တၢ်သ့ၣ်ညါနတၢ်ခွဲးတၢ်ယာ်ဒီးမူဒါတဖၣ်န့ၣ် ကမၤစၢၤနၤဒ်သိးနကဒိးန့ၢ်တၢ်အဂ့ၤကတၢၢ်လၢနဆူၣ်ချ့တၢ်တိာ်ကျဲၤန့ၣ်လီၤ. တၢ်ခွဲးတၢ်ယာ်ဒီးမူဒါတဖၣ်န့ၣ် လီၤဆီဝဲဒၣ်လၢဆူၣ်ချ့တၢ်တိာ်ကျဲၤအမၠိကလုာ်လၢနမၤန့ၢ်အဖီခိၣ်န့ၣ်လီၤ.
လၢ Blue Cross ကရူၢ်ဖိတဖၣ်အဂီၢ်
ဒ်လၢဆူၣ်ချ့တၢ်တိာ်ကျဲၤကရူၢ်ဖိတဂၤအသိး နတၢ်ခွဲးတၢ်ယာ်တဖၣ်-
- ပှၤကဘၣ်ရ့ဒီးနၤ ဒီးတၢ်ယူးယီၣ်ပာ်ကဲ, တၢ်လၤကပီၤဒီးနီၢ်ကစၢ်တၢ်သဘျ့
- ကဘၣ်ဒိးန့ၢ်ဆူၣ်ချ့တၢ်ကွၢ်ထွဲလၢကံၢ်စီအိၣ်, လၢပှဲၤဒီးတၢ်တူၢ်လိာ်မုာ်ဒီးဘၣ်ဆၢဘၣ်ကတီၢ်
- ဆူၣ်ချ့ကသံၣ်ကသီတၢ်လိၣ်အီၤတဖၣ်န့ၣ် အိၣ်ပာ်၀ဲဒ်သိးနမၤန့ၢ်သ့၀ဲဒၣ် ဒီးတၢ်ဟ့ၣ်အဘူးအလဲ, ပၣ်ဃုာ်ဒီးဂ့ၢ်ဂီၢ်အူတၢ်တိစၢၤမၤစၢၤလၢတနံၤ 24နၣ်ရံၣ်, တနွံ(7) နွံသီ
- မ့မ့ၢ်ဆူၣ်ချ့တၢ်တိာ်ကျဲၤဟ့ၣ်တၢ်အဘူးအလဲလၢတၢ်ယါဘျါသ့တသ့ဒၣ်လဲာ်, ကဘၣ်တၢ်ဒုးသ့ၣ်ညါနၤလၢ နဆူၣ်ချ့တၢ်ဂ့ၢ်ကီဒီး တၢ်ဂ့ၢ်တၢ်ကျိၤဘၣ်ဃးတၢ်ယါဘျါအကျိၤအကျဲၤဒီးတၢ်ဘၣ်ယိၣ်တဖၣ် ဒ်သိးနကသ့ၣ်ညါနၢ်ပၢၢ်ဒီးမၤတၢ်ဃုထၢကန့ၢ်အဂီၢ်
- လၢကမၤသကိးဘၣ်တၢ်ဒီးန ကစၢ်ဆူၣ်ချ့တၢ်ကွၢ်ထွဲကသံၣ်သရၣ်လၢ တၢ်ဆၢတဲာ်ဘၣ်ဃးတၢ်ကူစါယါဘျါနၤအဂီၢ်
- တၢ်ဟ့ၣ်နဆူၣ်ချ့တၢ်ကွၢ်ထွဲကသံၣ်သရၣ် လၢဆူၣ်ချ့တၢ်ကွၢ်ထွဲအတၢ်နဲၣ်လီၤ မ့တမ့ၢ်တၢ်အိၣ်မူတၢ်ဆၢမုၢ်လၢ် (တၢ်နဲၣ်လီၤဘၣ်ဃးဆူၣ်ချ့တၢ်ကူစါယါဘျါလၢကဘၣ်တၢ်မၤအီၤ ဖဲလၢနဖံးမၤကွၢ်ထွဲလီၤနကစၢ်သးတသ့လၢၤဘၣ်အခါ)
- တၢ်ဂ့ၢ်လိာ်တၢ်ကူစါယါဘျါအဂီၢ်
- ကအိၣ်ဒီးနီၢ်ကစၢ်တၢ်သဘျ့လၢကသံၣ်ကသီ ဒီးကျိၣ်စ့တၢ်မၤနီၣ်တဖၣ်လၢအ ဘၣ်တၢ်ပၢၤဃာ်အီၤ ခီဖျိ Blue Cross ဒီးအဆူၣ်ချ့တၢ်ကွၢ်ထွဲကသံၣ်သရၣ်တဖၣ် ဒ်သဲစးတၢ်ဘျၢအိၣ်ဝဲအသိး
- ဒ်သိးနကန့ၢ်ဘၣ်တၢ်ဂ့ၢ်တၢ်ကျိၤဘၣ်ဃး Blue Cross, အတၢ်တိစၢၤမၤစၢၤတဖၣ်, အပှၤမၤစၢၤကူစါတၢ်တဖၣ်ဒီးနတၢ်ခွဲးတၢ်ယာ်ဒီးမူဒါတဖၣ်အဂီၢ်
- ဒ်သိးနကမၤတၢ်ဟ့ၣ်ကူၣ်ဟ့ၣ်ဖးဘၣ်ဃးတၢ်ခွဲးတၢ်ယာ်ဒီးမူဒါတဖၣ်အသနူ
- တၢ်န့ၢ်ဘၣ်သန့ပီးလီဖဲ Blue Cross မ့တမ့ၢ်ကသံၣ်ဝဲၤဒၢးလၢနကဆဲးကျိးဘၣ် ဖဲလၢနတၢ်ဘၣ်ယိၣ်အိၣ်တမံၤမံၤဘၣ်ထွဲတၢ်တိစၢၤမၤစၢၤသ့ၣ်တဖၣ်
- နတီထီၣ်တၢ်သူၣ်တမံသးတမုာ်လၢ Blue Cross ဒီးပှၤပၢဆှၢတၢ်မၤပနံာ်တၢ်ကၤအကရၢလၢ ကဒိးန့ၢ်တၢ်ကွၢ်သမံသမိးတီတီလိၤလိၤအဆိအချ့အဂီၢ်
- ဖဲနကွၢ်ဆၢၣ်မဲာ်ဘၣ်ဒီးတၢ်ဂ့ၢ်ကီတမံၤမံၤဒီး Blue Cross မ့တမ့ၢ်အပှၤမၤစၢၤတၢ်ကသံၣ်သရၣ်တဖၣ်အခါ နမၤတၢ်လိာ်ကွီၢ်ဒ်လဲၣ်အဂ့ၢ်
