တၢ်အီၣ်န့ၢ်ဂံၢ်န့ၢ်ဘၣ်န့ၣ် မ့ၢ်၀ဲတၢ်အကါဒိၣ်လၢတၢ်အကူဆါတၢ်အဂီၢ်ဒီး မ့ၢ်စ့ၢ်ကီးတၢ်ဂ့ၢ်မိၢ်ပှၢ်လၢအမၤဂ့ၤထီၣ်က့ၤနတၢ်အိၣ်ဆူၣ်အိၣ်ချ့ဒ်သိးနတဘၣ်က့ၤထီၣ်ကဒါက့ၤတၢ်ဆါဟံၣ်အဂီၢ်န့ၣ်လီၤ.
ဆီၣ်ထွဲမၤစၢၤတၢ်လိၣ်ဘၣ်တဖၣ်လၢ အဘၣ်ထွဲဒီးတၢ်ဆါယံာ်ထၢလၢအညီနုၢ်မၤအသးတဖၣ်အဂီၢ်
*တၢ်ဆှၢထီၣ်ဆှၢလီၤသီသီကတီၢ်ပူၤ တၢ်အီၣ်တၢ်အီအိၣ်အကလုာ်ကလုာ် ဒိးသန့ၤထီၣ်သးလၢတၢ်အီၣ်လၢပှၤဘၣ်သးအီၣ်အီၤအဖီခိၣ်လီၤ.
ယံၤထဲလဲၣ်ထဲလဲၣ်ဘၣ်ဆၣ် တၢ်ဂ့ၢ်ကီတအိၣ်ဘၣ်
ဖဲနဟးထီၣ်ဘၣ်လၢတၢ်ဆါဟံၣ်လၢတၢ်အၢၣ်လီၤအီၤ မ့တမ့ၢ် တၢ်ကွၢ်ပှၤဆါလီၢ်လၢအအိၣ်ဒီးကံၢ်စီပတီၢ်မ့ၢ်ဝံၤန့ၣ် နကဘၣ်တၢ်ဆဲးကျိးနၤလၢ GA Foods ဒ်သိးကကွၢ်ကဒါက့ၤ တၢ်အီၣ်တၢ်န့ၢ်ဘျုးဒီး တၢၣ်ပီၣ်ကတိၤသကိးတၢ်စိၥ်ဆှၢအဆၢကတီၢ်တဖၣ်အဂီၢ်န့ၣ်လီၤ.
ဒ် Blue Cross and Blue Shield of Minnesota Medicare Advantage ကရူၢ်ဖိတဂၤအသိး, နအိၣ်ဒီးတၢ်ကြၢးဒိးန့ၢ်ခွဲးလၢကမၤန့ၢ် တၢ်အီၣ်တၢ်အီတနံၤ (2) ဘျီတုၤ 14 သီန့ၣ်လီၤ.
တၢ်အီၣ်တၢ်အီတဖၣ်န့ၣ်ဘၣ် တၢ်ဆှၢထီၣ်ဆှၢလီၤအီၤဆူ နဟံၣ်ကလီ, ဆီၣ်ထွဲမၤစၢၤ နစံၣ်လီၤတၢ်ဆါဟံၣ်၀ံၤလီၢ်ခံ တၢ်အီၣ်န့ၢ်ဂံၢ်န့ၢ်ဘါအတၢ်လိၣ်ဘၣ်တဖၣ်အဂီၢ် ခီဖျိတၢ်ဟ့ၣ်လီၤတၢ်အီၣ်တၢ်အီ လၢအကြၢးဒီးတၢ်အိၣ်ဆူၣ်အိၣ်ချ့ ဒ်သိးကမၤစၢၤ နတၢ်ကိညၣ်ထီၣ်က့ၤဂ့ၤဂ့ၤအဂီၢ်လီၤ.
Blue Cross and Blue Shield of Minnesota မၤသကိးတၢ်ဒီး GA Foods ဒ်သိးကဟ့ၣ်လီၤတၢ်အီၣ်တၢ်အီတဖၣ်လၢ ပှၤစံၣ်လီၤတၢ်ဆါဟံၣ်အဂီၢ်လီၤ.
