တၢ်ပၢဆှၢ ပှၤဆှၢဟ့ၣ်တၢ်ပနံာ်တၢ်အံၤ ဘၣ်တၢ်မၤအီၤလၢ Zycus ပှၤဆှၢနုာ်တၢ် ပှာ်ဘျးစဲန့ၣ်လီၤ.
ပမ့ၢ်ပှၤမၤသကိးတၢ်ဒီးZycus, လၢအမ့ၢ်တၢ်မၤကျိၤကျဲအခိၣ်ဘၣ်ဃးသန့တၢ်ဟ့ၣ်အဘူးအလဲ(Source to Pay)(S2P) ဒီးProcure to Payဃုမၤန့ၢ်တၢ်လၢတၢ်ဟ့ၣ်အဘူးအလဲ(P2P), လၢအအိၣ်ဒီးကံၢ်စီတၢ်သ့တၢ်ဘၣ်လၢကမၤစၢၤပှၤဒ်သိးပကမၤန့ၢ်ပဖီတၢၣ်တဖၣ်န့ၣ်လီၤ. ခီပနံာ်တဖၣ်လၢအသးအိၣ်မၤသကိးတၢ်ဒီ းBlue Cross န့ၣ်,စူးကါဝဲ ZSN လၢတၢ်ဆဲးလီၤမံၤဆှၢနုာ်ဒ်ပှၤဆှၢဟ့ၣ်တၢ်ပနံာ်အသိးလၢခါဆူညါတၢ်စူးကါအီၤအဂီၢ်သ့န့ၣ်လီၤ. ပှၤဆှၢဟ့ၣ်တၢ်ပနံာ်လၢအအိၣ်ပာ်စၢၤတဖၣ်စူးကါဝဲ (ZSN) လၢတၢ်မၤသီထီၣ်အခီပနံာ်အဂ့ၢ်အကျိၤဒီးဘၣ်သ့ၣ်သ့ၣ်တၢ်ကမၢအဝဲသ့ၣ်ပၣ်ဃုာ်ဝဲဒၣ်လၢသန့အမူးတၢ်ရဲၣ်တၢ်ကျဲၤတဖၣ်, တၢ်မၤလံာ်ဃံးဃာ်,တၢ်တဲကျဲၤသကိးဒီး/မ့တမ့ၢ်တၢ်ပၢဆှၢရဲၣ်ကျဲၤတၢ်ဖံးတၢ်မၤအကံၢ်စီတၢ်ဟူးတၢ်ဂဲၤတဖၣ်န့ၣ်လီၤ.
Blue Cross ဟ့ၣ်လီၤအသးလၢတၢ်မၤလီၤတံၢ်လၢ ပမၤသကိးတၢ်ဒီးပှၤဆီၣ်ထွဲတၢ်တဖၣ်လၢ အမၤစၢၤဒီးပိာ်ထွဲပတၢ်ပာ်လုၢ်ပာ်ပှ့ၤဒီးတၢ်စူၢ်တၢ်နာ်မိၢ်ပှၢ်တဖၣ်န့ၣ်လီၤ. ပပှၤဆှၢဟ့ၣ်တၢ်ပနံာ် တၢ်မၤသကဲာ်ပဝးကျိၤကျဲသနူအံၤ တိစၢၤမၤစၢၤတၢ် ဒ်သိးကပာ်ဖျါထီၣ် ပတၢ်မုၢ်လၢ်ကွၢ်စိတဖၣ် လၢကမၤလီၤတံၢ်လၢပှၤဆီၣ်ထွဲတၢ် ကရူၢ်သၢဖုတဖုပှၤဆှၢဟ့ၣ်တၢ်ပနံာ်တဖၣ် ကပိာ်ထွဲတၢ်သိၣ်တၢ်ဘျၢ ကိးဆၢကတီၢ်ဒဲးန့ၣ်လီၤ.