ဒ်ဆူၣ်ချ့တၢ်တိာ်ကျဲၤကရူၢ်ဖိတဂၤအသိး နမူဒါတဖၣ်:
- ကဘၣ်သ့ၣ်ညါနဆူၣ်ချ့တၢ်တိာ်ကျဲၤအတၢ်န့ၢ်ဘျုးဒီးတၢ်လိၣ်ဘၣ်တဖၣ်
- ကဘၣ်ဟ့ၣ်တၢ်ဂ့ၢ်တၢ်ကျိၤလၢနဟ့ၣ်လီၤသ့တဖၣ်, ဖဲ Blue Cross မ့တမ့ၢ်အပှၤမၤစၢၤတၢ်ကသံၣ်သရၣ်တဖၣ် လိၣ်ဘၣ်ဝဲလၢတၢ်ကွၢ်ထွဲမၤစၢၤနၤအဂီၢ်
- လၢကသ့ၣ်ညါနၢ်ပၢၢ်နဆူၣ်ချ့တၢ်ဂ့ၢ်ကီတဖၣ်, ဒီးမၤသကိးတၢ်ဒီးနကသံၣ်သရၣ် ဒ်သိးကပာ်လီၤစၢၤတၢ်ကူစါယါဘျါအတၢ်ပညိၣ်ဖီတၢၣ်တဖၣ်
- လၢကမၤထွဲတၢ်ကူစါယါဘျါအတၢ်ရဲၣ်တၢ်ကျဲၤလၢကသံၣ်သရၣ်နဲၣ်လီၤအီၤ, မ့တမ့ၢ်ကဘၣ်ကတိၤသကိးတၢ်ဒီးနကသံၣ်သရၣ်, ဘၣ်မနုၤအဃိနမၤထွဲတၢ်ကူစါယါဘျါအတၢ်ရဲၣ်ကျဲၤတသ့ဘၣ်အဂ့ၢ်
- ကဘၣ်ဟ့ၣ်တၢ်အုၣ်သးဘၣ်ဃးတၢ်ဟ့ၣ်အဘူးအလဲ ဖဲနဒိးန့ၢ်တၢ်တိစၢၤမၤစၢၤ, ဒီးကဘၣ်ဒုးသ့ၣ်ညါကသံၣ်ဝဲၤဒၢး ဖဲလၢနနီၢ်ကစၢ်အဂ့ၢ်အကျိၤတၢ်ဆီတလဲအိၣ်ထီၣ်တမံၤမံၤအခါ
- တၢ်ဒိးန့ၢ်တၢ်တိစၢၤမၤစၢၤအခါမ့ၢ်ဘၣ်ဒီး ဘၣ်ဟ့ၣ်တၢ်အဘူးအလဲ, တကးဘၣ် ဟ့ၣ်တၢ်သဃဲၤ, တၢ်အုၣ်ကီၤဟ့ၣ်သဃဲၤတဖၣ် ဘၣ်ဆၢဘၣ်ကတီၢ်, ဒီးမ့ၢ်သ့န့ၣ် တၢ်တိစၢၤမၤစၢၤဘူးလဲလၢတပၣ်ဃုာ်၀ဲတဖၣ်
- ဘၣ်လဲၤဆူတၢ်သ့ၣ်နံၤဖးဆၢကတီၢ်လၢတၢ်ကွၢ်ထွဲအဂီၢ်မ့တမ့ၢ်, ကဘၣ်ဒုးညါဆိအီၤ ဖဲလၢနအဲၣ်ဒိးဆိကတီၢ်ကွံာ်တၢ်မၤဆိပာ်စၢၤတၢ်သ့ၣ်နံၤဖးဆၢကတီၢ်တဖၣ်
လၢ Blue Plus ကရူၢ်ဖိတဖၣ်အဂီၢ်
ဒ်လၢဆူၣ်ချ့တၢ်တိာ်ကျဲၤကရူၢ်ဖိတဂၤအသိး နတၢ်ခွဲးတၢ်ယာ်တဖၣ်-
- လၢကဒိးန့ၢ်ဆူၣ်ချ့တၢ်ကွၢ်ထွဲလၢကံၢ်စီအိၣ်, ဘၣ်ဆၢဘၣ်ကတီၢ်, လဲၤနုာ်ဘၣ်ညီ, လၢပှဲၤဒီးတၢ်တူၢ်လိာ်မုာ်ဒီးန့ၣ်လီၤ.
- ပှၤကဘၣ်ရ့ဒီးနၤဒီးတၢ်ယူးယီၣ်ပာ်ကဲ, တၢ်လၤကပီၤဒီးတၢ်ပာ်သူၣ်ပာ်သးနီၢ်ကစၢ်တၢ်သဘျ့န့ၣ်လီၤ.
- ကဘၣ်ဒိးန့ၢ်ဘၣ် ကသံၣ်ကသီတၢ်လိၣ်နီၢ်နီၢ်အတၢ်ဟ့ၣ်ဘူးလဲတၢ်တိစၢၤမၤစၢၤတဖၣ်, ပၣ်ဃုာ်ဒီးဂ့ၢ်ဂီၢ်အူတၢ်တိစၢၤမၤစၢၤလၢတနံၤ 24 နၣ်ရံၣ်, တနွံ7)နွံသီန့ၣ်လီၤ.
- ကဘၣ်တၢ်တဲဒုးသ့ၣ်ညါဘၣ်ဃးဆူၣ်ချ့တၢ်ဂ့ၢ်ကီတဖၣ်န့ၣ်လီၤ.
- ကဘၣ်ဒိးန့ၢ်တၢ်ဂ့ၢ်တၢ်ကျိၤဘၣ်ဃးတၢ်ကူစါယါဘျါ, နတၢ်ဃုထၢလၢတၢ်ကူစါယါဘျါဒီး တၢ်လၢကမၤစၢၤနၤတၢ်လၢကမၤဘၣ်ဒိနၤဒ်လဲၣ်တဖၣ် — ဖဲလၢဆူၣ်ချ့တၢ်တိာ်ကျဲၤဟ့ၣ်န့ၢ်နၤအဘူးအလဲ မ့တမ့ၢ်တဟ့ၣ်န့ၢ်နၤအဘူးအလဲလၢတၢ်ကူစါယါဘျါတဖၣ်အဂီၢ်န့ၣ်လီၤ.
- ကဘၣ်ပၣ်ဃုာ်မၤသကိးဘၣ်တၢ်ဒီး နကစၢ်ဆူၣ်ချ့တၢ်ကွၢ်ထွဲကသံၣ်သရၣ်လၢ တၢ်ဆၢတဲာ်ဘၣ်ဃးဆူၣ်ချ့တၢ်ကွၢ်ထွဲအဂီၢ်န့ၣ်လီၤ.
- တၢ်ပၣ်ဃုာ်သးလၢကသ့ၣ်ညါနၢ်ပၢၢ်နဆူၣ်ချ့တၢ်ဂ့ၢ်ကီတဖၣ်, ဒီးရဲၣ်ကျဲၤတၢ်ကူစါယါဘျါအတၢ်ပညိၣ်ဖီတၢၣ်တဖၣ်န့ၣ်လီၤ.
