Medicare Advantage ဒီး Minnesota Health Care Programs ကရူၢ်ဖိတဖၣ်အဂီၢ် ကျဲအိၣ်၀ဲအါဘိလၢကသ့ၣ်ညါဘၣ်၀ဲအတၢ်အိၣ်ဆူၣ်အိၣ်ချ့တၢ်ဂ့ၢ်တၢ်ကျိၤတဖၣ်လၢ တၢ်လီၢ်တတီၤဃီန့ၣ်လီၤ.
နမ့အဲၣ်ဒိးသ့ၣ်ညါန့ၣ်, နသူ၀ဲဒၣ် တၢ်ရဲၣ်ကျဲၤလၢအ့ထၢၣ်နဲးအဲး(ပ)("app") လၢခီပနံာ်အဂၤတဖျၢၣ် ("ပှၤသၢဖုတဖု")အတၢ်လၢနကဃုထံၣ်၀ဲဒၣ်ဘၣ်ဃာ်ဆူၣ်ချ့တၢ်ကွၢ်ထွဲဒီးတၢ်အုၣ်ကီၤသ့ၣ်တဖၣ်အတၢ်ဂ့ၢ်တၢ်ကျိၤန့ၣ်လီၤ. နသူ၀ဲဒၣ်တၢ်အံၤသ့စ့ၢ်ကီးဖဲ နလဲထံၣ်လိာ်သးဒီးကသံၣ်သရၣ်လၢကသ့ၣ်ဒၢးအလီၤဆီတဖျၣ် မ့တမ့ၢ် နမ့အိၣ်ဒီးခီပနံာ်အဂၤတဖျၢၣ်အလံာ်အုၣ်ကီၤန့ၣ်လီၤ. တၢ်၀ဲအံၤမ့ၢ်၀ဲတၢ်သ့ၣ်တဖၣ်လၢနကဘၣ်ဆိၣ်ကမိၣ်ဃာ်အီၤတချုးလၢ နပျဲပှၤသၢဖုတဖုအတၢ်ရဲၣ်တၢ်ကျဲၤ(အဲး(ပ))မၤန့ၢ်၀ဲနဆူၣ်ချ့တၢ်ကွၢ်ထွဲအတၢ်ဂ့ၢ်တၢ်ကျိၤတဖၣ်န့ၣ်လီၤ.
တၢ်လၢကနကဘၣ်ကွၢ်ဆိကမိၣ်ထံဆးအီၤ
မ့ၢ်တၢ်အရ့ဒိၣ်လၢကနဘၣ်ဟူးဂဲၤဟံမူဟံဒါလၢနကဒီသဒၢ၀ဲဒၣ် နတၢ်အိၣ်ဆူၣ်အိၣ်ချ့တၢ်ဂ့ၤတၢ်ကျိၤတဖၣ်န့ၣ်လီၤ. နကြၢးဃုဖး၀ဲဒၣ်နီၢ်တဂၤဂ့ၢ်ပာ်ခူၣ်သူၣ်အသနူတၢ်ကွဲးဃာ်အီၤညီညီဖိ လၢအတဲနၢ်ပၢၢ်၀ဲဘၣ်ဃာ်ဒီးအဲး(ပ)အသူ၀ဲဒၣ်နတၢ်ဂ့ၢ်တၢ်ကျိၤတဖၣ်အံၤဒ်လဲၣ်န့ၣ်လီၤ. ပတၢ်ဟ့ၣ်ကူၣ်ဟ့ၣ်ဖးလၢအဘၣ်ဃာ်ဒီး အဲး(ပ) လၢအ့ထၢၣ်နဲးလိၤအဂီၢ်တအိၣ်နီတမံၤဘၣ်. အဲး (ပ) အသနူလၢအကဘၣ်ဒီးသဒၢ၀ဲဒၣ် နီၢ်တဂၤဂ့ၢ်ပာ်ခူၣ်သူၣ်မ့တအိၣ်ဘၣ်ဒီး ပအဲၣ်ဒိးဟ့ၣ်ကူၣ်သုလၢတဘၣ်သူ၀ဲဒၣ်ဘၣ်န့ၣ်လီၤ.
