တၢ်မၤသီထီၣ်က့ၤ မ့တမ့ၢ် ဆီတလဲနဆူၣ်ချ့တၢ်တိာ်ကျဲၤအဂ့ၢ်

အကါဒိၣ်လၢ နကသ့ၣ်နီၣ်လၢ ကဒိးန့ၢ်တၢ်အုၣ်ကီၤတၢ်ဟ့ၣ်အဘူးအလဲ လၢဆူၣ်ချ့တၢ်ကွၢ်ထွဲတၢ်တိစၢၤမၤစၢၤတမံၤအဂီၢ် နကဘၣ်လဲၤဆူကသံၣ်သရၣ်တဂၤ လၢနတၢ်တိာ်ကျဲၤအပှာ်ဘျးစဲအပူၤအအိၣ်န့ၣ်လီၤ.

ကသံၣ်သရၣ်လၢနလီၢ်ကဝီၤတနီၤန့ၣ် တပၣ်ဃုာ်လၢနတၢ်တိာ်ကျဲၤဘျးစဲအပူၤဘၣ်လီၤ. ကွၢ်လီၤတံၢ်လီၤဆဲးမ့ၢ်နကသံၣ်သရၣ်န့ၣ်မ့ၢ်ကသံၣ်သရၣ်လၢအအိၣ်လၢတၢ်တိာ်ကျဲၤပူၤတချုးနဒိးန့ၢ်ဘၣ်တၢ်ကွၢ်ထွဲတက့ၢ်.

နမ့ၢ်ဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ်မ့တမ့ၢ်တၢ်လီၢ်လၢတအိၣ်လၢနတၢ်တိာ်ကျဲၤဘျးစဲအပူၤဘၣ်န့ၣ် နတၢ်ကွၢ်ထွဲအဘူးအလဲကအါဒိၣ်ဝဲလီၤ.

တၢ်ဂ့ၢ်ကျၢၢ်တံၢ်ဘၣ်ဃး တၢ်န့ၢ်ဘျုးတဖၣ်ဒီး တၢ်ဟ့ၣ်အဘူးအလဲအဂ့ၢ် (SBC) လံာ်တီလံာ်မီဟ့ၣ်ဒုးသ့ၣ်ညါဘၣ်ဃး ဆူၣ်ချ့တၢ်တိာ်ကျဲၤအဘူးအလဲတဖၣ်, တၢ်န့ၢ်ဘျုးတဖၣ်ဒီး ဆူၣ်ချ့တၢ်ကွၢ်ထွဲတၢ်ဟ့ၣ်မၤစၢၤတဖၣ်လၢ ဘၣ်တၢ်ကျၢၢ်ဘၢန့ၢ်အီၤအဂ့ၢ်လီၤႉ