Medicareတၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤ

Medicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤန့ၣ်မ့ၢ်တၢ်မနုၤလဲၣ်.

တၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤမ့ၢ်ဝဲတၢ်ရဲၣ်တၢ်ကျဲၤလၢတၢ်စးထီၣ်မၤအီၤဖဲ2025ဒ်သိးကမၤစၢၤနၤလၢတၢ်ရဲၣ်ကျဲၤနီၢ်ကစၢ်-ကဘၣ်ထုးထီၣ်ဟ့ၣ်-တၢ်အပှ့ၤMedicare တၢ်နီၤဖး D ကသံၣ်ကသီတၢ်လၢာ်ဘူၣ်လၢာ်စ့ၤခီဖျိတၢ်ရၤလီၤအီၤလၢတနံၣ်အတီၢ်ပူၤ(လါယနူၤအါရံၤ-လါဒံၣ်စဲဘၢၣ်)န့ၣ်လီၤ. တၢ်အံၤကဲဘျုးကဲဖှိၣ်ဝဲဖဲလၢနကသံၣ်ကသီတၢ်လၢာ်ဘူၣ်လၢာ်စ့ၤအါဝဲအခါ,လီၤဆီဒၣ်တၢ်ဖဲလၢနံၣ်အခီၣ်ထံးအခါန့ၣ်လီၤ.

နမ့ၢ်သးမံဒီး ခါခဲအံၤကျိၤကျဲလၢနဘၣ်ဟ့ၣ် Medicare တၢ်နီၤဖး D ကသံၣ်ကသီတဖၣ်အဂီၢ်အဃိ, နကသံၣ်ကသီတၢ်လၢာ်ဘူၣ်လၢာ်စ့ၤစှၤဝဲ မ့တမ့ၢ် တလါဘၣ်တလါထဲသိးသိး, မ့တမ့ၢ် နမ့ၢ်ဒိးန့ၢ်တၢ်မၤစၢၤလၢနကဟ့ၣ်ကသံၣ်အပှ့ၤခီဖျိ တၢ်ရဲၣ်တၢ်ကျဲၤအဂုၤအဂၤဒ်အမ့ၢ် တၢ်မၤစၢၤအါထီၣ်အဃိ, တၢ်ဟ့ၣ်အပှ့ၤတၢ်ဃုထၢတမံၤအံၤ တမ့ၢ်ဝဲတၢ်ဃုထၢအဂ့ၤကတၢၢ်လၢနဂီၢ်ဘၣ်.

တၢ်အံၤမ့ၢ်ဝဲဒၣ်နီၢ်ကစၢ်တၢ်သးအိၣ်တၢ်ဟ့ၣ်အပှ့ၤအခွဲးအယာ်လၢတၢ်ဟ့ၣ်လီၤခီဖျိMedicare တၢ်နီၤဖး Dတၢ်တိာ်ကျဲၤတဖၣ်န့ၣ်လီၤ. လၢတၢ်ကနုာ်လီၤပၣ်ဃုာ်အဂီၢ်တၢ်လၢာ်ဘူၣ်လၢာ်စ့ၤတအိၣ်ဘၣ်. တၢ်ရဲၣ်တၢ်ကျဲၤတမံၤအံၤကကဲထီၣ်ဝဲဒၣ်တၢ်မၤစၢၤဒ်သိးနကရဲၣ်ကျဲၤတလါဘၣ်တလါတၢ်လၢာ်ဘူၣ်လၢာ်စ့ၤတဖၣ်, ဘၣ်ဆၣ်တမ့ၢ်လၢနကပူၤဖျဲးလၢတၢ်ဘၣ်ဟ့ၣ်စ့ဘၣ်မ့တမ့ၢ်တမ့ၢ်လၢကထုးစှၤလီၤနကသံၣ်ကသီတၢ်လၢာ်ဘူၣ်လၢာ်စ့ၤတဖၣ်ဘၣ်.

