလာ်တဖၣ်အံၤ ကနဲၣ်နၤကျဲလၢနတၢ်မၤကဲထီၣ် Fitbit မ့တမ့ၢ် တၢ်ဘှီဘၣ်မၤဂ့ၤထီၣ်တၢ်ဂ့ၢ်ကီတမံၤလၢ်လၢ်လၢ နကသဂၢၢ်ဘၣ်အဂီၢ်န့ၣ်လီၤႉ

ဖဲနစူးကါခီၣ်ဖၠူထၢၣ် မ့တမ့ၢ် လဲး(ပ)ထီး(ပ) တဖျၢၣ်အခါ ပိာ်ထွဲတၢ်မၤအဆီသ့ၣ်တဖၣ်အံၤ အိၣ်ဝဲအသိးတက့ၢ်-

  1. လဲၤဆူ fitbit.com ဒီးစံၢ်လီၤတၢ်ပနီၣ်လၢ အအိၣ်ဖဲတၢ်ဃုထၢအလီၢ်လၢ တၢ်အခိၣ်ထိးစုထွဲအသနၢၣ်တခီန့ၣ်တက့ၢ်
  2. နုာ်လီၤခီဖျိလီပရၢဒီး လံာ်မဲာ်ဖျၢၣ်ခူသူၣ်လၢနမၤပာ်စၢၤလၢ န Garmin အကီးအဂီၢ်န့ၣ်တက့ၢ်
  3. နနုာ်လီၤဝံၤတဘျီဃီဒီး နကထံၣ်ဘၣ်နခီၣ်ခါတဖၣ် လၢအဘၣ်တၢ်ဒုးနဲၣ်ပာ်အီၤဖဲ fitbit.com န့ၣ်လီၤ. လဲၤဆူ bluecrossmn.com/bca ဒီးနုာ်လီၤဆူနအကီးပူၤတက့ၢ်
  4. စံၢ်လီၤမံၤစရီ လၢအအိၣ်ဖဲထးခီစုထွဲအသနၢၣ်တခီ
  5. ဃုထၢထီၣ် Trackers & Health စဲးပီလီတဖၣ်တက့ၢ်
  6. ဃုထၢ FitBit tracker
  7. နကဘၣ်တၢ်မၢနၤဒ်သိးကထၢနုာ်က့ၤ နဂ့ၢ်နကျိၤတဖၣ်ဖဲနနုာ်လီၤလၢ FitBit အဂီၢ်န့ၣ်လီၤ
  8. မ့မ့ၢ်တၢ်မၢနၤဒ်သိးနကပျဲ Castlight ကလူၤပိာ်ကွၢ်ထွဲနတၢ်ဟူးတၢ်ဂဲၤအကလုာ်ကလုာ်အခံ, စံၢ်လီၤ Allow

ခိၣ်ဖးတၢ်ရဲၣ်တၢ်ကျဲၤတဖၣ်လီၤဆီလိာ်သးလၢတၢ်မၤကစၢ်အဖီခိၣ်န့ၣ်လီၤ. နုာ်လီၤလၢ ကကွၢ်ဘၣ်နတၢ်ဃုထၢတဖၣ်တက့ၢ်.

ယဒိးန့ၢ်အမးတဖၣ်ဒ်လဲၣ်.

တၢ်ဒိးသန့ၤထီၣ်သးလၢ ကျဲတဖၣ် လၢနဒိးန့ၢ်အီၤသ့တဖၣ်အဖီခိၣ် Blue Care Advisor န့ၣ် အကဟ့ၣ်နၤကျဲအါဘိ လၢနကန့ၢ်အမးတဖၣ် ခီဖျိလၢနတၢ်ပၣ်ဃုာ်မၤသကိးတၢ်လၢ ဆူၣ်ချ့ဒီးတၢ်အိၣ်မုာ်ဆိးပၢၤတၢ်ဟူးဂဲၤတဖၣ်န့ၣ်လီၤ.

ပၣ်ဃုာ်မၤသကိးတၢ်လၢ တၢ်အိၣ်မုာ်ဆိးပၢၤတၢ်ရဲၣ်တၢ်ကျဲၤတဖၣ်အပူၤ ဒီးလူၤပိာ်ကွၢ်ထွဲ နတၢ်ဟူးတၢ်ဂဲၤတဖၣ် တနံၤဘၣ်တနံၤ လီၤဂာ်ဒ်သိးဒီး နခီၣ်ခါတဖၣ်, တၢ်အီၣ်တၢ်အီ ဒီးမံဘၣ်သးအဆၢကတီၢ် ခီဖျိတၢ်ဘျးစဲအဲး(ပ) ဒီးတၢ်ပိာ်ထွဲမၤနီၣ်တၢ်ဟူးတၢ်ဂဲၤလၢနသိးအီၤသ့တမံၤန့ၣ်တက့ၢ်.

နအမးအိၣ်တ့ၢ်န့ၣ် တၢ်ပာ်ဖျါအီၤ ဖဲနနုာ်လီၤအခါန့ၣ်လီၤ.

ယမၤတၢ်မနုၤကသ့ လၢယအမးတဖၣ်လဲၣ်.

နစူးကါနမးတဖၣ်သ့ လၢကနုာ်လီၤအီၤလၢ sweepstakes အပူၤ မ့တမ့ၢ် ပှ့ၤန့ၢ်ခိၣ်ဖးတဖၣ် လီၤဂာ်ဒ်သိးဒီး အံၣ်လဲးထြီနံးတၢ်ဟ့ၣ်ကနၢၤခးတဖၣ်, တၢ်ဟ့ၣ်တၢ်တိစၢၤမၤစၢၤလဲအခးတဖၣ်, တၢ်ဖိတၢ်လံၤ, ဟ့ၣ်မၤဘူၣ်အီၤ, ဒီးတၢ်အဂၤန့ၣ်လီၤ.

ယကဘၣ်စူးကါ တၢ်ပိာ်ထွဲမၤနီၣ်တၢ်ဟူးတၢ်ဂဲၤ လၢယသိးအီၤသ့ ဒ်သိးကန့ၢ်ဘၣ်အမးဧါ.

တမ့ၢ်ဘၣ်. နမ့ၢ်တစူးကါ တၢ်ပိာ်ထွဲမၤနီၣ်တၢ်ဟူးတၢ်ဂဲၤလၢနသိးအီၤသ့ဒၣ်လဲၣ် နဒိးန့ၢ်သ့ဒံးအမးတဖၣ် လၢကျဲလၢအပိာ်ထွဲတဖၣ်န့ၣ်လီၤ -

ယက့ကွဲၣ် မ့ၢ်အိၣ်န့ၣ် ယနုာ်လီၤပၣ်ဃုာ်ယသး ကသ့ဧါ.

သ့ဝဲလီၤ. နလူၤပိာ်မၤနီၣ်ဃာ်တၢ်ဟူးတၢ်ဂဲၤ လီၤဂာ်ဒ်သိးဒီး တၢ်တၢ်သူၣ်တၢ်ဖျး, တၢ်မၤယူာ်ထီၣ်သး, တၢ်ပီၢ်ထံ, တၢ်စိာ်တၢ်ဃၢတၢ်ဂဲၤလိာ်ကွဲ, တၢ်မၤလၢကရၢၢ်ပူၤ, ဒီးတၢ်အဂၤလီၤ. တၢ်ဟူးတၢ်ဂဲၤခဲလၢာ်န့ၣ် ဘၣ်တၢ်မၤနီၣ်အီၤဒီး Blue Care Advisor ကမၤဝဲတၢ်ဒွးဒ်သိးကခီလဲ တၢ်ဟူးတၢ်ဂဲၤတဖၣ်ဆူ တၢ်အပတီၢ်တဖၣ်အဂီၢ်န့ၣ်လီၤ. ဆဲးကျိးပဝဲလၢ 1-800-382-2000 လၢတၢ်ဂ့ၢ်အဂၤတဖၣ်အဂီၢ်တက့ၢ်.

