မ့ၢ်ယဆူၣ်ချ့တၢ်အုၣ်ကီၤ ကအုၣ်ကီၤဃုာ်ပှၤဒိးသန့ၤထီၣ်သး လၢယၤတဖၣ်ဧါ.

နကဒီသဒၢနဟံၣ်ဖိဃီဖိဒီးဆူၣ်ချ့တၢ်အုၣ်ကီၤန့ၣ်မ့ၢ်ဒၣ်တၢ်လၢအရ့ဒိၣ်လီၤ. ဘၣ်ဆၣ်နဆူၣ်ချ့တၢ်တိာ်ကျဲၤန့ၣ် ကအုၣ်ကီၤ နဟံၣ်ဖိဃီဖိကိးဂၤဒဲးစ့ၣ်ဧါ. တၢ်သံကွၢ်လၢပှၤသံကွၢ်အီၤညီနုၢ်တဖၣ်ဘၣ်ဃး ဒီး တၢ်အုၣ်ကီၤဟံၣ်ဖိဃီဖိအဂ့ၢ်န့ၣ်လီၤ.

တၢ်သံကွၢ်- မတၤကြၢးဒိးန့ၢ်ဘၣ်တၢ်အုၣ်ကီၤတၢ်ဟ့ၣ်အဘူးအလဲ လၢယဆူၣ်ချ့တၢ်တိာ်ကျဲၤ အဖီလာ်လဲၣ်.

တၢ်စံးဆၢ- အါဒၣ်တၢ်တက့ၢ် ဟံၣ်ဖိဃီဖိတဖၣ်အိၣ်ဒီး ကံၢ်စီပတီၢ်လၢ တၢ်ဟ့ၣ်အဘူးအလဲအဂီၢ် မ့မ့ၢ်လၢ အ၀ဲသ့ၣ်တုၤထီၣ်ထီၣ်ဘး၀ဲ နီၣ်ထိၣ်ဒီး တၢ်အခီပညီလီၤလီၤဆီဆီတဖၣ် လၢအအိၣ်ဖဲ ဆူၣ်ချ့တၢ်တိာ်ကျဲၤလံာ်ဃံးဃာ်အပူၤန့ၣ်လီၤ. ညီနုၢ်ဟံၣ်ဖိဃီဖိတဖၣ်အံၤကပၣ်ဃုာ်ဝဲဒီး:

• မါမ့တမ့ၢ်ဝၤလၢအဖိးသဲစး
• ဖိဟဲလီၤစၢၤလီၤသွၣ်လၢနၤ ဒီး ဖိယၢ်
• ဖိလၢနလုၢ်ဖိအီၤ ဒီ:ဖိလၢနၤ မ့တမ့ၢ် နသးသမူတံၤသကိးကလုၢ်ဖိအီၤတဂၤ
• ဖိသၣ်လၢနၤ မ့တမ့ၢ် နမါနဝၤ န့ၢ်စိန့ၢ်ကမီၤဝဲဒၣ်လၢကကွၢ်ထွဲအီၤလၢအဖိးသဲစး
• ဖိၣ်သၣ်ပှၤကွၢ်လုၢ်အီၤလၢနၤမ့တမ့ၢ်နမါနဝၤန့ၢ်စိန့ၢ်ကမီၤလၢကကွၢ်ထွဲအီအဂီၢ်
• လံၤဖိလၢနၤမ့တမ့ၢ်နမါနဝၤကွၢ်ဒိၣ်ထီၣ်အီၤစးထီၣ်လၢအအိၣ်ဖျဲၣ်ထီၣ်လံၤလံၤ ဒီးအဝဲဒိးသန့ၤထီၣ်သးလၢနၤလၢကျိၣ်စ့အကပၤ*
• ဖိသၣ်လၢအဒိးန့ၢ်ဘၣ် နဆူၣ်ချ့တၢ်အုၣ်ကီၤန့ၢ်ဝဲတဖၣ်ခီဖျိလံာ်လၢရူၢ်ထုးထီၣ်အီၤ ဒီးဟ့ၣ်စိဟ့ၣ်ကမီၤနၤလၢကကွၢ်ထွဲအီၤလၢဆူၣ်ချ့ကပၤ
• ဖိသၣ်ဒိးသန့ၤထီၣ်သးလၢနၤအိၣ်ဒီးနီၢ်ခိက့ၢ်ဂီၤတလၢတပှဲၤတဂၤ ဒီးအသးနံၣ်အါန့ၢ်26လၢကြၢးဝဲဘၣ်ဝဲ
• နသးသမူတံၤသကိးလၢတဖျီသးဘၣ်ဒီး နၤတဂၤ*
• သးသမူတံၤသကိးလၢတဖျီဘၣ်သးတဂၤအဖိ*

