ဆူၣ်ချ့တၢ်ဟ့ၣ်ခိၣ်ဖးတၢ်ရဲၣ်တၢ်ကျဲၤ
ဒ် Blue Cross and Blue Shield of Minnesota ဒီး Blue Plus အကရူၢ်ဖိတဂၤအသိး, နဒိးန့ၢ်နဲဒၣ် တၢ်ဟ့ၣ်ကနၢၤတဖၣ်လၢ တၢ်မၤဝံၤ တၢ်ဒီသဒၢဃာ်တၢ်ဆူးတၢ်ဆါ အတၢ်ဟူးတၢ်ဂဲၤတဖၣ်အဂီၢ်လၢ Healthy Rewards တၢ်ရဲၣ်တၢ်ကျဲၤသ့၀ဲလီၤ.
ဒိးန့ၢ်ခိၣ်ဖးတဖၣ်လၢတၢ်ကွၢ်ထွဲနၤဒီးနဟံၣ်ဃီ အတၢ်အိၣ်ဆူၣ်အိၣ်ချ့အဂီၢ်တက့ၢ်
ဖဲနနုာ်လီၤပာ်ဃုာ်တၢ်လၢ Healthy Rewards တၢ်ရဲၣ်တၢ်ကျဲၤ အဆၢကတီၢ်, နၤဒီးနဟံၣ်ဖိဃီဖိ ဒိးန့ၢ်သ့၀ဲ တၢ်ဟ့ၣ်ကနၢၤတဖၣ်လၢ တၢ်မၤဝံၤတၢ်အိၣ်ဆူၣ်အိၣ်ချ့ အတၢ်ဟူးတၢ်ဂဲၤတဖၣ်အဃိန့ၣ်လီၤ.
တၢ်ဟ့ၣ်ခိၣ်ဖးတၢ်ရဲၣ်တၢ်ကျဲၤန့ၣ် မၤတၢ်မၤဒ်လဲၣ်
တၢ်ဆဲးလီၤမံၤန့ၣ် နဃုထၢမၤနဲဒ်နသးသ့လီၤ. နမၤနတၢ်ဟူးတၢ်ဂဲၤအဆိကတၢၢ် မ့ၢ်ဝံၤအခါ, နတၢ်ဟ့ၣ်ကနၢၤအခးက့န့ၣ် ကဘၣ်တၢ်ဆှၢလီၤဆူနဟံၣ်လီၤ. တဘျီဘၣ်တဘျီဖဲနမၤဝံၤနဲ တၢ်ဟူးတၢ်ဂဲၤတမံၤန့ၣ်, စ့ဒီလၣ်တဖၣ် ကဘၣ်တၢ်မၤအါထီၣ်အီၤဆူ နတၢ်ဟ့ၣ်ကနၢၤအခးက့လၢ တၢ်မၤပှဲၤအီၤသ့အပူၤလီၤ.
ကရူၢ်ဖိတဖၣ်လၢအသးအိၣ် 18 နံၣ်ဒီး ဆူအဖီခိၣ်န့ၣ် ဒုးအိၣ်ထီၣ်အကစၢ်ဒၣ်၀ဲ ဆူၣ်ချ့တၢ်ဟ့ၣ်ကနၢၤ စ့အကီးဒီး ဒိးန့ၢ်အကစၢ်ဒၣ်၀ဲ ခးက့သ့လီၤ. လၢကရူၢ်ဖိအသးစၢ်န့ၣ် 18 နံၣ်တဖၣ်အဂီၢ်, တၢ်ဟ့ၣ်ကနၢၤတဖၣ် ကဘၣ်တၢ်ထၢနုာ်အါထီၣ်အီၤဆူ ဟံၣ်ဖိဃီဖိခးက့မိၢ်ပှၢ်အပူၤလီၤ.
ဒ်သိးကဒီသဒၢဃာ်စၢၤ နတၢ်ဂ့ၢ်ခူသူၣ်အဂီၢ်, တၢ်ဟူးတၢ်ဂဲၤတနီၤန့ၣ် လိၣ်ဝဲဒၣ်လံာ်ဖှီတဲာ်လၢ တၢ်စဲကျံးထုးထီၣ်အီၤလၢ ကဘၣ်တၢ်မၤပှဲၤအီၤဒီး ကဘၣ်တၢ်ဆှၢလီၤလံာ်ပရၢအဂီၢ်န့ၣ်လီၤ.
