တၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်

တၢ်ဃ့က့ၤတၢ်အဘူးအလဲလၢ Medicare တဖၣ်န့ၣ် တၢ်ဟ့ၣ်က့ၤအီၤဒ်လဲၣ်

မၤလိသ့ၣ်ညါဘၣ်ဃး နတၢ်ဃ့က့ၤအဘူးအလဲတဖၣ်န့ၣ် ဘၣ်တၢ်ဟ့ၣ်လီၤခီဖျိ Medicare ပှၤဟ့ၣ်တၢ်အခီၣ်ထံးတဆီဒီး ခံဆီတဆီဒ်လဲၣ်တက့ၢ်

တၢ်ကွၢ်ကဒါက့ၤ

ပှၤလၢအဟ့ၣ်ထီၣ်ဆူၣ်ချ့တၢ်ကွၢ်ထွဲတဖၣ်, Medicare တၢ်တိာ်ကျဲၤ ဒီး ခီပနံာ်လၢအဟ့ၣ်တၢ်အုၣ်ကီၤတဖၣ်န့ၣ်မၤသကိးတၢ် ဒ်သိးဒီးကမၤလီၢ်တံၢ်က့ၤနတၢ်ဃ့က့ၤအဘူးအလဲတဖၣ်လၢ Medicare ကဟ့ၣ်ဝဲနတၢ်ဃ့ထီၣ်အဘူးအလဲလၢအဘၣ်လီၤတံၢ်လီၤဆဲးအဂီၢ်န့ၣ်လီၤႉ

တၢ်အိၣ်သးတဖၣ်အိၣ်ဝဲအါမးလၢအဘၣ်ထွဲနတၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်အဂ့ၢ်လီၤ, ဒ်အမ့ၢ်ဝဲစ့အီၣ်လိးလၢပှၤမၤတၢ်ဖိအဂီၢ်, သုးဖိလီၢ်လံၤအတၢ်န့ၢ်ဘျုးတဖၣ်, COBRA, ဆူၣ်ချ့တၢ်အုၣ်ကီၤဒ်အကရူၢ်အသိး မ့တမ့ၢ် တၢ်မၤလၢထီၢ်ပှဲၤထီၣ် Medicare တၢ်တိာ်ကျဲၤတဖၣ် န့ၣ်လီၤႉ

မၤလိသ့ၣ်ညါဘၣ်ဃးအဝဲမၤတၢ်ဒ်လဲၣ်ဖဲပဒိၣ်အလံာ်ဆံာ်ဖိတဘ့ၣ်အံၤအပူၤတက့ၢ်.

ကွၢ် တၢ်နဲၣ်လီၤဘၣ်ဃး Medicare

တၢ်အခီပညီတဖၣ်လၢတၢ်နၢ်ပၢၢ်အီၤညီ

Medicare ပှၤဟ့ၣ်တၢ်အခီၣ်ထံးတဆီ- ဟ့ၣ်လီၤနဆူၣ်ချ့တၢ်ကွၢ်ထွဲအတၢ်လၢာ်ဘူၣ်လၢာ်စ့တဖၣ်အဂီၢ် တုၤဒၣ်လဲၣ်တၢ်ဟ့ၣ်အဘူးအလဲလၢနဂီၢ် ဆူညါတသ့လၢၤဘၣ်လီၤ.
Medicare ပှၤဟ့ၣ်တၢ်ခံဆီတဆီ- ဟ့ၣ်လီၤနဆူၣ်ချ့တၢ်ကွၢ်ထွဲ အတၢ်လၢာ်ဘူၣ်လၢာ်စ့လၢအအိၣ်တဲာ်တဖၣ်အဂီၢ် တုၤဒၣ်လဲာ်တၢ်ဟ့ၣ်အဘူးအလဲလၢနဂီၢ် ဆူညါတသ့လၢၤဘၣ်လီၤ.

တၢ်ဃ့က့ၤအဘူးအလဲတၢ်ဟ့ၣ်တဖၣ်

Medicare တၢ်ဃ့က့ၤအဘူးအလဲတၢ်ဟ့ၣ်တဖၣ်

နတၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်အဂ့ၢ်န့ၣ် ဒိးသန့ၤထီၣ်အသးစ့ၢ်ကီးဝဲလၢ မ့ၢ်နအိၣ်ဒီး Original Medicareဧါ မ့တမ့ၢ် မ့ၢ်နဆဲးလီၤနမံၤဆူတၢ်မၤလၢထီၣ်ပှဲၤထီၣ် Medicare တၢ်တိာ်ကျဲၤဧါန့ၣ်လီၤႉ တၢ်အမံၤအသၣ်စရီအံၤပာ်ဖျါထီၣ် မ့ၢ်မတၤတဖၣ်ဟ့ၣ်ဝဲ Medicare တၢ်နီၤဖး A ဒီး တၢ်နီၤဖး B အဘူးအလဲတဖၣ်အဂီၢ်လဲၣ်န့ၣ်လီၤ