ယကဘၣ်အိးထီၣ်စဲးပီးလီလူၤပိာ်ကွၢ်ထွဲတၢ် ဒ်သိးကမၤလီၢ်တံၢ်တၢ်လူၤပိာ်ကွၢ်ထွဲယတၢ်ဟူးတၢ်ဂဲၤတဖၣ်အဂီၢ် ပှဲၤဘျီလဲၣ်ႉ

မၤဃူနတၢ်ဟူးတၢ်ဂဲၤတၢ်ပိာ်ထွဲကွၢ်ကီပီးလီ ဃုာ်ဒီးနတၢ်ပိာ်ထွဲကွၢ်ကီတၢ်တိစၢၤမၤစၢၤ 30 သီတဘျီန့ၣ်တက့ၢ်.

ယဒၢနုာ် ယတၢ်ဟးကျဲအဆီတဖၣ်, တၢ်အီၣ်ဒီးတၢ်မံ လၢယနီၢ်ကစၢ်သ့ဧါ.

နဒၢနုာ်တၢ်ဟူးတၢ်ဂဲၤတဖၣ်လၢနနီၢ်ကစၢ်သ့ ခီဖျိ Blue Care Advisor အဲး(ပ) မ့တမ့ၢ်လၢပှာ်ယဲၤသန့န့ၣ်လီၤ. နုာ်လီၤ ဒီးဃုထၢ "နုာ်လီၤလၢယကစၢ်" တက့ၢ်.

နဆီတလဲစ့ၢ်ကီး တၢ်ဟူးတၢ်ဂဲၤအဂၤတဖၣ် ဆူတၢ်လဲၤကျဲအဆီတဖၣ် ခီဖျိတၢ်ဃုထၢ "တၢ်ဟူးတၢ်ဂဲၤအဂၤတဖၣ်" န့ၣ်လီၤ. ဃုထၢတၢ်လၢ တၢ်ဟူးတၢ်ဂဲၤအါတက့ၢ်စရီ မ့တမ့ၢ်ဒၢနုာ်တၢ်နကစၢ်တက့ၢ်.

တၢ်လူၤပိာ်ကွၢ်ထွဲတၢ်အီၣ်တၢ်အီအခံ (မ့ၢ်အိၣ်) န့ၣ် အကဲဝဲတၢ်မနုၤလဲၣ်.

တၢ်လူၤပိာ်ကွၢ်ထွဲတၢ်အီၣ်တၢ်အီအခံ အတၢ်ရဲၣ်တၢ်ကျဲၤန့ၣ် ဟ့ၣ်ဂံၢ်ဟ့ၣ်ဘါ ပှၤလၢကအီၣ်တၢ်အီၣ်န့ၢ်ဂံၢ်န့ၢ်ဘါ ခီဖျိလၢအမး ဒီးခိၣ်ဖးလၢပှၤမၤန့ၢ်ဝဲဒၣ် လၢတၢ်မၤနီၣ်ဃာ်တၢ်အီၣ် လၢအဝဲသ့ၣ်အီၣ်ဝဲ တနံၤဘၣ်တနံၤအဂီၢ်န့ၣ်လီၤ. တၢ်ရဲၣ်တၢ်ကျဲၤတခါဘၣ်တခါ အမံၤလီၤဆီလိာ်သး (လီၤဂာ်ဒ်သိးလီၤ Bites ဒီး Eat Smart), ဘၣ်ဆၣ် တၢ်ရဲၣ်တၢ်ကျဲၤသ့ၣ်တဖၣ်န့ၣ် လီၤဂာ်လိာ်အသး ဒီးမၤတၢ်ဒ်သိးသိးလီၤ.

ဒ်သိးကမၤန့ၢ်အဖီးဖိတဖၣ်လၢ တၢ်လူၤပိာ်ကွၢ်ထွဲတၢ်အီၣ်တၢ်အီအခံအဂီၢ်, တနံၤဘၣ်တနံၤ နကဘၣ်ကွဲးနီၣ်ဝဲဒၣ်အစှၤကတၢၢ် 800 ခဲၣ်လိၣ်ရံၣ်န့ၣ်လီၤႉ

လၢကလူၤပိာ်ကွၢ်ထွဲ နတၢ်လဲၤထီၣ်လဲၤထီအဂီၢ်, နုာ်လီၤလၢနအကီးတက့ၢ်.

ယတဒိးန့ၢ်တၢ်အဖီးဖိတဖၣ်လၢ တၢ်လူၤပိာ်ကွၢ်ထွဲအီၣ်တၢ်အီတၢ်အဃိဘၣ်-

  • သမံသမိးပာ်ဂၢၢ်ပာ်ကျၢၤ မ့ၢ်နတၢ်ပိာ်ထွဲကွၢ်ကီတၢ်တိစၢၤမၤစၢၤန့ၣ် ဘၣ်တၢ်ဘျးစဲအီၤဂ့ၤဂ့ၤဘၣ်ဘၣ် ဆူအဲး(ပ) ဧါန့ၣ်တက့ၢ်.
  • သမံသမိးပာ်ဂၢၢ်ပာ်ကျၢၤ မ့ၢ်နနုာ်လီၤအစှၤကတၢၢ် 800 ကဲာ်လိၣ်ရံၣ်လၢတသီအဂီၢ် လၢကန့ၢ်ဘၣ်အမးအဂီၢ်ဧါန့ၣ်တက့ၢ်.

တၢ်လူၤပိာ်ကွၢ်ထွဲခီၣ်ခါအခံ (မ့ၢ်အိၣ်) န့ၣ် အမၤတၢ်ဒ်လဲၣ်.

တၢ်လူၤပိာ်ကွၢ်ထွဲခီၣ်ကါအတၢ်ရဲၣ်တၢ်ကျဲၤန့ၣ် ပျဲနဒိးန့ၢ်ဝဲအဖီးဖိတဖၣ်လၢ တနံၤဘၣ်တနံၤခီၣ်ကါနီၣ်ဂံၢ်ဖီတၢၣ်တဖၣ်ဒ် နလဲၤတုၤဝဲအသိးန့ၣ်လီၤႉ တနံၤအပူၤဖီတၢၣ်အိၣ်ဝဲသၢခါလၢ နဟံးန့ၢ်အီၤသ့, ဖီတၢၣ်တခါဒီးတခါန့ၣ် ဟ့ၣ်တၢ်ခွဲးတၢ်ယာ်ဒ်သိးနကဟးကျဲအါထီၣ်ဒီး ဟံးန့ၢ်အဖီးဖိတဖၣ်အါထီၣ်အဂီၢ်လီၤႉ ဖီတၢၣ်တဖၣ်ဒီး အဖီးဖိနီၣ်ဂံၢ်စုာ်စုာ်လၢအဘၣ်ထွဲဒီးအီၤတဖၣ်န့ၣ် နမၤန့ၢ်အီၤသ့ဒ်နတၢ်ရဲၣ်တၢ်ကျဲၤအိၣ်ဝဲအသိးန့ၣ်လီၤႉ

တၢ်လူၤပိာ်မၤနီၣ်ဃာ်ခီခါ အတၢ်ရဲၣ်တၢ်ကျဲၤတခါဘၣ်တခါ အမံၤလီၤဆီဝဲ (လီၤဂာ်ဒ်သိးလီၤ Steps ဒီး Get Active), ဘၣ်ဆၣ် တၢ်ရဲၣ်တၢ်ကျဲၤသ့ၣ်တဖၣ်န့ၣ် မၤတၢ်ဒ်သိးသိးလီၤ.

လၢကလူၤပိာ်ကွၢ်ထွဲ နတၢ်လဲၤထီၣ်လဲၤထီအဂီၢ်, နုာ်လီၤလၢနအကီးတက့ၢ်.

တၢ်လူၤပိာ်ကွၢ်ထွဲတၢ်မံ (မ့ၢ်အိၣ်) န့ၣ် အမၤတၢ်ဒ်လဲၣ်.

နကဘၣ်လူၤပိာ်ကွၢ်ထွဲအစှၤကတၢၢ် တၢ်မံၤခံနၢ်ရံၣ်ပယူၢ်ဃီ ဒ်သိးနကမၤန့ၢ်အဖီးဖိတဖၣ်လၢမုၢ်တနံၤအဂီၢ်န့ၣ်လီၤႉ

လၢကလူၤပိာ်ကွၢ်ထွဲ နတၢ်လဲၤထီၣ်လဲၤထီအဂီၢ်, နုာ်လီၤလၢနအကီးအပူၤတက့ၢ်.

