SilverSneakers ဆူၣ်ချ့တၢ်ရဲၣ်တၢ်ကျဲၤလၢပှၤသးပှၢ်အဂီၢ်
မၤဂ့ၤထီၣ်တၢ်အိၣ်ဆူၣ်အိၣ်ချ့ဒီးတၢ်အိၣ်မုာ်ဆိးပၢၤကိးကပၤခီဖျိတၢ်မၤတၢ်ဟူးတၢ်ဂဲၤထီဘိ
တၢ်န့ၢ်ဘျုးအဂ့ၢ်လီၤတံၢ်လီၤဆဲး
SilverSneakers န့ၣ် မ့ၢ်တၢ်မနုၤလဲၣ်.
SilverSneakers® န့ၣ် မ့ၢ်ဒၣ်ဆူၣ်ချ့ဒီးနီၢ်ခိတၢ်ဟူးတၢ်ဂဲၤအတၢ်ရဲၣ်တၢ်ကျဲၤ လၢအဘၣ်တၢ်မၤကဲထီၣ်အီၤလၢ ပှၤဒိၣ်တုာ်ခိၣ်ပှဲၤလၢအ သးအိၣ်အါန့ၢ် 65 နံၣ်သ့ၣ်တဖၣ် ဒီးကြၢးဘၣ်ဒီး Medicare ဆူၣ်ချ့တၢ်တိာ်ကျဲၤတဖၣ်အဂီၢ် (Blue Cross Medicare Advantage, Platinum BlueSM, Senior GoldSM ဒီး Medicare Supplement တၢ်တိာ်ကျဲၤအဂၤဒီး SecureBlueSM အတၢ်တိာ်ကျဲၤတဖၣ်) န့ၣ်လီၤ.
အဝဲဟ့ၣ်တၢ်တိစၢၤမၤစၢၤဘၣ်ဃးနီၢ်ခိတၢ်ဂဲၤလိာ်ကွဲဟူးဂဲၤထီၣ်သးလၢအလီၢ်အိၣ်ဝဲဒၣ်လၢအကထိတဖၣ်1 လၢထံကီၢ်ဒီတဘ့ၣ်အပူၤန့ၣ်လီၤ. တၢ်စိာ်တၢ်ဃၢတၢ်လိာ်ကွဲဒီးစဲးဖီကဟၣ်လၢကရူၢ်အတီၤတဖၣ် 2 လၢဘၣ်တၢ်တီခိၣ်ရိၣ်မဲအီၤလၢပှၤနဲၣ်တၢ်လၢဘၣ်တၢ်ဟ့ၣ်အီၤတၢ်မၤလိဝံၤတဖၣ်, တၢ်ဃုထၢအိၣ်ဝဲဒၣ်လၢ ဆူၣ်ချ့တၢ်ဟူးတၢ်ဂဲၤအပတီၢ်ခဲလၢာ်အဂီၢ်န့ၣ်လီၤ.
SilverSneakers ဟ့ၣ်ဝဲစ့ၢ်ကီးနီၢ်သးတၢ်လၢပှဲၤခွဲးယာ်တဖၣ် ဖဲပှၤကရူၢ်ဖိတဖၣ်မၤလိကူၣ်သ့အသီတဖၣ်သ့ ဒီးမၤလိတၢ်ဆူမဲာ်ညါတစိၤသးန့ၣ်လီၤ.
တၢ်ရဲၣ်တၢ်ကျဲၤအံၤကဲဘျုးဝဲဒၣ်လၢ ပဝဲကရူၢ်ဖိတဖၣ်ဒ်သိးအတၢ်အိၣ်ဆူၣ်အိၣ်ချ့ကဂ့ၤထီၣ်, ကအိၣ်ဆၢထၢၣ်သဘျ့ဒီးမၤတၢ်လၢအဝဲသ့ၣ်အဲၣ်ဒိးမၤဆူညါတဖၣ်အဂီၢ်န့ၣ်လီၤ.
တၢ်ဂဲၤလိနီၢ်ခိတၢ်ဟူးဂဲၤအလီၢ်မနုၤတဖၣ် ပၣ်ဃုာ်ဝဲဖဲ SilverSneakers န့ၣ်လဲၣ်.
