နကဆဲးဒိးန့ၢ်နတၢ်ဆူၣ်ချ့တၢ်အုၣ်ကီၤအတၢ်ဘူးတၢ်လဲဖဲ နနီၢ်ကစၢ်တၢ်မၤလီၢ်မ့ၢ်အိၣ် မ့တမ့ၢ် ပှၤမ့ၢ်ပှၤတၢၣ်ပီၣ်ဟ့ၣ်ကူၣ်တၢ်သဘျ့တဂၤ မ့တမ့ၢ် နမၤနီၢ်ကစၢ်တၢ်မၤလၢသဘျ့န့ၣ်ဒ်လဲၣ်. မၤထွဲတၢ်အုၣ်ကီၤအတၢ်ဟံးစုနဲၣ်ကျဲၤတဖၣ်အံၤဒ်သိးတၢ်ကမၤလီၤတံၢ်လၢနၤ ဒီးနဟံၣ်ဖိဃီဖိအဆူၣ်ချ့တၢ်အုၣ်ကီၤကအိၣ်အဂီၢ်န့ၣ်တက့ၢ်.
နတၢ်မၤလီၢ်န့ၣ်မ့ၢ်အိၣ်ထဲနၤတဂၤ:
ဃုထံၣ်န့ၢ် ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်
နပှၤမၤတၢ်ဖိမ့ၢ်အိၣ်တဂၤ မ့တမ့ၢ် ဆူဖီခိၣ်န့ၣ်:
ဃုထံၣ်န့ၢ်တၢ်တိာ်ကျဲၤလၢကရူၢ်ဆံးဆံးဖိတဖၣ်အဂီၢ်
ယကဘၣ်ဃုထၢ ဆူၣ်ချ့တၢ်တိာ်ကျဲၤ လၢ ပှၤတဂၤစုာ်စုာ်အဂီၢ် မ့တမ့ၢ် ကရူၢ်ဆံးဆံးဖိအဂီၢ်လဲၣ်.
ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်န့ၣ် ဟ့ၣ်တၢ်ဟ့ၣ်တၢ်ဘူးတၢ်လဲလၢနၤမ့တမ့ၢ်နဟံၣ်ဖိဃီဖိအဂီၢ်န့ၣ်လီၤ. ပှၤတဂၤစုာ်စုာ်/ဟံၣ်ဖိဃီဖိဆူၣ်ချ့တၢ်အုၣ်ကီၤအတၢ်တိာ်ကျဲၤဘၣ်ဝဲလၢနဂီၢ်ဖဲနတၢ်အိၣ်သးသ့ၣ်တဖၣ်မ့ၢ်အိၣ်ဒ်အံၤ:
- နတၢ်မၤလီၢ်န့ၣ်မ့ၢ်အိၣ်ထဲနၤတဂၤ, နပၢဘၣ် မ့တမ့ၢ် ပၢသကိးဘၣ်တၢ်မၤစံးစံးဖိတခါ ဒီး
- နပှၤမၤတၢ်ဖိကြၢးဘၣ်ဒီးတၢ်အုၣ်ကီၤန့ၣ် တအိၣ်ဝဲဘၣ်
ဒ်သိးကကြၢးဘၣ်ဒီးကရူၢ်ဆံးဆံးဖိအပတီၢ်န့ၣ် ခီပနံၣ်ကလိၣ်ဘၣ်ပှၤမၤတၢ်ဖိကြၢးဝဲဘၣ်ဝဲလၢအစှၤကတၢၢ်တဂၤ လၢတပၣ်ဃုာ်ဒီး ပှၤမၤကစၢ်တၢ်မၤ, ပၢဘၣ် မ့တမ့ၢ်ပှၤန့ၢ်ခီပနံၣ်အတကူာ်တဂၤတသ့ဘၣ်န့ၣ်လီၤ. နမ့ၢ်ကြၢးဘၣ်ဒီးတၢ်န့ၢ်အခွဲးတၢ်သိၣ်တၢ်သီတဖၣ်လၢလာ်အံၤန့ၣ် ဆူၣ်ချ့တၢ်အုၣ်ကီၤလၢကရူၢ်ဆံးဆံးဖိအဂီၢ်ဒ်အမ့ၢ်ဝဲ:
- နခီပနံၣ်အလီၢ်ခၢၣ်သးအိၣ်သူၣ်ထီၣ်အသးလၢ Minnesota အပူၤဒီးနမၤတၢ်မၤဖဲန့ၣ်
- ပှၤမၤန့ၢ်နတၢ်မၤလၢကြၢးဝဲဘၣ်ဝဲအစှၤကတၢၢ်တဂၤ ဒီး ပှၤလၢအမၤတၢ်ဆၢကတီၢ်လၢပှဲၤစှၤန့ၢ် 51 ဂၤ(ပှၤမၤတၢ်ဖိတဂၤန့ၣ် ကဘၣ်မ့ၢ်ပှၤမၤတၢ်ဖိလၢအဖိးသဲစး မ့တမ့ၢ်ပှၤမၤသကိးတၢ်ဒီးနၤနီၢ်နီၤတဂၤ)
- ပှၤမၤတၢ်ဖိကြၢးဝဲဘၣ်ဝဲလၢအစှၤကတၢၢ်တဂၤန့ၣ် ကဆဲးလီၤအမံၤလၢ ကရူၢ်တၢ်တိာ်ကျဲၤအပူၤ
- ပှၤမၤတၢ်ဖိကြၢးဝဲဘၣ်ဝဲလၢအတုၤထီၣ်ဘးဒီးတၢ်တိာ်ကျဲၤအတၢ်ဘျၢတဖၣ်န့ၣ် နကဟ့ၣ်ဘၣ်အဝဲသ့ၣ်လၢတၢ်အုၣ်ကီၤကိးဂၤဒဲးလီၤ.