နပိာ်ထွဲကွၢ်ကီနတၢ်မံ ခီဖျိတၢ်စူးကါ တၢ်ပိာ်ထွဲကွၢ်ကီအပီးအလီလၢနသိးအီၤသ့ မ့တမ့ၢ်တၢ်တိစၢၤမၤစၢၤအဲး(ပ) လၢအပျဲနၤလၢ ကဒၢနုာ်နတၢ်မံလၢနနီၢ်ကစၢ်န့ၣ်လီၤ. ဃုထံၣ်န့ၢ် တၢ်ပိာ်ထွဲကွၢ်ကီတၢ်မၤအပီးအလီတဖၣ် လၢအဘၣ်လိာ်အဂီၢ်တက့ၢ်.

ယတဒိးန့ၢ်ဘၣ်အမးလၢ တၢ်ပိာ်ထွဲကွၢ်ကီယတၢ်မံအဂီၢ်ဘၣ်-

  • မၤလီၤတံၢ်လၢ နတၢ်ပိာ်ထွဲကွၢ်ကီတၢ်တိစၢၤမၤစၢၤန့ၣ် ဘၣ်တၢ်ဘျးစဲအီၤဂ့ၤဂ့ၤဘၣ်ဘၣ် ဆူအဲး(ပ)တက့ၢ်
  • မၤဃူနတၢ်ဟူးတၢ်ဂဲၤတၢ်ပိာ်ထွဲကွၢ်ကီပီးလီ ဃုာ်ဒီးနတၢ်ပိာ်ထွဲကွၢ်ကီတၢ်တိစၢၤမၤစၢၤ 30 သီတဘျီန့ၣ်တက့ၢ်. (အဒိန့ၣ်, မၤဃူန Fitbit အပီးအလီလၢနသိးသ့ လၢန Fitbit အကီးတက့ၢ်.)
  • မၤလီၤတံၢ်လၢ နနုာ်လီၤအစှၤကတၢၢ်ခံနၣ်ရံၣ်လၢ တၢ်မံအဆၢကတဲာ် လၢတနၤအဂီၢ် ဒ်သိးကဒိးန့ၢ်ဘၣ်အမးအဂီၢ်န့ၣ်တက့ၢ်.

နဘျးစဲ Garmin vívokí ဒီး Forerunner 35 ဒီးအဲး(ပ) လၢကကွၢ်နီၣ်ဃာ်နတၢ်မံအဂ့ၢ်ထၢဖှိၣ် ဘၣ်သ့ၣ်သ့ၣ်တန့ၢ်ဘၣ်.

ခိၣ်ဖးတၢ်ရဲၣ်တၢ်ကျဲၤတဖၣ်လီၤဆီလိာ်သးလၢတၢ်မၤကစၢ်အဖီခိၣ်န့ၣ်လီၤ. နုာ်လီၤဒီးကွၢ်ဒ်သိးနကထံၣ်တၢ်ဃုထၢလၢနဂီၢ်အိၣ်တဖၣ်တက့ၢ်.

ယကဘၣ်ကွၢ်ဃု ခိၣ်ဖးလီၢ်ခၢၣ်သးဖဲလဲၣ်.

နမ့ၢ်နုာ်လီၤကွၢ်သ့ ခိၣ်ဖးတၢ်ရဲၣ်တၢ်ကျဲၤ ဒ်နတၢ်န့ၢ်ဘျုးတၢ်တိာ်ကျဲၤအက့ၢ်အဂီၤအကူာ် မ့တမ့ၢ်ဆူၣ်ချ့ခိၣ်ဖးအဘိၣ်ပာ်ဖှိၣ်န့ၣ် နနုာ်လီၤကွၢ်သ့ ခိၣ်ဖးလီၢ်ခၢၣ်သး လၢနစီၢ်နီၤခိၣ်ခီၣ်ဖၠူထၢၣ် မ့တမ့ၢ်လီတဲစိအဲး(ပ)န့ၣ်လီၤ.

  1. အိးထီၣ်န Blue Care Advisor လၢနစီၢ်နီၤခိၣ်ခီၣ်ဖၠူထၢၣ်လိၤ မ့တမ့ၢ် လီတဲစိစိာ်စုအဲး(ပ)ပူၤန့ၣ်တက့ၢ်ႉ
  2. လၢကဘျံးမိၢ်ပှၢ်အပူၤန့ၣ် ဃုထၢ အမးအိၣ်တ့ၢ်တက့ၢ်. အဝဲန့ၣ်ကဆှၢနၤဆူ ကျဲလၢကဒိးန့ၢ်စ့န့ၣ်လီၤ.
  3. ဃုထၢ Redeem Pointsဒ်သိးကလဲၤဆူ တၢ်ဟ့ၣ်ခိၣ်ဖးလီၢ်ခၢၣ်သးအဂီၢ်န့ၣ်တက့ၢ်.

လၢစီၢ်နီၤခိၣ်ခီၣ်ဖၠူထၢၣ်အပူၤ ခိၣ်ဖးလီၢ်ခၢၣ်သးန့ၣ် နနုာ်လီၤကွၢ်အီၤသ့လၢ အါန့ၢ်အီၤတၢ်ဃုထၢစရီ လၢထးခီတၢ်ကွၢ်ဃုလီၢ်န့ၣ်လီၤ.

ယကဘၣ်သုတၢ်ဟ့ၣ်ခိၣ်ဖးလီၢ်ခၢၣ်သးဒ်လဲၣ်ႉ

ခိၣ်ဖးလီၢ်ခၢၣ်သးန့ၣ် တၢ်လီၢ်ဖဲနကထံၣ်ဘၣ် အမးလၢနကဘၣ်သူလၢ တၢ်ထုးန့ၢ်သးတဖၣ် ဒီးခိၣ်ဖးပၣ်ဃုာ်ဒီး အံၣ်လဲးထြီနံးတၢ်ဟ့ၣ်ကနၢၤခးတဖၣ်န့ၣ်လီၤ.

ကဟံးန့ၢ်က့ၤနအမးတဖၣ်အဂီၢ် -

  1. ဃုထၢ ဟံးန့ၢ်က့ၤ ဒ်သိးကဟံးန့ၢ်က့ၤအမးတဖၣ်လၢ ခိၣ်ဖးတမံၤအဂီၢ် မ့တမ့ၢ်နုာ်လီၤလၢကနၢၤအဂီၢ်ဒ်သိးကဟံးန့ၢ်က့ၤအမးတဖၣ် လၢ sweepstakes တၢ်နုာ်လီၤအဂီၢ် ဖဲအန့ၢ်အခါန့ၣ်တက့ၢ်.
  2. ဒုးနဲၣ်အနီၣ်ဂံၢ်ဒီးဃုထၢ ဟံးန့ၢ်က့ၤ, လၢကဘျံးပၤလၢခံတဘ့ၣ်အပူၤ ဆှၢထီၣ်တၢ်ဃ့ထီၣ်တက့ၢ်. (နနုာ်လီၤသ့လၢ sweepstakes အပူၤသ့ ဖဲနသးအိၣ်အဘျီတဖၣ်အဘျီ, ဒီးနအိၣ်ဒီးအမးတဖၣ် ဒ်သိးကမၤအါထီၣ် တၢ်မၤနၢၤအခွဲးတဖၣ်န့ၣ်လီၤ.)
  3. မၤလီၤတံၢ်နတၢ်ဃုထၢတက့ၢ်ႉ

ဝံသးစူၤတိၢ်နီၣ်: တၢ်ဆါတၢ်ပှ့ၤခဲလၢာ်န့ၣ်မ့ၢ်တၢ်အဝံၤဒီး တဘၣ်တၢ်ဟ့ၣ်က့ၤအပှ့ၤဘၣ်ႉ ဖဲနဟံးန့ၢ်က့ၤနအမးတဖၣ်တဘျီဃီန့ၣ် တၢ်ဖိတၢ်လံၤတမံၤန့ၣ်မ့ၢ်တအိၣ်န့ၣ် ပထုးထီၣ်တၢ်ဟ့ၣ်က့ၤစ့တသ့ဘၣ်.