ဆူၣ်ချ့တၢ်ဟ့ၣ်ကနၢၤတဖၣ် ဒဲးရှဘီးတၢ်ပာ်ဖျါ အဒိ
စးထီၣ်မၤအီၤလၢ တၢ်မၤအဆီသၢဆီလၢ အညီန့ၣ်တက့ၢ်.
အပတီၢ် 1- အိးထီၣ်နမံၤစရီအကီးတက့ၢ်
နုာ်ကွၢ် my.bravowell.com/bluecrossmn မ့တမ့ၢ် ကိး 1-833-786-8722, TTY 711.
နကလိၣ်ဘၣ် နကရူၢ်ဖိ ID နီၣ်ဂံၢ် လၢအအိၣ်ဝဲဒၣ်ဖဲ နကရူၢ်ဖိ (ID) ခး အမဲာ်ညါ, လီပရၢအမံၤ ဒီး တၢ်ဆှၢလံာ်ပရၢလီၢ်အိၣ်ဆိးထံး လၢနကစးထီၣ်မၤတၢ်အဂီၢ်လီၤ.
အပတီၢ် 2- ရဲၣ်ကျဲၤလီၤ တၢ်ထံၣ်လိာ်သးဒီးနကသံၣ်သရၣ်တက့ၢ်
ဒိးန့ၢ်တၢ်ဟ့ၣ်ကနၢၤတဖၣ်ဖဲ နၤ မ့တမ့ၢ် နဟံၣ်ဖိဃီဖိ လဲၤဒုးနဲၣ်သးလၢ ကသံၣ်သရၣ်အခါဒီး ဖဲနမၤဝံၤဆူၣ်ချ့ တၢ်ဟူးတၢ်တဂဲၤတမံၤလၢ်လၢ်လၢ နကြၢး၀ဲဘၣ်၀ဲဒီးတၢ်ဃုထၢဖဲ တၢ်ရဲၣ်တၢ်ကျဲၤအပူၤန့ၣ်တက့ၢ်. နကသံၣ်သရၣ်ကဒုးသ့ၣ်ညါပှၤ ဖဲလၢနမၤ၀ံၤတၢ်ဟူးတၢ်ဂဲၤအကတီၢ်န့ၣ်လီၤ.
တၢ်အပတီၢ် 3- စးထီၣ်ဒိးန့ၢ် တၢ်ဟ့ၣ်ကနၢၤတဖၣ်
တုၤနကသံၣ်သရၣ်ဒုးသ့ၣ်ညါပှၤလၢ နမၤနဲတၢ်လဲၤဒုးနဲၣ်သး အဆိကတၢၢ်တဘျီဝံၤတစုန့ၣ်, နတၢ်ဟ့ၣ်ကနၢၤခးက့လၢ တၢ်မၤပှဲၤအီၤသ့နၣ် ကဘၣ်တၢ်ဆှၢလီၤဆူနအိၣ်လီၤ. စ့ဒီလၣ်တဖၣ်န့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့ပူၤ တဘျီဘၣ်တဘျီ ဖဲနမၤနဲ ဆူၣ်ချ့တၢ်ဟူးတၢ်ဂဲၤ ဝံၤအခါန့ၣ်လီၤ.
နတၢ်ဟ့ၣ်ကနၢၤ ခးက့တဖၣ်န့ၣ် တၢ်စူးကါအီၤသ့ဖဲ တၢ်ဆါကစဲးကစီးတၢ်အအါကတၢၢ် အလီၢ်အကျဲတဖၣ်အပူၤန့ၣ်လီၤ. တၢ်အံၤတၢ်စူးကါအီၤလၢ သံး, ညါသူး, ကျိတဖၣ် မ့တမ့ၢ် တၢ်တၤကျိၣ်တၢ်စ့အဂီၢ်တသ့ဘၣ်.