တၢ်လီၢ်လၢအပၣ်ဃုာ်မၤသကိးတၢ်အိၣ်ဝဲလၢအကထိတဖၣ်လၢအမဲရကၤကီၢ်စၢဖှိၣ်အပူၤ, 1 ဃုာ်ဒီးတီၤလၢအဟ့ၣ်အါထီၣ်စ့ၢ်ကီးတၢ်လီၢ်လၢဘၣ်ထွဲဒီးပှၤကမျၢၢ်အါဂၤ,ဒ်အမ့ၢ်ဖီကရၢၢ်ဒီးပှၤတဝၢလီၢ်ခၢၣ်သးတဖၣ်န့ၣ်လီၤ. ကရူၢ်ဖိတဖၣ်လဲၤနုာ်လီၤဝဲသ့လၢတၢ်လီၢ်သ့ၣ်တဖၣ်အံၤခဲလၢာ်ဒီးတၢ်တပာ်ပနီၣ်ဝဲလၢကဘၣ်လဲၤစူးကါထဲတၢ်လီၢ် တတီၤဧိၤဘၣ်.
တၢ်လီၢ်တၢ်ကျဲ ဒီးတၢ်မၤလိတဖၣ် လၢတၢ်လီၢ်တတီၤဘၣ်တတီၤ လီၤဆီလိာ်သးလီၤ.1 ဘၣ်သ့ၣ်သ့ၣ် နီၢ်ခိတၢ်ဟူးတၢ်ဂဲၤအလီၢ် လၢနဟီၣ်ကဝီၤပူၤ, ပှၤသးပှၢ်အဝဲၤလီၢ် မ့တမ့ၢ် တၢ်လီၢ်အဂၤတဖၣ်န့ၣ် ကအိၣ်ဃုာ်ဒီး တၢ်ပှီၢ်ထံအလီၢ်, တၢ်သူၣ်ထီၣ်ပူၤတၢ်ဟးလိာ်ကွဲကျိၤ, တၢ်ဃၢတဖၣ် လၢပှၤစိာ်လိာ်ကွဲလၢအစုန့ၢ်ဝဲ, တၢ်မၤဟူးဂဲၤထီၣ်သးဖျၢၣ်အပီးလီတဖၣ်, ဖျၢၣ်ပၤအပျီ ဒီးတၢ်အဂၤလီၤ.
ဃုကွၢ်ဆူၣ်ချ့တၢ်ဟူးဂဲၤလိာ်ကွဲအလီၢ်လၢပၣ်ဃုာ်မၤသကိးတၢ်ဒီးSilverSneakers
SVG
တဘၣ်ဟ့ၣ်အါထီၣ်အဘူးအလဲဘၣ်
နမ့ၢ်အိၣ်ဒီး SilverSneakers လၢအပၣ်ဃုာ်လၢန Medicare ဆူၣ်ချ့တၢ်တိာ်ကျဲၤအပူၤန့ၣ် နဒိးန့ၢ်အခွဲးလၢကနုာ်လီၤလၢအတၢ်လီၢ်ပူၤသ့ ဒီးတလိၣ်ဟ့ၣ်အပှ့ၤအါထီၣ်ဘၣ်န့ၣ်လီၤ.
တၢ်ကူၣ်ဘၣ်ကူၣ်သ့ အတၢ်အိၣ်ယၢၤတဖၣ်
SilverSneakers ဟ့ၣ်မၤစၢၤစ့ၢ်ကီးတၢ်ကူၣ်ဘၣ်ကူၣ်သ့ အတၢ်အိၣ်ယၢၤတဖၣ် လၢကဆီၣ်ထွဲတၢ်အိၣ်ဆူၣ်တၢ်ချ့တၢ်အိၣ်မူအိၣ်ဂဲၤအကျိၤအကျဲန့ၣ်လီၤ.
ပာ်သးဆူၣ်ဆူၣ်ချ့ချ့ တၢ်ကွဲးတဖၣ်
ဃုကွၢ် ဆူၣ်ချ့တၢ်ကစီၣ်အဂ့ၢ်အကလုာ်ကလုာ် ဘၣ်ဃးနီၢ်ခိတၢ်ဟူးဂဲၤလိာ်ကွဲ, ဆူၣ်ချ့,တၢ်အီၣ်ဂံၢ်ဘါ, တၢ်အိၣ်မုာ်ဆိးပၢၤ ဒီးအဂုၤအဂၤတဖၣ်ဖဲ SilverSneakers.com တက့ၢ်.
တၢ်မၤလိလၢပှၤမၤအီၤလၢအ့ထၢၣ်နဲးလိၤ
SilverSneakers န့ၣ် ဟ့ၣ်ထီၣ်အ့ထၢၣ်နဲးအတၢ်မၤလိတဖၣ်ဒီး တၢ်အိၣ်ဖှိၣ်တဲသကိးတဖၣ် လၢအကယၤတဖၣ် တနွံဘၣ်တနွံ လၢပှၤအတီၤပတီၢ် ဒီး တၢ်သ့တၢ်ဘၣ် ခဲလၢာ်အဂီၢ် ဃုာ်ဒီး ပှၤနဲၣ်လိတၢ်တဖၣ်လၢ မၤလိမၤဒိးဘၣ်တၢ်လီၤလီၤဆီဆီ န့ၣ်လီၤ.