Blue Cross ကလိးကဒါက့ၤစ့ဆူ ပှၤဟံးဃာ်လံာ်ဃံးဃာ်လၢတၢ်မၤအဂီၢ်, ပှၤဟ့ၣ်ကူၣ်တၢ်, ဒီး ပှၤဆါတၢ်ဖိတဖၣ်အအိၣ် လၢတၢ်လဲၤတၢ်က့ၤအဘူးအလဲလၢ အလိၣ်၀ဲသပှၢ်ကတၢၢ် ဖဲအပၢဆှၢ Blue Cross မုၢ်၀ဲၤတၢ်မၤအဖၢမုၢ်လီၤ. ကွၢ်သမံသမိးပကျဲသနူ ဒ်သိးကမၤလိဘၣ်ဃး တၢ်လၢာ်ဘူၣ်လၢာ်စ့တဖၣ်လၢ တၢ်ဟ့ၣ်န့ၢ်အပှ့ၤဒီး ကဘၣ်ဃ့ထီၣ်၀ဲလၢ တၢ်လိးက့ၤစ့အဂီၢ်ဒ်လဲၣ်တက့ၢ်.
The Zycus Supplier Network (Zycusပှၤဆှၢဟ့ၣ်တၢ်ပနံာ်ပှာ်ဘျးစဲ) န့ၣ်ကဟ့ၣ်မၤစၢၤနၤဒ်သိး-
တၢ်ပှ့ၤတၢ်ဖိတၢ်လံၤတဖၣ် လၢအဒီသဒၢပှၤဒီးန့ဆၢၣ်ခိၣ်ဃၢၤ ဖဲ Blue Cross မ့ၢ်မုာ်ကျိၤ၀ဲၤကွာ် ကျိၤကျဲလၢ ဃုထံၣ်ဒ်သိးကမၤဖျါထီၣ် ပှၤဆှၢတၢ်ဟ့ၣ်ပနံာ်တဖၣ်လၢ အိၣ်ဒီးအကံၢ်အစီ ဒ်သိးကထုးထီၣ် တၢ်တိစၢၤမၤစၢၤတဖၣ်, တၢ်ဒုးကဲထီၣ်တၢ်တဖၣ်, တၢ်ရဲၣ်တၢ်ကျဲၤတဖၣ် လၢ အဒုးကဲဘျုးတၢ်သ့ဒီး အဘၣ်ဃးဒီးတၢ်ဂ့ၢ် လၢမၤဒိၣ်ထီၣ်ထီထီၣ် တၢ်အိၣ်ဆူၣ်အိၣ်ချ့အစၢတဖၣ် ဖဲပှၤလၢတၢ်မၤစၢၤအီၤပှၤတ၀ၢတဖၣ် ဖဲအ၀ဲသ့ၣ်အိၣ်၀ဲန့ၣ်လီၤ.
ပတၢ်ဖံးတၢ်မၤမူဒါမ့ၢ် ဒ်သိးကဒုးအိၣ် ဘၢၣ်က၀ီၤလၢ တၢ်ခွဲးတၢ်ယာ် လၢပှၤဆှၢတၢ်ပနံၣ် လၢအိၣ်ဒီးအကံၢ်အစီ ခီဖျိတၢ်ဖံးသကိးမၤသကိးတၢ်ဘၣ်ထွဲ လၢထုးထီၣ် မုာ်ကျိၤ၀ဲၤကွာ်တၢ်ဘၣ်ဘျုးဘၣ်ဖှိၣ် ဖဲဒိးန့ၢ်တၢ်အပှ့ၤကလံၤလၢအတၤတၢ် အါန့ၢ်အကံၢ်အစီဒီး တၢ်တိစၢၤမၤစၢၤတဖၣ်လၢ တၢ်မုၢ်လၢ်အီၤန့ၣ်လီၤ.
