ပဝဲကိးဂၤဒဲးပလိၣ်ဘၣ်ဆူၣ်ချ့တၢ်ကွၢ်ထွဲတၢ်ဖံးတၢ်မၤကျိၤကွာ်လၢအဖံးမၤတၢ်အဂ့ၤကတၢၢ်န့ၣ်လီၤ.
လၢတၢ်ဟ့ၣ်တၢ်တိစၢၤမၤစၢၤပဝဲကရူၢ်ဖိတဖၣ်ဒီးမၤဂ့ၤထီၣ်ပတၢ်မၤလၢတဟံးန့ၢ်တၢ်န့ၢ်ဘျုးအဂီၢ်န့ၣ်, Blue Cross ကတိၤခဲးတၢ်ဘၣ်ဃးကမျၢၢ်သနူတၢ်ဘျၢတဖၣ်ဒ်သိးကမၤ လီၤတံၢ်တၢ်ဒိးန့ၢ်ဘၣ်ဆူၣ်ချ့တၢ်ကွၢ်ထွဲလၢအပှ့ၤကြၢးဒီးအကံၢ်စီဂ့ၤဝဲလၢပကရူၢ်ဖိဒီးအပှၤတဝၢတဖၣ်အဂီၢ်န့ၣ်လီၤ. ပအဲၣ်ဒိးလၢပှၤကိးဂၤကဒိးန့ၢ်ဘၣ်တၢ်ဃုထၢအဂ့ၤကတၢၢ်ဒီးအပှ့ၤလၢအကြၢး,လၢအဘၣ်ထွဲဒီးတၢ်ဟ့ၣ်အဘူးအလဲဒ်သိးအဝဲသ့ၣ်ကဒိးန့ၢ်ဘၣ်တၢ်ကွၢ်ထွဲလၢအလိၣ်ဘၣ်သ့ၣ်တဖၣ်အဂီၢ်န့ၣ်လီၤ.
Blue Cross မ့ၢ်တၢ်အခိၣ်လၢညါဘၣ်ဃးဆူၣ်ချ့တၢ်ဆီတလဲမၤဂ့ၤထီၣ်ဒီးတၢ်ဒီသဒၢအတၢ်ဂုၢ်ကျဲးစၢၤတဖၣ်လၢကီၢ်စဲၣ်ဒီးဖဲဒရၢၣ်အပတီၢ်တဖၣ်န့ၣ်လီၤ. ပဒုးနဲၣ်ဖျါတ့ၢ်လံတၢ်အၢၣ်လီၤအံၤခီဖျိတၢ်မၤသကိးဒီးကရူၢ်ကရၢဘၣ်ထွဲတဖၣ် လၢတၢ်မၤဂ့ၤထီၣ်သနူတၢ်ဘျၢလၢအကဲဘျုးလၢ ပှၤမဲာ်နံးစိထၣ်ကီၢ်ရ့ၣ်ဖိတဖၣ်အဂီၢ်—ဒီးတမ့ၢ်ထဲဒၣ်ပကရူၢ်ဖိတဖၣ်အဂီၢ်ဘၣ်န့ၣ်လီၤ.
သနူတၢ်ဘျၢအဂ့ၢ်နီၢ်နီၢ်ဒီးတၢ်နၢ်ပၢၢ်လီၤတံၢ်လီၤဆဲး
နတၢ်အုၣ်ကီၤအဘူးအလဲလဲၤတုၤဆူလဲၣ်.