နဟံးန့ၢ်က့ၤနခိၣ်ဖးတဘျီဃီန့ၣ် နကဒိးန့ၢ်ဘၣ် တၢ်ပာ်ဂၢၢ်ပာ်ကျၢၤအံမ့(လ)န့ၣ်လီၤ. နမ့ၢ်ဃုထၢ ဒံးကၠ့းတၢၣ်ခိၣ်ဖးတမံၤ, အဒိ, Amazon တၢ်ဟ့ၣ်ကနၢၤခးန့ၣ် မုၢ်လၢ်လၢ နကဒိးန့ၢ်ဘၣ်အံမ့(လ)ခံခါတခါ ဃုာ်ဒီးတၢ်ဟံးန့ၢ်က့ၤ လံာ်ဖျၢၣ်ခူသူၣ်န့ၣ်တက့ၢ်.

ဝံသးစူၤပျဲဟ့ၣ်တနွံတုၤခံနွံလၢ တၢ်ကစိာ်ဆှဲအီၤအဂီၢ်န့ၣ်တက့ၢ်ႉ နမ့ၢ်တဒိးန့ၢ်ဘၣ်နခိၣ်ဖး လၢလွံၢ်နွံအလီၢ်ခံန့ၣ် ဝံသးစူၤဆဲးကျိး 1-800-382-2000 ဒ်သိးကသမံသမိးတၢ်အိၣ်သးအဂီၢ်တက့ၢ်.

ဒ်သိးယကဒိးန့ၢ်ခိၣ်ဖးအဂီၢ် ဆၢကတီၢ်ကယံာ်ထဲလဲၣ်ႉ

နဟံးန့ၢ်က့ၤအမးတဖၣ် လၢခိၣ်ဖးတမံၤအဂီၢ်တဘျီဃီန့ၣ် ဝံသးစူၤဟ့ၣ်တနွံ မ့တမ့ၢ်ခံနွံ လၢတၢ်ကဆှၢအီၤဆူနအိၣ်အဂီၢ်တက့ၢ်. နမ့ၢ်တဒိးန့ၢ်ဘၣ်နခိၣ်ဖး လၢလွံၢ်နွံအလီၢ်ခံန့ၣ် ဝံသးစူၤဆဲးကျိး 1-800-382-2000 ဒ်သိးကသမံသမိးတၢ်အိၣ်သးအဂီၢ်တက့ၢ်.

တၢ်တၤတၢ် ဒီးတၢ်မၤနၢၤတၢ်ကီခဲ ခိၣ်ဖးတဖၣ်အဂီၢ် ပှၤပၣ်ဃုာ်မၤသကိးတၢ်တဖၣ်န့ၣ် ကဒိးန့ၢ်ဘၣ်အံမ့(လ)တၢ်ဘိးဘၣ်သ့ၣ်ညါတမံၤ လၢအဒုးသ့ၣ်ညါပှၤမၤနၢၤတၢ်တဖၣ်န့ၣ်လီၤ.

ဝံၤဒီးနကဒိးန့ၢ်ဘၣ် တၢ်ပိာ်ထွဲအံမ့(လ)တခါ လၢအဒုးသ့ၣ်ညါနၤ ဖဲနခိၣ်ဖး မ့တမ့ၢ် sweepstakes ခိၣ်ဖးန့ၣ် ဘၣ်တၢ်ဆှၢဆူနအိၣ် (ခီဖျိအံမ့(လ) မ့တမ့ၢ်တၢ်ဘိၣ်စှၢ, ဒိးသန့ၤသးလၢတၢ်ဖိတၢ်လံၤအဖီခိၣ်)န့ၣ်လီၤ.

ဖဲအံၤန့ၣ်အိၣ်ဒီး တၢ်ဂီၤတိၤဖျါတနီၤ လၢခိၣ်ဖးအဂၤတဖၣ် လၢနဟံးန့ၢ်က့ၤသ့န့ၣ်လီၤ -

ဒံၣ်ကၠ့းတဲၣ်ပနံာ်တဖၣ်:
တၢ်ဃ့မၤလိာ်တဖၣ်န့ၣ် တၢ်မၤပှဲၤအီၤလၢ 24နၣ်ရံၣ်လၢ တၢ်ပာ်လီၤအီၤန့ၣ်လီၤ. နကဒိးန့ၢ်ဘၣ် အံမ့(လ)ဃုာ်ဒီး တၢ်ဟံးန့ၢ်က့ၤတၢ်နဲၣ်ကျဲတဖၣ် လၢတၢ်ဆၢကတီၢ်ဝဲန့ၣ်န့ၣ်လီၤ.

တၢ်မၤဘူၣ်*:
တၢ်မၤဘူၣ်တၢ်န့ၣ် တၢ်ကမၤအီၤလၢ နခၢၣ်စးန့ၣ်လီၤ. တၢ်မၤဘူၣ်တၢ်အဆၢကတီၢ်န့ၣ် လီၤဆီဝဲလၢ ကရၢတူၢ်လိာ်တၢ်မၤဘူၣ်လၢ နဃုထၢအဖီခိၣ်န့ၣ်လီၤ.

တၢ်ပၢၤဃာ်စ့အကီးလၢဆူၣ်ချ့ဂီၢ်/ဆူၣ်ချ့တၢ်ဟ့ၣ်လိးက့ၤအတၢ်ရဲၣ်ကျဲၤလၢတၢ်ဟ့ၣ်အီၤတဖၣ်မ့တမ့ၢ်ကသံၣ်ကသီတၢ်ဟ့ၣ်ထုးစှၤလီၤန့ၢ်အပှ့ၤ*:
ခိၣ်ဖးအံၤတဖၣ်န့ၣ် တၢ်မၤလၢပှဲၤအီၤ ဒ်တၢ်ဆၢကတီၢ်ရဲၣ်ကျဲၤလၢတၢ်တိာ်ပာ်ဃာ်အီၤ လၢနတၢ်မၤကစၢ်ဆီလီၤပာ်လီၤန့ၣ်လီၤ. ဟံးဃာ်နီၣ်ဂံၢ်အဝဲအံၤလၢ နတၢ်ကွဲးနီၣ်ကွဲးဃါတဖၣ်အဂီၢ်န့ၣ်တက့ၢ်ႉ

တၢ်သံကွၢ်တဖၣ်အဂီၢ် ဆဲးကျိး 1-800-382-2000 ဒီးဒၢနုာ်နတၢ်မၤလိာ်နီၣ်ဂံၢ်တက့ၢ်. ပၢၤဃာ်နီၣ်ဂံၢ်အံၤ လၢနတၢ်မၤနီၣ်တဖၣ်အဂီၢ်တက့ၢ်.

*တၢ်ဃုထၢန့ၢ်ဘၣ်ခိၣ်ဖးတဖၣ်န့ၣ်ဒိးသန့ၤထီၣ်အသးလၢနတၢ်ဘၣ်ဘျုးတၢ်ရဲၣ်တၢ်ကျဲၤအက့ၢ်ဂီၤအဖီခိၣ်န့ၣ်လီၤ.

ယခိၣ်ဖးတဖၣ်န့ၣ် တၢ်ဃ့အီၤခိသွဲသ့ဧါ.

တၢ်ဟ့ၣ်လၤကပီၤဒီးခိၣ်ဖးတဖၣ်န့ၣ် ဘၣ်တၢ်ဆိကမိၣ်အီၤဒ်အမ့ၢ်စ့ဟဲနုာ်လၢပှၤထၢထီၣ်ခိသွဲသ့န့ၣ်လီၤ

တဘျီတခီၣ် နတၢ်မၤကစၢ်ကဟ့ၣ်န့ၢ်နၤ ခိၣ်ဖးတဖၣ်အခိသွဲန့ၣ်လီၤ. တၢ်မၤကစၢ်မ့ၢ်ဃုထၢလၢ တဟ့ၣ်န့ၢ်နၤခိသွဲအဘူးအလဲန့ၣ် ခိသွဲလၢအဘၣ်ထွဲခဲလၢာ်န့ၣ် တၢ်ကထုးစှၤလီၤလၢ နတၢ်မၤအဘူးအလဲခၠဲးအပူၤန့ၣ်လီၤ.