Blue Cross မၤသကိးတၢ်ဃုာ်ဒီး လီၢ်က၀ီၤဒီး ထံလီၢ်ကီၢ်ပူၤ မုာ်ကျိၤ၀ဲၤကွာ် တၢ်ဒိၣ်ထီၣ်ထီၣ်ထီၣ်ဒီး တၢ်ဟ့ၣ်တၢ်ကူၣ်သ့ကရူၢ်တဖၣ် ဒ်သိးကမၤဂ့ၤထီၣ် ပကျဲသနူဖီတၢၣ်တဖၣ်ဆူ တၢ်ရ့လိာ်ဘၣ်ထွဲ တၢ်ဘၣ်ဘျုးဘၣ်ဖှိၣ် လၢပလုဖိအီၤဒီး မုာ်ကျိၤ၀ဲၤကွာ်တၢ်ဆီတလဲန့ၣ်လီၤ.
အခဲအံၤပှၤဆှၢဟ့ၣ်တၢ်ပနံာ်တဖၣ် တဂၤဂ့ၤတဂ့ၤဆှၢနုာ်ဆဲးလီၤမံၤဒီးနုာ်လီၤ(log in )လၢ Zycus Supplier Network (ZSN)သ့ဧါ, မ့တမ့ၢ် ထဲဒၣ်လၢပှၤတဂၤစုာ်စုာ်လၢအဒိးန့ၢ်ဘၣ်တၢ်ဆှၢနုာ်ဆဲးလီၤမံၤအဂီၢ်လံာ်ပရၢအဂီၢ်ဧါ.
တမ့ၢ်ဘၣ်, ထဲဒၣ်ပှၤလၢအဒိးန့ၢ်ဘၣ်တၢ်ဆဲးလီၤမံၤနုာ်လီၤအဂီၢ် (link), မၤထီၣ်ဝဲပှၤဆှၢဟ့ၣ်တၢ်ပနံာ်တၢ်ဆှၢနုာ်ဆဲးလီၤမံၤသ့ဝဲဒၣ်လၢပှၤဆှၢဟ့ၣ်တၢ်ပနံာ်အခဲအံၤတဖၣ်အဂီၢ်န့ၣ်လီၤ. ပှၤမ့ၢ်မၤထီၣ်ဝဲပှၤဆှၢဟ့ၣ်တၢ်ပနံာ်တၢ်ဆဲးလီၤမံၤနုာ်လီၤလၢအတဒိးန့ၢ်ဘၣ်ဝဲ တၢ်ဆှၢနုာ်ဆဲးလီၤမံၤအဂီၢ် (link) လၢ Zycus ဆှၢန့ၢ်အီၤခီဖျိလီပရၢန့ၣ်, ကဒုးအိၣ်ထီၣ်ဝဲခီပနံၣ်အတၢ်မၤနီၣ်အဂ့ၢ်အကျိၤဒီကထြၢထီၣ်သးန့ၣ်လီၤ. ပှၤဆှၢဟ့ၣ်တၢ်ပနံာ်တဖၣ်အတၢ်ဆဲးလီၤမံၤနုာ်လီၤခဲလၢာ်အဂီၢ်ကဘၣ်စူးကါဝဲZycusတၢ်ဆှၢနုာ်ဆဲးလီၤမံၤလီပရၢန့ၣ်လီၤ.
တၢ်ဆဲးလီၤမံၤနုာ်လီၤအဂီၢ် (link), လၢ Zycus ဆှၢန့ၢ်ယၤခီဖျိလီပရၢန့ၣ်,ယဟ့ၣ်လီၤဆူပှၤအဂၤဖဲယခီပနံၣ်အပူၤဒ်သိးကမၤပှဲၤန့ၣ်ယၤတၢ်ဆဲးလီၤမံၤကသ့ဧါ.
