အခဲအံၤအ၀ဲသ့ၣ်အိၣ်ဖဲလဲၣ်.

ကရူၢ်ဖိ- Betty Gust
တၢ်ဂ့ၢ်မိၢ်ပှၢ်- 2021 တၢ်ကိၢ်ထီၣ်သီအပူလၢလံာ်အကုမဲာ်ညါ 

စးထီၣ်လၢအဘၣ်တၢ်ပာ်ဖျါအီၤဒ် တၢ်ကိၢ်ထီၣ်သီအတၢ်ဂ့ၢ်မိၢ်ပှၢ်ဖဲ thrive . ၀ံၤန့ၣ်, Betty Gust စးထီၣ်အိၣ်မူဟူးဂဲၤဖံးမၤတၢ် - လၢနီၢ်ခိနီၢ်ခီဒီးတၢ်ရ့လိာ်ဘၣ်ထွဲ ခံကပၤလၢာ်န့ၣ်လီၤ. ဖဲတၢ်ဆါသတြိာ်ရၤလီၤသးအဖၢမုၢ်, အ၀ဲလဲၤဟးလိာ်ကွဲခဲအံၤခဲအံၤ, လၢစှၤလါအတီၢ်ပူၤ ပာ်ဖှိၣ်ခဲလၢာ်ကထီၣ်ဘး၀ဲ မံးလာ်လၢအကယၤန့ၣ်လီၤ. တၢ်ဟးလိာ်ကွဲလုၢ်လၢ်န့ၣ် အ၀ဲမၤကဒီးဆူညါဒီး ညီနုၢ်လိာ်ကွဲ၀ဲတၢ်လိာ်ကွဲဒ်သိးဒီး Mahjong ဒီး Bridge လၢအတံၤသကိးတဖၣ်လီၤ. ဒီးလၢအခဲအံၤ အလိၤအိၣ်၀ဲဒၣ်ယဲၢ်ဂၤအဃိ, အတၢ်ရဲၣ်တၢ်ကျဲၤစရီအိၣ်ပှဲၤမး ကိးနွံဒဲးဃၣ်ဃၣ်လီၤ.

ဖဲအမၤ၀ဲဒၣ် နံၣ်အိၣ်ဖျဲၣ်ဆၢက့ၤပှဲၤထီၣ် 90 နံၣ်ဒီး တူၢ်လိာ်မုာ်အလိၤယဲၢ်ဂၤတဂၤ၀ံၤ တယံာ်ဘၣ်အလီၢ်ခံ, ပထံၣ်လိာ်ပသးဒီး Betty ဒ်သိးကဃုထံၣ်ဘၣ်ဃး တၢ်မနုၤထိၣ်ဂဲၤထီၣ်အသးဒီး ဒုးဂဲၤလိာ်အီၤဆူညါလဲၣ်န့ၣ်လီၤ. 

thrive.- မ်ပစးထီၣ်သကိးလၢ တၢ်ဟးလိာ်ကွဲတက့ၢ်. စးထီၣ်လၢပပိာ်သကိးတၢ်၀ံၤန့ၣ် နမၤအီၤကိးမုၢ်နံၤလီၤဧါ.

Betty: မုၢ်နံၤအါဒၣ်တၢ်တက့ၢ် ယမၤယဲလီၤ. ယအိၣ်ဒီးဆူၣ်ချ့တၢ်ဂ့ၢ်ကီတဆံးတက့ၢ်လၢအပူၤကွံာ်, ဘၣ်ဆၣ် ယအိၣ်မုာ်ထီၣ်က့ၤလံဒီး အခဲအံၤယဟးလိာ်ကွဲယဲ တနံၤသၢနၣ်ရံၣ်လွံၢ်နၣ်ရံၣ်န့ၣ်လီၤ. တနံၤယဟးလိာ်ကွဲတဘျုးဘျီဒီး ညီနုၢ်ထီၣ်ဘးတနံၤသၢမံးလာ်လွံၢ်မံးလာ်လီၤ. ယဂုာ်ကျဲးစၢးဒ်သိး ကတုၤမံးလာ်လၢအကယၤ လၢတလါအတီၢ်ပူၤအဂီၢ်လီၤ.

