နၢ်ပၢၢ်၀ဲဒၣ် ဆံၣ်ဆၢတၢ်ဆါကဲထီၣ်သးဒ်လဲၣ်, အတၢ်ဒီသဒၢ ဒီးတၢ်ကွၢ်ထွဲ
ပှၤဒိၣ်တုာ်ခိၣ်ပှဲၤ သၢဂၤအကျါ တဂၤန့ၣ် အိၣ်လၢ ဆံၣ်ဆၢတၢ်ဆါ ကတီၢ်ဆိ အပူၤဘၣ်ဆၣ် တသ့ၣ်ညါဝဲဘၣ်. နဂီၢ်တၢ်ဘၣ်ယိၣ်မ့ၢ်အိၣ်ဧါန့ၣ်ကွၢ်ဘၣ်တက့ၢ်.
တၢ်ကွၢ်ကဒါက့ၤ
ဆံၣ်ဆၢတၢ်ဆါန့ၣ်မ့ၢ်တၢ်မနုၤလဲၣ် ဒီး တၢ်ဒုးကဲထီၣ်အီၤန့ၣ် မ့ၢ်မနုၤလဲၣ်?
ဆံၣ်ဆၢတၢ်ဆါအံၤမ့တၢ်ဆါတခါလၢ အကဲထီၣ်သးခီဖျိတၢ်ဆၢအိၣ်၀ဲဒၣ်လၢနသွံၣ်အကျါအါတလၢအဃိန့ၣ်လီၤ. ဆံၣ်ဆၢတၢ်ဆါအံၤကဲထီၣ်အသးခီဖျိလၢ နမိၢ်ပှၢ်န့ၣ်တထုးထီၣ်၀ဲဒၣ် အံၤစူၤလံ (ဟီၣ်မိလၢအမၤဘၣ်ဂီၢ်၀ဲဒၣ်ကလူခိး(စ်)) မ့တမ့ၢ် နမိၢ်ပှၢ်န့ၣ်တခီဆၢ၀ဲဒၣ် အံၤစူၤလံ (ဟီၣ်မိလၢအမၤဘၣ်ဂီၢ်၀ဲဒၣ်ကလူခိး(စ်)) အဃိန့ၣ်လီၤ. ဟီၣ်မိတခါအံၤအကဘၣ်မၤလီကရဲကွံာ်၀ဲဒၣ်အံသၣ်ဆၢလၢပသွံၣ်ကျိၤအပူ (ပသ့ၣ်ညါစ့ၢ်ကီးအီၤဒ် ကလူခိး(စ်))န့ၣ်လီၤ. အံသၣ်ဆၢထံလၢအမ့ၢ်၀ဲဒၣ် ကလူခိး(စ်) မ့အိၣ်အါတလၢန့ၣ်ကဲထီၣ်က့ၤ၀ဲဒၣ်တၢ်အစုၣ်အပျၢ်အဃိ တၢ်၀ဲန့ၣ်မ့ၢ်တၢ်အိၣ်သးလၢအလီၤဘၣ်ယိၣ်၀ဲဒၣ်န့ၣ်လီၤ.
နီၢ်ခိအတယၢၢ်အါတလၢ, တၢ်အီၣ်၀ဲဒၣ်တၢ်အီၣ်တၢ်အီလၢအတဂ့ၤလၢတအိၣ်ဆူၣ်အိၣ်ချ့အဂီၢ်, သးနံၣ်ပှၢ်ထီၣ်, ဒီး ဟံၣ်ဖိဃီဖိအတၢ်လီၤစၢၤလီၤသွဲၣ်သ့ၣ်တဖၣ်အံၤ မ့ၢ်တၢ်ဂ့ၢ်ခိၣ်သ့ၣ်လၢ အဒုးကဲထီၣ်၀ဲဆံၣ်ဆၢတၢ်န့ၣ်လီၤ. နမ့ၢ်အိၣ်ဒီး တၢ်အိၣ်ဟုးအိၣ်သးကတီၢ် ဆံၣ်ဆၢတၢ်ဆါ, မ့တမ့ၢ် ဆံၣ်ဆၢတၢ်ဆါကဲထီၣ်ဒီးနၤ ဖဲနဒၢထီၣ်အခါ နအိၣ်နဲဒၣ်လၢ တၢ်ဘၣ်ယိၣ်အလီၢ်လၢ အဒိၣ်အါဝဲ လၢနကကဲထီၣ် ဆံၣ်ဆါတၢ်ဆါ စ့ၢ်ကီးလီၤ.
