ဆူၣ်ချ့တၢ်အုၣ်ကီၤအပှ့ၤဒီး တၢ်ဘူးတၢ်လဲ

ကွၢ်တၢ်တိာ်ကျဲၤတဖၣ်ဒီးထံၣ်န့ၢ်တၢ်အပှ့ၤ

လံၣ်ပာ်ဖျါဆူၣ်ချ့တၢ်အုၣ်ကီၤအပှ့ၤန့ၣ် ပၣ်ဃုာ်ဒီးတၢ်မနုၤလဲၣ်.

ဆူၣ်ချ့တၢ်အုၣ်ကီၤတၢ်တဲဘၣ်တၢ်အပှ့ၤန့ၣ် မ့ၢ်ဝဲဆူၣ်ချ့တၢ်အုၣ်ကီၤအဘူးအလဲလၢနဘၣ်ဟ့ၣ်အီၤ တလါဘၣ်တလါန့ၣ်လီၤ. အဝဲအံၤဘၣ်တၢ်သ့ၣ်ညါအီၤဒ်တၢ်အုၣ်ကီၤအဘူးအလဲတလါဘၣ်တလါလီၤ. တၢ်အပှ့ၤန့ၣ်ဒိးသန့ၤထီၣ်သးလၢ:

• တၢ်အုၣ်ကီၤန့ၣ်မ့ၢ်ထဲလၢနၤတဂၤ မ့တမ့ၢ် နၤဒီးနဟံၣ်ဖိဃီဖိ(ဟံၣ်ဖိဃီဖိတၢ်တိာ်ကျဲၤအဘူးအလဲတလါဘၣ်တလါကအါဒိၣ်ဝဲလီၤ)
• တၢ်ဟ့ၣ်ဆိအဘူးအလဲ (တၢ်တိာ်ကျဲၤ အိၣ်ဒီး တၢ်ဟ့ၣ်ဆိအဘူးအလဲ အပတီၢ်ထီန့ၣ် အတၢ်ဘူးတၢ်လါတလါညၣ်တလါကစှၤန့ၢ်ဒံးတၢ်အုၣ်ကီၤအဂၤတဖၣ်လီၤ)
• တၢ်ဟ့ၣ်အဘူးအလဲတဖၣ်န့ၣ်(တၢ်အုၣ်ကီၤလၢအဟ့ၣ်နဘူးနလဲအါန့ၣ် အတၢ်ဘူးတၢ်လဲလၢတလါအဂီၢ်န့ၣ်ကအါန့ၢ်ဒံးတၢ်အုၣ်ကီၤလၢအဟ့ၣ်နဘူးနလဲစှၤဝဲလီၤ)
• တၢ်တိာ်ကျဲၤဘျးစဲ(တၢ်တိာ်ကျဲၤလၢအဘျးစဲဝဲဒီးပှၤဟ့ၣ်တၢ်ကွၢ်ထွဲဒိၣ်ဝဲတဖုန့ၣ် အတၢ်ဘူးတၢ်လဲလၢတလါအဂီၢ်န့ၣ် ကအါန့ၢ်ဒံးတၢ်တိာ်ကျဲၤဘျးစဲလၢအစှၤဒိၣ်တခါလီၤ)

ဆူၣ်ချ့တၢ်အုၣ်ကီၤကပၣ်ဃုာ်ဒီးတၢ်ဘူးတၢ်လဲအဂၤမနုၤတဖၣ်လဲၣ်.

ဆူၣ်ချ့တၢ်အုၣ်ကီၤအပှ့ၤန့ၣ် ပၣ်ဃုာ်ဒီးတၢ်အုၣ်ကီၤအဘူးအလဲလၢနဘၣ်ဟ့ၣ်တလါဘၣ်တလါ ဒီးတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် ဖဲနဒိးန့ၢ်ဘၣ်ဆူၣ်ချ့တၢ်ကွၢ်ထွဲအခါန့ၣ်လီၤ. တၢ်အပှ့ၤအံၤ ကပၣ်ဃုာ်ဒီး တၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤဒီးတၢ်အုၣ်ကီၤဟ့ၣ်သဃဲၤလီၤ. တၢ်ဟ့ၣ်ဆိအဘူးအလဲန့ၣ် မ့ၢ်ဝဲတၢ်ဘူးတၢ်လဲလၢနဘၣ်ဟ့ၣ်ဆိအီၤ တချုးနတၢ်အုၣ်ကီၤဟ့ၣ်တၢ်ဒံးဘၣ်လီၤ. တၢ်ဟ့ၣ်သဃဲၤ ဒီးတၢ်အုၣ်ကီၤဟ့ၣ်သဃဲၤ မ့ၢ်ဝဲတၢ်ကွၢ်ထွဲဘျးစဲဝဲဒီးနတၢ်တိာ်ကျဲၤပူၤအပှ့ၤတဖၣ်န့ၣ်လီၤ.

