ဃုအီၣ်ဘၣ်ကသံၣ်

နမ့ၢ်အိၣ်ဒီးသွံၣ်ဆၢဆံၣ်ဆၢတၢ်ဆါ,သွံၣ်ဂံၢ်ထီၣ်တၢ်ဆါ မ့တမ့ၢ် ခိၣ်လဲးစထြီအိၣ်အါတၢ်ဆါဒီး နမ့ၢ်တအီကသံၣ်ဖီၣ်ဒ်ကသံၣ်သရၣ်မၤလိာ်နၤအသိးဘၣ်အဃိ, နတၢ်အိၣ်သးတဖၣ် တၢ်ဆါနးကပိာ်ထွဲထီၣ်အခံန့ၣ် ကဒိၣ်ဝဲလီၤ.

နဟ့ၣ်အပှ့ၤတန့ၣ်ဘၣ်ဧါႉ

• တဲဘၣ်နကသံၣ်သရၣ် မ့တမ့ၢ် ပှၤဆါကသံၣ်ကသီဘၣ်ဃး တၢ်မၤစှၤလီၤအပှ့ၤ မ့တမ့ၢ် ကသံၣ်ဖီၣ်လၢအတမ့ၢ်ပနံာ်မံၤတဖၣ်အဂ့ၢ်န့ၣ်တက့ၢ်ႉ
• ကွၢ်က့ၤမ့ၢ်နဆူၣ်ချ့တၢ်တိာ်ကျဲၤလၢအအိၣ်ဒီးန့ၣ်အိၣ်ဒီးတၢ်ရဲၣ်ကျဲၤတၢ်ကျဲၤလၢကမၤစှၤလီၤန့ၢ်နတၢ်လၢာ်ဘူၣ်လၢာ်စ့စ့ၣ်ဧါတက့ၢ်. ကွၢ်နတၢ်တိာ်ကျဲၤအပီးအလီတဖၣ် မ့တမ့ၣ် ကိးကွၢ်တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဒ်သိးဒီးကထံၣ်ဘၣ်မ့ၢ်နကြၢးမ့တမ့ၢ်တကြၢးလၢ တၢ်ကဃုထၢထီၣ်နၤအဂီၢ်န့ၣ်တက့ၢ်ႉ
• မၤကွၢ် တၢ်မၤလိာ်လၢ လံာ်ပရၢတက့ၢ်. နတၢ်န့ၢ်ဘျုးတဖၣ်အပူၤမ့ၢ်ပၣ်ဃုာ်ဝဲ တၢ်မၤလိာ်တၢ်ဟ့ၣ်ကသံၣ်အလံာ်က့ ခီဖျိတၢ်ဆှၢလံာ်ပရၢသနူ အဃိဒီး နဒိးန့ၢ်ဘၣ်ဝဲတၢ်ဟ့ၣ်ကသံၣ်အလံာ်က့သ့ခီဖျိလၢ တၢ်ဆှၢဟ့ၣ်လံာ်ပရၢန့ၣ်လီၤႉ တၢ်န့ၣ်အိၣ်ဒီးတၢ်ဘၣ်ဘျီးဘၣ်ဒါဒီး မၤလီၤစှၤနတၢ်လၢာ်ဘူၣ်လၢာ်စ့သ့ဝဲန့ၣ်လီၤႉ
• ဆီတလဲကွံာ်လၢ အဘၣ်တၢ်မၤပှဲၤက့ၤအီၤတလါဘၣ်တလါန့ၣ်လီၤႉ နမၤစှၤလီၤနတၢ်လၢာ်ဘူၣ်လၢာ်စ့သ့ဝဲဒီး 90-day ကသံၣ်ကသီလၢကသံၣ်သရၣ်ဟ့ၣ်လီၤတဖၣ် .
• အိၣ်ဆိးလၢနကသံၣ်ကျးတၢ်ဘျးစဲအပူၤတက့ၢ်ႉ ဃုကွၢ်ကသံၣ်ကျးအတၢ်ဘျးစဲတဖၣ်.
• ပှ့ၤတၢ်ဆူအံၤဆူနုၤတက့ၢ်. ကသံၣ်ကျးကိးခါဒဲးတဆါဝဲဒၣ်လၢကသံၣ်အပှ့ၤဒ်သိးသိးလၢကသံၣ်ဖီၣ်တမံၤဃီဒၣ်အဂီၢ်ဘၣ်န့ၣ်လီၤႉ ဃုကွၢ် ကသံၣ်ကသီလၢကသံၣ်သရၣ်ဟ့ၣ်လီၤတဖၣ်ဃုာ်ဒီး အပှ့ၤအိၣ်လီၤတဲာ်တဖၣ်န့ၣ်တက့ၢ် .
• ဃုသ့ၣ်ညါဘၣ်ဃးနတၢ်တိာ်ကျဲၤအဂ့ၢ်  သ့ၣ်ညါဒီးနၢ်ပၢၢ် နကသံၣ်လၢကသံၣ်သရၣ်ဟ့ၣ်လီၤ အတၢ်န့ၢ်ဘျုးတဖၣ်တက့ၢ် .

