တၢ်ရဲၣ်တၢ်ကျဲၤလၢအပှဲၤဒီးကံၢ်စီ

Blue Cross and Blue Shield of Minnesota ဒီး Blue Plus (Blue Cross) န့ၣ်ထီဘိမၤတၢ်ဒ်သိး ကမၤထီထီၣ်ဆူၣ်ချ့တၢ်ကွၢ်ထွဲဒီး တၢ်တိစၢၤမၤစၢၤတဖၣ် အကံၢ်အစီ လၢပကရူၢ်ဖိတဖၣ်ဒိးန့ၢ်ဘၣ်၀ဲန့ၣ်လီၤ.

တၢ်ရဲၣ်တၢ်ကျဲၤလၢအကံၣ်အစီထီၣ်ဘးန့ၣ် မ့ၢ်တၢ်မနုၤလဲၣ်ႉ

တၢ်ရဲၣ်တၢ်ကျဲၤလၢအကံၣ်အစီထီၣ်ဘးန့ၣ် အံးထွဲကွၢ်ထွဲဒီး သမံထံ၀ဲဒၣ်တၢ်ကွၢ်ထွဲဒီး တၢ်ဟ့ၣ်မၤစၢၤတဖၣ်လၢ ကရူၢ်ဖိတဖၣ်ဒိးန့ၢ်ဘၣ်၀ဲန့ၣ်လီၤႉ Blue Cross ကွၢ်ထွဲပၢၤဃာ်၀ဲဒၣ်တၢ်ရဲၣ်တၢ်ကျဲၤလၢ အကွၢ်ထီၣ်ဆူတၢ်မၤန့ၢ်အါထီၣ်တၢ်အကံၣ်အစီဒီး တၢ်သ့ဒိးန့ၢ်တၢ်ကွၢ်ထွဲဒီး တၢ်ဟ့ၣ်မၤစၢၤတဖၣ်န့ၣ်လီၤႉ ပကွၢ်ကဒါက့ၤ တၢ်ဂ့ၢ်ထၢဖှိၣ်တဖၣ်လၢကမၤစၢၤပှၤ ဒ်သိးပကသ့ၣ်ညါဘၣ် လီၢ်ကဝီၤတဖၣ်လၢ ပမၤထီထီၣ်အပတီၢ်သ့, ဒီး ပစူးကါတၢ်ဂ့ၢ်အံၤဒ်သိး ကဒုးအိၣ်ထီၣ်တၢ်မၤရဲၣ်ကျဲၤခိၣ်သ့ၣ်လၢ ကဟံးထီၣ်ဖီၣ်ထီၣ် တၢ်လီၤဟိတဖၣ်အဂီၢ်န့ၣ်လီၤ.

တနံၣ်ဘၣ်တနံၣ် ပမၤကွၢ်တၢ်ရဲၣ်တၢ်ကျဲၤဒ်သိးကထံၣ်ဘၣ် ပမၤတ့ၢ်တၢ်ဒ်လဲၣ်အဂီၢ်န့ၣ်လီၤႉ တၢ်အံၤဟ့ၣ်ပှၤတၢ်ခွဲးတၢ်ယာ်ဒ်သိး ကထံၣ်ဘၣ်ပမၤတၢ်ဂ့ၤလၢတၢ်လီၢ်ဖဲလဲၣ်ဒီး ပကဘၣ်မၤတၢ်ဆီတလဲတဖၣ်ဖဲတၢ်လီၢ်ဖဲလဲၣ်အဂ့ၢ်န့ၣ်လီၤႉ ဖးလံာ်ဆူညါဒ်သိး ကဃုထံၣ်န့ၢ်တၢ်ဂ့ၢ်အါထီၣ်ဘၣ်ဃး ပတၢ်ရဲၣ်တၢ်ကျဲၤန့ၣ်တက့ၢ်ႉ

တၢ်ပဲာ်ထံနီၤဖး တၢ်ရဲၣ်တၢ်ကျဲၤအကံၢ်အစီ

တၢ်ရဲၣ်တၢ်ကျဲၤလၢအကံၣ်အစီထီၣ်ဘးဒီး တၢ်သမံထံ

ကျဲၤတဘိလၢပမၤဂ့ၤထီၣ်အကံၢ်အစီမ့ၢ်ဝဲတၢ်ထိၣ်ဒွးပဝဲဒီးပှၤအဂၤ(လၢအမ့ၢ်နကသံၣ်သရၣ် မ့တမ့ၢ် ပှၤကူစါယါဘျါတၢ်)တဖၣ်မၤတၢ်မၤဂ့ၤထဲထဲလဲၣ်န့ၣ်လီၤ. ပကွၢ်ကဒါက့ၤပတၢ်ရဲၣ်တၢ်ကျဲၤကိးနံၣ်ဒဲးဒ်သိးပကမၤလီၤတံၢ်ပတၢ်ဂ့ၤထီၣ်ဆူညါလီၤ. ပဘၣ်တၢ်နဲၣ်ပှၤကျဲလၢ တၢ်ပညိၣ်ဖီတၢၣ်တဖၣ်ဒ်လာ်အံၤအသိးလီၤ -

ကရူၢ်ဖိတနံၣ်တဘျီလံာ်ဘိးဘၣ်သ့ၣ်ညါ

နကရူၢ်ဖိတနံၣ်တဘျီလံာ်ဘိးဘၣ်သ့ၣ်ညါပၣ်ဃုာ်ဒီးတၢ်ဂ့ၤတၢ်ကျိၤအရ့ဒိၣ်ဘၣ်ဃးဒီးနဆူၣ်ချ့တၢ်တိာ်ကျဲၤ တၢ်ဟ့ၣ်အဘူးအလဲန့ၣ်လီၤ.

ကွၢ်ဘၣ် 2024 ကရူၢ်ဖိ တနံၣ်တဘျီ တၢ်ဘိးဘၣ်သ့ၣ်ညါ

1. မၤဂ့ၤထီၣ် ပကရူၢ်ဖိတဖၣ်ဒီး ပပှၤတဝၢတဖၣ် ဆူၣ်ချ့တၢ်ကွၢ်ထွဲလၢ အမၤအသးတပယူာ်ဃီလၢအအိၣ်ဒီးတၢ်လဲလိာ်သးကယီကယိန့ၣ်လီၤ. ပမၤတၢ်အံၤခီဖျိ တၢ်ထုးကွံာ်တၢ်တြီဃာ်တဖၣ်လၢ တၢ်ဒီသဒၢတၢ်ဆါအဂီၢ်ဒီး တၢ်အိၣ်သးလၢကဲထီၣ်သးယံာ်တဖၣ်အဂီၢ် တၢ်ကွၢ်ထွဲ, တၢ်ဒုးထီၣ်ထီ တၢ်ရ့လိာ်ဘၣ်ထွဲအက့ၢ်အဂီၤတဖၣ်လၢ အမၤဘၣ်ဒိ ဆူၣ်ချ့ဒီး တၢ်မၤစှၤလီၤ တၢ်လၢာ်ဘူၣ်လၢာ်စ့ၤပာ်ဖှိၣ်ခဲလၢာ် န့ၣ်လီၤ.