Medicare တၢ်တိာ်ကျဲၤ	မတၤဟ့ၣ်အပှ့ၤလဲၣ်*
ORIGINAL MEDICARE တၢ်ဟ့ၣ်အဘူးအလဲဟဲခီဖျိလၢကီၢ်စၢဖှိၣ်အပဒိၣ်လီၤ
Medicare တၢ်နီၤဖး A: ဟ့ၣ်ဝဲဒၣ်လၢတၢ်ထီၣ်တၢ်ဆါဟံၣ်အဂီၢ်	Medicare န့ၣ်မ့ၢ်ပှၤဟ့ၣ်တၢ်တၢတဆီလၢ တၢ်နီၤဖး A တၢ်ဟ့ၣ်မၤစၢၤတၢ်ကွၢ်ထွဲအဘူးအလဲတဖၣ် ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်လီၤ
Medicare တၢ်နီၤဖး B : ဟ့ၣ်တၢ်လၢတၢ်လဲၤထံၣ်ဒီးကသံၣ်သရၣ်အဂီၢ်, တၢ်ကွၢ်ထွဲပှၤဆူးပှၤဆါလၢတလိၣ်အထီၣ်ဝဲတၢ်ဆါဟံၣ်အဂီၢ် ဒီး တၢ်သမံသမိးဆူၣ်ချ့တဖၣ်န့ၣ်လီၤ	Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး B တၢ်ကွၢ်ထွဲအတၢ်လၢာ်ဘူၣ်လၢာ်စ့အဂီၢ်လီၤ ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်လီၤ
တၢ်တိာ်ကျဲၤတဖၣ်လၢ ဘၣ်တၢ်ဆီတလဲအီၤဒီး ORIGINAL MEDICARE မ့တမ့ၢ် ဟ့ၣ်အါထီၣ် MEDICARE တၢ်ဟ့ၣ်အဘူးအလဲ နပှ့ၤန့ၢ် တၢ်ဟ့ၣ်အဘူးအလဲလၢတၢ်ဃုထၢအီၤသ့ခီဖျိ ခီပနံာ်လၢအဆါတၢ်အုၣ်ကီၤထဲလၢပှၤလီၤလီၤဆီဆီတဖုအဂီၢ် မ့ၢ်ဒ်သိးကမၤစၢၤနဟ့ၣ်တၢ်လၢာ်ဘူၣ်လၢာ်စ့တဖၣ်လၢ Original Medicare တဟ့ၣ်ဝဲဘၣ်လီၤ
Medicare Supplement (Medigap) တၢ်တိာ်ကျဲၤ- ခီပနံာ်လၢအဆါတၢ်အုၣ်ကီၤထဲလၢ ပှၤလီၤလီၤဆီဆီတဖုအဂီၢ်န့ၣ် ဟ့ၣ်တၢ်အဘူးအလဲလၢ တၢ်နီၤဖး A ဒီး တၢ်နီၤဖး B တဖၣ်တဟ့ၣ်ဝဲဘၣ်န့ၣ်လီၤ	Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး A ဒီး တၢ်နီၤဖး B တဖၣ်အဂီၢ်လီၤ ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢ်ခံဆီတဆီလၢ တၢ်နီၤဖး A ဒီး တၢ်နီၤဖး B အဘူးအလဲတဖၣ်လၢ အတဘၣ်တၢ်ဟ့ၣ်အီၤလၢ Medicare ဘၣ်န့ၣ်လီၤႉ ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare Cost တၢ်တိာ်ကျဲၤ ခီပနံာ်သဘျ့လၢအဆါတၢ်အုၣ်ကီၤထဲလၢမၤလံာ််ဃံာ််ဃာ်ဒီး Medicareလၢအကဟ့ၣ်ဝဲ တၢ်နီၤဖး B အတၢ်န့ၢ်ဘျုးတဖၣ်အဂီၢ်(ဒီး တဘျီတခီၣ်လၢတၢ်နီၤဖး D အဂီၢ် )	Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး A တၢ်ဟ့ၣ်မၤစၢၤတၢ်ဖံးတၢ်မၤတဖၣ်အဂီၢ်, ဒီးခီပနံာ်လၢအဆါတၢ်အုၣ်ကီၤန့ၣ်မ့ၢ်ဝဲဒၣ် ပှၤဟ့ၣ်တၢ်ခံဆီတဆီန့ၣ်လီၤႉ ခီပနံာ်လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢတၢ်နီၤဖး B တၢ်ဟ့ၣ်မၤစၢၤတၢ်ဖံးတၢ်မၤတဖၣ်အဂီၢ်ဒီး တၢ်နီၤဖး D ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ် မ့မ့ၢ်လၢတၢ်တိာ်ကျဲၤတကူာ်ဒိးန့ၢ်ဘၣ်ဝဲတၢ်န့ၢ်ဘျုးအဃိလီၤ ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare တၢ်နီၤဖး D တၢ်တိာ်ကျဲၤ ခီပနံာ်သဘျ့လၢအဆါတၢ်အုၣ်ကီၤန့ၣ် မၤလံာ်တၢ်အၢၣ်လီၤအီလီၤလိာ်သးဒီး Medicare မ့ၢ်ဒ်သိးကဟ့ၣ်ဝဲတၢ်လၢာ်ဘူၣ်လၢာ်စ့လၢကသံၣ်လၢကသံၣ်သရၣ်ဟ့ၣ်လီၤအတၢ်န့ၢ်ဘျုးတဖၣ်အဂီၢ်လီၤႉ Medicare တဟ့ၣ်ဝဲဒၣ်တၢ်လၢာ်ဘူၣ်လၢာ်စ့လၢတၢ်နီၤဖး D ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်ဘၣ်ႉ	ခီပနံာ်လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢ အကဟ့ၣ်ဝဲတၢ်လၢာ်ဘူၣ်လၢာ်စ့လၢကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်လီၤႉ ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare Advantage (တၢ်နီၤဖး C) တၢ်တိာ်ကျဲၤ: ခီပနံာ်သဘျ့လၢအဆါတၢ်အုၣ်ကီၤထဲန့ၣ်မၤလံာ်တၢ်အၢၣ်လီၤအီလီၤလိာ်သးဒီး Medicareမ့ၢ်ဒ်သိးအကဒုးဟ့ၣ်ဝဲ တၢ်နီၤဖး A, တၢ်နီၤဖး B ဒီး တၢ်နီၤဖး D တၢ်န့ၢ်ဘျုးတဖၣ်အဂီၢ်လီၤႉ	ခီပနံာ်သဘျ့လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢ အကဟ့ၣ်ဝဲတၢ်နီၤဖး A, တၢ်နီၤဖး B ဒီး တၢ်နီၤဖး D တၢ်ကွၢ်ထွဲအဘူးအလဲတဖၣ် ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ

