ဆူၣ်ချ့တၢ်အုၣ်ကီၤတၢ်တိာ်ကျဲၤလၢအဟ့ၣ်တၢ်အဘူးအလဲဘၣ်ထွဲဒီးတၢ်ဆဲးထးကူစါယါဘျါတၢ် လၢတၢ်ကကူစါညၣ်ထူၣ်ဆါယံာ်ယံာ်ထၢထၢအဂီၢ်ဒီး တၢ်ဆါအပနီၣ်အဂုၤအဂၤတဖၣ်အဂီၢ်အိၣ်အါထီၣ်ဝဲလီၤႉ ဃုထံၣ်တၢ်ဘၣ်ဃးဘၣ်တၢ်ဟ့ၣ်အီၤအဘူးအလဲဖဲလဲၣ်အကတီၢ်လဲၣ်.
တၢ်ဆဲးထးကူစါယါဘျါန့ၣ်အိၣ်ထီၣ်ဝဲယံာ်တ့ၢ်မးစးထီၣ်ဖဲအဘၣ်တၢ်ဟ့ၣ်ဒုးသ့ၣ်ညါအီၤဆူကီၢ်အမဲရကါအပူၤလီၤႉ မုၢ်မဆါတနံၤအံၤန့ၣ်, ဆူၣ်ချ့တၢ်ကွၢ်ထွဲကူစါတၢ်ကျဲအဂၤလၢအဘၣ်တၢ်ပာ်ဖှိၣ်အီၤဒီးကသံၣ်တၢ်ကွၢ်ထွဲညီနုၢ်တဖၣ်တလီၢ်လီၢ်န့ၣ်လီၤႉ
ကသံၣ်သရၣ်စဲၣ်နီၣ်တဖၣ်ကနဲၣ်လီၤဝဲတၢ်ဆဲးထးကူစါတၢ်လၢတၢ်ကကူစါယါဘျါတၢ်ဆါအပနီၣ်အါမံၤအဂီၢ်သ့ဝဲန့ၣ်လီၤႉ ပှၤဘၣ်သးအီၤအါဝဲလၢပှၤအိၣ်ဒီး ပျိၢ်ဆါ, ကိာ်ဆါ မ့တမ့ၢ် ခီၣ်လ့ၢ်ခိၣ်ဆါဖးယံာ်သ့ၣ်တဖၣ်အကျါန့ၣ်လီၤႉ တၢ်ဆဲးထးကူစါယါဘျါန့ၣ်မၤစၢၤဝဲဒ်သိးကဒီသဒၢတၢ်သးကလဲၤလၢအပိာ်ထွဲထီၣ်တၢ်သြီကသံၣ်ကူစါခဲစၢၣ်ဒီး တၢ်ကွဲးကါတဖၣ်အခံအဂီၢ်စ့ၢ်ကီးလီၤႉ
တၢ်ဆဲးထးကူစါယါဘျါန့ၣ်မ့ၢ် ဆူၣ်ချ့တၢ်မၤတခါလၢအစးထီၣ်အိၣ်ဝဲဒၣ်လၢတရူးကီၢ်အပူၤလီၤႉ တၢ်ဆဲးထးကူစါယါဘျါအိၣ်ဝဲ အကလုာ်ကလုာ်န့ၣ်လီၤႉ အဝဲသ့ၣ်ခဲလၢာ်ပာ်ဃုာ်ဒီး တၢ်စူးကါထးတဖၣ်ခီဖျိဘၣ်တၢ်ဆဲးလီၤအီၤဆူဖံးဘ့ၣ်အဖီလာ် ဒ်သိးကထိၣ်ဟူးထိၣ်ဂဲၤထီၣ်တၢ်လီၢ်ဖိတဖၣ်လၢနီၢ်ခိပူၤဒီး ကဒုးကိညၢ်ထီၣ်ဝဲတၢ်ဆါအပနီၣ်တဖၣ်အဂီၢ်လီၤႉ
