နသွံၣ်ဆၢတၢ်ဆါမ့ၢ်အိၣ်န့ၣ် မဲၤကူၤတၢ်ဆါကဲထီၣ်ဒီးနၤသ့အါန့ၢ်အန့ၣ်လီၤ. မဲကူၤတၢ်ဆါလၢအနးန့ၣ် မၤကီထီၣ်တၢ်လၢကပၢၤတၢ်ဆၢဂာ် လၢနသွံၣ်အပူၤသ့စ့ၢ်ကီးလီၤ. ဘၣ်ဆၣ် တၢ်ကွၢ်ထွဲမဲတၢ်ဆါဘၣ်ဃးသွံၣ်ဆၢလၢအကြၢးအဘၣ်န့ၣ် မၤဆူၣ်ချ့စၢၤနကိာ်ပူၤသ့န့ၣ်လီၤ.
မၤလီၤတံၢ်လၢနအိၣ်ဒီးမဲအတၢ်တိာ်ကျဲၤ ဒ်သိးကဟ့ၣ်အပှ့ၤလၢနတၢ်သမံသမိးတၢ်တဖၣ်အဂီၢ်တက့ၢ်.
ပှ့ၤ Blue Cross တၢ်ကွၢ်ထွဲမဲတၢ်ရဲၣ်တၢ်ကျဲၤတဖၣ်
မဲဆူၣ်ချ့တၢ်ဂ့ၢ်ကီတဖၣ်လၢ သွံၣ်ဆၢတၢ်ဆါဒုးကဲထီၣ်န့ၣ် ကဘၣ်ဒီသဒၢအီၤဒ်လဲၣ်
သွံၣ်ဆၢတၢ်ဆါဒီးကိာ်ပူၤဆူၣ်ချ့န့ၣ် ဘၣ်ထွဲလိာ်သးလီၤ. အဃိ အကါဒိၣ်လၢကပာ်ဆူၣ်ချ့နကိာ်ပူၤ ခီဖျိတၢ်ကွၢ်ထွဲမဲအဂ့ၤလၢဟံၣ် ဒီးတၢ်လဲၤထံၣ်လိာ်သးလၢမဲကသံၣ်သရၣ်ဘၣ်ဆၢဘၣ်ကတီၢ်န့ၣ်လီၤ.
သွံၣ်ဆၢတၢ်ဆါန့ၣ် မၤအါထီၣ်သ့စ့ၢ်ကီး တၢ်အဆၢလၢနထူးပျ့ၤထံအပူၤန့ၣ်လီၤ. ဘဲးတံရံယၤအဃၢ်လၢအအၢတဖၣ်န့ၣ် အီၣ်ဆၣ်သ့လၢဖဲန့ၣ် ဒီးပာ်ဖှိၣ်လၢတၢ်အီၣ် ဒ်သိးကထုးထီၣ်တၢ်အဖံးတဖၣ်လၢစဲဘူးစဲဘး လၢနမဲအလိၤလၢပှၤကိးဝဲ မဲအဃံာ်န့ၣ်လီၤ.
ဖဲမဲအဃံာ်အါထီၣ်န့ၣ် ဒုးကဲထီၣ်တၢ်ပူၤလီၢ်သ့ ဒီးမဲကူၤညိးထီၣ်ဒီးအသွံၣ်ဟးထီၣ်န့ၣ်လီၤ. အဝဲသ့ၣ်တဖၣ်န့ၣ်မ့ၢ် မဲကူၤတၢ်ဆါပနီၣ်တဖၣ်လီၤ.
