တၢ်န့ၢ်ဘျုးတဖၣ်လၢ တၢ်ပာ်ဖှိၣ်ဃုာ်ကသံၣ်ကသီဒီး ကသံၣ်ကျးတၢ်ဟ့ၣ်အဘူးအလဲန့ၣ် ပာ်ဃုာ်ဒီးတၢ်အုၣ်ကီၤအါထီၣ်ကျိာ်စ့, တၢ်ဘၣ်လဲၤဆူတၢ်ဆါဟံၣ်ဒီး ER အအိၣ်အဘျီစှၤလီၤ၀ဲဒၣ်န့ၣ်လီၤႉ

Eagan, Minn. (လါယူၤလံ 17, 2023) - ဒ်တၢ်ပဲာ်ထံနီၤဖးအသီခံနံၣ်လၢ Blue Cross and Blue Shield of Minnesota (Blue Cross) ရၤလီၤ၀ဲဒၣ်အသိးန့ၣ်, ဆူၣ်ချ့တၢ်တိာ်ကျဲၤအိၣ်ဒီးတၢ်အခီၣ်တဃာ်လၢ တၢ်မၤကစၢ်အလိၤတဖၣ်ဃုာ်ဒီး ဆူၣ်ချ့ဒီးကသံၣ်ကျးတၢ်န့ၢ်ဘျုးတဖၣ်လၢ ဘၣ်တၢ်ပာ်ဖှိၣ်အီၤလၢလၢပှဲၤပှဲၤန့ၣ် ဒုးအိၣ်ထီၣ်တၢ်ထိၣ်ဃူအါန့ၢ် $400 သ့လၢ တနံၣ်တဘျီတၢ်ပာ်ဖှိၣ်စ့လၢ ကရူၢ်ဖိတဂၤအဂီၢ်ဖဲအထိၣ်သတြီၤဒီး တၢ်ဃုထၢလၢအတဘၣ်တၢ်ပာ်ဖှိၣ်အီၤတဖၣ်န့ၣ်လီၤ.

တၢ်ပဲာ်ထံနီၤဖးအံၤ ခံကွၢ်စီကွၢ်တ့ၢ် 2020 ဒီး 2021 တၢ်ဂ့ၢ်ထၢဖှိၣ်လၢအါန့ၢ် 490,000 Blue Cross ကရူၢ်ဖိတဖၣ်လၢ အဆဲးလီၤဃာ်မံၤဖဲ တၢ်ဟ့ၣ်တၢ်အုၣ်ကီၤလၢနီၢ်ကစၢ်တၢ်တိာ်ကျဲၤတဖၣ်အပူၤ, ဖဲတၢ်မၤကစၢ်ပာ်ပနီၣ်ဖှိၣ်တၢ်ဟ့ၣ်အဘူးအလဲဒီး တၢ်န့ၢ်ဘျုးလီၤဆီတဖၣ်လၢ အဘၣ်တၢ်ဟ့ၣ်လီၤဆူတၢ်မၤကရူၢ်န့ၣ်လီၤ.1 ကရူၢ်န့ၣ်ဘၣ်တၢ်နီၤဖးအီၤဆူ Blue Cross ကရူၢ်ဖိတဖၣ်လၢအအိၣ်ဒီး တၢ်ဟ့ၣ်အဘူးအလဲပာ်ဖှိၣ်လၢ အစူးကါ Prime Therapeutics (Prime) ဒ်အမ့ၢ်ကသံၣ်ကျးတၢ်န့ၢ်ဘျုးပာ်ဖှိၣ်ပှၤပၢဆှၢတၢ် (PBM); ဒီးပှၤအိၣ်ဖဲ Blue Cross တၢ်တိာ်ကျဲၤတဖၣ်အပူၤလၢ တၢ်ပာ်ဖှိၣ်အီၤဃုာ်ဒီး ပှၤဆါတၢ်အလံာ်ဃံးဃာ်လီၤဆီတဖၣ် ဒ်သိးကသုးကျဲၤပၢဆှၢ ကသံၣ်ကျးတၢ်န့ၢ်ဘျုးတဖၣ်အဂီၢ်လီၤ. တၢ်ပဲာ်ထံနီၤဖးအံၤ စူးကါတ့ၢ်ဝဲတၢ်မၤဘၣ်လိာ်ကရူၢ်ဖိအဲ(လ)ကိရသၢၣ်(မ) ဒ်သိးကထၢနုာ်ဒွး၀ဲ ဂံၢ်ခီၣ်ထံးပှၤနီၣ်ဂံၢ်အတၢ်လီၤဆီတဖၣ်ဒီး တၢ်ဆိးက့အတၢ်နးအပတီၢ်အဂီၢ်န့ၣ်လီၤ.

