မဲာ်နံးစိထၣ်ပှၤသးပှၢ်တၢ်ကွၢ်ထွဲလီၤဆီ (Blue Plus Minnesota Senior Care Plus(MSC+))

နဆဲးလီၤမံၤကသ့ဒ်လဲၣ်အဂ့ၢ်

• ဆဲးကျိးမ့တမ့ၢ်လဲၤထံၣ်လိာ်သးဒီးကီၢ်ရ့ၣ်ပှၤတ၀ၢတၢ်တိစၢၤမၤစၢၤ အ၀ဲၤကျိၤလၢနလီၢ်က၀ီၤပူၤန့တက့ၢ် 
• ကိးဘၣ် Minnesota Health Care Programs ဖဲ (651) 431-2670 (လၢ metro အလီၢ်ကဝီၤပူၤ) မ့တမ့ၢ် တၢ်ဆဲးကျိးကလီ 1-800-657-3739, TTY 711, မ့တမ့ၢ် ခီဖျိ Minnesota Relay direct access ဖဲ 1-800-627-3529, TTY/TDD, voice, ASCII, hearing carryover, or 1-877-627-3848 (speech-to-speech).
  တၢ်ဆဲးကျိးတဖၣ်အံၤမ့ၢ်ဒၣ်အကလီလီၤ.
• ဆဲးလီၤနမံၤလၢအ့ထၢၣ်နဲၣ်ဖီခိၣ် ခီဖျိ မဲာ်နံးစိထၣ်တၢ်ဆီၣ်ထွဲမၤစၢၤပှၤကညီအ၀ဲၤကျိၤ (Minnesota Department of Human Services)  

Minnesota Senior Care Plus လၢ Blue Plus န့ၣ်တၢ်ဒိးန့ၢ်ဘၣ်အီၤသ့ဖဲ Minnesota ကီၢ်ရ့ၣ်တဖၣ်အပူၤလီၤ.

တၢ်ဂ့ၢ်အါထီၣ်ဘၣ်ဃးတၢ်ကြၢးဝဲဘၣ်ဝဲလၢကန့ၢ်အခွဲး

တၢ်ဘၣ်ဟ့ၣ်တၢ်ဘူးတၢ်လဲလၢတလါဘၣ်တလါတအိၣ်ဘၣ်

နတဘၣ်ဟ့ၣ်တၢ်ဘူးတၢ်လဲလၢတလါဘၣ်တလါ(တၢ်အုၣ်ကီၤအဘူးအလဲ) လၢတၢ်တိာ်ကျဲၤအံၤအဂီၢ်ဘၣ်.

MSC+ မၤစၢၤနၤဟ့ၣ်အပှ့ၤလၢ:

• ဆူၣ်ချ့တၢ်ကွၢ်ထွဲ - တၢ်ထံၣ်လိာ်သးဒီးကသံၣ်သရၣ်, ကသံၣ်ကသီ, တၢ်ထီၣ်တၢ်ဆါဟံၣ်, ဒီးအဂၤ
• မဲအတၢ်ကွၢ်ထွဲ - တၢ်သမံသမိးမၤကွၢ်, တၢ်ထူးမဲ, တၢ်မၤပှဲၤမဲ*
• တၢ်ကူဆါယါဘျါတၢ်ဘၣ်ဃးဒီးနီၢ်သးဆူၣ်ချ့တၢ်ဂ့ၢ်ကီတဖၣ်ဒီးတၢ်စူးကါကမၣ် ကသံၣ်မူၤဘှီး ဒီးသံး
• တၢ်ဒီသဒၢအတၢ်ကွၢ်ထွဲ - ကသံၣ်ဆဲးဒီသဒၢတိးကွ့တၢ်ဆါ, တၢ်သမံသမိးတဖၣ်
• မဲာ်ချံအတၢ်မၤကွၢ်တဖၣ် ဒီးမဲာ်ဒိး
• တၢ်မၤကွၢ်တၢ်နၢ်ဟူ
• ဂ့ၢ်ဂီၢ်အူတၢ်ကွၢ်ထွဲ

ဘၣ်သ့ၣ်သ့ၣ်တၢ်ဟ့ၣ်သဃဲၤဒီးတၢ်ပာ်ပနီၣ်အဂၤ ကဘၣ်ထွဲဒီးတၢ်တိစၢၤမၤစၢၤတနီၤလီၤ. လၢကကွၢ်တၢ်တိာ်ကျဲၤအံၤတၢ်ဟ့ၣ်အဘူးအလဲအဂ့ၢ်အဂီၢ်, ကွၢ်လၢကရူၢ်ဖိ လံာ်စိာ်စုအပူၤန့ၣ်တက့ၢ်. ကရူၢ်ဖိ လံာ်စိာ်စုန့ၣ်မ့ၢ်ဒၣ်လံာ်လၢအတဲနၢ်ပၢၢ်နဆူၣ်ချ့တၢ်တိာ်ကျဲၤ ဒီးတၢ်ဘူးတၢ်လဲလၢနတၢ်တိာ်ကျဲၤကဟ့ၣ်လီၤ၀ဲဒၣ်န့ၣ်လီၤ.