တၢ်အုၣ်ကီၤအဘူးအလဲလၢနဘၣ်ဟ့ၣ်အီၤတလါဘၣ်တလါန့ၣ်ဘၣ်တၢ်ပာ်ပနီၣ်အီၤတနံၣ်တဘျီလီၤ. တၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် န့ၣ် လီၤဆီလိာ်အသး,ဒီးဒိးသန့ၤထီၣ်သးလၢတၢ်တိာ်ကျဲၤလၢနဃုထၢအီၤဒီးဆူၣ်ချ့တၢ်ကွၢ်ထွဲလၢနဒိးန့ၢ်ဘၣ်အီၤအဖီခိၣ်န့ၣ်လီၤ.

ယဃုထၢပာ်ဆူၣ်ချ့တၢ်တိာ်ကျဲၤ ကသ့ဒ်လဲၣ်.

Blue Plus ဟ့ၣ်တၢ်တိာ်ကျဲၤသၢမံၤလၢ နီၢ်တဂၤဘၣ်တဂၤ ဒီး ဟ့ၣ်ဖိဃီဖိတဖၣ်အဂီၢ်- တၢ်တိာ်ကျဲၤအံၤဒိးသန့ၤထီၣ်သးလၢနအိၣ်လၢ Minnesota တၢ်လီၢ်ဖဲလဲၣ်န့ၣ်လီၤ. ဃုသ့ၣ်ညါအါထီၣ်လၢတၢ်ဃုထၢသ့ၣ်တဖၣ်အံၤအဂ့ၢ်တက့ၢ်.

ဖဲတၢ်ဆဲးလီၤမံၤအကတီၢ် မ့တမ့ၢ် တၢ်ဆဲးလီၤမံၤလီၤဆီအကတီၢ်မ့ၢ်အိးထီၣ်သးလၢနဂီၢ်မ့ၢ်ဂ့ၤန့ၣ်သူနီၣ်ဃုထၢထီၣ်တၢ်တိာ်ကျဲၤအပီးလီလၢက  ကွၢ်သတြီၤတၢ်တိာ်ကျဲၤတဖၣ်ဒီးထံၣ်န့ၢ်တၢ်အပှ့ၤအဂီၢ် န့ၣ်တက့ၢ်.

တၢ်အိၣ်သးလီၤဆီမ့ၢ်အိၣ်ဒီးနၤ လၢအမ့ၢ်ဝဲဒၣ် တၢ်ဆီဟံၣ်ဆီဃီ, ဖိအိၣ်အိၣ်ဖျဲၣ်သီ, တၢ်မၤလီၤမၢ်အဃိန့ၣ် ညီနုၢ်နပတံထီၣ်ဆူၣ်ချ့တၢ်ကွၢ်ထွဲတၢ်အုၣ်ကီၤအတၢ်ဟ့ၣ်အဘူးအလဲ လၢ 60 သီအတီၢ်ပူၤဖဲတၢ်ကဲထီၣ်သးဝံၤအတီၢ်ပူၤသ့၀ဲန့ၣ်လီၤ. ကွၢ်ကဒါက့ၤတၢ်ဂ့ၢ်တၢ်ကျိၤဘၣ်ဃးတၢ်ဆီတလဲတဖၣ်လၢနတၢ်အိၣ်ပူၤလီၤတံၢ်လီၤစဲးဒ်ကနၢ်ပၢၢ်နတၢ်အကြၢးအဘၣ်ဖဲနလိၣ်ပတံထီၣ်တၢ်အခါန့ၣ်လီၤ.

နမ့ၢ်လိၣ်ဘၣ်တၢ်မၤစၢၤန့ၣ်,  ဆဲးကျိးပှၤခၢၣ်စးတဂၤတက့ၢ်.

ဃုသ့ၣ်ညါအါထီၣ်ဘၣ်ဃးဆူၣ်ချ့တၢ်အုၣ်ကီၤအဂ့ၢ်

ဆူၣ်ချ့တၢ်အုၣ်ကီၤခီဖျိနီၢ်ကစၢ်တၢ်မၤအဃိ
ဆူၣ်ချ့တၢ်အုၣ်ကီၤန့ၣ် မၤတၢ်ဒ်လဲၣ်
တၢ်ဃုထၢမဲအတၢ်တိာ်ကျဲၤတမံၤလၢကထၢနုာ်လီၤဆူနတၢ်အုၣ်ကီၤ