- တၢ်ကဂ့ၢ်လိာ်တၢ်ကူစါယါဘျါ. ဖဲနမ့ၢ်ဂ့ၢ်လိာ်တၢ်ကူစါယါဘျါ တၢ်ကကဲထီၣ်အသးဒ်လဲၣ်န့ၣ် ဃုသ့ၣ်ညါ၀ဲဒၣ်န့ၣ်တက့ၢ်.
- ဂ့ၢ်လိာ်တၢ်ကူစါယါဘျါလၢကသံၣ်သရၣ်ကွၢ်ထွဲတၢ်လီၤဆီတနီၤအဂီၢ်လီၤ.
- တၢ်သ့ၣ်ညါဆိပာ်စၢၤလၢပ ဟံးဃာ်နဆူၣ်ချ့ဒီးကျိၣ်စ့တၢ်မၤနီၣ်တဖၣ်လီၤလီၤဆီဆီ ဒ်သဲစးတၢ်ဘျၢအိၣ်ဝဲအသိးန့ၣ်လီၤ.
- တၢ်ဃ့ထီၣ်ဒီးဒိးန့ၢ်ဘၣ်နဆူၣ်ချ့အတၢ်မၤနီၣ်မၤဃါအတၢ်ကွဲးဒိတဖၣ်. နတၢ်ခွဲးတၢ်ယာ်အိၣ်စ့ၢ်ကီးလၢနကဃ့ထီၣ်တၢ်ဘှီဘၣ်နတၢ်မၤနီၣ်မၤဃါန့ၣ်လီၤ.
- တၢ်တိစၢၤမၤစၢၤလၢပပာ်လီၤတဲာ်၀ဲလၢက ဂ့ၢ်လိာ်ဂ့ၤ ထုးစှၤလီၤဂ့ၤ ပတုာ်ကွံာ်ဂ့ၤ, မ့တမ့ၢ်တဟ့ၣ်အဘူးအလဲလၢၤဘၣ်တမံၤဂ့ၤတမံၤဂ့ၤ နကဒိးန့ၢ်ဘၣ်ပတၢ်ဒုးသ့ၣ်ညါန့ၣ်လီၤ.
- တၢ်ပတံထီၣ်တၢ်သးတမုာ်မ့တမ့ၢ်တၢ်ပတံသကွံာ်ကညးဆူ Blue Plus အဂီၢ်. နပတံထီၣ်တၢ်ပာ်တၢ်ကမၣ်ဆူမဲာ်နံးစိထၣ်ဆူၣ်ချ့ဝဲၤကျိၤသ့စ့ၢ်ကီးန့ၣ်လီၤ.
- တၢ်ဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) ဆူမဲာ်နံးစိထၣ်ပှၤဂ့ၢ်ဝီတၢ်တိစၢၤမၤစၢၤဝဲၤကျိၤအဂီၢ် (တၢ်သ့ၣ်ညါစ့ၢ်ကီးလၢကီၢ်စဲၣ်လီၤ). နဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) ဖဲတချုးတၢ်ပတံသကွံာ်ကညးဆူ Blue Plus မ့တမ့ၢ်တၢ်ပတံသကွံာ်ကညးအတီၢ်ပူၤတဘျီလၢ်လၢ်သ့န့ၣ်လီၤ. တလိၣ်ပတံသကွံာ်ကညးဆူ Blue Plus တချုးနဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) န့ၣ်ဘၣ်.
- တၢ်ဒိးန့ၢ်တၢ်ဒုးသ့ၣ်ညါနၢ်ပၢၢ်လီၤတံၢ်လီၤဆဲးဘၣ်ဃးတၢ်ဟ့ၣ်အဘူးအလဲလၢ တၢ်ကွၢ်ထွဲပှၤသးပှၢ်ဟံၣ်ဒီးဆူၣ်ချ့တၢ်ကွၢ်ထွဲလၢဟံၣ်ဃီတၢ်တိစၢၤမၤစၢၤတဖၣ်န့ၣ်လီၤ.
- တၢ်ကွဲးတၢ်နဲၣ်လီၤတဲဒုးသ့ၣ်ညါပှၤဂၤလၢနတၢ်ဆၢမုၢ်လၢ်ဘၣ်ဃးနဆူၣ်ချ့တၢ်ကွၢ်ထွဲအဂ့ၢ်ဝီလီၤ. တၢ်အံၤကိးဝဲလၢ "ဆူၣ်ချ့တၢ်ကွၢ်ထွဲတၢ်နဲၣ်လီၤ"န့ၣ်လီၤ. တၢ်အံၤဟ့ၣ်နၤအခွဲး ဒ်သိးနကဟ့ၣ်ထီၣ်ပှၤအမံၤ (ခၢၣ်စးကရၢ), လၢကမၤတၢ်ဆၢတဲာ်နဂီၢ် ဖဲလၢနမၤတၢ်ဆၢတဲာ်တန့ၢ်လၢၤဘၣ်အကတီၢ်, မ့တမ့ၢ်နမ့ၢ်အဲၣ်လၢပှၤအဂုၤဂၤကမၤတၢ်ဆၢတဲာ်လၢနဂီၢ်အခါန့ၣ်လီၤ.
- တၢ်ဃုထၢတၢ်လီၢ်လၢနအဲၣ်ဒိးမၤန့ၢ်ဟံၣ်ဖိဃီဖိတၢ်ရဲၣ်ကျဲၤအတၢ်တိစၢၤမၤစၢၤတဖၣ်အဂီၢ်လီၤ.
- တၢ်မၤန့ၢ်တၢ်ထံၣ်ဆိကမိၣ်ခံမံၤတမံၤ ဘၣ်ဃးဆူၣ်ချ့တၢ်ကွၢ်ထွဲ, သးဂ့ၢ်ဝီဆူၣ်ချ့ဒီးတၢ်ဒိးသန့ၤဂာ်တၢ်ဖိတၢ်လံၤအတၢ်တိစၢၤမၤစၢၤတဖၣ်အဂီၢ်လီၤ.
- ကအိၣ်ဒီးတၢ်ပူၤဖျဲးလၢတၢ်ဖီၣ်ဃံးတြီဃာ် မ့တမ့ၢ်တၢ်အိၣ်လီၤဖျီၣ်အိၣ်ဒီးတၢ်ပညိၣ်လၢတၢ်မၤဆူၣ်မၤနၢၤ, တၢ်သိၣ်ဃီၣ်, တၢ်မၤညီထီၣ်မ့တမ့ၢ်တၢ်မၤကၣ်သ့ၣ်တဖၣ်.
- ကဃ့ထီၣ်တၢ်ဟ့ၣ်အဘူးအလဲလံာ်အုၣ်သးအဒိတခါအံၤ အစှၤကတၢၢ်တနံၣ်တဘျီလီၤ.
- လၢကဟ့ၣ်ကူၣ်ဟ့ၣ်ဖးတၢ်လဲလိာ်ဆီတလဲလၢ Blue Plus အတၢ်ခွဲးတၢ်ယာ်ဒီးမူဒါတၢ်ဘျၢသနူတဖၣ်လီၤ.
