မၤလိဘၣ်ဃးတၢ်ကွၢ်ထွဲစီၤစိလၢအ့ထၢၣ်နဲးဖီခိၣ် လၢကနၢ်ပၢၢ်ထီၣ် နတၢ်ဃုထၢတဖၣ် ဒီးတၢ်ဟ့ၣ်အဘူးအလဲတဖၣ် ဒ်သိးနအိၣ်ကတဲာ်ကတီၤနသး ဖဲတၢ်လိၣ်အလီၢ်မ့ၢ်အိၣ်န့ၣ်လီၤ.
တၢ်အံၤန့ၣ် ပၣ်ဃုာ်ဒီးဆူၣ်ချ့တၢ်ကွၢ်ထွဲ ခီဖျိလီတဲစိ (တၢ်သ့ၣ်ညါအီၤဒ် တၢ်ဟ့ၣ်ကသံၣ်ခီဖျိလီတဲစိ, လီတဲစိတၢ်ဂီၢ်မူ မ့တမ့ၢ် တၢ်အံးထွဲကွၢ်ထွဲခီဖျိလီတဲစိ) ဒီး တၢ်ထံၣ်လိာ်သးလၢလီၢ်ယံၤတဖၣ်န့ၣ်လီၤ. တၢ်ကွၢ်ထွဲစီၤစိလၢအ့ထၢၣ်နဲးဖီခိၣ် တၢ်ဘၣ်ထွဲခီဆၢလိာ်သးတဖၣ်န့ၣ် ကမ့ၢ်၀ဲခီဖျိလံာ်ပရၢ, လီတဲစိ မ့တမ့ၢ် တၢ်ဂီၤမူန့ၣ်လီၤ. တၢ်ဃုထၢတဖၣ် ဒီးတၢ်အဘူးအလဲတဖၣ် လၢကသံၣ်သရၣ်ဒီးတၢ်တိာ်ကျဲ လီၤဆီလိာ်သးလီၤ.
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ် အတၢ်န့ၢ်ဘျုးလၢ Medicare အကရူၢ်ဖိတဂၤဒီးတဂၤ လီၤဆီလိာ်သးန့ၣ်လီၤ. ၀ံသးစူၤ ကွၢ်တၢ်တိာ်ကျဲတၢ်ဂ့ၢ်လီၤတံၢ်တဖၣ်န့ၣ်တက့ၢ်.
နကသံၣ်သရၣ်လၢအမ့ၢ်ကသံၣ်သရၣ်လီၤဆီစဲၤနီၣ်သ့တဂၤန့ ဟ့ၣ်နၤတၢ်ကွၢ်ထွဲဘၣ်ဆၢဘၣ်ကတီၢ် မ့တမ့စးထီၣ်အသီ
တၢ်ဆၢကတီၢ်ဖုၣ်ကိာ်, တၢ်အံးထွဲကွၢ်ထွဲလၢအတမ့ၢ်ဂ့ၢ်ဂီၢ်အူဃုာ်ဒီး ကသံၣ်သရၣ်တဂၤဂ့ၤတဂၤဂ့ၤ
တၢ်ဆဲးကျၢဒီးကသံၣ်သရၣ်စဲၣ်နီၤခီဖျိအ့ထၢၣ်နဲး ဘၣ်ဘျိးဘၣ်ဒါ၀ဲဒီး ကဲဘျုးဘၣ်နၤလၢတၢ်အိၣ်သးအါမးအပူၤန့ၣ်လီၤ.
နကသံၣ်သရၣ်လၢအမ့ၢ်ကသံၣ်သရၣ်လီၤဆီစဲၤနီၣ်သ့တဂၤန့ ဟ့ၣ်နၤတၢ်ကွၢ်ထွဲဘၣ်ဆၢဘၣ်ကတီၢ် မ့တမ့စးထီၣ်အသီ
စရီတလၢပှဲၤဒံးဘၣ်. ကသံၣ်သရၣ်တဂၤဘၣ်တဂၤ လီၤဆီလိာ်သးလီၤ.
တၢ်အံးထွဲကွၢ်ထွဲလၢအတမ့ၢ်ဂ့ၢ်ဂီၢ်အူလၢကသံၣ်သရၣ်တဂၤဂ့ၤတဂၤဂ့ၤ
စရီတလၢပှဲၤဒံးဘၣ်. ကသံၣ်သရၣ်တဂၤဘၣ်တဂၤ လီၤဆီလိာ်သးလီၤ.
ကသံၣ်သရၣ်အါတက့ၢ် ဟ့ၣ်တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်, လီၤဆီဒၣ်တၢ်လၢ COVID- 19တၢ်ဆါသတြိာ်ဝံၤအလီၢ်ခံန့ၣ်လီၤ.