*နဆူၣ်ချ့တၢ်တိာ်ကျဲၤ မ့ၢ်လဲၤခီဖျိ တၢ်မၤကစၢ်ကရူၢ်တဖုန့ၣ်, တၢ်အုၣ်ကီၤတၢ်ဟ့ၣ်အဘူးအလဲ လီၤဆီဒီးတၢ်အဂၤသ့, ဒီးနကဘၣ်တဲသကိးတၢ်ဒီးနတၢ်မၤကစၢ် ဘၣ်ထွဲဒီး တၢ်ကြၢးဒိးန့ၢ်တၢ်အုၣ်ကီၤ တၢ်ဟ့ၣ်အဘူးအလဲဒ်အံၤလီၤန့ၣ် ဝံသးစူၤတိၢ်နီၣ်တက့ၢ်.

တၢ်သံကွၢ်- ဖိသၣ်လၢအဒိးသန့ၤသးလၢယၤတဂၤ အိၣ်လၢယဆူၣ်ချ့တၢ်တိာ်ကျဲၤပူၤ သ့ဆံးယံာ်လဲၣ်.

တၢ်စံးဆၢ- နဒုးပၣ်ဃုာ် ဖိသၣ်တဖၣ်လၢအကြၢး၀ဲဘၣ်၀ဲ လၢနတၢ်တိာ်ကျဲၤအပူၤသ့ တုၤလၢအဝဲသ့ၣ်အသးနံၣ်ပှဲၤထီၣ် 26 နံၣ်လီၤ. နဆူၣ်ချ့တၢ်တိာ်ကျဲၤ လၢအအုၣ်ကီၤနဖိန့ၣ် ကကတၢၢ်ကွံာ်ဝဲလၢနဖိ 26 ^th တၢ်အိၣ်ဖျဲၣ်မုၢ်နံၤန့ၣ်လီၤ.
 
နဖိလၢအဒိၣ်တုာ်ခိၣ်ပှဲၤ ဒီးအသးနံၣ်အိၣ်26တဂၤန့ၣ် ကဘၣ်ဆဲးလီၤမံၤလၢအနီၢ်ကစၢ်တၢ်တိာ်ကျဲၤပူၤ တချုးအသးပှဲၤထီၣ်26နံၣ် လၢ60သီအတီၢ်ပူၤန့ၣ်လီၤ. အအံၤမၢ်ဒၣ်တၢ်လၢအရ့ဒိၣ်တမံၤလၢနကနီၢ်ဘၣ်အီၤအဂီၢ် မ့ၢ်လၢတၢ်ဆဲးလီမံၤလီၤဆီအကတီၢ်အံၤမ့ၢ်လၢာ်ကွံာ်ဝဲန့ၣ် ဘၣ်သ့ၣ်သ့ၣ်အဝဲဘၣ်ခိးတုၤလၢတၢ်ဆဲးလီၤမံၤအကဟီၢ်အိးထီၣ်အသး လၢခံတဘျီန့ၣ်လီၤ. မ့ၢ်ဒ်န့ၣ်န့ၣ် ဘၣ်သ့ၣ်သ့ၣ်တၢ်တအုၣ်ကီၤအီၤလၢအကတီၢ်ဖုၣ်ကိာ်ဖိအဂီၢ်လီၤ.