ကရူၢ်ဖိတဖၣ်လၢ အအိၣ်ဒီးတၢ်အၢၣ်လီၤတူၢ်လိာ်ဘၣ်ဃး တၢ်ဘၣ်ထီၣ်တၢ်ဆါဟံၣ် တသ့ဖဲအသ့ မ့တမ့ၢ် တၢ်လိၣ်ဘၣ်တၢ်ကဟုကယာ်ကွၢ်ထွဲ လၢတၢ်ဆါဟံၣ်ပူၤ တဖၣ်န့ၣ်ကဘၣ်တၢ်ပာ်ပနီၣ် အတၢ်ဒၣ်၀ဲဒ်အမ့ၢ် ပှၤအိၣ်ဒီးတၢ်ကြၢးဒိးန့ၢ်ခွဲးယာ်လၢ ကဒိးန့ၢ်တၢ်အီၣ်တၢ်အီလၢစံၣ်လီၤတၢ်ဆါဟံၣ်၀ံၤ ကအီၣ်အဂီၢ်လီၤ.
GA Foods ကဆဲးကျၢဆူကရူၢ်ဖိအအိၣ် ဒ်သိးကမၤလီၤတံၢ်ဘၣ်ဃး အိၣ်ဆိးလီၢ်ကျဲလၢကဆှၢတၢ်အဂီၢ်ဒီး ကဒိးန့ၢ်တၢ်အီၣ်အတၢ်တြီတဖၣ်အဂီၢ် ဒီး/မ့တမ့ၢ် တၢ်အီၣ်လၢပှၤဆါဘၣ်သးအီၣ်၀ဲအဂီၢ်လီၤ.
ပှၤလၢအကိးလီတဲစိဆူနအိၣ် ID ကတဲ၀ဲလၢအမ့ၢ် GA Foods လီၤ. GA Foods ကဘၣ်တၢ်ပၥ်ဖျါအီၤရှဲရှဲပျီပျီလၢ အတၢ်ဒုးသ့ၣ်ညါလီၤသးအပူၤ ဒ်လၢအ၀ဲသ့ၣ်ဆဲးကျိးနၤလၢ GA Foods ဒ် Blue Cross အခၢၣ်စးအသိးလီၤ. GA Foods ကဟ့ၣ်လီၤလီတဲစိနီၣ်ဂံၢ်တခါလၢ တၢ်ကကိးက့ၤအီၤအဂီၢ်လၢအမ့ၢ် 1-866-575-2772 န့ၣ်လီၤ. နဆဲးကျိးဆူ GA Foods အအိၣ်သ့ဖဲ 1-866-575-2772, TTY: 711, မုၢ်ဆၣ်တုၤမုၢ်ဖီဖး ဂီၤ 7 နၣ်ရံၣ်တုၤ 7 နၣ်ရံၣ် လီၢ်ခၢၣ်သးတၢ်ဆၢကတီၢ်န့ၣ်လီၤ.
ဆဲးကျၢဘၣ် GA Foods ဖဲ 1-866-575-2772, TTY: 711, မုၢ်ဆၣ်တုၤမုၢ်ဖီဖး ဂီၤ 7 နၣ်ရံၣ်တုၤ ဟါ 7 နၣ်ရံၣ် လီၢ်ခၢၣ်သးတၢ်ဆၢကတီၢ်တက့ၢ်.
လၢတၢ်တူၢ်လိာ်မုာ် လီတဲစိတၢ်ကိးအပူၤ, နကဘၣ်တၢၣ်ပီၣ်ကတိၤဘၣ်ဃး တၢ်ဆှၢထီၣ်ဆှၢလီၤအဆိကတၢၢ်ဒီး လၢအမၤအသးအဖၢမုၢ်အဂ့ၢ်, မၤလီၤတံၢ်က့ၤနတၢ်အိၣ်ဆိးလီၢ်ကျဲ, တၢ်စူးကါ ပှၤလၢအကဆှၢထီၣ်ဆှၢလီၤတၢ်မနုၤမတၤ, မၤတၢ်ကွၢ်ကဒါက့ၤဘၣ်ဃး တၢ်အီၣ်တၢ်အီအတၢ်လိၣ်ဘၣ်ဒီး သွံၣ်ထံတဘၣ်လိာ်အဂ့ၢ်အကျိၤတဖၣ်, ကဘၣ်တၢၤကွံာ်ကၠဲ(လ)အဘိၣ်တဖၣ်ဒ်လဲၣ်, ဒီး မၤတၢ်ကွၢ်ကဒါက့ၤဘၣ်ဃး ကဘၣ်ပာ်ကီၤတၢ်အီၣ်တၢ်အီဒ်လဲၣ်န့ၣ်လီၤ.