2. ပမၤအါထီၣ် ပကရူၢ်ဖိတဖၣ်အတၢ်လဲၤခီဖျိဘၣ်၀ဲ ခီဖျိပမၤညီထီၣ်ဒီး ပဒုးနၢ်ပၢၢ်အါထီၣ် အ၀ဲသ့ၣ်အတၢ်လဲၤအဂ့ၢ်န့ၣ်လီၤ. ပမၤတၢ်အံၤခီဖျိ ပတ့တိာ်ကျဲၤလီၤ ကရူၢ်ဖိအတၢ်လဲၤကျဲလၢ အမၤညီထီၣ် ဆူၣ်ချ့တၢ်ကွၢ်ထွဲဒီး ဟ့ၣ်စိဟ့ၣ်ကမီၤပကရူၢ်ဖိတဖၣ်ဒ်သိး ကမၤတၢ်ဆၢတဲာ်တဖၣ်လၢ အတၢ်သ့ၣ်ညါနၢ်ပၢၢ်အပူၤန့ၣ်လီၤ.

3. ပာ်ပတုာ်ကွံာ် ဆူၣ်ချ့တၢ်ကွၢ်ဒိၣ်ဆံးအါစှၤတၢ်တဖၣ် လၢဆူၣ်ချ့အစၢတဖၣ်အပူၤတက့ၢ်. ပမၤတၢ်အံၤခီဖျိ ပသူၣ်ထီၣ်မုၢ်ကျိၤဝဲၤကွာ်တၢ်ဖံးတၢ်မၤ အတၢ်ဆဲးတၢ်လၤလၢ အပာ်လုၢ်ပာ်ပှ့ၤ တၢ်တကွၢ်ဒိၣ်ဆံးအါစှၤတၢ်ဒီး တၢ်နုာ်လီၤပာ်ဃုာ်ဒီး ဟံးထီၣ်ဖီၣ်ထီၣ် ဂံၢ်ခီၣ်ထံးဆူၣ်ချ့ တၢ်ကွၢ်ထွဲ တထဲသိးလိာ်သးအဂ့ၢ်တဖၣ်န့ၣ်လီၤ.

ပမၤအီၤဒ်လဲၣ်

ပမၤလိဘၣ်ဃးလီၢ်က၀ီၤအါတီၤလၢ အဒုးဘၣ်ဒိဘၣ်ထံးပကရူၢ်ဖိတဖၣ်ဒီး အ၀ဲသ့ၣ်အတၢ်သ့တၢ်ဘၣ်တဖၣ်လၢ ကဒိးန့ၢ်ဘၣ်ကသံၣ်ကသီဒီး တၢ်သကဲးပ၀ာ်ဆူၣ်ချ့တၢ်ကွၢ်ထွဲအဂီၢ်ဒီး တၢ်ဟ့ၣ်မၤစၢၤတဖၣ်လၢအလိၣ်ဘၣ်တဖၣ်န့ၣ်လီၤႉ တၢ်တဖၣ်အံၤ အတၢ်ဂ့ၢ်ကျၢၢ်တံၢ်န့ၣ် မ့ၢ်ဒ်လာ်အံၤအသိးလီၤ-

ကရူၢ်ဖိသ့ၣ်တၢ်ဒိးန့ၢ်ပှၤကွၢ်ထွဲတၢ်လၢတၢ်ဘျးစဲအပူၤ

  • တၢ်ရၤလီၤသးလၢဒိးသန့ၤထီၣ်သးလၢတၢ်လီၢ်အဖီခိၣ်
  • တၢ်ဘၣ်အိၣ်ခိးအကတီၢ်လၢကသ့ၣ်နံၤဖးသီအဂီၢ်
  • တၢ်ကွၢ်ထွဲလၢတၢ်မၤလီၢ်ပံးအလီၢ်ခံ

တၢ်အဆၢတလီၤတုာ်ဒီးတၢ်ဒုးဘၣ်လိာ်ဖိးဒ့တၢ်ကွၢ်ထွဲ

  • ပှၤဟ့ၣ်တၢ်မၤစၢၤအဘၢၣ်စၢၤ
  • တၢ်ဆီတလဲအကတီၢ်အဘၢၣ်စၢၤ
  • တၢ်ကွၢ်ထွဲတၢ်ဆီတလဲ

တၢ်ကွၢ်ထွဲပၢဆှၢတၢ်

  • ဃုထၢထီၣ်ခၢၣ်စးဒီးပှၤဆါတၢ်ဖိ

ကရူၢ်ဖိတၢ်ဟ့ၣ်ကူၢ်ဟ့ၣ်ဖး

  • တၢ်ကအူကစွါ ဒီး တၢ်သူၣ်တမံသးတမံ
  • တၢ်ပတံသကွံာ်ကညး ဒီး တၢ်ကွၢ်ထံဆိကမိၣ်ကဒါက့ၤတဖၣ်
  • ဃုထံၣ်သ့ၣ်ညါတၢ်
  • တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အတၢ်သံကွၢ်သံဒိးတဖၣ်
  • တၢ်သးစၢၢ်ဆၢကရူၢ် / ပှၤဟ့ၣ်ကူၣ်ဟ့ၣ်ဖးတၢ်အကရူၢ်တဖၣ်

ဆူၣ်ချ့တၢ်ပၢတၢ်ဆှၢလၢပှၤတဖုဖုအဂီၢ်

  • တၢ်ပၢဆှၢရဲၣ်ကျဲၤတၢ်အိၣ်သးလၢအဘံဘူကီခဲတဖၣ်
  • တၢ်ကွၢ်ထွဲပၢၤဆှၢတၢ်ဆူးတၢ်ဆါ
  • နဲၣ်လိတၢ်အိၣ်ဆူၣ်အိၣ်ချ့ဒီးတၢ်အိၣ်မုာ်ဆိးပၢၤ

ပှာ်ဘျးစဲပူၤပှၤမၤစၢၤဆီၣ်ထွဲတၢ်အတၢ်ဟ့ၣ်ကူၣ်ဟ့ၣ်ဖး

  • တၢ်လဲၤခီဖျိအိၣ်ဘၣ်ဃးဆူၣ်ချ့တၢ်တိာ်ကျဲၤ အတၢ်မၤအကျိၤအကျဲ
  • ပှၤဆါတၢ်ပူၤဖျဲးတၢ်ပာ်ပနီၣ် ဒီး အတၢ်မၤအကျိၤအကျဲၤ
  • တၢ်မၤစၢၤသူလၢအဘျူးအိၣ်
  • ဃုမၤညီနုၢ်ထီၣ်တၢ်ဒီးတၢ်ဆါပိာ်ထွဲထီၣ်တၢ်အခံ

မၢလိတၢ်မၤလိ

လၢကသ့ၣ်ညါနၢ်ပၢၢ် ကရူၢ်ဖိအတၢ်တြီဃာ်တဖၣ်ဒီး ပှၤဆီၣ်ထွဲမၤစၢၤတၢ်ဖိတဖၣ် အတၢ်ဒိးန့ၢ်ဘၣ် တၢ်ဒီသဒၢအတၢ်ကွၢ်ထွဲအဂီၢ်, ပမၤလၢပှဲၤတ့ၢ် တၢ်ဒီသဒၢအတၢ်ကွၢ်ထွဲဒီး ပှၤတဝၢအ တၢ်ဃိထံသ့ၣ်ညါဖဲ 2023 န့ၣ်လီၤ. ပမၤလိသ့ၣ်ညါတၢ်ဂ့ၢ်အါမံၤ, ပာ်ဃုာ်ဒီး- 