တၢ်အစၢတဖၣ်ပာ်ဖျါဝဲဒၣ် ကသံၣ်ကသီအဘူးအလဲတဖၣ် လၢ ကရူၢ်ဖိလၢတၢ်ပာ်ဖှိၣ်က့ၢ်ဂီၤဒိကရူၢ်ပူၤတဖၣ်အဂီၢ် ဃုာ်ဒီး Prime ဒ်အမ့ၢ် PBM န့ၣ် စှၤန့ၢ်ခွံမျးကယၤဒ် ပှၤအိၣ်ဖဲအတမ့ၢ်တၢ်ပာ်ဖှိၣ်က့ၢ်ဂီၤဒိပူၤတဖၣ်, ထဲသိးလိာ်သးဒီး တၢ်ထိၣ်ဃူ $422 လၢတၢ်ပာ်ဖှိၣ်စ့လၢ ကရူၢ်ဖိတဂၤအဂီၢ်လၢနံၣ်တနံၣ် (PMPY) အဖီခိၣ်န့ၣ်လီၤ. ဖဲတၢ်ထိၣ်သတြီၤဒီး တၢ်ဃုထၢတဖၣ်လၢဘၣ်တၢ်ပာ်ဖှိၣ်အီၤအိၣ်ဖဲ ဆူၣ်ချ့တၢ်အုၣ်ကီၤတၢ်ဖံးတၢ်မၤလၢအဒိၣ်န့ၢ်အီၤအသိးအကျါအခါ, Blue Cross စ့ပာ်ဖှိၣ်တဖၣ် ကဲထီၣ်၀ဲဒၣ် PMPY စ့ပာ်ဖှိၣ်တဖၣ်သၢစးဃၣ်ဃၣ်အဂ့ၢ်န့ၣ် တၢ်ပာ်ဖျါအီၤဖဲနံၣ်တနံၣ်အံၤအခီၣ်ထံးခီဖျိလၢ ထံကီၢ်ကရၢဟ့ၣ်အုၣ်ကီၤတၢ်ဖျိးစိအဂၤတဖုန့ၣ်လီၤႉ  

မၤကဒီးလၢ တၢ်ခံကွၢ်စီကွၢ်ကသံၣ်ကသီအပှ့ၤတဖၣ်အဖီခိၣ်, Blue Cross တၢ်ပဲာ်ထံနီၤဖးန့ၣ် ထိၣ်သတြီၤဝဲဒၣ် တၢ်ထီၣ်တၢ်ဆါဟံၣ်အယူာ်ဒီး တၢ်လဲၤဆူဂ့ၢ်ဂီၢ်အူဒၢးလၢ ကရူၢ်ဖိခံဖုအဘၢၣ်စၢၤန့ၣ်လီၤ. တၢ်အစၢတဖၣ်ပာ်ဖျါဝဲလၢ 17 တၢ်ထီၣ်တၢ်ဆါဟံၣ်အယူာ်စှၤမျးကယၤဒီး 13 တၢ်ထုးစှၤလီၤတၢ်လဲၤဆူဂ့ၢ်ဂီၢ်အူဒၢးအဘျီမျးကယၤ ဃုာ်ဒီးတၢ်ပာ်ဖှိၣ်က့ၢ်ဂီၤဒိလၢ အဘၣ်တၢ်ထိၣ်သတြီၤအီၤလၢ တၢ်တပာ်ဖှိၣ်ဘၣ်အီၤတမံၤန့ၣ်လီၤ.