ကသံၣ်လၢကသံၣ်သရၣ်ဟ့ၣ်လီၤ​​​​​​​ သဲစးတၢ်ဘျၢပာ်ပနီၣ်ဃာ်ဝဲဒၣ် တၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် ဖဲ$2,000 in 2025. အခီပညီန့ၣ်နတဘၣ်ဟ့ၣ်ဝဲအါန့ၢ် $2,000 ဖဲတၢ်အဘူးအလဲလၢတၢ်ဟ့ၣ်အီၤလၢနီၢ်ကစၢ်စ့တဖၣ်လၢMedicare တၢ်နီၤဖး D ကသံၣ်ကသီတၢ်လၢာ်ဘူၣ်လၢာ်စ့ၤလၢ 2025 နီတဘျီဘၣ်န့ၣ်လီၤ. တၢ်အံၤတၢ်မ့ၢ်တၢ်တီလၢပှၤကိးဂၤဒဲးလၢအိၣ်ဒီးMedicare တၢ်နီၤဖး D ကသံၣ်ကသီ တၢ်ဟ့ၣ်အဘူးအလဲ တဖၣ်အဂီၢ်, ဖဲလၢနတဃုထၢဝဲဒၣ် တၢ်ပၣ်ဃုာ်ဝဲဖဲတၢ်ဟ့ၣ်တၢ်အပှ့ၤအခွဲးအယာ်တမံၤအံၤဒၣ်လဲာ်န့ၣ်လီၤ.

Medicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤန့ၣ်မၤတၢ်ဒ်လဲၣ်.

• နကဘၣ်ဟ့ၣ်ဒံးဝဲဒၣ် Medicare တၢ်နီၤဖး D တၢ်တိာ်ကျဲၤ တၢ်အုၣ်ကီၤအဘူးအလဲ (နမ့ၢ်အိၣ်ပာ်တခါန့ၣ်) ဒ်လၢခါခဲအံၤနမၤပာ်အသိးန့ၣ်လီၤ. ထီဘိဟ့ၣ်တလါဘၣ်တလါန တၢ်အုၣ်ကီၤအဘူးအလဲ အဆိ(နမ့ၢ်အိၣ်ပာ်တခါန့ၣ်), ဒ်သိးနကကသံၣ် တၢ်ဟ့ၣ်အဘူးအလဲ သုတလီၤမၣ်ကွံာ်တဂ့ၤန့ၣ်လီၤ.
• နမ့ၢ်ဆဲးလီၤမံၤလၢMedicare တၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤဖဲ 2024,န့ၣ်, နတၢ်နုာ်လီၤပၣ်ဃုာ်ကစးထီၣ်ဝဲလၢ လါယနူၤအါရံၤ, 1, 2025 န့ၣ်လီၤ. ဖဲလါယနူၤအါရံၤအလီၢ်ခံ 1, 2025န့ၣ်, နဆဲးလီၤမံၤတဘျီလၢ်လၢ်လၢဒီတနံၣ်ညါအတီၢ်ပူၤသ့ဝဲဒၣ်န့ၣ်လီၤ.
• နတၢ်နုာ်လီၤပၣ်ဃုာ်အဂီၢ်တၢ်တူၢ်လိာ်အီၤမ့ၢ်ဝံၤန့ၣ်, နကဒိးန့ၢ်ဘၣ်လံာ်တဘ့ၣ်ဃုာ်ဒီးတၢ်ဂ့ၢ်တၢ်ကျိၤဘၣ်ဃးနကဘၣ်ဟ့ၣ်နတၢ်ဘူးတၢ်လဲဒ်လဲၣ်န့ၣ်လီၤ. ဖဲလၢ ပှၤဆါကသံၣ်ကသီ ဆှၢထီၣ် တၢ်ဃ့က့ၤအဘူးအလဲ လၢနတၢ် တၢ်ဟ့ၣ်ကသံၣ်အလံာ်က့ အဂီၢ်န့ၣ်, ပကဒုးသ့ၣ်ညါဘၣ် ကသံၣ်ကျး လၢ နမ့ၢ်ပှၤနုာ်လီၤပၣ်ဃုာ်ဖဲတၢ်ဟ့ၣ်တၢ်အပှ့ၤအခွဲးအယာ်တမံၤအံၤန့ၣ်လီၤ.
• ဖဲလၢနမၤပှဲၤတၢ်ဟ့ၣ်ကသံၣ်အလံာ်က့ ဘၣ်ဃးကသံၣ်လၢ တၢ်ဟ့ၣ်အဘူးအလဲကျၢၢ်ဘၢခီဖျိ Medicare တၢ်နီၤဖး Dန့ၣ်, တၢ်လၢနဘၣ်ဟ့ၣ်ဖဲကသံၣ်ကျးတဖၣ်အလီၢ်န့ၣ်, နကဒိးန့ၢ်ဘၣ် တၢ်ဆှၢန့ၢ်နၤတၢ်ဘူးတၢ်လဲတလါဘၣ်တလါ (ပၣ်ဃုာ်ဒီးတၢ်ဆှၢပရၢမၤလိာ်တၢ်ဒီးကသံၣ်ကျးလၢတၢ်လိၣ်ဘၣ်လီၤလီၤဆီဆီတဖၣ်) န့ၣ်လီၤ.
• နတၢ်ဘူးတၢ်လဲတလါဘၣ်တလါအဂီၢ်န့ၣ်ဒိးသန့ၤထီၣ်အသးလၢတၢ်လၢာ်ဘူၣ်လၢာ်စ့ၤဖဲကသံၣ်လၢကသံၣ်သရၣ်ဟ့ၣ်လီၤတဖၣ်, ဃုာ်ဒီး အပူၤကွံာ်အလါတဖၣ်စ့အိၣ်တ့ၢ်, နီၤဖးဒီးလါအနီၣ်ဂံၢ်ပှဲၤလါလၢအအိၣ်တ့ၢ်ဖဲတနံၣ်အတီၢ်ပူၤန့ၣ်လီၤ.
• နမူဒါအိၣ်ဒံးဝဲဒၣ်ဘၣ်ဃး Medicare တၢ်နီၤဖး D နီၢ်ကစၢ်ကဘၣ်ထုးထီၣ်ဟ့ၣ်တၢ်အပှ့ၤ လၢကသံၣ်ကသီတၢ်လၢာ်ဘူၣ်လၢာ်စ့တဖၣ်ခဲလၢာ်န့ၣ်လီၤ. နမ့ၢ်အဲၣ်ဒိးသ့ၣ်ညါဘၣ်ဃး တၢ်ဟ့ၣ်ကသံၣ်အလံာ်က့ မနုၤလၢနကစၢ်ကဘၣ်ဟ့ၣ်ဝဲဒၣ်လဲၣ်န့ၣ်, ဆဲးကျိးဘၣ် Medicare တၢ်နီၤဖး D တၢ်တိာ်ကျဲၤ မ့တမ့ၢ် သံကွၢ် ပှၤဆါကသံၣ်ကသီ​​​​​​​ န့ၣ်တက့ၢ်.