  • ပှၤပှ့ၤအီၣ်တၢ်ဖိကရူၢ်တဖၣ်လၢ ဘၣ်တၢ်ဃုထၢပာ်အီၤန့ၣ် ပာ်ဖျါထီၣ် တၢ်မၤလိမၤဒိးအကါဒိၣ်တဖၣ်လၢလာ်အံၤ လၢဘၣ်ထွဲဒီး တၢ်မၤစၢၤတၢ်တုၤလီၢ်တုၤကျဲဒီး တၢ်ဘျးစဲဆူကရူၢ်ဖိတဖၣ်လီၤ -
    • ဒုးအိၣ်ထီၣ် နီၢ်ကစၢ်တၢ်ဆဲးကျၢဆဲးကျိးလၢ တၢ်မၤစၢၤကရူၢ်ဖိတုၤလီၢ်တုၤကျဲအဂီၢ် 
    • မၤလၢပှဲၤ တၢ်မၤစၢၤတၢ်တုၤလီၢ်တုၤကျဲလၢ တၢ်အဲၣ်ဒိးအီၤ အကျိၤအကျဲအပူၤလၢ ကရူၢ်ဖိအဂီၢ်
    • ပျဲတၢ်ဃုထၢနုာ်လီၤဆူ တၢ်ဆဲးကျၢဆဲးကျိးအပူၤ
  • တၢ်တြီဃာ်တဖၣ်လၢ ကဘၣ်တၢ်ဟံးထီၣ်ဖီၣ်ထီၣ်အီၤလၢ တၢ်ဒီသဒၢအတၢ်ကွၢ်ထွဲန့ၣ် ပာ်ဃုာ်ဒီး -
    • မၤလီၤတံၢ်လၢ တၢ်ဆဲးကျၢဆဲးကျိးအပူၤ ပာ်ဃုာ်ဒီး တၢ်လုၢ်တၢ်ပှ့ၤဒီး တၢ်ဒီသဒၢအတၢ်ကွၢ်ထွဲ အသနၢၢ်လၢအဂ့ၤတဖၣ်
    • ပာ်ဖျါဒီး မၤဆူၣ်ထီၣ် တၢ်န့ၢ်ဘျုးတဖၣ်လၢအဘၣ်ဃးဒီး တၢ်ဒီသဒၢအတၢ်ကွၢ်ထွဲဒီး မၤဆူၣ်ထီၣ်တၢ်ဘျးစဲလိာ်သးဒီး နီၢ်ကစၢ်ဆူၣ်ချ့ပှၤကွၢ်ထွဲတၢ်ဖိတဂၤ အကါဒိၣ်၀ဲအဂ့ၢ်တက့ၢ်.

2023 လီၢ်က၀ီၤလၢဘၣ်တၢ်ပညိၣ်အီၤတဖၣ်

တၢ်ကစီၣ်အဂၤလၢအဘၣ်ထွဲဒီး တၢ်တိာ်ကျဲၤလီၤလီၤဆီဆီစှၤဘီလၢ ပမၤအီၤဖဲ 2023 န့ၣ်မ့ၢ်ဒ်အဖီလာ်အသိးန့ၣ်လီၤႉ တၢ်တိာ်ကျဲၤတခါဘၣ်တခါန့ၣ်အိၣ်ဒီးတၢ်ကစီၣ်ဘၣ်ဃး တၢ်မၤတ့ၢ်တၢ်မနုၤမနုၤဒီး တၢ်တိာ်ကျဲၤကမၤအသးဒ်ဆူညါ မ့တမ့ၢ် တမၤအသးလၢဘၣ်ဖဲ 2024 န့ၣ်လီၤႉ

မၤအါထီၣ်တၢ်ပလီၢ်သူၣ်ပလီၢ်သးလၢအမ့ၢ်တၢ်ဒီသဒၢအတၢ်ကွၢ်ထွဲ

United State ဆူၣ်ချ့ဝဲၤကျိၤဒီးပှၤကညီတၢ်မၤစၢၤအံၤ ပာ်ပနီၣ်ဝဲ တၢ်သ့ၣ်ညါနၢ်ပၢၢ်ဆူၣ်ချ့အဂ့ၢ်အကျိၤ ဒ်အမ့ၢ် "ပှၤတဂၤစုာ်စုာ်အိၣ်ဒီးတၢ်သ့တၢ်ဘၣ်အပတီၢ်ထဲလဲၣ် လၢကဒိးန့ၢ်ယ နၢ်ပၢၢ်တၢ်မၤအကျဲ ဒီး နၢ်ပၢၢ်ဆူၣ်ချ့တၢ်ဂ့ၢ်တၢ်ကျိၤအခီၣ်ထံးလၢအလိၣ်ဘၣ်အီၤ လၢကမၤဆူၣ်ချ့တၢ်ဆၢတဲာ် လၢအကြၢးဝဲဘၣ်ဝဲအဂီၢ်" န့ၣ်လီၤ. တၢ်ဃုသ့ၣ်ညါတဖၣ်ဒုးနဲၣ်ဖျါထီၣ်ဝဲဒၣ်လၢ ပှၤဆါလၢအကွဲးလံာ်ဖးလံာ်တဘၣ်အါအါဘၣ်တဖၣ်န့ၣ် အတၢ်သ့ၣ်ညါနၢ်ပၢၢ်ဘၣ်ဃးတၢ်အိၣ်ဆူၣ်အိၣ်ချ့န့ၣ်စှၤ, ဒိးန့ၣ်တၢ်ဒီသဒၢအတၢ်ကွၢ်ထွဲစှၤ, အိၣ်ဒီးတၢ်ပၢၤလီၤ အကစၢ်တၢ်ဆူးတၢ်ဆါလၢ အကဲထီၣ်သးယံာ်ယံာ်ထၢထၢစှၤ ဒီး ဘၣ်ထီၣ်တၢ်ဆါဟံၣ်တလီၢ်လီၢ် အါန့ၢ်ဒ်ပှၤဆူးပှၤဆါအဂၤတဖၣ်န့ၣ်လီၤ.

တၢ်လၢပမၤတ့ၢ်တဖၣ်

  • လၢကပာ်ဖျါထီၣ်တၢ်သ့ဂ့ၤဂ့ၤအိၣ်ဒီးတၢ်အိၣ်ဆူၣ်အိၣ်ချ့အဂီၢ်, Blue Cross ပာ်ပညိၣ်၀ဲဒၣ်လၢကဟ့ၣ်ထီၣ်တၢ်ကူၣ်ဘၣ်ကူၣ်သ့ဆူ ကရူၢ်ဖိတဖၣ်အအိၣ်ခီဖျိလၢ တၢ်ဆှၢလံာ်ကွဲးဖုၣ်, တီၢ်ထီၣ်တၢ်ကွဲးလၢကမျၢၢ်တၢ်ကစီၣ်ပျဲၢ်စီၢ်တဖၣ်အဖီခိၣ် (အဒိႉ, Instagram), ဒီး တၢ်ဆှၢလီၤပရၢ (email) လၢအဘၣ်ထွဲဒီးတၢ်ဒီသဒၢအတၢ်ကွၢ်ထွဲခိၣ်တီအကလုာ်ကလုာ်ဒ်သိးဒီး တၢ်ဒိးန့ၢ်ကသံၣ်ဒီသဒၢတဖၣ်, တၢ်မၤကွၢ်ခၢစဲၣ်တၢ်ဆါဒီး တၢ်ကွၢ်ထွဲသွံၣ်ဆၢ/ဆံၣ်ဆၢတၢ်ဆါန့ၣ်လီၤႉ
  • လၢကဟံးထီၣ်ဖီၣ်ထီၣ် ကလုာ်ဒူၣ် တၢ်တတုၤသိးထဲထိးတဖၣ်အဂီၢ်, Blue Cross နုာ်လီၤမၤသကိးဃုာ်တၢ်ဒီး ပှၤတဝၢတၢ်ကရၢကရိဒ်သိး ကမၤစှၤလီၤ တၢ်ဘၣ်သံဘၣ်ပှၢ်အနီၣ်ဂံၢ်အါအါဂီၢ်ဂီၢ်ခီဖျိ နုၢ်ခဲစၢၣ်တၢ်ဆါလၢအကဲထီၣ်လၢ အၣ်ဖရံၣ်ကၣ် အမဲရကၤ ပိာ်မုၣ်တဖၣ် အသိးအကျါ အဂီၢ်န့ၣ်လီၤ. တၢ်ဆှၢတၢ်ကစီၣ် တၢ်ဟူးတၢ်ဂဲၤတခါလၢ အဘၣ်တၢ်ပာ်ပညိၣ်အီၤဒ်သိး ကမၤအါထီၣ်တၢ်သမံသမိးကွၢ်တၢ်ဆါအပတီၢ်န့ၣ် ဘၣ်တၢ်ဒုးအိၣ်ထီၣ်ဒီး မၤကွၢ်အီၤဖဲ 2023 နံၣ်န့ၣ်လီၤ.