- တၢ်ကစူးကါနတၢ်ခွဲးတၢ်ယာ်လၢလၢပှဲၤပှဲၤအဂီၢ်. တၢ်စူးကါနတၢ်ခွဲးတၢ်ယာ်န့ၣ် တမၤဘၣ်ဒိဝဲပတၢ်ရ့လိာ်ဘၣ်ထွဲဒီးနၤဘၣ်.
- ဖဲလၢနလိၣ်ဘၣ်အကတီၢ်နဒိးန့ၢ်တၢ်ဂ့ၢ်တၢ်ကျိၤဒ်လာ်တဖၣ်အံၤ လၢပအိၣ်သ့လီၤ:
- မ့ၢ်ပစူးကါတၢ်ဟ့ၣ်လီၤဆီကသံၣ်သရၣ်ဘူးလဲတၢ်ရဲၣ်တၢ်ကျဲၤ လၢအဒိဘၣ်တၢ်သူစွဲပတၢ်ဆှၢထီၣ်အတၢ်တိစၢၤမၤစၢၤ (referral services) တဖၣ်အိၣ်ဧါ;
- တၢ်ဟ့ၣ်လီၤဆီတၢ်အဘူးလဲတၢ်ရဲၣ်တၢ်ကျဲၤလၢပစူးကါအမၠိကလုာ်တဖၣ်;
- တၢ်ဒီသဒၢတၢ်အုၣ်ကီၤတၢ်ဟ့ၣ်အဘူးအလဲတလၢကွံာ်တၢ်ပာ်ပနီၣ် (stop-loss) တဖၣ်အိၣ်ဧါ; ဒီး
- ကရူၢ်ဖိတၢ်ဃိထံသမံသမိးတၢ်စံးဆၢအစၢတဖၣ် ဖဲလၢပှၤတဂၤလိၣ်ဘၣ်ဝဲ ခီဖျိပတၢ်ရဲၣ်တၢ်ကျဲၤဘၣ်ဃး တၢ်ဟ့ၣ်လီၤဆီကသံၣ်သရၣ်အဘူးလဲ.
- ဖဲလၢနဃ့ထီၣ်အကတီၢ်, ကဒိးန့ၢ်ဘၣ်ပှၤတၢ်ချၢကံၢ်စီတၢ်ကွၢ်သမံသမိးဟဲ ခီဖျိလၢကီၢ်စဲၣ်တဖၣ် အတၢ်ဃုထံၣ်န့ၢ်အစၢလီၤ.
- ကဘၣ်တၢ်ဒုးသ့ၣ်ညါနၤ ဖဲဆူၣ်ချ့တၢ်ကွၢ်ထွဲကသံၣ်သရၣ်ပတုာ်ကွံာ်အလံာ်ဃံးဃာ်ဒီး Blue Plus န့ၣ်လီၤ. နဃုထၢက့ၤ Blue Plus ဆူၣ်ချ့တၢ်ကွၢ်ထွဲကသံၣ်သရၣ်အဂုၤအဂၤတဖၣ်သ့န့ၣ်လီၤ.
- ကအိၣ်ဒီးပှၤခၢၣ်စးဖဲ Blue Plus မ့တမ့ၢ်ကသံၣ်ဝဲၤဒၢးလၢနကဆဲးကျိးဝဲ, ဖဲနအိၣ်ဒီးတၢ်ဘၣ်ယိၣ်ဘၣ်ဃးတၢ်တိစၢၤမၤစၢၤတဖၣ်အဂီၢ်န့ၣ်လီၤ.
- ဒ်သိးနကန့ၢ်ဘၣ်တၢ်ဂ့ၢ်တၢ်ကျိၤဘၣ်ဃး Blue Plus, ပတၢ်တိစၢၤမၤစၢၤ, ဆူၣ်ချ့တၢ်ကွၢ်ထွဲကသံၣ်သရၣ်အိၣ်လၢတၢ်ဘျးစဲပူၤတဖၣ်ဒီးနမူဒါတၢ်ခွဲးတၢ်ယာ်တဖၣ်.
- ကစးထီၣ်မၤတၢ်လိာ်ကွီၢ် ဖဲတၢ်ဂ့ၢ်ကီအိၣ်ထီၣ်ဒီး Blue Plus မ့တမ့ၢ်ပဆူၣ်ချ့တၢ်ကွၢ်ထွဲကသံၣ်သရၣ်တဖၣ်.
- လၢကပတံထီၣ်တၢ်သးတမုာ် မ့တမ့ၢ်တၢ်ပတံသကွံာ်ကညးဆူ Blue Plus ဒီးဒိးန့ၢ်တၢ်ကွၢ်သမံသမိးတီတီလိၤလိၤဒီးအဆိအချ့အဂီၢ်န့ၣ်လီၤ.
- ကဆဲးကျိးကီၢ်စဲၣ်ပှၤဘၣ်မူဘၣ်ဒါလၢကဃုထံၣ်တၢ်ဂ့ၢ်တၢ်ကျိ (ombudsman), လၢကမၤစၢၤတၢ်ပတံထီၣ်တၢ်သးတမုာ်မ့တမ့ၢ်တၢ်ပတံသကွံာ်ကညးအဂီၢ်န့ၣ်လီၤ.
- ကဃ့ထီၣ်တၢ်စံၣ်ညီၣ်ဒိကနၣ်လၢအဆိအချ့အဂီၢ်လီၤ.
ဒ်ဆူၣ်ချ့တၢ်တိာ်ကျဲၤကရူၢ်ဖိတဂၤအသိး နမူဒါတဖၣ်:
- ဖးတၢ်အုၣ်သးလံာ်ဘၣ်ဃးတၢ်ဟ့ၣ်အဘူးအလဲ, ဒီးသ့ၣ်ညါပာ်စၢၤတၢ်တိစၢၤမၤစၢၤမနုၤတဖၣ်လၢ တၢ်ဟ့ၣ်အဘူးအလဲ ပၣ်ဃုာ်ဖဲတၢ်တိာ်ကျဲၤပူၤ, ဒီးနကန့ၢ်ဘၣ်ကျိၤကျဲဒ်လဲၣ်န့ၣ်တက့ၢ်.
- နကဘၣ်ဒုးနဲၣ်ပၠးကရူၢ်ဖိ (ID) ခး, ဒီး Minnesota Health Care Programs အခး, ဖဲနလဲၤလၢဆူၣ်ချ့တၢ်ကွၢ်ထွဲအလီၢ်တဘျီလၢ်လၢ်န့ၣ်လီၤ. ဒုးနဲၣ်ပၠးဃုာ်ဒီး ခးက့လၢဆူၣ်ချ့တၢ်ဟ့ၣ်အဘူးအလဲအဂုၤအဂၤတဖၣ်မ့ၢ်အိၣ်, ဒ်အမ့ၢ် Medicare မ့တမ့ၢ်နီၢ်ကစၢ်သဘျ့တၢ်အုၣ်ကီၤတဖၣ်န့ၣ်တက့ၢ်.