thrive.: ဆူၣ်ချ့တၢ်တၤတနီၤလၢ နလဲၤခီဖျိတ့ၢ်တဖၣ်န့ၣ် မ့ၢ်မနုၤလဲၣ်ဒီး နမၤတၢ်ဆီတလဲတမံၤမံၤဘၣ်ထွဲဒီး တၢ်ပူၤဖျဲးလၢတၢ်ဘၣ်ယိၣ်တၢ်ကွၢ်စိအဂီၢ်ဒံးဧါ.

Betty: တၢ်ဂ့ၢ်တမံၤလၢအကျါန့ၣ်မ့ၢ် ပျိၢ်ဃံဒီးခီၣ်နၢာ်ဘိဆါ (sciatica​​​​​​​), ဒီး အဂၤတမံၤမ့ၢ် ကလံၤတကဆှဲကဆှီအဃိ န့ၣ်လီၤ. ခီဖျိလၢပသါဘၣ် မ့ၣ်အူခုၣ်ခဲလၢာ်အဃိ, လီၢ်ခံကတၢၢ်ယလဲၤတုၤဆူတၢ်ဆါဟံၣ်န့ၣ်လီၤ. အ၀ဲသ့ၣ်ဃုထံၣ်န့ၢ်တၢ်ဆါအမံၤ ဒ်အမ့ၢ်ကလံၤကျိၤတၢ်ခီၣ်ဆၢက့ၤတမံၤန့ၣ်လီၤ. အခဲအံၤယသ့ၣ်ညါလံလၢ ကဘၣ်ကွၢ်ထွဲအီၤခီဖျိ တၢ်ကွၢ်ထံသမံသမိးအီၤဒီး ခီဖျိတၢ်အိၣ်ဖဲဒၢးပူၤ, တၢ်ဟးလိာ်ကွဲဖဲဒဲးပူၤ, မ့တမ့ၢ် တၢ်ထီထီၣ်တၢ်ကးဘၢမဲာ် န့ၣ်လီၤ. အခဲအံၤယသ့ၣ်ညါလံလၢ ယမ့ၢ်လဲၤတၢ်ချၢယကဘၣ်သူတၢ်ကးဘၢမဲာ် ဖဲကလံၤတကဆှီဘၣ်အကတီၢ်န့ၣ်လီၤ. တၢ်ကွၢ်သမံသမိးတၢ်ကိၢ်တၢ်ခုၣ်ပတီၢ် အလီၢ်န့ၣ်, ယကွၢ်သမံသမိးစ့ၢ်ကီး, ကလံၤကဆှီထဲလဲၣ်န့ၣ်လီၤ!​​​​​​.