တၢ်မၤအစၢ

Blue Cross အတၢ်ပညိၣ်ဖီတၢၣ်လၢတၢ်ခဲလၢာ်အဖီခိၣ်န့ၣ်မ့ၢ်ဒ်သိး ကမၤအါထီၣ်ကရူၢ်ဖိအနီၣ်ဂံၢ်ဘျးကယၤလၢ အဒိးန့ၢ်၀ဲဒၣ်တနံၣ်တဘျီ တၢ်ဒီသဒၢအတၢ်ကွၢ်ထွဲ တၢ်ဃုသ့ၣ်ညါတၢ်ဆါအဂ့ၢ်တဖၣ်လၢ အဒိးသန့ၤထီၣ်သးလၢ ကရူၢ်ဖိတဂၤဘၣ်တဂၤအတၢ်လိၣ်ဘၣ်အဖီခိၣ်န့ၣ်လီၤႉ ပထံၣ်ဘၣ်တၢ်လဲၤထီၣ်လဲၤထီမၤအသးလၢ တၢ်ဒီသဒၢတၢ်ဃုသ့ၣ်ညါတၢ်ဆါနီၣ်ထိၣ်တဖၣ် ဘၣ်ဆၣ်တၢ်မၤအိၣ်အါမးလၢကဘၣ်မၤ၀ံၤအီၤဒ်လီၤႉ ဖဲ 2023အပူၤ, ​နီၢ်ကစၢ်လီပရၢလီၤဆီန့ၣ် ဘၣ်တၢ်ဒုးအိၣ်ထီၣ်ဒီး ဆှၢအီၤဆူ ပှၤသူဖံးပိာ်မုၣ်သ့ၣ်တဖၣ်အအိၣ်လၢ အအိၣ်ဒီး တၢ်မၤကွၢ် နုၢ်ခဲစၢၣ်တၢ်ဆါလၢ အတဂာ်လိာ်အသးလၢတၢ်ဘၢၣ်စၢၤ အဂီၢ်န့ၣ်လီၤ. တၢ်အံၤဘၣ်တၢ်ဒုးအိၣ်ထီၣ်အီၤဒ်သိး ကဟံးထီၣ်ဖီၣ်ထီၣ်ဘၣ်ဃး ဆူၣ်ချ့တၢ်ကွၢ်ထွဲတၢ်တဒ်သိးလိာ်သးလၢ တၢ်သမံသမိးကွၢ်တၢ်ဆါအယူာ်တဖၣ်အပူၤလၢ ပှၤသူဖံးပိာ်မုၣ်တဖၣ်အဂီၢ်မ့ၢ်တၢ်ထိၣ်သတြီၤဒီးတၢ်ခဲလၢာ်ပာ်ဖှိၣ်အယူာ်န့ၣ်လီၤ. လီပရၢအံၤ အတၢ်ကဲဘျုးကဲဖှိၣ်န့ၣ် ကဘၣ်တၢ်သမံထံက့ၤအီၤဒီး ကဘၣ်တၢ်ဆိကမိၣ်အီၤလၢ တၢ်ကမၤဆူညါအဂီၢ် မ့တမ့ၢ် တၢ်ကမၤဘၣ်လိာ်က့ၤအီၤအဂီၢ် ဖဲ 2024 နံၣ်န့ၣ်လီၤ.

တၢ်တိာ်ကျဲၤန့ၣ် ကမၤအသးဆူညါဖဲ 2024 လီၤႉ တၢ်ဆှၢလံာ်ပရၢဒီး တၢ်ကစီၣ်တဖၣ်လၢအဘၣ်ထွဲဒီး တၢ်ဒီသဒၢဃုသ့ၣ်ညါတၢ်ဆါအခိၣ်တီတဖၣ်န့ၣ် ကဘၣ်တၢ်ဆှၢန့ၢ်အီၤသ့တနံၣ်ကျၢၤအတီၢ်ပူၤန့ၣ်လီၤႉ Blue Cross ကအံးထွဲကွၢ်ထွဲ၀ဲဒၣ် တၢ်ဆဲးကျၢဆဲးကျိးတၢ်မၤရဲၣ်ကျဲၤခိၣ်သ့ၣ် ဆူညါတနံၣ်ဘၣ်တနံၣ်ဒီး ကမၤ၀ဲဒၣ်တၢ်ဆီတလဲတဖၣ် ဒ်တၢ်လိၣ်ဘၣ်အိၣ်အသိးန့ၣ်လီၤႉ

 

မၤစှၤလီတၢ်အပတီၢ်လီၤဆီလိာ်သးလၢ တၢ်ကွၢ်ထွဲသွံၣ်ဆၢ/ဆံၣ်ဆၢတၢ်ဆါအဂီၢ်

တၢ်ဆံၣ်ဆၢတၢ်ဆါန့ၣ် မ့ၢ်တၢ်ဆါလၢ ကဲထီၢ်သးယံာ်ယံာ်ထၢထၢ လၢအဒိဘၣ်မၤဟူး နနီၢ်ခိဆီတလဲ တၢ်အီၣ်တၢ်အီဆူ တၢ်ဂံၢ်တၢ်ဘါဒ်လဲၣ်န့ၣ်လီၤ. ဆံၣ်ဆၢတၢ်ဆါန့ၣ် တမ့ၢ်တၢ်ဆါလၢပှၤကူစါယါဘျါအီၤတုၤအလီၤမၢ်သ့ဘၣ်, ဘၣ်ဆၣ်တၢ်ကူစါအီၤသ့ဒီး သွံၣ်ဆံၣ်ဆၢတၢ်ဆါ အကလုာ်2 န့ၣ်တၢ်ဒီသဒၢအီၤသ့၀ဲဒၣ်လီၤႉ အိၣ်ဒီးနီၢ်ခိတၢ်ဟူးတၢ်ဂဲၤအါအါ, အီၣ်အီတၢ်အီၣ်တၢ်အီကြၢးဒီးတၢ်အိၣ်ဆူၣ်အိၣ်ချ့ဒီး တၢ်ဟးဆှဲးညါသူးန့ၣ် ကမၤစၢၤဒ်သိးနကဒီသဒၢ မ့တမ့ၢ် ကပၢဆှၢရဲၣ်ကျဲၤသွံၣ်ဆၢ/ဆံၣ်ဆၢတၢ်ဆါအဂီၢ်န့ၣ်လီၤႉ လီၤပျံၤဒီးကဲထီၣ်တၢ်သးဘၣ်တံာ်တာ် သ့ထဲလဲၣ်သနာ်က့, ပှၤလၢအိၣ်ဒီးတၢ်ဆံၣ်ဆၢတၢ်ဆါသ့ၣ်တဖၣ် အိၣ်မူသ့ဖးယံာ်, ပှဲၤဒီးတၢ်အိၣ်ဆူၣ်အိၣ်ချ့ ဒီးတၢ်သူၣ်ဖှံသးညီ လၢတၢ်အိၣ်ပူၤအပူၤန့ၣ်လီၤ.