• ကွၢ်ဘၣ် 2024 ကရူၢ်ဖိ လံာ်စိာ်စု- အဲကလံးကျိာ်
• ကွၢ်ဘၣ် 2024 ကရူၢ်ဖိ လံာ်စိာ်စု- စပ့ၣ်ကျိာ်

ကသံၣ်သရၣ်ပှာ်ဘျးစဲကရူၢ်

ပှာ်ဘျးစဲကရူၢ်တဖုန့ၣ် မ့ၢ်ဝဲကသံၣ်သရၣ်ဒီးကသံၣ်ကျးကရူၢ်တဖု လၢအဘၣ်တၢ်အၢၣ်လီၤဟ့ၣ်ဃာ်အခွဲးလၢ ဆူၣ်ချ့တၢ်တိာ်ကျဲၤန့ၣ်လီၤ. ကသံၣ်သရၣ်, ကသံၣ်သရၣ်လီၤဆီဒီးကသံၣ်ဒၢးလၢအ ဘျးစဲ၀ဲဒီး မဲာ်နံးစိထၣ်ပှၤသးပှၢ်တၢ်ကွၢ်ထွဲလီၤဆီ (Minnesota Senior Care Plus) န့ၣ် အိၣ်၀ဲအကထိတဖၣ်ညါလီၤ.

• ဃုကွၢ်ကသံၣ်သရၣ်တဖၣ်လၢဘျးစဲဒီးအတၢ်တိာ်ကျဲၤပူၤ

ဃုထၢပာ်နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်

နဆဲးလီၤနမံၤလၢတၢ်တိာ်ကျဲၤအပူၤအံၤမ့ၢ်၀ံၤ၀ဲန့ၣ်,နဃုထၢကသံၣ်သရၣ် မ့တမ့ၢ် ကသံၣ်ဒၢးဘျးစဲဒီးနတၢ်တိာ်ကျဲၤ အကျါတဂၤသ့၀ဲဒၣ် လၢကကဲနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ်လီၤ. ကသံၣ်သရၣ်လၢနဃုထၢပာ်အီၤတဂၤန့ၣ် ကသ့ၣ်ညါနၤဒံးယံးဒံးအါထီၣ် ဒီး ဟံးဃာ်နတၢ်ကွဲးနီၣ်ကွဲးဃါလၢတၢ်လီၢ်တတီၤဃီန့ၣ်လီၤ.

ကသံၣ်သရၣ်တီၤထီစဲၣ်နီၤတဖၣ်

ကသံၣ်သရၣ်တီၤထီစဲၣ်နီၤတဖၣ်န့ၣ် မ့ၢ်ကသံၣ်သရၣ်လၢအကူစါယါဘျါတၢ်လီၤလီၤဆီဆီ ဒ်သိး သွံၣ်ထံတဘၣ်လိာ်ဘၣ်စးတဖၣ် မ့တမ့ၢ်ဆံၣ်ဆၢတၢ်ဆါလီၤ. ကသံၣ်သရၣ်လီၤဆီတဂၤ မ့ၢ်ဘျးစဲဒီးနကသံၣ်သရၣ်တၢ်တိာ်ကျဲၤဃုာ်ဝဲန့ၣ် တလိၣ်န့ၢ်ဆိအခွဲးလၢကထံၣ်လိာ်သးဒီးအီၤဘၣ်. ဘၣ်တဘၣ်နကဘၣ်ဟ့ၣ်တၢ်ဘူးတၢ်လဲကအါထီၣ်ဖဲနမ့ၢ်သူဝဲကသံၣ်သရၣ်လၢတပၣ်ဃုာ်လၢနကသံၣ်သရၣ်လၢအဘျးစဲအပူၤန့ၣ်လီ.

တၢ်ကူစါယါဘျါအကျိၤအကျဲတနီၤန့ၣ်လိၣ်ဘၣ်နတၢ်ဟံးန့ၢ်ဆိတၢ်အခွဲးလၢ နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်ဒီးမ့တမ့ၢ်ဆူၣ်ချ့တၢ်တိာ်ကျဲၤ တချုးလၢနဒိးန့ၢ်ဘၣ်အီၤကန့ၢ်အဂီၢ်န့ၣ်လီၤ. အဝဲအံၤမၤစၢၤနၤလၢကမၤလီၤတံၢ်ဝဲလၢတၢ်တိာ်ကျဲၤကဟ့ၣ်က့ၤတၢ်ကူစါယါဘျါန့ၣ် အဘူးအလဲသပှၢ်တၢၢ် ဒီးလၢနတဒိးန့ၢ်ဘၣ်တၢ်လၢာ်ဘူၣ်လၢာ်စ့ၤစရီလၢနတပာ်သူၣ်ပာ်သးဘၣ်န့ၣ်လီၤ.