တၢ်အံၤတဖၣ်မ့ၢ်ဝဲကျဲလၢကမၤဆူၣ်ချ့နမဲဒီးမဲကူၤတဖၣ်:
- ထူးမဲတနံၤခံဘျီဒီးဖလိၣ်ရဲးမဲကသံၣ်
- မၤကဆှီမဲကဆူးကိးမုၢ်နံၤ ဒ်သိးကမၤကဆှဲနမဲတဖၣ်အကဆူးဒီး မၤဆူၣ်ချ့မဲကူၤတဖၣ်
- တြီတၢ်အီၣ်ကျၢၤသးဒီးတၢ်ဆၢကိၣ်လိၣ်တဖၣ် လၢအမၤကျၣ်မဲတက့ၢ်
- အီထံဒီနံၤညါဒ်သိးကမၤစှၤလီၤအဲးဆ့းလၢ အမၤဟးဂီၤမဲတက့ၢ်
- ပၢၤဃာ်နသွံၣ်အဆၢ ဒ်သိးကမၤစှၤလီၤမဲအဃံာ်တက့ၢ်
- တဲနမဲကသံၣ်သရၣ်လၢ နအိၣ်ဒီးသွံၣ်ဆၢတၢ်ဆါ ဒီးဟံးန့ၢ်တၢ်မၤကဆှဲကဆှီသမံသမိး ဘၣ်ဆၢဘၣ်ကတီၢ်တက့ၢ်
မဲဆူၣ်ချ့တၢ်ဂ့ၢ်ကီအပနီၣ်တဖၣ်
နမ့ၢ်ဃုထံၣ်တၢ်ဂ့ၢ်ကီအပနီၣ်တဖၣ်လၢနကိာ်ပူၤန့ၣ် လဲၤထံၣ်လိာ်သးဒီးနမဲကသံၣ်သရၣ်တဘျီဃီတက့ၢ်. တၢ်လၢကဘၣ်ကွၢ်ဃုတဖၣ်န့ၣ်အိၣ်ဖဲအံၤ:
- မဲကူၤတဖၣ်ညိးထီၣ်, ဆါ မ့တမ့ၢ်အသွံၣ်ဟးထီၣ်
- တၢ်ဆါလၢကိာ်ပူၤမ့တမ့ၢ်ခၣ်ဃံလၢတဘျါ
- မဲလၢအတကျၢၤ
- တၢ်ဆါဖဲနအ့ၣ်အီၣ်တၢ်အခါ
- တၢ်သါအနၢအုၣ်လၢ နထူးမဲဘၣ်ဆၣ်တဟါမၢ်
တၢ်ကူစါလၢမဲကူၤတၢ်ဆါအဂီၢ်
နမဲကသံၣ်သရၣ်န့ၣ် ကဟ့ၣ်ကူၣ်တၢ်ကူစါအကျဲအါမံၤ လၢနမဲကူၤတၢ်ဆါအပတီၢ်အလိၤန့ၣ်လီၤ. အါစုအါဘျီန့ၣ် မဲကူၤတၢ်ဆါန့ၣ်ပှၤကူစါအီၤသ့ လၢအပတီၢ်အဆိတဖၣ်ဒီးတလိၣ်ဘၣ်တၢ်ကွဲးကူစါတၢ်ဘၣ်. ဘၣ်ဆၣ် ထ့းရှူမ့တမ့ၢ်အဃံလၢအိၣ်ဝးတရံးမဲန့ၣ် မ့ၢ်တဂ့ၤန့ၣ် ဘၣ်သ့ၣ်သ့ၣ်ကလိၣ်ဘၣ်တၢ်ကွဲးကူစါန့ၣ်လီၤ.
တၢ်ကူစါလၢမဲကူၤတၢ်ဆါအဂီၢ်န့ၣ် ပာ်ဃုာ်ဒီး:
- တၢ်မၤကဆှဲကဆှီတၢ်ဂ့ၤဂ့ၤဖၠဲးဖၠဲး ဒ်သိးကထုးထီၣ်ကွံာ်မဲအဃာ်လၢအကိၤ လၢမဲၤကူၤကျိၤအဖီခိၣ်ဒီးအဖီလာ်
- တၢ်မၤကဆှဲကဆှီတၢ်ယိာ်ယိာ် ဒ်သိးကကွးကွံာ်မဲအဃာ်လၢဒီး ထုးထီၣ်ကွံာ်တၢ်လၢအကိၤတဖၣ် အဃိဒီးမဲကူၤန့ၣ်ကျးက့ၤလၢမဲကသ့အဂီၢ်
- တၢ်ကွဲးကူစါဒ်သိးကဘှီဂ့ၤထီၣ် မ့တမ့ၢ်ထၢနုာ်က့ၤအဃံဒီးထ့းရှူ လၢအမၤကျၢၤမဲလၢအလီၢ်
Blue Cross မဲအတၢ်တိာ်ကျဲၤတဖၣ်
Blue Cross and Blue Shield of Minnesota န့ၣ်မၤညီန့ၢ်နၤတၢ်ဒီသဒၢနကိာ်ပူၤဆူၣ်ချ့န့ၣ်လီၤ. ပဟ့ၣ်သုမဲအတၢ်တိာ်ကျဲၤတဖၣ် ဒ်သိးကကြၢးဘၣ်ဝဲဒီးနတၢ်လိၣ်တဖၣ်ဒီးတိၢ်စ့န့ၣ်လီၤ.