"တၢ်ဃုထံၣ်သ့ၣ်ညါအံၤ ပာ်ဂၢၢ်ပာ်ကျၢၤတၢ်လုၢ်တၢ်ပှ့ၤအဘၣ်လၢ ကရူၢ်ဖိတဖၣ်ဒိးန့ၢ်ဝဲဖဲ အတၢ်တိာ်ကျဲၤပှၤမၤဘူၣ်စ့တဖၣ်ဃုထၢထီၣ်ဒ်သိး ကပာ်ဖှိၣ်ဆူၣ်ချ့ဒီးကသံၣ်ကျးတၢ်န့ၢ်ဘျုးတဖၣ်လၢ ကမၤတၢ်သုးဘူးဃီၤသးခူသူၣ်အလီၢ်," Randy Hanna, ကသံၣ်ကျးကရၢခိၣ်စၢၤလၢ Blue Cross စံးဝဲလီၤ. "လံာ်ပာ်ဖျါစ့ၢ်ကီးပာ်ဖျါ၀ဲဘၣ်ဃး ဘၣ်မနုၤတၢ်တမံၤအံၤဂ့ၤ၀ဲလၢ တၢ်မၤကစၢ်တဖၣ်အဂီၢ် ဒ်ကအိၣ်ဒီးတၢ်လီၢ်တတီၤလၢကဆဲးကျိးတၢ်အဂီၢ်ဖဲ အသုးကျဲၤပၢဆှၢဆူၣ်ချ့ဒီးကသံၣ်ကျး တၢ်လိၣ်ဘၣ်တဖၣ်အခါန့ၣ်လီၤ."

တၢ်အစၢတဖၣ်လၢ ကရူၢ်ဖိအိၣ်ဒီးတၢ်ဆါယံာ်ထၢတဖၣ်အဂီၢ်

တၢ်ပဲာ်ထံနီၤဖးအဂၤတဖၣ်အိၣ်ထီၣ်၀ဲဒၣ်ခီဖျိ တၢ်စူးကါကရူၢ်ဖိတၢ်ဂ့ၢ်ထၢဖှိၣ်လၢအဘၣ်ထွဲဒီး တၢ်ဆါယံာ်ထၢအခါတဆံအကျါအစှၤကတၢၢ်တခါ 2, ပၣ်ဃုာ်ဒီးသွံၣ်ဂံၢ်ထီၣ်တၢ်ဆါ (သွံၣ်ဂံၢ်ထီၣ်), ကိာ်လဲးစထြီအါ (hyperlipidemia) ဒီး စုဆၢခီၣ်ဆၢညိးတၢ်ဆါန့ၣ်လီၤ. တၢ်ဆါတဖၣ်န့ၣ် ဘၣ်တၢ်နီၤဖးအီၤဒ်အမ့ၢ် တၢ်အပတီၢ်ထီ မ့တမ့ၢ် တမ့ၢ်တၢ်အပတီၢ်ထီဘၣ် အသိးလီၤ. တၢ်အစၢတဖၣ်န့ၣ်ထီဘိပာ်ဖျါထီၣ်၀ဲဒၣ် တၢ်အဘူးအလဲဒီး ဆူၣ်ချ့တၢ်န့ၢ်ဘျုးတဖၣ်လၢအဘၣ်ထွဲဒီး တၢ်ပာ်ဖှိၣ်က့ၢ်ဂီၤဒိန့ၣ်လီၤ.

တၢ်ဆါယံာ်ထၢတဖၣ်လၢ တမ့ၢ်တၢ်အပတီၢ်ထီလၢ အဘၣ်တၢ်ပာ်ဖှိၣ်အီၤ

• ကသံၣ်ကသီအဘူးအလဲတဖၣ် PMPY 14 မျးကယၤစှၤလီၤ
• တၢ်ထီၣ်တၢ်ဆါဟံၣ် 18 မျးကယၤစှၤလီၤ
• တၢ်လဲၤဆူဂ့ၢ်ဂီၢ်အူဒၢး 15 မျးကယၤစှၤလီၤ

တၢ်ဆါယံာ်ထၢတဖၣ်လၢ အပတီၢ်ထီလၢ ဘၣ်တၢ်ပာ်ဖှိၣ်အီၤ

• ကသံၣ်ကသီအဘူးအလဲတဖၣ် PMPY 21 မျးကယၤစှၤလီၤ
• တၢ်ထီၣ်တၢ်ဆါဟံၣ် 22 မျးကယၤစှၤလီၤ
• တၢ်လဲၤဆူဂ့ၢ်ဂီၢ်အူဒၢး 13 မျးကယၤစှၤလီၤ