- နကဘၣ်သူၣ်လီၤတၢ်ရ့လိာ်ဘၣ်ထွဲဒီး Blue Plus နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ် တချုးလၢနဆူးဆါဒံးအခါန့ၣ်လီၤ. တၢ်အံၤကမၤစၢၤနၤဒီးနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ် ဒ်သိးကနၢ်ပၢၢ်နဆူၣ်ချ့တၢ်အိၣ်သးခဲလၢာ်ခဲဆ့အဂီၢ်န့ၣ်လီၤ.
- နကဘၣ်ဟ့ၣ်တၢ်ဂ့ၢ်တၢ်ကျိၤလၢ Blue Plus ဒီးပဆူၣ်ချ့ပှၤကွၢ်ထွဲတၢ်ကသံၣ်သရၣ်လိၣ်ဘၣ်ဝဲတဖၣ် လၢတၢ်ကူစါယါဘျါနၤအဂီၢ်န့ၣ်လီၤ. နီၤလီၤဒုးသ့ၣ်ညါတၢ်ဂ့ၢ်တၢ်ကျိၤဘၣ်ဃးနဆူၣ်ချ့တၢ်စံၣ်စိၤတက့ၢ်.
- နကဘၣ်မၤထွဲနကသံၣ်သရၣ်တၢ်နဲၣ်လီၤခဲလၢာ်န့ၣ်လီၤ. တၢ်သံကွၢ်မ့ၢ်အိၣ်ဘၣ်ဃးနဆူၣ်ချ့တၢ်ကွၢ်ထွဲန့ၣ်, နကြၢးသံကွၢ်နကသံၣ်သရၣ်န့ၣ်လီၤ.
- မၤသကိးတၢ်ဒီးနကသံၣ်သရၣ် ဒ်သိးနကနၢ်ပၢၢ်နဆူၣ်ချ့တၢ်အိၣ်သးတက့ၢ်. ဖဲဆူၣ်ချ့တၢ်ဂ့ၢ်အိၣ်ထီၣ်တမံၤမံၤန့ၣ်, အရ့ဒိၣ်လၢနကသ့ၣ်ညါကဘၣ်မၤတၢ်မနုၤလဲၣ်, အကတီၢ်ဖဲလဲၣ်ဒီးတၢ်လီၢ်ဖဲလဲၣ်လၢနကဃ့တၢ်မၤစၢၤ, ဒီးတၢ်လၢနကဘၣ်ဒီသဒၢဆူၣ်ချ့တၢ်ဂ့ၢ်ကီတဖၣ်လၢကျိၤကျဲဒ်လဲၣ်န့ၣ်လီၤ.
- ကဘၣ်မၤညီနုၢ်သးလၢတၢ်ဒီသဒၢဆိဆူၣ်ချ့တၢ်ကွၢ်ထွဲန့ၣ်လီၤ. လၢကဘၣ်သမံသမိး, မၤကွၢ်ဒီးဆဲးကသံၣ်လၢတၢ်ဟ့ၣ်ကူၣ်နဲၣ်လီၤလၢသးအနံၣ်ဒီးမုၣ်ခွါတၢ်အိၣ်သးအဖီခိၣ်န့ၣ်လီၤ.
- လၢကတဲဘၣ်နကသံၣ်ဝဲၤဒၢး ဘၣ်ဃးတၢ်ဆီတလဲနမံၤမ့တမ့ၢ်နတၢ်အိၣ်ဆိးလီၢ်ကျဲန့ၣ်လီၤ.
- လၢကဟံးဃာ်တၢ်သ့ၣ်နံၤဖးဆၢကတီၢ်လၢ တၢ်ကွၢ်ထွဲအဂီၢ်မ့တမ့ၢ်, ကဘၣ်ဒုးသ့ၣ်ညါဆိ ဖဲလၢနအဲၣ်ဒိးဆိကတီၢ်ကွံာ်တၢ်မၤဆိပာ်စၢၤတၢ်သ့ၣ်နံၤဖးဆၢကတီၢ်တဖၣ်န့ၣ်လီၤ.
လၢ Blue Advantage ဒီး MinnesotaCare ကရူၢ်ဖိတဖၣ်အဂီၢ်
နအိၣ်ဒီးခွဲးယာ်လၢနကသ့ၣ်ညါနၢ်ပၢၢ်ဘၣ်ဃးနတၢ်ခွဲးတၢ်ယာ်ဒီးမူဒါတဖၣ်န့ၣ်လီၤ. နတၢ်သံကွၢ်မ့ၢ်အိၣ်တမံၤမံၤန့ၣ်, ဝံသးစူၤဆဲးကျိးကရူၢ်ဖိတၢ်တိစၢၤမၤစၢၤဖဲ (651) 662-5545မ့တမ့ၢ်ကိးကလီတၢ်ဆူ 1-800-711-9862 တက့ၢ်.
ဒ်လၢဆူၣ်ချ့တၢ်တိာ်ကျဲၤကရူၢ်ဖိတဂၤအသိး နတၢ်ခွဲးတၢ်ယာ်တဖၣ်-
- လၢကဒိးန့ၢ်ဆူၣ်ချ့တၢ်ကွၢ်ထွဲလၢကံၢ်စီအိၣ်, ဘၣ်ဆၢဘၣ်ကတီၢ်, လဲၤနုာ်ဘၣ်ညီ, လၢပှဲၤဒီးတၢ်တူၢ်လိာ်မုာ်ဒီးန့ၣ်လီၤ.
- ပှၤကဘၣ်ရ့ဒီးနၤဒီးတၢ်ယူးယီၣ်ပာ်ကဲ, တၢ်လၤကပီၤဒီးတၢ်ပာ်သူၣ်ပာ်သးနီၢ်ကစၢ်တၢ်သဘျ့န့ၣ်လီၤ.
- ကဘၣ်ဒိးန့ၢ်ဘၣ် ကသံၣ်ကသီတၢ်လိၣ်နီၢ်နီၢ်အတၢ်ဟ့ၣ်ဘူးလဲတၢ်တိစၢၤမၤစၢၤတဖၣ်, ပၣ်ဃုာ်ဒီးဂ့ၢ်ဂီၢ်အူတၢ်တိစၢၤမၤစၢၤလၢတနံၤ 24 နၣ်ရံၣ်, တနွံ7)နွံသီန့ၣ်လီၤ.
- ကဘၣ်တၢ်တဲဒုးသ့ၣ်ညါဘၣ်ဃးဆူၣ်ချ့တၢ်ဂ့ၢ်ကီတဖၣ်န့ၣ်လီၤ.