တၢ်သံကွၢ်း ယဖိလၢအဖျီအသးဝံၤလံတဂၤန့ၣ်ဆဲးလီၤမံၤလၢယတၢ်တိာ်ကျဲၤအကျါသ့ဧါ.

တၢ်စံးဆၢ- ဖိသၣ်ကြၢးဝဲဘၣ်ဝဲတဂၤ အဝဲမ့ၢ်အိၣ်သဘျ့မ့ၢ်ဂ့ၤ ဖျီတ့ၢ်အသးလံမ့ၢ်ဂ့ၤ ဆဲးဒိးန့ၢ်ဘၣ်နဆူၣ်ချ့တၢ်တိာ်ကျဲၤသ့ဝဲ တုၤလၢအသးအိၣ် 26 နံၣ်လီၤ. အသးနံၣ်မ့ၢ်တုၤ 26 နံၣ်န့ၣ် ကဝဲကဘၣ်ဆဲးလီၤမံၤလၢ ဆူၣ်ချ့တၢ်တိာ်ကျဲၤတမံၤအပူၤ ခီဖျိအတၢ်မၤ, အမါ/ဝၤအတၢ်မၤ မ့တမ့ၢ် ခီဖျိ ဆူၣ်ချ့တၢ်တိာ်ကျဲၤတမံၤန့ၣ်လီၤ.

တၢ်သံကွၢ်း ယဆဲးလီၤယမိၢ်ယပၢ် မ့တမ့ၢ် မံၤပှၢ်ပိာ်မုၣ်ဒီးမံၤပှၢ်ပိာ်ခွါလၢယတၢ်တိာ်ကျဲအပူၤသ့ဝဲဧါ.

တၢ်စံးဆၢ- တသ့ဘၣ်, နဆဲးလီၤနမိၢ်နပၢ်အမံၤလၢ နတၢ်တိာ်ကျဲၤပူၤတသ့ဘၣ်. အဝဲသ့ၣ်ဘၣ်ဆဲးလီၤအမံၤ လၢနီၢ်ကစၢ် ဆူၣ်ချ့တၢ်တိာ်ကျဲၤအပူၤ ခီဖျိအတၢ်ဖံးတၢ်မၤ, နီၢ်တဂၤစုာ်စုာ်ဆူၣ်ချ့တၢ်တိာ်ကျဲၤ မ့တမ့ၢ် Medicare (အ၀ဲသ့ၣ် မ့ၢ်ကြၢးဝဲဘၣ်ဝဲ) န့ၣ်လီၤ.

တၢ်သံကွၢ်: ပှၤဒိးသန့ၤသးလၢယၤတဖၣ်န့ၣ် ယထၢနုာ်လီၤအမံၤလၢ ယဆူၣ်ချ့တၢ်တိာ်ကျဲၤ ပူၤ ကသ့လၢအဆၢကတီၢ်ဖဲလဲၣ်.

တၢ်စံးဆၢ- လၢတၢ်အိၣ်သးလီၤလီၤဆီဆီတဖၣ်အပူၤန့ၣ် နထၢနုာ်အါထီၣ်နဟံၣ်ဖိဃီဖိအသီတဖၣ် သ့ဖဲ-

