တၢ်သူၣ်ကိၢ်သးဂီၤန့ၣ် မ့ၢ်၀ဲသးသ့ၣ်ညါဆူၣ်ချ့တၢ်အိၣ်အသးညီနုၢ်တမံၤန့ၣ်လီၤ. ပှၤကညီ သူၣ်ကိၢ်သးဂီၤတၢ်ဒိၣ်မးဒီးပျံၤဘၣ် တၢ်အိၣ်မူမူဒါယိယိဖိန့ၣ်လီၤ. မၤလိဘၣ်ဃးတၢ်သူၣ်ကိၢ်သးဂီၤအပနီၣ်တဖၣ်, အကလုာ်တဖၣ် ဒီးတၢ်ကူစါန့ၣ်တက့ၢ်.
သးကနိးတၢ်တဘျီတခီၣ်န့ၣ် ညီနုၢ်၀ဲလီၤ. တၢ်ပလၢၢ်တဖၣ်မ့ၢ်ကဲထီၣ်ဒီးနၤထီဘိ ဒီးမၤကီမၤခဲတၢ်လၢနတၢ်မၤလီၢ်, ကၠိ မ့တမ့ၢ် တၢ်ဒီဘူးဒီတံၢ်တဖၣ်န့ၣ် ဖျါလၢတၢ်ဆၢကတီၢ်တုၤ လၢတဲတၢ်ဒီးဆူၣ်ချ့တၢ်ကွၢ်ထွဲပှၤစဲၣ်နီၤတဂၤ ဘၣ်ဃးတၢ်သူၣ်ကိၢ်သးဂီၤန့ၣ်လီၤ. နဃုထံၣ်န့ၢ် ဆူၣ်ချ့တၢ်ကွၢ်ထွဲပှၤစဲၣ်နီၤတဂၤလၢ အကူစါယါဘျါတၢ်သူၣ်ကိၢ်သးဂီၤသ့လီၤဆီဒီး အိၣ်လၢန Blue Cross ဒီး Blue Plus ဆူၣ်ချ့တၢ်တိာ်ကျဲၤဘျးစဲပူၤ ခီဖျိတၢ်စူးကါပ ဃုဒိးန့ၢ်ကသံၣ်သရၣ်တဂၤ ပီးလီသ့၀ဲလီၤ.
တၢ်ဆါအပနီၣ်တဖၣ်န့ၣ် ကနး၀ဲ, စၢ်၀ဲ မ့တမ့ၢ် တမုာ်တနီၢ်ဘၣ်န့ၣ်လီၤ. ကွၢ်ထံနဲ လၢတၢ်ပနီၣ်သ့ၣ်တဖၣ်အံၤအကျါတမံၤမ့တမ့ၢ် အါန့ၣ်တမံၤ:
သးဂဲၤလၢအဆူၣ်
နီၢ်ခိနီၢ်ကစၢ်
တၢ်သူၣ်ကိၢ်သးဂီၤ မ့တမ့ၢ် တၢ်ပျံၤတၢ်ဖုးအါတလၢတၢ်မၤဒၢၣ်မၤဆူၣ်န့ၣ် ဟဲကဲထီၣ်သတူၢ်ကလာ်န့ၣ်လီၤ. တၢ်မၤဒၢၣ်မၤဆူၣ်န့ၣ်ကနး၀ဲဒိၣ်မး တုၤ ပှၤအါဂၤဆိကမိၣ်၀ဲလၢအ၀ဲသ့ၣ်အိၣ်ဒီး သးစံၣ်အိၣ်ပတုာ်သတူၢ်ကလာ်န့ၣ်လီၤ. ဖဲတၢ်မၤဒၢၣ်မၤဆူၣ်အကတီၢ်န့ၣ်, ဘၣ်ဃးဒီးနီၢ်ခိနီၢ်ကစၢ်ဒီးသးတၢ်ဆါအပနီၣ်တဖၣ်ကကဲထီၣ်၀ဲ:
တၢ်သူၣ်ကိၢ်သးဂီၤတၢ်ဆါပနီၣ်တဖၣ်န့ၣ် ညီ၀ဲလၢကကူစါယါဘျါအဂီၢ်န့ၣ်လီၤ. တၢ်ဟ့ၣ်ကူၣ်တဲသကိးတၢ်ဒီး ကသံၣ်ကသီန့ၣ် မ့ၢ်၀ဲကျဲညီနုၢ် လၢကကူစါတၢ်သူၣ်ကိၢ်သးဂီၤအဂီၢ်န့ၣ်လီၤ. နဃုထံၣ်တၢ်ကူစါယါဘျါသ့၀ဲလၢ:
နီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ် တၢၣ်ပီၣ်တၢၣ်ပီဘၣ်ဃးနတၢ်ဆါပနီၣ်တဖၣ် ဒီးဟ့ၣ်၀ဲကသံၣ်ကသီသ့စ့ၢ်ကီးန့ၣ်လီၤ. တၢ်ပၢဆှၢရဲၣ်ကျဲၤသးတၢ်ဃၢတၢ်စံာ်, တၢ်ကွၢ်ထံဆိကမိၣ်တၢ်ဒိၣ်ဒိၣ်ယိာ်ယိာ် ဒီးဆီၣ်ထွဲမၤစၢၤကရူၢ်တဖၣ်န့ၣ် မၤစၢၤပၢဆှၢရဲၣ်ကျဲၤတၢ်သူၣ်ကိၢ်သးဂီၤတၢ်ဆါအပနီၣ်တဖၣ်သ့စ့ၢ်ကီးလီၤ.