နီၢ်ခိတၢ်ဟူးတၢ်ဂဲၤတၢ်ဂီၤမူတဖၣ်
ဒိးန့ၢ်ဆဲးကျိးန့ၢ်တီၤရိဖှိၣ်ဒၢး လၢတၢ်လီၢ်တတီၤဃီ တၢ်မၤနီၢ်ခိတၢ်ဟူးဂဲၤတၢ်မၤလိအတီၤ, တၢ်အိၣ်ဆူၣ်အိၣ်ချ့ ဘံၢ်ဒံၢ်အိၣ်တဖၣ်ဒီး နီၢ်ခိတၢ်ဟူးတၢ်ဂဲၤ အတၢ်ရဲၣ်တၢ်ကျဲၤအကယၤတဖၣ် ပာ်ဖှိၣ်သးအါမး လၢ ပှၤတၢ်သးစဲ ဒီး တၢ်သ့တၢ်ဘၣ် ခဲလၢာ်အဂီၢ်တက့ၢ်. ကွၢ် ဖဲနလိၣ်ဘၣ်အီၤအဆၢကတီၢ်, ဒ်နသးအိၣ်အသိး ခဲအံၤခဲအံၤတက့ၢ်.
လီတဲစိစိာ်စုအဲး(ပ)
စူးကါ SilverSneakers GO လီတဲစိစိာ်စုအအဲး(ပ) လၢနနီၢ်ကစၢ်တၢ်ရဲၣ်တၢ်ကျဲၤအတၢ်အိၣ်ယၢၤတဖၣ်, နီၢ်ခိတၢ်ဟူးတၢ်ဂဲၤအတၢ်ရဲၣ်တၢ်ကျဲၤလၢနဆီတလဲန့ၢ်ဝဲတဖၣ် ဒီးတၢ်အဂၤအဂီၢ်တက့ၢ်.
Burnalong
မုာ်လၤသးခုလၢ Burnalong®3 ဒီးဒိးန့ၢ်အီၤ ဃုာ်ဒီး ပှၤတဝၢလၢဆဲးကျိးန့ၢ်တီၤဖီခိၣ် လၢအပှဲၤဒီးတၢ်ဆီၣ်ထွဲမၤစၢၤတၢ်ဒီး တၢ်မၤလိလၢအကထိတဖၣ် လၢပှၤတၢ်သးစဲတဖၣ်ဒီး တၢ်သ့တၢ်ဘၣ်ခဲလၢာ်အဂီၢ်လီၤ.
GetSetUp
GetSetUp4 တၢ်နုာ်ကွၢ်ဘၣ် တၢ်မၤလိအတီၤတဖၣ်လၢ တၢ်လူၤမၤပိာ်ထွဲညီ, ပှၤသးနံၣ်ဒ်သိးသိး-အတၢ်နဲၣ်လီၤ လၢကဃုထၢအဂီၢ် ပၣ်ဃုာ်ဒီး တၢ်ဖီအီၣ်တ့ၤအီၣ်, တၢ်လဲၤတၢ်က့ၤ, စဲးဖီကဟၣ်ပီညါဒီး အဂုၤအဂၤတဖၣ်.
စးထီၣ်ခဲအံၤ
ကဘၣ်စးထီၣ်မၤတၢ်ဒ်လဲၣ်
အခဲအံၤနမ့မ့ၢ် Blue Cross ကရူၢ်ဖိဒီးတၢ်သးဒ့ဒီမ့ၢ်အိၣ်ဘၣ်ဃး နဒိးန့ၢ်ဘၣ်SilverSneakers သ့တသ့အဂ့ၢ်န့ၣ်, ဝံသးစူၤကွၢ်သမံသမိးနတၢ်တိာ်ကျဲၤလီၤတံၢ်လီၤဆဲး မ့တမ့ၢ်ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ်လီတဲစိနီၣ်ဂံၢ်အိၣ်ဖဲ တၢ်ကွၢ်နီၣ်ကွၢ်ဃါခးက့ (ID) အချၢန့ၣ်တက့ၢ်.