ဆံၣ်ဆၢတၢ်ဆါ အကလုာ် 1 ဒီး အကလုာ် 2 လီၤဆီလိာ်သးဒ်လဲၣ်
- ဆံၣ်ဆၢတၢ်ဆါ ကလုာ်1 န့ၣ်မ့ၢ်၀ဲတၢ်တဘၣ်လိာ်ဘၣ်စးလၢနမိၢ်ပှၤအပူၤဖဲလၢတတုးထီၣ်၀ဲဒၣ် အံၤစူၤလံ (insulin)န့ၣ်လီၤ. ပှၤလၢအဒိးန့ၢ်ဘၣ်ဆံၣ်ဆၢတၢ်ဆါ ကလုာ်1 န့ၣ်ညီနုၢ်တၢ်ဆါပနီၣ်သ့ၣ်တဖၣ်စးထီၣ်အိၣ်ဖျါလၢအနီၢ်ဆံးအခါ, လၢတၢ်န့ၣ်အဃိ တၢ်ဆါတကလုာ်အံနကနၢ်ဟူ၀ဲဒၣ်ပှၤကိးအီၤလၢ ဖိသၣ်ကတီၢ်ဆံၣ်ဆၢတၢ်ဆါ မ့တမ့ၢ် ပှၤတဒိၣ်တုာ်ခိၣ်ပှဲၤဆံၣ်ဆၢတၢ်ဆါန့ၣ်လီၤ.
- ဆံၣ်ဆၢတၢ်ဆါ ကလုာ်2တကလုာ်အံၤဟဲကဲထီၣ်၀ဲဒၣ်ဖဲ နမိၢ်ပှၢ်တခီဆၢက့ၤ အံၤစူၤလံ(insulin) ဒီးတၢ်ဆၢအိၣ်၀ဲအါတလၢလၢနသွံၣ်ကျိၤအပူၤန့ၣ်လီၤ. ဆံၣ်ဆၢတၢ်ဆါ 2 ကလုာ်အံၤညီနုၢ်ကဲထီၣ်သးခီဖျိတၢ်အီၣ်၀ဲတၢ်အီၣ်တၢ်အီလၢအတဂ့ၤတၢ်အိၣ်ဆူၣ်အိၣ်ချ့အဂီၢ်, တၢ်ဘီၣ်တလၢဒီး/မ့တမ့ၢ် နီၢ်ခိတၢ်ဟူးတၢ်ဂဲၤတအိၣ်ဘၣ်န့ၣ်လီၤ.
ဆံၣ်ဆၢတၢ်ဆါ ကလုာ်2 အံၤဘၣ်တၢ်သ့ၣ်ညါအီဒ်အမ့ၢ်၀ဲ သးပှၢ်ကတီၢ်ဆံၣ်ဆၢတၢ်ဆါ မ့ၢ်လၢ တၢ်ဆါတကလုာ်အံၤအဘၣ်က့ၤနၤလၢနသးပှၢ်ထီၣ်အတီၢ်န့ၣ်လီၤ. ခဲအံၤ,တၢ်ဆါ၀ဲအံၤအဘၣ်စ့ၢ်ကီးပှၤဖိသၣ်န့ၣ်လီၤ. တၢ်ဆါ၀ဲအံၤမ့ၢ်တၢ်လီၤဘၣ်ယိၣ်သနာ်က့ အမ့ၢ်တၢ်ဆါလၢနဒီသဒၢအီၤသ့၀ဲဒၣ်န့ၣ်လီၤ.
နဒီသဒၢ မ့တမ့ၢ် တြီဃာ်၀ဲဒၣ်ဆံၣ်ဆၢတၢ်ဆါသ့
- ဆီတလဲတၢ်အီၣ်တၢ်အီလၢ ကမၤလီၤစှၤစၢၤ၀ဲဒၣ်နတယၢၢ်အဃၢ မ့တမ့ၢ် နကဘၣ်ကၢၤဃာ်၀ဲဒၣ်နမိၢ်ပှၢ်တယၢၢ်လၢ အဂ့ၤလၢနတၢ်အိၣ်ဆူၣ်အိၣ်ချ့အဂီၢ်
- မၤနီၢ်ခိတၢ်ဟူးတဂဲၤတၢ်ဂဲၤလိာ် ဘၣ်ဆၢဘၣ်တီၢ်. နီၢ်ခိတၢ်ဟူးတၢ်ဂဲၤတၢ်ဂဲာ်လိာ်အံၤ အမၤလီၤစှၤကွံာ်၀ဲဒၣ်တၢ်ဆၢလၢနသွံၣ်ကျါ, လၢတၢ်န့ၣ်အဃိနတလိၣ်ဘၣ် အံၤစူၤလံ(insulin) အါအါန့ၣ်လီၤ.
