တၢ်သးဟးဂီၤန့ၣ်မ့ၢ်၀ဲတၢ်မၤအသးညီနုၢ်တမံၤဒီး သးသ့ၣ်ညါတၢ်ဆူၣ်ချ့တၢ်အိၣ်အသးလၢနးမးတကလုာ်န့ၣ်လီၤ. တၢ်အံၤန့ၣ်မၤဘၣ်ဒိပှၤတဂၤတၢ်ပလၢၢ်ဘၣ်တဖၣ်,ဆိကမိၣ်တၢ်တဖၣ်,တၢ်မံတၢ်ဂဲၤ,အီၣ်တၢ်အီတၢ် ဒီး မၤတၢ်တဖၣ်ဒ်လဲၣ် န့ၣ်လီၤ. မၤလိအါထီၣ်ဘၣ်ဃးတၢ်ပနီၣ်တဖၣ်,တၢ်ကူစါယါဘျါတဖၣ်ဒီးတၢ်သးဟးဂီၤအကလုာ်တဖၣ်န့ၣ်တက့ၢ်.
တၢ်သးဟးဂီၤန့ၣ်မ့ၢ်၀ဲတၢ်ကဲထီၣ်ညီနုၢ်ဒီး ကူစါယါဘျါ၀ဲသ့ဖဲဘၣ်တၢ်ဃုထံၣ်သ့ၣ်ညါတၢ်ဆါဆိန့ၣ်လီၤ. ဒ်လဲၣ်ဂ့ၤဒ်လဲၣ်ဂ့ၤ,ပှၤအိၣ်ဝဲအါဂၤလၢတဒိးန့ၢ်တၢ်မၤစၢၤလၢ တၢ်သးဟးဂီၤအဂီၢ်ဘၣ်ခီဖျိအ၀ဲသ့ၣ်တသ့ၣ်ညါ ၀ဲတၢ်ဟ့ၣ်ပလီၢ်အပနီၣ်တဖၣ်အဃိလီၤ. နလဲၤထံၣ်လိာ်သးဒီးနဟံၣ်ဖိဃီဖိ ကသံၣ်သရၣ်သ့ မ့တမ့ၢ် နဃုဒိးန့ၢ်ကသံၣ်သရၣ်တဂၤလၢ အကူစါယါဘျါတၢ်သးဟးဂီၤ သ့ ဒီး တၢ်န့ၣ်အိၣ်၀ဲလၢ Blue Cross မ့တမ့ၢ် Blue Plusဆူၣ်ချ့တၢ်တိာ်ကျဲၤ ပှာ်ဘျးစဲန့ၣ်လီၤ.
တၢ်ဆါအပနီၣ်လၢအကဘၣ်တၢ်ပာ်ဖျါတဖၣ်န့ၣ်ကမ့ၢ်၀ဲ လၢအတနး မ့တမ့ၢ် နးမးန့ၣ်လီၤ. နမ့ၢ်ပာ်သူၣ်ပာ်သးတၢ်ဆါအပနီၣ်တဖၣ်အံၤဒီး မ့ၢ်ယံာ်၀ဲအစှၤကတၢၢ်ခံနွံဒီး, နကြၢးထံၣ်ဆူၣ်ချ့တၢ်ကွၢ်ထွဲကသံၣ်သရၣ်ဒ်သိးကဃုသ့ၣ်ညါ တၢ်န့ၣ်မ့ၢ်တၢ်သးဟးဂီၤဧၣ်န့ၣ်လီၤ.
ကျဲအကျိၤအကွာ်ညီနုၢ်တဖၣ်လၢ တၢ်ကူစါယါဘျါတၢ်သးဟးဂီၤတဖၣ်န့ၣ် မ့ၢ်၀ဲတၢ်ကူစါယါဘျါလၢကသံၣ်ကသီတဖၣ် ဒီး/မ့တမ့ၢ် တၢ်ဟ့ၣ်ကူၣ်တဲသကိးတၢ်န့ၣ်လီၤ. နထံၣ်လိာ်သးဒီးနဟံၣ်ဖိဃီဖိကသံၣ်သရၣ် မ့တမ့ၢ် ဃုထံၣ်တၢ်ဟ့ၣ်ကူၣ်တဲသကိးလၢ:
သဲးစးတၢ်ဂ့ၢ်အါတက့ၢ်န့ၣ်ဘၣ်တၢ်ကူစါယါဘျါအီၤသ့လၢ နဟံၣ်ဖိဃီဖိကသံၣ်သရၣ်န့ၣ်လီၤ. အ၀ဲ(ပိာ်ခွါ) မ့တမ့ၢ် အ၀ဲ(ပိာ်မုၣ်) န့ၣ်ဟ့ၣ်နၤကသံၣ်ကသီသ့၀ဲစ့ၢ်ကီးန့ၣ်လီၤ. တၢ်အဂုၤအဂၤတဖၣ်လၢနမၤသ့လၢကရဲၣ်ကျဲၤတၢ်သးဟးဂီၤအဂီၢ်န့ၣ်ပၣ်ဃုာ်ဒီး -
မ့ၢ်လၢတၢ်သးဟးဂီၤအကလုာ်ကလုာ် အိၣ်လီၤဆီလိာ်သးလၢ အလိၣ်ဘၣ်တၢ်ကူစါယါဘျါကျိၤကျဲလီၤဆီတဖၣ်အဃိ အကါဒိၣ်၀ဲလၢနကတၢၣ်ပီၣ်တဲသကိးတၢ်ဒီး နကသံၣ်သရၣ်ဘၣ်ဃး တၢ်ဆါပနီၣ်ခဲလၢာ်ခဲဆ့အဂ့ၢ်န့ၣ်လီၤ.
