မၤလိတၢ်ဘၣ်ဃး တၢ်လၢအဒုးကဲထီၣ်တၢ်သါအံး, တၢ်သါထီၣ်သါလီၤတၢ်ဟူးဂဲၤတဖၣ်လၢတၢ်သါအံးအဂီၢ်, တၢ်ဟ့ၣ်ကူၣ်တဖၣ်လၢ ကဒီသဒၢတၢ်သါအံးအဂီၢ် ဒီးတၢ်အဂၤတဖၣ်လၢ Blue Cross ဒီး Blue Shield လၢ Minnesota တက့ၢ်.
တၢ်သါအံးန့ၣ် မ့ၢ်ပသိၣ်တၢ်ဆါတမံၤ လၢအမၤကီမၤခဲတၢ်သါထီၣ်သါလီၤန့ၣ်လီၤ. နဒီသဒၢတၢ်သါအံးအတၢ်ဟဲဘၣ်သတူၢ်ကလာ်တဖၣ် ခီဖျိတၢ်ဆီတလဲနခိၣ်နဃၢၤလၢတၢ်ပာ်သူၣ်ပာ်သးအပူၤဒီးတၢ်ဟးဆှဲးတၢ်လၢအဒုးကဲထီၣ်အီၤတဖၣ်န့ၣ်လီၤ. နကသံၣ်သရၣ်န့ၣ် ကဟ့ၣ်စ့ၢ်ကီးကသံၣ်လၢအမၤစၢၤနၤသ့န့ၣ်လီၤ.
တၢ်သါအံးန့ၣ် မ့ၢ်စၢၤသွဲၣ်တၢ်ဆါတမံၤအဃိ နမိၢ်ပၢ်အကျါတဂၤဂၤ မ့ၢ်အိၣ်ဒီးတၢ်သါအံးန့ၣ် ကဲထီၣ်သ့လၢနအိၣ်ဒီးတၢ်သါအံးစ့ၢ်ကီးလီၤ. တၢ်ဟဲလီၤစၢၤလီၤသွဲၣ်ပီညါတကးဒံးဘၣ်, သွံၣ်ထံတဘၣ်လိာ်ဘၣ်စး, တၢ်ဆူးတၢ်ဆါ, တၢ်အိမီၣ်, ဆၣ်ဖိကီၢ်ဖိဘူၣ်ကွၢ်ကီတဖၣ်, ကလံၤခုၣ်, တၢ်ဘၣ်ယိၣ်လီၤဘှံး မ့တမ့ၢ်တၢ်နီၢ်ခိတၢ်ဟူးဂဲၤဒၣ်လဲာ် ဒုးအိၣ်ထီၣ်တၢ်သါအံးသတူၢ်ကလာ်သ့န့ၣ်လီၤ.
အပနီၣ်တဖၣ်ပၣ်ဃုာ်ဒီး တၢ်သါဖုၣ်, တၢ်သါသီၣ်ကြီာ်ကြီာ်ကြာ်ကြာ်, တၢ်ကူးမ့တမ့ၢ်တၢ်ကတံာ်လၢသးနါပှၢ်အပူၤန့ၣ်လီၤ.
ပသိၣ်တဖၣ်န့ၣ် မၤဆၢတၢ်လၢကျဲလီၤဆီခံမံၤ:
အကါဒိၣ်လၢကနၢ်ပၢၢ် ကသံၣ်အတၢ်ဟ့ၣ်ကူၣ်အိၣ်မနုၤလဲၣ် ဒီးနတၢ်တိာ်ကျဲၤတခါန့ၣ် ဟ့ၣ်အပှ့ၤလၢတၢ်မနုၤအဂီၢ်လဲၣ်န့ၣ်လီၤ. စူးကါတၢ်တိစၢၤမၤစၢၤသ့ၣ်တဖၣ်အံၤ ဒ်သိးကဃုထံၣ်သ့ၣ်ညါတၢ်အဂီၢ်တက့ၢ်. ကွၢ်ဃုတၢ်ဂ့ၢ်ဆံးကိာ်အဂၤတဖၣ် လၢနတၢ်န့ၢ်ဘျုးန့ၢ်ဖှိၣ်အလံာ်ဆံးဖိတက့ၢ်.
တၢ်သါအံးတၢ်ဘၣ်သတူၢ်ကလာ်န့ၣ် လီၤဆီလၢပှၤကိးဂၤဒဲးအဂီၢ်လီၤ. မၤလိကျဲလၢကဟးဆှဲးအဝဲသ့ၣ်န့ၣ် ဒီသဒၢတၢ်သါအံးကသ့ဝဲန့ၣ်လီၤ.
တၢ်ဂ့ၢ်တနီၤလၢနမၤသ့ ဒ်သိးနကဟးဆှဲးညီနုၢ်တၢ်မၤအသးတဖၣ်လၢ အဒုးကဲထီၣ်တၢ်သးအံးန့ၣ်အိၣ်ဖဲအံၤ
တၢ်ကူစါဒီးကသံၣ်ကသီတဖၣ်န့ၣ် ဒိးသန့ၤအသးလၢနတၢ်သါအံးဆူၣ်ထဲလဲၣ် ဒီးကဲထီၣ်ပှဲၤဘျီလဲၣ်န့ၣ်လီၤ.