ဃုမၤလိအါထီၣ် ဆူၣ်ချ့တၢ်ဟူးတၢ်ဂဲၤတဖၣ်
တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ်
ဖိသၣ်တိးကွ့ကသံၣ်ဒီသဒၢ
ကသံၣ်ဒီသဒၢတဖၣ်န့ၣ်အကါဒိၣ်လၢ သးအနံၣ်အလါကိးနံၣ်ဒဲးအဂီၢ်လီၤ. $25 စ့ဒီလၣ် တၢ်ဟ့ၣ်ကနၢၤတမံၤန့ၣ် ကဘၣ်တၢ်ပာ်ဖှိၣ်အါထီၣ်လၢ နခးက့အပူၤ ဖဲနဖိဆံးဆဲး၀ဲ ကသံၣ်ဒီသဒၢတိးကွ့တၢ်ဆါခံဘျီဝံၤ ဖဲလၢအသးပှဲၤထီၣ်ခံနံၣ်အကတီၢ်န့ၣ်လီၤ.
တချုးလိၣ်ဘိထီၣ် HPV ကသံၣ်ဒီသဒၢ အတၢ်ရဲၣ်လီၤ
(သးနံၣ် 9 ဆူ 12 နံၣ်)
ဖိသၣ်လၢတချုးအလိၣ်ဘိထီၣ်ဒ်တဖၣ်န့ၣ် လိၣ်လၢကဆဲးဝံၤဝဲဒၣ် HPV ကသံၣ်ဒီသဒၢ အတၢ်ရဲၣ်လီၤတဖၣ်န့ၣ်လီၤ. $25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ ဖဲနဖိဆဲးဝဲဒၣ် HPV ကသံၣ်ဒီသဒၢ အတၢ်ရဲၣ်လီၤတဖၣ်၀ံၤ ဖဲလၢအသးပှဲၤထီၣ် 13 နံၣ်အခါန့ၣ်လီၤ.
ဖိသၣ်ဆံးတၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သး
(သးနံၣ် 0 တုၤ 15 လါ)
ဖိသၣ်ဆံးတၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးတဖၣ်န့ၣ် ပျဲနကသံၣ်သရၣ်ဒ်သိးကလူၤပိာ်ကွၢ်ထွဲက့ၤ နဖိဆံးအတၢ်ဒိၣ်ထီၣ်အဂီၢ်န့ၣ်လီၤ. နဖိဆံးန့ၣ် ကြၢးဘၣ်တၢ်လဲၤဒုးနဲၣ်အသးဃုဘျီဖဲ အသးအိၣ် 15 လါန့ၣ်လီၤ.
$10 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ တဘျီလၢ်လၢ် ဖဲလၢ နဖိဆံး လဲၤဒုးနဲၣ်သးလၢ ဖိသၣ်တၢ်အိၣ်မုာ်အိၣ်ပၢၤအဂီၢ် တုၤဃုဘျီ ($60 မ့တမ့ၢ် တၢ်လဲၤဒုးနဲၣ်သး ဃုဘျီ အအါကတၢၢ်)န့ၣ်လီၤ.
တၢ်လဲၤထံၣ်လိာ်သးလၢ တၢ်ဒီသဒၢဆိအဂီၢ်
(သးနံၣ် 18 ဆူ 21 နံၣ်)
တနံၣ်တဘျီ တၢ်လဲၤထံၣ်လိာ်ဒုးနဲၣ်သးလၢ တၢ်ဒီသဒၢတၢ်ဆါအဂီၢ်န့ၣ် မၤစၢၤနၤလၢနကမၤလီၤတံၢ်က့ၤ နဖိဒိၣ်ထီၣ်သီ အတၢ်လဲၤဒုးနဲၣ်သးဒီး အကသံၣ်သရၣ်ဘၣ်ဆၢဘၣ်ကတီၢ် ဒ်သိးကအိၣ်ဒီးတၢ်အိၣ်ဆူၣ်အိၣ်ချ့ဂ့ၤဂ့ၤအဂီၢ်န့ၣ်လီၤ. တၢ်လဲၤဒုးနဲၣ်သးအံၤ ကျၢၢ်ဘၢဝဲဒၣ် တၢ်ဂ့ၢ်ခိၣ်တီအကါဒိၣ်အါမံၤ အဒိဒ်သိး နီၢ်ခိမိၢ်ပှၢ်တၢ်အိၣ်ဆူၣ်အိၣ်ချ့, သးအတၢ်အိၣ်ဆူၣ်အိၣ်ချ့, တၢ်နၢ်ဟူတၢ်ဒီး တၢ်ဆဲးကသံၣ်ဒီသဒၢတဖၣ်န့ၣ်လီၤ.
$25 စ့ဒီလၣ်တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့ပူၤ ဖဲလၢနမၤဝံၤဝဲဒၣ် တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ်အခါန့ၣ်လီၤ.