Blue Crossဒီး Blue Plusဆူၣ်ချ့တၢ်တိာ်ကျဲၤတဖၣ်ညီနုၢ်ပၣ်ဃုာ်ဝဲဒီးသးသ့ၣ်ညါတၢ်ဆူၣ်ချ့တၢ်ဟ့ၣ်မၤစၢၤတဖၣ်န့ၣ်လီၤ. တၢ်ဟ့ၣ်အဘူးအလဲန့ၣ်ကလီၤဆီလိာ်သးလၢ တၢ်တိာ်ကျဲၤတခါစုာ်စုာ်အဂီၢ်ဒီး လၢ ပှၤဆါလၢအထီၣ်ကူစါသးလၢတၢ်ဆါဟံၣ်အဂီၢ် မ့တမ့ၢ် ပှၤဆါလၢတၢ်ချၢ တၢ်ဟ့ၣ်မၤစၢၤအကျိၤအကွာ်တဖၣ်န့ၣ်လီၤ. တၢ်ဆဲးကျိးဆူတၢ်တိစၢၤမၤစၢၤလၢပှၤစူးကါတၢ်ဖိအဂီၢ်လၢနီၣ်ဂံၢ်လၢ အအိၣ်လၢနတၢ်ကွၢ်နီၣ်ကွၢ်ဃါခးက့အလီၢ်ခံန့ၣ်ကမ့ၢ်၀ဲအဂ့ၤကတၢၢ်ဒ်သိးကဒိးန့ၢ်တၢ်ဂ့ၢ်လီၤတံၢ်ဘၣ်ဃးဒီးနတၢ်တိာ်ကျဲလၢအမ့ၢ်သးသ့ၣ်ညါတၢ်ဆူၣ်ချ့အတၢ်ဘျုးတဖၣ်အဂီၢ်န့ၣ်လီၤ.
တၢ်တိာ်ကျဲၤအါတက့ၢ်န့ၣ်ပၣ်ဃုာ်ဒီးတၢ်ကူစါယါဘျါလၢကသံၣ်ကသီ ဒ်သိး ကကူစါယါဘျါတၢ်သးဟးဂီၤန့ၣ်လီၤ. သမံသမိးနကသံၣ်လၢကသံၣ်သရၣ်ဟ့ၣ်လီၤနၤအဘျူးတဖၣ်,ပာ်ဃုာ်ဒီးကသံၣ်မံၤကွဲးရဲၣ်လၢအဖိးသဲစး(စရီလၢ ကသံၣ်လၢအပၣ်ဃုာ်တဖၣ်),ဒ်သိးကမၤလီၤတံၢ်နတၢ်ဟ့ၣ်ကသံၣ်အလံာ်က့န့ၣ်ပၣ်ဃုာ်ခဲလၢာ်န့ၣ်လီၤ.
Blue Crossမ့တမ့ၢ် Blue Plusတၢ်တိာ်ကျဲၤတနီၤဟ့ၣ်၀ဲတၢ်ရဲၣ်တၢ်ကျဲၤတဖၣ်လၢအ့ထၢၣ်နဲးအဖီခိၣ်လၢအဘူးအလဲစှၤတၢ်ဃုထၢတဖၣ် ဒ်သိးကမၤစၢၤတၢ်ကူစါယါဘျါနတၢ်သးဟးဂီၤတၢ်ဆါအပနီၣ်တဖၣ်န့ၣ်လီၤ.
၀ံၤသးစူဆဲးကျိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ် လၢအအိၣ်လၢနတၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးကပာ်ဂၢၢ်ပာ်ကျၢၤတၢ်ဟ့ၣ်အဘူးအလဲအဂီၢ်န့ၣ်တက့ၢ်.
*တမ့ၢ်လၢတၢ်တိာ်ကျဲၤခဲလၢာ်ဟ့ၣ်၀ဲ မၤလိလၢကအိၣ်မူ(Learn to Live)မ့တမ့ၢ် ကသံၣ်သရၣ်လၢအလိၣ်ဘၣ်(Doctor On Demand)န့ၣ်လီၤ. ကရူၢ်ဖိတနီၤဘၣ်သ့ၣ်သ့ၣ်တအိၣ်ဒီးတၢ်လဲၤနုာ်လီၤအခွဲးဆူတၢ်ရဲၣ်တၢ်ကျဲၤအံၤအအိၣ်ဘၣ်န့ၣ်လီၤ. ၀ံသးစူၤဆဲးကျိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအအိၣ်လၢ Blue Cross တၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးနကဘၣ်ဖျါလီၤတံၢ်က့ၤ၀ဲ တၢ်ဟ့ၣ်အဘူးအလဲအဂီၢ်န့ၣ်လီၤ.