မ့ၢ်,နဆှၢဟ့ၣ်လီၤတၢ်ဆဲးလီၤမံၤနုာ်လီၤအဂီၢ် (link),ဆူပှၤအဂုၤဂၤလၢနခီပနံၣ်အပူၤသ့န့ၣ်လီၤ. ဖဲလၢအဝဲသ့ၣ်မၤတၢ်ဆဲးလီၤမံၤနုာ်လီၤန့ၣ်,တၢ်ကဆှၢန့ၣ်အီၤနီၣ်ဂံၢ်ခူသူၣ်—တဘျီဂီၢ်(OTP)ဆူလီၢ်ပရၢတၢ်ဆဲးကျိးအခီၣ်ထံးတခါန့ၣ်လီၤ, နီၣ်ဂံၢ်ခူသူၣ်အံၤန့ၣ်, နကဘၣ်ဆှၢဟ့ၣ်လီၤဆူပှၤဘၣ်မူဘၣ်ဒါလၢကမၤပှဲၤပှၤဆှၢဟ့ၣ်တၢ်ပနံာ်အတၢ်ဆဲးလီၤမံၤနုာ်လီၤတဂၤအအိၣ်န့ၣ်လီၤ.
ပခီပနံၣ်အဂီၢ်,ပကဘၣ်မၤအါထီၣ်တၢ်ဆဲးလီၤမံၤအတၢ်ဆဲးကျိးအသီတခါလၢ ZSN ဒ်လဲၣ်.
ပှၤစူးကါZycusလၢဆဲးလီၤမံၤနုာ်လီၤဝံၤလၢနခီပနံၣ်န့ၣ်, ပၢနုာ်အါထီၣ်
တၢ်ဆဲးကျိးအသီတဖၣ်သ့ဝဲလၢအဝဲသ့ၣ် Zycus ပှၤဆှၢဟ့ၣ်တၢ်ပနံာ်ပှာ်ယဲၤဘျးစဲမံၤအခီး(account)ပူၤသ့ဝဲဒၣ်န့ၣ်လီၤ. ဖဲလၢတၢ်ဆဲးကျိးအသီဘၣ်တၢ်ပာ်ပနီၣ်အီၤဝံၤန့ၣ်,လၢပှၤစူးကါတၢ်အသီတဂၤအဂီၢ် Zycus ကဆှၢန့ၢ်ဝဲလီပရၢဃုာ်ဒီးတၢ်ဆဲးလီၤမံၤနုာ်လီၤအဂီၢ် (link),ဒ်သိးကမၤပှဲၤတၢ်ဆဲးလီၤမံၤနုာ်လီၤအဂီၢ်န့ၣ်လီၤ.
ပှၤဆှၢဟ့ၣ်တၢ်ပနံာ်အပူၤ,မတၤသ့ၣ်တဖၣ်ကြၢးမၤတၢ်ဆဲးလီၤမံၤနုာ်လီၤလၢ ZSN လဲၣ်.
ပှၤဆှၢဟ့ၣ်တၢ်ပနံာ်အပူၤ,ပှၤဘၣ်မူဘၣ်ဒါလၢကဘၣ်ရ့လိာ်ဘၣ်ထွဲမၤတၢ်ဒီး Blue Cross တဖၣ်န့ၣ်,ကြၢးမၤတၢ်ဆဲးလီၤမံၤနုာ်လီၤလၢ ZSN လီၤ. တၢ်ပညိၣ်ကွၢ်စိမ့ၢ်ဝဲဒၣ်ဒ်သိးပှၤဘၣ်မူဘၣ်ဒါခဲလၢာ်ကမၤတၢ်ဆဲးလီၤမံၤနုာ်လီၤဒီးပှၤဆှၢဟ့ၣ်တၢ်ပနံာ်တဖၣ်ကပၢၤဃာ်တၢ်ဂ့ၢ်တၢ်ကျိၤခဲလၢာ်ဘၣ်လိာ်ဖိးဒ့ချုးဆၢချုးကတီၢ်အဂီၢ်န့ၣ်လီၤ. တၢ်အံၤမ့ၢ်ဒ်သိး Blue Cross ကစူးကါဝဲတၢ်စုကဝဲၤပီးလီအိၣ်ဖဲ Zycus တဖၣ်ဃုာ်ဒီး ပှၤဆှၢဟ့ၣ်တၢ်ပနံာ်လၢဘၣ်ထွဲတုၤအိၣ်လိာ်သးတဖၣ်န့ၣ်လီၤ.