- လၢကဒိးန့ၢ်တၢ်ဂ့ၢ်တၢ်ကျိၤဘၣ်ဃးတၢ်ကူစါယါဘျါ, နတၢ်ဃုထၢလၢတၢ်ကူစါယါဘျါဒီးတၢ်လၢကမၤစၢၤနၤတၢ်လၢကမၤဘၣ်ဒိနၤဒ်လဲၣ်တဖၣ် — ဖဲဆူၣ်ချ့တၢ်တိာ်ကျဲၤဟ့ၣ်န့ၢ်နၤအဘူးအလဲ မ့တမ့ၢ်တဟ့ၣ်န့ၢ်နၤအဘူးအလဲလၢ တၢ်ကူစါယါဘျါတဖၣ်အဂီၢ်န့ၣ်လီၤ.
- ကဘၣ်ပၣ်ဃုာ်မၤသကိးဘၣ်တၢ်ဒီး နကစၢ်ဆူၣ်ချ့တၢ်ကွၢ်ထွဲကသံၣ်သရၣ်လၢ တၢ်ဆၢတဲာ်ဘၣ်ဃးဆူၣ်ချ့တၢ်ကွၢ်ထွဲအဂီၢ်န့ၣ်လီၤ.
- တၢ်ပၣ်ဃုာ်သးလၢကသ့ၣ်ညါနၢ်ပၢၢ်နဆူၣ်ချ့တၢ်ဂ့ၢ်ကီတဖၣ်, ဒီးရဲၣ်ကျဲၤတၢ်ကူစါယါဘျါအတၢ်ပညိၣ်ဖီတၢၣ်တဖၣ်န့ၣ်လီၤ.
- တၢ်ကဂ့ၢ်လိာ်တၢ်ကူစါယါဘျါ. ဖဲနမ့ၢ်ဂ့ၢ်လိာ်တၢ်ကူစါယါဘျါ တၢ်ကကဲထီၣ်အသးဒ်လဲၣ်န့ၣ် ဃုသ့ၣ်ညါ၀ဲဒၣ်န့ၣ်တက့ၢ်.
- ဂ့ၢ်လိာ်တၢ်ကူစါယါဘျါလၢကသံၣ်သရၣ်ကွၢ်ထွဲတၢ်လီၤဆီတနီၤအဂီၢ်လီၤ.
- တၢ်သ့ၣ်ညါဆိပာ်စၢၤလၢပ ဟံးဃာ်နဆူၣ်ချ့ဒီးကျိၣ်စ့တၢ်မၤနီၣ်တဖၣ်လီၤလီၤဆီဆီ ဒ်သဲစးတၢ်ဘျၢအိၣ်ဝဲအသိးန့ၣ်လီၤ.
- တၢ်ဃ့ထီၣ်ဒီးဒိးန့ၢ်ဘၣ်နဆူၣ်ချ့အတၢ်မၤနီၣ်မၤဃါအတၢ်ကွဲးဒိတဖၣ်. နတၢ်ခွဲးတၢ်ယာ်အိၣ်စ့ၢ်ကီးလၢနကဃ့ထီၣ်တၢ်ဘှီဘၣ်နတၢ်မၤနီၣ်မၤဃါန့ၣ်လီၤ.
- တၢ်တိစၢၤမၤစၢၤလၢပပာ်လီၤတဲာ်၀ဲလၢက ဂ့ၢ်လိာ်ဂ့ၤ ထုးစှၤလီၤဂ့ၤ ပတုာ်ကွံာ်ဂ့ၤ, မ့တမ့ၢ်တဟ့ၣ်အဘူးအလဲလၢၤဘၣ်တမံၤဂ့ၤတမံၤဂ့ၤ နကဒိးန့ၢ်ဘၣ်ပတၢ်ဒုးသ့ၣ်ညါန့ၣ်လီၤ.
- တၢ်ပတံထီၣ်တၢ်သးတမုာ်မ့တမ့ၢ်တၢ်ပတံသကွံာ်ကညးဆူ Blue Plus အဂီၢ်. နပတံထီၣ်တၢ်ပာ်တၢ်ကမၣ်ဆူမဲာ်နံးစိထၣ်ဆူၣ်ချ့ဝဲၤကျိၤသ့စ့ၢ်ကီးန့ၣ်လီၤ.
- တၢ်ဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) ဆူမဲာ်နံးစိထၣ်ပှၤဂ့ၢ်ဝီတၢ်တိစၢၤမၤစၢၤဝဲၤကျိၤအဂီၢ် (တၢ်သ့ၣ်ညါစ့ၢ်ကီးလၢကီၢ်စဲၣ်လီၤ). နဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) ဖဲတချုးတၢ်ပတံသကွံာ်ကညးဆူ Blue Plus မ့တမ့ၢ်တၢ်ပတံသကွံာ်ကညးအတီၢ်ပူၤတဘျီလၢ်လၢ်သ့န့ၣ်လီၤ. တလိၣ်ပတံသကွံာ်ကညးဆူ Blue Plus တချုးနဃ့ထီၣ်ကွီၢ်ဘျီၣ်တၢ်ဒိကနၣ် (State Fair Hearing) န့ၣ်ဘၣ်.
- တၢ်ဒိးန့ၢ်တၢ်ဒုးသ့ၣ်ညါနၢ်ပၢၢ်လီၤတံၢ်လီၤဆဲးဘၣ်ဃးတၢ်ဟ့ၣ်အဘူးအလဲလၢတၢ်ကွၢ်ထွဲပှၤသးပှၢ်ဟံၣ် ဒီးဆူၣ်ချ့တၢ်ကွၢ်ထွဲလၢဟံၣ်ဃီတၢ်တိစၢၤမၤစၢၤတဖၣ်.
- တၢ်ကွဲးတၢ်နဲၣ်လီၤတဲဒုးသ့ၣ်ညါပှၤဂၤလၢနတၢ်ဆၢမုၢ်လၢ်ဘၣ်ဃးနဆူၣ်ချ့တၢ်ကွၢ်ထွဲအဂ့ၢ်ဝီလီၤ. တၢ်အံၤကိးဝဲလၢ "ဆူၣ်ချ့တၢ်ကွၢ်ထွဲတၢ်နဲၣ်လီၤ"န့ၣ်လီၤ. တၢ်အံၤဟ့ၣ်နၤအခွဲး ဒ်သိးနကဟ့ၣ်ထီၣ်ပှၤအမံၤ (ခၢၣ်စးကရၢ), လၢကမၤတၢ်ဆၢတဲာ်နဂီၢ် ဖဲလၢနမၤတၢ်ဆၢတဲာ်တန့ၢ်လၢၤဘၣ်အကတီၢ်, မ့တမ့ၢ်နမ့ၢ်အဲၣ်လၢပှၤအဂုၤဂၤကမၤတၢ်ဆၢတဲာ်လၢနဂီၢ်အခါန့ၣ်လီၤ.
- တၢ်ဃုထၢတၢ်လီၢ်လၢနအဲၣ်ဒိးမၤန့ၢ်ဟံၣ်ဖိဃီဖိတၢ်ရဲၣ်ကျဲၤအတၢ်တိစၢၤမၤစၢၤတဖၣ်အဂီၢ်လီၤ.