တၢ်ကွၢ်ထွဲဆူၣ်ချ့လၢ ပှၤကလုာ်ဒူၣ်လီၤဆီ ဒီး ပှၤအ့ဒယါဖိအဂီၢ်(Tribal and Indian Health Services)အကသံၣ်ဒၢးတဖၣ်

ပှၤအမဲရကၤအ့ဒယါဖိတဖၣ်န့ၣ် လဲၤ၀ဲဆူတၢ်ကွၢ်ထွဲဆူၣ်ချ့ (IHS) အလီၢ်တဖၣ်လၢ ပှၤကလုာ်ဒူၣ်လီၤဆီ ဒီး ပှၤအ့ဒယါဖိအဂီၢ် ဒ်သိးကဆဲးဒိးန့ၢ် မ့တမ့ၢ်စးထီၣ်ဒိးန့ၢ်ဘၣ်တၢ်ကွၢ်ထွဲဖဲန့ၣ်အဂီၢ်န့ၣ်လီၤ. တလိၣ်လၢနကန့ၢ်ဆိအခွဲး မ့တမ့ၢ် လဲၤခီဖျိဘၣ်တၢ်မၤကျိကျဲအဂၤ ဒ်သိးနကဒိးန့ၢ်ဘၣ်တၢ်ကွၢ်ထွဲလၢတၢ်ဟ့ၣ်ကသံၣ်ဒၢးတဖၣ်န့ၣ်အဂီၢ်ဘၣ်. ပှၤဆဲးလီၤမံၤလၢအသးအိၣ်65 နံၣ်ဆူဖီခိၣ်တဖၣ်အဂီၢ်န့ၣ်ကပၣ်ဃုာ်စ့ၢ်ကီးဒီး ပှၤသးပှၢ်လၢအညိကွံာ်အဝဲသ့ၣ်(Elderly Waiver [EW]))အတၢ်ခွဲးတၢ်ယာ်ခီဖျိကလုာ်အဒူၣ်န့ၣ်အဃိန့ၣ်လီၤ. တလိၣ်လၢနကဟံးန့ၢ်ဆိအခွဲးလၢနနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိလၢနဆူၣ်ချ့တၢ်တိာ်ကျဲၤပူၤတဂၤဘၣ်ဖဲကသံၣ်သရၣ် မ့တမ့ၢ် သရၣ်ဟ့ၣ်တၢ်ကွၢ်ထွဲအဂၤလၢအပၣ်ဃုာ်လၢကလုာ်ဒူၣ်လီၤဆီ မ့တမ့ၢ် IHS တၢ်ဟ့ၣ်ကသံၣ်ဒၢးအကျါတဂၤမ့ၢ် ဆှၢဃီၤန့ၢ်နၤဆူကသံၣ်သရၣ်လၢပတၢ်တိာ်ကျဲၤဘျးစဲပူၤတဂၤန့ၣ်လီၤ.

ဃုထံၣ်န့ၢ်မဲကသံၣ်သရၣ်

တၢ်တိာ်ကျဲၤအံၤ ကျၢၢ်ဘၢ ဂံၢ်ခီၣ်ထံးမဲတၢ်အိၣ်ဆူၣ်အိၣ်ချ့အဂီၢ်, လၢအပၣ်ဃုာ်ဒီးတၢ်သမံသမိးကွၢ်မဲတဖၣ်အတၢ်အိၣ်သး, တၢ်မၤကဆှဲကဆှီဒီး တၢ်မၤပှဲၤက့ၤမဲအတၢ်လီၤဟိတၢ်ဖံးတၢ်မၤတဖၣ်အဂီၢ်လီၤႉ

လၢမဲတၢ်ကွၢ်ထွဲအဂီၢ်, သူ Delta Dental မဲကသံၣ်ဝဲၤဒၢးအမံၤကွဲးရဲၣ်လၢအ့ထၢၣ်နဲးဖီခိၣ်တက့ၢ်. လၢကထံၣ်န့ၢ်မဲကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤကသ့အဂီၢ် ဆီၣ်လီၤ “Minnesota Select Dental Network” တက့ၢ်.

ဃုကွၢ်မဲကသရၣ်အမံၤကွဲးရဲၣ်(PDF)

မ့တမ့ၢ် ကိးဘၣ် တၢ်ဆဲးကျိးကလီဖဲ1-800-774-9049, TTY 711, , မုၢ်ဆၣ်−မုၢ်ဖီဖး, ဂီၤ8 နၣ်ရံၣ်တုၤဟါ 5 နၣ်ရံၣ် Central Time န့ၣ်တက့ၢ်

ဃုထံၣ်ဘၣ်ကသံၣ်ကျးလၢအအိၣ်ဖဲ ပှာ်ဘျးစဲအပူၤတက့ၢ်

ကသံၣ်ကျးအပှာ်ဘျးစဲတခါန့ၣ်မ့ၢ် ကသံၣ်ကျးတဖၣ် (ကျးလၢအဆါကသံၣ်ဖီၣ်တဖၣ်) အလံာ်ကွဲးရဲၣ်လၢ နမၤန့ၢ်ကသံၣ်ကသီအပှ့ၤဘၣ်ဘၣ်သ့န့ၣ်လီၤႉ ဃုထၢကသံၣ်ကျးအါတီၤလၢအအိၣ်လၢပတၢ်ဘျးစဲပူၤအကျါန့ၣ်တက့ၢ်.