ဒ် Minnesota ဆူၣ်ချ့၀ဲၤကျိၤပာ်ဖျါအသိး1, သွံၣ်ဆၢ/ဆံၣ်ဆၢတၢ်ဆါန့ၣ် မ့ၢ်တၢ်ဆါဃုခါတခါလၢ အဒုးအိၣ်ထီၣ်တၢ်သံတၢ်ပှၢ်အအါကတၢၢ်ဖဲ Minnesota အပူၤန့ၣ်လီၤႉ သွံၣ်ဆၢ/ဆံၣ်ဆၢတၢ်ဆါန့ၣ်မ့ၢ်တၢ်ဆါလၢအဒုးကဲထီၣ် တၢ်မဲာ်ဘျီၣ်, ကလ့ၣ်ဟးဂီၤဒီး တၢ်ဘၣ်ကူးတဲာ်ကွံာ်ခီၣ်တဖၣ်န့ၣ်လီၤႉ လၢ Minnesota အပူၤ, တၢ်ကွၢ်ဟ့ကွၢ်ကျိာ်ကလုာ်ဒူၣ်ဒီး ပှၤကလုာ်တၢ်အိၣ်လီၤဆီလိာ်သးတဖၣ်လၢ သွံၣ်ဆၢ/ဆံၣ်ဆၢတၢ်ဆါအဂီၢ်န့ၣ်အိၣ်၀ဲလၢ အပာ်ဖျါထီၣ်တၢ်ဆါပၢၢ်ထီၣ်အဘျီတဖၣ်, တၢ်ဆါလၢအပိာ်ထွဲထီၣ်တၢ်အခံတဖၣ်ဒီး တၢ်ဆါအယူာ်တဖၣ်ဒီး တၢ်ဒီသဒၢအတၢ်ကွၢ်ထွဲအယူာ်တဖၣ်လၢ ပှၤအိၣ်ဒီးသွံၣ်ဆၢ/ဆံၣ်ဆၢတၢ်ဆါအဂီၢ်တဖၣ်န့ၣ်လီၤႉ

တၢ်တဒ်သိးလိာ်သးတဖၣ် ကဲထီၣ်အသးဖဲ ပှၤကရူၢ်တကရူၢ် အတၢ်အိၣ်ဆူၣ်အိၣ်ချ့န့ၣ် ဘၣ်တၢ်ဒိဘၣ်အီၤဝဲလၢအအၢတကပၤခီဖျိ တၢ်ဂ့ၢ်ဒ်သိးဒီး အဝဲသ့ၣ်မၤန့ၢ်ကျိၣ်စ့ထဲလဲၣ်, အဝဲသ့ၣ်အပှၤကလုာ် မ့တမ့ၢ် အကလုာ်ဒူၣ် မ့တမ့ၢ် အဝဲသ့ၣ် အိၣ်ဆိးဖဲလဲၣ် တဖၣ်လီၤ. ကလုာ်ဒူၣ်ဒီး ပှၤကလုာ်တၢ်အိၣ်လီၤဆီလိာ်သးတဖၣ်လၢ သွံၣ်ဆၢ/ဆံၣ်ဆၢတၢ်ဆါအဂီၢ်န့ၣ် မၤကီခဲထီၣ်၀ဲဒၣ်တၢ်ဂ့ၢ်တဖၣ်ခီဖျိ တၢ်တဒိးန့ၢ်ဘၣ်ခွဲးလၢကဟံးန့ၢ်ဘၣ် သွံၣ်ဆၢ/ဆံၣ်ဆၢကသံၣ်ကသီတဖၣ်, တၢ်ဆီၣ်ထွဲမၤစၢၤတဖၣ်ဒီး တၢ်ဒီသဒၢအတၢ်ကွၢ်ထွဲ န့ၣ်လီၤႉ တၢ်အံၤပာ်ဃုာ်ဒီး တၢ်တအိၣ်ဒီးတၢ်ဒုးကူၣ်သ့ပီးလီဘၣ်ဃး ဆံၣ်ဆၢတၢ်ဆါလၢ အကြၢး၀ဲဘၣ်၀ဲဒီးတၢ်ဆဲးတၢ်လၢဒီးလၢ ကျိာ်ပီညါအပတီၢ်အဃိ, တၢ်ဆီၣ်ထွဲမၤစၢၤတၢ်ရဲၣ်တၢ်ကျဲၤအတၢ်မၤကျဲဒီး ဆူၣ်ချ့တၢ်ကွၢ်ထွဲပှၤဟ့ၣ်မၤစၢၤတၢ်တဖၣ်လၢ အလီၤဆီလိာ်သး မ့တမ့ၢ် အိၣ်ဒီးကံၢ်စီဆဲးလၤတဖၣ်လီၤႉ

တၢ်ကွၢ်ထွဲကရၢကရိတဘျုးခါအိၣ်ဖဲ Minnesota အပူၤန့ၣ် ဒုးအိၣ်ထီၣ် တၢ်ဖံးတၢ်မၤတမံၤလၢ အမၤအါထီၣ် တၢ်မၤဃုာ်မၤသကိးတၢ်တမံၤဃီဒ်သိး ကမၤသကိးတၢ်လၢ တၢ်မၤဂ့ၤအါထီၣ် တၢ်ကွၢ်ထွဲဆံၣ်ဆၢတၢ်ဆါလၢ Minnesota ကီၢ်စဲၣ်ဖိလံၤတဖၣ်အဂီၢ်လၢ အပာ်ပညိၣ်၀ဲဒၣ်လၢ ကရူၢ်ဖိတဖၣ်အဖီခိၣ်လၢ အအိၣ်ဒီး Minnesota Senior Health Options (MSHO) ဒီး/မ့တမ့ၢ် Minnesota Senior Care Plus (MSC+) တၢ်အုၣ်ကီၤန့ၣ်လီၤ. တၢ်မၤဃုာ်မၤသကိးတၢ်တပူၤဃီအံၤ ဒုးမၤစၢၤတၢ်နီၢ်နီၢ်တုၤလီၢ်တုၤကျဲဆူ ပှၤတဝၢအကျါဒီး ထံကီၢ်ပဒိၣ် တၢ်အိၣ်ယၢၤတဖၣ်အပတီၢ် ဒ်သိးကဃုထံၣ်န့ၢ် တၢ်ခွဲးတၢ်ယာ်တဖၣ်လၢ တၢ်ကထဲးဂံၢ်ထဲးဘါဟ့ၣ်ခီဟ့ၣ်နီၤလိာ်သးအဂီၢ်န့ၣ်လီၤ.