တၢ်တမံၤလၢတၢ်ဃ့အီၤခိသွဲမ့ၢ်သ့န့ၣ် နကထံၣ်ဘၣ် တၢ်ပာ်ဖျါတၢ်တမ့ၢ်အတၢ် လၢအဆှဲဖျါတၢ်ဖိတၢ်လံၤအံၤ တၢ်ဃ့အီၤခိသွဲဒ်လဲၣ်န့ၣ်လီၤ. နဆဲးကျိးသ့စ့ၢ်ကိးဆူ 1-800-382-2000 အအိၣ်လၢ တၢ်ကစီၣ်အဂုၤအဂၤတဖၣ်အဂီၢ်န့ၣ်လီၤႉ

နတၢ်ဟဲက့ၤကဒါက့ၤဒီး တၢ်ခီလဲလိာ်ကျဲသနူတဖၣ်လၢ ခိၣ်ဖးတဖၣ်အဂီၢ်န့ၣ်မ့ၢ်မနုၤလဲၣ်ႉ

နဟံးန့ၢ်က့ၤနအမးတဖၣ် လၢခိၣ်ဖးမ့တမ့ၢ် တၢ်နုာ်လီၤလၢတၢ်တၤအခိၣ်ဖးတဖၣ် မ့ၢ်ဝံၤန့ၣ်တၢ်ဆါတၢ်ပှ့ၤခဲလၢာ်န့ၣ် ကမ့ၢ်တၢ်အကတၢၢ်န့ၣ်လီၤ. ပဟ့ၣ်ဂံၢ်ဟ့ၣ်ဘါနၤလၢ နကဆဲးကျိး 1-800-382-2000 လၢတၢ်သံကွၢ်တဖၣ် မ့တမ့ၢ်တၢ်ဘၣ်ယိၣ်တဖၣ်မ့ၢ်အိၣ် တချုးလၢအဟံးန့ၢ်က့ၤအမးတဖၣ်န့ၣ်လီၤ.

ခိၣ်ဖးလၢယကွၢ်ဃုန့ၣ် တအိၣ်လၢပနံာ်လၢတၢ်ကဆါအီၤအပူၤလၢဘၣ်ႉ အခီပညီမ့ၢ်ဝဲလၢ တၢ်ဒိးန့ၢ်အီၤတသ့ဘၣ်န့ၣ်ဧါႉ

တဘျီတခီၣ်န့ၣ် ခိၣ်ဖးတဖၣ်န့ၣ် ကတုၤဃီၤဆူအတၢ်ပနီၣ် လၢတၢ်ဟံးန့ၢ်က့ၤတဖၣ် ဒီးတၢ်ဖိတၢ်လံၤတမံၤန့ၣ် ကလၢာ်ကွံာ်န့ၣ်လီၤ. ဖဲတၢ်ဝဲန့ၣ်ကဲထီၣ်အခါ ပကဆဲးကျိးနတၢ်မၤကစၢ် ဒ်သိးကဆၢတဲာ် မ့ၢ်ခိၣ်ဖးအံၤန့ၣ် ကဘၣ်တၢ်ဒၢနုာ်က့ၤအီၤဧါန့ၣ်လီၤ.

ခိၣ်ဖးတဖၣ်န့ၣ် နတၢ်မၤကစၢ်ဃုထၢၣ်အီၤ ဒီးပဟ့ၣ်တသ့ တၢ်ဒၢနုာ်က့ၤတၢ်ဖိတၢ်လံၤတမံၤ ဖဲတၢ်မၤကစၢ်အတၢ်အၢၣ်လီၤဟ့ၣ်ခွဲးတအိၣ်ဘၣ်အခါန့ၣ်လီၤ.

တဘျီတခီၣ် ခိၣ်ဖးတဖၣ်န့ၣ် တဘၣ်တၢ်မၤသီထီၣ်အီၤဘၣ် မ့တမ့ၢ်တၢ်ဒၢနုာ်က့ၤအီၤလၢ တၢ်အဂၤတမံၤ ဒီးအဃိဒိးန့ၢ်အီၤတသ့လၢ ခိၣ်ဖးလီၢ်ခၢၣ်သးလၢၤဘၣ်န့ၣ်လီၤ.

တၢ်သိၣ်တၢ်ဘျၢလၢ တၢ်ဖးတဖၣ်အဂီၢ်န့ၣ်မ့ၢ်တၢ်မနုၤတဖၣ်လဲၣ်ႉ

နကွၢ် တၢ်ဖးအတၢ်ဘျၢတဖၣ်သ့ဖဲအံၤသ့လီၤ.

နီၢ်တဂၤဆူၣ်ချ့တၢ်ဂ့ၢ်န့ၣ် မ့ၢ်တၢ်မနုၤလဲၣ်.

နီၢ်တဂၤဆူၣ်ချ့တၢ်ဂ့ၢ် (PHI) မ့ၢ်ဝဲတၢ်ဂ့ၢ်တမံၤလၢ်လၢ် လၢအဘၣ်ထွဲဒီးဆူၣ်ချ့တၢ်အိၣ်သး, တၢ်ဟ့ၣ်ဆူၣ်ချ့တၢ်ကွၢ်ထွဲ, မ့တမ့ၢ်တၢ်ဟ့ၣ်ဆူၣ်ချ့တၢ်ကွၢ်ထွဲအလဲ လၢတၢ်ဘျးစဲအီၤသ့လၢ နီၢ်တဂၤလၢတၢ်ဃုထံၣ်ပာ်ပနီၣ်အီၤသ့ ဒီးတၢ်ထၢဖှိၣ်အီၤလၢ ကရၢအုၣ်ကီၤ မ့တမ့ၢ်ပနံာ်တၢ်မၤပှၤမၤသကိးတၢ်တဂၤန့ၣ်လီၤ.

PHI န့ၣ် ဘၣ်သ့ၣ်သ့ၣ်ကပၣ်ဃုာ်စ့ၢ်ကီး တၢ်ဂ့ၢ်ထၢဖှိၣ် လၢအလီၤဘၣ်လၢ နီၢ်တဂၤတၢ်ဂ့ၢ်လၢဘၣ်ကမၣ်တသ့ကရူၢ် (SPI) လီၤ. တၢ်ဂ့ၢ်တၢ်ကျိၤအံၤ မ့တမ့ၢ် တၢ်ဂ့ၢ်ထၢဖှိၣ် လၢအဟဲလၢနီၢ်တဂၤတၢ်ဂ့ၢ် လၢအလီၤကမၣ်တသ့ဖးဒိၣ် လၢန့ဆၢၣ်အသိး ဒီးမ့ၢ်ဟါမၢ် မ့တမ့ၢ်ဘၣ်တၢ်ရၤလီၤအီၤ လၢတၢ်တပာ်လီၤသးစဲဃဲၤအပူၤန့ၣ် ဒုးအိၣ်ထီၣ် တၢ်ဘၣ်ဒိဖးဒိၣ် မ့တမ့ၢ်တၢ်မဲာ်ဆှးလၢ ပှၤနီၢ်တဂၤအဂီၢ်သ့န့ၣ်လီၤ. SPI အဒိတဖၣ်န့ၣ် အိၣ်အကလုာ်ကလုာ် လၢကရၢကရိတဖၣ်အပူၤဘၣ်ဆၣ် ဘၣ်သ့ၣ်သ့ၣ်ကပၣ်ဃုာ်တၢ်လၢအပိာ်ထွဲတဖၣ်န့ၣ်လီၤ -

  • ပှၤဂ့ၢ်ဝီတၢ်ဘံၣ်တၢ်ဘၢနီၣ်ဂံၢ်
  • အိၣ်ဖျဲၣ်မုၢ်နံၤမုၢ်သီ
  • နီၢ်ခိက့ၢ်ဂီၤ မ့တမ့ၢ်စၢၤသွဲၣ်တၢ်မၤနီၣ်တဖၣ်
  • ထံရူၢ်ကီၢ်သဲး မ့တမ့ၢ် တၢ်ဘူၣ်တၢ်ဘါတၢ်ထံၣ်တဖၣ်  
  • ကလုာ် မ့တမ့ၢ်ကလုာ်ဒူၣ်
  • ပှၤတၢ်ဃုထၢလၢတၢ်သးလီၤမုၣ်သးလီၤခွါ
  • စ့စရီအကီးနီၣ်ဂံၢ်တဖၣ်

 

ပှၤတဖၣ်န့ၣ် အိၣ်ဒီးခွဲးယာ်လၢ ကဒီလိးဟံးန့ၢ်အနီၢ်တဂၤဆူၣ်ချ့တၢ်ဂ့ၢ် လၢအဲးပလံာ်က့ရှ့ အပှာ်ယဲၤသန့ဘံၣ်ဘၢအချၢဧါ.