Blue Cross မဲအတၢ်တိာ်ကျဲၤခဲလၢာ်န့ၣ် ပာ်ဃုာ်ဒီးတၢ်ဒီသဒၢအတၢ်ကွၢ်ထွဲ, ဃုာ်ဒီးတၢ်သမံသမိးဘၣ်ဆၢဘၣ်ကတီၢ်, တၢ်ဒိအဲးစရ့ဒီးတၢ်မၤကဆှဲကဆှီတဖၣ်န့ၣ်လီၤ. လၢတၢ်ဟ့ၣ်အဘူးအလဲအတၢ်ရဲၣ်ကျဲၤလၢနဃုထၢအဖီခိၣ်န့ၣ်, နတၢ်တိာ်ကျဲၤန့ၣ်ကမၤစၢၤဟ့ၣ်အလဲစ့ၢ်ကီးလၢတၢ်မၤပှဲၤ,တၢ်ဖျီၣ်မဲဒီးတၢ်မၤအဂုၤအဂၤတဖၣ်အဂီၢ်လီၤ.
ဒ် Blue Cross မဲကရူၢ်ဖိတဂၤအသိး နကအိၣ်ဒီးတၢ်ဒိးန့ၢ် တၢ်ကွၢ်ထွဲမဲဆူၣ်ချ့ညီညီ လၢထံကီၢ်ပူၤမဲတၢ်ဘျးစဲကရၢဒိၣ်ကတၢၢ်တဖၣ်အကျါတခါန့ၣ်လီၤ. မဲကသံၣ်သရၣ်10ဂၤအကျါ ခွံဂၤလၢကရၢကရိအပူၤန့ၣ် ဟ့ၣ်စ့ၢ်ကီးတၢ်မၤစှၤလီၤအပှ့ၤလၢတၢ်မၤတဖၣ်လၢတပၣ်ဃုာ်လၢနတၢ်တိာ်ကျဲၤအပူၤအတၢ်ဟ့ၣ်တၢ်ဘူးတၢ်လဲပူၤ, အိၣ်ဃုာ်ဒီးတၢ်ကွၢ်ထွဲတဖၣ်လၢနဒိးန့ၢ်ဖဲလၢနတုၤဆူတနံၣ်ဘၣ်တနံၣ်နဘျုးအဒိၣ်ကတၢၢ်န့ၣ်လီၤ.
ပှၤလၢတအိၣ်ဒီးBlue Cross ဆူၣ်ချ့တၢ်အုၣ်ကီၤ မ့တမ့ၢ် အိၣ်ထဲ Medicare တၢ်ကွၢ်ထွဲဆူၣ်ချ့ကိးဆဲးလီၤဒၣ်လဲၤဆဲးလီၤမံၤလၢBlue Crossမဲအတၢ်တိာ်ကျဲၤသ့ဝဲလီၤ. Blue Cross မဲအတၢ်တိာ်ကျဲၤတဖၣ်န့ၣ် မ့ၢ်ကျဲတဘိလၢ အကြၢးဒီးအပှ့ၤ ဒီးညီလၢကဒိးန့ၢ်တၢ်ကွၢ်ထွဲမဲအကြၢးအဘၣ်လၢနၤဒီးနဟံၣ်ဖိဃီဖိအဂီၢ်န့ၣ်လီၤ.