တၢ်လၢပမၤတ့ၢ်တဖၣ်

  • ဟံးဃာ်မၤလိတၢ်ကူၣ်ဘၣ်ကူၣ်သ့အကတီၢ်တဖၣ်လၢ အခိၣ်တီပာ်ဃုာ်ဒီး ဖံးမၤတၢ်ဃုာ်ဒီးပှၤလၢအတကတိၤကိၤလၤကျိာ်အိၣ်ဒီး သွံၣ်ဆၢ/ဆံၣ်ဆၢတၢ်ဆါ, တၢ်ကွၢ်မဲာ်ခူသူၣ်တၢ်ဒီး တၢ်ကျဲးစၢးဃုထံၣ်န့ၢ် ဆူၣ်ချ့အတၢ်ထဲသိးတုၤသိး, ဒီး ကသံၣ်ကသီဒ်တၢ်အီၣ်တၢ်အီအသိးတဖၣ်လီၤႉ
  • ပာ်ဖှိၣ်တၢ်ဂ့ၢ်ထၢဖှိၣ်ဒ်သိး ကနၢ်ပၢၢ်အါထီၣ်ဒီး ဟ့ၣ်မၤစၢၤအါထီၣ် ကရူၢ်ဖိအတၢ်လိၣ်တဖၣ်အဂီၢ်တက့ၢ်ႉ
  • မၤသကိးတၢ် ဘူးဘူးတံၢ်တံၢ်ဒီး တၢ်ကွၢ်ထွဲ ပၢဆှၢတၢ်မူဒါခိၣ်တဖၣ်ဒ်သိး ကကးတံာ်တၢ်လီၤဟိတဖၣ်လၢ တၢ်ကွၢ်ထွဲအပူၤလၢ ပှၤကရူၢ်ဖိတဖၣ်အဂီၢ်န့ၣ်လီၤ.
  • ပညိၣ်ဃီၤဆူတၢ်ကူၣ်ဘၣ်ကူၣ်သ့ဃုာ်ဒီး တၢ်ကွၢ်ထွဲပၢဆှၢတၢ်မူဒါခိၣ်, ပှၤဟ့ၣ်မၤစၢၤတၢ်ဒီး ကရူၢ်ဖိတဖၣ်တက့ၢ်. 
     

တၢ်မၤအစၢ

ပမၤထီထီၣ်ပပတီၢ်တဖၣ်လၢ တၢ်ပၢၤဃာ်သွံၣ်ဂံၢ်ထီၣ်တၢ်ဆါအဂီၢ်ဒီး တနံၣ်တဘျီ A1C တၢ်မၤကွၢ်လၢ 2023 နံၣ်အတီၢ်ပူၤလီၤ. သနာ်က့, ပထံၣ်ဘၣ် တၢ်လီၤဆီလိာ်သးတဖၣ်လၢ ကလုာ်ဒူၣ်ဒီး တၢ်ကတိၤလၢ ပှၤစံးကတိၤအီၤ အဖီခိၣ်ဒံးန့ၣ်လီၤ. Blue Cross ဃုကွၢ်ဝဲဒၣ် ကျိၤကျဲတဖၣ်ထီဘိဒ်သိး ကမၤဂ့ၤထီၣ် တၢ်မၤအပတီၢ်တဖၣ်ဒီး ကမၤစှၤလီၤ တၢ်တတုၤသိးထဲသိး တၢ်လီၤဟိတဖၣ်အဂီၢ်န့ၣ်လီၤ. ပအိၣ်ဒီး တၢ်မၤသီအဆိတမံၤဒီး တၢ်သးစဲလၢ ပကဒိးန့ၢ် တၢ်ထံၣ်တၢ်ဆိကမိၣ်တဖၣ် ခီဖျိ ပှၤတဝၢ အတၢ်နုာ်လီၤပာ်ဃုာ်မၤတၢ်ဒ်သိး ကသ့ၣ်ညါ ပကရူၢ်ဖိတဖၣ်, ဃုာ်ဒီး တၢ်ကဒုးဆူၣ်ထီၣ် တၢ်တဒ်သိးလိာ်သးတၢ်လီၤဟိတဖၣ်အတၢ်မၤစှၤလီၤ အဂီၢ်န့ၣ်လီၤ.

ဆံၣ်ဆၢတၢ်ဆါ အတၢ်ရဲၣ်တၢ်ကျဲၤန့ၣ် ဘၣ်တၢ်ဆိကတီၢ်အီၤဖဲ 2023 နံၣ်န့ၣ်လီၤ. Blue Cross ကပညိၣ်ဃီၤ၀ဲလၢ တၢ်ဟ့ၣ်လီၤတၢ်သိၣ်လိဒီး တၢ်ကူၣ်ဘၣ်ကူၣ်သ့ခွဲးယာ်တဖၣ်လၢ ကရူၢ်ဖိတဖၣ်ဒီး ပှၤဟ့ၣ်မၤစၢၤတၢ်တဖၣ်အဂီၢ်ဒီး ကွၢ်ထံသမံက့ၤကျိၤကျဲတဖၣ်ဒ်သိး ကမၤဂ့ၤထီၣ် ဆံၣ်ဆၢတၢ်ဆါလၢ အပာ်ဖျါထီၣ် တၢ်ရ့လိာ်ဘၣ်ထွဲဒီး ခိၣ်ဃၢၤဂ့ၢ်ကျိၤတဖၣ်အဂ့ၢ်လၢ အမၤဘၣ်ဒိဘၣ်ထံး ပှၤလၢအတအိၣ်ဒီးတၢ်ဒီတဒၢအီၤတဖၣ်လီၤႉ တၢ်ရဲၣ်တၢ်ကျဲၤ အသီအံၤလၢ 2024-2026 အဂီၢ်န့ၣ် ကအိၣ်ဒီးတၢ်ပာ်ပညိၣ်လၢ ဆံၣ်ဆၢတၢ်ဆါဒီး တၢ်သးဟးဂီၤအဖီခိၣ်န့ၣ်လီၤ.

မၤဂ့ၤအါထီၣ်တၢ်အိၣ်ဖျဲၣ်အစၢတဖၣ်

လၢဒီထံဒီကီၢ်အပတီၢ်န့ၣ်,မိၢ်အတၢ်ဆူးတၢ်ဆါဒီး တၢ်သံတၢ်ပှၢ်အယူာ်တဖၣ်န့ၣ် အါထီၣ်ကဒီးလၢအပူၤကွံာ်အနံၣ်တဖၣ်အပူၤန့ၣ်လီၤႉ ပှၤသုးဖံးပိာ်မုၣ်တဖၣ်န့ၣ် ဘၣ်သံ၀ဲဒၣ်ဖဲလၢအဒၢထီၣ်အခါ အဘျီအိၣ်အါန့ၢ်ဒ် ပှၤ၀ါဖံးပိာ်မုၣ်တဖၣ်သၢဒီးလွံၢ်စးန့ၣ်လီၤႉ လၢ Minnesota အပူၤ, တၢ်တဒ်သိးလိာ်သးဒ်သိးအံၤတဖၣ်န့ၣ် မၤအသးနီၢ်နီၢ်လၢပှၤလၢအအိၣ်ဒီးဖံးဘ့ၣ်အလွဲၢ်တဖၣ်အဂီၢ်ဒီး ထံၣ်ဘၣ်စ့ၢ်ကီး၀ဲလၢ ဖိအိၣ်ဖျဲၣ်တၢ်ဂ့ၢ်ထၢဖှိၣ်အစၢ ဒ်အမ့ၢ် ဖိလၢအအိၣ်ဖျဲၣ်ဆိဒီးအနီၢ်ကစၢ်ဆံး၀ဲ, အိၣ်ဖျဲၣ်ကတီၢ်အတယၢၢ်စှၤ၀ဲ, ဒီး ဖိသၣ်အိၣ်ဖျဲၣ်လီၤသီအတၢ်သံတၢ်ပှၢ်တဖၣ်န့ၣ်လီၤႉ