သးပ့ၤနီၣ် မ့တမ့ၢ် ဆၢကတီၢ်တအိၣ်ဘၣ်ဧါႉ

ပဝဲခဲလၢာ်ပမၤပသးဒ်န့ၣ်အသိးလီၤႉ တၢ်လၢအဒုးသ့ၣ်နီၣ်ထီၣ်က့ၤပှၤန့ၣ် မၤစၢၤပဝဲသ့တဘျီတခီၣ်လီၤႉ

• သူတၢ်ဒုးသ့ၣ်နီၣ်ထီၣ်က့ၤအဲး(ပ)တခါလၢအအိၣ်ဖဲနလီတဲစိအပူၤန့ၣ်တက့ၢ်ႉ ကွၢ်ဃု Apple မ့တမ့ၢ် Android app store တဖၣ်လၢတၢ်ဟ့ၣ်ကသံၣ်အလံာ်က့တၢ်ဟ့ၣ်ပလီၢ် မ့တမ့ၢ်တၢ်ခိးကွၢ်ပိာ်ထွဲကသံၣ်ဖီၣ်အဲး(ပ)န့ၣ်လီၤ.
• ကွဲးနီၣ်လီၤတက့ၢ်ႉ
• သံကွၢ်သံဒိးနပှၤဆါကသံၣ်ကသီလၢ တၢ်မၤပှဲၤကဒါက့ၤအတၢ်ဒၣ်ဝဲတဖၣ်အဂ့ၢ် နမ့ၢ်သးပ့ၤနီၣ်ဘၣ်နသးလၢနကမၤပှဲၤကဒါက့ၤနကသံၣ်တဖၣ်လၢကသံၣ်သရၣ်ဟ့ၣ်လီၤန့ၣ်တက့ၢ်ႉ
• မၤပှဲၤကဒါက့ၤနကသံၣ်တဖၣ်လၢကသံၣ်သရၣ်ဟ့ၣ်လၢအဘျီစှၤဝဲဃုာ်ဒီး 90-သီ တၢ်ဟ့ၣ်ကသံၣ်အလံာ်က့တဖၣ် (ခီဖျိတၢ်ဆှၢပရၢ မ့တမ့ၢ် လၢတၢ်ဆါတၢ်ကစဲးကစီးဝဲၤလီၢ်)တက့ၢ်.
• ဒိးန့ၢ်ကသံၣ်ကသီ ခီဖျိတၢ်မၤလိာ်လၢ လံာ်ပရၢတက့ၢ်.စူးကါ တၢ်မၤလိာ်လၢ လံာ်ပရၢ ဒ်သိး နတၢ်ဆၢကတီၢ် ကလၢာ်စှၤအဂီၢ်တက့ၢ်. အမၤလီၤစှၤတၢ်လၢာ်ဘူၣ်လၢာ်စ့သ့ဝဲစ့ၢ်ကီးန့ၣ်လီၤ.

နၢ်တပၢၢ် မ့တမ့ၢ် ဘၣ်ယိာ်လၢကသံၣ်အတၢ်ဒိဘၣ်အဃိန့ၣ်ဧါႉ

တဘျီတခီၣ်တၢ်တဆှဲဘၣ်နၤလၢ နကြၢးစူးကါကသံၣ်တဖၣ်ဒ်လဲၣ်အဂ့ၢ်လီၤႉ နကသံၣ်သရၣ်ဒီးနသကိးတဖၣ် မ့တမ့ၢ် နဟံၣ်ဖိဃီဖိတဖၣ်မၤစၢၤနၤသ့ဝဲလီၤႉ

• တဲဘၣ်နကသံၣ်သရၣ်ဒ်သိးကကွဲးန့ၣ်နၤလၢ နကဘၣ်သုကသံၣ်ဒ်လဲၣ်အဂ့ၢ်လီၤတံၢ်လီၤဆဲး ဒီးမၤလီၤတံၢ်က့ၤနသးလၢ နနၢ်ပၢၢ်ခဲလၢာ်ခဲဆ့န့ၣ်တက့ၢ်ႉ
• ဖဲနလဲၤထံၣ်ကသံၣ်သရၣ်အခါ လဲၤကိးနသကိး မ့တမ့ၢ် နဟံၣ်ဖိဃီဖိတဂၤဃုာ်ဒီးနၤ ဒ်သိးကဒိကနၣ်ဒီးသံကွၢ်တၢ်သံကွၢ်တဖၣ်တက့ၢ်ႉ
• ကတိၤသကိးတၢ်ဒီးနကသံၣ်သရၣ်ဘၣ်ဃးဒီး ကသံၣ်အတၢ်ဒိဘၣ်တမံၤဂ့ၤတမံၤဂ့ၤအဂီၢ်တက့ၢ်ႉ တၢ်ဃုထၢအဂုၢ်အဂၤတဖၣ်စ့ၢ်ကီးဒိးန့ၢ်သ့ဝဲလီၤႉ