ကဆိကတီၢ်တၢ်ဘၣ်ထွဲ မ့တမ့ၢ် ကဟးထီၣ်လၢ Medicare တၢ်ဟ့ၣ်ကသံၣ်အလံာ်က့အဘူးအလဲတၢ်တိာ်ကျဲၤ မ့တမ့ၢ် ကပတံထီၣ်တၢ်ဂ့ၢ်ဘၣ်ဃး တၢ်ပာ်တၢ်ကမၣ် မ့တမ့ၢ် တၢ်သူၣ်တမံသးတမုာ်အဂီၢ်, ဆဲးကျိး
1-833-696-2087, TTY 711

ဖဲနဆိကတီၢ်နတၢ်ဘၣ်ထွဲ၀ံၤအလီၢ်ခံ

• နကဒိးန့ၢ်ဘၣ် တၢ်ဃ့က့ၤဘူးလဲစရီတလါဘၣ်တလါလၢ တၢ်အဘူးအလဲလၢနကဘၣ်ဟ့ၣ်က့ၤအဂီၢ် တုၤစ့အိၣ်တ့ၢ်လၢနကဘၣ်ဟ့ၣ်က့ၤခီဖျိ Medicare တၢ်ဟ့ၣ်ကသံၣ်အလံာ်က့အဘူးအလဲတၢ်တိာ်ကျဲၤ ဘၣ်တၢ်ဟ့ၣ်လီၤ၀ဲအလၢအပှဲၤတစုန့ၣ်လီၤ.
• နကဘၣ်ဟ့ၣ်နတၢ်လၢာ်ဘူၣ်လၢာ်စ့ အတၢ်နီၤလီၤပာ်၀ဲလၢ နကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ် ဖဲနလဲၤဟံးန့ၢ်ကသံၣ်လၢကသံၣ်ကျးအခါလီၤ.