Blue Cross မ့ၢ်ကရၢလၢတဃုတၢ်န့ၢ်ဘျုးဘၣ်,ဒီးအခီပညီမ့ၢ်ဝဲပတၢ်အိၣ်ယၢၤတဖၣ်န့ၣ်, ပစူးကါအီၤလၢပကရူၢ်ဖိတဖၣ်အဂီၢ်ဒီးတမ့ၢ်လၢကရၢအပှၤမၤသကိးတၢ်ဘျၢလီၤရှဲၣ်ယၣ်တဖၣ်အဂီၢ်ဘၣ်. ပဝဲတၢ်ပၢတၢ်ဆှၢအဘူးအလဲလၢအစှၤအခီပညီမ့ၢ်ဝဲဒၣ် တၢ်အုၣ်ကီၤအဘူးအလဲခဲလၢာ်စ့ဒီလၣ်90စဲ(ထ) တဖၣ်လဲၤတုၤဝဲဒၣ်ဆူတၢ်ဟ့ၣ်တၢ်အဘူးအလဲလၢတၢ်ကွၢ်ထွဲအဂီၢ်န့ၣ်လီၤ. ဆူၣ်ချ့တၢ်ကွၢ်ထွဲဒီးကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဘူးအလဲဒိၣ်ထီၣ်,ဒီးတၢ်စူးကါတၢ်တိစၢၤမၤစၢၤတဖၣ်အါထီၣ်အဃိ ဆူၣ်ချ့တၢ်ကွၢ်ထွဲတဖၣ်အပှ့ၤဒိၣ်ထီၣ်လၢပှၤမဲာ်နံးစိထၣ်တဖၣ်ဂီၢ်န့ၣ်လီၤ. ဖဲအံၤန့ၣ်မ့ၢ်တၢ်ပာ်ဖျါဝဲတၢ်အုၣ်ကီၤအဘူးအလဲဘၣ်တၢ်နီၤဖးအီၤလၢစ့ဒီလၣ်တဖၣ်န့ၣ်လီၤ -
တၢ်ဖံးတၢ်မၤဂ့ၢ်ဝီတၢ်ပာ်ဖျါတဖၣ်
တၢ်သိၣ်တၢ်ဘျၢဘၣ်ဃးတၢ်ကွၢ်ထွဲလၢအိၣ်ဒီးအပှ့ၤလၢအကြၢး
ဖဲတၢ်သိၣ်တၢ်ဘျၢဘၣ်ဃးတၢ်ကွၢ်ထွဲလၢအိၣ်ဒီးအပှ့ၤလၢအကြၢးန့ၣ်, ပှၤကီၢ်အမဲရကၤဖိအါဂၤလၢအပူၤကွံာ်တအိၣ်ဒီးတၢ်အုၣ်ကီၤတဖၣ်, ဒိးန့ၢ်ဘၣ်ဆူၣ်ချ့တၢ်အုၣ်ကီၤန့ၣ်လီၤ. တၢ်အပှ့ၤတဖၣ်ဒိၣ်ထီၣ်,လီၤဆီဒၣ်တၢ်လၢပှၤတဂၤဒၣ်ဝဲပနံာ်တၢ်ကၤန့ၣ်,အလီၢ်အိၣ်ဝဲဒၣ်လၢပကဘၣ်ကွၢ်ဃုကျိၤကျဲလၢတၢ်မၤဂ့ၤထီၣ်သဲစးလၢအတဒုးလီၤမၢ်ကွံာ်ဝဲ,တၢ်ဒိးန့ၢ်ဘၣ်တၢ်ဟ့ၣ်အဘူးအလဲန့ၣ်လီၤ. တၢ်ဆီတလဲတဖၣ်လၢတၢ်သိၣ်တၢ်ဘျၢဘၣ်ဃးတၢ်ကွၢ်ထွဲလၢအိၣ်ဒီးအပှ့ၤအကြၢးန့ၣ်, ကဘၣ်ဟ့ၣ်ထီၣ်တကီၢ်ခါတၢ်ဂၢၢ်တၢ်ကျၢၤလၢပှၤတဂၤဒၣ်ဝဲပနံာ်တၢ်ကၤ,ကျိၣ်စ့တၢ်ဆီၣ်ထွဲလၢဟံၣ်ဖိဃီဖိလၢအတၢ်ဟဲနုာ်စှၤဒီးအိၣ်ဖဲအကြၢးတဖၣ်လၢတၢ်ကဘၣ်ပှ့ၤတၢ်ဟ့ၣ်အဘူးအလဲတၢ်အုၣ်ကီၤလၢအကစၢ်ဒၣ်ဝဲ,ဃုာ်ဒီးဖဲဒရၢၣ်တၢ်ဆီၣ်ထွဲလၢ Medicaid အဂီၢ်န့ၣ်လီၤ. လၢတၢ်န့ၣ်အမဲာ်ညါ,တၢ်ဆီတလဲတမံၤလၢ်လၢ်န့ၣ်ကဘၣ်မၤလီၤတံၢ်ဝဲတၢ်ချုးဆၢချုးကတီၢ်လၢတၢ်မၤကဆီတလဲဝဲဒၣ်တၢ်ဖံးတၢ်မၤကျိၤကွာ်အသီအဂီၢ်န့ၣ်လီၤ. လၢခံကတၢၢ်,တၢ်လဲလိာ်ဆီတလဲအတၢ်မၤနၢၤလၢအအိၣ်ကၢအိၣ်ခိးန့ၣ်ဒိးသန့ၤထီၣ်သးလၢတၢ်ဘှါရှဲဝဲဒၣ်ဆူၣ်ချ့တၢ်ကွၢ်ထွဲအဘူးအလဲအိၣ်ပာ်စၢၤတဖၣ်, လၢအဒိးသန့ၤသးဒီးတၢ်ပာ်ဖှိၣ်မၤသကိးတၢ်လၢကရူၢ်ကရၢပၣ်ဃုာ်ဘၣ်ထွဲလိာ်သးလၢ ဆူၣ်ချ့တၢ်ကွၢ်ထွဲအတၢ်ဖံးတၢ်မၤကျိၤကွာ်ပူၤတဖၣ်န့ၣ်လီၤ.