ဖိသၣ်တၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သး
(သးနံၣ် 16 တုၤ 30 လါ)
ဖိသၣ်တၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးန့ၣ် ကပျဲနကသံၣ်ကရၣ်လၢ ကလူၤပိာ်ကွၢ်ထွဲက့ၤ နဖိအတၢ်အိၣ်ဆူၣ်အိၣ်ချ့ဒီး နဖိလၢ အဟးသ့ထီၣ်သီ အတၢ်ဒိၣ်ထီၣ်န့ၣ်လီၤ. နဖိဆံးလၢအဟးသ့ထီၣ်သီန့ၣ် ကြၢးဘၣ်တၢ်လဲၤဒုးနဲၣ်အီၤခံဘျီ တချုးဖဲအသးအိၣ် 30 လါဒ်ဘၣ်လီၤ.
$10 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ လၢတၢ်လဲၤဒုးနဲၣ်သး အခီၣ်ထံးတဘျီအဂီၢ် ဒီး $15 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ လၢတၢ်လဲၤဒုးနဲၣ်သး ခံဘျီတဘျီအဂီၢ်န့ၣ်လီၤ.
ဖိသၣ်အတၢ်ထံၣ်လိာ်သးဒီးကသံၣ်သရၣ်လၢဘၣ်ဆၢဘၣ်ကတီၢ်
(သးနံၣ် 3 ဆူ 17 နံၣ်)
တနံၣ်တဘျီ ဖိသၣ်တၢ်လဲၤဒုးနဲၣ်သးဒီးကသံၣ်သရၣ်တဖၣ်န့ၣ် အကါဒိၣ်လၢကမၤလီၤတံၢ်စၢၤဘၣ်ဃး ဖိဒံဖိသၣ်ဒီးသးစၢ်တဖၣ် ဒိၣ်ထီၣ်ပှဲၤဒီးတၢ်အိၣ်ဆူၣ်အိၣ်ချ့အဂ့ၢ်န့ၣ်လီၤ. တၢ်လဲၤဒိးပၠးသးဒီးကသံၣ်သရၣ်တဖၣ်အံၤအပူၤ တၢ်ကသိၣ်လိန့ၢ်နၤ တၢ်ဂ့ၢ်အကါဒိၣ်တဖၣ်လၢအကြၢးဒ်သးအနံၣ်အလါတဖၣ်အါမးဒ်သိးဒီး တၢ်အီၣ်န့ၢ်ဂံၢ်န့ၢ်ဘါ, တၢ်နၢ်ဟူဒီး တၢ်ဆဲးကသံၣ်လၢနီၢ်ခိဂံၢ်တြီဆၢန့ၣ်လီၤ.
$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ ဖဲလၢ နဖိဆံး မ့တမ့ၢ် ပှၤလိၣ်ဘိမၤ၀ဲဒၣ် ဖိသၣ်တၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးဝံၤဖဲအသးအိၣ် သၢနံၣ် ဒီး 17 နံၣ် အဘၢၣ်စၢၤန့ၣ်လီၤ.
တၢ်ကွၢ်ထွဲလၢသွံၣ်ဆၢဆံၣ်ဆၢတၢ်ဆါအဂီၢ်
တနံၣ်ဘၣ်တနံၣ် တၢ်မၤကွၢ်သွံၣ်ဆၢဆံၣ်ဆၢတၢ်ဆါ A1 တုၤ C
(သးနံၣ် 18 တုၤ 64 နံၣ်)
တၢ်ဟံးန့ၢ်တၢ်မၤကွၢ်န့ၣ် အကါဒိၣ်လၢတၢ်အံးထွဲကွၢ်ထွဲနသွံၣ်ပူၤအံသၣ်ဆၢအပတီၢ် ဒီးထိၣ်ကွၢ်တၢ်ပၢဆှၢနဆံၣ်ဆၢတၢ်ဆါဒ်လဲၣ်န့ၣ်လီၤ. ဖီတၢၣ်လၢ ပှၤနီၢ်ဒိၣ်အါတက့ၢ်လၢအသးအိၣ် 18 တုၤ 64 နံၣ်လၢအအိၣ်ဒီးသွံၣ်ဆၢဆံၣ်ဆၢတၢ်ဆါတဖၣ်အဂီၢ်န့ၣ် မ့ၢ်ဝဲဒၣ် A1C အပတီၢ်လၢ အစှၤန့ၣ် 7% န့ၣ်လီၤ.