မ့ၢ်လီၤ. HIPAA အဖီလာ်န့ၣ် နီၢ်တဂၤလၢတၢ်အုၣ်ကီၤဃာ်အီၤ မ့တမ့ၢ်ပနံာ်တၢ်မၤပှၤမၤသကိးတၢ်န့ၣ် ပၢၤဃာ်တၢ်ကွဲးနီၣ် လၢအဆီလာ်ပာ်လီၤဃာ် (ဆူၣ်ချ့တၢ်ကွၢ်ထွဲတၢ်ကွဲးနီၣ်တဖၣ်လၢ အဆီလီၤပာ်လီၤဃာ်) ဘၣ်ဃးဒီးနီၢ်တဂၤန့ၣ်လီၤ. နီၢ်တဂၤဝဲန့ၣ် အိၣ်ဒီးခွဲးယာ်လၢ ကနုာ်လီၤကွၢ် ဒီးဆှၢခီအနီၢ်တဂၤတၢ်ဂ့ၢ် (ပၣ်ဃုာ်ဒီး PHI) န့ၣ်လီၤ. ပတရဲၣ်သဲကတီၤဃာ်တၢ်ကွဲးနီၣ်ကွဲးဃါ ဘၣ်တၢ်မၤအီၤလၢ HIPAA ဘၣ်ဆၣ်, လၢတၢ်အဒိအတဲာ်အါတက့ၢ်အပူၤ ပလူၤပိာ်မၤထွဲဒ်တၢ်နဲၣ်ကျါအိၣ်ဝဲဒၣ်လၢ HIPAA အဖီလာ်အသိးဒီး လၢတၢ်န့ၣ်အဃိဟ့ၣ်ခွဲးဟ့ၣ်ယာ်ဒ်သိး ပပှၤစူးကါတၢ်ဖိတဖၣ်ကမၤန့ၢ်အဲး(ပ)လံၣ်က့ရှၢၣ်အဂီၢ်ဒီး ကဒိးန့ၢ်ဝဲနီၢ်ကစၢ်အဂ့ၢ်အကျိၤတနီလၢအပၣ်ဃုာ်ဒီး PHI န့ၣ်လီၤႉ  

တၢ်ဂ့ၢ်ဂံၢ်ထံး- ဆူၣ်ချ့ဒီး ပှၤကူပှၤကညီတၢ်ဟ့ၣ်မၤစၢၤတဖၣ်ဝဲၤကျိၤ: ပှၤတဂၤဘၣ်တဂၤခွဲးယာ်အိၣ်ဖဲ HIPAA အဖီလာ်ဒ်သိးကမၤန့ၢ်ဝဲဒၣ် ဆူၣ်ချ့တၢ်ကစီၣ် 45 CFR § 164.524. 

တၢ်ဘၣ်ယိာ်တနီလၢအဘၣ်ထွဲဒီး တၢ်တဒိးန့ၢ် PHI ဘံၣ်ဘံၣ်ဘၢဘၢအဃိန့ၣ် မ့ၢ်မနုၤတဖၣ်လဲၣ်ႉ

တၢ်ဘၣ်ယိာ်တနီလၢအဘၣ်ထွဲဒီး တၢ်တဒိးန့ၢ် PHI ဘံၣ်ဘံၣ်ဘၢဘၢအဃိန့ၣ် ပၣ်ဃုာ်ဝဲဘၣ်ဆၣ်တၢ်အဒုၣ်အဆၢတအိၣ်ဘၣ်ဒ်လၢအဖီလာ်အသိးန့ၣ်လီၤ :

  • တၢ်နုာ်လီၤမၤဟးဂီၤပှၤဂၤအခီၣ်ဖၠူထၢၣ်သနိ/တၢ်စူးကါလၢအတအိၣ်ဒီးတၢ်ပျဲ မ့တမ့ၢ် ပှၤသၢဖုတဖုအတၢ်တြီဃာ်တၢ် (လၢတၢ်အံၤအပူၤကပၣ်ဃုာ်ဝဲဒီး ပှၤဂဲၤဒိတၢ်ဖိလၢအအၢတဂၤ မ့တမ့ၢ် ပှၤလၢအဟ့ၣ်မၤစၢၤပှၤသၢဖုတဖု)
  • စဲးပီးလီလၢဘၣ်တၢ်ဟုၣ်န့ၢ်အီၤဃုာ်ဒီး တၢ်ကစီၣ်လၢဘၣ်တၢ်ဒိးန့ၢ်အီၤတဖၣ်လီၤမၢ်ကွံာ်ဝဲဒၣ်  
  • တၢ်ဘၣ်ယိၣ်ဘၣ်ဃးဒီးတၢ်စူးကွံာ်ကမၣ်တၢ် မ့တမ့ၢ် တၢ်တၢ်ဟံးဃာ်တၢ်ကွဲးနီၣ်ကွဲးဃါလၢစဲးပီးလီပူၤ လၢအဘၣ်တၢ်သုအီၤဒ်သိးကဟံးန့ၢ်တၢ်လၢ အ့ထၢၣ်နဲးဖီခိၣ်အဂီၢ်
  • တၢ်ဂ့ၢ်ထၢဖှိၣ်လၢ အတဘၣ်တၢ်ဆီတလဲအီၤဆူတၢ်ဂ့ၢ်ခူသူၣ် (ပၣ်ဃုာ်ဝဲဒီးတၢ်ဆှၢထီၣ်ဆှၢလီၤတၢ်ဂ့ၢ်ထၢဖှိၣ်ဆူပှၤသၢဖုတဖုအအိၣ် လၢအဂ့ၢ်တဘၣ်တၢ်ပာ်ခူသူၣ်အီၤ)

 

တၢ်ဆိကမိၣ်တနီလၢအဘၣ်ထွဲဒီးတၢ်ဘံၣ်တၢ်ဘၢအဂ့ၢ်ဒီး တၢ်ဟ့ၣ်ကူၣ်ဒီသဒၢတနီဖဲတချုးဟံးန့ၢ်တၢ်ဂ့ၢ်ထၢဖှိၣ်လၢ အ့ထၢၣ်နဲးဖီခိၣ်ဒီး ဆှၢထီၣ်ဆှၢလီၤအီၤဖဲ အဲး(ပ)လံၣ်က့ရှၢၣ်ကျဲစီၣ်အချၢလၢ အတအိၣ်ဒီးတၢ်ဘံၣ်တၢ်ဘၢတဖၣ်န့ၣ် မ့ၢ်မနုၤလဲၣ်ႉ

ပဟ့ၣ်ကူၣ်ဟ့ၣ်ဖးလီၤတံၢ်လီၤဆဲး ဘၣ်ဆၣ်တလိၣ်ထၢနုာ်ဒီသဒၢတၢ်ဒ်အဖီလာ်တဖၣ်ဆူ နစဲးပီးလီတၢ်ဆီလီၤပာ်လီၤတဖၣ်အပူၤ တချုးတၢ်ဟံးန့ၢ်လၢအ့ထၢၣ်နဲးဖီခိၣ်ဒီး/မ့တမ့ၢ် ဆှၢထီၣ်ဆှၢလီၤတၢ် ဒံးဘၣ်န့ၣ်လီၤ

  • မၤလီၤတံၢ်ဒ်သိးနလီတဲစိာ်စု မ့တမ့ၢ် စီၢနီၤခိၣ်ခီၣ်ဖၠူထၢၣ်စဲးပီးလီန့ၣ် ဆီတလဲၤဝဲဒၣ်ဆူတၢ်ဂ့ၢ်ခူသူၣ်သ့အဂ့ၢ်န့ၣ်တက့ၢ်  
  • လံာ်ဖျၢၣ်ခူသူၣ်အတၢ်ဒီသဒၢ လၢလီတဲစိအပီးအလီတဖၣ် ဒီးစဲးဖီကဟၣ်ပီးလီအဂၤတဖၣ် 
  • ဆှၢခီကယဲၢ်တၢ်ဂ့ၢ်ထၢဖှိၣ်လၢ အဒီလိးဟံးန့ၢ်ဃာ်ခဲလၢာ် ခီဖျိကျဲလၢအဘံၣ်ဘၢ 

 

ယကဘၣ်လဲၤကွၢ်ဃု တၢ်ဂ့ၢ်ဘၣ်ဃး နီၢ်တဂၤတၢ်ဂ့ၢ်ခူသူၣ် ဒီးတၢ်ဘံၣ်တၢ်ဘၢဖဲလဲၣ်.