Hanna စံးဝဲ "တၢ်ပာ်ဖှိၣ်တၢ်သုးဘူးဃီၤသးအဃိ Blue Cross ထံၣ်ဘၣ်ပှၤဒီဂၤညါဒီး ကျဲၤဃူဖိးန့ၢ်တၢ်ဟ့ၣ်အဘူးအလဲ ဃုာ်ဒီးတၢ်ထံၣ်အလၢအပှဲၤဘၣ်ဃး တၢ်မၤဂ့ၤထီၣ်တၢ်အိၣ်ဆူၣ်အိၣ်ချ့တုၤလီၤတီၤလီၤဒီး တုၤထီၣ်ထီၣ်ဘးကတၢၢ်ကျိၤကျဲတဖၣ်န့ၣ်လီၤ". "တၢ်သ့ၣ်တဖၣ်အံၤန့ၣ် မ့ၢ်တၢ်အစၢတဖၣ်လၢ ပကြၢးမၤလၤကပီၤ၀ဲန့ၣ်လီၤ."

တၢ်မၤအကျဲပီညါ အတၢ်ဂ့ၢ်လီၤတံၢ်တဖၣ်

¹ တၢ်ပဲာ်ထံနီၤဖးတၢ်န့ၣ်စူးကါတ့ၢ်ဝဲ တၢ်ဂ့ၢ်ထၢဖှိၣ်လၢဘၣ်တၢ်ပာ်ပနီၣ်အီၤဘၣ်ထွဲဒီး PMPY ကသံၣ်ကသီအပှ့ၤလၢ 492,565 ကရူၢ်ဖိတဖၣ်အကျါလၢ အဘၣ်တၢ်အုၣ်ကီၤအီၤဘၣ်ဃးတၢ်ပနံာ်တၢ်ကၤ, ဘၣ်တၢ်နီၤဖးအီၤလၢ 232,894 ကရူၢ်ဖိဘျၣ်နုာ်လီၤတဖၣ်ဒီး 259,671 ကသံၣ်ကျးဘျၣ်ဟးထီၣ်တၢ်န့ၢ်ဘျုးတၢ်တိစၢၤမၤစၢၤတဖၣ်အကျါ, လၢတၢ်ဆဲးလီၤမံၤအဆၢတလီၤတူာ်ဖဲ 2020 တုၤ 2021 န့ၣ်လီၤ.

တၢ်ထိၣ်သတြီၤတဖၣ်န့ၣ် အိၣ်လၢတၢ်ပၢတၢ်ပြးတၢ်တိစၢၤမၤစၢၤတဖၣ်အကရူၢ်ဖးဒိၣ်ခံဖုလၢ အဆီၣ်ထွဲလီၤထဲအသးဧိၤ (ASO) ဘၣ်ထွဲဒီး Blue Cross and Blue Shield of Minnesota - တဖုလၢတၢ်ပာ်ဖှိၣ် (ဘျၣ်နုာ်လီၤ) ကသံၣ်ကျးတၢ်န့ၢ်ဘျုးတဖၣ် ခီဖျိ Prime Therapeutics ဒီး အဂၤတမံၤလၢတၢ်နီၤဖး (ဘျၣ်ဟးထီၣ်) ကသံၣ်ကျးတၢ်န့ၢ်ဘျုးတဖၣ်လီၤ.

