ဆူၣ်ချ့တၢ်အုၣ်ကီၤလၢ ပှၤလၢအမၤအကစၢ်တၢ်ဖံးတၢ်မၤအဂီၢ်
နမ့ၢ်မၤတၢ်မၤထဲတဂၤ မ့တမ့ၢ် နပှၤမၤတၢ်ဖိမ့ၢ်အိၣ်မ့ၢ်အိၣ်န့ၣ်နဃုထၢဆူၣ်ချ့တၢ်အုၣ်ကီၤလၢပှၤလၢမၤအကစၢ်တၢ်မၤအဂီၢ်လၢတဘျုးမံၤအကျါသ့ဝဲလီၤ.
ဆူၣ်ချ့အတၢ်တိာ်ကျဲၤတဖၣ်
ဆူၣ်ချ့တၢ်တိာ်ကျဲၤတဖၣ်လၢ ကဘၣ်တၢ်ဟးဃုသ့ၣ်ညါ၀ဲ
နကဆဲးဒိးန့ၢ်နတၢ်ဆူၣ်ချ့တၢ်အုၣ်ကီၤအတၢ်ဘူးတၢ်လဲဖဲ နနီၢ်ကစၢ်တၢ်မၤလီၢ်မ့ၢ်အိၣ် မ့တမ့ၢ် ပှၤမ့ၢ်ပှၤတၢၣ်ပီၣ်ဟ့ၣ်ကူၣ်တၢ်သဘျ့တဂၤ မ့တမ့ၢ် နမၤနီၢ်ကစၢ်တၢ်မၤလၢသဘျ့န့ၣ်ဒ်လဲၣ်.
မၤထွဲတၢ်အုၣ်ကီၤအတၢ်ဟံးစုနဲၣ်ကျဲၤတဖၣ်အံၤဒ်သိးတၢ်ကမၤလီၤတံၢ်လၢနၤ ဒီးနဟံၣ်ဖိဃီဖိအဆူၣ်ချ့တၢ်အုၣ်ကီၤကအိၣ်အဂီၢ်န့ၣ်တက့ၢ်.
SVG
တၢ်တိာ်ကျဲၤတဖၣ်လၢ ပှၤလၢအပၢဘၣ်တၢ်ထဲတဂၤဧိၤအဂီၢ်
SVG
တၢ်တိာ်ကျဲၤတဖၣ်လၢ နမ့ၢ်အိၣ်ဒီးပှၤမၤတၢ်ဖိတဂၤ မ့တမ့ၢ် အါန့ၢ်တဂၤလၢ အမၤန့ၢ်နတၢ်မၤအဃိ
တၢ်ဃုထၢတၢ်တိာ်ကျဲၤတခါ
ကဘၣ်ဃုထၢ ပှၤတဂၤစုာ်စုာ် မ့တမ့ၢ် ကရူၢ်ဆံးဖိအတၢ်တိာ်ကျဲၤ ခံခါအဘၢၣ်စၢၤဒ်လဲၣ်
ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်
ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်န့ၣ် ဟ့ၣ်တၢ်ဟ့ၣ်တၢ်ဘူးတၢ်လဲလၢနၤမ့တမ့ၢ်နဟံၣ်ဖိဃီဖိအဂီၢ်န့ၣ်လီၤ.
ပှၤတဂၤစုာ်စုာ်/ဟံၣ်ဖိဃီဖိဆူၣ်ချ့တၢ်အုၣ်ကီၤအတၢ်တိာ်ကျဲၤဘၣ်ဝဲလၢနဂီၢ်ဖဲနတၢ်အိၣ်သးသ့ၣ်တဖၣ်မ့ၢ်အိၣ်ဒ်အံၤ:
- နမ့ၢ်ပှၤလၢအပၢဘၣ်တၢ်ထဲတဂၤဧိၤ, ပှၤပၢတၢ် မ့တမ့ၢ် ပှၤလၢအမၤသကိးတၢ်လၢမုၢ်၀ဲၤတၢ်မၤအဆံးဖိတခါ ဒီး
- နပှၤမၤတၢ်ဖိကြၢးဘၣ်ဒီးတၢ်အုၣ်ကီၤန့ၣ် တအိၣ်ဝဲဘၣ်
တၢ်တိာ်ကျဲၤတဖၣ်လၢကရူၢ်ဆံးဆံးဖိအဂီၢ်
ဒ်သိးကကြၢးဘၣ်ဒီးကရူၢ်ဆံးဆံးဖိအပတီၢ်န့ၣ် ခီပနံၣ်ကလိၣ်ဘၣ်ပှၤမၤတၢ်ဖိကြၢးဝဲဘၣ်ဝဲလၢအစှၤကတၢၢ်တဂၤ လၢတပၣ်ဃုာ်ဒီး ပှၤမၤကစၢ်တၢ်မၤ, ပၢဘၣ် မ့တမ့ၢ်ပှၤန့ၢ်ခီပနံၣ်အတကူာ်တဂၤတသ့ဘၣ်န့ၣ်လီၤ.