- တၢ်မၤန့ၢ်တၢ်ထံၣ်ဆိကမိၣ်ခံမံၤတမံၤ ဘၣ်ဃးဆူၣ်ချ့တၢ်ကွၢ်ထွဲ, သးဂ့ၢ်ဝီဆူၣ်ချ့ဒီးတၢ်ဒိးသန့ၤဂာ်တၢ်ဖိတၢ်လံၤအတၢ်တိစၢၤမၤစၢၤတဖၣ်အဂီၢ်လီၤ.
- လၢကပူၤဖျဲးဒီးတၢ်ဖီၣ်ဃံးတြီဃာ် မ့တမ့ၢ်တၢ်အိၣ်လီၤဖျီၣ် အိၣ်ဒီးတၢ်ပညိၣ်လၢတၢ်မၤဆူၣ်မၤနၢၤ, တၢ်သိၣ်ဃီၣ်, တၢ်မၤညီထီၣ်မ့တမ့ၢ်တၢ်မၤကၣ်သ့ၣ်တဖၣ်အဂီၢ်န့ၣ်လီၤ.
- လၢကဃ့ထီၣ်တၢ်ဟ့ၣ်အဘူးအလဲလံာ်အုၣ်သးအဒိတခါအံၤ အစှၤကတၢၢ်တနံၣ်တဘျီလီၤ.
- လၢကဟ့ၣ်ကူၣ်ဟ့ၣ်ဖးတၢ်လဲလိာ်ဆီတလဲလၢ Blue Plus အတၢ်ခွဲးတၢ်ယာ်ဒီးမူဒါတၢ်ဘျၢသနူတဖၣ်လီၤ.
- တၢ်ကစူးကါနတၢ်ခွဲးတၢ်ယာ်လၢလၢပှဲၤပှဲၤအဂီၢ်. တၢ်စူးကါနတၢ်ခွဲးတၢ်ယာ်န့ၣ် တမၤဘၣ်ဒိဝဲပတၢ်ရ့လိာ်ဘၣ်ထွဲဒီးနၤဘၣ်.
- ဖဲလၢနလိၣ်ဘၣ်အကတီၢ်နဒိးန့ၢ်တၢ်ဂ့ၢ်တၢ်ကျိၤဒ်လာ်တဖၣ်အံၤ လၢပအိၣ်သ့လီၤ:
- မ့ၢ်ပစူးကါတၢ်ဟ့ၣ်လီၤဆီကသံၣ်သရၣ်ဘူးလဲတၢ်ရဲၣ်တၢ်ကျဲၤ လၢအဒိဘၣ်တၢ်သူစွဲပတၢ်ဆှၢထီၣ်အတၢ်တိစၢၤမၤစၢၤ (referral services) တဖၣ်အိၣ်ဧါ;
- တၢ်ဟ့ၣ်လီၤဆီတၢ်အဘူးလဲတၢ်ရဲၣ်တၢ်ကျဲၤလၢပစူးကါအမၠိကလုာ်တဖၣ်;
- တၢ်ဒီသဒၢတၢ်အုၣ်ကီၤတၢ်ဟ့ၣ်အဘူးအလဲတလၢကွံာ်တၢ်ပာ်ပနီၣ် (stop-loss) တဖၣ်အိၣ်ဧါ; ဒီး
- ကရူၢ်ဖိတၢ်ဃိထံသမံသမိးတၢ်စံးဆၢအစၢတဖၣ် ဖဲလၢပှၤတဂၤလိၣ်ဘၣ်ဝဲ ခီဖျိပတၢ်ရဲၣ်တၢ်ကျဲၤဘၣ်ဃး တၢ်ဟ့ၣ်လီၤဆီကသံၣ်သရၣ်အဘူးလဲ.
- ဖဲနဃ့ထီၣ်အကတီၢ်, ကဒိးန့ၢ်ဘၣ်ပှၤတၢ်ချၢကံၢ်စီတၢ်ကွၢ်သမံသမိးဟဲ ခီဖျိလၢကီၢ်စဲၣ်တဖၣ် အတၢ်ဃုထံၣ်န့ၢ်အစၢလီၤ.
- ကဘၣ်တၢ်ဒုးသ့ၣ်ညါနၤ ဖဲဆူၣ်ချ့တၢ်ကွၢ်ထွဲကသံၣ်သရၣ်ပတုာ်ကွံာ်အလံာ်ဃံးဃာ်ဒီး Blue Plus န့ၣ်လီၤ. နဃုထၢက့ၤ Blue Plus ဆူၣ်ချ့တၢ်ကွၢ်ထွဲကသံၣ်သရၣ်အဂုၤအဂၤတဖၣ်သ့န့ၣ်လီၤ.
- ကအိၣ်ဒီးပှၤခၢၣ်စးဖဲ Blue Plus မ့တမ့ၢ်ကသံၣ်ဝဲၤဒၢးလၢနကဆဲးကျိးဝဲ, ဖဲနအိၣ်ဒီးတၢ်ဘၣ်ယိၣ်ဘၣ်ဃးတၢ်တိစၢၤမၤစၢၤတဖၣ်အဂီၢ်န့ၣ်လီၤ.
- ဒ်သိးနကန့ၢ်ဘၣ်တၢ်ဂ့ၢ်တၢ်ကျိၤဘၣ်ဃး Blue Plus, ပတၢ်တိစၢၤမၤစၢၤ, ဆူၣ်ချ့တၢ်ကွၢ်ထွဲကသံၣ်သရၣ်အိၣ်လၢတၢ်ဘျးစဲပူၤတဖၣ်ဒီးနမူဒါတၢ်ခွဲးတၢ်ယာ်တဖၣ်လီၤ.
- ကစးထီၣ်မၤတၢ်လိာ်ကွီၢ် ဖဲတၢ်ဂ့ၢ်ကီအိၣ်ထီၣ်ဒီး Blue Plus မ့တမ့ၢ်ပဆူၣ်ချ့တၢ်ကွၢ်ထွဲကသံၣ်သရၣ်တဖၣ်.
- လၢကပတံထီၣ်တၢ်သးတမုာ်မ့တမ့ၢ်တၢ်ပတံသကွံာ်ကညးဆူ Blue Plus ဒီးဒိးန့ၢ်တၢ်ကွၢ်သမံသမိးတီတီလိၤလိၤဒီးအဆိအချ့အဂီၢ်လီၤ.
- လၢကဆဲးကျိးကီၢ်စဲၣ်ပှၤဘၣ်မူဘၣ်ဒါလၢကဃုထံၣ်တၢ်ဂ့ၢ်တၢ်ကျိၤ (ombudsman), လၢကမၤစၢၤတၢ်ပတံထီၣ်တၢ်သးတမုာ်မ့တမ့ၢ်တၢ်ပတံသကွံာ်ကညးအဂီၢ်လီၤ.
- ကဃ့ထီၣ်တၢ်စံၣ်ညီၣ်ဒိကနၣ်လၢအဆိအချ့အဂီၢ်လီၤ.