တၢ်ဃုထံၣ်သ့ၣ်ညါန့ၣ် တဒုးပၣ်ဃုာ်ကရူၢ်ဖိတဖၣ်လၢအအိၣ်ဒီး တၢ်ဆီတလဲဖးဒိၣ်လၢတၢ်န့ၢ်ဘျုးအက့ၢ်အဂီၤ (တၢ်ဆီတလဲဘၣ်ဃးဆူၣ်ချ့တၢ်န့ၢ်ဘျုးတဖၣ် စးထီၣ်လၢ မ့တမ့ၢ် ဆူပညိၣ်ပှၤစူးကါတၢ်ဖိဆူၣ်ချ့တၢ်တိာ်ကျဲၤ); တၢ်အုၣ်ကီၤပနံာ်မံၤကလုာ်အတၢ်ဆီတလဲ (သးလီဝဲပှၤဆီၣ်ထွဲတၢ်ကရၢ အါန့ၢ်ဒ်ဆူၣ်ချ့ရဲၣ်သဲကတီၤကရၢ); တၢ်ဆီတလဲလၢ ကသံၣ်ကျးတၢ်ဟ့ၣ်အဘူးအလဲ, မ့တမ့ၢ် တၢ်ဆဲးလီၤမံၤဖဲဆၢကတီၢ်တမံၤလၢ်လၢ်လၢ ပဒိၣ်အတၢ်ရဲၣ်တၢ်ကျဲၤအပူၤ (အဒိ, Medicare, Medicaid) ဖဲ 2020 တုၤ 2021 န့ၣ်လီၤ.

တၢ်လီၤဆီလၢကရူၢ်တဖၣ်အဘၢၣ်စၢၤန့ၣ် အိၣ်တ့ၢ်ဒ်နီၣ်ဂံၢ်စရီလၢအကါဒိၣ်၀ဲ ဖဲလၢတၢ်တဒုးပၣ်ဃုာ်ကရူၢ်ဖိလၢတၢ်လၢာ်ဘူၣ်လၢာ်စ့အိၣ်အါတဖၣ် အတၢ်ဘၣ်ဒိလၢ $250,000 မ့တမ့ၢ် အါန့ၢ်အီၤလၢ တနံၣ်တဘျီတၢ်အဘူးအလဲလၢ ဘၣ်တၢ်အုၣ်ကီၤ၀ဲန့ၣ်လီၤႉ 

² တၢ်ပဲာ်ထံနီၤဖးအဆံးတဖၣ်န့ၣ် ဘၣ်တၢ်မၤအီၤလီၤဆီ ဒီးလၢတၢ်သဘျ့အပူၤ လၢတၢ်ဆါယံာ်ထၢခဲလၢာ်ပာ်ဖှိၣ် အခါတဆံအဂီၢ်န့ၣ်လီၤ. တမ့ၢ်ပတီၢ်ထီကသံၣ်ကသီတၢ်ဆါဃိးမံၤ လၢအဘၣ်ထွဲဒီးတၢ်သါဘံး, သးဖျၢၣ်သွံၣ်ကျိၤတၢ်ဆါ (CAD), ပသိၣ်ဟးဂီၤတၢ်ဆါယံာ်ထၢ (COPD), သးဖျၢၣ်ဟးဂီၤတၢ်ဆါ (CHF), တၢ်သးဟးဂီၤ, ကလုာ် 2 သွံၣ်ဆၢဆံၣ်ဆၢတၢ်ဆါ (DM), သွံၣ်ဂံၢ်ထီၣ်တၢ်ဆါ (HTN), ဒီးသွံၣ်ပူၤအသိအါစှၤတၢ်ဆါတဖၣ်န့ၣ် ဘၣ်တၢ်သမံသမိးအီၤဒ် ကရူၢ်တကရူၢ်အသိးန့ၣ်လီၤ. ကရူၢ်ဖိတဖၣ်လၢအအိၣ်ဒီး ကသံၣ်ကသီတၢ်အိၣ်သးအပတီၢ်ထီ ဘၣ်ထွဲဒီးစုဆၢခီၣ်ဆၢညိးတၢ်ဆါ (RA) မ့တမ့ၢ် တၢ်ဆါလၢအမၤဘၣ်ဒိ ခိၣ်နူာ်ဒီးပျိၢ်ဃံနၢာ်မိၢ်ပှၢ် (MS) တဖၣ်န့ၣ် ဘၣ်တၢ်သမံသမိးအီၤဒ်အမ့ၢ် ကရူၢ်လီၤဆီအသိးန့ၣ်လီၤ.

တၢ်ဒိးန့ၢ်အံၣ်လဲးထြီနံး လံာ်ပာ်ဖျါအဒိတဘ့ၣ်သ့လၢ တၢ်ဃ့ခွဲးခီဖျိကမျၢၢ်တၢ်ဆဲးကျိးကျိၤကျဲလၢ Blue Cross and Blue Shield of Minnesota န့ၣ်လီၤ.