ကျဲအချ့ကတၢၢ်လၢ ကသ့ၣ်ညါလၢ ကသံၣ်သရၣ်ဟ့ၣ်တၢ်ကွၢ်ထွဲလၢလီၢ်ယံၤဒီး/မ့တမ့ၢ်ဆူၣ်ချ့တၢ်ကွၢ်ထွဲ ခီဖျိလီတဲစိဧါ ကွၢ်ဘၣ်၀ဲအပှာ်ယဲၤသန့ မ့တမ့ၢ် ဆဲးကျိးအီၤန့ၣ်လီၤ.
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်တၢ်ဃုထၢတဖၣ်, တၢ်ကိးအီၤဒ်လဲၣ် ဒီးနသ့ၣ်ဆၢဖးကတီၢ်အီၤဒ်လဲၣ် ကသံၣ်သရၣ်တဂၤဒီးတဂၤလီၤဆီ၀ဲန့ၣ်လီၤ. ကသံၣ်သရၣ်လၢနဘၣ်သးဒိၣ်ကတၢၢ်တဖၣ် ဟ့ၣ်ထီၣ် တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်မနုၤတဖၣ်လဲၣ်န့ၣ် ဃုကွၢ်၀ဲတက့ၢ်.
အဒိ North Memorial Health ကသံၣ်ဒၢးတဖၣ် ဟ့ၣ်ထီၣ်အ့ထၢၣ်နဲးတၢ်လဲၤဒိးပၠးသးအဂီၢ်လၢ MyChart အပူၤ ဒီး ရဲၣ်ကျဲၤသ့ၣ်နံၤဖးသီ တၢ်မၤတၢ်ထံၣ်စီၤစိလိာ်သးလၢအ့ထၢၣ်နဲးဖီခိၣ် လၢဂံၢ်ခီၣ်ထံးတၢ်ကွၢ်ထွဲ မ့တမ့ၢ် တၢ်ကွၢ်ထွဲလီၤဆီအဂီၢ် ဃုာ်ဒီးတၢ်ဟ့ၣ်ဆိမံၤစရီလၢ တၢ်လဲၤထံၣ်လိာ်သးဒီးကသံၣ်သရၣ်အဂီၢ်န့ၣ်လီၤ.
ဘၣ်သ့ၣ်သ့ၣ်နကကြၢး၀ဲဘၣ်၀ဲလၢကသံၣ်သရၣ်လၢအလိၣ်ဘၣ်ချ့ချ့(Doctor On Demand)®(ခီၣ်ပနံၣ်သဘျ့ရဲၣ်ကျဲၤ၀ဲဆူၣ်ချ့တၢ်တိစၢၤမၤစၢၤလၢလီတဲစိအကလုာ်ကလုာ်)မ့တမ့ၢ် ကသံၣ်သရၣ်အဂၤတဖၣ်လၢအအိၣ်လၢထံလီၢ်ကီၢ်ပူၤန့ၣ်လီၤ.
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်တကလုာ် လၢနအဲၣ်ဒိးနီၣ်ဘၣ်က့ၤအီၤလၢခါဆူညါအဂီၢ်န့ၣ် မၤနီၣ်ဃာ်အီၤတမံၤလၢ်လၢ်တက့ၢ်.
တၢ်ဟ့ၣ်အဘူးအလဲလၢ တၢ်ကူစါတၢ်ဆါတမံၤဂ့ၤတမံၤဂ့ၤန့ၣ်, ပၣ်ဃုာ်ဒီးသ့ၣ်ဆၢဖးကတီၢ်လၢတၢ်ကွၢ်ထွဲစီၤစိလၢအ့ထၢၣ်နဲးဖီခိၣ်, လၢဆူၣ်ချ့တၢ်တိာ်ကျဲၤတခါစုာ်စုာ် လီၤဆီလိာ်သးန့ၣ်လီၤ. မ့ၢ်လၢ Blue Cross ဟ့ၣ်ဆူၣ်ချ့တၢ်တိာ်ကျဲၤခွဲးယာ်အါမးအဃိ, တၢ်အကါဒိၣ်၀ဲလၢ နကနၢ်ပၢၢ်နတၢ်တိာ်ကျဲၤပၣ်ဃုဒီးတၢ်မနုၤတဖၣ်လဲၣ် ဒီးတၢ်ကူစါဒ်လဲၣ်တဖၣ်လဲၣ်, လီၤဂာ်ဒ် ကသံၣ်သရၣ်လၢတၢ်တိာ်ကျဲၤဘျးစဲအချၢ မ့တမ့ၢ်တၢ်တိာ်စၢၤမၤစၢၤတၢ်ရဲၣ်တၢ်ကျဲၤလၢတလိၣ်ဟ့ၣ်တၢ်အဘူးအလဲ, တၢ်လၢာ်ဘူၣ်လၢစ့ၤအါထီၣ်သ့န့ၣ်လီၤ. တၢ်လီၢ်အဆိကတၢၢ်တတီၤ လၢနကြၢးကွၢ်၀ဲန့ၣ် မ့ၢ်၀ဲနတၢ်န့ၢ်ဘျုးလံာ်ဆံးဆံးဖိန့ၣ်လီၤ.