တၢ်ဆှၢထီၣ်ဆှၢလီၤအမုၢ်နံၤဒီး အဆၢကတီၢ်န့ၣ် ကဘၣ်တၢ်မၤအီၤတၢ်ကွၢ်ကဒါက့ၤလၢ နတၢ်တူၢ်လိာ်မုာ်လီတဲစိတၢ်ကိးအကတီၢ်န့ၣ်လီၤ. တၢ်တ့ထုးထီၣ်န့ၢ်တၢ်ပာ်ခုၣ်ဒၢဒ်သိး ကဘၣ်တၢ်ကပာ်လီၤတဲာ်အီၤဂ့ၤဂ့ၤလၢ နတြဲၤခီၣ်ထံးဖဲတၢ်ဆှၢထီၣ်ဆှၢလီၤမုၢ်နံၤဒီတနံၤကျၢၤန့ၣ်လီၤ. တလိၣ်နအိၣ်ခိးလၢဟံၣ် မ့တမ့ၢ် တူၢ်လိာ်ဟံးန့ၢ်တၢ်ပာ်ခုၣ်ဒၢ မ့တမ့ၢ် ဆဲးလီၤစုမံၤလၢအဂီၢ်ဘၣ်.
တၢ်အီၣ်လၢပှၤညီနုၢ်အီၣ်၀ဲတဖၣ်န့ၣ် ကဘၣ်တၢ်ဆှၢလီၤအီၤဖဲ တၢ်တူၢ်လိၥ်မုၥ်လီတဲစိတၢ်ကိးဟဲနုၥ်၀ံၤ 24-72 နၣ်ရံၣ်အတီၢ်ပူၤဒီး ကတုၤ၀ဲဒၣ်ဆူ GA Foods Delivery အအိၣ် မ့တမ့ၢ် ခီဖျိပှၤသၢဖုတဖုအတၢ်ဆှၢလီၤတဆီ ဒ်အမ့ၢ် FedEx မ့တမ့ၢ် UPS လီၤ. တၢ်အီၣ်တၢ်အီတဖၣ်န့ၣ် ဘၣ်တၢ်ဖီမံအီၤဂ့ၤဂ့ၤ, ဘၣ်တၢ်မၤခုၣ်မၤလီၤသကၤအီၤဒီး ဘိၣ်ဃၥ်အီၤလၢ တလါတၢ်ဘိၣ်တဖျၢၣ်အပူၤလၢအအိၣ်ဒီး တၢ်ခုၣ်ဒၢတဖၣ်လီၤ. တၢ်အီၣ်တၢ်အီ ကအိၣ်၀ဲဒၣ်လၢ တနွံအဂီၢ်လီၤ. တလါတဖျၢၣ်စုၥ်စုၥ်အပူၤအိၣ်ဒီး လံၥ်နဲၣ်ရိတခါလၢအပၥ်ဖျါ တၢ်အီၣ်မံၤရဲၣ်, တၢ်နဲၣ်ကျဲတဖၣ်လၢတၢ်မၤကိၢ်တၢ်အီၣ်အဂီၢ်ဒီး တၢ်ဂ့ၢ်ကီမ့ၢ်အိၣ်တမံၤမံၤဖဲတၢ်အီၣ်ဟဲတုၤအခါ ကဘၣ်ဆဲးကျိးဆူ GA Foods အအိၣ်ဒ်လဲၣ်န့ၣ်လီၤ.
GA Foods အတၢ်လူၤပိၥ်ကွၢ်ထွဲ ID လီၤလီၤဆီဆီတခါန့ၣ် တၢ်ဆီလီၤပၥ်လီၤအီၤဖဲ တၢ်စိၥ်ဆှၢအကျိၤအကျဲခဲလၢၥ်န့ၣ်လီၤ. တၢ်လူၤပိၥ်ကွၢ်ထွဲ ID အံၤ ဘၣ်တၢ်စူးကါအီၤသ့ဖဲ GA Foods ပှၥ်ယဲၤသန့အလံၥ်ကဘျံးပၤမဲၥ်ညါ- GAFoods.comန့ၣ်လီၤ. တၢ်ဒိးန့ၢ် ID အံၤသ့၀ဲလၢ ပှၤစူးကါတၢ်ဖိအတၢ်မၤနီၣ်မၤဃါအိၣ်ဖဲ ပှၤစူးကါတၢ်ဖိအ့ထၢၣ်နဲးကျဲစၢၤအပူၤ မ့တမ့ၢ် ခီဖျိတၢ်ဆဲးကျၢဆူတၢ်ကွၢ်ထွဲကရူၢ်အအိၣ် 1-866-575-2772, TTY: 711, မုၢ်ဆၣ်တုၤမုၢ်ဖီဖး ဂီၤ 7 နၣ်ရံၣ်တုၤ ဟါ 7 နၣ်ရံၣ်န့ၣ်လီၤ.