1. ဆဲးလီၤမံၤဒီး န SilverSneakers ID တၢ်ကွၢ်နီၣ်ကွၢ်ဃါနီၣ်ဂံၢ်
ဒိးန့ၢ်ဘၣ် SilverSneakers ID နီၣ်ဂံၢ်အဂီၢ်ဒီးဆှၢနုာ်ဆဲးလီၤမံၤတနံၤအံၤတက့ၢ်. နကဒိးန့ၢ်ဘၣ်အခီၣ်ထံးပတီၢ်ဆူၣ်ချ့တၢ်ဟူးဂဲၤလိာ်ကွဲအကရူၢ်ဖိဖဲ တၢ်လိာ်ကွဲလီၢ်လၢပၣ်ဃုာ်မၤသကိးတၢ်တဖၣ် လၢ SilverSneakers ပှာ်ယဲၤဘျးစဲအပူၤတဖၣ်ဒီးတၢ်လၢာ်ဘူၣ်လၢာ်စ့တအိၣ်နီတမံၤဘၣ်.
ဆဲးကျိးဆူ 1-833-226-1271
2. ဃုကွၢ်ဝဲ နီၢ်ခိတၢ်ဟူးတၢ်ဂဲၤ အတၢ်ဃုထၢတဖၣ်
နဆဲးလီၤမံၤလၢအ့ထၢၣ်နဲးအတၢ်မၤလိတဖၣ် လၢနဟံၣ် ဒီးဃုကွၢ်ဝဲ နီၢ်ခိတၢ်ဟူးတၢ်ဂဲၤအလီၢ်ပၣ်ဃုာ်ဝဲတဖၣ် ဘူးဒီးနၤသ့န့ၣ်လီၤ.
ဆူၣ်ချ့တၢ်အိၣ်ယၢၤအဂၤတဖၣ်
thrive. လံာ်မဲးကစံ
thrive. မဲးကစံးန့ၣ် Blue Cross and Blue Shield of Minnesota ဒီး Blue Plus ထုးထီၣ်န့ၢ်အီၤ တနံၣ်သၢဘျီ လၢ Medicare အကရူၢ်ဖိတဖၣ် လၢအပၣ်ဃုာ်ဝဲလၢ Platinum BlueSM (Cost), Medicare Advantage (PPO) ဒီး SecureBlueSM (HMO SNP) ဆူၣ်ချ့တၢ်တိာ်ကျဲၤတဖၣ်အပူၤအဂီၢ်န့ၣ်လီၤ.
ဖးဆူၣ်ချ့တၢ်ဂ့ၢ်တၢ်ကျိၤလၢအရ့ဒိၣ်တဖၣ် လီၤဂာ်ဒ်သိးဒီး နီၢ်ခိတၢ်ဟူးတၢ်ဂဲၤလၢပှၤသုးအသးညီဝဲတဖၣ်, တၢ်တြီဆၢတၢ်လီၤဃံၤတဖၣ်, တၢ်ပၢၤက့ၤကွၢ်ထွဲက့ၤတၢ်ဆါ, ဆဲးပၢၤဃာ်တၢ်သ့ၣ်ညါနၢ်ပၢၢ် ဒီးတၢ်မၤဟူးတၢ်ဂဲၤထီၣ်သး ဒီးတၢ်ဂ့ၢ်အဂၤလီၤ.
ပှၤကွၢ်ထွဲတၢ်အသနၢၣ်
ပှၤတဖၣ်လၢအ ကွၢ်ထွဲဝဲ ပှၤသးပှၢ်လၢအသးအိၣ် 60 နံၣ်ဆူအဖီခိၣ်တဖၣ်န့ၣ် န့ၢ်ဘၣ်တၢ်အိၣ်ယၢၤတဖၣ် ဒီးတၢ်ဆီၣ်ထွဲမၤစၢၤသ့ၣ်တဖၣ်အံၤသ့လီၤ.
- ဃုထံၣ်န့ၢ်တၢ်ဂ့ၢ်တၢ်ကျိၤလၢအလုၢ်ဒိၣ်ပှ့ၤဒိၣ်
- ကတဲာ်ကတီၤပာ်စၢၤနသး လၢတၢ်ဂ့ၢ်ကီတဖၣ်အဂီၢ်
- ဃုသ့ၣ်ညါအါထီၣ် တၢ်တိစၢၤမၤစၢၤလၢနမၤန့ၢ်အီၤန့ၢ်တဖၣ်အဂ့ၢ်
- ဒိကနၣ်ပှၤကွၢ်ထွဲအဂၤ အတၢ်လဲၤခီဖျိတဖၣ်
SilverSneakers® မ့ၢ်ဝဲပနံာ်အမံၤပနီၣ်လၢ Tivity Health, Inc., ခီပနံာ်သဘျ့လၢဟ့ၣ်တၢ်တိစၢၤမၤစၢၤဘၣ်ဃး ဆူၣ်ချ့ဒီးတၢ်ဟူးတၢ်ဂဲၤတၢ်ရဲၣ်တၢ်ကျဲၤတဖၣ်န့ၣ်လီၤ. Blue Cross Medicare Advantage, Platinum BlueSM, Senior GoldSM ဒီး Medicare တၢ်မၤလၢပှဲၤထီၣ်အဂုၤအဂၤဒီး SecureBlueSM တၢ်တိာ်ကျဲၤတဖၣ်န့ၣ် တၢ်ဒိးန့ၢ်သ့လီၤ.