$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့ပူၤ ဖဲလၢနမၤဝံၤဝဲ တနံၣ်တဘျီတၢ်မၤကွၢ်သွံၣ် A1C အခါန့ၣ်လီၤ.
တၢ်ကွၢ်ထွဲလၢမိၢ်အိၣ်ဒီးအဟုးအသးအဂီၢ်
တချုးအိၣ်ဖျဲၣ် တၢ်လဲၤဒုးနဲၣ်သး
အကါဒိၣ်လၢနကစးထီၣ်ဒိးန့ၢ် တချုးအိၣ်ဖျဲၣ်ဖိအတၢ်ကွၢ်ထွဲ ဖဲနတၢ်မၤကွၢ်အစၢဖျါလၢ နအိၣ်ဒီးအဟုးအသးတဘျီဃီန့ၣ်လီၤ. တၢ်လဲၤဒုးနဲၣ်သးအံၤ မၤစၢၤနၤလၢ နကကတဲာ်ကတီၤသးလၢ တၢ်ကွၢ်ထွဲလၢနလိၣ်ဘၣ်အီၤအဂီၢ် ဖဲနအိၣ်ဒီးအဟုးအသးအကတီၢ်န့ၣ်လီၤ.
ဒိးန့ၢ် $75 စ့ဒီလၣ် တၢ်ဟ့ၣ်ကနၢၤ ခီဖျိတၢ်မၤဝံၤ တချုးအိၣ်ဖျဲၣ်တၢ်လဲၤဒုးနဲၣ်သးတဘျီ လၢနီၢ်ကစၢ် မ့တမ့ၢ် လၢဆူၣ်ချ့တၢ်ကွၢ်ထွဲခီဖျိလီတဲစိန့ၣ်လီၤ.
စဲးကျံးထုးထီၣ် လံာ်က့ဖှီတဲာ်* ဒ်သိးကဆှၢထီၣ်ဆူပအိၣ် -
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -အဲကလံးကျိာ်
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -စပ့ၣ်ကျိာ်
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -မိၣ်တရူးကျိာ်
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -ဆိၣ်မၣ်လံၣ်ကျိာ်
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -ကညီကျိာ်
တချုးအိၣ်ဖျဲၣ်တၢ်ကွၢ်ထွဲ တၢ်လဲၤဒုးနဲၣ်သး -ဘံၣ်ယဲးနၣ်ကျိာ်
ဝံသးစူၤ ကွၢ်ထံသမံသမိးတၢ်ဒီးနပှၤဟ့ၣ်မၤစၢၤတၢ်လၢ ဆူၣ်ချ့တၢ်ကွၢ်ထွဲခီဖျိလီတဲစိ တၢ်ဒုးနဲၣ်သးကျိၤကျဲတၢ်ဃုထၢအဂီၢ်န့ၣ်တက့ၢ်.
တၢ်အိၣ်ဖျဲၣ်ဖိဝံၤအလီၢ်ခံ တၢ်လဲၤဒုးနဲၣ်သး
ဖဲနအိၣ်ဖျဲၣ်နဖိဝံၤအလီၢ်ခံ ကွၢ်ထွဲက့ၤ နတၢ်အိၣ်ဆူၣ်အိၣ်ချ့ ဒ်သိးနကွၢ်ထွဲနဖိအတၢ်အိၣ်ဆူၣ်အိၣ်ချ့ ကသ့အဂီၢ်န့ၣ်တက့ၢ်.
ဒိးန့ၢ် $75 တၢ်ဟ့ၣ်ကနၢၤ ဖဲလၢနမၤဝံၤနဲ တၢ်လဲၤဒုးနဲၣ်သးလၢ တၢ်အိၣ်ဖျဲၣ်ဖိဝံၤအလီၢ်ခံ တနွံ တုၤ12 နွံ ဖဲနအိၣ်ဖျဲၣ်ဝံၤအလီၢ်ခံန့ၣ်လီၤ.