ယဘၣ်ဆိကမိၣ်ထံတၢ်ဂ့ၢ်မနုၤတဖၣ်ဖဲယဃုထၢဆူၣ်ချ့တၢ်အုၣ်ကီၤအတၢ်တိာ်ကျဲၤအခါန့ၣ်လဲၣ်.
ဖဲ တၢ်ဃုထၢပာ်ဆူၣ်ချ့တၢ်တိာ်ကျဲၤ အခါန့ၣ် တၢ်ဂ့ၢ်အရ့ဒိၣ်လၢကဆိကမိၣ်ထံးအီၤအကျါတနီၤန့ၣ်မ့ၢ်ဝဲ:
- ပှၤဟ့ၣ်တၢ်ကွၢ်ထွဲ ဒီး ကသံၣ်ကျးတဖၣ်လၢတၢ်တိာ်ကျဲၤဘျးစဲပူၤ
- ဆူၣ်ချ့တၢ်လိၣ်ဘၣ်လၢနဆိကမိၣ်လၢနကလိၣ်ဘၣ်တဖၣ်
- ကသံၣ်ကသီလၢကသံၣ်သရၣ်ဟ့ၣ်လီၤနၤတဖၣ်
- တၢ်တိာ်ကျဲၤအဘူးအလဲတဖၣ်
ကရူၢ်ဆံးဆံးဖိအတၢ်တိာ်ကျဲၤတဖၣ်န့ၣ် ကမၤစှၤလီၤနခိၣ်နသွဲၣ်, ဒီးကဲဘျုးဘၣ်နၤ မ့ၢ်လၢပှၤကအဲၣ်ဒိးမၤတၢ်မၤဖဲန့ၣ်ဒီးဆဲးမၤတၢ်မၤဖဲန့ၣ်လီၤ.
ယမ့ၢ်မၤယနီၢ်ကစၢ်အတၢ်မၤန့ၣ် ယဆဲးလီၤယမံၤလၢဆူၣ်ချ့တၢ်အုၣ်ကီၤအတၢ်တိာ်ကျဲၤပူၤ ကသ့အခါဖဲလဲၣ်.
နဆဲးလီၤနမံၤလၢကဒိးန့ၢ်ဘၣ်တၢ်အုၣ်ကီၤတၢ်တိာ်ကျဲၤလၢနနီၢ်ကစၢ်မ့ၢ်ဂ့ၤ နဟံၣ်ဖိဃီဖိမ့ၢ်ဂ့ၤ ဖဲတၢ်ဆဲးလီၤမံၤအကတီၢ်အိးထီၣ်သး တနံၣ်တဘျီအကတီၢ်န့ၣ်လီၤ. ဘၣ်ဆၣ်သနါက့,နစးထီၣ်မၤနနီၢ်ကစၢ်တၢ်မၤလၢ 60 သီအတီၢ်ပူၤဖဲနတၢ်အုၣ်ကီၤတအိၣ်လၢၤဘၣ်ခီဖျိနတၢ်မၤတအိၣ်လၢာ်အဃိန့ၣ်ဒီးဘၣ်သ့ၣ်သ့ၣ်နကန့ၢ်အခွဲးလၢ တၢ်ဆဲးလီၤမံၤလီၤဆီအကတီၢ်န့ၣ်လီၤ.
နဆဲးလီၤမံၤလၢကရူၢ်ဆံးဆံးဖိအတၢ်တိာ်ကျဲၤတဖၣ်အဂီၢ်ဒီတနံၣ်ညါသ့လီၤ.
ဃုသ့ၣ်ညါအါထီၣ်ဘၣ်ဃးဆူၣ်ချ့တၢ်အုၣ်ကီၤအဂ့ၢ်
ဆူၣ်ချ့တၢ်အုၣ်ကီၤန့ၣ် မၤတၢ်ဒ်လဲၣ်
ဃုသ့ၣ်ညါဝဲဘၣ်ဃးဒီး အကီးတဖၣ်လၢတၢ်သူအီၤလၢ ဆူၣ်ချ့သနၢၣ်အဂီၢ်