တၢ်မၤစၢၤနတၢ်အိၣ်မူလၢပှဲၤဒီးတၢ်အိၣ်ဆူၣ်အိၣ်ချ့

MDU ပှၤအိၣ်ယၢၤ အပှၤမၤတၢ်ဖိတဖၣ်န့ၣ် ဃုထၢဝဲဒၣ်တၢ်လၢ တၢ်ဟ့ၣ်ဆိအဘူးအလဲ လၢအထီ ဆူၣ်ချ့ တၢ်တိာ်ကျဲၤတဖၣ်(HDHP) လၢအလီၤဆီလိာ်သး ခံမံၤအဘၢၣ်စၢၤသ့လီၤ. တၢ်တိာ်ကျဲၤခံမံၤလၢာ်န့ၣ်ဟ့ၣ် တၢ်အုၣ်ကီၤ တၢ်ဟ့ၣ်အဘူးအလဲ လၢ တၢ်ဒီသဒၢအတၢ်ကွၢ်ထွဲ, တၢ်လဲၤဒုးနဲၣ်သးလၢ ​ဝဲၤဒၢး, တၢ်ဘၣ်ထီၣ်တၢ်ဆါဟံၣ်, တၢ်ကူးကွဲးယါဘျါ, ကသံၣ်ကသီလၢကသံၣ်သရၣ်ဟ့ၣ်လီၤတဖၣ် ဒီး အဂၤတဖၣ်န့ၣ်လီၤ. ကသံၣ်ကသီ တၢ်တိာ်ကျဲၤ တခါစုာ်စုာ်န့ၣ် ဟ့ၣ်ထီၣ် တၢ်ဟ့ၣ်ကသံၣ်အလံာ်က့ တၢ်ဟ့ၣ်အဘူးအလဲ လၢ FlexRx တၢ်ဒီသဒၢ မံၤကွဲးရဲၣ်အဖီလာ်န့ၣ်လီၤ. ကသံၣ်ကသီလၢကသံၣ်သရၣ်ဟ့ၣ်လီၤတဖၣ် လၢတၢ်ကွဲးရဲၣ်အံၤအပူၤတဖၣ်န့ၣ် တၢ်ဒိးန့ၢ်အီၤ လၢတလၢာ်ဘၣ်ဘူးလဲ လၢပှၤမၤတၢ်ဖိတဖၣ်အဂီၢ်ဒီး အဝဲသ့ၣ် အဟံၣ်ဖိဃီဖိတဖၣ်လၢ တၢ်ကျၢၢ်ဘၢမၤစၢၤအီၤအဂီၢ်န့ၣ်လီၤ. ပှာ်ဘျးစဲပူၤ ကသံၣ်ကသီလၢကသံၣ်သရၣ်ဟ့ၣ်လီၤအီၤခဲလၢာ်တဖၣ်န့ၣ် ဘၣ်တၢ်ကျၢၢ်ဘၢအီၤဖဲ 80% (ဖဲ တၢ်ဟ့ၣ်ဆိအဘူးအလဲ ဝံၤအလီၢ်ခံန့ၣ်လီၤ). တၢ်တိာ်ကျဲၤတဖၣ်န့ၣ် လီၤဆီဝဲဒၣ်လၢ တၢ်ဟ့ၣ်ဆိအဘူးအလဲတဖၣ်အပူၤဒီး တၢ်ထုးထီၣ်ဟ့ၣ်တၢ်အဘူးအလဲလၢ စ့ထၢၣ်ပူၤ အစှၤကတၢၢ် အပူၤန့ၣ်လီၤ.