စဲးကျံးထုးထီၣ် လံာ်က့ဖှီတဲာ်* ဒ်သိးကဆှၢထီၣ်ဆူပအိၣ် -
တၢ်အိၣ်ဖျဲၣ်ဖိဝံၤအလီၢ်ခံ တၢ်လဲၤဒုးနဲၣ်သး -အဲကလံးကျိာ်
တၢ်အိၣ်ဖျဲၣ်ဖိဝံၤအလီၢ်ခံ တၢ်လဲၤဒုးနဲၣ်သး -စပ့ၣ်ကျိာ်
တၢ်အိၣ်ဖျဲၣ်ဖိဝံၤအလီၢ်ခံ တၢ်လဲၤဒုးနဲၣ်သး -မိၣ်တရူးကျိာ်
တၢ်အိၣ်ဖျဲၣ်ဖိဝံၤအလီၢ်ခံ တၢ်လဲၤဒုးနဲၣ်သး -ဆိၣ်မၣ်လံၣ်ကျိာ်
တၢ်အိၣ်မုာ်ဆိးပၢၤဘၣ်ဃးဒီးသး
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး
(သးနံၣ် 6 ဆူ 64 နံၣ်)
တၢ်ပိာ်ထွဲဒုးနဲၣ်က့ၤဒီးကသံၣ်သရၣ်ဖဲ တၢ်ထီၣ်တၢ်ဆါဟံၣ်လၢသးတၢ်ဆါအဃိ၀ံၤအလီၢ်ခံန့ၣ် အကါဒိၣ်မး၀ဲလၢနတၢ်အိၣ်ဆူၣ်အိၣ်ချ့ဒီး တၢ်အိၣ်မုာ်ဆိးပၢၤဆူညါဖးယံာ် အဂီၢ်လီၤႉ
ဒိးန့ၢ် $25 စ့ဒီလၣ် တၢ်ဟ့ၣ်ကနၢၤ ဖဲလၢနမၤနဲ တၢ်ပိာ်ထွဲဒုးနဲၣ်က့ၤ ကသံၣ်သရၣ်လၢနီၢ်ကစၢ် မ့တမ့ၢ် ဆူၣ်ချ့တၢ်ကွၢ်ထွဲခီဖျိလီတဲစိ ဖဲလၢနက့ၤလီၤက့ၤလၢတၢ်ဆါဟံၣ် နွံသီအတီၢ်ပူၤလၢ သးတၢ်အိၣ်ဆူၣ်အိၣ်ချ့အဃိလီၤ.
စဲးကျံးထုးထီၣ် လံာ်က့ဖှီတဲာ်* ဒ်သိးကဆှၢထီၣ်ဆူပအိၣ် -
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး- အဲကလံးကျိာ်
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး-စပ့ၣ်ကျိာ်
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး-မိၣ်တရူးကျိာ်
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး-ဆိၣ်မၣ်လံၣ်ကျိာ်
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး-ကညီကျိာ်
တၢ်ထီၣ်တၢ်ဆါဟံၣ်လၢ သးတၢ်အိၣ်ဆူၣ်အိၣ်ချ့အဂီၢ် ဝံၤအလီၢ်ခံ တၢ်ပိာ်ထွဲလဲၤဒုးနဲၣ်သး-ဘံၣ်ယဲးနၣ်ကျိာ်
ဝံသးစူၤ ကွၢ်ထံသမံသမိးတၢ်ဒီးနပှၤဟ့ၣ်မၤစၢၤတၢ်လၢ ဆူၣ်ချ့တၢ်ကွၢ်ထွဲခီဖျိလီတဲစိ တၢ်ဒုးနဲၣ်သးကျိၤကျဲတၢ်ဃုထၢအဂီၢ်န့ၣ်တက့ၢ်.
တၢ်ဒီသဒၢအတၢ်ကွၢ်ထွဲ
တနံၣ်တဘျီ တၢ်မၤကွၢ် Chlamydia တၢ်ဆါ
(သးနံၣ် 16 ဆူ 24 နံၣ်)
ဒ်ပှၤသးစၢ်နီၢ်ဒိၣ်တဂၤအသိး, တၢ်ဃုသ့ၣ်ညါလၢ တၢ်ဘၣ်ကူဘၣ်ဂာ်ဘၣ်ဃး မုၣ်ခွါသွံၣ်ထံတၢ်ရ့လိာ်သးတၢ်ဆါတဖၣ်န့ၣ် မ့ၢ်တၢ်အကါဒိၣ်တမံၤလၢတၢ်ကွၢ်ထွဲအဂီၢ်လီၤ.