နမ့ၢ်တစူးကါကသံၣ်ကျးလၢပပှာ်ဘျးစဲအပူၤဘၣ်န့ၣ် နကဘၣ်ဟ့ၣ်အါထီၣ်ကသံၣ်ကသီအပှ့ၤလီၤႉ

ကွၢ်ဃုကသံၣ်ကျးတဖၣ် လၢပှာ်ဘျးစဲအပူၤ

မ့တမ့ၢ်ကိး တၢ်ဆဲးကျိးကလီဖဲ 1-844-765-5939, TTY 711, 24 နၣ်ရံၣ် တသီ, တနွံ နွံသီ တက့ၢ်.

ကသံၣ်ကသီလၢကသံၣ်သရၣ်ဟ့ၣ်လီၤတဖၣ်

ဆူၣ်ချ့တၢ်တိာ်ကျဲၤ အံၤအိၣ်ဒီးကသံၣ်မံၤကွဲးရဲၣ်လၢနတၢ်တိာ်ကျဲၤဟ့ၣ်အဘူးအလဲလီၤ. အဝဲအံၤဘၣ်တၢ်ကိးအီၤလၢ ကသံၣ်မံၤကွဲးရဲၣ်လၢအဖိးသဲစးလီၤ. ကသံၣ်အမံၤမ့ၢ်တပၣ်လၢကသံၣ်မံၤကွဲးရဲၣ်လၢအဖိးသဲစးအပူၤဘၣ်ဒီး ဘၣ်တဘၣ်နကဘၣ်ဟ့ၣ်တၢ်ဘူးတၢ်လဲကအါထီၣ်၀ဲလီၤ.

ဃုကွၢ် ကသံၣ်မံၤကွဲးရဲၣ်လၢအဖိးသဲစး(ကသံၣ်ကသီ အမံၤကွဲးရဲၣ်)

ကွၢ် 2024 ကသံၣ်မံၤကွဲးရဲၣ်လၢအဖိးသဲစး (ကသံၣ်ကသီအမံၤကွဲးရဲၣ်)

ဆဲးအိၣ်ဆူၣ်အိၣ်ချ့လၢတၢ်ပူၤဖျဲးအပူၤ: ကသံၣ်ဆဲးဒီသဒၢတဖၣ်ဒီးအိၣ်မုာ်အိၣ်ပၢၤအတၢ်ထံၣ်လိာ်သးတဖၣ်

တယံးဒံးဘၣ်န့ၣ်ဘၣ်သ့ၣ်သ့ၣ်နကတူၢ်ဘၣ်လၢ နၤမ့တမ့ၢ်နဖိမ့ၢ်တဆိးက့နးနးဘၣ်န့ၣ် နလဲၤထံၣ်လိာ်သးဒီးကသံၣ်သရၣ်တဘူၣ်ဘၣ်. တၢ်အိၣ်မုာ်အိၣ်ပၢၤအတၢ်ထံၣ်လိာ်သးတဖၣ်န့ၣ် မၤစၢၤကသံၣ်သရၣ်တဖၣ်လၢ ကဃုထံၣ်န့ၢ်ဆိတၢ်ဂ့ၢ်ကီတဖၣ်လီၤ. တၢ်ဒိးန့ၢ်ဘၣ်ကသံၣ်ဒီသဒၢတဖၣ်(ကသံၣ်ဆဲး) ဘၣ်ဆၢဘၣ်ကတီၢ်န့ၣ် တြီဆၢမုၢ်ဆ့ၣ်မုၢ်ဂီၤတၢ်ဆူးတၢ်ဆါတဖၣ်သ့ဝဲလီၤ. တဲတၢ်ဒီး န မ့တမ့ၢ် နဖိ အကသံၣ်သရၣ်ဘၣ်ဃးဒီးဘၣ်ဃးကျဲအဂ့ၤကတၢၢ်တဘိလၢနကပိာ်ထွဲသ့ၣ်နံၤဖးသီတၢ်အိၣ်မုာ်အိၣ်ပၢၤတၢ်ထံၣ်လိာ်သးဒီးဒိးန့ၢ်ဘၣ်ကသံၣ်ဒီသဒၢတဖၣ်လၢဘၣ်ဆၢဘၣ်ကတီၢ်န့ၣ်တက့ၢ်. နနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ (PCP) ဘၣ်တၢ်ပာ်ဖျါန့ၢ်အမံၤလၢနကရူၢ်ဖိ (ID) ခးဒီးနဂ့ၢ်နကျိၤလၢအ့ထၢၣ်နဲးအဖီခိၣ်န့ၣ်လီၤ.