HSA တၢ်တိာ်ကျဲၤ 1 ဟ့ၣ်လီၤ၀ဲဒၣ်တၢ်ဟ့ၣ်ဆိအဘူးအလဲလၢ တၢ်ပာ်ဖှိၣ်ဃာ်တမံၤဃီဒီး တၢ်ဟ့ၣ်အဘူးအလဲလၢ နီၢ်ကစၢ်စ့အအါကတၢၢ်လီၤ. တၢ်တိာ်ကျဲၤလၢ တၢ်ပာ်ဖှိၣ်ဃာ်အီၤတမံၤဃီန့ၣ် စးထီၣ်ဟ့ၣ်ဝဲဒၣ်ဘူးလဲလၢ တၢ်တိစၢၤမၤစၢၤတဖၣ်လၢ ဘၣ်တၢ်ကျၢၢ်ဘၢန့ၢ်အီၤအဂီၢ် ဖဲလၢတၢ်ဟ့ၣ်ဆိအဘူးအလဲ မ့တမ့ၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်ခဲလၢာ် ထီၣ်ဘးဝဲတဘျီဃီန့ၣ်လီၤ. တၢ်အံၤထီၣ်ဘးဝဲဒၣ်ခီဖျိ ပှၤတဂၤ မ့တမ့ၢ် ဟံၣ်ဖိဃီဖိတဖၣ် ပာ်ဖှိၣ်ထီၣ်အသး သ့ဝဲန့ၣ်လီၤ.

HSA တၢ်တိာ်ကျဲၤ 2 ဟ့ၣ်လီၤန့ၢ်၀ဲ တၢ်ဟ့ၣ်ဆိအဘူးအလဲလၢ တၢ်မၤစဲထီဃာ်အီၤအဂီၢ်ဒီး တၢ်ဟ့ၣ်အဘူးအလဲလၢနီၢ်ကစၢ်စ့အအါကတၢၢ်ပာ်ဖှိၣ်န့ၣ်လီၤ. တၢ်တိာ်ကျဲၤတမံၤလၢ အအိၣ်ဒီး တၢ်ဟ့ၣ်ဆိအဘူးအလဲ လၢတၢ်မၤစဲထီဃာ်အီၤန့ၣ် စးထီၣ်ဟ့ၣ်တၢ်အဘူးအလဲလၢ တၢ်ကျၢၢ်ဘၢမၤစၢၤအီၤလၢ ဟံၣ်ဖိဃီဖိအဆိကတၢၢ်တဂၤလၢ အထီၣ်ဘးဝဲဒၣ် တၢ်တိာ်ကျဲၤ တမံၤ တၢ်ဟ့ၣ်ဆိအဘူးအလဲန့ၣ်လီၤ. တၢ်ဟ့ၣ်အဘူးအလဲလၢ နီၢ်ကစၢ်စ့အအါကတၢၢ်ပာ်ဖှိၣ်န့ၣ် စးထီၣ်ဟ့ၣ်၀ဲ တၢ်တိစၢၤမၤစၢၤတဖၣ်လၢ ဘၣ်တၢ်ကျၢၢ်ဘၢန့ၢ်အီၤအဂီၢ် ဖဲလၢတၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်ဒီတခါ ထီၣ်ဘး၀ဲတဘျီဃီန့ၣ်လီၤ. တၢ်အံၤထီၣ်ဘးဝဲဒၣ်ခီဖျိ ပှၤတဂၤ မ့တမ့ၢ် ဟံၣ်ဖိဃီဖိတဖၣ် ပာ်ဖှိၣ်ထီၣ်အသး သ့ဝဲန့ၣ်လီၤ.

တၢ်တိာ်ကျဲၤခံခါလၢာ်န့ၣ် တၢ်ဘျးစဲအီၤသ့လၢ တၢ်ပၢၤဃာ်စ့အကီးလၢဆူၣ်ချ့ဂီၢ် (HSA) န့ၣ်လီၤ. တၢ်အံၤဟ့ၣ်နၤတၢ်ပျဲလၢ နကပာ်ကီၤဃာ် ကျိၣ်စ့လၢ တအိၣ်ဒီး ခိသွဲ လၢဆူၣ်ချ့တၢ်ကွၢ်ထွဲ တၢ်လၢာ်ဘူၣ်လၢာ်စ့ၤလၢ တၢ်ဒိးန့ၢ်အီၤသ့ အဂီၢ်န့ၣ်လီၤ. ကျိၣ်စ့လၢ HSA တခါအပူၤန့ၣ် တၢ်စိာ်ခီအီၤသ့ဝဲ တနံၣ်ဘၣ်တနံၣ် ဒီး တၢ်အံၤ တၢ်ကပၢၤဘၣ်အီၤလၢ ပှၤမၤတၢ်ဖိ ဖဲလၢ နဆီတလဲ နတၢ်မၤ မ့တမ့ၢ် နကသံၣ်ကသီ တၢ်တိာ်ကျဲၤဒၣ်လဲၣ်န့ၣ်လီၤ.