ယဟ့ၣ်ကူၣ်ဟ့ၣ်ဖးနီၢ်နီၢ်ဒ်သိး ပှၤကိးဂၤဒဲးကဘၣ်အိၣ်ဒီး smart နၣ်ရံၣ်တဖျၢၣ်စုာ်စုာ်လီၤ. ယဖိတဖၣ်ဟ့ၣ်ဂံၢ်ဟ့ၣ်ဘါယၤလၢယကသိးအီၤ လၢမုၢ်နါခီ ဖဲယတူၢ်ဘၣ်တၢ်တမုာ်တလၤတဘျီဘၣ်တဘျီလၢ ပျိၢ်ဃံဒီးခီၣ်ဒီဘိနၢာ်ဆါ၀ံၤအလီၢ်ခံန့ၣ်လီၤ. တၢ်န့ၢ်မ့ၢ်တၢ်တမံၤမံၤလၢ အကွၢ်ကတီၤနတၢ်အမူအသါဒီး နတၢ်ခဲလၢာ်န့ၣ်လီၤ. ယသူအီၤဒ်သိး ကသ့ၣ်ညါဘၣ်ယလဲၤတုၤပှံၤမံးလာ်လဲၣ်ဒီး ယမၤ EKG ​​​​​​​လၢအီၤသ့၀ဲန့ၣ်လီၤ. ဂ့ၤမးလီၤ. မုၢ်နံၤအါတက့ၢ်အပူၤ ယဟးလိာ်ကွဲယတၢ်ဒၣ်ယဲ, ဒီး ယနၣ်ရံၣ်ဒုးပလၢၢ်ဘၣ်ယၤလၢ တၢ်ဘံၣ်တၢ်ဘၢဒီး တၢ်ပူၤဖျဲးဒီးတၢ်ဘၣ်ယိၣ်န့ၣ်လီၤ. ယမ့ၢ်ဘူးကလီၤဃံၤ မ့တမ့ၢ် ယမ့ၢ်လိၣ်ဘၣ်တၢ်မၤစၢၤဒီး, အ၀ဲဒၣ်ကဆဲးကျိး 911 ဒီး ဟ့ၣ်ပလီၢ်၀ဲဒၣ် ဂ့ၢ်၀ီအူတၢ်ဘျးစဲတဖၣ် လၢအတၢ်ဒၣ်ဝဲလီၤ.

ဖဲတၢ်ဂိၢ်ခါန့ၣ် ယဟးဒၣ်လၢဟံၣ်ပူၤလီၤ. ယတဟးလိာ်ကွဲလၢ ထံလီၤသကၤဖီခိၣ်နီတဘျီလၢၤဘၣ်. ယကတီၤယသးလၢ တၢ်ဂ့ၢ်အ၀ဲန့ၣ်ဂ့ၤဂ့ၤလီၤ. ယဟးလၢဟံၣ်ပူၤဒီး ယလဲၤဆူ The Marsh ဒီး ဟးလၢပှၤဟးကျဲအကျိၤ မ့တမ့ၢ် လဲၤဆူ Eden Prairie Center မ့တမ့ၢ် Ridgedale ဒီးဟးလိာ်ကွဲ၀း၀းဖဲန့ၣ်လီၤ.

thrive.: တၢ်မနုၤဟ့ၣ်သဆၣ်ထီၣ်နခံ ဒ်သိးနကဟးလိာ်ကွဲကိးမုၢ်နံၤလဲၣ်.​​​​​​​

Betty: တၢ်ဃုထၢမ့ၢ်အိၣ်ဒီးယၤအဃိ, ယကဃုထၢလၢ ကဟးလိာ်ကွဲတၢ်အဂီၢ်ထီဘိလီၤ. ယထံၣ်ပှၤလၢအဟးဃုာ်ဒီးယၤ - ယကိးအီၤလၢ ယသကိးပှၤဟးလိာ်ကွဲတၢ်ဖိတဖၣ်လီၤ. ယမ့မ့ၢ်ပှၤလၢအရ့တံၤရ့သကိးသ့ဒၣ်လၢာ်န့ၣ်, ဘၣ်တဘျီဘျီယဘၣ်သးဟးလိာ်ကွဲထဲတဂၤဧိၤ မ့ၢ်လၢယမိၣ်ဟးလၢယကစၢ်ခီၣ်ခါအချ့ဒၣ်ယဲအဃိလီၤ. မုၢ်နံၤတနီၤနီၤ ယဘၣ်ဟးလိာ်ကွဲယဲဒ်သိး ကဆိမိၣ်ထံကဒါက့ၤတၢ်ကစုဒုအဂီၢ်လီၤ.