နုာ်လီၤ ဒ်သိးကကွၢ် မ့တမ့ၢ်ကဆီတလဲနနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ

BlueRide တၢ်လဲၤတၢ်က့ၤအတၢ်မၤစၢၤ

BlueRide ^SM ဟ့ၣ်နၤတၢ်လဲၤတၢ်က့ၤ လၢအဘံၣ်အဘၢဒီး တၢ်နာ်န့ၢ်သ့ လၢကအုၣ်ကီၤကျၢၢ်ဘၢ ကသံၣ်ကသီ, မဲ, ကသံၣ်ကျး အတၢ်ထံၣ်လိာ်သးတဖၣ် ဃုာ်ဒီးကသံၣ်သရၣ်လၢနတၢ်တိာ်ကျဲၤဘျးစဲပူၤန့ၣ်လီၤ.

မၤလိတၢ်ဂ့ၢ်အါထီၣ်လၢ BlueRide တၢ်လဲၤတၢ်က့ၤအဂ့ၢ်

တၢ်ကွဲးကျိာ်ထံ

နတဲအဲကလံးကျိာ်မ့ၢ်တဘၣ်ဘၣ်န့ၣ် ကိးန့ၢ်ပှၤတဲကျိာ်တၢ်တဂၤ လၢကလဲၤဒီးနၤ ဖဲနထံၣ်လိာ်သးဒီးကသံၣ်သရၣ်အခါန့ၣ်တက့ၢ်.

ကိးဘၣ် 1-800-711-9862, TTY 711တက့ၢ်.
တၢ်ကိးအံၤ ကမ့ၢ်ဘူးလဲကလီလီၤ.

မၤလိအါထီၣ်ဘၣ်ဃးဒီးပှၤတဲကျိးထံတၢ်အတၢ်မၤစၢၤ

တၢ်ရဲၣ်တၢ်ကျဲၤလီၤဆီတဖၣ်

• တၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ- နဘၣ်လဲၤဖဲလဲၣ်ဖဲလဲၣ်ကီ၀ဲလၢနကသ့ၣ်ညါ၀ဲဒၣ် ဖဲနလိၣ်ဘၣ်တၢ်မၤစၢၤအါန့ၢ်ဒံးအခါလီၤ. သူပတၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ လၢကဃုထံၣ်န့ၢ်တၢ်တိစၢၤမၤစၢၤဘူးဒီးနၤလၢအပှ့ၤစှၤ၀ဲအဂီၢ်န့ၣ်လီၤ.
• တၢ်ပတုာ် တၢ်စူးကါညါသူး တၢ်ရဲၣ်တၢ်ကျဲၤ - ကိးဘၣ် 1-855-552-2583, TTY 711တက့ၢ်. တၢ်အဆၢကတီၢ်း မုၢ်ဆၣ်တုၤ-မုၢ်လ့ၤဧိၤ8:ဂီၤခီ30-5:ဟါခီ30နၣ်ရံၣ် ကီၢ်မုၢ်နုာ်တၢ်ဆၢကတီၢ်, မုၢ်ဖီဖးဂီၤခီ8-ဟါခီ6နၣ်ရံၣ် ကီၢ်မုၢ်နုာ်တၢ်ဆၢကတီၢ်လီၤ.နကိးတၢ်န့ၣ် တလၢာ်၀ဲတၢ်ဘူးတၢ်လဲဘၣ်.
• Blue Plus ဆူၣ်ချ့ နီၢ်ကစၢ်-တၢ်မၤကွၢ် - မၤပှဲၤ ဆူၣ်ချ့ တၢ်မၤကွၢ်လၢ အ့ထၢၣ်နဲးအဖီခိၣ် ဒ်သိး ပဘျးစဲနၤဒီး တၢ်ရဲၣ်တၢ်ကျဲၤတဖၣ်လၢ ကမၤစၢၤ တၢ်ရဲၣ်ကျဲၤက့ၤ နတၢ်ကွၢ်ထွဲကသ့အဂီၢ်တက့ၢ်. နကဒိးန့ၢ်နီၢ်တဂၤတၢ်ဒုးသ့ၣ်ညါလၢ အပာ်ဖျါဝဲတၢ်ဘၣ်ယိၣ်တၢ်ဂ့ၢ်တခါဘၣ်တခါအတၢ်လုၢ်ဘၢ လၢနတၢ်အိၣ်ဆူၣ်အိၣ်ချ့အလိၤန့ၣ်လီၤ.

