ဆူၣ်ချ့တၢ်ဟ့ၣ်ခိၣ်ဖးတၢ်ရဲၣ်တၢ်ကျဲၤ

ကသံၣ်ဒီသဒၢတဖၣ်န့ၣ်အကါဒိၣ်လၢ သးအနံၣ်အလါကိးနံၣ်ဒဲးအဂီၢ်လီၤ. $25 စ့ဒီလၣ် တၢ်ဟ့ၣ်ကနၢၤတမံၤန့ၣ် ကဘၣ်တၢ်ပာ်ဖှိၣ်အါထီၣ်လၢ နခးက့အပူၤ ဖဲနဖိဆံးဆဲး၀ဲ ကသံၣ်ဒီသဒၢတိးကွ့တၢ်ဆါခံဘျီဝံၤ ဖဲလၢအသးပှဲၤထီၣ်ခံနံၣ်အကတီၢ်န့ၣ်လီၤ.

ဖိသၣ်လၢတချုးအလိၣ်ဘိထီၣ်ဒ်တဖၣ်န့ၣ် လိၣ်လၢကဆဲးဝံၤဝဲဒၣ် HPV ကသံၣ်ဒီသဒၢ အတၢ်ရဲၣ်လီၤတဖၣ်န့ၣ်လီၤ. $25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ ဖဲနဖိဆဲးဝဲဒၣ် HPV ကသံၣ်ဒီသဒၢ အတၢ်ရဲၣ်လီၤတဖၣ်၀ံၤ ဖဲလၢအသးပှဲၤထီၣ် 13 နံၣ်အခါန့ၣ်လီၤ.

ဖိသၣ်ဆံးတၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးတဖၣ်န့ၣ် ပျဲနကသံၣ်သရၣ်ဒ်သိးကလူၤပိာ်ကွၢ်ထွဲက့ၤ နဖိဆံးအတၢ်ဒိၣ်ထီၣ်အဂီၢ်န့ၣ်လီၤ. နဖိဆံးန့ၣ် ကြၢးဘၣ်တၢ်လဲၤဒုးနဲၣ်အသးဃုဘျီဖဲ အသးအိၣ် 15 လါန့ၣ်လီၤ.

$10 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ တဘျီလၢ်လၢ် ဖဲလၢ နဖိဆံး လဲၤဒုးနဲၣ်သးလၢ ဖိသၣ်တၢ်အိၣ်မုာ်အိၣ်ပၢၤအဂီၢ် တုၤဃုဘျီ ($60 မ့တမ့ၢ် တၢ်လဲၤဒုးနဲၣ်သး ဃုဘျီ အအါကတၢၢ်)န့ၣ်လီၤ.

ဖိသၣ်တၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးန့ၣ် ကပျဲနကသံၣ်ကရၣ်လၢ ကလူၤပိာ်ကွၢ်ထွဲက့ၤ နဖိအတၢ်အိၣ်ဆူၣ်အိၣ်ချ့ဒီး နဖိလၢ အဟးသ့ထီၣ်သီ အတၢ်ဒိၣ်ထီၣ်န့ၣ်လီၤ. နဖိဆံးလၢအဟးသ့ထီၣ်သီန့ၣ် ကြၢးဘၣ်တၢ်လဲၤဒုးနဲၣ်အီၤခံဘျီ တချုးဖဲအသးအိၣ် 30 လါဒ်ဘၣ်လီၤ.

$10 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ လၢတၢ်လဲၤဒုးနဲၣ်သး အခီၣ်ထံးတဘျီအဂီၢ် ဒီး $15 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ လၢတၢ်လဲၤဒုးနဲၣ်သး ခံဘျီတဘျီအဂီၢ်န့ၣ်လီၤ.

တနံၣ်တဘျီ ဖိသၣ်တၢ်လဲၤဒုးနဲၣ်သးဒီးကသံၣ်သရၣ်တဖၣ်န့ၣ် အကါဒိၣ်လၢကမၤလီၤတံၢ်စၢၤဘၣ်ဃး ဖိဒံဖိသၣ်ဒီးသးစၢ်တဖၣ် ဒိၣ်ထီၣ်ပှဲၤဒီးတၢ်အိၣ်ဆူၣ်အိၣ်ချ့အဂ့ၢ်န့ၣ်လီၤ. တၢ်လဲၤဒိးပၠးသးဒီးကသံၣ်သရၣ်တဖၣ်အံၤအပူၤ တၢ်ကသိၣ်လိန့ၢ်နၤ တၢ်ဂ့ၢ်အကါဒိၣ်တဖၣ်လၢအကြၢးဒ်သးအနံၣ်အလါတဖၣ်အါမးဒ်သိးဒီး တၢ်အီၣ်န့ၢ်ဂံၢ်န့ၢ်ဘါ, တၢ်နၢ်ဟူဒီး တၢ်ဆဲးကသံၣ်လၢနီၢ်ခိဂံၢ်တြီဆၢန့ၣ်လီၤ.

$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ ဖဲလၢ နဖိဆံး မ့တမ့ၢ် ပှၤလိၣ်ဘိမၤ၀ဲဒၣ် ဖိသၣ်တၢ်အိၣ်မုာ်အိၣ်ပၢၤ တၢ်လဲၤဒုးနဲၣ်သးဝံၤဖဲအသးအိၣ် သၢနံၣ် ဒီး 17 နံၣ် အဘၢၣ်စၢၤန့ၣ်လီၤ.