နမ့ၢ်ကြၢးဘၣ်ဒီးတၢ်န့ၢ်အခွဲးတၢ်သိၣ်တၢ်သီတဖၣ်လၢလာ်အံၤန့ၣ် ဆူၣ်ချ့တၢ်အုၣ်ကီၤလၢကရူၢ်ဆံးဆံးဖိအဂီၢ်ဒ်အမ့ၢ်ဝဲ:
- နခီပနံၣ်အလီၢ်ခၢၣ်သးအိၣ်သူၣ်ထီၣ်အသးလၢ Minnesota အပူၤဒီးနမၤတၢ်မၤဖဲန့ၣ်
- ပှၤမၤန့ၢ်နတၢ်မၤလၢကြၢးဝဲဘၣ်ဝဲအစှၤကတၢၢ်တဂၤ ဒီး ပှၤလၢအမၤတၢ်ဆၢကတီၢ်လၢပှဲၤစှၤန့ၢ် 51 ဂၤ(ပှၤမၤတၢ်ဖိတဂၤန့ၣ် ကဘၣ်မ့ၢ်ပှၤမၤတၢ်ဖိလၢအဖိးသဲစး မ့တမ့ၢ်ပှၤမၤသကိးတၢ်ဒီးနၤနီၢ်နီၤတဂၤ)
- ပှၤမၤတၢ်ဖိကြၢးဝဲဘၣ်ဝဲလၢအစှၤကတၢၢ်တဂၤန့ၣ် ကဆဲးလီၤအမံၤလၢ ကရူၢ်တၢ်တိာ်ကျဲၤအပူၤ
- ပှၤမၤတၢ်ဖိကြၢးဝဲဘၣ်ဝဲလၢအတုၤထီၣ်ဘးဒီးတၢ်တိာ်ကျဲၤအတၢ်ဘျၢတဖၣ်န့ၣ် နကဟ့ၣ်ဘၣ်အဝဲသ့ၣ်လၢတၢ်အုၣ်ကီၤကိးဂၤဒဲးလီၤ.
တၢ်ဆဲးလီၤမံၤ
ကဘၣ်ဆဲးလီၤမံၤလၢ ပှၤလၢအမၤအကစၢ် တၢ်ဖံးတၢ်မၤတၢ်တိာ်ကျဲၤပူၤ အခါဖဲလဲၣ်
ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်
နဆဲးလီၤမံၤလၢ ပှၤတဂၤစုာ်စုာ်ဒီးဟံၣ်ဖိဃီဖိ အတၢ်အုၣ်ကီၤတၢ်တိာ်ကျဲၤတဖၣ်အပူၤသ့ ဖဲတနံၣ်တဘျီတၢ်ဆဲးလီၤမံၤအိးထီၣ်ကတီၢ်န့ၣ်လီၤ. ဘၣ်ဆၣ်သနာ်က့, နမ့ၢ်စးထီၣ်မၤနကစၢ်တၢ်မၤလၢ 60 သီအတီၢ်ပူၤဖဲ နလီၤမၣ်ကွံာ်တၢ်ဟ့ၣ်အဘူးအလဲခီဖျိ နတၢ်မၤတအိၣ်လၢၤဘၣ်အဃိ, ဘၣ်သ့ၣ်သ့ၣ်နကန့ၢ်အခွဲးလၢ တၢ်ဆဲးလီၤမံၤလီၤဆီအဂီၢ်လီၤ.
တၢ်တိာ်ကျဲၤတဖၣ်လၢကရူၢ်ဆံးဆံးဖိအဂီၢ်
နဆဲးလီၤမံၤလၢကရူၢ်ဆံးဆံးဖိအတၢ်တိာ်ကျဲၤတဖၣ်အဂီၢ်ဒီတနံၣ်ညါသ့လီၤ.
တၢ်ဆီၣ်ထွဲမၤစၢၤ
ဖဲနဃုထၢထီၣ်နတၢ်တိာ်ကျဲၤအခါန့ၣ် နကြၢးဆိကမိၣ်ထံတၢ်မနုၤလဲၣ်
တၢ်ဂ့ၢ်အကါဒိၣ်ကတၢၢ်တဖၣ်လၢ တၢ်ကဘၣ်ဆိကမိၣ်၀ဲ ဖဲတၢ်ဃုထၢဆူၣ်ချ့တၢ်တိာ်ကျဲၤတခါအဂီၢ်န့ၣ် ပၣ်ဃုာ်ဒီး-
- ပှၤဟ့ၣ်တၢ်ကွၢ်ထွဲ ဒီး ကသံၣ်ကျးတဖၣ်လၢတၢ်တိာ်ကျဲၤဘျးစဲပူၤ
- ဆူၣ်ချ့တၢ်လိၣ်ဘၣ်လၢနဆိကမိၣ်လၢနကလိၣ်ဘၣ်တဖၣ်
- ကသံၣ်ကသီလၢကသံၣ်သရၣ်ဟ့ၣ်လီၤနၤတဖၣ်
- တၢ်တိာ်ကျဲၤအဘူးအလဲတဖၣ်
ကရူၢ်ဆံးဆံးဖိအတၢ်တိာ်ကျဲၤတဖၣ်န့ၣ် ကမၤစှၤလီၤနခိၣ်နသွဲၣ်, ဒီးကဲဘျုးဘၣ်နၤ မ့ၢ်လၢပှၤကအဲၣ်ဒိးမၤတၢ်မၤဖဲန့ၣ်ဒီးဆဲးမၤတၢ်မၤဖဲန့ၣ်လီၤ.
ဒိးန့ၢ်တၢ်မၤစၢၤ
နတၢ်သံကွၢ်မ့ၢ်အိၣ်တမံၤမံၤ မ့တမ့ၢ်နလိၣ်ဘၣ်တၢ်မၤစၢၤ လၢကဆဲးလီၤမံၤအဂီၢ်န့ၣ် နတၢ်ဃုထၢအိၣ်ဝဲတဘျုးမံၤ-
ကိးဘၣ် 1-844-731-0755, TTY 711 လၢကကတိၤတၢ်ဒီး တၢ်ဆါတၢ်ပှ့ၤ အပှၤမၤတၢ်ဖိတဂၤအဂီၢ်တက့ၢ်.
ဆဲးကျၢနပှၤခၢၣ်စး မ့တမ့ၢ် ဃုထံၣ်န့ၢ်ပှၤခၢၣ်စးတဂၤ