၀ံသးစူၤ, ဆိကမိၣ်ထီၣ်ဘၣ်ဃာ်ဒီးတၢ်သံကွၢ်တဖၣ်အံၤစ့ၢ်ကီး:
- အဲ:(ပ)ကဟံ:န့ၢ်ပာ်ဖှိၣ်၀ဲနတၢ်အိၣ်ဆူၣ်အိၣ်ချ့အဂ့ၢ်ကျိၤမနုၤသ့ၣ်တဖၣ်လဲၣ် မ့ၢ်အကဟံးန့ၢ်၀ဲဒၣ်တၢ်ဂ့ၢ်တၢ်ကျိၤလၢအဘၣ်ဃာ်ဒီးယတၢ်လီၢ်အိၣ်လီၢ်ဆိးအဂ့ၢ်အကျိၤတဖၣ်ဧါ
- ယတၢ်ဂ့ၢ်တၢ်ကျိၤလၢအ၀ဲသ့ၣ်ကဟံပာ်ဃာ်သ့ၣ်တဖၣ်န့ၣ် မ့ၢ်ကပာ်၀ဲဒ်ပှၤအမံၤတဖျါအသိး မ့တမ့ၢ် ကပာ်သဒၢကွံာ်ယမံၤယသၣ်လၢအဘၣ်ထွဲဒီးယတၢ်ဂ့ၢ်တကျိၤတဖၣ်န့ၣ်ဧါ
- အဲး(ပ)အံၤကသူ၀ဲယတၢ်ဂ့ၢ်တၢ်ကျိၤတဖၣ်ဒ်လဲၣ်
- အဲး(ပ)အံၤမ့ၢ်ကဟ့ၣ်ကွံာ်၀ဲယတၢ်ဂ့ၢ်တၢ်ကျိၤတဖၣ်အံၤဆူ ပှၤသဖုတဖုအအိၣ်စ့ၣ်ဧါ
- အဲး(ပ)အံၤမ့ၢ်ကဆါကွံာ်၀ဲဒၣ်ယတၢ်ဂ့ၢ်တၢ်ကျိၤတဖၣ်လၢတၢ်ဂ့ၢ်တမံၤမံၤအဂီၢ် ဒ်အမ့ၢ် လၢတၢ်ဘိးဘၣ်ရၤလီၤအဂီၢ် မ့တမ့ၢ် တၢ်ဃုထံၣ်ညါနၢ်ပၢၢ်တၢ်ဂီၢ်န့ၣ်ဧါ
- အဲ:(ပ)ကနီၤဟ့ၣ်၀ဲယတၢ်ဂ့ၢ်တၢ်ကျိၤတဖၣ်အံၤလၢ တၢ်ဂ့ၢ်တမံၤမံၤအဃိစ့ၣ်ဧါ မ့မ့ၢ်န့ၣ်ဒီး, ကနီၤဟ့ၣ်၀ဲဆူ မတၤဂၤအအိၣ်လဲၣ်ဒီး လၢတၢ်မနုၤအဂီၢ်လဲၣ်
- ယကတြီဃာ် အဲ:(ပ)လၢကသူဒီးနီၤဟ့ၣ် မ့တမ့ၢ် ဆါအီၣ် ယတၢ်ဂ့ၢ်တကျိၤတဖၣ်အံၤဒ်လဲၣ်
- လၢတၢ်ဒီသဒၢယတၢ်ဂ့ၢ်တၢ်ကျိၤတဖၣ်အဂီၢ် အဲ:(ပ) ကသူ၀ဲတၢ်ဒီသဒၢအက့ၢ်အဂီၢ်မနုၤသ့ၣ်လဲၣ်
- မ့ၢ်လၢအဲ:(ပ)တခါအံၤနီၤဟ့ၣ်၀ဲဒၣ်ယတၢ်ဂ့ၢ်တၢ်ကျိၤတဖၣ်အံၤဆူပှၤအဂုၤအဂၤအိၣ်အဃိ, အကမၤဘၣ်ဒိ၀ဲယဟံၣ်ဖိဃီဖိတဖၣ်သ့ဒ်လဲၣ်
- ကရူၢ်ဖိတဖၣ်ဧါ
- ယကနုာ်လီၤကွၢ်ဒီးဘှီဘၣ်က့ၤ ယတၢ်ဂ့ၢ်တၢ်ကျိၤကမၣ်လၢအအိၣ်လၢ အဲ:(ပ)တခါအံၤအပူန့ၣ်သ့ဒ်လဲၣ်