- နကဘၣ်စူးကါ၀ဲဒၣ်ကသံၣ်လၢနကသံၣ်သရၣ်ဟ့ၣ်လီၤလၢ နကကတီၤ၀ဲဒၣ်နဆံၣ်ဆၢတၢ်ဆါအဂီၢ်န့ၣ်လီၤ.
တၢ်သမံထံမၤကွၢ် မ့တမ့ၢ် မၤကွၢ်အီဒ်သိးနဃုထံၣ်သ့ၣ်ညါဘၣ်ဆံၣ်ဆၢတၢ်ဆါ
တၢ်မၤကွၢ်တၢ်အိၣ်၀ဲတဘျုးမံၤလၢနဃုထံၣ်သ့ၣ်ညါဘၣ် ဆံၣ်ဆၢတၢ်ဆါအဂီၢ်န့ၣ်လီၤ. တၢ်မၤကွၢ်သ့ၣ်တဖၣ်အံၤအထိၣ်ကွၢ်၀ဲနတၢ်ဆၢ မ့တမ့ၢ် ကလူခိး (စ)လၢအအိၣ်လၢနမိၢ်ပှၤပူၤ ဆံးအါလဲၣ်န့ၣ်လီၤ.
- တၢ်မၤကွၢ်၀ဲဒၣ်သွံၣ်ကလူခိး(စ) ခီဖျိတၢ်ဒုၣ်အီၣ်တၢ်
- တၢ်မၤကွၢ်၀ဲဒၣ်ဟံၤမိၤဂလိၤဘံ (Hemoglobin) A 1
- Oral glucose tolerance test (အံၤမ့ၢ်တၢ်မၤကွၢ်၀ဲဒၣ်ဘၣ်ဃာ်ဒီးနမိၢ်ပှၢ်ရဲၣ်ကျဲၤ၀ဲၣ်အံသၣ်ဆၢလၢအပၣ်ဃုာ်လၢတၢ်အီၣ်ကျါ)
တၢ်လီၤဘၣ်ယိၣ်အိၣ်လၢနဒိးန့ၢ်ဘၣ် ဆံၣ်ဆၢတၢ်ဆါသ့အဃိသတာ်ဒီး နကြၢးလဲၤမၤကွၢ်သးပှဲၤဘျီလဲၣ် ပှၤလၢအသးန့ၣ်အိၣ်၀ဲ45 နံၣ်မ့တမ့ၢ်အဖီခိၣ်န့ၣ်, တၢ်ပာ်ပနီၣ်အိၣ်လၢကဘၣ်မၤကွၢ်သးသၢနံၣ်တဘျီန့ၣ်လီၤ. နကသံၣ်သရၣ်ကဟ့ၣ်ကူၣ်နၤလၢနကမၤကွၢ်နသးခဲအံၤခဲအံၤန့ၣ်လီၤ.
တၢ်ကူဆါယါဘျါလၢဆံၣ်ဆၢတၢ်ဆါအဂီၢ်တဖၣ်မ့ၢ်တမနုၤလဲၣ်
ထဲလၢတၢ်ဆီတလဲအီၣ်တၢ်အီၣ် ဒီးတၢ်မၤနီၢ်ခိတၢ်ဟူးတၢ်ဂဲၤတၢ်ဂဲၤလိာ်အံၤမ့တၢ်လၢပှဲၤဘၣ်ဒီး နကလိၣ်ဘၣ်ကသံၣ်ကသီစ့ၢ်ကီးန့ၣ်လီၤ. နကသံၣ်သရၣ်ကတဲဘၣ်နၤကသံၣ်လၢနကဘၣ်အီၣ်အီၤလၢ နကကတီၤက့ၤနဆံၣ်ဆၢတၢ်ဆါ မ့တၢ်မ့ၢ် တၢ်ကူဆါယါဘျါ အံၤစူၤလံ(insulin) အဂီၢ်န့ၣ်လီၤ.