တၢ်သံကွၢ်ညီနုၢ်တဖၣ် ဘၣ်ဃးဒီးပတၢ်ခူသူၣ်တၢ်မၤလုၢ်လၢ်တဖၣ်အဂီၢ် ဝံသးစူၤကွၢ်ဘၣ်ပ တၢ်ဂ့ၢ်ခူသူၣ်တၢ်ဘိးဘၣ်သ့ၣ်ညါတက့ၢ်.

တၢ်ဂ့ၢ်တၢ်ကျိၤဒီးတၢ်အိၣ်ယၢၤမၤစၢၤအဂၤတဖၣ် လၢအဘၣ်ဃးဒီးခိၣ်တီအံၤအဂီၢ် ဝံသးစူၤကွၢ်ဘၣ် ဆူၣ်ချ့ဒီးပှၤကညီတၢ်အိၣ်ယၢၤပှာ်ယဲၤသန့ ဘၣ်ဃးဒီး HIPAA တၢ်ဂ့ၢ်ခူသူၣ်တၢ်သိၣ်ဘျၢ ဒီး တၢ်ဘံၣ်တၢ်ဘၢတၢ်သိၣ်တၢ်သီတက့ၢ်.

Fitness Tracker Incentive န့ၣ်မ့ၢ်တၢ်မနုၤလဲၣ်.

Fitness Tracker Incentive မ့ၢ်ဝဲ Amazon တၢ်ဒိးန့ၢ်စ့ကဘျံး လၢတၢ်ဒၢနုာ်အီၤလၢ တၢ်ပှ့ၤတၢ်ဟူးတၢ်ဂဲၤတၢ်ပိာ်ထွဲကွၢ်ကီ လၢအကြၢးတမံၤလၢ်လၢ် ခီဖျိ Amazon.com န့ၣ်လီၤ.

တၢ်မ့ၢ်ဒၢနုာ်အီၤလၢနတၢ်တိာ်ကျဲၤအပူၤန့ၣ် နနုာ်လီၤကွၢ် Fitness Tracker Incentive လၢ အါန့ၢ်အီၤ တၢ်ဃုထၢစရီန့ၣ်လီၤ.

ယဘၣ်ကွၢ်ဃု ဆူၣ်ချ့တၢ်လူၤပိာ်ကွၢ်ထွဲတၢ်ထိၣ်ဂဲၤသး လံာ်က့ဖှီတဲာ်အနီၣ်ဂံၢ်ခူသူၣ်ဖဲလဲၣ်ႉ

အဝဲန့ၣ်မ့ၢ်ပၣ်လၢနတၢ်တိာ်ကျဲၤအပူၤအဃိ, နအိၣ်ဒီးခွဲးယာ်လၢကန့ၢ်ဘၣ်ဆူၣ်ချ့တၢ်လူၤပိာ်ကွၢ်ထွဲတၢ်ထိၣ်ဂဲၤသးသ့န့ၣ်လီၤႉ နမ့ၢ်ကြၢးဘၣ်န့ၣ် နကထံၣ်ဘၣ် Tracker Incentive လၢ အါန့ၢ်အီၤ တၢ်ဃုထၢစရီန့ၣ်လီၤ.

  1. အိးထီၣ်န Blue Care Advisor လၢနစီၢ်နီၤခိၣ်ခီၣ်ဖၠူထၢၣ်လိၤ မ့တမ့ၢ် လီတဲစိစိာ်စုအဲး(ပ)ပူၤန့ၣ်တက့ၢ်ႉ
  2. လဲၤဆူ တၢ်အဂၤတၢ်ဃုထၢမၤတၢ်အကျိၤအကွာ်အမံၤစရီႉ
  3. လဲၤလီၤဆူအဖီလာ်ဒီးဃုထၢ Tracker Incentive

 

ကဘၣ်ဟံးန့ၢ်က့ၤယ Fitness Tracker Incentive ဒ်လဲၣ်.

နမ့ၢ်ဖျိးစိန့ၣ် နနုာ်လီၤကွၢ်သ့ Fitness Tracker Incentive လၢ အါန့ၢ်အီၤ တၢ်ဃုထၢစရီ ဒီးပိာ်ထွဲဝဲတၢ်မၤအဆီတဖၣ် လၢလာ်အံၤ ဒ်သိးကဟံးန့ၢ်က့ၤနတၢ်ဒိးန့ၢ်စ့လံာ်ကဘျံးန့ၣ်လီၤ.

  1. တၢ်ဃ့က့ၤအဘူးအလဲဘၣ်ထွဲဒီး နဆူၣ်ချ့လူၤပိာ်ကွၢ်ထွဲတၢ်ထိၣ်ဂဲၤလိာ်သးအဂီၢ်
  2. လဲၤကွၢ်ဖဲ https://www.amazon.com/gc/pv/redeem
  3. ထၢနုာ်လီၤနလံာ်က့ဖှီတဲာ်အနီၣ်ဂံၢ်ခူသူၣ်
  4. ပှ့ၤတၢ်လၢ စဲးပီးလီလူၤပိာ်ကွၢ်ထွဲတၢ်လၢအကြၢးဝဲဘၣ်ဝဲတဖၣ်
  5. ဘျးစဲနတၢ်ဟူးတၢ်ဂဲၤတၢ်ပိာ်ထွဲကွၢ်ကီ လၢပ Get Active ဒ်သိးကန့ၢ်ဘၣ်အမးအဂီၢ်တက့ၢ်

 

ယကဘၣ်ဟ့ၣ်က့ၤ တၢ်ပှ့ၤတခါလၢတၢ်မၤအီၤလၢ Fitness Tracker Incentive ဒ်လဲၣ်.

တၢ်ပှ့ၤခဲလၢာ်လၢ တၢ်ပှ့ၤအီၤခီဖျိ Fitness Tracker Incentive လၢ Amazon.com န့ၣ်ဘၣ်ထွဲဒီး Amazon.com အတၢ်ဟ့ၣ်က့ၤသနူန့ၣ်လီၤ. ဝံသးစူၤတၢၣ်ပီၣ်ဒီး Amazon.com ဖဲနသးအိၣ်ဆှၢက့ၤ တၢ်ပှ့ၤက့ၤတခါန့ၣ်တက့ၢ်.

ဘၣ်မနုၤအဃိ တၢ်ဃ့ယၤခိသွဲဖဲ ယဟံးန့ၢ်က့ၤယ Fitness Tracker Incentive အခါလဲၣ်.

Amazon Fitness Voucher(တဖၣ်) န့ၣ်ဘၣ်ထွဲဒီးခိသွဲဖဲတၢ်ဟံးန့ၢ်က့ၤ ဒ်ကီၢ်စဲၣ်ဒီးကီၢ်ပူၤတၢ်ဆါတၢ်ပှ့ၤခိသွဲသနူအသိးန့ၣ်လီၤ. ခိသွဲဝဲအံၤတဖၣ်န့ၣ် ဘၣ်တၢ်ထုးန့ၢ်အီၤလိၤလိၤလၢ နတၢ်မၤအဘူးအလဲခၠဲးန့ၣ်လီၤ.