ဒိးန့ၢ် $25 တၢ်ဟ့ၣ်ကနၢၤ မ့ၢ်လၢနမၤဝံၤနဲ တနံၣ်တဘျီ တၢ်မၤကွၢ် Chlamydia တၢ်ဆါအဃိန့ၣ်တက့ၢ်.
စဲးကျံးထုးထီၣ် လံာ်က့ဖှီတဲာ်* ဒ်သိးကဆှၢထီၣ်ဆူပအိၣ် -
တၢ်မၤကွၢ် Chlamydia တၢ်ဆါ - အဲကလံးကျိာ်
တၢ်မၤကွၢ် Chlamydia တၢ်ဆါ -စပ့ၣ်ကျိာ်
တၢ်မၤကွၢ် Chlamydia တၢ်ဆါ -မိၣ်တရူးကျိာ်
တၢ်မၤကွၢ် Chlamydia တၢ်ဆါ -ဆိၣ်မၣ်လံၣ်ကျိာ်
တနံၣ်တဘျီတၢ်မၤကွၢ်မဲ
(သးနံၣ် 2 ဆူ 64 နံၣ်)
တၢ်သမံသမိးမၤကွၢ်မဲဘၣ်ဆၢဘၣ်ကတီၢ်န့ၣ် အကါဒိၣ်လၢ မဲဒီးမဲကူၤတဖၣ်အတၢ်အိၣ်ဆူၣ်အိၣ်ချ့အဂီၢ်လီၤ.
$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢနခးက့အပူၤ မ့ၢ်လၢနမၤဝံၤနဲ တနံၣ်တဘျီတၢ်ဒိးစဲးမဲဂ့ၢ်ဂီၤ အဃိန့ၣ်လီၤ.
မဲမိၣ်ကရဲၣ်
(သးနံၣ် 40 ဆူ 64 နံၣ်)
တနံၣ်တဘျီတၢ်ဒိနုၢ်ယဲၤဖျါန့ၣ် ဃုသ့ၣ်ညါန့ၢ်၀ဲနုၢ်ခဲစၢၣ်ဆိဆိသ့, ဖဲတၢ်ကူစါအီၤသ့ဝဲညီညီအခါန့ၣ်လီၤ.
$50 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ ဖဲလၢနမၤနဲတၢ်ဒိနုၢ်ယဲၤဖျါဝံၤအလီၢ်ခံန့ၣ်လီၤ.
တၢ်သမံသမိးပှံာ်ပှၢ်
(သးနံၣ် 45 ဆူ 64 နံၣ်)
တၢ်စဲးကွၢ်ပှံာ်ပှၢ်န့ၣ် မၤစၢၤနၤသ့ဒ်သိး နကဃုသ့ၣ်ညါပှံၢ်ခဲစၢၣ်ဆိဆိ, ဖဲလၢတၢ်ကူစါအီၤသ့ညီညီအခါန့ၣ်လီၤ.
$50 စ့ဒီလၣ်တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ မ့ၢ်လၢနမၤဝံၤနဲ တနံၣ်တဘျီ တၢ်စဲးကွၢ်ပှံၢ်ပှၢ်အဃိန့ၣ်လီၤ. တၢ်ဟ့ၣ်ကနၢၤန့ၣ် တၢ်ဃ့ထီၣ်အီၤသ့ဝဲ 10 နံၣ်တဘျီန့ၣ်လီၤ.
Blue Plus ဆူၣ်ချ့တၢ်သမံသမိးကွၢ်နီၢ်ကစၢ်
မၤဝံၤတၢ်သမံသမိးကွၢ် တၢ်အိၣ်ဆူၣ်အိၣ်ချ့ ဒ်သိးနကဒိးန့ၢ်နဲဒၣ် နီၢ်ကစၢ်တၢ်ဘိးဘၣ်သ့ၣ်ညါ ဒီးဒိးနၢ့်တၢ်နုာ်ကွၢ်ခွဲး,ဆူ ပီးလီတဖၣ်ဒီး တၢ်အိၣ်ယၢၤတဖၣ်အပူၤ ဒ်သိး နကရဲၣ်ကျဲၤ နတၢ်အိၣ်ဆူၣ်အိၣ်ချ့ ဖဲနလီၢ်ဒၣ်နဲအဂီၢ်တက့ၢ်.