• ဖိအိၣ်ဖျဲၣ်လီၤသီ: ထၢနုာ်အမံၤဖဲအအိၣ်ဖျဲၣ်ထီၣ်လၢ 60 သီအတီၢ်ပူၤ
• တၢ်လုၢ်ထီၣ်ဖိ: ဖဲနလုၢ်ထီၣ်အီၤလၢ 60 သီအတီၢ်ပူၤ
• တၢ်ဖျီသးသီသီးဖဲနဖျီနသးလၢ60နံၤအတီၢ်ပူၤ
• တၢ်မၤတအိၣ်လၢၤဘၣ်း နမါနဝၤ မ့တမ့ၢ် နဖိ(လၢအသးနံၣ်အိၣ်26အဖီလာ်) အတၢ်အုၣ်ကီၤခီဖျိအတၢ်မၤကစၢ် မ့ၢ်လီၤမၢ်ကွံာ်လၢ60နံၤအတီၢ်ပူၤ
• ဖိသၣ်ဒိးသန့ၤလၢနၤတဂၤအသးအိၣ်အနံၣ်26ဆူဖီခိၣ် ဒီး နီၢ်ခိက့ၢ်ဂီၤတလၢတပှဲၤ

*တၢ်မၤလီၤမၢ်ကွံာ်လၢတၢ်တပာ်သူၣ်ပာ်သးအပူၤ မ့တမ့ၢ် တၢ်ဟ့ၣ်အပှ့ၤဘၣ် မ့တမ့ၢ် တၢ်မၤကမၣ်နၤအဃိ

ဒ်သိးကထၢနုာ်အါထီၣ် ပှၤလၢအဒိးသန့ၤအသးလၢနၤတဖၣ်အဂီၢ်, ဆဲးကျိးဆူနီၣ်ဂံၢ်လၢအအိၣ်ဖဲနကရူၢ်ဖိ (ID) ခးအလီၢ်ခံ, ကတိၤတၢ်ဒီး ပှၤခၢၣ်စးတဂၤ မ့တမ့ၢ် ထံၣ်လိာ်သးဒီး Blue Cross ပှၤဟ့ၣ်ကူၣ်တၢ် တဂၤန့ၣ်တက့ၢ်ႉ

တၢ်သံကွၢ်: ယဟံၣ်ဖိဃီဖိမ့ၢ်ပၣ်ဃုာ်လၢယဆူၣ်ချ့တၢ်တိာ်ကျဲၤ န့ၣ် ယဟံးန့ၢ်က့ၤ အမံၤကသ့ဒ်လဲၣ်.

တၢ်စံးဆၢ- နထုးကွံာ်ဟံၣ်ဖိဃီဖိတဖၣ် လၢနတၢ်တိာ်ကျဲၤအပူၤသ့ လၢတၢ်ဆၢကတီၢ်တခါဂ့ၤတခါဂ့ၤလီၤ. ညီနုၢ် တၢ်ကဲထီၣ်သးဒ်န့ၣ် ဖဲအဝဲသ့ၣ်ဒိးန့ၢ်ဘၣ်တၢ်အုၣ်ကီၤလၢခီပနံၣ်အဂၤတတီၤအခါန့ၣ်လီၤ. လၢကဟံးန့ၢ်က့ၤပှၤလၢအဒိးသန့ၤထီၣ်သးလၢနတဂၤအမံၤလၢနတၢ်တိာ်ကျဲၤအဂီၢ်န့ၣ် ကိးလီတဲစိနီၣ်ဂံၢ်အိၣ်လၢန ကရူၢ်ဖိ ID ခးအလီၢ်န့ၣ်လီၤ.

နမ့ၢ်အိၣ်ဒီး ဆူၣ်ချ့တၢ်တိာ်ကျဲၤတမံၤ ခီဖျိတၢ်မၤကစၢ်န့ၣ်, ဆဲးကျိး ပှၤကူပှၤကညီတၢ်အိၣ်ယၢၤတဖၣ် ဒ်သိးကမၤလိ ကျဲလၢကဘၣ်ထၢနုာ် မ့တမ့ၢ် ကဘၣ်တြူာ်ကွံာ် ပှၤအိၣ်သန့ၤတဂၤဒ်လဲၣ်န့ၣ် တက့ၢ်.