တၢ်ဆဲးထးကူစါန့ၣ် ဆီတလဲသးတဆီဘၣ်တဆီလၢအါနံၣ်အတီၢ်ပူၤနံၣ်လီၤႉ မုၢ်မဆါတနံၤအံၤန့ၣ် အဝဲဒၣ်ကလီၤဆီလိာ်သးအါမး ဒီး နံၣ်လၢအကထိတဖၣ်အပူၤကွံာ်တၢ်အိၣ်သးအသိးဒီး ကဘၣ်တၢ်စူးကါအီၤပူၤပူၤဖျဲးဖျဲးအါထီၣ်ဝဲလံန့ၣ်လီၤႉ အဒိ, သရၣ်လၢအကူစါတၢ်တဖၣ်သူဝဲ ထးတဖၣ်လၢပှၤသူအီၤသ့ထဲတဘျီဧိၤလၢအပူၤဖျဲးဒိၣ်န့ၢ်ဒံးထးထူထးစ့တဖၣ်ဘၣ်တၢ်သူအီၤတဘျီဝံၤတဘျီအလီၢ်န့ၣ်လီၤ. သရၣ်လၢအကူစါတၢ်တဖၣ်န့ၣ် မုၢ်မဆါတနံၤအံၤသူစ့ၢ်ကီးဝဲ တၢ်ကိၢ် ဒီး လီမ့ၣ်သဟီၣ်အစၢ်တဖၣ်လၢထးတဖၣ်အလိၤဒ်သိးကမၤဂ့ၤထီၣ်တၢ်ကူစါယါဘျါအဂီၢ်န့ၣ်လီၤႉ
တၢ်ဆဲးထးကူစါယါဘျါန့ၣ်ဘၣ်သ့ၣ်ဟ့ၣ်တကြၢးတဘၣ်ဝဲလၢနဂီၢ်သ့ဝဲန့ၣ်လီၤႉ ကျဲလၢတၢ်ဃုထံၣ်လၢနကဘၣ်ဘျုးလၢ အကူစါယါဘျါတၢ်အဂီၢ်မ့ၢ်ဒ်သိးအံၤလီၤ:
တၢ်ဘၣ်ယိၣ်အလီၢ်လၢတၢ်ဆဲးထးကူစါယါဘျါတဖၣ်န့ၣ်တၢ်ဘၣ်ကွၢ်ဆၢၣ်မဲာ်အီၤစှၤဒိၣ်မးဖဲနထံၣ်ဒီးသရၣ်လၢအဒိးန့ၢ်လံာ်အုၣ်ကီၤလၢကူစါတၢ်အဂီၢ်လီၤႉ ဘၣ်ဆၣ်တၢ်ကူစါယါဘျါတၢ်န့ၣ် ဒုးကဲထီၣ်တၢ်ဒိဘၣ်ဒိၣ်ဒိၣ်မုၢ်မုၢ်သ့ဝဲဖဲအဘၣ်တၢ်မၤအီၤလၢတဘၣ်ကျိၤကျဲန့ၣ်လီၤႉ တၢ်ဒိဘၣ်တဖၣ်န့ၣ်မ့ၢ်ဝဲ တၢ်ဒိးန့ၢ်တၢ်ဆါကူဂာ်, တၢ်သွံၣ်ဟဲထီၣ်, က့ၢ်ဂီၤဒွဲတဖၣ်အတၢ်ဘၣ်ဆဲးလၢထး ဒီး တၢ်လဲၤမၤဘၣ်ဒိလီၢ်ခၢၣ်သးနၢာ်အကရူၢ်တဖၣ်န့ၣ်လီၤႉ
နကြၢးဟးဆှဲးတၢ်ဆဲးထးကူစါယါဘျါ ဖဲနမ့ၢ်:
လီဂံၢ်အသဟီၣ်တဖၣ် မၤတံာ်တာ်တၢ်ကွဲးကါသးဖျၢၣ်တၢ်ဖံးတၢ်မၤ သ့၀ဲလီၤ.
လၢတၢ်မၤအသးတနီၤအပူၤ, တၢ်ဆဲးထးကူစါယါဘျါန့ၣ် ဒုးစးထီၣ်ဆိတၢ်ဟုးဆါဒီး ဒုးအိၣ်ဖျဲၣ်ဆိကဲၣ်ဆိးဖိဆံးလီၤ.
တၢ်သ့ၣ်တဖၣ်အံၤ ဒုးအါထီၣ်တၢ်ခွဲးတၢ်ယာ်ဒ်သိး နသွံၣ်ကဟဲထီၣ် မ့တမ့ၢ် လုးထီၣ်လါထီၣ် ဖဲထးဘၣ်ဆဲးအလီၢ်တဖၣ်လီၤ.