တၢ်အပတီၢ်လီၤဆီလိာ်သးတဖၣ်အံၤ မၤအသးဆူညါကဒီးလၢဖိသၣ်ဆံးအတၢ်အိၣ်မူပူၤဒီး ဖျါထီၣ်ကဒါက့ၤလၢ ဖိသၣ်တဖၣ်အတၢ်ဆဲး ကသံၣ်ဒီသဒၢအယူာ်တဖၣ်အပူၤန့ၣ်လီၤႉ ထံကီၢ်အပတီၢ်အပူၤ, တၢ်ဒိးန့ၢ်ကသံၣ်ဒီသဒၢအယူာ်တဖၣ်န့ၣ် အိၣ်၀ဲဒၣ် 90 ဘျးကယၤလၢကသံၣ်ဒီသဒၢအါတက့ၢ်အဂီၢ်, ဘၣ်ဆၣ်တၢ်အိၣ်လီၤဆီလိာ်သးန့ၣ် အိၣ်တီၢ်၀ဲဒီးတၢ်ဒိးန့ၢ်ကသံၣ်ဒီသဒၢတၢ်ဟ့ၣ်အဘူးအလဲ စှၤဒိၣ်မးလၢပှၤသူဖံးဖိသၣ်တဖၣ် (65%) ဒီး ဖိသၣ်လၢအအိၣ်မူဘၣ်ဖဲကီၢ်စၢဖှိၣ်ပှၤဖှီၣ်ဖိယာ်ဖိအပတီၢ်အဖီလာ် (64.4%) တဖၣ်အဂီၢ်န့ၣ်လီၤႉ

တၢ်ကွၢ်ထွဲကရၢကရိတဘျုးခါလၢ Minnesota အပူၤန့ၣ် ဒုးအိၣ်ထီၣ် တၢ်ဖံးတၢ်မၤ အတၢ်လဲၤထီၣ်လဲၤထီၣ် လၢအမၤဃုာ်မၤသကိးတၢ်တပူၤဃီလၢ ကမၤသကိးတၢ်အဂီၢ် မ့ၢ်ဒ်သိး ကမၤဂ့ၤထီၣ် "တၢ်စးထီၣ်လၢအဆူၣ်ချ့" လၢ Minnesota ဖိဒံဖိသၣ်တဖၣ်ဒီး မိၢ်အိၣ်ဒီးဟုးသးတဖၣ်အဂီၢ် ဃုာ်ဒီးတၢ်ပာ်ပညိၣ် ကရူၢ်ဖိတဖၣ်လၢ အအိၣ်ဒီး တၢ်ဟ့ၣ်ဆိပာ်အဘူးအလဲလၢ ဆူၣ်ချ့တၢ်မၤစၢၤ တၢ်ရဲၣ်တၢ်ကျဲၤ(PMAP) ဒီး /မ့တမ့ၢ် MinnesotaCare (MNCare) တၢ်အုၣ်ကီၤ အဂီၢ်န့ၣ်လီၤ. တၢ်မၤဃုာ်မၤသကိးတၢ်တပူၤဃီအံၤ မၤတၢ်ဒ်သိးအကမၤအါထီၣ် တၢ်ဒိးန့ၢ်တၢ်တိစၢၤမၤစၢၤတဖၣ် ဖဲတၢ်အိၣ်ဖျဲၣ်ဖိအကတီၢ်, တၢ်ကွၢ်ထွဲလၢ အဘၣ်လိာ်ဖိးဒ့ဒီး တၢ်ဆဲးတၢ်လၤ, တၢ်မၤအါထီၣ် တချုးအိၣ်ဖျဲၣ်ဖိ ဒီး အိၣ်ဖျဲၣ်ဖိဝံၤအလီၢ်ခံ တၢ်ထံၣ်လိာ်ဒုးနဲၣ်သးအဘျီတဖၣ်, ဖိသၣ်ဆံးကတီၢ် တၢ်ဆဲးကသံၣ်ဒီသဒၢတၢ်ဆါဒီး တၢ်သမံသမိးကွၢ် ဖိသၣ်အတၢ်အိၣ်ဆူၣ်အိၣ်ချ့ အပတီၢ်တဖၣ်န့ၣ်လီၤ.

တၢ်လၢပမၤတ့ၢ်တဖၣ်

မၤတၢ်ဖဲ 2023 ဆီလီၤပာ်လီၤတၢ်မၤပတီၢ်လၢ ကမၤကဲထီၣ်လိၣ်ထီၣ် တၢ်တိာ်ကျဲၤအံၤ ဆူညါကွၢ့်ကွ့ၢ်အဂီၢ်န့ၣ်လီၤ. တၢ်အံၤပၣ်ဃုာ်ဒီး တၢ်သူၣ်ထီၣ်ဒီး တၢ်မၤအါထီၣ်တၢ်ရ့လိာ်မုာ်လိာ်သး ဃုာ်ဒီး ပှၤအတ၀ၢပှၤမၤသကိးတၢ်တဖၣ်, တၢ်ဟ့ၣ်ထီၣ်တၢ်ကူၣ်သ့တၢ်မၤလိ ဘၣ်ထွဲဒီးမိၢ်ဒီးဟုးသးအဂ့ၢ်ခိၣ်တီတဖၣ်, ဒီး တၢ်မၤအါထီၣ်ကရူၢ်ဖိအတၢ်စူးကါ တၢ်တိစၢၤမၤစၢၤတဖၣ်ဖဲ တၢ်အိၣ်ဖျဲၣ်ဖိကတီၢ်န့ၣ်လီၤ. 

တၢ်မၤအဂုၤအဂၤတဖၣ်တနီလၢ အဘၣ်တၢ်မၤအီၤဖဲ 2023 န့ၣ်အိၣ်၀ဲဒၣ်ဖဲအံၤ -

  • ဟ့ၣ်လီၤ ကူၣ်သ့စ့ဆီၣ်ထွဲတဖၣ်ဒ်သိး ကမၤစၢၤ ပှၤကွၢ်ထွဲမိၢ်ဒီးဖိတဖၣ်ဖဲ တၢ်အိၣ်ဖျဲၣ်ဖိအကတီၢ် လၢအဘၣ်လိာ်ဖိးဒ့ဒီး တၢ်ဆဲးတၢ်လၤ
  • ဆဲးကျိးဒီးတုၤအိၣ် ပှၤတဝၢတၢ်ကရၢကရိတဖၣ်ဒီး ကီၢ်စဲၣ်ခၢၣ်စးကရၢတဖၣ်
  • မၤဂ့ၤထီၣ် တၢ်ဂ့ၢ်ထၢဖှိၣ်လၢအလဲပူၤ တၢ်မၤအကျဲတဖၣ်ဒီး အတၢ်ဘိးဘၣ်သ့ၣ်ညါ
  • ထုးထီၣ်ရၤလီၤ ကမျၢၢ်တၢ်ကစီၣ်တၢ်ဟူးတၢ်ဂဲၤဘၣ်ဃးဒီး တၢ်ဆဲးကသံၣ်ဒီသဒၢတၢ်ဆါတဖၣ်အဂ့ၢ်လၢ ကျိာ်တၢ်ကတိၤအါမံၤအပူၤ
  • ဟ့ၣ်ဆူၣ်ထီၣ် ပှၤကရူၢ်ဖိတဖၣ်လၢ အမၤဝံၤတနံၣ်တဘျီ တၢ်လဲၤဒိးပၠးသး တၢ်အိၣ်ဆူၣ်အိၣ်ချ့ဒီး ဆဲးကသံၣ်ဒီသဒၢတၢ်ဆါတဖၣ် ဘၣ်ဆၢဘၣ်ကတီၢ်

