တၢ်ပၢၤဃာ်စ့အကီးလၢဆူၣ်ချ့ဂီၢ် (HSA)န့ၣ်မၤတၢ်မၤဒ်လဲၣ်

HSA ဟ့ၣ်တၢ်န့ၢ်ဘျုးအပတီၢ်တမံၤ ဒီး ကဲထီၣ်ပီးလီလၢအိၣ်ဒီးအလုၢ်ပှ့ၤတမံၤသ့လၢ ကပၢဆှၢရဲၣ်ကျဲၤ ဆူၣ်ချ့တၢ်ကွၢ်ထွဲ တၢ်လၢာ်ဘူၣ်လၢာ်စ့ၤ ဒီး တၢ်ပာ်ကီၤဃာ်စ့လၢ ခါဆူညါအဂီၢ်န့ၣ်လီၤ.

HSA န့ၣ်ဘၣ်တၢ်ဒိးန့ၢ်ဘၣ်အီၤသ့ဒၣ်ထဲလၢ ဆူၣ်ချ့တၢ်တိာ်ကျဲၤတဖၣ်လၢအိၣ်ဒီးတၢ်ဟ့ၣ်ဆိအဘူးအလဲလၢအအါတဖၣ်အဂီၢ်န့ၣ်လီၤႉ တၢ်တိာ်ကျဲၤတဖၣ်အံၤအါတက့ၢ်အိၣ်ဒီး တၢ်အုၣ်ကီၤအပှ့ၤတလါတဘျီလၢအစှၤဒိၣ်လီၤႉ နထၢနုာ် တချုးတၢ်ဟ့ၣ်ခိသွဲ စ့ဒီလၣ်တဖၣ်ဆူ န HSA အပူၤသ့, လၢနစူးကါအီၤသ့လၢ ကဟ့ၣ်ဆူၣ်ချ့တၢ်ကွၢ်ထွဲ တၢ်လၢာ်ဘူၣ်လၢာ်စ့ၤလၢ အထီၣ်ဘးဖျိးစိအဂီၢ်န့ၣ်လီၤ.

HSA အက့ၢ်အဂီၤ မိၢ်ပှၢ်-

• ခိသွဲ တၢ်ဘၣ်ဘျုးဘၣ်ဖှိၣ်တဖၣ်- တၢ်ထၢနုာ်စ့ဆူ HSA တဖၣ်န့ၣ် မ့ၢ်ဝဲ ခိသွဲ-တၢ်ထုးစှၤလီၤသ့, ဒီး ထုးထီၣ်အီၤလၢ ကသံၣ်ကသီ တၢ်လၢာ်ဘူၣ်လၢာ်စဲၤ လၢအထီၣ်ဘးဖျိးစိအဂီၢ်သ့ဝဲ လၢပူၤဖျဲးဒီးခိသွဲလီၤ. နဒိးန့ၢ်ဘၣ်စ့ဘၣ်ဘျူး လၢပူၤဖျဲးဒီးတၢ်အခိအသွဲလၢနစ့လၢအိၣ်လၢ HSA စ့စရီပူၤအဂီၢ်လီၤႉ
• ကတီၢ်ယံာ် တၢ်ပာ်ကီၤဃာ်စ့- စ့လၢ HSA အပူၤန့ၣ် တၢ်စိာ်ခီအီၤတနံၣ်ဘၣ်တနံၣ်သ့, ဒီးပျဲနၤလၢ နကဒုးအိၣ်ထီၣ် တၢ်ပာ်ကီၤစ့တဖၣ် တပယူာ်ဃီ လၢဆၢကတီၢ်အပူၤလီၤ
• လၢတၢ်စူးကါအပူၤ တၢ်ခီလဲအီၤညီ-HSA တဖၣ်န့ၣ် တၢ်စူးကါအီၤသ့လၢ ကဟ့ၣ် ကသံၣ်ကသီတၢ်လၢာ်ဘူၣ်လၢာ်စ့ၤတဖၣ် လၢအပတီၢ်အါမးအပူၤ, ပာ်ဃုာ်ဒီး ကသံၣ်ဖီၣ်လၢကသံၣ်သရၣ်မၤလိာ်, တၢ်လဲၤဒုးနဲၣ်သးလၢကသံၣ်သရၣ်, ဒီး တၢ်ပှ့ၤကသံၣ်ဖီၣ်လၢ ကသံၣ်ကျးအပူၤ အဂီၢ်ဒၣ်လဲာ် သ့လီၤ.
• HSA မ့ၢ် တၢ်ဘျၢလီၤစ့တမံၤနဘျၢလီၤန HSA စ့အိၣ်တီၢ်တနီသ့လၢ စ့ပာ်ဖှိၣ်ကဒဲကဒဲတဖၣ်, ခီပနံာ်ရှဲယၣ်တဖၣ် ဒီး ကျိၣ်စ့အလံာ်တၢ်အၢၣ်လီၤတဖၣ်အပူၤလီၤႉ
• တၢ်ပာ်ကီၤဃာ်စ့လၢ တၢ်အိၣ်ဘှံးလၢတၢ်မၤအဂီၢ်-နစူးကါန HSA သ့ဒ်သိးနကပာ်ကီၤဃာ်ကျိၣ်စ့လၢ နကအိၣ်ဘှံးက့ၤလၢတၢ်မၤအကတီၢ်အဂီၢ်သ့ဝဲလီၤႉ ဖဲနသးပှဲၤထီၣ် 65 န့ၣ်, နသူစ့ပာ်ဖှိၣ်တဖၣ်သ့လၢ တၢ်ကိးမံၤဒဲးအဂီၢ်လၢတလိၣ်နကဘၣ်လိးက့ၤတၢ်အဂီၢ်လၢဘၣ်န့ၣ်လိၤ. စ့လၢနထုးထီၣ်ဟ့ၣ် ဆူၣ်ချ့တၢ်ကွၢ်ထွဲအပှ့ၤတဖၣ်ဖဲအကြၢးအဂီၢ်န့ၣ်ပူၤဖျဲးဒီးတၢ်အခိအသွဲလီၤ.