မ့ၢ်, တၢ်န့ၢ်ဘျုးအံၤ တၢ်ဒိးန့ၢ်အီၤသ့ ဖဲတၢ်အၢၣ်လီၤတူၢ်လိာ် ပှၤဆါလၢကဘၣ်ထီၣ် တၢ်ဆါဟံၣ်တသ့ဖဲအသ့ မ့တမ့ၢ် တၢ်လိၣ်ဘၣ်တၢ်ကဟုကယာ်ကွၢ်ထွဲ လၢတၢ်ဆါဟံၣ်ပူၤ ၀ံၤအလီၢ်ခံန့ၣ်လီၤ.
လၢတၢ်ဃုသ့ၣ်ညါအါထီၣ် တၢ်ဂ့ၢ်တၢ်ကျိၤအဂီၢ် ဆဲးကျၢ Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ်ဖဲ 1-800-711-9865, TTY 711 တက့ၢ်
မုၢ်ဆၣ်တုၤမုၢ်ဖီဖး, ဂီၤ 8 နၣ်ရံၣ်တုၤဟါ 8 နၣ်ရံၣ် လီၢ်ခၢၣ်သးတၢ်ဆၢကတီၢ်
တၢ်အီၣ်န့ၢ်ဂံၢ်န့ၢ်ဘါ တၢ်ဟ့ၣ်ကူၣ်ဟ့ၣ်ဖးတဖၣ် ဒီး တၢ်ဖီအီၣ်ဖီအီအထံလဲလၢ နသးဒီးနနီၢ်ခိအဂီၢ်.
ဆဲးကျၢန့ၢ်၀ဲဒၣ် ပှၤလၢအဃုတၢ်မၤစၢၤဒီး ပှၤဟ့ၣ်မၤစၢၤကမျၢၢ်တၢ်ကွၢ်ထွဲအမ့ၢ်အတီတဖၣ်လၢ အဖံးမၤတၢ်လၢအ၀ဲသ့ၣ်အဂီၢ် ဃုသ့ၣ်ညါအါထီၣ်အ၀ဲသ့ၣ်အတၢ်ပီးလီအကလုာ်ကလုာ်လၢ အပှၤဂ့ၢ်၀ီကရၢဘျးစဲလၢအဟ့ၣ်လီၤမၤစၢၤ၀ဲဒၣ် ဃုာ်ဒီးတၢ်အီၣ်တၢ်အီအကလုာ်တဖၣ်.
တၢ်အိၣ်ယၢၤလၢကဃုထံၣ်န့ၢ် နတၢ်အီၣ်လုၢ်လၢ်ဂ့ၤလၢတၢ်အိၣ်ဆူၣ်အိၣ်ချ့အဂီၢ်ဒီး သူၣ်ထီၣ်အီၤလၢနတၢ်အိၣ်မူဒီကတီၢ်ညါအဂီၢ်.
မၤစၢၤနၤဒ်သိးနကဒိးန့ၢ်ဘၣ် တၢ်အီၣ်န့ၢ်ဂံၢ်န့ၢ်ဘါလၢနလိၣ်ဘၣ်အီၤဒီး တၢ်အီၣ်တၢ်အီလၢအဂ့ၤလၢတၢ်အိၣ်ဆူၣ်အိၣ်ချ့အဂီၢ်လီၤ.
မၤတၢ်ဒ်သိးကမၤဂ့ၤထီၣ် ပှၤလၢအစ့ဟဲနုာ်စှၤ အိၣ်ဒီးသးနံၣ်အစှၤကတၢၢ် 60နံၣ် တဖၣ်အတၢ်အိၣ်ဆူၣ်အိၣ်ချ့ ခီဖျိတၢ်မၤလၢပှဲၤထီၣ် အတၢ်အီၣ်တၢ်အီခီဖျိ တၢ်ဟ့ၣ်လီၤ USDA တၢ်အီၣ်န့ၢ်ဂံၢ်န့ၢ်ဘၣ်တဖၣ်လီၤ.
GA Foods® န့ၣ်မ့ၢ်ခီပနံၥ်သဘျ့တဖျၢၣ်လၢ အဟ့ၣ်လီၤတၢ်အီၣ်တၢ်အီဆူ Blue Cross and Blue Shield of Minnesota ဒီး Blue Plus (Blue Cross) Medicare Advantage တၢ်တိၥ်ကျဲၤကရူၢ်ဖိတဖၣ်န့ၣ်လီၤ.
S5743_090926_P01_M
Y0138_090926_P01_M