နတလိၣ်ကတဲာ်ကတီၤနသးလီၢ်လီၢ်ဆီဆီလၢတၢ်ဟံးန့ၢ်တၢ်ကူစါအကျိၤအကျဲၤအဂီၢ်ဘၣ်ႉ သရၣ်ကူစါတၢ်ကသံကွၢ်နၤတၢ်သံကွၢ်တဖၣ်လၢအဘၣ်ဃးဒီး တၢ်ဆါအတၢ်ပနီၣ်တဖၣ်အဂ့ၢ်ဒီး အဝဲကမၤကွၢ်နနီၢ်ခိအလီၢ်တဖၣ်လၢနတူၢ်ဘၣ်ဆါဖဲနဒိးန့ၢ်ဘၣ်တၢ်ကူစါအကတီၢ်န့ၣ်လီၤႉ
တၢ်ကူစါတၢ်ဒုးကဲထီၣ်တၢ်အိၣ်တမုာ်တလၤတဆံးတက့ၢ်လီၤႉ အဝဲမၤတၢ်လၢကျဲဒ်အံၤလီၤ:
နကလိၣ်ဘၣ်အါန့ၣ်တၢ်ကူစါယါဘျါကျိၤကျဲတခါ ဒ်သိးနကကူစါနတၢ်ဆါအပနီၣ်တဖၣ်အဂီၢ်န့ၣ်လီၤႉ ကအါထဲသိးဒီးတၢ်ကူစါကျိၤကျဲ ဃုဘျီတုၤဃိးဘျီန့ၣ်လီၤႉ နလိၣ်ဘၣ်တၢ်ကူစါနၤပှဲၤဘျီပှဲၤဘျီအဂ့ၢ်န့ၣ် ဒိးသန့ၤထီၣ်အသးလၢနဆူၣ်ချ့တၢ်အိၣ်သး ဒီး နတၢ်ဆါအပနီၣ်တဖၣ်အဖီခိၣ်န့ၣ်လီၤႉ
ပှၤတနီတဲဝဲလၢအဝဲသ့ၣ်အသးထိၣ်ကဆှၣ်လီၤဝဲဒၣ်ဖဲတၢ်ကူစါတၢ်ဝံၤအလီၢ်ခံန့ၣ်လီၤႉ ပှၤအဂၤတဖၣ်စံးဝဲလၢအဒိးန့ၢ်တၢ်ဂံၢ်တၢ်ဘါအါထီၣ်လီၤႉ တၢ်ဆၢကတီၢ်ကယံာ်ဝဲဒၣ်စှၤသီဖဲတချုးလၢနပာ်သူၣ်ပာ်သးလၢနတၢ်ဆါတၢ်ပနီၣ်တဖၣ်အတၢ်ဆီတလဲတဖၣ်န့ၣ်လီၤႉ နကဘၣ်မၤကွၢ်တၢ်ကူစါယါဘျါကျဲအဂၤဖဲတၢ်ဂ့ၤထီၣ်မ့ၢ်တအိၣ်ဝဲလၢစှၤနွံဝံၤအလီၢ်ခံန့ၣ်လီၤ.
Blue Cross ဆူၣ်ချ့တၢ်တိာ်ကျဲၤတနီၤဟ့ၣ်တၢ်အဘူးအလဲလၢ တၢ်ဆဲးထးကူစါယါဘျါအဂီၢ်ဖဲ အလိၣ်နီၢ်နီၢ်လၢတၢ်ကူစါတၢ်အဂီၢ်ဒီး ဘၣ်တၢ်မၤလိာ်အီၤခီဖျိနကသံၣ်သရၣ်အဃိလီၤႉ နကသံၣ်သရၣ်ကနဲၣ်လိာ်နၤတၢ်ဆဲးထးကူစါယါဘျါအဂီၢ်ဒ်သိးကကူစါဝဲ:
Blue Cross ဒီး Blue Plus မၤစၢၤနၤဒ်သိးနကဒိးန့ၢ်တၢ်စံးဆၢညီညီလၢနဆူၣ်ချ့တၢ်သံကွၢ်တဖၣ်အဂီၢ်န့ၣ်လီၤ. နမ့မ့ၢ်ကရူၢ်ဖိတဂၤအဃိဒီး, နထံၣ်လိာ်နသးဒီးကသံၣ်သရၣ်သ့လၢအ့ထၢၣ်နဲးအလိၤ ဒီး နဒိးန့ၢ်ဆူၣ်ချ့တၢ်အိၣ်ယၢၤအါမံၤလၢနစုမုၢ်စုနၢအစိးနါန့ၣ်လီၤႉ နုာ်လီၤ ဆူနကရူၢ်ဖိအတၢ်လီၢ် ဒ်သိးကဃုဒိးန့ၢ်ကသံၣ်သရၣ်တဂၤဒီး ဃုထံၣ်န့ၢ် 'တၢ်အိၣ်မုာ်ဆိးပၢၤ' လၢနတၢ်အိၣ်ယၢၤတဖၣ်အဂီၢ်တက့ၢ်.
နမ့ၢ်တအိၣ်ဒီးဆူၣ်ချ့တၢ်အုၣ်ကီၤန့ၣ်, Blue Cross ဒီး Blue Plus ဟ့ၣ်နၤဆူၣ်ချ့တၢ်အုၣ်ကီၤအကလုာ်ကလုာ် လၢကကြၢးဒီးနတၢ်လိၣ်တဖၣ်ဒီးနစ့တိာ်ပာ်န့ၣ်လီၤ. ဆူၣ်ချ့တၢ်အုၣ်ကီၤခဲလၢာ်န့ၣ်ပၣ်ဃုာ်ဒီးတၢ်ဒီသဒၢအတၢ်ကွၢ်ထွဲတၢ်ဟ့ၣ်အဘူးအလဲ ဒီး ပီးလီတဖၣ်ဒီးတၢ်အိၣ်ယၢၤတဖၣ် ဒ်သိးကမၤဆူၣ်ချ့နၤဒီးဒီသဒၢနဟံၣ်ဖိဃီဖိတဖၣ်အတၢ်အိၣ်ဆူၣ်အိၣ်ချ့န့ၣ်လီၤ. ကတိၤတၢ်ဒီး ပှၤခၢၣ်စး တဂၤ မ့တမ့ၢ် ဆဲးကျိးဒီး Blue Cross ပှၤဟ့ၣ်ကူၣ်တၢ် ဒ်သိးကမၤလိအါထီၣ်တၢ်ဂ့ၢ်တၢ်ကျိၤ အဂီၢ်တက့ၢ်.
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.