သ့ၣ်ညါအတၢ်ပနီၣ်တဖၣ်
ဆံၣ်ဆၢတၢ်ဆါအတၢ်ပနီၣ် ဒီး တၢ်ဂ့ၢ်ပိာ်ထွဲထီၣ်အခံတဖၣ်
ဆံၣ်ဆၢတၢ်ဆါအံၤအတၢ်ပနီၣ်အိၣ်၀ဲစှၤကိးမံၤန့ၣ်လီၤ. နမ့ဒိးန့ၢ်ဘၣ်တၢ်ပနီၣ်တခါခါဒီး နကြၢးလဲၤထံၣ်လိာ်သးဒီးနကသံၣ်သရၣ်န့ၣ်လီၤ. နမ့တကူဆါယါဘျါ၀ဲဒၣ် ဆံၣ်ဆၢတၢ်ဆါအံၤဘၣ်န့ၣ်တၢ်ဂ့ၢ်ပိာ်ထွဲအခံတဖၣ်အံၤ မ့ၢ်တၢ်လီၤဘၣ်ယိၣ်ဒိၣ်မးန့ၣ်လီၤ.
ဆံၣ်ဆၢတၢ်ဆါအတၢ်ပနီၣ်တဖၣ်
- ထံၣ်တၢ်ကဒု
- တၢ်သးသူအီထံ
- ဆံၣ်ဆါချုးလီၤခံ
- ဂံၢ်ဘါတအိၣ် မ့တမ့ၢ် တၢ်သူၣ်လီၤဘှံးသးလီၤတီၤ
- လိၤသး မ့တမ့ၢ် စုတီာ်တုၤခီၣ်တီာ်တုၤ
တၢ်ဆါပိာ်ထွဲထီၣ်အခံတဖၣ်လၢ အကဲထီၣ်သ့
- အမၤဘၣ်ဒိ၀ဲဒၣ်နမဲာ်ကဘျၣ်, ဒီးနမဲာ်တထံၣ်တၢ်လၢာ်ဘၣ်သ့န့ၣ်လီၤ.
- ကလ့ၢ်ဘၣ်ဒိ
- သးတၢ်ဆါ
- ကလံၤဖၠးဒီးလိၤလီၤဘျ့
- ထူၣ်ပျၢ်နၢာ်ဘၣ်ဒိ, ပၢၢ်တုၤလၢစုခီၣ်တီာ်တုၤ မ့တမ့ၢ် စုလၣ်ခီၣ်လၣ်ဆါတကံ
တၢ်ရဲၣ်တၢ်ကျဲၤတဖၣ်
တၢ်ဒီသဒၢမ့တမ့ၢ် တၢ်ဆီၣ်ထွဲမၤစၢၤလၢ ဆံၣ်ဆၢတၢ်ဆါအဂီၢ်
လၢကီၢ်အမဲရကၤအပူၤ ပှၤဒိၣ်တုာ်ခိၣ်ပှဲၤ 3 အကျါ 1 ဂၤ မ့ၢ်တူၢ်ဘၣ် ဆံၣ်ဆၢတၢ်ဆါ အစးထီၣ်ဖိ သနာ်က့ာ်, ** နကတူၢ်ဘၣ်လၢ နဘၣ်လဲၤခီဖျိတၢ်အံၤ ထဲတဂၤဧိၤလီၤ. တၢ်ရဲၣ်တၢ်ကျဲၤ အိၣ်ဝဲအါမးလၢနဒိးန့ၢ်အီၤသ့ လၢကဟ့ၣ်နၤ တၢ်ဆီၣ်ထွဲမၤစၢၤ လၢနလိၣ်ဘၣ်အီၤ ဒ်သိး ကဒီသဒၢ မ့တမ့ၢ် ကပၢၤဃာ် ဆံၣ်ဆၢတၢ်ဆါ အဂီၢ်န့ၣ်လီၤ.