မတၤပၢနုာ်အါထီၣ်ပှၤစူးကါတၢ်အသီလၢပှၤဆှၢဟ့ၣ်တၢ်ပနံာ်အဂီၢ်သ့လဲၣ်.
ပှၤစူးကါတၢ်ဖဲပှၤဆှၢဟ့ၣ်တၢ်ပနံာ်လၢဆဲးလီၤမံၤနုာ်လီၤဝံၤန့ၣ်,ကွၢ်သမံးသမိးက့ၤ, ပၢနုာ်အါထီၣ် ဒီးထူးသံကွံာ် ခီပနံၣ်တၢ်ဆဲးကျိးလၢ Zycus ပူၤသ့ဝဲဒၣ်န့ၣ်လီၤ.
ယအဲၣ်ဒိးလၢယခီပနံၣ်ကဘၣ်တၢ်ဆိကမိၣ်န့ၢ်အီၤဒ်သိးကကဲထီၣ်ဘၣ်ပှၤဆှၢဟ့ၣ်တၢ်ပနံာ်န့ၣ်လီၤ. တၢ်ဆဲးလီၤမံၤနုာ်လီၤလၢ Zycus အကျိၤအကျဲတဖၣ်မ့ၢ်တၢ်မနုၤလဲၣ်.
ခါဆူမဲာ်ညါပှၤသးအိၣ်ကဲထီၣ်ပှၤဆှၢဟ့ၣ်တၢ်ပနံာ်တဖၣ်န့ၣ်, ဝံသးစူၤလဲဆူ Zycus Supplier Network သန့အသနၢၣ်လၢ Blue Cross ဒီးမၤတၢ်ဆဲးလီၤမံၤနုာ်လီၤလၢနခီပနံၣ်အဂီၢ်ဒီးနကစၢ်ဒ်အမ့ၢ်ပှၤစူးကါတၢ်ဖိအသီန့ၣ်တက့ၢ်. ဒ်သိးကဟးဆှဲးတၢ်မၤနီၣ်အဂ့ၢ်အကျိၤဒီကထြၢထီၣ်သးတဖၣ်အဂီၢ်, တၢ်မၤထီၣ်တၢ်ဆဲးလီၤမံၤနုာ်လီၤအသီထဲတခါဧိၤကြၢးစူးကါကျိၤကျဲတခါအံၤန့ၣ်လီၤ.
ဖဲ Zycus စုကဝဲၤပီးလီန့ၣ်,ယကန့ၢ်ဘၣ်တၢ်မၤစၢၤဒ်လဲၣ်.
ဖဲန့ၣ်အိၣ်ဝဲဒီးတၢ်မၤစၢၤအဂီၢ်လၢအအိၣ်ဖျါလၢထးခီစုထွဲအနၢၣ်ထံးတကပၤ,ဖဲစခရ့ (screen) အမဲာ်ဘ့ၣ်လိၤလၢနကဘၣ်ဃုထၢအဂီၢ်န့ၣ်လီၤ. ဖဲန့ၣ်ပၣ်ဃုာ်ဝဲဒီးတၢ်နဲၣ်ကျဲတၢ်ဂီၤမူဘၣ်ဃးတၢ်သံကွၢ်ညီနုၢ်လၢ Zycus စုကဝဲၤပီးလီတဖၣ်န့ၣ်လီၤ.