မၤအါထီၣ် န HSA လၢတၢ်အိၣ်ဘှံးက့ၤလၢတၢ်မၤအဂီၢ် 

ထၢနုာ်လီၤစ့လၢန HSA ပူၤဆိဆိ

ထၢနုာ်လီၤစ့လၢနအကီးပူၤလၢတၢ်ပျဲအီၤအါကတၢၢ်တပတီၢ်ဖဲနံၣ်ထီၣ်သီအခါတနံၣ်စုာ်စုာ်န့ၣ်တက့ၢ်. နစးထီၣ်ထၢနုာ်လီၤစ့လၢ HSA ပူၤ ဖဲနဟ့ၣ်ခိသွဲသ့သနာ်က့ နမ့ၢ်စးထီၣ်ထၢနုာ်လီၤစ့လၢ HSA ပူၤလါထီၣ်ယနူၤအါရံၤမ့ၢ်တုၤဝဲဒီး နကန့ၢ်အဘျုးအါန့ၢ်အလီၢ်ဒံးဒီးတလိၣ်ဂံၢ်အီၤဒီးနခိၣ်နသွဲၣ်အကျါဘၣ်. နမ့ၢ်မၤဒ်န့ၣ်န့ၣ်နန့ၢ်အါထီၣ်စ့အကထိတဖၣ်အကထိဖဲအနံၣ်လဲၤပူၤကွံာ်ဝဲတနံၣ်ဘၣ်တနံၣ်န့ၣ်လီၤ.

အိၣ်ခိးဝဲဒၣ်လၢကထုးထီၣ်စ့လၢန HSA ပူၤတက့ၢ်.

မၤယံာ်မၤနီၢ်တၢ်ထုးထီၣ်နစ့လၢန HSA လၢအယံာ်ကတၢၢ်တက့ၢ်. ဟ့ၣ်က့ၤဆူၣ်ချ့အတၢ်ဘူးတၢ်လဲလၢနနီၢ်ကစၢ်စ့အကျါဒီး စ့လၢအအိၣ်တ့ၢ်ဝဲဒၣ်လၢ HSA ပူၤကအါထီၣ်ဝဲကွ့ၢ်ကွ့ၢ်ဒီးလၢအပူၤဒီးတၢ်ခိတၢ်သွဲန့ၣ်လီၤ. လၢခံ ဖဲဆူၣ်ချ့တၢ်ကွၤထွဲအဘူးအလဲဟဲပၢၢ်ထီၣ်လၢခါဆူညါန့ၣ် နသူ န HSAလၢကပှ့ၤက့ၤန့ၢ်နဘူးနလဲအဂီၢ်န့ၣ်လီၤ. မၤလီၤတံၢ်လၢနပာ်ဃာ်လံာ်တူၢ်လိာ်စ့တက့ၢ်. လံာ်တူၢ်လိာ်စ့လၢ စဲးဒိန့ၢ်အီၤန့ၣ် နပာ်ဃာ်အီၤဒီး န HSA လၢအ့ထၢၣ်နဲးအဖီခိၣ်သ့ဧါန့ၣ်ဃုသ့ၣ်ညါဝဲတက့ၢ်.