တၢ်တြီဃာ် ဆံၣ်ဆၢတၢ်ဆါ အတၢ်ရဲၣ်တၢ်ကျဲၤ
တၢ်ဒီသဒၢ ဆံၣ်ဆၢတၢ်ဆါ အတၢ်ရဲၣ်တၢ်ကျဲၤ တမံၤန့ၣ် တၢ်ဒိးန့ၢ်အီၤအခဲအံၤသ့ ဒီး တလၢာ်ဘၣ်ဘူးလဲ လၢ 2024 နံၣ်အပူၤ ဆူ Blue Cross ကရူၢ်ဖိ အအါကတၢၢ်အဂီၢ်န့ၣ်လီၤ.* ဒိးန့ၢ် နီၢ်ကစၢ် ဒီး အ့ထၢၣ်နဲး တၢ်မၤစၢၤ လၢတၢ်ဒီသဒၢ မ့တမ့ၢ် တၢ်မၤဃၢလီၤ ကလုာ် 2 ဆံၣ်ဆၢတၢ်ဆါ လၢဒီတနံၣ်အဂီၢ်တက့ၢ်. ဖီတၢၣ်န့ၣ် မ့ၢ်ဒ်သိး ကမၤလိ သ့ၣ်ညါ တၢ်အိၣ်ဆူၣ် အိၣ်ချ့ အလုၢ်အလၢ်တဖၣ် ဒီး မၤစှၤလီၤ န နခိၣ် အတယၢၢ်ဆူ 5 မျးကယၤန့ၣ်လီၤ.
ပာ်ဂၢၢ်တၢ်ဒိးန့ၣ်ခွဲးယာ် ဃုာ်ဒီး တၢ်တိစၢၤမၤစၢၤလၢ ပှၤ စူးကါတၢ်ဖိအဂီၢ်
Omada လၢတၢ်ဒီသဒၢတၢ်ဆူးတၢ်ဆါအဂီၢ်
တၢ်ဒီသဒၢ ကလုာ် 2 သွံၣ်ဆၢဆံၣ်ဆၢဒီး သးဖျၢၣ်တၢ်ဆါ
မ့ၢ်နလိၣ်ဘၣ်တၢ်မၤစၢၤ လၢကပာ်နသးဆူၣ်ဆူၣ်ချ့ချ့အဂီၢ်ဧါ. ပမၤညီထီၣ်စၢၤနကျဲၤ ဒ်သိးနကမၤတၢ်ဆီတလဲလၢ အကဲဘျုးနၤအါကတၢၢ်တဖၣ်အဂီၢ်သ့လီၤ.
ဆဲးကျိးဆူ 1-888-409-8687
Omada လၢ တၢ်ပၢဆှၢအံးကွၢ်က့ၤ ဆံၣ်ဆၢတၢ်ဆါတဖၣ်အဂီၢ်
တၢ်နဲၣ်ကျဲတၢ်အိၣ်ဆူၣ်အိၣ်ချ့အတၢ်ရဲၣ်တၢ်ကျဲၤ လၢအ့ထၢၣ်နဲးဖီခိၣ်
Omada မၤစၢၤနၤ လၢနကတုၤထီၣ်ဘး နဆူၣ်ချ့ဖီတၢၣ်တဖၣ် ဒီးဆဲးပၢၤဃာ်အီၤ ကန့ၢ်ဝဲ တခါဘၣ်တခါလီၤ.
ဆဲးကျိးဆူ 1-888-409-8687
Omada လၢတၢ်အံးကွၢ်ပၢဆှၢ သွံၣ်ဂံၢ်ဆီၣ်အါတၢ်ဆါအဂီၢ်
တၢ်နဲၣ်ကျဲတၢ်အိၣ်ဆူၣ်အိၣ်ချ့အတၢ်ရဲၣ်တၢ်ကျဲၤ လၢအ့ထၢၣ်နဲးဖီခိၣ်
ခီဖျိပှၤကွၢ်ထွဲ အကရူၢ်ဖိ လၢအသးအိၣ်မၤစၢၤနၤအဃိ နာ်န့ၢ်လၢ Omada ကပာ်ဆူၣ်ထီၣ်ချ့ထီၣ်နသးသမူ ဃုာ်ဒီးအံၣ်လဲးထြီနံးပီးလီ ဒီးတၢ်ကွၢ်ထွဲတၢ်တိာ်ကျဲၤ လၢအမၤစၢၤသ့တဖၣ်အဃိတက့ၢ်.
