နတၢ်ဃုထၢ ဆူၣ်ချ့တၢ်အုၣ်ကီၤတၢ်တိာ်ကျဲၤအကလုာ်တဖၣ်လၢ တၢ်ထံၣ်န့ၢ်အီၤအါအကျါအံၤ ဘၣ်သ့ၣ်သ့ၣ်ကမၤဘၣ်ဒိ၀ဲဒၣ် ကသံၣ်သရၣ် မ့တမ့ၢ် ကသံၣ်သရၣ်ဖျိးစိ ဒ်လဲၣ်တဖၣ်အိၣ်လၢ နတၢ်တိာ်ကျဲၤဘျးစဲပူၤလဲၣ်န့ၣ်လီၤ.
ကသံၣ်သရၣ်အပှာ်ဘျးစဲတဖၣ်န့ၣ် လီၤဆီလိာ်အသးလၢ HMO ဒီး PPO တၢ်တိာ်ကျဲၤတဖၣ်အဂီၢ်လီၤ. HMO ဒီး PPO "အိးထီၣ်သးဒီးနမၤန့ၢ်အီၤသ့" ခံဖုဒဲးလီၤ. တၢ်အံၤအခီပညီမ့ၢ်ဝဲ နထံၣ်လိာ်သးဒီးကသံၣ်သရၣ်လၢတၢ်တိာ်ကျဲၤဘျးစဲအချၢသ့ ဒီး တလိၣ်၀ဲတၢ်ဆှၢခီဘၣ်, သနာ်က့ ဖဲနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ်လၢ HMO မ့တမ့ၢ် PPO တၢ်တိာ်ကျဲၤဘျးစဲပူၤအခါန့ၣ် နတၢ်ဟ့ၣ်အဘူးအလဲလၢနီၢ်ကစၢ်စ့ကလီၤစှၤ၀ဲန့ၣ်လီၤ.
ဃုာ်ဒီး ညီနုၢ် HMO န့ၣ်, နကဘၣ်စူးကါကသံၣ်သရၣ် ပှာ်ဘျးစဲလီၤဆီတခါဒီး နဘၣ်ဃုထၢ နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်တဂၤန့ၣ်လီၤ. လၢ HMO တနီၤအဂီၢ်န့ၣ် နလိၣ်ဘၣ်နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်အတၢ်ဆှၢဃီၤနၤဆူကသံၣ်လီၤဆီတချုးနထံၣ်လိာ်သးဒီးအီၤကန့ၢ်အဂီၢ်န့ၣ်လီၤ.
ဃုာ်ဒီး PPO တခါန့ၣ်, နအိၣ်ဒီး ကသံၣ်သရၣ်တဖၣ်လၢတၢ်သးဘၣ်အီၤအါလၢ တၢ်တိာ်ကျဲၤဘျးစဲပူၤလၢနဂီၢ်လီၤ. အါတက့ၢ် နဃုထၢကသံၣ်သရၣ် မ့တမ့ၢ်ကသံၣ်သရၣ်လီၤဆီလၢ PPO တၢ်တိာ်ကျဲၤဘျးစဲပူၤတဂၤလၢ်လၢ်သ့ ဒီးတလိၣ်ဃ့ဆိအခွဲးဘၣ်န့ၣ်လီၤ.
Blue Cross ဟ့ၣ်န့ၢ်တၢ်မၤကစၢ်အကရူၢ်တဖၣ် လၢ PPO တၢ်တိာ်ကျဲၤတဖၣ်လၢအအိးထီၣ်၀ဲဒၣ်လီၤ.