1တၢ်ပၣ်ဃုာ်မၤသကိးအလီၢ် ("PL") တဖၣ်န့ၣ်, တမ့ၢ်ဝဲဒၣ် Tivity Health, Inc. မ့တမ့ၢ် ပနံာ်လၢအဘၣ်ထွဲဒီးအီၤ အတၢ်ပၢ မ့တမ့ၢ် အကွၢ်ထွဲသုးကျဲၤန့ၣ်ဘၣ်. တၢ်စူးကါ (PL)တၢ်လိၣ်ကွဲလီၢ်ဒီးအတၢ်ရဲၣ်ကျဲၤကတီၤပာ်တဖၣ်အဂီၢ်န့ၣ် အိၣ်ဒီးတၢ်ပာ်ပနီၣ်နဲၣ်ကျဲတၢ်သိၣ်တၢ်ဘျၢလၢ အခီၣ်ထံးပတီၢ်ကရူၢ်ဖိအဂီၢ်န့ၣ်လီၤ. တၢ်လိၣ်ကွဲလီၢ်ဒီးအတၢ်ရဲၣ်ကျဲၤကတီၤပာ်တဖၣ် လီၤဆီလိာ်သးလၢ(PL)တၢ်လိၣ်ကွဲလီၢ်လၢပၣ်ဃုာ်မၤသကိးတဖၣ်န့ၣ်လီၤ.
2တၢ်ကဲကရူၢ်ဖိပူၤန့ၣ် ပၣ်ဃုာ်ဒီး SilverSneakers ပှၤဒီတကရူၢ်ဆူၣ်ချ့တၢ်ဟူးဂဲၤလိာ်ကွဲအတီၤလၢပှၤနဲၣ်တၢ်တီခိၣ်ရိၣ်မဲမၤန့ၢ်ဝဲန့ၣ်လီၤ. တၢ်လိၣ်ကွဲလီၢ်တနီၤန့ၣ်,ဟ့ၣ်အါထီၣ်ဝဲဒၣ်တၢ်မၤလိတီၤအဂုၤအဂၤတဖၣ်လၢကရူၢ်ဖိတဖၣ်အဂီၢ်န့ၣ်လီၤ. တၢ်မၤလိတီၤတဖၣ်လီၤဆီလိာ်သးလၢတၢ်လီၢ်တခါဘၣ်တခါန့ၣ်လီၤ.
3Burnalong® မ့ၢ် ပနံာ်အပနီၣ်တခါလၢ ဆဲးလီၤပာ်မံၤလၢ Burnalong, Inc, လၢအမ့ၢ်ဝဲ ခီပနံာ်သဘျ့တခါလၢအဟ့ၣ်ထီၣ် တၢ်မၤနီၢ်ခိတၢ်ဟူးတၢ်ဂဲၤအတီၤတဖၣ်လၢ ဆဲးကျိးန့ၢ်တီၤ န့ၣ်လီၤ.
4GetSetUp မ့ၢ်ဝဲကရၢဆီၣ်ထွဲတၢ်သၢဖုတဖု ဒီးတဘၣ်တၢ်ပၢၤဒီး ဖံးမၤအီၤလၢ Tivity Health, Inc. ("Tivity") မ့တမ့ၢ်အကရၢမၤသကိးတၢ်တဖၣ်န့ၣ်ဘၣ်. ပှၤစူးကါတၢ်တဖၣ် ကဘၣ်အိၣ်ဒီးအ့ၣ်ထၢၣ်နဲး ဒ်သိးကနုာ်လီၤကွၢ် GetSetUp တၢ်တိစၢၤမၤစၢၤတဖၣ်အဂီၢ်န့ၣ်လီၤ. အ့ၣ်ထၢၣ်နဲးအဘူးအလဲတဖၣ်န့ၣ် ပှၤစူးကါတၢ်ကဘၣ်ဟ့ၣ်န့ၣ်လီၤ.
S5743_091024_N01_M
Y0138_091024_N01_M