ပှၤတဂၤဒၣ်ဝဲပနံာ်တၢ်ကၤ
တၢ်ဒိးန့ၢ်ဘၣ်ဆူၣ်ချ့တၢ်အုၣ်ကီၤလၢအပှ့ၤအကြၢးအဘၣ်န့ၣ်,မ့ၢ်ပှၤကိးဂၤအတၢ်ဘၣ်သးလီၤ. သနာ်က့,တၢ်ဆဲးနုာ်လီၤမံၤဘၣ်ဃးပှၤတဂၤဒၣ်ဝဲပနံာ်တၢ်ကၤမ့ၢ်စှၤဝဲဒၣ်,ဒီးဆူၣ်ချ့တၢ်ကွၢ်ထွဲအဘူးအလဲတဖၣ်မ့ၢ်ဒိၣ်ထီၣ်န့ၣ်, တၢ်အုၣ်ကီၤအဘူးအလဲအပှ့ၤအါထီၣ်ဝဲဒၣ်န့ၣ်လီၤ. ဂ့ၢ်ဂီၢ်အူတၢ်မၤဆံးလီၤတၢ်ကီတၢ်ခဲလၢတၢ်အုၣ်ကီၤတဆီအကျိၤအကျဲ,တၢ်မၤစှၤလီၤတၢ်ခိတၢ်သွဲကဒွဲဒီးတၢ်နီၤလီၤတၢ်ဟ့ၣ်အဘူးအလဲတဖၣ်န့ၣ်လိၣ်ဝဲလၢအဆိအချ့ဒ်သိးကဟ့ၣ်တၢ်အိၣ်ကၢအိၣ်ခိးလၢပနံာ်တၢ်မၤတခါအံၤအဂီၢ်န့ၣ်လီၤ.
Medicaid
ပဆီၣ်ထွဲမၤစၢၤကံၢ်စီပတီၢ်—အဂ့ၤ, တၢ်ဒိးန့ၢ်ဘၣ်အပှ့ၤလၢအကြၢးဒီးလၢကျိၣ်စ့တၢ်အိၣ်ကၢအိၣ်ခိးဆူၣ်ချ့တၢ်ကွၢ်ထွဲအတၢ်ရဲၣ်တၢ်ကျဲၤတဖၣ်လၢပှၤမဲာ်နံးစိထၣ်တဖၣ်လၢအဒိးန့ၢ်ဘၣ်ဝဲပနံာ်တၢ်ကၤတၢ်ဟ့ၣ်အဘူးအလဲတန့ၢ်တဖၣ်အဂီၢ်န့ၣ်လီၤ. ကီၢ်စၢဖှိၣ်ပဒိၣ်ကြၢးဟ့ၣ်စ့ဆီၣ်ထွဲလၢလၢပှဲၤပှဲၤလၢ Medicaid အဂီၢ်, ဒ်သိးကမ့ၢ်တၢ်ပူၤဖျဲး—ပှာ်ယဲၤလၢတၢ်စူးကါဘၣ်ခီဖျိပှၤလၢအဘၣ်ဒိးသန့ၤထီၣ်တၢ်ရဲၣ်တၢ်ကျဲၤအံၤအဂီၢ်န့ၣ်လီၤ
တၢ်ဘျၢလီၤပာ်လီၤလၢဆူၣ်ချ့အဂီၢ်
Blue Cross အိၣ်ဒီးတၢ်စံၣ်စိၤယံာ်မးလံလၢအဖံးတၢ်မၤတၢ်ဘၣ်ဃးတၢ်ဒီသဒၢပှၤမဲာ်နံးစိထၣ်အတၢ်အိၣ်ဆူၣ်အိၣ်ချ့ခီဖျိဆီၣ်ထွဲဝဲဒၣ်ဟံၣ်ပူၤကလံၤကဆှီဒီးတၢ်မၤလီၤစှၤတၢ်ဘၣ်ထွဲဒီးညါသူးအတၢ်ဖိတၢ်လံၤတဖၣ်,ဒီးကတိၤခဲးတၢ်လၢသနူတၢ်ဘျၢလၢအဆီၣ်ထွဲတၢ်အီၣ်တၢ်လၢအန့ၢ်ဂံၢ်န့ၢ်ဘါ,ဒီးတၢ်မၤဂ့ၤထီၣ်နီၢ်ခိတၢ်ဟူးတၢ်ဂဲၤန့ၣ်လီၤ.