- အဲး(ပ) အကျိၤအကျဲအိၣ်၀ဲတခါခါလၢ ကတူၢ်လိာ်ဒီးစံးဆၢ၀ဲဒၣ် ပှၤသူကွဲၤထံၣ်ဟူတၢ်ရဲၣ်တၢ်ကျဲၤတခါအံၤ အတၢ်လိာ်ကွီၢ်အိၣ်စ့ၣ်ဧါ
- ယမ့ၢ်တအဲၣ်ဒိးသူ၀ဲအဲး(ပ)တခါအံၤလၢာ်ဘၣ်, မ့တမ့ၢ် ယမ့တအဲၣ်ဒိးလၢအဲး(ပ)တခါအံၤ မၤန့ၢ်ယတၢ်ဂ့ၢ်တၢ်ကျိၤတခါအ့ၤလၢာ်ဘၣ်န့ၣ်, ယကဘၣ်ပတုာ်အီးဒ်လဲၣ်
- တုၤမ့ၢ်ယပတုာ်ကွံာ်တၢ်သူ၀ဲကွံၤထံၣ်ဟူတၢ်ရဲၣ်တၢ်ကျဲၤတခါအံၤတဘျီဃီန့ၣ် အဲး(ပ)တခါအံၤအသနူအိၣ်မနုၤလဲၣ် လၢအကတြူာ်သံကွံယတၢ်ဂ့ၢ်တၢ်ကျိၤတဖၣ်အံၤအဂီၢ်န့ၣ်မ့ၢ်မနုၤလဲၣ် လၢယကတြူာ်သံကွံာ်ဒီးပတုၤသူ၀ဲဒၣ်အဲး(ပ)အံၤအဂီၢ် မ့ၢ်ထဲတၢ်တြူာ်သံကွံာ်ဆူယလီတဲစိပူတခါလီဧါ မ့တမ့ၢ် တၢ်အကျိၤအကျဲလၢအဂာ်အိၣ်ဒံးတခါခါန့ၣ်ဧါ
- အဲး(ပ)တခါအံၤကဒုးသ့ၣ်ညါဘၣ် ပှၤသူတၢ်ဖိတဖၣ်လၢအတၢ်ဆီလဲန့ၣ် မၤဘၣ်ဒိ၀ဲဒၣ်အနီၢ်တဂၤဂ့ၢ်ပာ်ခူၣ်သူၣ်တၢ်ဂဲၤလိာ်တဖၣ်သ့ဒ်လဲၣ်
အဲး(ပ)တခါအံၤမ့တဒုးသ့ၣ်ညါဘၣ်နၤဘၣ်ဃးဒီးအ၀ဲသ့ၣ်ပၢဆှၢ၀ဲဒၣ်နီၢ်တဂၤဂ့ၢ်ပာ်ခူၣ်သူၣ်အသနူလီၤတံၢ်လီၤစဲးဘၣ်ဒီး နကြၢးဆိကမိၣ်ကွၢ်ကဒါက့ၤလၢ နသူ၀ဲဒၣ်အဲး(ပ)တခါလၢ နကနုာ်လီၤကွၢ်နတၢ်အိၣ်ဆူၣ်အိၣ်ချ့အတၢ်ဂ့ၢ်တၢ်ကျိၤတဖၣ်အဂီၢ်န့ၣ်လီၤ. တၢ်အိၣ်ဆူၣ်အိၣ်ချ့တၢ်ဂ့ၢ်တၢ်ကျိၤန့ၣ်မ့ၢ်တၢ်ဂ့ၢ်လၢ အမၤဘၣ်ဒိပှၤတဂၢ်လၢ်လၢ်ညီဒိၣ်မၤအဃိ နကဘၣ်ရဲၣ်ကျဲၤအီၤမ့ၢ်လီၤတံၢ်လီၤစဲးန့ၣ်လီၤ. နကဘၣ်ဃုထၢ၀ဲဒၣ် အဲး(ပ) တဖၣ်လၢ အအိၣ်ဒီးသနူလၢ အဒီသဒၢ၀ဲနီၢ်တဂာ်ဂ့ၢ်ပာ်ခူၣ်သူၣ်ဒီးတၢ်ဘံၣ်တၢ်ဘၢအပတီၢ်လၢအလီၤတံၢ်လီၤစဲးန့ၣ်လီၤ.
