ဒ်နမ့ၢ် Blue Plus ကရူၢ်ဖိတဂၤအသိး, နအိၣ်ဒီးခွဲးယၥ်လၢကဒိးန့ၢ် ဆူၣ်ချ့ဒီး တၢ်ပၢဆှၢရဲၣ်ကျဲၤအကစၢ်ပှၢ်ဒၣ်၀ဲ ပီးလီတဖၣ်လၢတၢ်အိၣ်မုၥ်ဆိးပၢၤအဂီၢ် ဒ်သိးကမၤလိန့ၢ် တၢ်မၤဃီသွါတဖၣ်လၢ ကမၤဂ့ၤထီၣ်နတၢ်အိၣ်ဆူၣ်အိၣ်ချ့ဒီး ကလူၤပိၥ်ကွၢ်ထွဲ တၢ်ဒိၣ်ထီၣ်ထီထီၣ်အခံလၢ ဆူၣ်ချ့သနၢၣ်ဂံၢ်ထံးတဖၣ်အဖီခိၣ်လီၤ.
ဆူၣ်ချ့တၢ်အိၣ်မူအိၣ်ဂဲၤအကျိၤအကျဲ မၤစှၤလီၤတၢ်ဘၣ်ယိၥ်ဘၣ်ဃး တၢ်ဆူးတၢ်ဆါ, ဒ်အမ့ၢ် သးဖျၢၣ်တၢ်ဆါ ဒီး ခဲစၢၣ်တၢ်ဆါတဖၣ်သ့၀ဲန့ၣ်လီၤ. နီၢ်ခိတၢ်ဟူးတၢ်ဂဲၤ မၤဂ့ၤထီၣ် တၢ်ကၢၤတၢ်ဒီး တၢ်ဘၣ်လိၥ်ဖိးမံသ့ ဒီး မၤစၢၤ၀ဲဒ်သိးဒီးနီၢ်ခိအတယၢၢ်ကလီၤစှၤအဂီၢ်ဒီး ဟ့ၣ်သဆၣ်ထီၣ်တၢ်ပၥ်ကဲလီၤသးန့ၣ်လီၤ.
ဒိးန့ၢ်တၢ်အီၣ်န့ၢ်ဂံၢ်န့ၢ်ဘါတၢ်အိၣ်ယၢၤတဖၣ်ဒီး ပီးလီတဖၣ်လၢအမၤစၢၤနၤသ့ ဒ်သိးနကအိၣ်ဘၣ်ဂ့ၤဂ့ၤဖဲ နဆူၣ်ချ့တၢ်လဲၤကျဲဒီခိၣ်တက့ၢ်.
မိၥ်ထူ၀ါ, စဲးမိၥ်ထူ (vapes) ဒီး ညါသူးပနံၥ်အဂုၤအဂၤတဖၣ် မၤဘၣ်ဒိဘၣ်ထံးနနီၢ်ခိဒီး ဒုးဟဲကဲထီၣ်ဆူၣ်ချ့တၢ်ဂ့ၢ်ကီတဖၣ်ဒ်အမ့ၢ်၀ဲဒၣ် တၢ်သါဃံး, သွံၣ်ဂံၢ်ထီၣ်တၢ်ဆါ, တၢ်ဆါလၢအပိၥ်ထွဲထီၣ် ဆံၣ်ဆၢတၢ်ဆါအခံတဖၣ်, ဒီး သးဖျၢၣ်ဒီးပသိၣ်တၢ်ဆါတဖၣ်လီၤ.
ဒုးအိၣ်ထီၣ်ဒီး ပၥ်ဂၢၢ်ပၥ်ကျၢၤ တၢ်ပတုာ်ကွံာ်တၢ်အီမိာ် မ့တမ့ၢ် တၢ်အီစဲးမိၥ်ထူ တၢ်တိာ်ကျဲၤ ခီဖျိလၢတၢ်အိၣ်မုာ်ဆိးပၢၤ အပှၤနဲၣ်လိတၢ်ဖိတဂၤ အတၢ်ဆီၣ်ထွဲမၤစၢၤဒီး ကါထီၣ်ခီၣ်ကါအဆိကတၢၢ်တကါ ဒ်သိးကပူၤဖျဲးဒီးနံကိၣ်တ့ (nicotine) အဂီၢ်တက့ၢ်.
တၢ်အီသံးတအါတစှၤဘၣ်န့ၣ် ဘၣ်ယိၥ်တၢ်အလီၢ်တအိၣ်ဘၣ်, သနာ်က့ တၢ်အီသံးအါတလၢန့ၣ် ကမၤဘၣ်ဒိနတၢ်အိၣ်ဆူၣ်အိၣ်ချ့ဒီး ကဒုးကဲထီၣ်တၢ်ဂ့ၢ်ကီဖးဒိၣ်တဖၣ်, ပၣ်ဃုၥ်ဒီးတၢ်ဆါယံၥ်ထၢ, ခဲစၢၣ်တၢ်ဆါ, ဒီး တၢ်အီသံးအတၢ်သဘံၣ်ဘုၣ်တဖၣ်လီၤ.
နမ့ၢ်သးကိၢ်လၢနအီသံးအဃိ, Learn to Live မ့ၢ်၀ဲ တၢ်အိၣ်ယၢၤတခါလၢ ကဟ့ၣ်တၢ်မၤစၢၤအဂီၢ် (စူးကါတၢ်နုၥ်လီၤခွဲးလံၥ်ဖျၢၣ်ခူသူၣ် BLUEPLUS) တက့ၢ်.
လုၢ်လၢ်သကဲၥ်ပ၀းဒီး သးဂ့ၢ်၀ီဆူၣ်ချ့တၢ်အိၣ်သးတဖၣ် မၤဘၣ်ဒိနတၢ်ပၥ်သူၣ်ပၥ်သး, နတၢ်ဆိကမိၣ်ဆိကမး, ဒီးနတၢ်ဟူးတၢ်ဂဲၤတဖၣ်သ့၀ဲန့ၣ်လီၤ. မၤလိသ့ၣ်ညါဘၣ်ဃး တၢ်မၤအသးညီနုၢ်တဖၣ်, အတၢ်ဆါပနီၣ်တဖၣ်, ဒီး တၢ်ကူစါယါဘျါအကျိၤအကွၥ် တၢ်ဃုထၢတဖၣ်တက့ၢ်. ဃုထံၣ်န့ၢ်တၢ်အိၣ်ယၢၤတဖၣ်ဒီး တၢ်ဆီၣ်ထွဲလၢကမၤစၢၤသုးကျဲၤန့ၢ်သးအတၢ်ဆီၣ်သနံး, ကကွၢ်နီၣ်တၢ်သးဟးဂီၤအပနီၣ်, ဒီး ကမၤဂ့ၤထီၣ်နသးအတၢ်အိၣ်မုၥ်ဆိးပၢၤတက့ၢ်.
နဘၣ်လဲၤဖဲလဲၣ်ဖဲလဲၣ်ကီ၀ဲလၢနကသ့ၣ်ညါ၀ဲဒၣ် ဖဲနလိၣ်ဘၣ်တၢ်မၤစၢၤအါန့ၢ်ဒံးအခါလီၤ. သူပတၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ လၢကဃုထံၣ်န့ၢ်တၢ်တိစၢၤမၤစၢၤဘူးဒီးနၤလၢအပှ့ၤစှၤ၀ဲအဂီၢ်န့ၣ်လီၤ.
DHS_070626_K01 DHS အၢၣ်လီၤတူၢ်လိာ်07/14/2026