ဖဲယ Zycus account ပူၤတၢ်ဘှီဘၣ်က့ၤအလီၢ်တဖၣ်အပူၤ,တၢ်ဂ့ၢ်တၢ်ကျိၤမနုၤတဖၣ်လိၣ်ဝဲဒၣ်လဲၣ်န့ၣ်ယကသ့ၣ်ညါနၢ်ပၢၢ်အဂီၢ်အကျိၤကျဲအိၣ်စ့ၢ်ကီးဧါ.
မ့ၢ်,ဖဲတၢ်လီၤဟိအလီၢ်တဖၣ်အပူၤ,ကဒုးနဲၣ်ဖျါဃုာ်ဒီးလံာ်လၢအရှဲပၠးဝဲတၢ်ဂ့ၢ်တၢ်ကျိၤလၢအလိၣ်မၤပှဲၤဖဲတၢ်ဘှီဘၣ်အလီၢ်န့ၣ်လီၤ.
ဖဲ Zycus အပူၤယဘှီဘၣ်က့ၤတၢ်ဂ့ၢ်တၢ်ကျိၤလၢအကမၣ်တဖၣ်ကသ့ဒ်လဲၣ်.
Zycus အပူၤအိၣ်ဝဲဒီးတၢ်မၤစၢၤအလီၢ်သနၢၣ်အိၣ်ဖျါဖဲထးခီစုထွဲအနၢၣ်ထံးတကပၤ,ဖဲစခရ့(screen)အမဲာ်ဘ့ၣ်လိၤ,ဒီးနကွၢ်ဝဲဒၣ်တၢ်နဲၣ်ကျဲတၢ်ဂီၤမူတဖၣ်သ့န့ၣ်လီၤ. ဖဲတၢ်မၤစၢၤအတၢ်ဂီၤမူအလီၢ်န့ၣ်, နထုးလီၤကွၢ်ဆူတၢ်ကွၢ်တၢ်ဂ့ၢ်တၢ်ကျိၤထီရီၤ (General Overview Profile) အသနၢၣ်ဒီးဃုထၢ, တၢ်ဘှီဘၣ်ပှၤဆှၢဟ့ၣ်တၢ်ပနံာ်အဂ့ၢ်အကျိၤ (Supplier Profile Edits) တၢ်ဂီၤမူလၢအိၣ်ဒီးတၢ်နဲၣ်ကျဲတပတီၢ်ဘၣ်တပတီၢ်လၢတၢ်ဘှီဘၣ်တၢ်အဂီၢ်န့ၣ်တက့ၢ်.
ကဘၣ်ပၢနုာ်အါထီၣ်ပှၤစူးကါတၢ်အသီလၢ Zycus စုကဝဲၤပီးလီပူၤဒ်လဲၣ်.
ဝံသးစူၤကွၢ်ကဒါက့ၤ တၢ်နဲၣ်ကျဲ-တပတီၢ်ဘၣ်-တပတီၢ် ဘၣ်ဃးကဘၣ်ပၢနုာ်အါထီၣ်ပှၤစူးကါတၢ်အသီလၢ Zycus စုကဝဲၤပီးလီဒ်လဲၣ်န့ၣ်တက့ၢ်.
ယအိၣ်ဒီးတၢ်ဂ့ၢ်ကီလၢစဲအ့ၣ်တၢ်ကူၣ်သ့ဘၣ်ဃး Zycus န့ၣ်လီၤ.ယကမၤန့ၢ်တၢ်မၤစၢၤဖဲလဲၣ်.
ဝံသးစူၤဆဲးကျိး Zycus tech-support@zycus.comတက့ၢ်.
ဘၣ်မနုၤအဃိပကဘၣ်ဆဲးလီၤမံၤနုာ်လီၤလၢ ပှၤဆှၢဟ့ၣ်တၢ်ပနံာ်ပှာ်ဘျးစဲ Zycus Supplier Network (ZSN)န့ၣ်လဲၣ်.