ဒ်သိးနဘူးလဲကစှၤလီၤအဂီၢ် တချုးနသ့ၣ်ဆၢဖးကတီၢ်လၢကထံၣ်လိာ်သးဒံးဘၣ် မ့ၢ်ဒၣ်တၢ်အကါဒိၣ်လၢ နကမၤလီၤတံၢ်ကသံၣ်သရၣ်တဂၤန့ၣ် အိၣ်လၢတၢ်တိာ်ကျဲၤဘျးစဲအပူၤဧါန့ၣ်လီၤ. နစူးကါပ ဃုဒိးန့ၢ်ကသံၣ်သရၣ်တဂၤ တၢ်ပီးတၢ်လီသ့ဒ်သိးကဃုထံၣ်န့ၢ် ပှၤဟ့ၣ်မၤစၢၤတၢ်တဖၣ်ဒီး ကမၤလီၤတံၢ်လၢအ၀ဲသ့ၣ်တဖၣ် အိၣ်လၢနတၢ်တိာ်ကျဲၤပှာ်ဘျးစဲအပူၤ အဂီၢ်လီၤ.
ဆဲးကျိးပှၤမ့ၢ်နတဃုထံၣ်န့ၢ်တၢ်လၢနလိၣ်ဘၣ် မ့တမ့ၢ် သးလီၤ၀ဲတၢ်မၤလီၤတံၢ်အါထီၣ်တဖၣ်အဂီၢ်န့ၣ်တက့ၢ်.
တၢ်အဘူးအလဲန့ၣ် လဲလိာ်၀ဲသ့ခီဖျိတၢ်တိာ်ကျဲၤဒီးကသံၣ်သရၣ်န့ၣ်လီၤ. တၢ်မၤလီၤတံၢ်တၢ်ဂ့ၢ်တၢ်ကျိၤတဖၣ် လီၤတံၢ်လီၤဆဲးတချုးမၤသ့ၣ်ဆၢဖးကတီၢ် လၢကထံၣ်လိာ်သးန့ၣ် ထီဘိအကါဒိၣ်၀ဲန့ၣ်လီၤ.
အါဒၣ်တက့ၢ်န့ၣ်, တၢ်ထံၣ်လိာ်သးလၢတၢ်လီၢ်ယံၤ(e-visits)န့ၣ် ကကွဲးရဲၣ်လီၤတၢ်အဘူးအလဲဂၢၢ်ကျၢၤတချုးဆီလီၤပာ်လီၤတၢ်ဆၢကတီၢ် ဒီးတၢ်တဖၣ်န့ၣ် စှၤန့ၢ်ဆူၣ်ချ့တၢ်ကွၢ်ထွဲ ခီဖျိလီတဲစိဒီးတၢ်လဲၤထံၣ်လိာ်သးလၢတၢ်ချၢနီၢ်ကစၢ်ဒၣ်၀ဲန့ၣ်လီၤ.
ကသံၣ်သရၣ်မ့ၢ်ဘျးစဲဒီးနတၢ်တိာ်ကျဲၤန့ၣ် တၢ်တိာ်ကျဲၤအါမံၤ ဟ့ၣ်ဝဲ အ့ၣ်ထၢၣ်နဲးအလိၤတၢ်ထံၣ်လိာ်သးလၢတၢ်လီၢ်ယံၤတပာ်ပနီၣ်အီၤဘၣ်ဒီး တအိၣ်ဒီးကရူၢ်ဖိအတၢ်ဟ့ၣ်အဃဲၤအဘူးအလဲန့ၣ်လီၤ.
ဆူၣ်ချ့တၢ်ကွၢ်ထွဲ ခီဖျိလီတဲစိ ဒီးတၢ်ထံၣ်လိာ်သးလၢနနီၢ်ကစၢ်အဘူးအလဲညီနုၢ်ထဲသိးသိးန့ၣ်လီၤ.
Medical Assistance (Medicaid) တၢ်တိာ်ကျဲၤတမံၤစုာ်စုာ်န့ၣ် အိၣ်ဒီးတၢ်ဟ့ၣ်အဘူးအလဲလၢ အလီၤဆီလိာ်သး လီၤတံၢ်လီၤဆဲးန့ၣ်လီၤ.