စူးကါ HSA လၢကဘျၢလီၤစ့အဂီၢ်

စ့အိၣ်တ့ၢ်ဝဲဒၣ်လၢန HSA အပူၤန့ၣ် သူအီၤလၢ စ့ပာ်ဖှိၣ်လီၤဂာ်လိာ်သးအဂၤတဖၣ်အပူၤ မ့တမ့ၢ်တၢ်ဘျၢလီၤစ့မိၢ်ပှၢ်လၢအမၤအါထီၣ်နစ့အဂၤတခါအပူၤန့ၣ်တက့ၢ်.

ကသံၣ်ကသီ တၢ်စူးကါ စ့စရီ အဂၤတဖၣ် 

ဆူၣ်ချ့တၢ်လိးကဒါက့ၤစ့အတၢ်ရဲၣ်တၢ်ကျဲၤ (HRA)

HRA န့ၣ် မ့ၢ်ဒၣ်တၢ်ရဲၣ်တၢ်ကျဲၤလၢနတၢ်မၤလီၢ်ဟ့ၣ်လီၤဝဲဒၣ်လၢ ကဟ့ၣ်က့ၤကဒါက့ၤ ဆူၣ်ချ့တၢ်ဘူးတၢ်လဲအဂီၢ်န့ၣ်လီၤ. တၢ်မၤကစၢ်တဖၣ်န့ၣ် ဆီၣ်ထွဲမၤစၢၤ HRA အတၢ်ရဲၣ်တၢ်ကျဲၤတဖၣ်လီၤ. နတၢ်ဟ့ၣ်ဆိအဘူးအလဲလၢ နတၢ်တိာ်ကျၢၤပူၤခီဖျိနတၢ်မၤလီၢ်မ့ၢ်အါအဃိန့ၣ်, နသူကျိၣ်စ့လၢ HRA ပူၤလၢ ကဟ့ၣ်က့ၤဆူၣ်ချ့တၢ်ကွၢ်ထွဲအဘူးအလဲအဂီၢ်သ့ဝဲန့ၣ်လီၤ. နဘၣ်သူစ့လၢန HRA အပူၤခဲလၢာ်ဖဲနံၣ်တချုးလၢာ်ဒံးဘၣ်န့ၣ်လီၤ. စ့လၢအအိၣ်တ့ၢ်ဝဲဒၣ်န့ၣ် တဘၣ်တၢ်ဆှၢဃီၤအီၤဆူနစ့စရီလၢဆူညါတနံၣ်အဂီၢ်ဘၣ်.

စ့အကီးလၢတၢ်စူးကါအီၤညီ (FSA)

FSA န့ၣ်မ့ၢ်၀ဲဒၣ်စ့စရီဟ့ၣ်အဘူးအလဲတခါလၢ အအိၣ်ဘၣ်ဘျီးဘၣ်ဒါလၢ အဒုးကဲထီၣ်စ့ပူၤဖျဲးဒီးတၢ်အခိအသွဲဒ်သိး ကဟ့ၣ်န့ၢ်တၢ်အဘူးအလဲလၢအကြၢးဘၣ်၀ဲတဖၣ်အဂီၢ်, ဒ်သိးဒီးတၢ်အံးထွဲကွၢ်ထွဲဖဲမုၢ်နံၤကတီၢ်ဒီး ဆူၣ်ချ့တၢ်ကွၢ်ထွဲပနံာ်တဖၣ်ဒီး တၢ်ဟ့ၣ်မၤစၢၤတဖၣ်လၢနဆူၣ်ချ့တၢ်တိာ်ကျဲၤ တဟ့ၣ်န့ၢ်၀ဲတဖၣ် (ဒ်သိးဒီးမဲာ်ချံတၢ်ထံၣ်ဒီး မဲအတၢ်ကွၢ်ထွဲ) အဂီၢ်န့ၣ်လီၤႉ FSA တခါန့ၢ်တၢ်ဒိးန့ၢ်အီၤသ့ထဲလၢ ဆူၣ်ချ့တၢ်တိာ်ကျဲၤတဖၣ်လၢနဒိးန့ၢ်လၢ နတၢ်မၤကစၢ်အအိၣ်လီၤႉ