မၤလိဘၣ်လၢတၢ်လီၤဆီဒ်လဲၣ်အဂ့ၢ်း တၢ်ကွၢ်သတြီ HMO ဒီး PPO တၢ်တိာ်ကျဲၤတဖၣ်

ဆူၣ်ချ့တၢ်အုၣ်ကီၤအတၢ်တိာ်ကျဲၤလၢပှၤသူညီနုၢ်အီၤတဖၣ်အါကတၢၢ်အကျါခံမံၤန့ၣ် မ့ၢ်ဒၣ် HMO ဒီး PPO လီၤ. ကသံၣ်သရၣ် မ့တမ့ၢ်ကသံၣ်သရၣ်လီၤဆီ လၢတၢ်တိာ်ကျဲၤဘျးစဲပူၤ ကကဲမတၤလဲၣ်န့ၣ် ဒိးသန့ၤထီၣ်သးလၢတၢ်တိာ်ကျဲၤလၢနဃုထၢအီၤအဖီခိၣ်န့ၣ်လီၤ.

မၤလိဘၣ်တၢ်အုၣ်ကီၤတၢ်ကတိၤတဖၣ်အခီပညီ

မၤလိဘၣ်ဃး HMO ဒီး PPO တၢ်တိာ်ကျဲၤလီၤဆီဒ်လဲၣ်အဂ့ၢ်

တၢ်တိာ်ကျဲၤဘျးစဲအကသံၣ်သရၣ်တဖၣ်လၢ HMO ဒီး PPO တၢ်တိာ်ကျဲၤတဖၣ်အပူၤန့ၣ်လီၤဆီလိာ်အသးလီၤ:

• HMO: HMO ညီနုၢ်တဖၣ်အဂီၢ်န့ၣ် နဘၣ်သူကသံၣ်သရၣ်လၢတၢ်တိာ်ကျဲၤဘျးစဲပူၤတဂၤ ဒီး နဘၣ်ဃုထၢနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ်လီၤ. လၢ HMO တနီၤအဂီၢ်န့ၣ် နလိၣ်ဘၣ်နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်အတၢ်ဆှၢဃီၤနၤဆူကသံၣ်လီၤဆီတချုးနထံၣ်လိာ်သးဒီးအီၤကန့ၢ်အဂီၢ်န့ၣ်လီၤ.
• PPO: PPOန့ၣ်အိၣ်ဒီး ကသံၣ်သရၣ်လၢတၢ်ဘၣ်သးအီၤလၢတၢ်တိာ်ကျဲၤဘျးစဲပူၤအိၣ်ပာ်၀ဲဒၣ်လၢနဂီၢ်န့ၣ်လီၤ. အါတက့ၢ် နဃုထၢကသံၣ်သရၣ် မ့တမ့ၢ်ကသံၣ်သရၣ်လီၤဆီလၢ PPO တၢ်တိာ်ကျဲၤဘျးစဲပူၤတဂၤလၢ်လၢ်သ့ ဒီးတလိၣ်ဃ့ဆိအခွဲးဘၣ်န့ၣ်လီၤ.

HMO ဒီး PPO "အိးထီၣ်သးဒီးနမၤန့ၢ်အီၤသ့" ခံဖုဒဲးလီၤ. တၢ်အံၤအခီပညီမ့ၢ်ဝဲနထံၣ်လိာ်သးဒီးကသံၣ်သရၣ်လၢတၢ်တိာ်ကျဲၤဘျးစဲအချၢသ့ ဒီး တလိၣ်ဟံးဆိလံာ်ဟ့ၣ်အခွဲးဘၣ်, သနာ်က့ ဖဲနဒိးန့ၢ်ဘၣ်တၢ်ကွၢ်ထွဲလၢကသံၣ်သရၣ်လၢ HMO မ့တမ့ၢ် PPO တၢ်တိာ်ကျဲၤဘျးစဲပူၤ* အခါန့ၣ် နတၢ်ဟ့ၣ်အဘူးအလဲလၢနီၢ်ကစၢ်စ့ကလီၤစှၤ၀ဲန့ၣ်လီၤ.

Blue Cross ဟ့ၣ်ထီၣ်တၢ်မနုၤလဲၣ်.

Blue Cross ဟ့ၣ်န့ၢ်တၢ်မၤကစၢ်အကရူၢ်တဖၣ် လၢ PPO တၢ်တိာ်ကျဲၤတဖၣ်လၢအအိးထီၣ်၀ဲဒၣ်လီၤ.