နအီကသံၣ်ဒ်တၢ်နဲၣ်ကျဲအသိးဧါ ဒီးဟးဆှဲးတၢ်မၤကီခဲတဖၣ်ဘၣ်ဆၣ် မ့ၢ်အိၣ်ဒီးတၢ်ဆါကတူၢ်ကလာ်န့ၣ် ကတိၤတၢ်ဒီးနကသံၣ်သရၣ်တက့ၢ်.
လီၤဆီဒၣ်တၢ် တၢ်သါအံးကဲထီၣ်ခီဖျိတၢ်ဘၣ်ယိၣ်လီၤဘှံး မ့တမ့ၢ်တၢ်သါအံးပနီၣ်တဖၣ် လၢအအိၣ်ထီၣ်ဖဲတၢ်ပျံၤတၢ်ဖုးကဲထီၣ်အဂီၢ်န့ၣ် တၢ်သါထီၣ်သါလီၤတၢ်ဟူးဂဲၤန့ၣ်မၤစၢၤသ့လီၤ. အဝဲသ့ၣ်ဟ့ၣ်နၤပီးလီတမံၤ ဒ်သိးကမၤဂၢၢ်နသးဖဲနပာ်စၢၢ်ဆၢနသးလၢနတၢ်သါထီၣ်သါလီၤအပူၤန့ၣ်လီၤ. သါနုာ်လီၤဒီးသါထုးထီၣ် ဖဲနဂံၢ်ကယီကယီတုၤတဆံတက့ၢ်.
တၢ်သမံသမိးလၢပှၤစူးကါအီၤအါကတၢၢ်မ့ၢ်ဝဲ တၢ်စူးကါပသိၣ်အတၢ်မၤတမံၤန့ၣ်လီၤ. တၢ်သမံသမိးသွံၣ်ထံတဘၣ်လိာ်ဘၣ်စးန့ၣ် ဆၢတဲာ်တၢ်လၢအဒုးကဲထီၣ်နတၢ်သါအံးတဖၣ်သ့စ့ၢ်ကီးန့ၣ်လီၤ. ကိးဘၣ်ပှၤစူးကါတၢ်တိစၢၤမၤစၢၤ အလီတဲစိနီၣ်ဂံၢ် လၢနကရူၢ်ဖိကရူၢ်ဖိ တၢ်ကွၢ်နီၣ်ကွၢ်ဃါခးက့ ဒ်သိးကဃုသ့ၣ်ညါလၢတၢ်သမံသမိးသ့ၣ်တဖၣ်အံၤ ဘၣ်တၢ်ဟ့ၣ်အပှ့ၤဧါန့ၣ်တက့ၢ်.
Blue Cross ဟ့ၣ်လီၤစ့ၢ်ကီး တၢ်မၤမူဒါခိၣ်တဖၣ်ဒီး နီၤဟ့ၣ်တၢ်ကူၣ်ဘၣ်ကူၣ်သ့ခီဖျိလီပရၢလၢ ပှၤဒိၣ်တုာ်ခိၣ်ပှဲၤဒီးဖိဒံဖိသၣ်တဖၣ်အဂီၢ် ဒ်သိးကပၢဆှၢရဲၣ်ကျဲၤတၢ်သါအံးအဂီၢ်လီၤ. တၢ်ကွၢ်ထွဲတၢ်သုးကျဲၤတၢ်ရဲၣ်တၢ်ကျဲၤန့ၣ် ပှၤကရူၢ်ဖိကြၢး၀ဲဘၣ်၀ဲတဖၣ် တလိၣ်ဟ့ၣ်အပှ့ၤဘၣ်, မၤသ့ဒ်အသးအိၣ်ဒၣ်ဝဲ ဒီးမ့ၢ်တၢ်လၢပတပာ်ဖျါဆူကမျၢၢ်ဘၣ်န့ၣ်လီၤ. နမ့အဲၣ်ဒိးသ့ၣ်ညါအါထီၣ် ဘၣ်ဃးဒီးတၢ်ရဲၣ်တၢ်ကျဲၤအံၤ, ကိးဘၣ် ပှၤစူးကါတၢ်တိစၢၤမၤစၢၤ အလီကျိၤလၢ နကရူၢ်ဖိ တၢ်ကွၢ်နီၣ်ကွၢ်ဃါခးက့အလီၢ်ခံ
ကွၢ်ဃု ပှာ်ဘျးစဲပူၤကသံၣ်သရၣ်တဖၣ် ဒီးပှၤမၤစၢၤတၢ်တဖၣ်လၢ နလီၢ်က၀ီၤအပူၤတက့ၢ်. နုာ်လီၤတၢ်တိာ်ကျဲၤခဲအံၤတၢ်ဟ့ၣ်အဘူးအလဲအဂီၢ်