တၢ်မၤအစၢ

Blue Cross ထံၣ်ဘၣ် တၢ်လဲၤထီၣ်လဲၤထီ လၢတချုးတၢ်အိၣ်ဖျဲၣ်ဖိဒီး တၢ်အိၣ်ဖျဲၣ်ဖိဝံၤအလီၢ်ခံ တၢ်ထံၣ်လိာ်ဒုးနဲၣ်သးအပတီၢ်အပူၤ, သနာ်က့ ဒ် Minnesota အါတီၤအပူၤအသိး, ပဖိသၣ်ဆံးကတီၢ် တၢ်ထံၣ်လိာ်ဒုးနဲၣ်သး အပတီၢ်န့ၣ် လၢ အခီၣ်ထံး 15 အဂီၢ် ဒီး တၢ်ဆဲးကသံၣ်ဒီသဒၢတၢ်ဆါ အပတီၢ်န့ၣ် တထီၣ်ဘးဝဲဒံးဘၣ်. ပထံၣ်ဘၣ်ဒံး တၢ်လီၤဆီလိာ်သး တၢ်လီၤဟိတဖၣ် ဒီး ပကပာ်ပညိၣ်တၢ်လၢ ပကမၤစၢၤဘၣ် ကရူၢ်ဖိခဲလၢာ် ဒ်သိး တၢ်ကွၢ်ထွဲလၢ တၢ်အိၣ်ဟုးသးကတီၢ် ကအါထီၣ်ဝဲ, ဖိသၣ်ဆံး တၢ်လဲၤထံၣ်လိာ်ဒုးနဲၣ်သးလၢ တၢ်အိၣ်ဆူၣ်အိၣ်ချ့အဂီၢ် ဒီး တၢ်ဆဲးကသံၣ်ဒီသဒၢအပတီၢ် ကအါထီၣ်ဝဲအဂီၢ်န့ၣ်လီၤ.

တၢ်ရဲၣ်တၢ်ကျဲၤအံၤ ကလဲၤအသးဆူညါ ဖဲ 2024 နံၣ်အပူၤဒီး တိာ်ပာ်၀ဲလၢကမၤအသးခီဖျိ 2026နံၣ် ဃုာ်ဒီး တၢ်ဃုထံၣ်သ့ၣ်ညါတၢ်ဒီး တၢ်မၤထီၣ်မၤထီတၢ် ဆူညါကွၢ့်ကွ့ၢ်န့ၣ်လီၤ.

ကရူၢ်ဖိတနံၣ်တဘျီလံာ်ဘိးဘၣ်သ့ၣ်ညါ

နကရူၢ်ဖိတနံၣ်တဘျီလံာ်ဘိးဘၣ်သ့ၣ်ညါပၣ်ဃုာ်ဒီးတၢ်ဂ့ၤတၢ်ကျိၤအရ့ဒိၣ်ဘၣ်ဃးဒီးနဆူၣ်ချ့တၢ်တိာ်ကျဲၤ တၢ်ဟ့ၣ်အဘူးအလဲန့ၣ်လီၤ. တၢ်ဂ့ၢ်ခိၣ်တီတၢ်ကွဲးကျၢၢ်တံၢ်တဖၣ်လၢ အပာ်ဃုာ်တ့ၢ်၀ဲန့ၣ် ဘၣ်တၢ်ကွဲးရဲၣ်လီၤလၢလာ်အံၤန့ၣ်လီၤ. 

ကွၢ်ဘၣ် 2024 ကရူၢ်ဖိ တနံၣ်တဘျီ တၢ်ဘိးဘၣ်သ့ၣ်ညါ

  • လဲၤနုာ်ကွၢ်ဘၣ်ဃးဆူၣ်ချ့တၢ်တိစၢၤမၤစၢၤတဖၣ်
  • တၢ်မၤဘျူးလံာ်ဆံးဖိဒီ:တၢ်ကွဲးကျၢၢ်တံၢ်လၢတၢ်အဘျုးအဖှိၣ် ဒီ:တၢ်ဟ့ၣ်အဘူးအလဲ
  • တၢ်ဟ့ၣ်ကသံၣ်အလံာ်က့ဒီး ကသံၣ်ကသီတၢ်ဟ့ၣ်အဘူးအလဲဒီး ကသံၣ်ကသီအစရီတဖၣ်
  • တၢ်ဟ့ၣ်ဆိခွဲးစိကမီၤဒီးတၢ်အဘျုးအဖှိၣ်အတၢ်ပာ်ပနီၣ်တဖၣ်
  • ကရူၢ်ဖိခွဲးယာ်ဒီးမူဒါတဖၣ်
  • ဃ့ထီၣ်တၢ်ကွၢ်ကဒါက့ၤပတံၣ်သကွံာ်ကညးလၢပှၤလီၤဆီတဖုအအိၣ်
  • သူအီၤဒီးတဲဖျဲထီၣ်ဆူၣ်ချ့ဂ့ၢ်ကျိၤလၢတၢ်ပာ်ဘၢအီၤ
  • တၢ်ပၢဆှၢတၢ် တၢ်ရဲၣ်တၢ်ကျဲၤတဖၣ်


တၢ်ပာ်ပနီၣ်ပာ်ကဲ

ပဟံးန့ၣ်ပဝဲတၢ်ပာ်ပနီၣ်ပာ်ကဲလၢထံဖိကီၢ်ဖိကမံးတံာ် လၢတၢ်အုၣ်ကီၤအကံၢ်အစီတၢ်ပာ်ဂၢၢ်ကျၢၤ (NCQA) လၢတၢ်ပာ်သူၣ်ပာ်သးဖးဒိၣ်န့ၣ်လီၤ. တၢ်အံၤပပာ်ဖျါထီၣ်ပတၢ်အၢၣ်လီဒ်လဲၣ်လၢနတၢ်ကွၢ်ထွဲအကံၢ်အစီဂ့ၤထီၣ်,တၢ်ကွၢ်ထွဲအခွဲးအယာ်ဒီးကရူၢ်ဖိတၢ်သူမံသးမံ

မၤလိအါထီၣ်ဘၣ်ဃးတၢ်ပာ်ပနီၣ်ပာ်ကဲ NCQA

 

တိၢ်နီၣ် - တၢ်ရဲၣ်တၢ်ကျဲၤန့ၣ်ဒိးသန့ၤအသးလၢနတၢ်ဆူၣ်ချ့တၢ်တိာ်ကျဲၤအဖီခိၣ်န့ၣ်လီၤ.

1  https://www.health.state.mn.us/communities/equity/ehdi/priority.html#diabetes