ဒ်ဆူၣ်ချ့တၢ်တိာ်ကျဲၤကရူၢ်ဖိတဂၤအသိး နမူဒါတဖၣ်:
- နကဘၣ် ဖးတၢ်အုၣ်ကီၤအလံာ်အုၣ်သး, ဒီးသ့ၣ်ညါပာ်စၢၤတၢ်တိစၢၤမၤစၢၤမနုၤတဖၣ် လၢတၢ်ဟ့ၣ်အဘူးအလဲပၣ်ဃုာ်ဖဲတၢ်တိာ်ကျဲၤပူၤ, ဒီးနကန့ၢ်ဘၣ်ကျိၤကျဲဒ်လဲၣ်န့ၣ်တက့ၢ်.
- နကဘၣ်ဒုးနဲၣ်ပၠးကရူၢ်ဖိ (ID) ခး, ဒီး Minnesota Health Care Programs အခး, ဖဲနလဲၤလၢဆူၣ်ချ့တၢ်ကွၢ်ထွဲအလီၢ်တဘျီလၢ်လၢ်န့ၣ်လီၤ. ဒုးနဲၣ်ပၠးဃုာ်ဒီး ခးက့လၢဆူၣ်ချ့တၢ်ဟ့ၣ်အဘူးအလဲအဂုၤအဂၤတဖၣ်မ့ၢ်အိၣ်, ဒ်အမ့ၢ် Medicare မ့တမ့ၢ်နီၢ်ကစၢ်သဘျ့တၢ်အုၣ်ကီၤတဖၣ်န့ၣ်တက့ၢ်.
- နကဘၣ်သူၣ်လီၤတၢ်ရ့လိာ်ဘၣ်ထွဲဒီး Blue Plus နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ် တချုးလၢနဆူးဆါဒံးအခါန့ၣ်လီၤ. တၢ်အံၤကမၤစၢၤနၤဒီးနနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ် ဒ်သိးကနၢ်ပၢၢ်နဆူၣ်ချ့တၢ်အိၣ်သးခဲလၢာ်ခဲဆ့အဂီၢ်န့ၣ်လီၤ.
- နကဘၣ်ဟ့ၣ်တၢ်ဂ့ၢ်တၢ်ကျိၤလၢ Blue Plus ဒီးပဆူၣ်ချ့ပှၤကွၢ်ထွဲတၢ်ကသံၣ်သရၣ်လိၣ်ဘၣ်ဝဲတဖၣ် လၢတၢ်ကူစါယါဘျါနၤအဂီၢ်န့ၣ်လီၤ. နီၤလီၤဒုးသ့ၣ်ညါတၢ်ဂ့ၢ်တၢ်ကျိၤဘၣ်ဃးနဆူၣ်ချ့တၢ်စံၣ်စိၤတက့ၢ်.
- နကဘၣ်မၤထွဲနကသံၣ်သရၣ်တၢ်နဲၣ်လီၤခဲလၢာ်န့ၣ်လီၤ. တၢ်သံကွၢ်မ့ၢ်အိၣ်ဘၣ်ဃးနဆူၣ်ချ့တၢ်ကွၢ်ထွဲန့ၣ်, နကြၢးသံကွၢ်နကသံၣ်သရၣ်န့ၣ်လီၤ.
- မၤသကိးတၢ်ဒီးနကသံၣ်သရၣ် ဒ်သိးနကနၢ်ပၢၢ်နဆူၣ်ချ့တၢ်အိၣ်သးတက့ၢ်. ဖဲလၢဆူၣ်ချ့တၢ်ဂ့ၢ်အိၣ်ထီၣ်တမံၤမံၤန့ၣ်, အရ့ဒိၣ်လၢနကသ့ၣ်ညါကဘၣ်မၤတၢ်မနုၤလဲၣ်, အကတီၢ်ဖဲလဲၣ်ဒီးတၢ်လီၢ်ဖဲလဲၣ်လၢနကဃ့တၢ်မၤစၢၤ, ဒီးတၢ်လၢနကဘၣ်ဒီသဒၢဆူၣ်ချ့တၢ်ဂ့ၢ်ကီတဖၣ်လၢကျိၤကျဲဒ်လဲၣ်န့ၣ်လီၤ.
- ကဘၣ်မၤညီနုၢ်သးလၢတၢ်ဒီသဒၢဆိဆူၣ်ချ့တၢ်ကွၢ်ထွဲန့ၣ်လီၤ. လၢကဘၣ်သမံသမိး, မၤကွၢ်ဒီးဆဲးကသံၣ်လၢတၢ်ဟ့ၣ်ကူၣ်နဲၣ်လီၤလၢသးအနံၣ်ဒီးမုၣ်ခွါတၢ်အိၣ်သးအဖီခိၣ်န့ၣ်လီၤ.
- လၢကတဲဘၣ်နကသံၣ်ဝဲၤဒၢး ဘၣ်ဃးတၢ်ဆီတလဲနမံၤမ့တမ့ၢ်နတၢ်အိၣ်ဆိးလီၢ်ကျဲန့ၣ်လီၤ.
- လၢကဟံးဃာ်တၢ်သ့ၣ်နံၤဖးဆၢကတီၢ်လၢ တၢ်ကွၢ်ထွဲအဂီၢ်မ့တမ့ၢ်, ကဘၣ်ဒုးသ့ၣ်ညါဆိ ဖဲလၢနအဲၣ်ဒိးဆိကတီၢ်ကွံာ်တၢ်မၤဆိပာ်စၢၤတၢ်သ့ၣ်နံၤဖးဆၢကတီၢ်တဖၣ်န့ၣ်လီၤ.
တၢ်ဂ့ၢ်တၢ်ကျိၤတဖၣ်အံၤ ဒိးန့ၢ်ဘၣ်သ့လၢကျိၤကျဲအဂုၤဂၤ လၢပှၤဖၢစၢ်ဖိတဖၣ်အဂီၢ် ခီဖျိဆဲးကျိး Blue Plus ကရူၢ်ဖိ တၢ်တိစၢၤမၤစၢၤဖဲ (651) 662-5545, ကိးကလီတၢ်ဆူ 1-800-711-9862 (တၢ်ကလုၢ်), မ့တမ့ၢ် TTY 711, မ့တမ့ၢ်ခီဖျိ Minnesota Relay တၢ်တိစၢၤမၤစၢၤ ဖဲ 1-877-627-3848 (ပီးလီတဲခၢၣ်စးတၢ်တဂၤဒီးတဂၤ) န့ၣ်လီၤ.
Blue Advantage ပၣ်ဃုာ်ဝဲဒီးတၢ်ဟ့ၣ်ဆိပာ်စၢၤဆူၣ်ချ့တၢ်မၤစၢၤဒီး မံၣ်နံၣ်စိတၤသူၣ်က့ၤသးပှၢ်တၢ်အံးထွဲကွၢ်ထွဲပာ်ဖှိၣ်န့ၣ်လီၤ.