အခဲအံၤBlue Crossစူးကါဝဲပှၤဆှၢဟ့ၣ်တၢ်ပနံာ်ပှာ်ဘျးစဲ(Zycus Supplier Network)န့ၣ်လီၤ. ပှၤဆှၢဟ့ၣ်တၢ်ပနံာ်တၢ်ဆဲးလီၤမံၤနုာ်လီၤန့ၣ်, မ့ၢ်ဒ်သိးပကအိၣ်ဒီးပှၤဆှၢဟ့ၣ်တၢ်ပနံာ်အဂ့ၢ်အကျိၤလီၤတံၢ်လီၤဆဲးကတၢၢ်အဂီၢ်န့ၣ်လီၤ. Zycus မ့ၢ်ဝဲသန့ဂံၢ်ထံးအသီထဲတခါဧိၤလၢအိၣ်ဒီးပှၤဆှၢဟ့ၣ်တၢ်ပနံာ်အဂ့ၢ်အကျိၤ,ဒီးကဘၣ်တၢ်စူးကါဝဲဒၣ်လၢပနံာ်ကၤတၢ်မၤမူးတၢ်ရဲၣ်တၢ်ကျဲၤ((RFPs မ့တမ့ၢ်မူးတၢ်ရဲၣ်တၢ်ကျဲၤအဂုၤဂၤတဖၣ်), တၢ်ကွၢ်ကဒါက့ၤပှၤဆှၢဟ့ၣ်တၢ်ပနံာ်အဂ့ၢ်,ဒီးလၢ2022တၢ်ဆှၢဃ့တၢ်အဘူးအလဲဒီးတၢ်ဟ့ၣ်အဘူးအလဲတဖၣ်အဂီၢ်န့ၣ်လီၤ.
ပကသူ VNDLY လၢတၢ်ဆၢကတီၢ်လံာ်ကဘျံးဒီး တၢ်ဆၢကတီလံာ်ကဘျံး တၢ်ဟ့ၣ်အပှ့ၤဆူညါဧါ.
မ့ၢ်, ၀ံသးစူၤစူးကါ VNDLY ဆူညါ လၢတၢ်ဆၢကတီၢ်လံာ်ကဘျံးအဂီၢ်တက့ၢ်.
ယမ့ၢ်ပၣ်ဃုာ်လၢ Blue Cross ကရူၢ်ဖးဒိၣ်ပှၤမၤတၢ်ဖိအတၢ်ရဲၣ်တၢ်ကျဲၤန့ၣ်,ယမ့ၢ်ပှၤဆဲးလီၤမံၤနုာ်လီၤလၢ ZSN စ့ၢ်ကီးဧါ. အဒိ-Beeline
မ့ၢ်လီၤ Blue Cross and Blue Shield of Minnesota န့ၣ်အခဲအံၤစူးကါဝဲဒၣ် (Zycus Supplier Network)န့ၣ်လီၤ. ပှၤဆှၢဟ့ၣ်တၢ်ပနံာ်တၢ်ဆဲးလီၤမံၤနုာ်လီၤန့ၣ်, မ့ၢ်ဒ်သိးပကအိၣ်ဒီးပှၤဆှၢဟ့ၣ်တၢ်ပနံာ်အဂ့ၢ်အကျိၤလီၤတံၢ်လီၤဆဲးကတၢၢ်အဂီၢ်န့ၣ်လီၤ.
ယမ့ၢ်ပှၤဆဲးလီၤမံၤနုာ်လီၤဖဲ ZSN လၢပှၤပှ့ၤစူးကါတၢ်ဖိအဂၤတဂၤအဂီၢ်လံန့ၣ်လီၤ. ယကဘၣ်စံးဆၢက့ၤ Zycus အတၢ်ကွဲမုာ်လၢတၢ်ဆဲးလီၤမံၤနုာ်လီၤအဂီၢ်လီပရၢန့ၣ်ဧါ.