တၢ်ဟးလိာ်ကွဲကဲတ့ၢ်မး က့ၢ်ဂီၤတမံၤလၢယတၢ်အိၣ်မူပူၤ - အ၀ဲဒၣ်မၤစၢၤယၤဒ်သိး ယကသူၣ်ပ့ၢ်သးဆှါဒီး ဟဲစိာ်န့ၢ်သးတၢ်မုာ်တၢ်ခုၣ်ဒီး တၢ်ထံၣ်ဖျါဆှံဆှံန့ၣ်လီၤ. ယအဲၣ်န့ဆၢၣ်တၢ်ဘၣ်တ့ဒီး ထိၣ်ဖိလံၤဖိတဖၣ်စ့ၢ်ကီးလီၤ. ယကထုးထီၣ်ယလီတဲစိဒီး သံကွၢ်ထိၣ်ဖိမနုၤပှ့ၤသီၣ်လဲၣ်န့ၣ်လီၤ. အခဲအံၤယဆ့ၣ်နီၤအိၣ်ဖဲ တၢ်အိၣ်ကသူၣ်ကသီအလီၢ် ... ဖဲတၢ်ကိၢ်ထီၣ်သီကတီၢ်န့ၣ် ထိၣ်ဖိလံၤဖိတဖၣ်ဒီး တၢ်ဃီၤဒီး ဆီကဆီဒီး ထိၣ်ဒ့ၣ်တဖၣ်အိၣ်၀ဲဒၣ်ဒီး ဆၣ်ဖိကီၢ်ဖိအကလုာ်ခဲလၢာ်န့ၣ်လီၤ. တၢ်လီၢ်တတီၤအံၤ လီၤဂာ်ဒီး Disney World လီၤ.

thrive.: မ့ၢ်နအိၣ်ဒီးနတၢ်ပညိၣ်ဖီတၢၣ်တမံၤမံၤဧါ.

Betty- ကမုာ်လၤသးခုလၢမုၢ်မဆါတနံၤအံၤတီတီဒီး ထံၣ်အီၤဒ်အမ့ၢ်တၢ်လဲၤခီဖျိလၢ အလီၤသူၣ်ပိၢ်သး၀းတခါလီၤ. လၢယဂီၢ်တ၀ံၤဒံးဘၣ်. မ့ၢ်တၢ်မုာ်လၤသးခုလၢတနံၤဘၣ်တနံၤအဂီၢ်ဒီး မ့ၢ်တၢ်လီၤသူၣ်ပိၢ်သး၀းဖဲယမၤသး, "ဂ့ၤလံ, ယကဘၣ်မၤမနုၤလဲၣ်." ယဟူးဂဲၤဖံးမၤတၢ်ဒီး ယကလဲၤယဲဒၣ်ဆူညါလီၤ. ဒီးဖဲန့ၣ်အခါ ပှၤတဂၤဂၤကစံးလၢ, "ဂ့ၤလံ, နကလဲၤဟးလိာ်ကွဲဧါ. နသးအိၣ်မၤတၢ်အံၤဧါ.

ယဆိမိၣ်လၢ တၢ်ဆၢကတီၢ် 75% န့ၣ် ယဟးလိာ်ကွဲဒၣ်ထဲတဂၤဧိၤလီၤ. Kay ဒီး ယၤ ပကဲတံၤသကိးတဖၣ်ဒီး တဘျီဘျီပဟးလိာ်ကွဲဒ်သိးသိးလီၤ. ယထံၣ်ဘၣ်စ့ၢ်ကီး တံၤသကိးတဖၣ်လၢအဟးလိာ်ကွဲတၢ်ဒ်သိးယၤလီၤ. နီၢ်နီၢ်န့ၢ်, ယသါကလဲၤအီၣ်မုၢ်ဆါခီတၢ်အီၣ်ဒီး ယတံၤသကိးတနီၤ - နီၢ်ဒီမါ၀ၤလၢ ယထံၣ်တ့ၢ်အီၤဖဲယဟးလိာ်ကွဲတၢ်အခါလီၤ.

ယသးအိၣ်မၤလၤကပီၤဒီး မုာ်လၤသးခုတနံၤဘၣ်တနံၤဒီး အိၣ်ဆူၣ်အိၣ်ချ့ယဲဒၣ် - လၢနီၢ်ခိနီၢ်ခီဒီး သူၣ်လၢသးန့ၣ်လီၤ.

H2425_112625_O01_C