*တၢ်ဟ့ၣ်တၢ်ကွၢ်ထွဲအဘူးအလဲလၢအကြၢးဒီးတၢ်ဃုထၢတဖၣ်လၢအဘၣ်တၢ်ဟ့ၣ်န့ၢ်အီၤအဘူးအလဲခီဖျိ Medicare အဂီၢ် မ့တမ့ၢ် လၢဆူၣ်ချ့တၢ်တိာ်ကျဲၤ အဂီၢ်

နမ့မ့ၢ် Blue Cross Medicare ကရူၢ်ဖိတဂၤအဃိ, နုာ်လီၤ မ့တမ့ၢ် အိးထီၣ်အကီး ဒ်သိးကသမံသမိး နတၢ်ဃ့က့ၤအဘူးအလဲအတၢ်အိၣ်အသး အဂ့ၢ်တက့ၢ်.

တၢ်ဃ့က့ၤအဘူးအလဲတၢ်မၤအကျဲ

Medicare တၢ်ဃ့က့ၤအဘူးအလဲအတၢ်မၤအကျိၤအကျဲ

Medicare ဒီး ခီပနံာ်လၢသဘျ့လၢအဆါတၢ်အုၣ်ကီၤန့ၣ်မၤသကိးလၢအတၢ်ဟ့ၣ်က့ၤတၢ်ဃ့က့ၤအဘူးအလဲတဖၣ်အဂီၢ်လီၤႉ ဘၣ်ဆၣ်သနာ်က့ အတၢ်မၤတဖၣ်န့ၣ်ဒိးသန့ၤထီၣ်အသးလၢ တၢ်တိာ်ကျဲၤအကလုာ်လၢနဒိးန့ၢ်ဘၣ်ဝဲလီၤႉ