၀ံသးစူၤဃုထၢနတၢ်တိာ်ကျဲၤ ဒီးနုာ်လီၤကွၢ်အလံာ်ကဘျံးပၤလီၤတံၢ် ဒ်သိးကမၤလိဘၣ်ဃးတၢ်ကွၢ်ထွဲစီၤစိ လၢအ့ထၢၣ်နဲးဖီခိၣ်န့ၣ်တက့ၢ်.
တၢ်ထံၣ်လိာ်သးလၢနနီၢ်ကစၢ်ဒီး တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်အဘူးအလဲ ဒ်သိးသိးန့ၣ်လီၤ.
နဒိးန့ၢ်တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်လၢနခ့ခါကသံၣ်သရၣ်မ့ၢ်ဂ့ၤ မ့တမ့ၢ် လၢကသံၣ်သရၣ်လၢအလိၣ်ဘၣ်ချ့ချ့(Doctor On Demand)မ့ၢ်ဂ့ၤ,ကရူၢ်ဖိ တၢ်ဟ့ၣ်သဃဲၤအဘူးအလဲၤဒ်သိးသိး: $0တၢ်ဟ့ၣ်သဃဲၤလၢတၢ်အံးထွဲကွၢ်ထွဲနီၢ်ကစၢ်ဆူၣ်ချ့ဒီး $50/$30/$20လၢတၢ်အံးထွဲးကွၢ်ထွဲလီၤဆီအဂီၢ်, ဒိးသန့ၤသးလၢနတၢ်တိာ်ကျဲၤအဖီခိၣ်န့ၣ်လီၤ.
ကသံၣ်သရၣ်လၢအလိၣ်ဘၣ်ချ့ချ့ (Doctor On Demand) န့ၣ် မ့ၢ်၀ဲခီပနံၣ်သဘျ့တခါဧိၤလၢအရဲၣ်ကျဲၤဆူၣ်ချ့တၢ်တိစၢၤမၤစၢၤလၢလီတဲစိ လၢဘၣ်တၢ်ကျၢၢ်ဘၢလၢနတၢ်တိာ်ကျဲၤအဖီလာ်န့ၣ်လီၤ. ခီပနံၣ်အဂၤတဖၣ်, လၢအမ့ၢ် ဘၣ်တူၢ်၀ဲ(လ)(Virtuwell) မ့တမ့ၢ် ထဲၣ်ဘၣ်ဒီး(Teladoc) တကျၢၢ်ဘၢတၢ်တဖၣ်န့ၣ်ဘၣ်.
တၢ်ဂ့ၢ်လီၤတံၢ်လီၤဆဲးလဲလိာ်ခီဖျိပှၤလၢအဒိးလဲတၢ်န့ၣ်လီၤ. တၢ်တိာ်ကျဲၤအါမးဟ့ၣ်ခွဲးယာ်လၢ5ကရူၢ်ဖိတလိၣ်ဟ့ၣ်သကိးဘူးလဲ ဖဲတၢ်ထံၣ်လိာ်သးကသံၣ်သရၣ်လၢတၢ်တိာ်ကျဲၤဘျးစဲပူၤန့ၣ်လီၤ.
ဆူၣ်ချ့တၢ်ကွၢ်ထွဲ ခီဖျိလီတဲစိန့ၣ် ညီနုၢ်လီၤဂာ်ဒီးတၢ်အဘူးအလဲလၢ တၢ်ထံၣ်လိာ်သးလၢနီၢ်ကစၢ်သ့ၣ်ဆၢဖးကတီၢ် ဒီး တၢ်ထံၣ်လိာ်သးလၢတၢ်လီၢ်ယံၤန့ၣ် ညီနုၢ်အဘူးအလဲတအါန့ၢ်တၢ်လဲၤထံၣ်လိာ်သးဒီးကသံၣ်သရၣ်န့ၣ်လီၤ. တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်အကသံၣ်သရၣ်တဖၣ်, ပၣ်ဃုာ်ဒီးကသံၣ်သရၣ်လၢအလိၣ်ဘၣ်ချ့ချ့ (Doctor On Demand), န့ၣ် အါတက့ၢ်ကပာ်ဖျါထီၣ်အဘူးအလဲလၢအရ့ဒိၣ်ဖဲတၢ်ဆီလီၤပာ်လီၤတၢ်ဆၢကတီၢ်အခါန့ၣ်လီၤ.
နတၢ်ဘၣ်ယိၣ်မ့ၢ်အိၣ်တမံၤမံၤ, နသံကွၢ်ကသံၣ်သရၣ်သ့တချုးနထံၣ်လိာ်သးန့ၣ်လီၤ.
Doctor On Demand ခီဖျိ Included Health န့ၣ်မ့ၢ်၀ဲခီပနံၣ်သဘျ့လၢအဟ့ၣ်ထီၣ်ဆူၣ်ချ့တၢ်တိစၢၤမၤစၢၤလၢလီတဲစိန့ၣ်လီၤ.
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.