နတၢ်ခွဲးတၢ်ယာ်တဖၣ်လၢ HIPAA အဖီလာ်
လၢ ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA) အဖီလာ်န့ၣ် နတၢ်ခွဲးတၢ်ယာ်အိၣ်၀ဲဒၣ်န့ၣ်လီၤ. U.S. အဆူၣ်ချ့၀ဲၤကျိၤ ဒီး တၢ်ဆီၣ်ထွဲမၤစၢၤပှၤကညီအ၀ဲၤဒၢးလၢပှၤကမျၢၢ်ခွဲးယာ်အဂီၢ်အံၤ ဆီၣ်သနံး၀ဲဒၣ်တၢ်၀ဲသ့ၣ်တဖၣ်န့ၣ်ဃုာ်ဒီး ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA) နီၢ်တဂၤဂ့ၢ်ပာ်ခူၣ်သူၣ်, တၢ်ဒီသဒၢ ဒီးတၢ်မၤကမၤတၢ်သိၣ်တၢ်သီအတၢ်ဒုးသ့ၣ်နီၣ်တၢ်, ဒီးတၢ်သိၣ်တၢ်သီဒီးပှၤဆါတၢ်ဘံၣ်တၢ်ဘၢတၢ်ဘျၢ. Blue Cross န့ၣ်အိၣ်၀ဲလၢ ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA) အဖီလာ်, ဒီးပှၤလၢအအိၣ်ဒီးဆူၣ်ချ့တၢ်ကွၢ်ထွဲအပှၤမၤတၢ်ဖိ ဒ်အမ့ၢ် တၢ်ဆါဟံၣ်တဖၣ်, ကသံၣ်သရၣ်တဖၣ်, ကသံၣ်ဒၢးတဖၣ် ဒီးမဲကသံၣ်သရၣ်တဖၣ်န့ၣ်လီၤ.
တၢ်အရ့ဒိၣ်း ပှၤသၢဖုတဖု အဲး (ပ)အံၤnot ဘၣ်တၢ်ကွၢ်ထွဲအီၤလၢ ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA) န့ၣ်လီၤ. ပှၤသၢဖုတဖုအအဲး(ပ)န့ၣ်ကဘၣ်လူၤပိာ်ထွဲ၀ဲဒၣ် ကီၢ်စၢဖှိၣ်တၢ်ကူလဲၢ်မၤကၤခီၣ်မံးၡၢၣ် (FTC) တၢ်သိၣ်တၢ်သီဒီး တၢ်ဒီသဒီတၢ်ဘျၢလၢအအိၣ်လၢ (FTC) တၢ်ဘျၢအဖီလာ်န့ၣ်လီၤ.လၢတၢ်အါမံၤအကျါ, (FTC) တၢ်ဘျၢန့ၣ်အထီဒါ၀ဲဒၣ် တၢ်ကွဲန့ၢ်လွဲန့ၢ်တၢ် (တၢ်အဒိ, ပှၤသၢဖုတဖုအံၤအိၣ်ဒီးနီၢ်တဂၤဂ့ၢ်ပာ်ခူၣ်သူၣ်အသနူသန့ာ်က့ မ့ၢ်နီၤဟ့ၣ်ဘၣ်နီၢ်တဂၤတၢ်ဂ့ၢ်တၢ်ကျိၤလၢ ပှၤနီၢ်ကစၢ်တဟ့ၣ်အခွဲးဘၣ်ဆူပှၤဂၤအအိၣ်) န့ၣ်လီၤ.