ဆဲးကျိးဆူ 1-888-409-8687
တၢ်ဂ့ၢ်ကျိၤ(သဲစးအမူးအရၢ်)အဂီၢ်တၢ်ပၢဆှၢရဲၣ်ကျဲၤ
တၢ်ဆီၣ်ထွဲမၤစၢၤ ဆူၣ်ချ့တၢ်အိၣ်သးတဖၣ်
တၢ်ရဲၣ်တၢ်ကျဲၤလၢအကလီတမံၤအံၤ ဘၣ်တၢ်ဒုးအိၣ်ထီၣ်အီၤ လၢကမၤစၢၤကရူၢ်ဖိ အိၣ်ဃုာ်ဒီးဆူးဆါတၢ်အိၣ်သးနးနး, လၢပှၤနၢ်ပၢၢ်အီၤကီဝဲ ဒီးတၢ်ဆူးတၢ်ဆါလီၤလီၤဆီဆီသ့ၣ်တဖၣ် ဒ်သိးအတၢ်ကူစါယါဘျါဆူးဆါအကျိၤအကျဲန့ၣ် ကလဲၤအသးဂ့ၤဂ့ၤအဂီၢ်န့ၣ်လီၤ.
*တၢ်နီၤဟ့ၣ် တၢ်လၢာ်ဘူၣ်လၢာ်စ့ တအိၣ်ဘၣ်လၢ ကရူၢ်ဖိ လၢ DPP အဂီၢ် လၢတၢ်ဟ့ၣ်တၢ်အုၣ်ကီၤ လၢလၢပှဲၤပှဲၤ တၢ်အုၣ်ကီၤအတၢ်တိာ်ကျဲၤ လၢတၢ်မၤလီၢ်ဟ့ၣ်လီၤ အဂီၢ် ကရူၢ်ဖိတဖၣ် ကဘၣ်စးထီၣ်ဃုာ်ဒီး အဝဲသ့ၣ် 2024 အတၢ်တိာ်ကျဲၤ တၢ်မၤကဲထီၣ်အသီန့ၣ်လီၤ. တၢ်ဟ့ၣ်တၢ်အုၣ်ကီၤလၢနီၢ်ကစၢ် တၢ်တိာ်ကျဲၤ (တၢ်န့ၣ်ဘျုးတဖၣ် ဘၣ်တၢ်ဆီလီၤအီၤ ခီဖျိ တၢ်မၤကစၢ် တဂၤ ) ဃုထၢဝဲလၢ ကဟ့ၣ်တၢ်လၢာ်ဘူၣ်လၢာ်စ့ၤတအိၣ် DPP တၢ်ဟ့ၣ်အဘူးအလဲလၢ အဝဲသ့ၣ် အပှၤမၤတၢ် ဖိတဖၣ် အဂီၢ်န့ၣ်လီၣ်. ကရူၢ်ဖိတဖၣ် မၤတၢ်သ့ ဃုာ်ဒီး အတၢ်မၤကစၢ် HR တၢ်မၤဝဲကျိၤ မ့တမ့ၢ် ဒ်ပစံး Blue Cross တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဒ်သိး ကမၤလိၤတၢ် အါထီၣ်အဂီၢ်န့ၣ်လီၤ.
**CDC (လါနိၣ်၀့ဘၢၣ် 2023) https://www.cdc.gov/diabetes/data/statistics-report/index.html
***Omadaအံၤတဘၣ်တၢ်ဟ့ၣ်အီၤလၢတၢ်တိာ်ကျဲၤခဲလၢာ်ဘၣ်လီၤ. ကရူၢ်ဖိတနီၤနုာ်လီၤ၀ဲလၢတၢ်ရဲၣ်တၢ်ကျဲၤတခါအံၤတသ့ဘၣ်န့ၣ်လီၤ. ၀ံသးစူၤဆဲးကျိးဘၣ်တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအအိၣ်လၢ Blue Cross တၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးနကဘၣ်ဖျါလီၤတံၢ်က့ၤ၀ဲ တၢ်ဟ့ၣ်အဘူးအလဲအဂီၢ်န့ၣ်လီၤ.
Omada တၢ်ရဲၣ်တၢ်ကျဲၤအံၤအိၣ်ဟဲ၀ဲလၢ Omada Health, Inc., မ့ၢ်၀ဲခီပနံာ်သဘျ့တဖျၢၣ်လၢအဟ့ၣ်လီၤ၀ဲဒၣ် ဒံးကၠံးတၢၣ် တၢ်ကွၢ်ထွဲ တၢ်ရဲၣ်တၢ်ကျဲၤတဖၣ်န့ၣ်လီၤ.