တနံၣ်တဘျီ တၢ်မၤကွၢ်တၢ်ဆါန့ၣ် မၤစၢၤ ပှၤသူၣ်က့သးပှၢ်တဖၣ်လၢ ကပှဲၤဒီးတၢ်အိၣ်ဆူၣ်အိၣ်ချ့ ခီဖျိ အလဲၤဒုးနဲၣ်သးဒီး ကသံၣ်သရၣ်တဂၤ ဘၣ်ဆၢဘၣ်ကတီၢ်န့ၣ်လီၤ. တၢ်ဒုးနဲၣ်သးတဖၣ်အံၤ မၤကွၢ် နီၢ်ခိဒီး သးသ့ၣ်ညါတၢ်ဆူၣ်ချ့, တၢ်နၢ်ဟူတၢ်ဒီး တၢ်ဆဲးကသံၣ်ဒီသဒၢတၢ်ဆါတဖၣ်န့ၣ်လီၤ.

နဒိးန့ၢ် $25 တၢ်ဟ့ၣ်လၤကပီၤလၢ မၤဝံၤ တၢ်သမံသမိးမၤကွၢ်ဆူၣ်ချ့ တနံၣ်စုာ်စုာ်အဂီၢ်သ့လီၤ.

တၢ်သမံသမိးမၤကွၢ်မဲဘၣ်ဆၢဘၣ်ကတီၢ်န့ၣ် အကါဒိၣ်လၢ မဲဒီးမဲကူၤတဖၣ်အတၢ်အိၣ်ဆူၣ်အိၣ်ချ့အဂီၢ်လီၤ.

$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢနခးက့အပူၤ မ့ၢ်လၢနမၤဝံၤနဲ တနံၣ်တဘျီတၢ်ဒိးစဲးမဲဂ့ၢ်ဂီၤ အဃိန့ၣ်လီၤ.

တနံၣ်တဘျီတၢ်ဒိနုၢ်ယဲၤဖျါန့ၣ် ဃုသ့ၣ်ညါန့ၢ်၀ဲနုၢ်ခဲစၢၣ်ဆိဆိသ့, ဖဲတၢ်ကူစါအီၤသ့ဝဲညီညီအခါန့ၣ်လီၤ.

$50 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ ဖဲလၢနမၤနဲတၢ်ဒိနုၢ်ယဲၤဖျါဝံၤအလီၢ်ခံန့ၣ်လီၤ.

တၢ်စဲးကွၢ်ပှံာ်ပှၢ်န့ၣ် မၤစၢၤနၤသ့ဒ်သိး နကဃုသ့ၣ်ညါပှံၢ်ခဲစၢၣ်ဆိဆိ, ဖဲလၢတၢ်ကူစါအီၤသ့ညီညီအခါန့ၣ်လီၤ.

$50 စ့ဒီလၣ်တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤဆူ နခးက့အပူၤ မ့ၢ်လၢနမၤဝံၤနဲ တနံၣ်တဘျီ တၢ်စဲးကွၢ်ပှံၢ်ပှၢ်အဃိန့ၣ်လီၤ. တၢ်ဟ့ၣ်ကနၢၤန့ၣ် တၢ်ဃ့ထီၣ်အီၤသ့ဝဲ 10 နံၣ်တဘျီန့ၣ်လီၤ.

ဒ်ပှၤသးစၢ်နီၢ်ဒိၣ်တဂၤအသိး, တၢ်ဃုသ့ၣ်ညါလၢ တၢ်ဘၣ်ကူဘၣ်ဂာ်ဘၣ်ဃး မုၣ်ခွါသွံၣ်ထံတၢ်ရ့လိာ်သးတၢ်ဆါတဖၣ်န့ၣ် မ့ၢ်တၢ်အကါဒိၣ်တမံၤလၢတၢ်ကွၢ်ထွဲအဂီၢ်လီၤ.

ဒိးန့ၢ် $25 တၢ်ဟ့ၣ်ကနၢၤ မ့ၢ်လၢနမၤဝံၤနဲ တနံၣ်တဘျီ တၢ်မၤကွၢ် Chlamydia တၢ်ဆါအဃိန့ၣ်တက့ၢ်.

စဲးကျံးထုးထီၣ် လံာ်က့ဖှီတဲာ်*လၢ ကဆှၢထီၣ်ဆူပအိၣ် -

တၢ်မၤကွၢ် Chlamydia တၢ်ဆါ - အဲကလံးကျိာ်

တၢ်မၤကွၢ် Chlamydia တၢ်ဆါ -စပ့ၣ်ကျိာ်

တၢ်မၤကွၢ် Chlamydia တၢ်ဆါ -မိၣ်တရူးကျိာ်

တၢ်မၤကွၢ် Chlamydia တၢ်ဆါ -ဆိၣ်မၣ်လံၣ်ကျိာ်

တၢ်မၤကွၢ် Chlamydia တၢ်ဆါ -ကညီကျိာ်

တၢ်မၤကွၢ် Chlamydia တၢ်ဆါ -ဘံၣ်ယဲးနၣ်ကျိာ်

တနံၣ်တဘျီ တၢ်သမံသမိး ဒၢလီၢ်ခိၣ်ထိးခဲစၢၣ်န့ၣ် ဃုထံၣ်သ့ၣ်ညါဘၣ် ဒၢလီၢ်ခိၣ်ထိးခဲစၢၣ်သ့ဝဲဆိဆိ, ဖဲတၢ်ကူစါဘျါအီၤညီအဆၢကတီၢ်န့ၣ်လီၤ.

$25 စ့ဒီလၣ် တၢ်ဟ့ၣ်ကနၢၤန့ၣ် ကဘၣ်တၢ်ပာ်ဖှိၣ်အါထီၣ်အီၤလၢ နခးက့အပူၤ ဖဲလၢနမၤနဲ တနံၣ်တဘျီ တၢ်သမံသမိး ဒၢလီၢ်ခိၣ်ထိးခဲစၢၣ်ဝံၤအခါန့ၣ်လီၤ.