တၢ်သူၣ်ကိၢ်သးဂီၤအကလုာ်ကလုာ် အိၣ်လီၤဆီလိာ်သးလၢ အလိၣ်ဘၣ်တၢ်ကူစါယါဘျါကျိၤကျဲလီၤဆီတဖၣ်အဃိ အကါဒိၣ်၀ဲလၢနကတၢၣ်ပီၣ်တဲသကိးတၢ်ဒီး နကသံၣ်သရၣ်ဘၣ်ဃး တၢ်ဆါပနီၣ်ခဲလၢာ်ခဲဆ့အဂ့ၢ်န့ၣ်လီၤ.
Blue Crossဒီး Blue Plusဆူၣ်ချ့တၢ်တိာ်ကျဲၤတဖၣ်ညီနုၢ်ပၣ်ဃုာ်ဝဲဒီးသးသ့ၣ်ညါတၢ်ဆူၣ်ချ့တၢ်ဟ့ၣ်မၤစၢၤတဖၣ်န့ၣ်လီၤ. တၢ်ဘူးတၢ်လဲလၢတၢ်တိာ်ကျဲၤဟ့ၣ်အီၤတခါစုာ်စုာ် လီၤဆီလိာ်အသး ဒီးဒိးသန့ၤလၢ ပှၤဆါထီၣ်ကူစါသးလၢတၢ်ဆါဟံၣ်ပူၤဧါ ဒိးန့ၢ်တၢ်ကူစါလၢတၢ်ဆါဟံၣ်အချၢဧါအဖီခိၣ်န့ၣ်လီၤ. တၢ်ဆဲးကျိး ပှၤစူးကါတၢ်တိစၢၤမၤစၢၤအလီကျိၤ လၢနတၢ်ကွၢ်နီၣ်ကွၢ်ဃါခးက့အလီၢ်ခံန့ၣ် မ့ၢ်ကျဲအဂ့ၤကတၢၢ် လၢနကဒိးန့ၢ်တၢ်ဂ့ၢ်လီၤတံၢ် ဘၣ်ဃးဒီးနတၢ်တိာ်ကျဲၤတၢ်န့ၢ်ဘျုးတဖၣ်အဂီၢ်န့ၣ်လီၤ.
ဆူၣ်ချ့တၢ်တိာ်ကျဲၤတဖၣ် ညီနုၢ်ကျၢၢ်ဘၢကသံၣ်လၢကကူစါ တၢ်သူၣ်ကိၢ်သးဂီၤအဂီၢ်န့ၣ်လီၤ. သမံသမိးနကသံၣ်လၢကသံၣ်သရၣ်ဟ့ၣ်လီၤနၤအဘျူးတဖၣ်,ပာ်ဃုာ်ဒီးကသံၣ်မံၤကွဲးရဲၣ်လၢအဖိးသဲစး(စရီလၢ ကသံၣ်လၢအပၣ်ဃုာ်တဖၣ်),ဒ်သိးကမၤလီၤတံၢ်နတၢ်ဟ့ၣ်ကသံၣ်အလံာ်က့န့ၣ်ပၣ်ဃုာ်ခဲလၢာ်န့ၣ်လီၤ.
Blue Cross မ့တမ့ၢ် Blue Plus တၢ်တိာ်ကျဲၤတနီၤ ဟ့ၣ်ထီၣ်တၢ်ရဲၣ်တၢ်ကျဲၤတဖၣ် လၢအ့ထၢၣ်နဲးအဖီခိၣ်လၢအပှ့ၤစၢ်စၢ်ဖိ ဒ်သိးကကူစါစၢၤ နတၢ်သူၣ်ကိၢ်သးဂီၤတၢ်ဆါအပနီၣ်တဖၣ်အဂီၢ်န့ၣ်လီၤ.
၀ံၤသးစူဆဲးကျိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ် လၢအအိၣ်လၢနတၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးကပာ်ဂၢၢ်ပာ်ကျၢၤတၢ်ဟ့ၣ်အဘူးအလဲအဂီၢ်န့ၣ်တက့ၢ်.
*တမ့ၢ်လၢတၢ်တိာ်ကျဲၤခဲလၢာ်ဟ့ၣ်၀ဲ မၤလိလၢကအိၣ်မူ(Learn to Live)မ့တမ့ၢ် ကသံၣ်သရၣ်လၢအလိၣ်ဘၣ်(Doctor On Demand)န့ၣ်လီၤ. ကရူၢ်ဖိတနီၤဘၣ်သ့ၣ်သ့ၣ်တအိၣ်ဒီးတၢ်လဲၤနုာ်လီၤအခွဲးဆူတၢ်ရဲၣ်တၢ်ကျဲၤအံၤအအိၣ်ဘၣ်န့ၣ်လီၤ. ၀ံသးစူၤဆဲးကျိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ်အလီတဲစိနီၢ်ဂံၢ်လၢအအိၣ်လၢ Blue Cross တၢ်ကွၢ်နီၣ်ကွၢ်ဃါခးက့အလီၢ်ခံ ဒ်သိးနကဘၣ်ဖျါလီၤတံၢ်က့ၤ၀ဲ တၢ်ဟ့ၣ်အဘူးအလဲအဂီၢ်န့ၣ်လီၤ.