သန့ပီးလီလီၤဆီတဖၣ်
တၢ်ဂ့ၢ်အခိၣ်သ့ၣ်တဖၣ် -
- တၢ်ဂ့ၢ်တၢ်ကျိၤတၢ်လဲလိာ်မၤသးတဖၣ်ဒုးနဲၣ်ဖျါဝဲတၢ်ခွဲးတၢ်ယာ်လၢကမၤအါထီၣ်တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်ဒ်သိးကမၤဂ့ၤထီၣ်ပှၤစူးကါတၢ်ဖိအတၢ်လဲၤခီဖျိဒီးတၢ်အစၢလၢဟဲအိၣ်ထီၣ်လၢ COVID-19 တၢ်ဆါသတြိာ်န့ၣ်လီၤ.
- တၢ်ဃုထံၣ်န့ၢ်အစၢကဘၣ်မ့ၢ်တၢ်မၤဂ့ၤထီၣ်တၢ်ဒိးန့ၢ်ဘၣ်တၢ်သ့ဖဲလၢတၢ်ထိၣ်ဃူကံၢ်စီဒီးတၢ်အပှ့ၤအကြၢးအဘၣ်လၢပပှၤပှ့ၤစူးကါတၢ်ဖိအဂီၢ်,အိၣ်စ့ၢ်ကီးဒီးတၢ်မၤဘၣ်လိာ်ဆီတလဲညီလၢစဲအ့ၣ်တၢ်ကူၣ်သ့တၢ်ဆီတလဲချ့သဒံးအပူၤဃုာ်ဒီးတၢ်ဟ့ၣ်အဘူးအလဲတၢ်ဃုထၢတဖၣ်န့ၣ်လီၤ.
တၢ်ဂ့ၢ်အခိၣ်သ့ၣ်တဖၣ် -
- တၢ်လိၣ်ဘၣ်ဝဲပှၤဆဲးလီၤမံၤအနီၣ်ဂံၢ်လၢလၢပှဲၤပှဲၤဒ်သိးတၢ်ဂၢၢ်ကျၢၤကအိၣ်ဒီးလၢတၢ်ဃ့ထီၣ်တၢ်အဘူးအလဲလၢနတယာ်ဆိအီၤန့ၢ်တဖၣ်အဂီၢ်န့ၣ်လီၤ.
- တၢ်ဒီသဒၢပှၤတဂၤစုာ်စုာ်လၢအတၢ်ဆူးတၢ်ဆါအိၣ်ပာ်စၢၤတဖၣ်န့ၣ်အလီၢ်အိၣ်လၢတၢ်ကမၤလၢပှဲၤခီဖျိတၢ်ရဲၣ်တၢ်ကျဲၤလၢအထုးန့ၢ်ပှၤလၢအတၢ်အိၣ်ဆူၣ်အိၣ်ချ့ဂ့ၤဒ်သိးကမၤဘၣ်လိာ်တၢ်ရဲၣ်ကျဲၤဘၣ်က့ၤတၢ်ဘၣ်ယိၣ်တဖၣ်န့ၣ်လီၤ.
တၢ်ဂ့ၢ်အခိၣ်သ့ၣ်တဖၣ် -
- Silverတၢ်တိာ်ကျဲၤတဖၣ်ကအါထီၣ်ဝဲဒၣ် 19 မျးကယၤဃၣ်ဃၣ်လၢတၢ်ဟ့ၣ်ကဒါက့ ၤCSR အဘူးအလဲလၢတၢ်ထုးကွံာ်ဝဲတဖၣ်အဂီၢ်န့ၣ်လီၤ.
- ဖဲလၢကီၢ်စၢဖှိၣ်ပဒိၣ်မၤစှၤလီၤကျိၣ်စ့ခီဖျိတမၤန့ၢ် CSR တၢ်ဟ့ၣ်အဘူးအလဲအဃိ,တၢ်လၢာ်ဘူၣ်လၢာ်စ့လၢတၢ်ဟ့ၣ်ခိသွဲအဂီၢ်ကအါထီၣ်န့ၣ်လီၤ.