နလီပရၢအမံၤန့ၣ်,မ့ၢ်ဆဲးလီၤမံၤနုာ်လီၤဖဲ ZSN လၢပှၤပှ့ၤစူးကါတၢ်ဖိအဂၤတဂၤအဂီၢ်လံန့ၣ်ဒီး, ဝံသးစူၤစူးကါ Zycus အတၢ်ကွဲမုာ်လၢတၢ်ဆဲးလီၤမံၤနုာ်လီၤအဂီၢ်လီပရၢဒီးလဲၤနုာ်လီၤလၢနမံၤ (login) တၢ်အုၣ်သးအိၣ်ပာ်စၢၤတခါန့ၣ်ဒ်သိးနကဘျးစဲဒီး Blue Cross အဂီၢ်န့ၣ်တက့ၢ်.
ပတမၤမုၢ်ကျိၤဝဲၤကွာ်ဒီး Blue Cross ယံာ်တဘျုးနံၣ်လံ. ပကဘၣ်ဆဲးလီၤမံၤနုာ်လီၤဒံးဧါ.
မ့ၢ်,ဝံသးစူၤဆဲးလီၤမံၤနုာ်လီၤဒ်သိးကပၢၤဃာ်ခီပနံၣ်အဂ့ၢ်အကျိၤ,တၢ်ဆဲးကျိးလၢဆၢကတီၢ်ခဲအံၤအဂီၢ်ဒီးဒ်သိးတၢ်ကသ့ၣ်နီၣ်နၤလၢခါဆူညါပနံာ်ကၤတၢ်မၤအမူးတၢ်ရဲၣ်တၢ်ကျဲၤတဖၣ်အဂီၢ်န့ၣ်တက့ၢ်. ပစူးကါ ZSN ဒ်သိးကပၢၤဃာ်ပှၤဆှၢဟ့ၣ်တၢ်ပနံာ်အတၢ်မၤနီၣ်ခဲလၢာ်န့ၣ်လီၤ.
ပတၢ်ကရၢကရိတဟ့ၣ်အခွဲးလၢပှၤသၢဖုတဖုအစုကဝဲၤပီးလီဒ်သိး Zycus,လၢ တၢ်ဆှၢဃ့တၢ်အဘူးအလဲအဂီၢ်ဘၣ်. ဒ်ပှၤစူးကါတၢ်ဖိအသိးယကဘၣ်ဆဲးလီၤမံၤနုာ်လီၤဒံးဧါ.
မ့ၢ်,ခီဖျိလၢပစူးကါ ZSN ဒ်သိးကပၢၤဃာ်ပှၤဆှၢဟ့ၣ်တၢ်ပနံာ်အတၢ်မၤနီၣ်ခဲလၢာ်အဃိ,ဝံသးစူၤဆဲးလီၤမံၤနုာ်လီၤဒ်ပှၤစူးကါတၢ်ဖိအသိးတက့ၢ်.
တၢ်စူးကါ ZSN အဂီၢ်,ပှၤဆှၢဟ့ၣ်တၢ်ပနံာ်တဖၣ်အတၢ်လၢာ်ဘူၣ်လၢာ်စ့အိၣ်ဧါ.
တအိၣ်ဘၣ်.တၢ်ပၣ်ဃုာ်လၢ ZSN အဂီၢ်,တၢ်လၢာ်ဘူၣ်လၢာ်စ့တအိၣ်လၢနဂီၢ်ဘၣ်.
နတၢ်သံကွၢ်မ့ၢ်အိၣ်ဘၣ်ဃးပှၤဆှၢဟ့ၣ်တၢ်ပနံာ်တၢ်ဆဲးလီၤမံၤနုာ်လီၤမ့တမ့ၢ် RFP အတၢ်မၤကျိၤကျဲန့ၣ်, ဝံသးစူၤဆှၢလီၤဘၣ်လီပရၢဆူvendorinfo@bluecrossmn.comတက့ၢ်.