ဆူၣ်ချ့အတၢ်မၤစၢၤ

• တၢ်ကွၢ်ထွဲလၢအ့ထၢၣ်နဲးဖီခိၣ်- နမၤန့ၢ် ကသံၣ်သရၣ် တၢ်ကွၢ်ထွဲလၢအ့ထၢၣ်နဲးဖီခိၣ် လၢကစံးဆၢနတၢ်သံကွၢ်တဖၣ်အဂီၢ်, ဃုသ့ၣ်ညါတၢ်ဆူးတၢ်ဆါယိယိဖိ ဖဲနကိၢ်နဆူၣ်နချ့အခါ (ဒီးမ့ၢ်သ့)န့ၣ် နဲၣ်လီၤန့ၢ်နၤကသံၣ်ကသီန့ၣ်လီၤ. မၤလိဘၣ်ဃးဒီးတၢ်ကွၢ်ထွဲစီၤစိလၢအ့ထၢၣ်နဲးဖီခိၣ်အဂ့ၢ်
• နၢး(စ) လီတဲစိကျိၤ-တဲတၢ်ဒီးနၢး(စ)24 နၣ်ရံၣ်လၢကိးနံၤဒဲး , ကိးနွံဒဲးနွံသီန့ၣ်လၢကစံးဆၢနတၢ်သံၣ်ကွၢ်တဖၣ်ဘၣ်ဃးဒီးနဆူၣ်နချ့အဂ့ၢ်န့ၣ်လီ. ကိးကလီတၢ်ဆူ1-888-275-3974, TTY 711.
• ပှၤပၢဆှၢသဲစးတၢ်ဂ့ၢ် - နတၢ်ဆါယံာ်ယံာ်ထၢထၢ, တၢ်ဆူးတၢ်ဆါဒိၣ်ဒိၣ်မုၢ်မုၢ် မ့တမ့ၢ် တၢ်ဘၣ်ဒိးဘၣ်ထံနးမးမ့ၢ်အိၣ်ဝဲန့ၣ် ပကမၤစၢၤဒ်နကနၢ်ပၢၢ်နတၢ်ကူဆါယါဘျါအကျိၤအကျဲ ဒီး ပိာ်ထွဲဒ်နတၢ်ကွၢ်ထွဲအကျိၤအကျဲအိၣ်အသိးန့ၣ်လီၤ. ပှၤပၢဆှၢသဲစးတၢ်ဂ့ၢ်တဂၤကဆဲးကျိးနၤဖဲနမ့ၢ်ကြၢးန့ၢ်ဘၣ်တၢ်မၤစၢၤအံၤအခါ
• တၢ်အံးကွၢ်ပၢဆှၢ တၢ်ဆူးတၢ်ဆါတၢ်ဂ့ၢ်မူဒါခိၣ်တဖၣ် ကကိးလီတဲစိဆူနအိၣ် လၢကဒုးအိၣ်ထီၣ်စၢၤန့ၢ်နၤလၢ ဆူၣ်ချ့အဖီတၢၣ်တဖၣ်, ကသိၣ်လိနဲၣ်လိန့ၢ်နၤ လၢနတၢ်အိၣ်သးအဂ့ၢ် ဒီး ကမၤစၢၤနၤလၢတၢ်ပၢၤက့ၤနဆူၣ်ချ့တၢ်ကွၢ်ထွဲအဂီၢ်န့ၣ်လီၤ.
• သကဲာ်ပ၀းဆူၣ်ချ့ (သးသ့ၣ်ညါဆူၣ်ချ့ ဒီးတၢ်စဲကသံၣ်မူၤဘှိးတၢ်ဆါ တၢ်တိစၢၤမၤစၢၤတဖၣ်) - ကိးဘၣ် (651) 662-5545 မ့တမ့ၢ် တၢ်ဆဲးကျိးကလီ 1-800-711-9862, TTY 711, ဂီၤ 8 နၣ်ရံၣ်တုၤ ဟါ 5 နၣ်ရံၣ် Central time, မုၢ်ဆၣ် တုၤ မုၢ်ဖီဖး လၢတၢ်ကစီၣ်ဂ့ၢ်ကျိၤဘၣ်ဃး သးသ့ၣ်ညါဆူၣ်ချ့ဒီး တၢ်စဲ ကသံၣ်မူၤဘှီး ဒီးသံး တၢ်တၢၣ်ပီၣ်ဟ့ၣ်ကူၣ်အဂီၢ်တက့ၢ်.
  
  နတၢ်န့ၢ်ဘျုးတဖၣ်န့ၣ် ပၣ်ဃုာ်ဝဲဒီး တၢ်ပာ်သူၣ်ပာ်သးမ့တမ့ၢ်နီၢ်သးဆူၣ်ချ့အတၢ်ဂ့ၢ်ကီတဖၣ် လၢအမ့ၢ်ဝဲ -
  • သကဲာ်ပဝးဆူၣ်ချ့ တၢ်တိစၢၤမၤစၢၤ လၢပှၤဆူးပှၤဆါလၢအထီၣ်ဒီးတထီၣ်ဘၣ်တၢ်ဆါဟံၣ်အဂီၢ်
  • တၢ်ထီၣ်တၢ်ဆါဟံၣ်ဘၣ်ဆၣ်တမံဖဲန့ၣ်ဘၣ်
  • တၢ်ကူစါယါဘျါဒီး တၢ်တိစၢၤမၤစၢၤလၢတၢ်ကူစါယါဘျါဝံၤအလီၢ်ခံ