Blue Plus မ့ၢ်ဒၣ် HMO အတၢ်ကရၢကရိလၢအဒိးန့ၢ်ဘၣ်အလံာ်ပျဲဒီးတဃုအနီၢ်ကစၢ်တၢ်ဘျုးတၢ်ဖှိၣ်တတီၤလီၤ. မ့ၢ်ဒၣ် ကရၢဘၣ်ထွဲလိာ်သးဒီး Blue Cross ဒီး Blue Shield လၢ Minnesota လီၤ. Blue Plus HMO တၢ်တိာ်ကျဲၤတဖၣ်န့ၣ် ဘၣ်တၢ်ဒိးန့ၢ်အီၤသ့လၢပှၤလၢ အကံၢ်အစီလၢထီၣ်ဘးလၢပှဲၤလၢ Minnesota Medical Assistance (Medicaid)အဂီၢ်လီၤ. တၢ်တိာ်ကျဲၤတဖၣ်အံး ကမၤစၢၤနၤလၢနကဟ့ၣ်တၢ်အဘူးအလဲလၢဆူၣ်ချ့တၢ်ကွၢ်ထွဲအဂီၢ် ဖဲနမ့မ့ၢ်ပှၤလၢစ့နုာ်လီၤစှၤ မ့တမ့ၢ် နမ့မ့ၢ်ပှၤလၢအအိၣ်ဒီးနီၢ်ခိက့ၢ်ဂီၤက့ကွဲၣ်အဃိန့ၣ်လီၤ.
Blue Plus ကရူၢ်ဖိတဖၣ်လၢ Medical Assistanceတၢ်တိာ်ကျဲၤပူၤန့ၣ် ကဘၣ်ဃုထၢ ကသံၣ်သရၣ်တဂၤလၢ Blue Plus တၢ်တိာ်ကျဲၤဘျးစဲပူၤ, မ့တမ့ၢ် ကသံၣ်သရၣ်တဂၤလၢ ကဘၣ်တၢ်ဟ့ၣ်လီၤအီၤန့ၣ်လီၤ. Blue Cross အတၢ်တိာ်ကျဲၤတဖၣ်န့ၣ် အိးထီၣ်၀ဲဒၣ်အဃိ ကရူၢ်ဖိဃုထၢနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ မ့တမ့ၢ်ကသံၣ်သရၣ်လီၤဆီလၢတၢ်တိာ်ကျဲၤဘျးစဲပူၤ ဒီးတလိၣ်ဘၣ်လၢကသံၣ်သရၣ်တၢ်ဆှၢဃီၤနၤလၢကထံၣ်လိာ်သးဒီးအီၤဘၣ်န့ၣ်လီၤ. တဘျီတခီၣ် ကသံၣ်သရၣ်လၢတၢ်တိာ်ကျဲၤဘျးစဲအချၢဟ့ၣ်တၢ်ကွၢ်ထွဲသ့၀ဲဒၣ်လီၤ.
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ်ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.
တချုးနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ် အအိၣ်န့ၣ်လၢအအဝဲပၣ်ဃုာ်လၢနဆူၣ်ချ့တၢ်တိာ်ကျဲၤ ဘျးစဲအပူၤဧါန့ၣ် မ့ၢ်နမူနဒါလၢကဃုသ့ၣ်ညါပာ်စၢၤဝဲဒၣ်န့ၣ်လီၤ. ကသံၣ်သရၣ်တပၣ်ဃုာ်လၢတၢ်တိာ်ကျဲၤဘျးစဲအပူၤကိးဂၤဒဲးဘၣ်. နကသံၣ်သရၣ်န့ၣ် မ့ၢ်ပှၤအိၣ်လၢပှာ်ဘျးစဲအချၢ မ့တမ့ၢ်တၢ်ဃံးဃာ်တအိၣ်ဒီး Blue Cross (တၢ်ကိးအီၤလၢ ကသံၣ်သရၣ်လၢတပၣ်ဃုာ်မၤသကိးတၢ်တဂၤ)န့ၣ် ဘၣ်သ့ၣ်သ့ၣ်နကဘၣ်ဟ့ၣ် နဆူၣ်ချ့အဘူးအလဲအါထီၣ် မ့တမ့ၢ် ခဲလၢာ်န့ၣ်လီၤ. ကသံၣ်သရၣ်လၢကဟ့ၣ်နၤတၢ်ကွၢ်ထွဲတဂၤန့ၣ် ပၣ်ဃုာ်လၢနတၢ်တိာ်ကျဲၤဘျးစဲပူၤဧါန့ၣ် နဃုသ့ၣ်ညါလီၤတံၢ်ခီဖျိတၢ်ဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအဘၣ်တၢ်ကွဲးလီၤအီၤလၢကရူၢ်ဖိ (ID) ခးအချၢန့ၣ်တက့ၢ်.