Blue Plus မ့ၢ်ဒၣ် HMO အတၢ်ကရၢကရိလၢအဒိးန့ၢ်ဘၣ်အလံာ်ပျဲဒီးတဃုအနီၢ်ကစၢ်တၢ်ဘျုးတၢ်ဖှိၣ်တတီၤလီၤ. မ့ၢ်ဒၣ် ကရၢဘၣ်ထွဲလိာ်သးဒီး Blue Cross ဒီး Blue Shield လၢ Minnesota လီၤ. ပှၤလၢအန့ၣ်အခွဲးလၢကဒိးန့ၢ်ဘၣ် Minnesota ဆူၣ်ချ့တၢ်မၤစၢၤ တဖၣ်န့ၣ် မၤန့ၢ် Blue Plus HMO အတၢ်တိာ်ကျဲၤသ့ၣ်တဖၣ်အံၤန့ၢ်၀ဲလီၤ. တၢ်တိာ်ကျဲၤသ့ၣ်တဖၣ်အံၤကမၤစၢၤနၤလၢနကဟ့ၣ်တၢ်အဘူးအလဲလၢဆူၣ်ချ့တၢ်ကွၢ်ထွဲအဂီၢ်ဖဲနမ့မ့ၢ်ပှၤလၢစ့နုာ်လီၤစှၤ မ့တမ့ၢ် နမ့မ့ၢ်ပှၤလၢနီၢ်ခိက့ၢ်ဂီၤက့ကွဲၣ်အဃိန့ၣ်လီၤ.

Blue Plus အကရူၢ်ဖိလၢ Minnesota ဆူၣ်ချ့တၢ်ကွၢ်ထွဲအတၢ်တိာ်ကျဲၤပူၤနတဖၣ်န့ၢ် ဘၣ်ဃုထၢပာ်ကသံၣ်သရၣ်လၢ Blue Plus တၢ်တိာ်ကျဲၤဘျးစဲပူၤတဂၤ မ့တမ့ၤ ဒ်န့ၣ်ဘၣ်ဒီးတၢ်ကဃုထၢန့ၢ်နၤန့ၣ်လီၤ. Blue Cross အတၢ်တိာ်ကျဲၤတဖၣ်န့ၣ် အိးထီၣ်၀ဲဒၣ်အဃိ ကရူၢ်ဖိဃုထၢနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ မ့တမ့ၢ်ကသံၣ်သရၣ်လီၤဆီလၢတၢ်တိာ်ကျဲၤဘျးစဲပူၤ ဒီးတလိၣ်ဘၣ်လၢကသံၣ်သရၣ်တၢ်ဆှၢဃီၤနၤလၢကထံၣ်လိာ်သးဒီးအီၤဘၣ်န့ၣ်လီၤ. တဘျီတခီၣ် ကသံၣ်သရၣ်လၢတၢ်တိာ်ကျဲၤဘျးစဲအချၢဟ့ၣ်တၢ်ကွၢ်ထွဲသ့၀ဲဒၣ်လီၤ.

တၢ်သ့ၣ်ညါနၢ်ပၢၢ်ဆူၣ်ချ့တၢ်တိာ်ကျဲၤအါထီၣ်

ယလူၤပိာ်ဒီးကွၢ်ယတၢ်ဃ့က့ၤအဘူးအလဲကသ့ဒ်လဲၣ်.
တၢ်လဲၤထံၣ်လိာ်သးလၢတၢ်ဒီသဒၢဆိအဂီၢ် ကဘၣ်ဆီတလဲက့ၤအီၤလၢ တၢ်လဲၤထံၣ်လိာ်သးဒီးကသံၣ်သရၣ် လၢအဆၢကတီၢ်ဖဲလဲၣ်.
ကျဲလၢကမၤစှၤလီၤဆူၣ်ချ့တၢ်ကွၢ်ထွဲအဘူးအလဲ အိၣ်ဝဲ7 ဘိညါလီၤ
တချုးတၢ်ဟ့ၣ်စိဟ့ၣ်ကမီၤစံးတၢ်န့ၣ် မ့ၢ်မနုၤလဲၣ်.
မၤဘၣ်ထွဲသးဒီး Blue Cross ပှၤဟ့ၣ်ကူၣ်ဟ့ၣ်ဖးတၢ်တဂၤ