ပဃုထံၣ်စၢၤန့ၢ်နၤ တၢ်ပာ်သူၣ်ပာ်သး မ့တမ့ၢ်နီၢ်သးဆူၣ်ချ့ကသံၣ်သရၣ်လီၤဆီတဂၤသ့စ့ၢ်ကီး လၢအကထံၣ်လိာ်သးဒီးနၤဒီးပှၤလၢနအဲၣ်ဘၣ်အီၤတဂၤန့ၣ်လီၤ. ဆဲးကျိးလီတဲစိနီၣ်ဂံၢ်လၢထး မ့တမ့ၢ်ဃုထံၣ်န့ၢ်အီၤလၢ နနီၢ်ကစၢ်ခီဖျိဃုဒိးန့ၢ်ကသံၣ်သရၣ်တဂၤအတၢ်ပီးတၢ်လီန့ၣ်တက့ၢ်. 

နမ့ၢ်ထံၣ်လိာ်သးဒီးသကဲာ်ပဝးဆူၣ်ချ့ကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤန့ၣ် တလိၣ်လၢနနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ (PCP) ကဘၣ်ထွဲဆိနၤဒီးအီၤဃုာ်ဝဲဘၣ်န့ၣ်လီၤ. ဘၣ်ဆၣ်တချုးလၢနဒိးန့ၢ်ဘၣ်တၢ်ကူစါယါဘျါကျိၤကျဲ ဒီးတၢ်တိစၢၤမၤစၢၤတနီၤလၢ သကဲာ်ပဝးဆူၣ်ချ့ကသံၣ်သရၣ်လီၤဆီတဂၤအအိၣ်န့ၣ်ဒံးဘၣ် န့ၣ်အဝဲဘၣ်ဃ့ဆိအခွဲးလၢ Blue Plus အိၣ်န့ၣ်လီၤ. ကွၢ်နကရူၢ်ဖိ လံာ်စိာ်စု ဒ်သိးကမၤလိအါထီၣ်ဘၣ်ဃး နတၢ်န့ၢ်ဘျုးတဖၣ် ဒီးတၢ်တိစၢၤမၤစၢၤ လၢအလိၣ်ဘၣ်တၢ်ဟ့ၣ်ပျဲဆိအဂီၢ်န့ၣ်တက့ၢ်. မၤလိအါထီၣ်ဘၣ်ဃးဒီး သကဲာ်ပဝးဒီးနီၢ်သးဆူၣ်ချ့အတၢ်ဆူးတၢ်ဆါတဖၣ်အဂ့ၢ်န့ၣ်တက့ၢ်.

• ဆူၣ်ချ့အလံာ်နဲၣ်ကျဲ-ဃုထံၣ်န့ၢ်တၢ်ဂ့ၢ်ဘၣ်ဃးဒီးနဆူၣ်ချ့တၢ်တိာ်ကျဲၤ အတၢ်န့ၢ်ဘျုးတဖၣ် ဒီးဆူၣ်ချ့တၢ်ကွၢ်ထွဲအတၢ်တိစၢၤမၤစၢၤတနံၤ 24 နၣ်ရံၣ်, တနွံနွံသီ

တၢ်တိာ်ကျဲၤအံၤအတၢ်သံကွၢ်တဖၣ်:

• ကိးဘၣ် (651) 662-5545 မ့တမ့ၢ် တၢ်ဆဲးကျိးကလီ 1-800-711-9862, TTY 711, ဂီၤ 8 နၣ်ရံၣ် တုၤ ဟါ 5 နၣ်ရံၣ် မုၢ်ဆၣ်တုၤ မုၢ်ဖီဖး တက့ၢ်. နကိးတၢ်န့ၣ်တလၢာ်၀ဲတၢ်ဘူးတၢ်လဲဘၣ်.
• ဃုကွၢ်နတၢ်ဂ့ၢ်တၢ်ကျိၤအ ကရူၢ်ဖိ လံာ်စိာ်စု လၢနတိာ်ကျဲၤအဂ့ၢ်လီၤတံၢ် အဂီၢ်န့ၣ်တက့ၢ်.
• "လံာ်နဲၣ်ကျဲလၢနဆူၣ်ချ့တၢ်တိာ်ကျဲၤ " လၢတၢ်တူၢ်လိာ်မုာ်ဘၣ်ကရူၢ်ဖိအဂီၢ်လၢကဘၣ်တၢ်ဆှၢန့ၢ်နၤခီဖျိတၢ်ပရၢဖဲနဆဲးလီၤမံၤ၀ံၤအလီၢ်ခံန့ၣ်ဖးအီၤတက့ၢ်.
• ကွၢ် ပ ထံကီၢ်ဒီဘ့ၣ် တၢ်အိၣ်ယၢၤတဖၣ် အလံာ်နဲၣ်ကျဲ ဖဲ minnesotahelp.info 
• ကိး Senior LinkAge လီကျိၤ^® တၢ်ဆဲးကျိးကလီ 1-800-333-2433, TTY 711
• ကိးကလီ ပှၤက့ကွဲၣ် LinkAge လီကျိၤ^TM တၢ်ဆဲးကျိးကလီ 1-866-333-2466, TTY 711