ဃုသ့ၣ်ညါအါထီၣ်ဘၣ်ဃာ်ပှၤဆါတၢ်ခွဲးတၢ်ယာ်လၢ ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA)အဖီလာ် ဒီးမတၤသ့ၣ်တဖၣ်ကဘၣ်လူၤပိာ်ထွဲ၀ဲ HIPAA န့ၣ်တက့ၢ်
ဖးကွၢ် ဆူၣ်ချ့တၢ်အုၣ်ကီၤအတၢ်ဆီတလဲဒီးတၢ်ဒီသဒၢတၢ်ဘျၢ (HIPAA) တၢ်သံကွၢ်စံးဆၢ
ဖးကွၢ် ကီၢ်စၢဖှိၣ်တၢ်ကူလဲၢ်မၤကၤခီၣ်မံးၡၢၣ် (FTC) အတၢ်ဂ့ၢ်တၢ်ကျိၤဘၣ်ဃာ် နကဘၣ်ဒီသဒၢနနီၢ်ကစၢ်ဂ့ၢ်ဘပာ်ခူၣ်သူၣ်တဖၣ်လၢ အဲး (ပ)အပူၤတဖၣ်
ပတံထီၣ် လံာ်လိာ်ကွီၢ်
နမ့နာ်လၢ အဲး(ပ)အံၤ မၤတၢ်တဘၣ်ဘျိးဘၣ်ဒါဒ်အမ့ၢ် ပာ်ဖျါထီၣ် မ့တမ့ၢ် ဆါအီၣ်နတၢ်ဂ့ၢ်တၢ်ကျိၤဆူပှၤအဂၤန့ၣ်, နကြၢးဆဲးကျိးဘၣ် ကီၢ်စၢဖှိၣ်တၢ်ကူလဲၢ်မၤကၤခီၣ်မံးၡၢၣ် (FTC) န့ၣ်တက့ၢ်. နလဲၤပတံထီၣ်၀ဲဒၣ်လံာ်လိာ်ကွီၢ်ဆူ ကီၢ်စၢဖှိၣ်တၢ်ကူလဲၢ်မၤကၤခီၣ်မံးၡၢၣ် (FTC) အအိၣ် ခီဖျိFTC တၢ်လိာ်ကွီၢ်ပှၤမၤစၢၤတၢ် အအိၣ်န့ၣ်သ့ဝဲလီၤ.
နလဲၤ ပတံထီၣ်စ့ၢ်ကီးလံာ်လိာ်ကွီၢ်ဆူကမျၢၢ်အခွဲးအယာ်၀ဲၤဒၢး သ့စ့ၢ်ကီးန့ၣ်လီၤ.
နလဲၤပတံထီၣ်စ့ၢ်ကီး လံာ်လိာ်ကွီၢ်ဆူပအိၣ်ခီဖျိလံာ်ပရၢသ့ၣ်၀ဲဖဲ:
Blue Cross ဒီး Blue Shield လၢ Minnesota ဒီး Blue Plus
ပာ်သူၣ်ပာ်သး : နီၢ်တဂၤဂ့ၢ်ပာ်ခူၣ်သူၣ် ပှၤဘၣ်မူဘၣ်ဒါ
ပှၤဆှၢလံာ်ပရၢအတလါနီၣ်ဂံၢ်64560
St. Paul, MN 55165
တိၢ်နီၣ်:နမ့အဲၣ်ဒိးသူ၀ဲဒၣ်ပှၤသၢဖုတဖုအဲး (ပ)န့ၣ် နလဲၤဃုကွၢ်ဒီးဟံထုးန့ၢ်ဘၣ် အဲး(ပ)အကျး (app store )ပူၤသ့ၣ်၀ဲဒၣ်န့ၣ်လီၤ. ဘၣ်ဃာ်ဒီး ပှၤသၢဖုတဖုအအဲး(ပ)အံၤ Blue Cross တအုၣ်ကီၤဒီးတၢ်ဟ့ၣ်ကူၣ်ဟ့ၣ်ဖးတအိၣ်နီၢ်တမံၤဘၣ်န့ၣ်လီၤ. နမ့ဟ့ၣ်အခွဲးလၢ ပှၤသၢဖုတဖုအ့ၤကသူ၀ဲဒၣ် န Blue Cross ဆူၣ်ချ့တၢ်ဂ့ၢ်တၢ်ကျိၤတဖၣ်န့ၣ်, နကဘၣ်အၢၣ်လီၤတူၢ်လိာ်လၢ နနၢ်ပၢၢ်ဒီးသးလီၤပလိာ်၀ဲဒၣ်တၢ်ပာ်ဖျါ ဒီးနီၤဟ့ၣ်လီၤကွံာ်တၢ်ဂ့ၢ်တၢ်ကျိၤဒ်တၢ်ဘျၢအသိး အမ့ၢ်ပတၢ်ဖံးတၢ်မၤအကျိၤအကျဲအသိးန့ၣ်လီၤ.
မ့ၢ်နအိၣ်ဒီးနနီၢ်ကစၢ်ခၢၣ်စးတဂၤဂၤဧါစ့ၣ်ဧါ
နဃုထၢဒီးပျဲပှၤတဂၤဂၤလၢ ကသူ၀ဲဒၣ်နပှၤသၢဖုတဖုအအဲး(ပ)လၢနအဂီၢ်န့ၣ်လီၤ. မၤလိအါထီၣ်၀ဲဒၣ်ဘၣ်ဃာ် တၢ်ဟ့ၣ်စိဟ့ၣ်ကမီၤ၀ဲခၢၣ်စး.