သ့ၣ်နီၣ်ထီၣ်က့ၤမ့မ့ၢ်လၢနသုကသံၣ်သရၣ်တဂၤလၢအအိၣ်ဖဲ နတၢ်တိာ်ကျဲၤတၢ်ဘျးစဲပူၤဒီး, ကသံၣ်သရၣ်ကဃ့က့ၤတၢ်အဘူးအလဲလၢနဂီၢ်လီၤႉ နမ့ၢ်သူကသံၣ်သရၣ်လၢတၢ်တိာ်ကျဲၤဘျးစဲအချၢဒီး, နကစၢ်ကဘၣ်တီၣ်ထီၣ်တၢ်ဃ့က့ၤအဘူးအလဲအဂီၢ်န့ၣ်လီၤႉ

ဒုးနဲၣ်န Medicare တၢ်ကွၢ်နီၣ်ကွၢ်ဃါခးက့ ဆူနဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ်
နကသံၣ်သရၣ်ကဆှၢန့ၢ် နတၢ်ဃ့က့ၤအဘူးအလဲဆူ Medicare အအိၣ်လီၤ
Medicare ဟ့ၣ်တၢ်လၢအဆိဒီး ဆှၢလီၤဝဲတၢ်ဟ့ၣ်လၢတၢ်လၢာ်ဘူၣ်လၢာ်စ့အဂီၢ် လိၤလိၤဆူကသံၣ်သရၣ်အအိၣ်လီၤ
Medicare ဆှၢက့ၤနၤလံာ်ပာ်ဖျါတခါလၢ အတဲဖျါထီၣ်နကဘၣ်ဟ့ၣ်တၢ်မနုၤလဲၣ်အဂ့ၢ်လီၤ
နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

ဒုးနဲၣ်န Medicare တၢ်ကွၢ်နီၣ်ကွၢ်ဃါခးက့ဒီး တၢ်အုၣ်ကီၤတၢ်ကွၢ်နီၣ်ကွၢ်ဃါခးက့ဆူ နဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ်
နကသံၣ်သရၣ်ကဆှၢန့ၢ် နတၢ်ဃ့က့ၤအဘူးအလဲဆူ Medicare ဒီး ခီပနံာ်လၢအဆါတၢ်အုၣ်ကီၤအအိၣ်လီၤ
Medicare န့ၣ်မ့ၢ်ဝဲပှၤဟ့ၣ်တၢ်တၢတဆီဒီး ဆှၢလီၤဝဲတၢ်ဟ့ၣ်လၢတၢ်လၢာ်ဘူၣ်လၢာ်စ့အဂီၢ် လိၤလိၤဆူကသံၣ်သရၣ်အအိၣ်လီၤ
ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢ်ခံဆီတဆီဒီး ဟ့ၣ်တၢ်လၢအကဘၣ်ဟ့ၣ်က့ၤဝဲလိၤလိၤဆူ ကသံၣ်သရၣ်အအိၣ်လီၤ
ဝံၤဒီးခီပနံာ်ဟ့ၣ်တၢ်အုၣ်ကီၤန့ၣ်ကဆှၢန့ၣ်နၤတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) လၢအတဲဖျါထီၣ်နကဘၣ်ဟ့ၣ်တၢ်မနုၤလဲၣ်, မ့အိၣ်တမံၤလၢ်လၢ်န့ၣ်လီၤ
နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

ဒုးနဲၣ်နတၢ်အုၣ်ကီၤ တၢ်ကွၢ်နီၣ်ကွၢ်ဃါခးက့ဆူနဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ် (ပာ်ဃာ်က့ၤန Medicare တၢ်ကွၢ်နီၣ်ကွၢ်ဃါခးက့ဖဲတၢ်လီၢ်တတီၤတီၤလၢ အအိၣ်ဒီးတၢ်ဘံၣ်တၢ်ဘၢန့ၣ်တက့ၢ်)
နကသံၣ်သရၣ်ကဆှၢန့ၢ် တၢ်ဃ့က့ၤအဘူးအလဲထဲဒၣ်ဆူ ခီပနံာ်လၢအဆါတၢ်အုၣ်ကီၤအအိၣ်လီၤ
ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢတဆီဒီး ဟ့ၣ်တၢ်လၢအကဘၣ်ဟ့ၣ်က့ၤဝဲလိၤလိၤဆူ ကသံၣ်သရၣ်အအိၣ်လီၤ
ဝံၤဒီးခီပနံာ်ဟ့ၣ်တၢ်အုၣ်ကီၤန့ၣ် ကဆှၢန့ၣ်နၤတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် လၢအတဲဖျါထီၣ်နကမၢ်အိၣ်မနုၤလဲၣ်, တၢ်မ့ၢ်ကဲထီၣ်တမံၤမံၤအဃိ
နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

S5743_090825_G02_M
Y0138_090825_ G01_M