ယစဲးပီးလီလၢအလူၤပိာ်ကွၢ်ထွဲယတၢ်ဟူးတၢ်ဂဲၤအခံန့ၣ် တမၤတၢ်လၢဘၣ်ဒီး ယလိၣ်ဘၣ်အီၤအသီတခါလီၤႉ နတၢ်အုၣ်ခီၣ်တၢ်ဘျၢန့ၣ်မ့ၢ်မနုၤလဲၣ်ႉ

စဲးပီးလီတၢ်သိးအီၤသ့လၢနီၢ်ကစၢ်လိၤလၢ အဘၣ်တၢ်ပှ့ၤန့ၢ်အီၤခီဖျိ Blue Care Advisor's Fitness Tracker Incentive ခဲလၢာ်န့ၣ် ဟ့ၣ်တၢ်အုၣ်ကီၤဒ်တၢ်ထုးထီၣ်ပနံာ်ကရူၢ်ပာ်ဖျါဝဲဒၣ်အသိး, တမ့ၢ်ဟဲခီဖျိဝဲဒၣ်လၢ Blue Care Advisor အအိၣ်ဘၣ်ႉ ဝံသးစူၤဆဲးကျိးဆူ တၢ်ထုးထီၣ်ပနံာ်ကရူၢ်လၢအဘၣ်ထွဲဒီး နဆူၣ်ချ့စဲးပီးလီလူၤပိာ်ကွၢ်ထွဲတၢ်န့ၣ်တက့ၢ်ႉ

Fitbit

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤသ့လၢ ပှာ်ယဲၤသန့အဖီခိၣ် မ့တမ့ၢ် ခီဖျိလီပရၢ မ့တမ့ၢ် လီတဲစိသ့ဝဲန့ၣ်လီၤႉ

အ့ထၢၣ်နဲးပူၤ : Contact Fitbit Support

လီပရၢ : CWsupport@fitbit.com

လီတဲစိ : 844.534.8248

နကဘၣ်ဟ့ၣ်ထီၣ်န Fitbit တၢ်မၤလီၤတံၢ်နီၣ်ဂံၣ်ခူသူၣ်တၢ်ပနီၣ်, လၢအအိၣ်ဖဲတၢ်မၤလီတံၢ်အလီပရၢ နဒိးန့ၢ်ဘၣ်အီၤလၢ Fitbit အပူၤဖဲ နပှ့ၤတၢ်အဆၢကတီၢ်န့ၣ်လီၤႉ

Garmin

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤလၢအ့ထၢၣ်နဲးပူၤ မ့တမ့ၢ် ခီဖျိလၢလီတဲစိသ့ဝဲလီၤႉ ကိးလီတဲစိ မ့တမ့ၢ် ဆှၢလီပရၢဆူ Garmin ပနံာ်ဆီၣ်ထွဲမၤစၢၤတၢ် အအိၣ်ဒ်သိးနကဃ့ထီၣ် Return Merchandise Authorization (RMA) နီၣ်ဂံၢ်အဂီၢ်တက့ၢ်ႉ

အ့ၣ်ထၢၣ်နဲးအီၣ်လဲ - garmin.com

လီတဲစိ : 800.800.1020 မ့တမ့ၢ် 913.397.8200

လိၣ်ဝဲဒၣ်လၢနကဘၣ်ဟ့ၣ်ဝဲ :

  1. တၢ်လူၤပိာ်ကွၢ်ထွဲတၢ်အနီၣ်ဂံၢ်ရဲၣ် (မ့ၢ်ဘၣ်ဃးသ့အဃိ)
  2. တၢ်ဆှၢကဒါက့ၤတၢ်အိၣ်တၢ်ဆိးအလီၢ်
  3. လီတဲစိနီၣ်ဂံၢ်လၢနံၤကတီၢ်

 

တၢ်လၢအတကၢကီၣ်ဘၣ်

တၢ်ဃ့ထီၣ်တၢ်ဆီၣ်ထွဲမၤစၢၤအဂီၢ်တဖၣ်န့ၣ် တၢ်ဟ့ၣ်ထီၣ်အီၤလၢအ့ထၢၣ်နဲးပူၤ မ့တမ့ၢ် ခီဖျိလၢလီပရၢသ့ဝဲလီၤႉ

အ့ၣ်ထၢၣ်နဲးအလိၤ - misfit.com

လီပရၢ : help@misfit.com

လိၣ်ဝဲဒၣ်လၢနကဘၣ်ဟ့ၣ်ဝဲ :

  1. Misfit အကီးအလီပရၢအမံၤအသၣ်လၢ နသူအီၤဒ်သိးတၢ်ကဘျးစဲဒီး နစဲးပီးလီသိးအီၤလၢနီၢ်ကစၢ်လိၤသ့ႉ
  2. ကွၢ်ဃုတၢ်အံၤဖဲ misfit.com > Me/Profile > တၢ်ဆီလီၤပာ်လီၤတဖၣ် (အခိၣ်ထိးထွဲတခီ) > အကီးအဂ့ၢ်အကျိၤ
  3. န Misfit စဲးပီးလီလူၤပိာ်ကွၢ်ထွဲတၢ်အတၢ်ဂီၤဖးဒိၣ် ဃုာ်ဒီးနီၣ်ဂံၢ်ကွဲးရဲၣ်လၢနၢၣ်ဘၣ်လွံၢ်ကနူၤဃူဝါဒီးဆံးအပူၤလၢ တၢ်ထံၣ်န့ၢ်အီၤသ့ဆှံဆှံႉ
  4. Misfit တၢ်မၤလိာ် IDခးက့, အိၣ်ဝဲဒၣ်ဖဲနလီပရၢမၤလီၤတံၢ်တၢ် နဒိးန့ၢ်တ့ၢ်အီၤလၢ Misfit အပူၤဖဲ နပှ့ၤတၢ်အကတီၢ်န့ၣ်လီၤႉ

 

Nokia (လၢညါခီမ့ၢ်ဝဲ Withings)

လံာ်ဃ့ထီၣ်တၢ်ဆီၣ်ထွဲမၤစၢၤအဂီၢ်န့ၣ် ကြၢးဟ့ၣ်ထီၣ်ဝဲဒၣ်လၢလီပရၢန့ၣ်လီၤႉ

လီပရၢ : Corp-support@withings.com

လိၣ်ဝဲဒၣ်လၢနကဘၣ်ဟ့ၣ်ဝဲ :

  1. တၢ်ဂ့ၢ်ပာ်ဖျါလီၤတံၢ်လီၤဆဲးဘၣ်ဃး တၢ်ကီတၢ်ခဲလၢနဘၣ်ကွၢ်ဆၢၣ်မဲာ်ဒီးနစဲးပီလီလူၤပိာ်ကွၢ်ထွဲတၢ်အဂီၢ်ႉ
  2. န Nokia တၢ်မၤလိာ် IDခးက့, လၢအအိၣ်ဖဲတၢ်မၤလီတံၢ်အလီပရၢ နဒိးန့ၢ်ဘၣ်အီၤလၢ Nokia အပူၤဖဲ နပှ့ၤတၢ်အဆၢကတီၢ်န့ၣ်လီၤႉ

Blue Care AdvisorSM မ့ၢ်ဝဲ Blue Cross® and Blue Shield® of Minnesota, ကရၢဟ့ၣ်တၢ်အုၣ်သးပူၤဖျဲးလၢ တဟံးန့ၢ်အဘျုး လၢအဘၣ်ထွဲဒီး Blue Cross and Blue Shield Association အတၢ်ဟ့ၣ်န့ၣ်လီၤ.

*ဆူၣ်ချ့တၢ်ရဲၣ်တၢ်ကျဲၤတဖၣ်န့ၣ် လၢဆူၣ်ချ့တၢ်တိာ်ကျဲၤတခါဘၣ်တခါ လီၤဆီလိာ်သးန့ၣ်လီၤ. ကရူၢ်ဖိတဖၣ်ကဘၣ်နုာ်လီၤကွၢ် မ့တမ့ၢ် ကဘၣ်ဆဲးကျိး၀ဲ ဒ်သိးကမၤလီၤတံၢ်မ့ၢ်အကြၢး၀ဲဘၣ်၀ဲဧါအဂီၢ်န့ၣ်လီၤ. Blue Care Advisor န့ၣ်ဘၣ်တၢ်ဒိးန့ၢ်အီၤတသ့လၢ ပှၤစှၤကိာ်အဂီၢ်ဘၣ်ႉ