ဆဲးလီၤနမံၢ်လၢကရူၢ်ဖိအပှာ်ယဲၤကဘျံး

• လၢကကွၢ်နနီၢ်ကစၢ်ဆူၣ်ချ့တၢ်တိာ်ကျဲၤ အဂ့ၢ်အကျိၤလၢ အ့ထၢၣ်နဲးအဖီခိၣ်န့ၣ် ဆဲးနုာ်လီၤနမံၤ မ့တမ့ၢ် နုာ်လီၤဝဲဒၣ် လၢကရူၢ်ဖိစရီအသီအဂီၢ်ပှာ်ယဲၤကဘျံးန့ၣ်

စိာ်နကရူၢ်ဖိ (ID) ခး

ဖဲနလဲၤထံၣ်လိာ်သးဒီး ကသံၣ်သရၣ်အခါ စိာ်တၢ်ဖိတၢ်လံၤတဖၣ်အံၤတက့ၢ် -

• န Blue Plus ဆူၣ်ချ့တၢ်တိာ်ကျဲၤ အကရူၢ်ဖိ (ID) ခး
• န Medicare အခးက့(မ့ၢ်အိၣ်န့ၣ်)
• ID ခးတဖၣ်လၢနတၢ်အုၣ်ကီၤအဂၤအဂီၢ်

မၤသီထီၣ်က့ၤ နလီတဲစိနီၢ်ဂံၢ် ဒီး အိၣ်တၢ်လီၢ် ဖဲတၢ်ဆီတလဲမ့ၢ်အိၣ်

လံာ်ပရၢလၢနဒိးန့ၢ်ဘၣ်အီၤလၢနကီၢ်စဲၣ်ဒီးပအိၣ်(နဆူၣ်ချ့တၢ်တိာ်ကျဲၤ ) န့ၣ် မ့ၢ်ဒၣ်တၢ်အရ့ဒိၣ်အဃိ ဖးန့ၢ်အီၤကိးဘ့ၣ်ဒဲးတက့ၢ်. ဘၣ်တဘၣ်ပကဃ့နဂ့ၢ်နကျိၤလၢပလိၣ်ဝဲလၢကဆဲးပာ်နမံၤလၢတၢ်တိာ်ကျဲၤအပူၤအဂီၢ်န့ၣ်လီၤ. နလီတဲစိနီၢ်ဂံၢ်မ့တမ့ၢ်တၢ်အိၣ်ဆိးလီၢ်ကျဲမ့ၢ်ဆီတလဲဝဲဒၣ်န့ၣ်ဆဲးကျိးနကီၢ်ရ့ၣ်ဝဲလီၢ်တဘျီဃီတက့ၢ်.

နတၢ်ခွဲးတၢ်ယာ်ဒီးမူဒါတဖၣ်

မၤလိတၢ်ဂ့ၢ်အါထီၣ်ဘၣ်ဃးဒီးနဆူၣ်ချ့တၢ်တိာ်ကျဲၤ လၢနလံာ်ပာ်ဖျါတၢ်ဟ့ၣ်အဘူးအလဲ အတၢ်အုၣ်သး(Evidence of Coverage)န့ၣ်တက့ၢ်. တၢ်နီၤဖး 3 ပၣ်ဃုာ်ဒီးတၢ်ဂ့ၢ်ဘၣ်ဃးဒီး နကရူၢ်ဖိအခွဲးယာ်တဖၣ်လီၤ. တၢ်နီၤဖး4 ပာ်ဖျါထီၣ်န့ၢ်နၤလၢ နမူနဒါအဂ့ၢ်လီၤ.

တၢ်ဃ့ကညးတဖၣ်

နသးမ့ၢ်တလီၤပလိာ်ဒီးပတၢ်ဆၢတဲာ် လၢတၢ်ဂ့ၢ်လိာ်, တၢ်မၤစှၤလီၤမ့တမ့ၢ်တၢ် မၤပတုာ်ကွံာ်နတၢ်တိစၢၤမၤစၢၤ န့ၣ် နအိၣ်ဒီးတၢ်ခွဲးတၢ်ယာ်လၢ နကပတံသကွံာ်ကညးသ့ဝဲလီၤ. တၢ်ပတံသကွံကညးတၢ်န့ၣ်မ့ၢ်ဝဲ ဖဲနမၢပကွၢ်ကဒါက့ၤ တၢ်ကွၢ်ထွဲလၢပသမၢတ့ၢ် ဒ်သိးကမၤလီၤတံၢ်လၢ ပဆၢတဲာ်တ့ၢ်တၢ်မ့ၢ်မ့ၢ်တီတီအဂီၢ်န့ၣ်လီၤ. မၤလိဘၣ်ဃး နတၢ်ပတံသကွံာ်ကညးခွဲးယာ်တဖၣ်